Aurland kommune
Reguleringsplan for Undredal
Planomtale
Planid.: 1421-2014002
Oppdragsnr.: 5160650 Dokumentnr.: 001 Versjon: J06 2019-09-18
Oppdragsnr.: 5160650 Dokumentnr.: 001 Versjon: J06 Reguleringsplan for Undredal | Planomtale
Oppdragsgjevar: Aurland kommune Oppdragsgjevars kontaktperson: Anja Marken Rådgjevar: Norconsult AS, Firdavegen 6, NO-6800 Førde Oppdragsleiar: Johannes-Henrik Myrmel Fagansvarleg: Johannes-Henrik Myrmel Andre nøkkelpersonar: Ingrid Høvik, Christina Sørheim
J05 2019-02-12 Justert iht. e-post av 5. februar frå INHOV oppdragsgjevar og telefonsamtale den 11. februar. J04 2019-02-01 For bruk – endeleg versjon. INHOV JOHM (Oppdragsgjevar sine kommentarar til versjon J03 er ivareteke/avklart) J03 2016-09-23 For bruk – endeleg versjon. JOHM JOHM (Oppdragsgjevar sine kommentarar til versjon C02 er ivareteke/avklart) C02 2016-09-21 For gjennomgåing hjå oppdragsgjevar. JOHM TMK (Dokumentet er ferdig ihht. oppdragsavtale) A01 2016-05-10 Til intern bruk – disposisjon og innhald i JOHM dei ulike kapittel. Versjon Dato Omtale Utarbeida Fagkontrollert Godkjent
Dette dokumentet er utarbeida av Norconsult AS som del av det oppdraget som dokumentet omhandlar. Opphavsretten tilhøyrar Norconsult. Dokumentet må berre nyttast til det formål som går fram av oppdragsavtalen, og må ikkje kopierast eller gjerast tilgjengeleg på annan måte eller i større utstrekning enn formålet tilseier.
2019-02-01q:\undredal\vedtak av plan\5162064_rapp_planomtale_j06.docx 2019-02-12 | Side 2 av 46
Oppdragsnr.: 5160650 Dokumentnr.: 001 Versjon: J06 Reguleringsplan for Undredal | Planomtale
Samandrag
Arkitektkontoret 4B og Norconsult har på oppdrag frå Aurland kommune utarbeidd framlegg til reguleringsplan for Undredal.
Formålet med planen er å gje føringar for vidareutvikling av Undredal som bu-, besøks- og arbeidsstad.
På bakgrunn av vedtak om oppstart av planarbeidet er det utarbeidd planprogram. Formålet med planprogrammet var å leggje til rette for ein diskusjon om mål, prinsipp og konkrete arealbruksløysingar i reguleringsplanen. Basert på føringane i planprogrammet er det utarbeidd ei rekke utgreiingar samt ei stadanalyse. Gjennom medverknad i Undredal er det utarbeidd plankonsept som har vore gjenstand for politisk handsaming. Planen er utarbeidd med utgangspunkt i plankonseptet og politiske føringar.
Stadanalysen som er utarbeidd av Aurland Naturverkstad har vore eit viktig grunnlag for planarbeidet.
Johannes-Henrik Myrmel, Ingrid Høvik og siv. ark. Christina Sørheim har gjennomført planarbeidet. Anja Marken i Aurland kommune har vore kontaktpersonen i kommunen og bindeleddet mot styringsgruppa og prosjektgruppa for planarbeidet.
2019-02-01q:\undredal\vedtak av plan\5162064_rapp_planomtale_j06.docx 2019-02-12 | Side 3 av 46
Oppdragsnr.: 5160650 Dokumentnr.: 001 Versjon: J06 Reguleringsplan for Undredal | Planomtale
Innhald
Innleiing 5 Planområdet 5 Endringar 6 Planprosessen 7 Faglege vurderingar 8
Rammer og retningslinjer for planarbeidet 10 Nasjonale og regionale føringar 10 Lokale føringar 11
Planframlegget 13 Fjorden 13 Vegsystema 14 Utbyggingsområda - vidare utbygging og fortetting 16 Omsynssoner 18
Verknader av planframlegget 23 Arealbruk og trafikk 23 Landskap 23 Naturmangfald 23 Naturresursar med vekt på landbruk 24 Kulturmiljø 24 Friluftsliv 26 Eigedomstilhøve 27 Økonomiske konsekvensar 27 Risiko- og sårbarheit 27 Planretningslinjer og rettslege prinsipp 28
2019-02-01q:\undredal\vedtak av plan\5162064_rapp_planomtale_j06.docx 2019-02-12 | Side 4 av 46
Oppdragsnr.: 5160650 Dokumentnr.: 001 Versjon: J06 Reguleringsplan for Undredal | Planomtale
Innleiing
Bakgrunnen for planen er ønskje om å legge rammene for vidareutvikling av Undredal som ein bu-, besøks- og arbeidsstad samtidig som det vert teke omsyn til dei særprega kvalitetane i området.
Det meste av området er tidlegare regulert. Ved oppstart av planarbeidet vart fokus definert. Det var knytt til ivaretaking av bygningsmiljø, trafikk med vekt på mjuke trafikantar, parkering og busstrafikk samt omsynet til etablering av infrastruktur, vidare vern og bustadbygging, tilgjenge til strandsona for ulike brukargrupper og etablering av kai samt tryggleik.
Innanfor sentrum er det eit samansett bygningsmiljø som bør takast vare på. Det er difor lagt vekt på at søkar skal klargjere korleis konkrete tiltak er tilpassa kvalitetane i området. I forvaltninga av planen er det viktig at det offentlege og eigarane samarbeider for å få fram god tilpassingsarkitektur.
Planområdet
Planområdet femnar om grenda Undredal i Aurland kommune. Planområdet femnar om areal nord og sør for Undredalselvi, strandlinja med tilgrensande areal i Aurlandsfjorden, Krossanes i nord og snuplassen ved innkøyringa til Undredal i aust.
Planen er sett saman av plankart 1 som femnar om arealbruk og omsynssoner (vedlegg 1) samt plankart 2 som femnar om faresoner (vedlegg 2).
Figur 1.1: Ortofoto som syner lokalisering og avgrensing av planområdet.
Arealbruken innanfor planområdet er knytt til landbruk, bustad og service samt kulturverdiar i form av bygningsmiljøet og stavkyrkja. Sjøareala består hovudsakleg av Nærøyfjorden landskapsvernområde.
Planområdet er på 302,5 daa.
Føremålet med planen er å verne om Undredal sitt særpreg i busetnad og landskapsform, samstundes som ein legg til rette for vidare utbygging av bustader og legg til rette for ny bruk av eksisterande bygningsmasse.
2019-02-01q:\undredal\vedtak av plan\5162064_rapp_planomtale_j06.docx 2019-02-12 | Side 5 av 46
Oppdragsnr.: 5160650 Dokumentnr.: 001 Versjon: J06 Reguleringsplan for Undredal | Planomtale
Endringar
Samanstillinga i Figur 1.2 gjev oversikt over arealbruksendringane som planen opnar for. Oversikta klargjer endringane samanlikna med arealbruk avklart i vedtekne reguleringsplanar. Omfanget av endringane er skildra i Tabell 1.1.
Oversikta femnar ikkje om omsynssoner og endringar i føresegner.
Figur 1.2: Kart som syner endringar av arealbruk i forhold til vedtekne planar.
2019-02-01q:\undredal\vedtak av plan\5162064_rapp_planomtale_j06.docx 2019-02-12 | Side 6 av 46
Oppdragsnr.: 5160650 Dokumentnr.: 001 Versjon: J06 Reguleringsplan for Undredal | Planomtale
Tabell 1.1: Oversikt over endringar.
Nr. Vedteken plan Endring
1 Sjø og vassdrag i Utviding av planområdet i sjø (Aurlandsfjorden). Arealbruken i kommuneplanen (k-plan) kommuneplan og Verneforskrifta for Nærøyfjorden vert vidareført
2 Landbruks- natur- og Utviding av planområdet– hovudsakleg sett av til landbruk. Noverande friluftsområde i arealbruk er vidareført. kommuneplanen
3 Bygningar/anlegg og Friluftsområde langs Undredalselvi. Føresegner med krav til trygging for friområde bygningar innanfor BA.
4 Trafikkområde Justert trafikkområde som følgje av gjennomførte flaumtiltak.
5 Bygningar/anlegg Bygg og anlegg, der noverande bruk er vidareført. Skulehuset skal ikkje byggast om til korttidsutleige.
