DOCSLIB.ORG

Majadiliano Ya Bunge

Total Page：16

File Type：pdf, Size：1020Kb

Download full-text PDF Read full-text
Majadiliano Ya Bunge NAKALA YA MTANDAO (ONLINE DOCUMENT) BUNGE LA TANZANIA _____________ MAJADILIANO YA BUNGE _____________ MKUTANO WA ISHIRINI Kikao cha Ishirini na Nne – Tarehe 8 Juni, 2015 (Mkutano Ulianza Saa 3.00 Asubuhi) DUA Spika (Mhe. Anne S. Makinda) Alisoma Dua HATI ZILIZOWASILISHWA MEZANI Hati zifuatazo ziliwasilishwa Mezani na:- NAIBU WAZIRI WA ARDHI, NYUMBA NA MAENDELEO YA MAKAZI: Hotuba ya Bajeti ya Wizara ya Ardhi, Nyumba na Maendeleo ya Makazi kwa Mwaka wa Fedha 2015/2016. MHE. ESTER A. BULAYA (K.n.y. MHE. JAMES D. LEMBELI - MWENYEKITI WA KAMATI YA ARDHI, MALIASILI NA MAZINGIRA): Taarifa ya Kamati ya Kudumu ya Bunge ya Ardhi, Maliasili na Mazingira, Kuhusu Utekelezaji wa Majukumu ya Wizara ya Ardhi, Nyumba na Maendeleo ya Makazi kwa Mwaka wa Fedha 2014/2015, pamoja na Maoni ya Kamati Kuhusu Makadirio ya Mapato na Matumizi ya Wizara hiyo kwa Mwaka wa Fedha 2015/2016. MHE. MCH. PETER S. MSIGWA (K.n.y. MHE. HALIMA J. MDEE - MSEMAJI MKUU WA KAMBI YA UPINZANI KWA WIZARA YA ARDHI, NYUMBA NA MAENDELEO YA MAKAZI): Taarifa ya Msemaji Mkuu wa Kambi ya Upinzani kuhusu Makadirio ya Matumizi ya Fedha kwa Wizara ya Ardhi, Nyumba na Maendeleo ya Makazi kwa Mwaka wa Fedha 2015/2016. 1 NAKALA YA MTANDAO (ONLINE DOCUMENT) SPIKA: Ahsante Mchungaji Msigwa. Katibu! MASWALI NA MAJIBU SPIKA: Waheshimiwa Wabunge, Maswali tunaanza na Ofisi ya Waziri Mkuu; atakayeuliza swali la kwanza, Mheshimiwa Mchungaji Luckson Mwanjale. Na. 160 Ujenzi wa Stendi na Barabara za Mji wa Mbalizi MHE. MCH. LUCKSON N. MWANJALE aliuliza:- Ujenzi wa stendi na barabara zake katika Mji Mdogo wa Mbalizi ulikuwa ni sehemu ya ahadi ya Mheshimiwa Rais wakati wa Kampeni za mwaka 2010:- Je, Serikali imetenga fedha kwa ajili ya utekelezaji wa ahadi hiyo? SPIKA: Ahsante. Mheshimiwa Naibu Waziri, majibu! Watu wote wamekwenda kutangaza nia hawapo humu. (Kicheko) NAIBU WAZIRI, OFISI YA WAZIRI MKUU, TAWALA ZA MIKOA NA SERIKALI ZA MITAA (ELIMU) alijibu:- Mheshimiwa Spika, kwa niaba ya Mheshimiwa Waziri Mkuu, naomba kujibu swali la Mheshimiwa Mchungaji Luckson Ndaga Mwanjale, Mbunge wa Mbeya Vijijini, kama ifuatavyo:- Mheshimiwa Spika, stendi ya mabasi iliyopo katika Mji Mdogo wa Mbalizi na inayotumika ina ukubwa wa mita za mraba 9,209 na inamilikiwa na Halmashauri ya Wilaya ya Mbeya. Kwa sasa inatumika kwa ajili ya mabasi madogo, daladala na mabasi yaendayo Mikoani. Aidha, Halmashauri ina barabara yenye urefu wa kilometa 1.3 iliyojengwa kwa kiwango cha lami. Mheshimiwa Spika, tayari Halmashauri imekamilisha michoro kwa ajili ya kujenga stendi pamoja na barabara. Tathmini iliyofanyika mwaka wa fedha 2010/2011, ili kuboresha miundombinu ya barabara na stendi hiyo ilionesha kuwa, ili stendi hiyo pamoja na ujenzi wa barabara kwa kiwango cha lami viweze kukamilika, jumla ya shilingi bilioni 1.3 zilihitajika. Kutokana na gharama za ujenzi kupanda, tathmini iliyofanyika katika mwaka wa fedha 2015/2016, inaonesha kuwa, jumla ya shilingi bilioni 1.6 zitatumika kukamilisha ujenzi huo. 2 NAKALA YA MTANDAO (ONLINE DOCUMENT) Mheshimiwa Spika, katika kutekeleza ahadi ya Mheshimiwa Rais, Halmashauri katika mwaka wa fedha wa 2011/2012, ilipokea jumla ya sh. 150,843,468/= kutoka Serikali Kuu kwa ajili ya uboreshaji wa stendi hiyo, ambapo jumla ya mita za mraba 2,161.25 zilijengwa kwa kuzijengea tofali kati ya mita za mraba 6,117 za stendi hiyo. Aidha, ili ujenzi wa stendi hiyo uweze kukamilika kwa kuweka tofali jumla ya sh. 338,954,000/= zinahitajika. Mheshimiwa Spika, kwa mwaka wa fedha 2013/2014, Halmashauri ilitenga fedha jumla ya shilingi milioni 525.7 kwa ajili ya ujenzi wa barabara kwa kiwango cha lami, ambapo jumla ya kilometa 1.3 zinaendelea kujengwa. Aidha, kwa mwaka wa fedha 2015/2016, jumla ya shilingi milioni 150 zimetengwa katika vyanzo vya