AURLAND KOMMUNE Sakspapir
Total Page：16
File Type：pdf, Size：1020Kb
AURLAND KOMMUNE Sakspapir Saksnr. Utval Møtedato 030/19 Plan og utvikling 26.08.2019 063/19 Kommunestyret 05.09.2019 Arkivsaknr.: Arkiv Sakshandsamar Dato 14/181 - 19/5986 K2 - L12, K3 - &21, K3 - Anja Marken 13.08.2019 &13 Sluttbehandling av områdereguleringsplan for Undredal Saka gjeld: Endeleg vedtak av områdereguleringsplan for Undredal. Planframlegget er utarbeida av Arkitektkontoret 4B og Norconsult AS. Føremålet med planen er å verne om Undredal sitt særpreg i busetnad og landskapsform, samstundes som ein legg til rette for vidare utbygging av bustader og legg til rette for ny bruk av eksisterande bygningsmasse. Tilråding frå rådmannen: 1. Områdereguleringsplan for Undredal 1421-2014002 med tilhøyrande reguleringsføresegn vert vedteken. 2. Reguleringsplan for Undredal 1421-1996001 inkludert alle seinare planendringar, delplanar og tilhøyrande føresegn, som områdereguleringsplan for Undredal får konsekvensar for, vert oppheva. Saksframlegg Som ei førebuing til planprosessen vart det gjennomført ein stadanalyse utført av Aurland Naturverkstad i 2014 og grendamøte med arbeidsverkstad, mens arbeidet med sjølve områdereguleringa starta i 2016. Fleire kartleggingar har vorte gjennomført etter det som flaumsonekartlegging, stormflo- og bølgjeanalyse, vurdering av kor godt eigna flytebryggja er og faresonekartlegging for erosjon. Planen vart lagt ut til 1.gongs høyring i 2016 og etter det har utval for plan og 1 utvikling behandla to saker knytt til dei innkomne merknadane etter høyringsrunden. Områdereguleringsplanen vart lagt ut til 2.gongs høyring i mars 2019. Fylkesmannen i Vestland kom med motsegnsbehov og inviterte derfor til drøftingsmøte i juni 2019. Forholdet til andre planar: Gjeldande overordna føring for planområdet er kommuneplan 2008-2020 for Aurland kommune og reguleringsplan for Undredal. Andregongsbehandling Planforslaget vart andregongsbehandla av plan og utvikling 04.03.19, sak 010/19. Plan og utvikling gjorde følgjande vedtak: «Utval for plan og utvikling legg med heimel i § 5-2 og § 12-10 i plan- og bygningslova områdereguleringsplan for Undredal ut til 2.gongshøyring og offentleg ettersyn.» Høyringsfråsegn Planforslaget vart lagt ut til offentleg ettersyn i perioden 08.03.19-25.04.19. Sogn og Fjordane Fylkeskommune fekk utsett høyringsfristen til 03.05.19, mens Fylkesmannen i Vestland fekk utsett høyringsfristen i to omgangar, først til 21.05.19 og deretter til august 2019 for å avklare motsegnsbehov. Det kom inn totalt 15 merknadar, deriblant motsegnsbehov frå Fylkesmannen i Vestland. Fylkesmannen hadde fleire punkt dei ønskja å drøfte i dialogmøtet, blant anna småbåthamna, parkeringsarealet på Pottefot og bustadområdet ut mot Krossanes. I dialogmøtet vart kommunen og Fylkesmannen samde om kva endringar som måtte gjerast i planframlegget på alle punkta bortsett frå småbåtanlegget, som Fylkesmannen diskuterte vidare med mellom anna verneområdeforvaltar for Nærøyfjorden landskapsvernområde. Desse punkta vert gjennomgått meir detaljert under høyringsfråsegna. Dersom det vert gjort endringar i samband med den politiske handsaminga av planframlegget, som ikkje er i tråd med endringane kommunen og Fylkesmannen har vorte einige om, må Fylkesmannen ha saka til gjennomsyn før kommunen kan eigengodkjenne planen. Kommunen har hatt dialog med verneområdeforvaltaren for Nærøyfjorden landskapsvernområde heilt frå starten av reguleringsplanprosessen. Nærøyfjorden verneområdestyre gjorde vedtak om at det skulle innarbeidast i føresegnene at tiltak innanfor landskapsvernområdet krev dispensasjon frå verneforskrifta for Nærøyfjorden landskapsvernområde før tiltaket kan etablerast. Småbåtanlegget kunne med andre ord regulerast inn på plankartet for deretter å søkast om dispensasjon frå verneforskrifta når tiltaket skal etablerast. Denne løysinga låg inne i planforslaget som var ute på førstegongs høyring utan at kommunen fekk motsegn på dette. Etter at planen har vore ute på andregongs høyring konkluderte Fylkesmannen derimot med at kommunen ikkje kan vedta ein reguleringsplan som opnar for småbåtanlegg innanfor landskapsvernområdet før det eventuelt er gjeve løyve/dispensasjon til anlegget etter verneforskrifta. Kommunen må anten vente med eigengodkjenninga av reguleringsplanen til etter at eit slikt løyve eventuelt ligg føre, eller så må småbåtanlegget takast ut av reguleringsplanen og føresegnene som gjeld småbåtanlegget strykast. Verneområdeforvaltaren har tidlegare uttalt at verneområdestyret ikkje kan gje dispensasjon for etablering av småbåtanlegget før alle detaljane er klare, dvs. utforming, storleik, tiltakshavar osv. Rådmannen vil derfor sterkt frarå å vente med eigengodkjenninga av planen før løyve frå verneområdestyre er gitt. Med omsyn til den lange planprosessen vil den beste løysinga vere å ta ut småbåtanlegget frå planforslaget. Ved etablering av småbåtanlegget kan det heller søkast om dispensasjon frå områdereguleringsplanen og verneforskrifta i ettertid. Sidan tiltaket skal vere eit flytande anlegg med minimale, reversible inngrep skal det vere mogleg å få løyst dette gjennom ein dispensasjon, eventuelt ei mindre reguleringsendring, i etterkant av vedtak av planen. 