6 Landbruksområde Landbruksområde der landbruksbygg som ikkje er i bruk kan takast i bruk til tiltak som ikkje fell innanfor definisjonen av stadbunden næring og turisme. I tillegg kan det førast opp på- og tilbygg.
7 Landbruk Bustadområde kor det kan førast opp 1 – 2 bustader.
8 Landbruk Bustad ført opp (noverande bruk).
9 Spesialområde bevaring Bygg og anlegg med naudsynte underformål og omsynssone bevaring.
10 Bustad Avgrensing av området for å trygge allmenta tilgjenge langs fjorden på gangveg. I tillegg er skredutsett område teke ut.
11 Sjø og vassdrag Utviding av kai – løyve er gitt basert på søknad.
12 Sjø og vassdrag Ferdselsområde i sjø.
13 Landbruk Utviding av bustadfelt på Hjødna i forlenging av eksisterande bustadfelt.
14 Landbruk Ungdomshuset er lagt inn som bygg og anlegg. Noverande bruk vert vidareført.
15 Køyreveg Endra til gatetun/gågate opp til Pottefot.
16 Landbruk Gatetun/gågate utvida til å innlemme ein møteplass.
I tillegg til ovannemnde arealbruk er det lagt inn ei rekke omsynssoner, som femnar om:
Sikringssone; område for grunnvassforsyning (H120) Faresone; ras- og skred (H310), flaum (H320), radon (H330), radon (H330) og høgspentanlegg (H370) Sone med særskilt gitte omsyn; landskap (H550), bevaring av kulturmiljø (H570) Bandleggingssone; bandlegging etter lov om naturvern (H720) og kulturminne (H730)
Planprosessen
Planarbeidet var ved oppstart vurdert til ikkje å falle innanfor virkeområde i forskrifta om konsekvensutgreiing. For å trygge tideleg samråd og medverknad vart det utarbeidd planprogram.
Av fastsett planprogram går det fram at det var trong for utgreiingar knytt til; strandsona, bustader og bygningsmiljø og naturbasert sårbarheit. I tillegg er det utarbeidd ei stadanalyse.
2019-02-01q:\undredal\vedtak av plan\5162064_rapp_planomtale_j06.docx 2019-02-12 | Side 7 av 46
Oppdragsnr.: 5160650 Dokumentnr.: 001 Versjon: J06 Reguleringsplan for Undredal | Planomtale
Desse arbeida har vore utarbeidd delvis i forkant og delvis samstundes med at planen er utarbeidd. Desse vurderingane har vore viktige bidrag som planarbeidet er basert på.
12.mai 2016 vart det gjennomført arbeidsverkstad med inviterte deltakarar. Planprogrammet saman med dei faglege vurderingane og resultatet frå arbeidsverkstaden danna grunnlaget for utviklingskonseptet for Undredal som har vore grunnlag for politiske drøftingar og utforming av planen.
Faglege vurderingar
Undredal strekker seg omlag 10 km frå Aurlandsfjorden og i sør/sørvestleg retning opp mot Undredalsmoen og fjella. Ved tunnelpåslaga til den nye vegen, er høgdene omlag 350 og 400 moh. Dalen er V-forma og med bratte fjellsider. Undredalselvi har stor vassføring deler av året, tidvis går ho flaumstor. Dalen utvidar seg til ei vifteform nede ved fjorden der elva ha lagt att steinmassar over tid. Dalsidene er dekka av store mengder steinur. Restar etter gamle avsetningar/fjordbotn ligg på sidene av dalen, mellom anna på Hjødlo. Mindre flater ligg ved elva heile dalen opp.
Dalen si orientering gjer at det er lite vind og at det i sommarhalvåret er bra med sol midt på dagen då sola er sterkast. Fjellsidene lagrar varmen og gir frå seg varmen om kvelden og natta.
Dei varme somrane og den grøderike jorda var og er grunnlaget for jordbruket som ved sida av fjordfisket utgjorde grunnlaget for busetnaden opphavleg. Grøderike jordstykke vart rydda fram og gjort tilgjengeleg gjennom eit mødesamt arbeide der steinen vart mura opp til bruer, stiar, vegar og terrengmurar.
Inntil 1988 var tilkomsten via fjorden. Dei aller sprekaste kunne og følge ferdselsvegen opp Jonadalen og over fjellet og ned til ei av nabobygdene Stalheim, Flåm, Vatnahalsen eller Mjølfjell 2-4 mil unna.
Overordna grønstrukturar og samband
Sjøvegen var einaste tilkomst til bygda fram til slutten av 1980-talet. Som følgje av dette er det etablert eit utbyggingsmønster som i stor grad vender seg mot fjorden, med kai og båtplassar/naust.
Undredal er omkransa av flott natur. Sentrum er avgrensa med ein kompakt struktur langs vegsystemet. Sentrum har vore vendt mot fjorden. Langs fjorden er det eit samanhengande «kaiområde» med både offentleg tilgjengelege anlegg og private anlegg. Med unnatak av areala ved den offentlege kaia, er strandlinja i stor grad privatisert.
Vegsystema bind saman dei ulike delane av grenda. Vegane er smale med blanda trafikk og med ein standard som ikkje tilfredsstiller krava til nye vegar. Trafikken varierer dessutan mykje, spesielt utfordrande er busstrafikken i samband med turistsesongen.
Bygningen/tettstaden i landskapet
Tidlegare låg gardane samla i eit klyngetun som låg ved Bruasva. Undredal stavkyrkje frå 1100-talet ligg midt i bygda -og sjølv om ho er lita, fortel ho at dette var eit samfunn på eit visst nivå. I 1902 vart gardane skifta ut og bygningane flytta til dei ulike delane av Undredal, men alle innanfor dei nedre 500 meterane av dalen. Parallelt vaks strandstaden fram på den omlag 300 m breie "vifta" nede ved fjorden med utgangspunkt i dei som dreiv med fiske, handverk og handel. Landskapet si form gjorde sitt til at busetnaden framleis var konsentrert og hadde eit definert landsbypreg.
Fordi bygningsmiljøet er konsentrert til vifta nede ved fjorden, er Undredal lite synleg for dei som ferdast inn og ut fjorden heilt til ein kjem nærmare plassen, sjølvsagt avhengig av på kva side av fjorden ein er.
2019-02-01q:\undredal\vedtak av plan\5162064_rapp_planomtale_j06.docx 2019-02-12 | Side 8 av 46
Oppdragsnr.: 5160650 Dokumentnr.: 001 Versjon: J06 Reguleringsplan for Undredal | Planomtale
Bygningsstruktur
Det er tre hovudgrupper med bygningsstrukturar: Bygningar knytt til jordbruket, bygningar knytt til fiske/transport og bygningar knytt til handel og handverk.
1. I gardstuna ligg bygningane i dag for det meste med mønet parallelt med kotene.* 2. Langs vegane ligg bygningane tett og dei fleste med mønet parallelt med vegen og med varierande avstand til vegen. Her er nokre unntak der mønet ligg på tvers, noko som skaper variasjon. Tomtene er små i høve til grunnflata på bygningane. Dei fleste bustadhusa har veranda, ei trapp, ein liten/smal hageflekk der det kan stå ein benk eller dyrkast nokre blomar. 3. Mot fjorden ligg dei fleste bygningane med mønet på tvers av strandlinja, mange av dei ligg inntil ei brygge eller eit båtopptrekk.
*I dei opphavlege klyngetuna såg det ut til å vere langt større variasjon av møneretning på langs eller på tvers av kotene, særleg dei mindre husa låg på tvers, kanskje fordi inngangsdøra sto i gavlen.
Figur 1.3: 3D-modell som syner eksisterande bygningsstruktur.
Bygningsutforming
Bygningsmiljøet i Undredal består av bygningar med ei enkel rektangulær grunnflate og saltak med ein takvinkel på omlag 30-40 grader. Det er hovudsakleg ein til to etasjar, mange med kjellar. Nokre høgare bygg på to og ein halv etasje med kjellar. Det er etter kvart kome til mindre tilbygg og karnapp. Arker og takoppløft vart noko meir vanleg etter kvart. Tilbygg, arker og takoppløft er alle små og underordnar seg hovudvolumet.
Grunnmuren var opphavleg av naturstein frå området og gjerne høg på eine sida av bygningen på grunn av det skrånande terrenget. Ein stor del av bustadhusa har kjellar. Kjellaren var nødvendig for god lagring av mat. Bygningskroppen oppå var opphavleg for det meste av laft, men med nokre stavverkskonstruksjonar. Etterkvart fekk husa trekledning. Takutstikka er knappe og detaljane enkel. Taktekkinga var opphavleg torv, etterkvart lappskiper, og seinare har tegl og metallplater kome til slik at det i dag er stor grad av variasjon.