mapato ya ndani, ili kujenga jumla ya mita za mraba 2,000 katika stendi hiyo na shilingi milioni 566.7 zimetengwa ili kukamilisha ujenzi wa barabara katika mji huo. MHE. MCH. LUCKSON N. MWANJALE: Mheshimiwa Spika, ahsante. Naomba niulize maswali mawili ya nyongeza. Swali la kwanza; kwa kuwa, mapato ya Halmashauri ya Mbeya Vijijini hayazidi bilioni mbili kwa mwaka na barabara hiyo, inakisiwa kwamba, itachukua shilingi bilioni 1.6; hamuoni kwamba, kama hela za ndani za Halmashauri zitatumika kujenga, basi ina maana maeneo mengine yote na barabara zingine zote hazitajengwa? Naomba Serikali iniambie kwamba, je, itakuwa tayari sasa kuisaidia Halmashauri kutenga hela kwa ajili ya kumalizia ujenzi wa stendi pamoja na barabara zake? Mheshimiwa Spika, swali la pili, Mbeya Vijijini ina vijiji 150 ambavyo vijiji hivi hutegemea misaada yote kutoka katika Halmashauri ambayo kama nilivyosema, fedha inayopatikana ni kidogo sana. Je, Serikali kwa sababu, ilianza kutoa hela shilingi milioni 150 kwa ajili ya ujenzi wa stendi na barabara, je, haiko tayari sasa kutoa fedha hiyo kumalizia ile stendi na barabara? Ahsante. SPIKA: Ahsante. Mheshimiwa Naibu Waziri, majibu! NAIBU WAZIRI, OFISI YA WAZIRI MKUU, TAWALA ZA MIKOA NA SERIKALI ZA MITAA (ELIMU): Mheshimiwa Spika, Serikali kwa utaratibu ambao tunao huwa tunatenga fedha kwa ajili ya kuendesha miradi ambayo inabuniwa kwenye Halmashauri, lakini Halmashauri zenyewe zinaweka kipaumbele kwa jambo ambalo halihitaji pamoja na kutenga fedha kupitia kwenye bajeti yake na bajeti ya mapato ya ndani hukadiriwa kutokana na makusanyo ya kila mwaka ambayo wanajua wanavyokusanya kiwango hicho na mipango yao ya kazi inaendana na makusanyo waliyonayo. 3 NAKALA YA MTANDAO (ONLINE DOCUMENT) Mheshimiwa Spika, kwa kuwa, ukusanyaji sasa tumeendelea kuuwekea mkazo na Halmashauri nyingi zimeonesha zinakusanya kwa zaidi ya 80%, tunayo matarajio kwamba, mchango ule wa Halmashauri wanaweza kufikia hatua, lakini watakaposhindwa tunao utaratibu wa barua maalum, maombi maalum kwa Wizara na kama Wizara tunakuwa na uwezo tunasaidia. Mheshimiwa Spika, sasa hii ni pamoja na swali la pili ambalo linasema wingi wa vijiji na barabara zake; bado barabara hizi zilizoko kwenye Halmashauri zinazounganisha vijiji na vijiji zinakuwa ziko ndani ya Halmashauri yenyewe. Hata hivyo, tuna ule Mfuko wa Barabara ambao pia, kama Halmashauri imekidhi vigezo kwanza kuwa na Engineer ambaye amepata taaluma ya kutosha, lakini mbili, barabara hizo kuwa na mahitaji ya kujenga barabara mpya kwa maana ya kwa kiwango cha changarawe, tunaweza pia, kuona uwezekano wa kuangalia mapato ya ndani waliyotenga, Mfuko wa Barabara na mahitaji ambayo yanatakiwa yakamilishwe, ili kuweza kukamilisha barabara hizo zinazounganisha vijiji kwenye maeneo yote. SPIKA: Ahsante. Tunaendelea na swali linalofuata, litaulizwa na Mheshimiwa Moshi Selemani Kakoso, kwa niaba yake Mheshimiwa Ester Bulaya! Na. 161 Uhaba wa Walimu Shule za Sekondari Mpanda Vijijini MHE. ESTER A. BULAYA (K.n.y. MHE. MOSHI S. KAKOSO) aliuliza:- Jimbo la Mpanda Vijijini lina shule za sekondari saba ambazo ziko katika Kata ya Karema, Ikola, Kabungu, Katuma, Mishamo na Mpanda Ndogo, lakini shule hizo zina upungufu mkubwa wa Walimu:- (a) Je, ni lini Serikali itapeleka Walimu wa kutosha katika shule hizo za Mpanda Vijijini? (b) Je, Serikali haioni kuwa kutokuwa na Walimu kumesababisha kushuka kwa elimu na hivyo kuwafanya wanafunzi kufeli mitihani? NAIBU WAZIRI, OFISI YA WAZIRI MKUU, TAWALA ZA MIKOA NA SERIKALI ZA MITAA (ELIMU) alijibu:- Mheshimiwa Spika, kwa niaba ya Mheshimiwa Waziri Mkuu, naomba kujibu swali la Mheshimiwa Moshi Selemani Kakoso, Mbunge wa Mpanda Vijijini, lenye sehemu (a) na (b), kama ifuatavyo:- 4 NAKALA YA MTANDAO (ONLINE DOCUMENT) (a) Mheshimiwa Spika, Serikali kwa kushirikiana na sekta binafsi imeongeza idadi ya Vyuo vya Ualimu, Vyuo Vikuu na udahili katika kozi za