CORE Metadata, citation and similar papers at core.ac.uk Provided by NORA - Norwegian Open Research Archives FRAMSTEGSRØRSLA: FOR FAGORGANISERTE FLEST? Framstegspartiet sitt syn på LO og arbeidslivspolitikk 1973 – 2007 Erling Andrè Flote Masteroppgåve i historie Institutt for arkeologi, historie, kultur- og religionsvitskap Universitetet i Bergen Våren 2008 Innhaldsliste FORORD................................................................................................................................... 3 KAPITTEL 1. INNLEIING .................................................................................................... 4 UTGANGSPUNKT FOR TEMA, OG PROBLEMSTILLING................................................................. 4 AVGRENSING OG DISPOSISJON ................................................................................................. 5 METODISKE UTFORDRINGAR ................................................................................................... 7 HISTORIOGRAFISK OVERSYN ................................................................................................... 9 KJELDER................................................................................................................................ 11 KAPITTEL 2. FRÅ PROTEST I SAGA KINO TIL LIBERALISME PÅ LØVEBAKKEN (1973-1989) ................................................................................................ 14 ALP: PROTESTPARTIET ......................................................................................................... 15 FRAMSTEGSPARTIET OG ARBEIDSLIVSPOLITIKKEN ................................................................ 16 FRP: EIT LIBERALISTISK PARTI?............................................................................................. 22 VALKAMPEN I 1989: FRP-OFFENSIV MOT LO........................................................................ 25 OPPSUMMERING .................................................................................................................... 29 KAPITTEL 3. EIT FOLKEPARTI I EMNING? (1990-1998) .......................................... 32 PROFILENDRING, VALNEDERLAG OG INDRE STRID ................................................................. 32 SOLIDARITETSALTERNATIVET ............................................................................................... 38 OPPGJERET ............................................................................................................................ 42 FREDSTID?............................................................................................................................. 47 OPPSUMMERING .................................................................................................................... 49 KAPITTEL 4. NYE STRATEGIAR (1999 – 2004)............................................................. 51 SAMARBEIDSSTRATEGIEN ..................................................................................................... 51 DET FAGLEG-POLITISKE SAMARBEIDET OG VALET 2001........................................................ 56 SJUKELØNSORDNINGA........................................................................................................... 61 ”VI ER DET NYE ARBEIDARPARTIET!”.................................................................................... 66 EROBRINGSSTRATEGIEN........................................................................................................ 68 KAPITTEL 5. TIL KAMP MOT PAMPEVELDET (2005-2007)..................................... 71 VALKAMPEN 2005................................................................................................................. 71 ARBEIDSLIVSPOLITIKKEN...................................................................................................... 79 EIT OPPRØR NEDANFRÅ ......................................................................................................... 85 FAGPOLITISK UTVAL – EROBRINGSSTRATEGIEN I PRAKSIS..................................................... 89 ”VI ER I RUTE”....................................................................................................................... 95 KAPITTEL 6. KONKLUSJON ............................................................................................ 98 LITTERATUR OG KJELDER .......................................................................................... 