Den høge kjellaren i kombinasjon med noko smale bygningar og knappe takutstikk, gjer at bygningane står fram som tydelege og stolte med eit lett og til dels tydeleg vertikalt preg. Sjølv om mange av bygningane er noko bygd om og det er lite att av dei opphavlege fasadane, utgjer dei ein del av ein bygningsstruktur og ein landsbykarakter som er svært godt bevart. Saman med plasseringa i fjordlandskapet gjer dette Undredal unik.
2019-02-01q:\undredal\vedtak av plan\5162064_rapp_planomtale_j06.docx 2019-02-12 | Side 9 av 46
Oppdragsnr.: 5160650 Dokumentnr.: 001 Versjon: J06 Reguleringsplan for Undredal | Planomtale
Rammer og retningslinjer for planarbeidet
Det er gjeve føringar både på nasjonalt og regionalt nivå i tillegg til dei konkrete føringane som kommunen har trekt opp for planarbeidet.
Nasjonale og regionale føringar
Det ligg føre ei rekkje sentrale føringar som er klarlagt i ulike stortingsmeldingar, rikspolitiske retningsliner og statlege planretningsliner. Dette femnar om nasjonale og regionale mål om bl.a. å ta vare på naturkvalitetar og ressursar, landskap, kulturkvalitetar samt friluftsliv og rekreasjon.
Nærøyfjorden står på UNESCO-lista over verda sin kultur og naturarv – som eit Vestnorsk fjordlandskap. Planområdet grensar til og femnar i sjø om Nærøyfjorden landskapsvernområde. Landskapsvernområdet vart oppretta i 2002.
Kort samanfatta består verdsarvverdiane i Nærøyfjordområdet av:
fjordlandskap med aktive geologiske prosessar vakkert naturlandskap frå fjord til fjell med brear, skog, fossar og frittrennande elvar kulturlandskap som gir naturlandskapet perspektiv
Det er utarbeidd restaureringsplan for Nærøyfjorden. Formålet var å skaffe oversikt over verneverdige bygg i området med behov for istandsetjingstiltak.
Nærøyfjorden landskapsvernområde
Landareala er lokalisert utanfor Nærøyfjorden landskapsvernområde, men sjøareal er lokalisert innanfor landskapsvernområdet. Formålet med Nærøyfjorden landskapsvernområde er å ta vare på eit vakkert og eigenarta natur- og kulturlandskap frå fjord til fjell i eit isbreutforma landskap med eit mangfald av plante og dyreliv, der kulturlandskapet med slåtteteigar, beitelandskap, stølsområde, gardsbruk og kulturminne, skapt gjennom aktiv landbruksdrift utgjer ein vesentleg del av landskapet sin karakter.
Rikspolitiske retningsliner for verna vassdrag
Undredalselvi vart verna gjennom verneplan IV i 1993. Elva er ein viktig del av fjordlandskap av internasjonal verdi.
Rikspolitiske retningsliner for verna vassdrag gjeld for (1) vassdragsbeltet, dvs. hovudelvar, sideelvarar, større bekkar, sjøar og tjern og eit område på inn til 100 meters breidde langs elvar og (2) andre delar av nedbørsfeltet som det er fagleg dokumentert at har betyding for vassdraget sin verneverdi.
Vassdragsbeltet vert delt inn i forvaltningsklassar. Gjennom kommuneplan kan det fastsettast forvaltingsklassar. Dette er ikkje gjort, men det er teke utgangspunkt i at planområdet er lokalisert innanfor klasse 1. Av forvaltningskriteria for klasse 1 går det fram at inngrep som er til skade for pedagogisk verdiar, friluftsverdiar, framkomme langs vasstrengen eller opplevingsverdiar, bør unngåast.
2019-02-01q:\undredal\vedtak av plan\5162064_rapp_planomtale_j06.docx 2019-02-12 | Side 10 av 46
Oppdragsnr.: 5160650 Dokumentnr.: 001 Versjon: J06 Reguleringsplan for Undredal | Planomtale
Vassforskrifta og Regional plan for vassforvaltning
Føremålet med vassforskrifta er å gi rammer for fastsetting av miljømål som skal sikre ei mest mogleg heilskapleg vern og berekraftig bruk av vassførekomstane. Regional plan for vassforvaltning fastset miljømål og viser korleis vassmiljøet og vassressursane skal verte forvalta i eit langsiktig perspektiv.
Nasjonal laksefjord
Sognefjorden er nasjonal laksefjord. Formålet med nasjonale laksefjordar er å gje eit utval av den viktigaste laksebestandane i Noreg eit særskilt vern. Regimet for å ta vare på dei nasjonale laksevassdraga og –fjordane skal sikre at det ikkje vert gjennomført nye tiltak som kan vere til skade for laksen, noko som inneber at det ikkje skal gjevast løyve til store inngrep i området.
Statlege planretningsliner for differensiert forvaltning av strandsona langs sjø og vassdrag
Formålet med retningslinene er tydeleggjering av nasjonal arealpolitikk i 100-metersbeltet. Retningslinene legg opp til ei differensiert forvaltning. Aurland kommune er plassert i kategorien av kommunar der presset på arealet er avgrensa, og retningslinene trekker opp for desse områda ein noko meir lempeleg politikk enn i område med stort utbyggingspress i strandsona.
Lokale føringar
Det ligg føre både vedteken kommuneplan for planområdet og to reguleringsplanar som planen vil erstatte eller delvis erstatte.
Kommuneplan
I kommuneplan er reguleringsplan for Undredal gitt rettsverknad framfor kommuneplanen.
2019-02-01q:\undredal\vedtak av plan\5162064_rapp_planomtale_j06.docx 2019-02-12 | Side 11 av 46
Oppdragsnr.: 5160650 Dokumentnr.: 001 Versjon: J06 Reguleringsplan for Undredal | Planomtale
Reguleringsplan for Undredal
Det ligg føre to vedtekne reguleringsplanar frå høvesvis 1996 og 2011. Viktig fokus ved utarbeiding av reguleringsplanen frå 1996, var: trafikk, finne bustadtomter, ivareta særpreget til bygg, gje rom for sentrumsfunksjonar og satsing på reiseliv.
Områda kring dei regulerte områda er i kommuneplanen sett av til LNF-område.
Figur 2.1: Oversikt over vedtekne reguleringsplanar.
2019-02-01q:\undredal\vedtak av plan\5162064_rapp_planomtale_j06.docx 2019-02-12 | Side 12 av 46
Oppdragsnr.: 5160650 Dokumentnr.: 001 Versjon: J06 Reguleringsplan for Undredal | Planomtale
Planframlegget
Utviklingsstrategien i planen gjev prinsipp for:
Betre tilgjenge frå fjorden Regulere trafikkareala i sentrum som gatetun for å tydeleggjere at ferdsel skal føregå på fotgjengarane sine premissar Legge til rette for å betre parkeringstilhøva utanfor sentrum
Fjorden
Undredal har ei strandlinje der det historisk har vore aktivitet. Planen legg til rette for både å ta vare på dei etablerte kvalitetane med god tilgjenge både til offentleg og privat areal frå fjorden. Båtplassane og nausta langs fjorden legg planen opp til å både ta vare på og vidareutvikle.
Småbåtham
Figur 3.1: Illustrasjon syner mogeleg utbygging og småbåthamn på Krossnes. Illustrasjonen er ikkje oppdatert iht. faresone for skred.
I planforslaget som vart lagt ut til andre gongs høyring låg det regulert inn småbåthamn på Krossnes. Planen la opp til at det kunne søkast om dispensasjon frå verneforskrifta for etablering av småbåthamna, jf. vedtak frå Nærøyfjorden verneområdestyre, etter at planen var vedteken.
Etter at planen var ute på andre gongs høyring konkluderte Fylkesmannen med at kommunen ikkje kan vedta ein reguleringsplan som opnar for småbåhamn innanfor landskapsvernområdet før det eventuelt er gjeve løyve/dispensasjon til anlegget etter verneforskrifta. Kommunen måtte derfor vente med eigengodkjenninga av reguleringsplanen til etter at eit slikt løyve eventuelt ligg føre, eller så måtte småbåthamna takast ut av reguleringsplanen og føresegnene som gjeld småbåthamna strykast. Verneområdeforvaltaren har tidlegare uttalt at verneområdestyret ikkje kan gje dispensasjon for etablering av småbåthamn før alle detaljane er klare, dvs. utforming, storleik, tiltakshavar osv. Småbåthamna vart derfor teken ut av planen.