ualimu pamoja na kuajiri Walimu kadiri wanavyofaulu. Mkakati huu umewezesha Serikali kwa mwaka huu wa 2015, kuajiri na kuwapanga katika shule za Sekondari Walimu 19,261. Kati ya hao Walimu 65 wamepangiwa Mpanda Vijijini na imewapanga katika shule za Kabungu Walimu watano, Mpanda Ndogo Walimu tisa, Katuma Ikoa Walimu 10, Mishamo Walimu 12, Mwese Walimu sita na Karema Walimu 10. (b) Mheshimiwa Spika, Serikali imeendelea kuimarisha utoaji wa elimu ya sekondari nchini kupitia Mpango wa Maendeleo ya Elimu ya Sekondari, maarufu unajulikana kama MMES, ikiwemo kuhakikisha upatikanaji wa Walimu, vitabu, miundombinu na kuimarisha usimamizi. Mikakati hii imewezesha kuongeza kiwango cha ufaulu kutoka 43% mwaka 2012 hadi 69.7% mwaka 2014. Serikali itaendelea kuhakikisha kuwa Walimu, hususan wa masomo ya sayansi, wanapatikana wa kutosha katika shule zote na ifikapo mwaka 2016, Serikali itakuwa imekamilisha mradi wa ujenzi wa miundombinu kwa shule 528 zikiwemo shule za Ikola, Ilela, Utembe na Mamba. SPIKA: Ahsante. Mheshimiwa Ester Bulaya, maswali ya nyongeza! MHE. ESTER A. BULAYA: Mheshimiwa Spika, nashukuru kwa majibu ya Mheshimiwa Naibu Waziri. Kupeleka Walimu ni jambo lingine, lakini kuhakikisha Walimu wanafika mashuleni na lenyewe ni jambo lingine. Mheshimiwa Spika, changamoto kubwa tuliyonayo ni miundombinu yani mazingira mabovu ya Walimu, kwa mfano kumekuwa na tatizo kubwa sana la nyumba za Walimu, usafiri na kiasi kwamba, mbali ya kwamba, tumewapeleka Walimu bado hawako tayari kwenda maeneo ya vijijini. Mwisho wa siku inabakia figure kwamba, Walimu wamekwenda, lakini tatizo la uhaba wa Walimu halimaliziki. Je, ni lini sasa Serikali mtahakikisha mnajenga nyumba za Walimu na kuboresha mazingira yao, ili wabaki kule mnakowapeleka, ili tatizo la Walimu liondoke katika Jimbo la Mheshimiwa Kakoso? Hilo la kwanza. Mheshimiwa Spika, swali la pili, pia shule nyingi zimekuwa na uhaba wa Walimu wa kike ikiwepo shule ya msingi Kunzugu, Jimbo la Bunda. Ni lini sasa tatizo
Load more

Recommended publications
  • Majadiliano Ya Bunge ______
    Hii ni Nakala ya Mtandao (Online Document) BUNGE LA TANZANIA ______________ MAJADILIANO YA BUNGE ______________ MKUTANO WA KUMI NA TISA Kikao cha Tatu – Tarehe 15 APRILI, 2010 (Mkutano Ulianza Saa Tatu Asubuhi) D U A Naibu Spika (Mhe. Anne S. Makinda) Alisoma Dua MASWALI KWA WAZIRI MKUU NAIBU SPIKA: Maswali kwa Waziri Mkuu leo kiongozi wa Upinzani Bungeni hayupo kwa hiyo nitaenda na orodha za wachangiaji na nitakuwa ninakwenda kufuatana na itikadi ya chama, upande, gender na vitu kama hivyo. Kwa hiyo, walioko hapa wasidhani watakwenda kama ilivyoorodheshwa. Kwa hiyo, nitaanza na msemaji wa kwanza Mheshimiwa Dr. Willibrod Slaa. MHE. DR. WILLIBROD P. SLAA: Mheshimiwa Naibu Spika, nakushukuru kunipa nafasi, Mheshimiwa Waziri Mkuu sasa ni takribani mwaka mzima tangu nilipoanza kuhoji, mimi na Wabunge wenzangu, tulipoanza kuhoji kuhusu ubadhirifu na tuhuma mbalimbali zilizokuwa zinakabili matumizi ya fedha za umma zilizofanywa na makampuni kama Mwananchi Gold Company, Tan Gold, Kagoda, Deep Green na mengine mengi ambayo yalitajwa ndani ya ukumbi huu. Kwa nyakati tofauti maelezo mbalimbali yametolewa ndani ya Bunge. Mpaka leo hatujapata taarifa ya kinachoendelea. Bunge hili lenye jukumu la kuisimamia Serikali halijui au wananchi hawajui kama kuna kitu kinaendelea je, Serikali inatoa kauli gani kuhusu ubadhirifu huo? WAZIRI MKUU: Mheshimiwa Naibu Spika, mimi naamini kabisa Dr. Slaa, hutegemei kwamba kweli nitaweza kujibu maswali hayo uliyoyauliza kwamba mimi nina maelezo juu ya Kagoda, maelezo juu ya nani, is not possible nadhani si sahihi kabisa. (Makofi) Mimi ninachoweza kusema ni kwamba jitihada za Serikali zipo zimekuwa zikionekana katika maeneo ambayo yameshaanza kufanyiwa kazi. Sasa kama kuna maeneo ambayo bado hayajafanyiwa kazi jitihada za Serikali zitaendelea kwa kadri itakavyowezekana.