2 Dei viktigaste endringane etter andregongsbehandlinga er innarbeiding av nye føresegner og presisering av eksisterande føresegn for å imøtekoma dei innkomne merknadane etter høyringsrunden: - Det vert lagt inn føresegn om at mindre endringar i fasade på bygningane i omsynssone for kulturmiljø kan vurderast. - Det vert presisert i føresegnene at det er tillatt med tiltak på gbnr 51/81. - Det vert stilt strengare krav til utnytting for B1 og B2 slik at bustadane som vert bygd her vert tilpassa det eksisterande bygningsmiljøet. - Det vert lagt inn meir detaljerte føresegn om Undredal stavkyrkje. - Vassmiljøet vert sikra gjennom føresegner og retningslinjer i planen. - Det vert presisert i føresegnene at GF1 kan nyttast som nærmiljøanlegg og rekkefølgjekrav om at området må opparbeidast før B4 er ferdig utbygd. - Det kan byggast eit LNF-naust i Hjøllabukti med krav om at det skal byggast opp på dei gamle murane og tilpassast det eksisterande naustet. Det er lagt inn at det kan byggast eit nytt naust i tillegg til det eksisterande naustet i staden for to, då det berre er to naust som har bruksrett i dette området. - I føresegnene for parkeringsarealet på Pottefot vert det innarbeida føresegn om at det skal opprettast lading for elbilar, ta vare på kantvegetasjonen mot Undredalselvi og at føresegna om vegrekkverk berre skal gjelde for kommunal veg. I tillegg vert det stilt rekkjefølgjekrav om at detaljplan for Pottefot må godkjennast av Statens Vegvesen før opparbeiding. - «Haldeplass/plattform» i sentrum vert regulert om til «gatetun», noko som opnar for at området kan nyttast til fleire tiltak. - Vedtaksmynde i kap. 4.10.5 vert retta opp til «Nærøyfjorden verneområdestyre» i staden for «Fylkesmannen». - Småbåtanlegget og den tilhøyrande gangvegen vert teken ut av planforslaget. Fråsegn frå Jon Roti, 08.04.19 Ønskjer at fylgjande føresegn skal leggjast inn i kap.8.7 fjerde avsnitt: «Mindre endringar i fasade knytt til vindauge og dører kan vurderast utfrå arkitektonisk, visuelle og praktiske omsyn.» Kommentar frå rådmannen: Følgjande vil verte lagt inn i kap. 8.7 femte avsnitt før «ved fasadeendring»: «Mindre endringar av fasade kan vurderast under føresetnad av at bygningen sin karakter ikkje vert endra.» Fråsegn frå Oddvar Flåm, 22.04.19 Meiner planen ber preg av å tilpasse bygda til å handtere masseturisme. Er kritisk til å ha friområde og kajakkplass ved Granden. Området er ein viktig hekkeplass for fugl. Meiner området under butikken eignar seg betre. Telehuset ved elva ligg i faresona for flaum og bør sikrast. Kommentar frå rådmannen: Dei kommersielle kajakkoperatørane kjem uavhengig av reguleringsplanen. Gjennom planen har me prøvd å finne ei mogleg løysing på dette. Fråsegn frå Peder Olai Vindedal, 23.04.19 Opparbeiding av parkeringsareal på Pottefot vil føre til tap av dyrka mark, det bør heller fyllast ut mot elva. Aksepterer ikkje at avkøyrsla til 51/53 er fjerna. Kommentar frå rådmannen: Det kan ikkje fyllast ut mot elva pga. erosjonsfare og av omsyn til kantvegetasjon. Opparbeiding av Pottefot vil løyse dei trafikale utfordringane i Undredal, samfunnsnytten vil derfor vere større enn konsekvensen av tapet av dyrka mark. Tilkomst til 51/53 må løysast i den vidare detaljplanlegginga av Pottefot. Kantparkeringa er ei eventuell utviding. 3 Stiller spørsmål ved at store køyretøy skal køyre til driftsbygningane og at turistar og andre skal spasere på trong veg ned til sentrum. Kommentar frå rådmannen: Store køyretøy skal framleis kunne køyre til driftsbygningane. Det er mange gåande på vegen langs elva i dag noko som skapar trafikkfarlege situasjonar pga. elvesusen. Regulering til gatetun og begrensing av trafikken vil legge til rette for å løyse desse utfordingane. Det er lagt ned mykje arbeid for å utvikle B2 i henhald til reguleringsplanen frå 96, dvs. bygge bustadar for utleige. Ønskjer at turvegen skal gå frå oppsida av B2 med eventuelt retur frå Krossen nede på muren. Kommentar frå rådmannen: 48 % av bustadane i Undredal vert nytta som fritidsbustad samstundes som det er bustadmangel. Kommunen ønskjer derfor at alle nye bustadar som vert bygd skal vere heilårsbustadar. Fråsegn frå Edvin Flåm, 23.04.19 Ønskjer at det vert planta tett skog i området attmed elva sidan dei vart huggen ned. Kommentar frå rådmannen: Vert ikkje løyst gjennom reguleringsplan. Vil ha røykehuset nede ved sjøen teikna inn på plankartet og regulere inn