I planprosessen vart det gjort følgjande konklusjonar ang småbåthamna:
2019-02-01q:\undredal\vedtak av plan\5162064_rapp_planomtale_j06.docx 2019-02-12 | Side 13 av 46
Oppdragsnr.: 5160650 Dokumentnr.: 001 Versjon: J06 Reguleringsplan for Undredal | Planomtale
- Ved kaia kan det leggjast til rette for etablering av ny flytebrygge med 20 båtplassar. Småbåthamna skal vere for fastbuande. Drift og etablering må skje lokalt. Det må vere eit flytande, reversibelt anlegg. - Forskrift om vern av Nærøyfjorden landskapsvernområde gjeld for området der småbåthamna var tenkt. Formålet med denne forskrifta er å ta vare på eit vakkert og eigenarta natur- og kulturlandskap som strekkjer seg frå fjord til fjell. Ei småbåthamn vil vere eit nytt tiltak i den sårbare overgangssona mellom sjø og land. Småbåthamna var tenkt lokalisert i området der gjeldande plan opnar for bustadområde på land. Dette området er trekt tilbake frå strandsona. Verknaden av småbåthamna må sjåast saman med det planlagde bustadområdet i bakkant. Truleg vil dette regulerte bustadområdet påverke landskapsbildet i større grad enn småbåthamna. - Alternativ lokalisering og utforming vart vurdert, og valt alternativ har følgjande fordelar: Trekt ut av det karakteristiske sentrumsområdet Plassert i område der vedteken plan opnar for bustadområde på land Planframlegget legg til rette for god tilgjenge frå sentrum til anlegget for allmenta Har ei utforming som reduserer sårbarheita i høve vind og bølgjepåverknad Anlegget vil kunne fjernast og området kan tilbakeførast dersom anlegget vert overflødig - Etablering av anlegget føreset både at det vert gitt løyve etter føresegnene i plan- og bygningslova samt verneforskrifta for landskapsvernområdet. Kommunen forvaltar plan- og bygningslova, medan Nærøyfjorden verneområdestyre er vedtaksmynde for tiltak i landskapsvernområdet. - Det er gjennomført vurdering av bølgjepåverknad av småbåthamna. Det er konkludert med at tiltaket kan etablerast, men det må takast omsyn til effekten av bølgjer ved prosjektering av anlegget. Det ligg ikkje føre informasjon som indikerer at anlegget kjem i konflikt med regimet for forvaltning av nasjonale laksefjordar. - I tilknyting til småbåtanlegget var det tenkt etablert ein gangveg mellom småbåthamna og sentrum, noko som betrar tilgjenga langs sjøen for allmenta. Småbåthamna sikrar òg tilgjenge til området frå fjorden, som historisk har vore den naturlege vegen til bygda. I tillegg vil det vere med å redusere brukarkonflikten i sentrum, gjennom at dei som ferdast på fjorden kan gå i land på Krossanes.
Vegsystema
Trafikken svingar mykje, men den normale trafikken er låg. Vegstandarden fram til og med parkeringsplassen er føresett gitt ei utforming som tilfredsstiller krava til vegklasse A1 (N100, 2013) med ei vegbreidde på 5 meter. Resterande vegnett er føresett gitt ei utforming med vegbreidde på 3,5 meter.
Frå skulen og ned mot sentrum langs elva er det sett av areal til friområde. I friområdet kan det etablerast sti/gangveg langs elva.
Gatetun
Den kommunale vegen i sentrumsområdet og opp til Pottefot er regulert som gatetun. Gatetun er eit område fortrinnsvis berekna for opphald og leik der motorisert trafikk har avgrensa tilgang og omfang. Her skal all ferdsel skje på dei mjuke trafikantane sine prinsipp, å regulere til gatetun vil styrke bukvalitetane i området og skape fleire sosiale møteplassar. Køyring er avgrensa til lokale behov, varetransport, utrykkingskøyretøy eller drift og vedlikehald. Det berre tillat å parkere på tilviste plassar. Området som er regulert til gatetun skal visualiserast som gatetun, til dømes gjennom areal for grøntanlegg, tre og plass for opphald og leik, samstundes som tiltaka tilpassast det eksisterande bygningsmiljøet og landskapet. Gatetun og slutt på gatetun skal visast med særskilt opplysningsskilt
2019-02-01q:\undredal\vedtak av plan\5162064_rapp_planomtale_j06.docx 2019-02-12 | Side 14 av 46
Oppdragsnr.: 5160650 Dokumentnr.: 001 Versjon: J06 Reguleringsplan for Undredal | Planomtale
og tydeleg fysisk skilje. Køyrande trafikantar har vikeplikt for gåande og må ikkje køyre fortare enn i gangfart.
Møteplass
Langs vegen ned mot Undredal er der planlagt ein møteplass på elvesida, ved eigedom 51/18. Møteplassen er dimensjonert i samsvar med handbok N100 (2013), 20m lang, pluss 15m inn- og utkøyringslengde. Totalt 50 m.
Parkering
På Pottefot er det etablert parkeringsplass som skal brukast til oppstillingsplass for bil, i tillegg til snuplass og parkering for buss. I forslaget nedanfor er det sett av 20 p-plassar (2,5x5 meter) for bil. Det er i tillegg sett av kantparkering/stopp for renovasjon og varelevering. Denne løysinga har oppstillingsplass til 3 busser på same tid. Buss 2 og 3 må rygge og køyre ut der buss 1 står. I tillegg kan to bussar stå å vente, men desse har ikkje avstigingsområde.
Området skal opparbeidast etter ein samla plan som også visar området for renovasjon og varelevering. I tillegg vert det sett opp ei infotavle for besøkande i Undredal. Det skal arbeidast for ny turistbussparkering med shuttle-bus ordning ved Langhuso, dette krev eigen detaljreguleringsplan. Ved turistbussparkering på Langhuso skal områda sett av til bussparkering på Pottefot erstattast med oppstillingsplass for bil.
Figur 3.2: Snuplass og parkeringsplass på Pottefot
I sentrum er det haldeplass for lokalbuss.
Uteområdet på skulen er også føresett nytta til parkering. I tillegg er det 25 parkeringsplassar i sentrum, som er tileigna lokalbefolkninga.
2019-02-01q:\undredal\vedtak av plan\5162064_rapp_planomtale_j06.docx 2019-02-12 | Side 15 av 46
Oppdragsnr.: 5160650 Dokumentnr.: 001 Versjon: J06 Reguleringsplan for Undredal | Planomtale
Utbyggingsområda - vidare utbygging og fortetting
Utviklingsstrategien i planen gjev prinsipp for:
Plassering av ny bebyggelse (plassering i tettstaden/landskapet) Bygningsstruktur (plassering i høve til andre bygningar) Utforming av nye bygg (hovudform med dimensjonar, detaljering og materialbruk) Til- og ombygging av eksisterande bygningar
Figur 3.3: Illustrasjon som syner utviklingspotensialet som planen opnar for. Illustrasjonen ikkje er oppdatert, det er ikkje teke omsyn til faresone for skred.
Innanfor dei rammene som planen trekker opp er det rom for om lag 20 nye bueiningar. I tillegg kjem potensiale for bruk av eksisterande bygg og ombygging av landbruksbygg som ikkje vert nytta i drifta.
Undredal sin unike landsbykarakter med ein tett trehusbusetnad på vifta nede ved fjorden har vore og må vere overordna all planlegging. Nye bygningar er foreslått plassert innanfor eksisterande busetnad eller i randsonene av den. Ein har forsøkt å unngå å plassere større og kompakte bygningsvolum utanfor tettstaden, og då særleg bygningsvolum som vil endre karakteren sett frå fjorden. Viktig landbruksareal er forsøkt teke vare på. Nye bygningar er foreslått plasserast på det «minst» dyrkbare arealet slik at ein beheld næringsgrunnlaget.
Det er lagt til grunn at nye bygg følgjer dei eksisterande hovudprinsippa for bygningsstrukturar.
I gardstuna bør bygningane helst plasserast i tunet med mønet langsetter kotene, gjerne i rekketun. Langs vegane bør bygningane helst plasserast med mønet langsetter vegen. Bygningane kan ha ulik avstand til vegen. Arealet er tett utbygd og det er lite hage i høve til bygning, men dei fleste husa har ein uteplass, ein veranda, eit inngangsparti eller plass til ein benk eller eit blomsterbed slik at gata vert eit sosialt fellesrom.