    [Show full text]
  • Issued by the Britain-Tanzania Society No 124 Sept 2019
    Tanzanian Affairs Issued by the Britain-Tanzania Society No 124 Sept 2019 Feathers Ruffled in CCM Plastic Bag Ban TSh 33 trillion annual budget Ben Taylor: FEATHERS RUFFLED IN CCM Two former Secretary Generals of the ruling party, CCM, Abdulrahman Kinana and Yusuf Makamba, stirred up a very public argument at the highest levels of the party in July. They wrote a letter to the Elders’ Council, an advisory body within the party, warning of the dangers that “unfounded allegations” in a tabloid newspaper pose to the party’s “unity, solidarity and tranquillity.” Selection of newspaper covers from July featuring the devloping story cover photo: President Magufuli visits the fish market in Dar-es-Salaam following the plastic bag ban (see page 5) - photo State House Politics 3 This refers to the frequent allegations by publisher, Mr Cyprian Musiba, in his newspapers and on social media, that several senior figures within the party were involved in a plot to undermine the leadership of President John Magufuli. The supposed plotters named by Mr Musiba include Kinana and Makamba, as well as former Foreign Affairs Minister, Bernard Membe, various opposition leaders, government officials and civil society activists. Mr Musiba has styled himself as a “media activist” seeking to “defend the President against a plot to sabotage him.” His publications have consistently backed President Magufuli and ferociously attacked many within the party and outside, on the basis of little or no evidence. Mr Makamba and Mr Kinana, who served as CCM’s secretary generals between 2009 to 2011 and 2012-2018 respectively, called on the party’s elders to intervene.
    [Show full text]
  • Tarehe 4 Aprili, 2019
    NAKALA MTANDAO(ONLINE DOCUMENT) BUNGE LA TANZANIA ________ MAJADILIANO YA BUNGE _________ MKUTANO WA KUMI NA TANO Kikao cha Tatu – Tarehe 4 Aprili, 2019 (Bunge Lilianza Saa Tatu Asubuhi) D U A Spika (Mhe. Job Y. Ndugai) Alisoma Dua SPIKA: Waheshimiwa Wabunge, naomba tukae. Leo ni kikao cha tatu cha Mkutano wetu wa Kumi na Tano. Katibu! NDG. STEPHEN KAGAIGAI – KATIBU WA BUNGE: HATI ZILIZOWASILISHWA MEZANI: Hati Zifuatazo Ziliwasilishwa Mezani na:- WAZIRI WA NCHI, OFISI YA WAZIRI MKUU, SERA, BUNGE, AJIRA, KAZI VIJANA NA WAZEE NA WENYE ULEMAVU: Taarifa ya Bajeti ya Ofisi ya Waziri Mkuu kwa mwaka wa fedha 2019/2020. MHE. MOHAMED O. MCHENGERWA - MWENYEKITI WA KAMATI YA KUDUMU YA BUNGE YA KATIBA NA SHERIA: Taarifa 1 NAKALA MTANDAO(ONLINE DOCUMENT) ya Kamati ya Kudumu ya Bunge ya Katiba na Sheria kuhusu utekelezaji wa majukumu ya Ofisi ya Waziri Mkuu kwa mwaka wa fedha 2018/2019 pamoja na Maoni ya Kamati kuhusu Makadirio ya Mapato na Matumizi ya Ofisi hiyo kwa mwaka wa fedha 2019/2020. MHE. HASNA S.K. MWILIMA (K.n.y. MWENYEKITI WA KAMATI YA KUDUMU YA BUNGE YA BAJETI): Taarifa ya Kamati ya Kudumu ya Bunge ya Bajeti kuhusu utekelezaji wa Bajeti ya Mfuko wa Bunge kwa Mwaka wa Fedha 2018/2019 pamoja na Maoni ya Kamati kuhusu Makadirio ya Mapato na Matumizi ya Mfuko huo kwa Mwaka wa Fedha 2019/2020. MHE. DKT. JASMINE T. BUNGA - MAKAMU MWENYEKITI WA KAMATI YA KUDUMU YA BUNGE YA MASUALA YA UKIMWI: Taarifa ya Kamati ya Kudumu ya Bunge ya Masuala ya UKIMWI kuhusu utekelezaji wa Bajeti ya Ofisi ya Waziri Mkuu (Tume ya Uratibu na Udhibiti wa UKIMWI) kwa mwaka wa fedha 2018/2019 pamoja na Maoni ya Kamati kuhusu Makadirio ya Mapato na Matumizi ya Ofisi hiyo kwa mwaka wa fedha 2019/2020.