103 2 Forord I skrivande stund leggast siste hand på verket på det toårige arbeidet med denne masteroppgåva. Det har vore ein utfordrande og intens, men til gjengjeld svært lærerik og kjekk prosess. Når denne prosessen no er ved vegs ende er det mange eg skuldar ei stor takk. Den første eg vil takke er min rettleiar Øyvind Bjørnson som gjekk bort så alt for tidleg i desember 2007. Øyvind var ein inspirerande og fagleg svært dyktig rettleiar, som samstundes som han sette krav var han òg oppteken av og flink til å gje ros. Hans gode humør og vinnande vesen gjorde samarbeidet enkelt og godt. Det er trist at Øyvind ikkje fekk sjå det ferdige resultatet av oppgåva. Valet av temaet for oppgåva mi kan på mange måtar tilskrivast han. Jan Heiret og Sissel Rosland som rettleia meg gjennom siste etappe fortener begge stor takk. Det er ei utfordring å ta over rettleiaransvaret for ei masteroppgåve i siste semester. Eg synes dette trepartssamarbeidet har fungert godt, og det ført til mange interessante diskusjonar, og konstruktive og hyggelege rettleiingsmøte. Mine medstudentar ved historie master skal også takkast. Verdien av eit godt sosialt miljø på faget skal ikkje undervurderast. Eg vil også takke gode vener for oppmuntringar undervegs, og familien min som alltid har støtta meg. Til slutt vil eg rette ei stor takk til mi kjære Henriette som har vore mi viktigaste støtte både på og utanfor lesesalen, og har hjelpt meg å handtere presset og stresset ein så intens arbeidsprosess har ført med seg. Bergen, mai 2008 Erling Andrè Flote 3 Kapittel 1. Innleiing Utgangspunkt for tema, og problemstilling Det er med takknemlighet og stolthet at jeg vet at Fremskrittspartiet er liv laga. Og at vi har bygget en organisasjon som er solid, en organisasjon som uansett resultatet i kveld (…) [har lagt] grunnlaget for en annen drøm, nemlig at Fremskrittspartiet skal bli i dette århundret det Arbeiderpartiet var i det foregående århundret.1 Med desse orda takka partiformann Carl I. Hagen sine partikollegaar for innsatsen under Framstegspartiet (FrP) si valvake ved Stortingsvalet i 2005. Valresultatet vart tidenes beste for partiet. FrP fekk 22,1 prosent av røystene til folket, og vart med det landets nest største parti. Partiet fekk også sterk auke i oppslutnaden mellom veljarar som var medlemmar av Landsorganisasjonen i Noreg (LO), Noregs største lønstakarorganisasjon. 17 prosent av LO- medlemmane røysta på partiet, og dette til trass for at leiinga i LO hadde åtvara medlemmane mot å røyste på FrP, som dei hevda ville gjennomføre ein fagforeinings- og arbeidarfiendtleg politikk. FrP hadde også gjennom heile valkampen angripe LO-leiinga, og særskilt for det nære fagleg-politiske samarbeidet med Ap. Leiinga i FrP oppmoda LO-medlemmane til å røyste på FrP, som dei hevda no var det nye arbeidarpartiet. I oppgåva skal eg studere FrP sitt syn på LO i frå opprettinga av Anders Langes Parti i 1973 og til 2007. Den overordna hovudproblemstillinga for oppgåva er: Korleis har FrP sitt syn på LO og arbeidslivspolitikk utvikla seg frå 1973 til 2007? Eg vil undersøke korleis synet på LO og arbeidslivspolitikk har utvikla seg i denne perioden gjennom tre nivå: • Korleis har synet på LO og arbeidslivspolitikken til partiet vore formulert i partiprogramma til FrP? • Kva standpunkt har partiet teke i sentrale arbeidslivssaker i Stortinget og offentlege utval? Korleis har synet på LO vorte formidla her? • Korleis har FrP omtala LO og arbeidslivspolitikken i aviser, talar o.l. 1 Hagen, Carl I. 2005: Drømmen i oppfyllelse. 19. september. (Tale). 4 I følgje handlingsprogrammet til LO er organisasjonens hovudoppgåver å arbeide for arbeid for alle og å sikre gode løns- og arbeidsvilkår for medlemmane.2 For å kunne undersøke FrP sitt syn på LO må ein studere FrP sine haldningar i politiske saker som er viktige for LO. Strategisk utvalte saker i oppgåva er synet på løns- og inntektspolitikk, synet på arbeidsmiljølova og synet på sjukelønsordninga. Eit sentralt spørsmål i oppgåva vil også vere om det har vore kontinuitet eller endring i FrP sitt syn på LO og arbeidslivspolitikk i perioden. Også dette spørsmålet vil operasjonaliserast gjennom dei tre nemnte nivåa. Det er også interessant å undersøke om indre endringar i FrP har endra synet på LO og synspunkta i arbeidslivspolitikken? FrP sitt syn på LO kjem i første rekkje til synet gjennom partileiinga og i alle fall sentrale politikarar i partiet, men det kan også visast gjennom diskusjonar i partiet og andre aktørar i partiorganisasjonen. I forhold til det tilgjengelege kjeldematerialet er det i størst grad partileiinga og stortingsgruppa som uttalar seg om LO. Mot slutten av perioden er det likevel ei auke i det ein kan kalle vanlege FrP-medlemmar som uttalar seg om sitt syn på LO i partiavisa Fremskritt. Det vil vere naturleg også å undersøke kva desse røystene legg vekt på i sine innlegg. Det vil også vere interessant å undersøke korleis FrP har freista å tilnærme seg LO og LO-medlemmane gjennomperioden, og om det har vore endring i tilnærmingsmetodane. Avgrensing og disposisjon Oppgåva skal altså ta for seg tida frå Anders Langes Parti såg dagens