2019-02-01q:\undredal\vedtak av plan\5162064_rapp_planomtale_j06.docx 2019-02-12 | Side 16 av 46
Oppdragsnr.: 5160650 Dokumentnr.: 001 Versjon: J06 Reguleringsplan for Undredal | Planomtale
Mot fjorden bør bygningane helst plasserast med mønet vinkelrett på fjorden i sentrum medan den i randsonene helst bør plasserast med mønet langsetter fjorden.
Figur 3.4: Prinsipp for fortetting og utfylling i ulike områder.
Prinsipp for utforming av nye bygg
Det er viktig at bygningskroppane har ei form, målestokk, detaljering og materialbruk som tilpassar seg eksisterande bygg i området. Dersom det er behov for større bygningar, skal desse delast opp i mindre volum som er tilpassa storleiken til bygningane i nærleiken med underordna mellombygg. Takoppløft, takarker, karnapp og verandaer skal vere klart underordna hovudvolumet. Bygningane skal ha ein stolt og lett eller tydeleg vertikal karakter og dette gjeld særleg bygningane langs gata.
2019-02-01q:\undredal\vedtak av plan\5162064_rapp_planomtale_j06.docx 2019-02-12 | Side 17 av 46
Oppdragsnr.: 5160650 Dokumentnr.: 001 Versjon: J06 Reguleringsplan for Undredal | Planomtale
Figur 3.5: Ny utbygging basert på prinsippa synt på Figur 3.4.
Det er ønskeleg med ei viss grad av fornying innanfor reguleringsområdet så lenge nybygga følgjer intensjonen i planen med tanke på bygningsstruktur, bygningsformer, dimensjonar og materialbruk. Heilskaplege vurderingar av arkitekt skal ligge til grunn.
Det er opna opp for å tenke heilt annleis der det kan ligge til rette for det, som det er gjort for servicebygningen ved stavkyrkja. Her er bygningen underordna landskapet og bygd inn i terrenget. Om det egnar seg å nytte slike grep andre stader, må vurderast i kvart enkelt tilfelle.
Til- og ombygging av eksisterande bygningar
Det er viktig at eksisterande bygningar vert tekne vare på gjennom bruk. Bygningane er kvar for seg ikkje unike i bygningsantikvarisk samanheng, men bygningane skaper ein heilskap som gir Undredal sitt særpreg. Dette særpreget er skildra under bygningsstruktur og dette særpreget skal leggast til grunn ved om- og tilbyggingar.
Dersom bygningen ikkje er egna til funksjonen den opphavleg var tenkt til og det ikkje øydelegg for gardsdrifta, kan ein søke om bruksendring av bygningen. Det er viktig at bygningen får bevare sitt særpreg som uthus eller bustadhus når det gjeld fargar, detaljer og materialbruk.
Spesielt i sentrum og LNF-område for spreidd utbygging opnar planen for til- og ombygging av eksisterande bygg.
Omsynssoner
Ved sida av arealbruksformåla er det i planen sett av omsynssoner. Desse synleggjer omsyn som må takast i det vidare detaljplan- og prosjekteringsarbeidet. Omsynssonene i denne planen er sikringssoner, faresoner og sone med særskilt gitte omsyn.
Sikringssone- drikkevatn
Det er etablert eige vassverk med grunnvassbrønnar søraustsida av Undredalselvi. I planen er det sett av omsynssone som samsvarar med klausuleringssonene for kjelda.
2019-02-01q:\undredal\vedtak av plan\5162064_rapp_planomtale_j06.docx 2019-02-12 | Side 18 av 46
Oppdragsnr.: 5160650 Dokumentnr.: 001 Versjon: J06 Reguleringsplan for Undredal | Planomtale
Faresone – ras/skred
Planområdet er omkransa av fjell. Undredalselvi og mindre elvar og bekkar renn gjennom planområdet. Noverande utbyggingsområde er lokalisert utanfor aktsemdområde for skred i klasse S2. NGI har gjennomført kartlegging av skredfaren. Faresonene ivareteke krava til tryggleik i områda der det er lagt til rette for utbygging.
Figur 3.1: Kart som syner faresoner for ras/skred.
Faresone – flaum og bølgje
Sona femnar om fare for stormflo med effekten av havnivåstigning og bølgjeoppskyljing. Effekten av bølgjeoppskyljing kan avgrensast ved relativt enkle tiltak i samband med detaljutforming av planområdet. Val av tiltak vil vere avhengig av detaljutforming av områda i overgangssona mellom sjø og land.
Faresone – Radon
Det er gjennomført målingar av radon. Resultatet syner at Aurland kommune har høgt sannsyn for høge radonverdiar. Alle byggeområda er omfatta av faresone radon, med føresegn for å trygge at krav i § 13-5 i teknisk forskrift til plan- og bygningslova vert ivareteke.
2019-02-01q:\undredal\vedtak av plan\5162064_rapp_planomtale_j06.docx 2019-02-12 | Side 19 av 46
Oppdragsnr.: 5160650 Dokumentnr.: 001 Versjon: J06 Reguleringsplan for Undredal | Planomtale
Faresone - høgspent
Sona femnar om faresone – høgspentanlegg. I sona er det eit generelt byggjeforbod knytt til oppføring av bygg. Dette følgjer direkte av sektorlov for slike anlegg.
Særskilt gitte omsyn – landskap
Området femnar om landbruksområdet i terrassane nord for Reina. Arealet skal nyttast til landbruk. Føresegnene føreset at dei markerte terrassane vert teke vare på samtidig som steingardar, rydningsrøyser og liknande skal ligge.
Figur 3.2: Kart som omsyn – landskap med dei karakteristiske terrassane nord for Reina.
Bandleggingssone – lov om naturvern
Sona femnar om den delen av planområdet som er lokalisert innfor Nærøyfjorden landskapsvernområdet.
2019-02-01q:\undredal\vedtak av plan\5162064_rapp_planomtale_j06.docx 2019-02-12 | Side 20 av 46
Oppdragsnr.: 5160650 Dokumentnr.: 001 Versjon: J06 Reguleringsplan for Undredal | Planomtale
Figur 3.3: Kart som syner den delen av landskapsvernområdet som ligg innanfor planområdet.
Nokre mindre anlegg i sentrum bryt grensa til landskapsvernområdet. Tiltak i verneområdet må ha dispensasjon frå verneforskrifta til verneområdet før det kan handsamast etter plan- og bygningslova, og deretter søkast om dispensasjon frå områdereguleringsplanen.
Særskilt gitte omsyn – kulturmiljø
Sentrumsområdet har viktige kulturkvalitetar. Omsynssona vert nytta for å både synleggjere og ta vare på kulturkvalitetane. Heile sentrum er lagt ut som omsynssone kulturmiljø. Avgrensing av sona er synt på figur 3.9. I tillegg er bevaringsverdige bygg utanfor sentrumsområdet synt med «Bygg, kulturminner mm. som skal bevares». I gjeldande plan for Undredal er bygg før 1900 synt med raster og det er eit forbod mot riving på desse bygga. Etter ein samanstilling av gjeldande plan og bygdeboka for Undredal er det innarbeida nokre endringar. Dette betyr i praksis at det ikkje er årstalet 1900 som definerer bevaringsverdien då fleire av husa er flytta eller bygd i samband med utskiftinga som var gjennomført i perioden 1900-1905. Det nye årstalet for bevaring er derfor 1905. Denne endringa vil sikre likebehandling og gjere det lettare å dokumentere verneverdien til bygga.
2019-02-01q:\undredal\vedtak av plan\5162064_rapp_planomtale_j06.docx 2019-02-12 | Side 21 av 46
Oppdragsnr.: 5160650 Dokumentnr.: 001 Versjon: J06 Reguleringsplan for Undredal | Planomtale
Innanfor omsynssona opnar planen både for utbygging og fortetting. Det er gitt føringar for både plassering og forming. Viktigast er likevel kravet om at det ved søknad skal følgje ei fagleg grunngjeving for valt løysing og korleis denne er tilpassa karakteren og tilgrensande bygningsmasse.
Bandleggingssone – kulturminne
Det ligg føre lite informasjon om kulturminne i Undredal, men historia tilseier at det er potensiale. Kyrkja er freda. Området er sett av som bandleggingsone. Kring kyrkja er det i tillegg lagt inn byggegrense på 60 meter som følgjer av kyrkjelova.