    [Show full text]
  • 6 MEI, 2013 MREMA 1.Pmd
    6 MEI, 2013 BUNGE LA TANZANIA ________________ MAJADILIANO YA BUNGE ___________________ MKUTANO WA KUMI NA MOJA Kikao cha Kumi na Tisa – Tarehe 6 Mei, 2013 (Mkutano Ulianza Saa 3.00 Asubuhi) D U A Spika (Mhe. Anne S. Makinda) Alisoma Dua SPIKA: Waheshimiwa Wabunge tukae. Waheshimiwa, mtakuwa mmepata Supplementary Order Paper, halafu na ile paper ya kwanza Supplementary hiki ni Kikao cha 19, wameandika 18 ni Kikao cha 19. Kwa hiyo, mtakuwa na Supplementary Order Paper. Katibu tuendelee? HATI ZILIZOWASILISHWA MEZANI Hati Zifuatayo Ziliwasilishwa Mezani na:- NAIBU WAZIRI WA MAMBO YA NDANI YA NCHI: Hotuba ya Bajeti ya Wizara ya Mambo ya Ndani ya Nchi kwa Mwaka wa Fedha 2013/2014. 1 6 MEI, 2013 MHE. AUGUSTINO M. MASELE (K.n.y. MWENYEKITI WA KAMATI YA ULINZI NA USALAMA): Taarifa ya Kamati ya Kudumu ya Bunge ya Ulinzi na Usalama Kuhusu Utekelezaji wa Majukumu ya Wizara ya Mambo ya Ndani ya Nchi kwa Mwaka wa Fedha 2012/2013 Pamoja na Maoni ya Kamati Kuhusu Makadirio ya Mapato na Matumizi ya Wizara kwa Mwaka wa Fedha 2013/2014. MHE. GRACE S. KIWELU (K.n.y. MSEMAJI MKUU WA KAMBI YA UPINZANI WA WIZARA YA MAMBO YA NDANI YA NCHI): Taarifa ya Msemaji Mkuu wa Kambi ya Upinzani wa Wizara ya Mambo ya Ndani ya Nchi Kuhusu Makadirio ya Mapato na Matumizi ya Wizara kwa Mwaka wa Fedha 2013/2014. MASWALI NA MAJIBU Na. 145 Wajibu wa Wenyeviti wa Mitaa na Vijiji MHE. MARIAM R. KASEMBE (K.n.y. MHE. ANASTAZIA J. WAMBURA) aliuliza:- Msingi mkubwa wa Maendeleo ya Jamii huanzia kwenye ngazi ya Mitaa na Vijiji ambapo hutegemea ubunifu na utendaji wa Viongozi wa ngazi husika.
    [Show full text]
  • Coversheet for Thesis in Sussex Research Online
    A University of Sussex DPhil thesis Available online via Sussex Research Online: http://sro.sussex.ac.uk/ This thesis is protected by copyright which belongs to the author. This thesis cannot be reproduced or quoted extensively from without first obtaining permission in writing from the Author The content must not be changed in any way or sold commercially in any format or medium without the formal permission of the Author When referring to this work, full bibliographic details including the author, title, awarding institution and date of the thesis must be given Please visit Sussex Research Online for more information and further details Accountability and Clientelism in Dominant Party Politics: The Case of a Constituency Development Fund in Tanzania Machiko Tsubura Submitted for the Degree of Doctor of Philosophy in Development Studies University of Sussex January 2014 - ii - I hereby declare that this thesis has not been and will not be submitted in whole or in part to another University for the award of any other degree. Signature: ……………………………………… - iii - UNIVERSITY OF SUSSEX MACHIKO TSUBURA DOCTOR OF PHILOSOPHY IN DEVELOPMENT STUDIES ACCOUNTABILITY AND CLIENTELISM IN DOMINANT PARTY POLITICS: THE CASE OF A CONSTITUENCY DEVELOPMENT FUND IN TANZANIA SUMMARY This thesis examines the shifting nature of accountability and clientelism in dominant party politics in Tanzania through the analysis of the introduction of a Constituency Development Fund (CDF) in 2009. A CDF is a distinctive mechanism that channels a specific portion of the government budget to the constituencies of Members of Parliament (MPs) to finance local small-scale development projects which are primarily selected by MPs.
    [Show full text]
  • MKUTANO WA 18 TAREHE 5 FEBRUARI, 2015 MREMA 1.Pmd
    5 FEBRUARI, 2015 BUNGE LA TANZANIA _________________ MAJADILIANO YA BUNGE __________________ MKUTANO WA KUMI NA NANE Kikao cha Tisa – Tarehe 5 Februari, 2015 (Mkutano Ulianza Saa Tatu Asubuhi) D U A Spika (Mhe. Anne S. Makinda) Alisoma Dua MASWALI KWA WAZIRI MKUU SPIKA: Waheshimiwa Wabunge, Kiongozi wa Kambi ya Upinzani Bungeni, leo sijamwona. Kwa hiyo tunaendelea na Maswali kwa Waziri Mkuu na atakayeanza ni Mheshimiwa Murtaza A. Mangungu. MHE. MURTAZA A. MANGUNGU: Mheshimiwa Spika, nashukuru. Mheshimiwa Waziri Mkuu, kwa vipindi tofauti vya Bunge Mheshimiwa Peter Msigwa, Mheshimiwa Mussa Zungu na hata Mheshimiwa Murtaza A. Mangungu wamekuwa wakiuliza swali kuhusiana na manyanyaso wanayoyapata wafanyabiashara Wadogo Wadogo pamoja na Mamalishe. Kwa kipindi hicho chote umekuwa ukitoa maagizo na maelekezo, inavyoonekana mamlaka zinazosimamia hili jambo haziko tayari kutii amri yako. 1 5 FEBRUARI, 2015 Je, unawaambia nini Watanzania na Bunge hili kwa ujumla? WAZIRI MKUU: Mheshimiwa Spika, naomba nimjibu Mheshimiwa Murtaza Mangungu swali lake kama ifuatavyo:- Suala hili la vijana wetu ambao tunawajua kama Wamachinga, kwanza nataka nikiri kwamba ni suala kubwa na ni tatizo kubwa na si la Jiji la Dar es Salaam tu, bali lipo karibu katika miji mingi. Kwa hiyo, ni jambo ambalo lazima twende nalo kwa kiwango ambacho tutakuwa na uhakika kwamba tunalipatia ufumbuzi wa kudumu. Kwa hiyo, ni kweli kwamba mara kadhaa kuna maelekezo yametolewa yakatekelezwa sehemu na sehemu nyingine hayakutekelezwa kikamilifu kulingana na mazingira ya jambo lenyewe lilivyo. Lakini dhamira ya kutaka kumaliza tatizo hili la Wamachinga bado ipo palepale na kwa bahati nzuri umeuliza wakati mzuri kwa sababu jana tu nimepata taarifa ambayo nimeandikiwa na Waziri wa Nchi, Ofisi ya Waziri Mkuu TAMISEMI ambayo wanaleta mapendekezo kwangu juu ya utaratibu ambao wanafikiri unaweza ukatatua tatizo hili ambalo lipo sehemu nyingi.