Figur 3.4: Kart som syner bandleggingssona kring stavkyrkja med tilhøyrande byggegrense på 60 meter og kulturmiljøet i sentrum.
2019-02-01q:\undredal\vedtak av plan\5162064_rapp_planomtale_j06.docx 2019-02-12 | Side 22 av 46
Oppdragsnr.: 5160650 Dokumentnr.: 001 Versjon: J06 Reguleringsplan for Undredal | Planomtale
Verknader av planframlegget
Planframlegget er basert på kommunedelplan for Aurland og politiske føringar som er trekt opp gjennom handsaming av konseptstudia og vurderingane i høve naturbasert sårbarheit.
Arealbruk og trafikk
Fylkesvegen er hovudtilkomsten til området på land. Vegen har funksjon som samleveg og går mellom planområdet og tryggjar tilgjenge til E16 som går gjennom kommunen. Tal i nasjonal vegdatabank syner ÅDT på 200. Vegen er smal og sjølv om trafikken er låg, er det over året store svingingar, med høg del tunge køyretøy i turistsesongen. Planen opnar for ei utviding av vegsystema utanfor sentrum. I sentrum er dei mjuke trafikantane prioritert. Dette er gjort gjennom regulering av areala til gatetun. For å betre trafikktryggleiken er den kommunale vegen opp til Pottefot foreslått regulert som gatetun. Moglegheiter for restriksjonar gjennom skilting har vore undersøkt, men Statens Vegvesen anbefaler tilrettelegging framfor forbod.
Det er lagt til rette for fleksibel regulering som skapar relativt vide rammer for kva bygg kan nyttast til. Det tryggjar naudsynt fleksibilitet slik at aktiviteten i den etablerte bygningsmassen kan tilpassast over tid.
Innanfor planområdet er det ikkje opna for nye fritidsbygg eller bruksendring av eksisterande bygg til fritidsbustader. Det er i staden poengtert at bustadhus skal nyttast til heilårsbustadar, noko som er ei vidareføring frå dei eldre reguleringsplanane for Undredal.
Landskap
Det store flate høgfjellsområdet vert brote opp av Undredalen med sidedalar som skjer seg ned. Undredalen har svært bratte skråningar som er prega av ras-aktivitet. Det som i stor grad pregar området er det flate høgfjellspartiet, den tronge dalen og dei bratte dalsidene.
NIJOS har delt Noreg inn i 45 landskapsregionar med tilhøyrande underregionar. Inndelinga er basert på natur- og kulturgitte tilhøve som vert vurdert saman med landskapsform som det viktigaste kriteriet. Planområdet er lokalisert innanfor region 23 (indre vestlandsbygder) og underregion 23.01 (Aurland- Flåm-Nærøy).
Området er vurdert til å ha stor verdi, med svært gode visuelle kvalitetar. Kvalitetane er påverka av både nyare tiltak med noko uheldige overgangar samt sikringstiltak i Undredalselvi. Planen søker å vidareføre kvalitetane i bygda. Bustadområdet på Krossanes er vidareført frå vedteken plan. Tiltaka i denne overgangssona mellom fjorden og land vil endre landskapsbildet frå fjordsida.
Naturmangfald
Det er ikkje registrert prioriterte naturtypar innanfor planområdet, men planområdet grensar på land til Nærøyfjorden landskapsvernområdet. I fjorden femnar planen om areal innanfor landskapsvernområdet.
Vegetasjonen i sjølve Undredal består vesentleg av gråorskog. I dei bratte sidene er det mykje rasmarkvegetasjon, og lengst framme i dalen små kratt med hasselskog. Det meste av vegetasjonen er beitepåverka.
2019-02-01q:\undredal\vedtak av plan\5162064_rapp_planomtale_j06.docx 2019-02-12 | Side 23 av 46
Oppdragsnr.: 5160650 Dokumentnr.: 001 Versjon: J06 Reguleringsplan for Undredal | Planomtale
Utvalet av artar og vegetasjonstypar er avgrensa, då berggrunnen består av harde kalkfattige bergartar.
Størst interesse har rasmarka og dei sørausteksponerte dalsidene yst i Undredal, der ein finn tørre berg og bakka med særprega artssamansetning samt hasselskog og kratt.
Området er eit viltfatting område, både med omsyn til tal artar og produksjon.
Figur 4.1: Kartet viser landskapsvernområdet (raud skravur) som på land omkransar planområdet og i fjorden delvis femnar om planområdet. Dei to grøne områda er prioriterte naturtypar som femnar om høvesvis hasselskog og tørrbakke (Kjelde: fylkesatlas).
Planen opnar ikkje for tiltak i område med registrerte naturverdiar.
Naturresursar med vekt på landbruk
I stadanalysen er landbruksareala kartlagt. Det er skilt mellom svært viktig og viktig landbruksareal. Aktive landbruk bør vidareførast. Område utsett for skred på Krossanes er tilbakeført til landbruk.
Kulturmiljø
Det er ikkje gjennomført registrering av kulturminne som ein del av planarbeidet.
Stavkyrkja er frå år 1147, og er den minste i landet.
Når det gjeld nyare tids kulturminne, er omfanget av kulturminne mangfalding med stort kunnskapspotensiale. Det gjeld spesielt tettstaden, gjennom at den avspeglar mange slag aktivitetar frå middelalderen til i dag.
2019-02-01q:\undredal\vedtak av plan\5162064_rapp_planomtale_j06.docx 2019-02-12 | Side 24 av 46
Oppdragsnr.: 5160650 Dokumentnr.: 001 Versjon: J06 Reguleringsplan for Undredal | Planomtale
Undredal har eit særprega bygningsmiljø, som det vil ha stor verdi å ta vare på. Husklyngene ligg som blikkfang frå fjordlandlandskapet. Bygga er samansett, der kvart hus ikkje i seg sjølv har verneverdi. Verdiane er knytt til heilskapen og den særeigne tette strukturen.
Busetnaden heng saman med dei etablerte anlegga som femnar om bl.a. vegar, steinmurar, stiar, brygger og båtstøer. Dette er større og mindre anlegg på land og i strandsona som er med å gje eit variert totalinntrykk av området. Mange av desse anlegga har gode handverkskvalitetar, og det er nytta stadeigne materiale.
Dei karakteristiske terrassane er iaugefallande og er med å gjev Undredal identitet.
Landskapet heng tett saman med jordbruksdrifta. Dei sterke kontrastane mellom dei stupbratte fjellsidene er ei oppleving. Kulturpåverknaden er med å gje området ein rikare opplevingsverdi.
Figur 4.2: Bilde som syner Undredal frå fjorden, der ein tydeleg ser samanhengen mellom dei stupbratte fjellsidene, det kulturpåverka landskapet og tettstaden.
2019-02-01q:\undredal\vedtak av plan\5162064_rapp_planomtale_j06.docx 2019-02-12 | Side 25 av 46
Oppdragsnr.: 5160650 Dokumentnr.: 001 Versjon: J06 Reguleringsplan for Undredal | Planomtale
Figur 4.3: Kartet syner registrerte kulturminne som femnar om stavkyrkja frå 1147 med tilhøyrande tryggjingssone og SEFRAK-bygg. (SEFRAK-bygg: Raud trekant – meldingspliktig bygg etter § 25 i kulturminnelova, Gul trekant – anna SEFRAK-bygg, Grå trekant – ruin eller fjerna objekt). (Kjelde: fylkesatlas).
Planområdet femnar om landskap og kulturmiljø av stor verdi. Eit viktig siktemål med planen er ta vare på kvalitetane samtidig som det vert lagt til rette for utvikling av Undredal som bu-, arbeids- og besøksstad. Dette er søkt ivareteke på ein balansert måte gjennom både fleksibel arealbruk og omsynssone som er med å trygge at områdekarakteren vert teken vare på.
Friluftsliv
Det er ikkje registrert spesielle friluftskvalitetar innanfor eller ved planområdet i nasjonale databasar.
Fjorden vert i dag stadig meir nytta og mange kjem til området både med kajakk og båtar. Det skal leggjast til rette for ilandstigning for kajakk ved GF2, friområdet ved Undredalselvi. Det vil bli ein parkeringsplass, som kan brukast etter avtale, i byrjinga av stien ned til området.
Figur 4.4: Illustrasjonar som syner parkering og ilandstigning for kajakk.