    [Show full text]
  • Hii Ni Nakala Ya Mtandao (Online Document)
    Hii ni Nakala ya Mtandao (Online Document) BUNGE LA TANZANIA _____________ MAJADILIANO YA BUNGE ______________ MKUTANO WA TANO Kikao cha Nane – Tarehe 17 Novemba, 2011 (Mkutano Ulianza Saa Tatu Asubuhi) D U A Spika (Mhe. Anne S. Makinda) Alisoma Dua HATI ZILIZOWASILISHWA MEZANI Hati ifuatayo iliwasilishwa Mezani na:- WAZIRI WA NCHI, OFISI YA WAZIRI MKUU (SERA, URATIBU NA BUNGE): Taarifa ya Hali ya Dawa za Kulevya ya Mwaka 2010. MASWALI NA MAJIBU SPIKA: Waheshimiwa Wabunge, tunaanza maswali kwa Ofisi ya Waziri Mkuu. Kwa mujibu wa Kanuni yetu ya 38(2), leo Waziri Mkuu hayupo, kwa hiyo, tunaendelea na maswali ya kawaida. Na. 99 Kukosekana kwa Huduma ya Maji Safi na Salama Tarime MHE. NYAMBARI C. M. NYANGWINE aliuliza:- Tangu enzi za Uhuru hadi sasa Wilaya ya Tarime haijawahi kupata maji safi na salama kwa matumizi ya Wananchi:- (a) Je, Serikali haioni kuwa haiwatendei haki Wananchi wa Tarime kwa kutowapatia huduma ya maji safi na salama? (b) Je, Serikali ina mkakati gani katika kutatua tatizo hilo haraka iwezekanavyo? (c) Je, Serikali inasema nini juu ya ahadi zilizowahi kutolewa za kutatua tatizo la maji Wilaya ya Tarime? NAIBU WAZIRI, OFISI YA WAZIRI MKUU, TAWALA ZA MIKOA NA SERIKALI ZA MITAA (TAMISEMI) alijibu:- Mheshimiwa Spika, kwa niaba ya Mheshimiwa Waziri Mkuu, NInaomba kujibu swali la Mheshimiwa Nyambari Chacha Mariba Nyangwine, Mbunge wa Tarime, lenye sehemu (a), (b) na (c), kama ifuatavyo:- (a) Mheshimiwa Spika, upatikanaji wa huduma ya maji safi na salama katika Wilaya ya Tarime ni asilimia 30 kwa maeneo ya Vijijini na asilimia 52 katika maeneo ya Mijini hadi kufikia mwaka 2010.
    [Show full text]
  • MKUTANO WA KUMI NA SABA Kikao Cha
    NAKALA MTANDAO(ONLINE DOCUMENT) BUNGE LA TANZANIA ____________ MAJADILIANO YA BUNGE ___________ MKUTANO WA KUMI NA SABA Kikao cha Kwanza – Tarehe 5 Novemba, 2019 (Mkutano Ulianza Saa Tatu Asubuhi) WIMBO WA TAIFA D U A Spika (Mhe. Job Y. Ndugai) Alisoma Dua SPIKA: Waheshimiwa Wabunge naomba tukae sasa. Katibu! NDG. STEPHEN KAGAIGAI – KATIBU WA BUNGE: TAARIFA YA SPIKA SPIKA: Waheshimiwa Wabunge katika Mkutano wa Kumi na Sita wa Bunge, Bunge lilipitisha Miswada minne ya Sheria ya Serikali ifuatayo:- Kwanza, Muswada wa Sheria ya Serikali Mtandao ya Mwaka 2019 (The e- Government Bill, 2019). Pili, Muswada wa Sheria ya Marekebisho ya Sheria mbalimbali Na. 4 wa Mwaka 2019 (The Written Laws Miscellaneous Amendments No. 4, Bill, 2019). Tatu, Muswada wa Sheria ya Marekebisho ya Sheria Mbalimbali Na. 5 wa Mwaka 2019, (The Written Laws Miscellaneous Amendments No. 5, Bill, 2019. 1 NAKALA MTANDAO(ONLINE DOCUMENT) Nne, Muswada wa Sheria ya Marekebisho ya Sheria mbalimbali Na. 6 wa Mwaka 2019, ((The Written Laws Miscellaneous Amendments No. 6, Bill, 2019. Kwa Taarifa hii, napenda kuliarifu Bunge kwamba tayari Miswada hiyo minne imepata kibali cha Mheshimiwa Rais wa Jamhuri ya Muungano wa Tanzania na kuwa sheria za nchi, sasa zimekuwa sheria za nchi zinazoitwa kama ifuatavyo;- (Makofi) Sheria ya kwanza, ni Sheria ya Serikali Mtandao Na. 10 ya Mwaka 2019 (The e- Government Act No. 10 of 2019. Ya pili, ni sheria ya Marekebisho ya Sheria mbalimbali Na. 4, Sheria Na. 11 ya Mwaka 2019 ((The Written Laws Miscellaneous Amendments No. 4, Act No.11 of 2019; na Tatu, Sheria ya Marekebisho ya Sheria Mbalimbali Na.