2019-02-01q:\undredal\vedtak av plan\5162064_rapp_planomtale_j06.docx 2019-02-12 | Side 26 av 46
Oppdragsnr.: 5160650 Dokumentnr.: 001 Versjon: J06 Reguleringsplan for Undredal | Planomtale
Etter at vegen vart bygd, er det mykje turisme i bygda. Svært mange kjem for å sjå tettstaden og stavkyrkja. I tillegg har vegen gjort fjellområda lettare tilgjengelege.
Gamlevegen frå Undredal og opp til stølane Melhus og Langhuso, er framleis intakt, og er ein flott turveg. Undredalen er eit svært attraktivt turområde for barnefamiliar.
Frå dalen er det mogleg å gå til fots opp på fjellet. Det er ein særskild opplevingsverdi å gå frå fjord til fjell og få med seg heile vegetasjonsgradienten, slik ein kan i Undredal.
Planen vil betre både tilgjenge til og frå sjøen, samtidig som planen opnar for at området på land og i strandsona kan tilførast kvalitetar som er med å legge til rette for friluftsliv og auka bruk av området. Auka bruk vil kunne føre til meir slitasje. Planen opnar ikkje for nedbygging av kvalitetar.
Eigedomstilhøve
Gjennomføring av planen føreset i liten grad at fleire teigar av ulike gnr/bnr vert sett på som ei byggetomt. Det heng saman med at planen i stor grad er basert på den etablerte eigedomsstrukturen. Utvikling av samferdsleanlegg og tilrettelegging av grøntområde føreset at fleire eigedommar/teigar vert sett på under eitt.
Økonomiske konsekvensar
Til å vere ei lita grend, femnar planen om store offentleg tilgjengelege areal. Det er i liten grad innarbeidd rekkefølgjeføresegner som sikrar opparbeiding av desse areala.
Opparbeiding av dei offentlege areala, tryggingstiltak og beredskap vil kunne medføre både investeringskostnader og auka vedlikehaldskostnader for kommunen. Kommunale tiltak må prioriterast gjennom økonomiplan og budsjettet til kommunen. For å trygge utvikling, blir planarbeidet fylgt opp med ei handlingsplan eller tiltaksplan.
Tiltak vil vere knytt til både infrastruktur og sikringstiltak.
I plan- og bygningslova er det eigne føresegner for fordeling av kostnader. Det kan gjennomførast enten gjennom avtale eller refusjon. Truleg vil refusjon eller avtaler basert på grunnprinsippa for refusjon, vere dei mest praktiske verkemidla for å trygge gjennomføring av planen i Undredal.
Risiko- og sårbarheit
Risikoanalysen har hatt til formål å gje eit representativt bilde av risiko innanfor området omfatta av reguleringsplanen for Undredal. ROS-analysen viser for følgjande hendingar: 1. Stormflo, havnivåstigning og bølgjeoppskyljing; Området er i sårbarheitsanalysen vurdert som sårbart. Hending er vurdert til å vere sannsynleg, med svært liten konsekvens for liv og helse, svært liten konsekvens for ytre miljø og middels konsekvens for samfunnsverdiar. Oppsummert vert hendinga plassert gult område. Anbefalt oppfølging er at bygg vert plassert minimum på nivå for stormflo. Ved planlegging av uteområda må det planleggast tiltak mot bølgjeoppskyljing og drenering som ivareteke krava til tryggleik.
2. Brann som spreiar seg i det eldre trehusmiljøet; Området er i sårbarheitsanalysen vurdert som sårbart. Hending er vurdert til å vere moderat sannsynleg, med stor konsekvens for liv og helse,
2019-02-01q:\undredal\vedtak av plan\5162064_rapp_planomtale_j06.docx 2019-02-12 | Side 27 av 46
Oppdragsnr.: 5160650 Dokumentnr.: 001 Versjon: J06 Reguleringsplan for Undredal | Planomtale
liten konsekvens for ytre miljø og stor konsekvens for samfunnsverdiar. Oppsummert vert hendinga plassert gult område Anbefalt oppfølging er tilsyn og førebyggande tiltak (beredskap).
3. Drukning; Området er i sårbarheitsanalysen vurdert som nøytralt. Hending er vurdert til å vere sannsynleg, med stor konsekvens for liv og helse, svært liten konsekvens for ytre miljø og samfunnsverdiar. Oppsummert vert hendinga plassert raudt område. Anbefalt oppfølging er at anlegg langs fjorden må utformast på ein slik måte at det er moglegheit for eigenredning, kantar eller andre tiltak ved fjorden, som kan hindre eller stoppe bevegelsar mot fjorden og gje ein sjanse for eigenredning. Det vert lagt til grunn at redningsutstyr vert plassert ut. (beredskap)
Det må understrekast at ei endring av utbygging og etablering av ny/endra type formål som ikkje er i samsvar med dagens planar i området, vil kunne medføre behov for ei ny ROS-vurdering av området.
Krava til tryggleik i plan og bygningslova
Vurderinga er gjort med utgangspunkt i kategoriane for sannsyn og konsekvens. I høve flaum og skred er det i § 7-3 i Teknisk forskrift til plan- og bygningsloven definert tryggleiksklassar for byggverk. Det er i forskrifta skilt mellom liten, middels og stor konsekvens. Planen legg til rette for bustader og ulike publikumsretta funksjonar som fell innanfor F2 og S2. Kravet til tryggleik er ivareteke gjennom at utbyggingsareal er avgrensa mot faresonene. Kommunen må gjennom sitt beredskapsarbeid avklare ansvar og korleis det skal nærmare organiserast.
Under føresetnad av at føringane i planen med tilhøyrande føresegner vert gjennomført, tilfredsstiller planen krava til tryggleik i teknisk forskrift (TEK17) i plan- og bygningslova.
Planretningslinjer og rettslege prinsipp
Gjennom planomtalen skal det i tillegg til vurdering av verknader, gjerast spesielt greie for i kva grad planen har innverknad på mål/formål med:
Dei miljørettslege prinsippa i naturmangfaldslova Regimet for å ta vare på den nasjonale laksefjorden Statlege planretningsliner for forvaltning av strandsona Rikspolitiske retningsliner for verna vassdrag Forskrift om vern av Nærøyfjorden landskapsvernområde
Dei miljørettslege prinsippa i naturmangfaldslova
Naturmangfaldslova femnar om all natur og alle sektorar som forvaltar natur eller som fattar vedtak som kan ha konsekvensar for natur. Gjennom lova er det, bl.a. innført forvaltningsmål for naturtypar og artar, krav til kunnskapsgrunnlag og rettslege prinsipp for natur (føre-var, samla belasting m.m.).
Formålsparagrafen (§1) i lova har slik ordlyd:
«Lovens formål er at naturen med dens biologiske, landskapsmessige og geologiske mangfold og økologiske prosesser tas vare på ved berekraftig bruk og vern, også slik at den gir grunnlag for menneskenes virksomhet, kultur, helse og trivsel, nå og i fremtiden, også som grunnlag for samisk kultur.»
2019-02-01q:\undredal\vedtak av plan\5162064_rapp_planomtale_j06.docx 2019-02-12 | Side 28 av 46
Oppdragsnr.: 5160650 Dokumentnr.: 001 Versjon: J06 Reguleringsplan for Undredal | Planomtale
Det går av § 8 første leidd i naturmangfaldslova fram at vedtak som rører naturmangfaldet skal bygge på vitskapleg kunnskap om artar sin bestandssituasjon, naturtypar si utbreiing og økologisk tilstand samt effekten av påverknad.
I denne saka er dei nye utbyggingsområda innanfor planområdet vurdert til å ha liten verdi for naturmangfaldet. Området består av grasdekte flater. Det ligg ikkje føre informasjon om at områder fungerer som funksjonsområde for nokon truga artar. Kunnskapsgrunnlaget er ut frå at nytt areal femnar om mindre grasdekte flater, vurdert til å vere tilstrekkeleg.
Føre-var-prinsippet og kostnader etter §§ 9 og 11 i naturmangfaldslova er vurdert til ikkje å vere aktuelt, sidan verdiar ikkje verte rørt verdiar.
Det er ikkje avdekt omsyn gjennom dette arbeidet som inneber at det bør stillast krav om miljøforsvarlege teknikkar og driftsmetodar etter § 12 i naturmangfaldsloven.
Norconsult AS har utarbeidd planen for forslagsstillar. Forslagstillar og ansvarleg for planen er Aurland kommune. Grunneigarane i området vil mest truleg vere tiltakshavar for tiltaka som planen legg til rette for. Det er lagt til grunn at tiltakshavar tek alle kostnader ved gjennomføring av tiltaket.