    [Show full text]
  • Tarehe 6 Aprili, 2018
    NAKALA MTANDAO(ONLINE DOCUMENT) BUNGE LA TANZANIA ____________ MAJADILIANO YA BUNGE _________ MKUTANO WA KUMI NA MOJA Kikao cha Nne - Tarehe 6 Aprili, 2018 (Bunge Lilianza Saa Tatu Asubuhi) D U A Mwenyekiti (Mhe.Andrew J. Chenge) Alisoma Dua MWENYEKITI: Tukae, Katibu. NDG.YONA KIRUMBI - KATIBU MEZANI: MASWALI NA MAJIBU MWENYEKITI: Maswali, Waheshimiwa karibuni kwenye Mkutano wetu, kikao chetu cha nne na swali letu la kwanza linaelekezwa Ofisi ya Rais, TAMISEMI na linaulizwa na Mheshimiwa Sophia Hebron Mwakagenda. Na. 24 Ujenzi wa Vituo Vya Afya Ikuti na Ipinda MHE. SOPHIA H. MWAKAGENDA aliuliza:- Je, ni lini ujenzi unaoendelea katika Vituo vya Afya Ikuti, Wilayani Rungwe na Ipinda Wilayani Kyela utakamilika ili kuwawezesha wananchi wa maeneo hayo kupata huduma kwa wakati? NAIBU WAZIRI, OFISI YA RAIS, TAWALA ZA MIKOA NA SERIKALI ZA MITAA (MHE. JOSEPHAT S. KANDEGE) alijibu:- 1 NAKALA MTANDAO(ONLINE DOCUMENT) Mheshimiwa Mwenyekiti, kwa niaba ya Waziri wa Nchi, Ofisi ya Rais, TAMISEMI naomba kujibu swali la Mheshimiwa Sophia Hebron Mwakagenda, Mbunge wa Viti Maalum kama ifuatavyo:- Mheshimiwa Mwenyekiti, Kituo cha Afya cha Ikuti kimekarabatiwa katika awamu ya kwanza ya ukarabati wa vituo vya afya 44 ulioanza tarehe 10 Oktoba, 2017 na kukamilika tarehe 31 Januari, 2018 kwa gharama ya shilingi milioni 500 ili kuongeza huduma za upasuaji wa dharura kwa mama wajawazito. Aidha, shilingi milioni 220 zimetolewa kwa ajili ya ununuzi wa vifaatiba vya upasuaji na samani. Kituo hicho kinaendelea kutoa huduma zote za matibabu isipokuwa huduma za upasuaji wa dharura. Ujenzi wa majengo ya Kituo cha Afya Ikuti umekamilika na kinachosubiriwa kwa sasa ni vifaatiba kutoka Bohari ya Dawa (MSD).
    [Show full text]
  • Tarehe 7 Februari, 2017
    NAKALA YA MTANDAO (ONLINE DOCUMENT) BUNGE LA TANZANIA __________ MAJADILIANO YA BUNGE ____________ MKUTANO WA SITA Kikao cha Saba – Tarehe 7 Februari, 2017 (Bunge Lilianza Saa Tatu Asubuhi) D U A Naibu Spika (Mhe. Dkt. Tulia Ackson) Alisoma Dua NAIBU SPIKA: Tukae. Katibu. NDG. RAMADHAN ISSA ABDALLAH – KATIBU MEZANI: HATI ZILIZOWASILISHWA MEZANI Hati zifuatazo ziliwasilishwa Mezani na: MHE. PROF. NORMAN A. S. KING – MWENYEKITI WA KAMATI YA BUNGE YA MIUNDOMBINU: Taarifa ya Kamati ya Kudumu ya Bunge ya Miundombinu kwa kipindi cha kuanzia Januari, 2016 hadi Januari, 2017. MHE. DOTO M. BITEKO -MWENYEKITI WA KAMATI YA BUNGE YA NISHATI NA MADINI: Taarifa ya Kamati ya Kudumu ya Bunge ya Nishati na Madini kwa kipindi cha kuanzia Januari 2016 hadi Januari 2017. NAIBU SPIKA: Ahsante. Katibu! NDG. RAMADHAN ISSA ABDALLAH – KATIBU MEZANI: MASWALI NA MAJIBU NAIBU SPIKA: Waheshimiwa Wabunge, tunaendelea na maswali, Ofisi ya Rais - TAMISEMI. Mheshimiwa Najma Murtaza Giga, Mbunge wa Viti Maalum, sasa aulize swali lake. Na. 69 Tatizo la Ulevi MHE. NAJMA MURTAZA GIGA aliuliza:- 1 NAKALA YA MTANDAO (ONLINE DOCUMENT) Ulevi wa kupita kiasi hasa wa pombe za kienyeji umekuwa na athari kubwa za kiafya na kiakili kwa Watanzania wenye tabia ya ulevi wa kukithiri:- Je, Serikali imejipanga vipi kukabiliana na tatizo hilo hasa ikizingatiwa kuwa Sheria ya Vileo ya mwaka 1969 ni ya zamani sana kiasi kwamba inawezekana kabisa haikidhi mabadiliko ya hali halisi ya vileo kwa wakati huu. NAIBUWAZIRI, OFISI YA RAIS, TAWALA ZA MIKOA NA SERIKALI ZA MITAA alijibu:- Mheshimiwa Naibu Spika, kwa niaba ya Waziri wa Nchi, Ofisi ya Rais, TAMISEMI, naomba kujibu swali la Mheshimiwa Najma Murtaza Giga, Mbunge wa Viti Maalum, kama ifuatavyo:- Mheshimiwa Naibu Spika, pombe za kienyeji zimeainishwa katika Kifungu cha pili (2) cha tafsiri katika Sheria ya Vileo, Sura ya 77.
    [Show full text]
  • 20 DESEMBA, 2013 MREMA 1.Pmd
    Hii ni Nakala ya Mtandao (Online Document) BUNGE LA TANZANIA _______________ MAJADILIANO YA BUNGE ____________ MKUTANO WA KUMI NA NNE Kikao cha Kumi na Nne – Tarehe 20 Desemba, 2013 (Mkutano Ulianza Saa Tatu Asubuhi) D U A Mwenyekiti (Mhe. Mussa A. Zungu) Alisoma Dua HATI ZILIZOWASILISHWA MEZANI Hati Zifuatazo Ziliwasilisha Mezani na:- NAIBU WAZIRI WA FEDHA (MHE. SAADA M. SALUM): Taarifa ya Mwaka ya Mamlaka ya Mapato Tanzania (TRA) kwa Mwaka 2011/2012 [The Annual Report of Tanzania Revenue Authority (TRA) for the Year 2011/2012]. 1 Hii ni Nakala ya Mtandao (Online Document) [NAIBU WAZIRI WA FEDHA (MHE. SAADA M. SALUM)] Taarifa ya Mwaka na Hesabu Zilizokaguliwa za Fungu 45 – Ofisi ya Taifa ya Ukaguzi kwa Mwaka wa Fedha ulioishia tarehe 30 Juni, 2012 [The Annual Report and Audited Financial Statement of Vote 45 – National Audit Office for the Financial Year ended 30th June, 2012]. MHE. ABDULKARIM E. H. SHAH – MAKAMU MWENYEKITI WA KAMATI YA ARDHI, MALIASILI NA MAZINGIRA: Taarifa ya Kamati ya Kudumu ya Bunge ya Ardhi, Maliasili na Mazingira Kuhusu Utekelezaji wa Shughuli zake kwa Mwaka, 2013. MHE. REBECCA M. MNGODO (K.n.y. MWENYEKITI WA KAMATI YA KILIMO, MIFUGO NA MAJI): Taarifa ya Kamati ya Kudumu ya Bunge ya Kilimo, Mifugo na Maji Kuhusu Utekelezaji wa Shughuli zake kwa Mwaka, 2013. MASWALI NA MAJIBU Na. 159 Kutumia Maji ya Chemchem Jimboni Tabora Kaskazini MHE. ISMAIL A. RAGE (K.n.y. MHE. SHAFFIN A. SUMAR) aliuliza:- Katika Kata za Magiri, Ishilimulwa na maeneo mengine ya Jimbo la Tabora Kaskazini, kunapatikana maji ya chemchem:- Je, kwa
    [Show full text]
  • 1 Bunge La Tanzania
    Hii ni Nakala ya Mtandao (Online Document) BUNGE LA TANZANIA _______________ MAJADILIANO YA BUNGE _______________ MKUTANO WA KUMI NA TANO Kikao cha Nane – Tarehe 30 Aprili, 2009 (Mkutano Ulianza Saa Tatu Asubuhi) D U A Spika (Mhe. Samuel J. Sitta) Alisoma Dua HATI ZILIZOWASILISHWA MEZANI Hati ifuatazo iliwasilishwa Mezani na:- WAZIRI WA NCHI, OFISI YA MAKAMU WA RAIS: Taarifa ya Mwaka na Hesabu za Baraza la Taifa la Hifadhi na Usimamizi wa Mazingira kwa Mwaka wa Fedha ulioishia Juni, 2008 (The Annual Report and Accounts of the National Environment Management Council for the Year Ended June, 2008). MASWALI KWA WAZIRI MKUU MHE. HAMAD RASHID MOHAMED: Mheshimiwa Spika, Serikali katika kutekeleza sera ya Utawala Bora imeviruhusu vyombo vya habari hapa nchini vifanye kazi kwa uhuru mkubwa sana. Na vyombo vya habari vimefanya kazi kwa ufanisi mkubwa sana. Je, Mheshimiwa Waziri Mkuu ni halali kwa mmiliki wa vyombo vya habari kutumia chombo cha habari, kuwahukumu watu kwa chombo chake cha habari, hiyo ni sehemu ya sera za utawala bora? (Makofi) WAZIRI MKUU: Mheshimiwa Spika, nilihisi ataniuliza kitu kama hiki. (Makofi/Kicheko) Niseme kwamba kwa hili ambalo hasa unalizungumzia tunaweza tukalitazama kwa namna mbili; moja, sawa ametumia uhuru ule amesema alichosema. Sasa jukumu ni la yule aliyesemwa katika mazingira yale kama anaona ameonewa, hakutendewa haki 1 vyombo vya sheria vipo anaweza kabisa akaenda mahakamani akafungua kesi kulingana na aina ya matamshi ambayo yeye kayapata. Lakini kwa maana ya yeye kwamba alitumia fursa ile upande mmoja ni sawa kama Hamad Rashid Mohamed ambaye angeweza kutumia chombo kingine chochote. (Makofi) Lakini liko eneo la pili kwamba katika kutoa matamshi haya mimi nasema kwa Mtanzania yeyote ni vizuri sana tukafika mahali tukawa waangalifu sana hasa unapokuwa unagusa jambo ambalo liko mbele ya vyombo vya sheria.
    [Show full text]