Regimet for å ta vare på nasjonale laksefjordar
Formålet med laksefjordar er å gje eit utval av dei viktigaste laksebestandane i Noreg eit særskilt vern. Regime skal sikre at det ikkje vert gjennomført nye tiltak som kan vere til skade for laksen. I samsvar med det som går fram av kap. 4.3.2 og 4.4.2 i St.prp. nr. 79 (2001 – 2002) skal det det ikkje tillatast større inngrep i munningsområdet. I sentrum er planen hovudsakleg i samsvar med gjeldande plan og tiltak som det er gitt løyve til å etablere.
Statlege retningslinjer for forvaltning av strandsona
Aurland kommunen fell inn i kategorien av kommunar med «mindre press på areal». Tiltaket skal gjennomførast innanfor 100-metersbeltet.
Av retningslinjene går det fram at utbygging bør skje i område som er utbygd frå før. Området er regulert. Bustadområde på Krossanes er trekt tilbake frå strandlinja. Mellom sjøen og bustadområde er det regulert friområde, noko som betrar tilgjenga langs sjøen for allmenta.
I høve tilgjenge for innbyggjarane til fjorden, er planen vurdert til å få positiv konsekvens.
Rikspolitiske retningslinjer for verna vassdrag
Undredalselvi vart verna gjennom verneplan IV i 1993. Elva er ein viktig del av fjordlandskap av internasjonal verdi.
Vassdragsbeltet vert delt inn i forvaltningsklassar. Det er teke utgangspunkt i at den delen av planområdet som er lokalisert innanfor virkeområdet til retningslinjene er lokalisert innanfor klasse 1. Av forvaltningskriteria for klasse 1, går det fram at inngrep som er til skade for pedagogisk verdiar, friluftsverdiar, framkomme langs vasstrengen eller opplevingsverdiar, bør unngåast.
Informasjon om kvalitetar som er offentleg tilgjengeleg innanfor plan og influensområdet er omtalt i kap. 4 i denne planomtala, og det vert synt til omtala av desse.
Eit viktig siktemål med planarbeidet er å legge rammene for vidareutvikling av Undredal som bu- besøks- og arbeidsstad, samtidig som det vert teke omsyn til dei særeigne kvalitetane innfor området. Planframlegget er vurdert til å bygge opp om nasjonale mål for forvaltning av vassdraget.
2019-02-01q:\undredal\vedtak av plan\5162064_rapp_planomtale_j06.docx 2019-02-12 | Side 29 av 46
Oppdragsnr.: 5160650 Dokumentnr.: 001 Versjon: J06 Reguleringsplan for Undredal | Planomtale
Vedlegg 1
PLANFØRESEGNER
Endringar etter § 12 - 14 i plan- og bygningsloven:
Nr. Endring: Dato Sak
1
2
Handsaming etter §§ 12 - 10 og 12 – 12 i plan- og bygningsloven:
Politisk organ Dato Sak
1. gangs handsaming
Offentleg ettersyn
2. gangs handsaming
Godkjenning
Kunngjering
§ 1 AVGRENSING OG FORMÅL
1.1 Avgrensing av området
Det regulerte området er vist på plankartet 1 og 2 med plangrense, datert 1. februar 2019, og godkjent av Aurland kommunestyre i sak ------, den ------.
1.2 Reguleringsformål
Området er regulert til følgjande formål:
Bygningar og anlegg, jf. Plbl § 12-5, 2. ledd nr. 1
Bygg og anlegg (BA1 – BA9) [Rp 1110] Bustader (B1 – B7) [Rp 1110] Kyrkje/anna religiøs utøving (BR1 og BR2) [Rp 1164] Campingplass (BC) [Rp1173]
Samferdsleanlegg og teknisk infrastruktur, jf. Plbl § 12-5, 2. ledd nr. 2
Køyreveg (SKV1-SKV7) [Rp 2011] Gatetun (SGT1-SGT3) [Rp 2014] Gangveg/gangareal (SGG1-SGG2) [Rp 2016] Kai (SK1 – SK3) [Rp 2041] Parkeringsplassar (SPP1-SPP4) [Rp 2080]
2019-02-01q:\undredal\vedtak av plan\5162064_rapp_planomtale_j06.docx 2019-02-12 | Side 30 av 46
Oppdragsnr.: 5160650 Dokumentnr.: 001 Versjon: J06 Reguleringsplan for Undredal | Planomtale
Grønstruktur, jf. PBL § 12-5, 2. ledd nr. 3
Turveg (GT) [Rp 3031] Friområde (GF1 -GF4) [Rp 3040] Park (GP1-GP2) [Rp 3050]
Landbruks-, natur- og friluftsområde, jf. PBL § 12-5, 2. ledd nr. 3
LNF-område (L1-L7) [Rp 5100] LNF-område for spreidd utbygging (LS1 – LS3) [Rp 5200]
Bruk og vern av sjø og vassdrag, jf. PBL § 12-5, 2. ledd nr. 6
Ferdsel (VFE) [Rp 6100] Friluftsområde i sjø og vassdrag (VFV1-VFV4)) [Rp 6710]
Omsynssone, jf. Plbl § 12-6
Sikringssone – drikkevatn [H110] Faresone – ras/skred [H310] Faresone – flaum [H320] Faresone – radon [H330] Faresone – høgspentlinje [H370] Særskilt gitte omsyn - landskap [H550] Særskilt gitte omsyn – kulturmiljø [H570] Bandleggingssone – lov om naturvern [H720] Bandleggingssone – kulturminne [H730]
§ 2 FELLES
2.1 Føremålet med reguleringsplanen
Føremålet med planen er å ta vare på Undredal sitt særpreg i busetnad og landskapsform, samstundes som ein legg til rette for vidare utbygging av bustader og legg til rette for ny bruk av eksisterande bygningsmasse.
Undredal stavkyrkje ligg sentralt i planområdet. Ho er automatisk freda og bandlagt etter kulturminnelova. Planen skal leggje til rette for ei utvikling som tek vare på kyrkja sin posisjon og verknad i landskapet. Ved all planlegging av tiltak i planområdet skal ein ta omsyn til kyrkja. Alle søknadar om tiltak som kan verke inn på opplevinga av kyrkja skal vurderast av kulturminneforvaltninga.
2.2 Krav til dokumentasjon ved søknad om gjennomføring av tiltak
Før det vert gjeve løyve til gjennomføring av tiltak skal det leggjast fram og godkjennast:
Detaljert situasjonsplan som syner nye bygg si plassering saman med eksisterande/tilgrensande bygg, avkøyrsle, gangsamband, frisiktsoner, parkeringsplassar og areal/anlegg for avfall Utomhusplan som syner høgdesett terreng, detaljutforming og opparbeiding av ikkje utbygde areal i målestokk 1:200 eller 1:500
2019-02-01q:\undredal\vedtak av plan\5162064_rapp_planomtale_j06.docx 2019-02-12 | Side 31 av 46
Oppdragsnr.: 5160650 Dokumentnr.: 001 Versjon: J06 Reguleringsplan for Undredal | Planomtale
Fasadeoppriss som syner tiltak sett i samanheng med nærliggande eksisterande og planlagde detaljar/bygg. Gesims og mønehøge skal påførast Profil/snitt med eksisterande og nytt terreng Visualisering i form av 3D-modell/fotomontasje som syner tiltak sett i samanheng med nærliggande eksisterande og planlagd bygningsmasse
2.3 Byggegrense
Bygg skal plasserast innanfor byggegrense.
Byggegrense til offentleg veg er vist i plankartet.
Byggegrensa til kyrkja er på 60 meter og synt på plankartet.
Byggegrensa for område sett av til Bygg og anlegg (BA) er synt på kartet. Der bustadformål ligg langs veg, er byggegrensa 5 meter frå vegkant. Der byggegrensa ikkje syner går den i formålsgrensa.
Naust kan plasserast i formålsgrensa.
Garasje kan plasserast inntil 1 meter frå regulert grense mot veg og nabogrense
2.4 Tilgjenge i uteområde
Det skal sikrast god tilgjenge til uterom og bygg for alle, medrekna rørslehemma, orienteringshemma og miljøhemma. Areal skal utformast på ein slik måte at dei kan brukast på like vilkår av så stor del av befolkninga som mogeleg.
Grøntområde og regulerte friområde skal fungere som fullverdige rekreasjonsområde- og leikeområde for alle brukargrupper, inkl. funksjonshemma, barn og vaksne. Det skal leggjast vekt på universell utforming, dvs. at apparat og anlegg i området skal kunne nyttast på like vilkår av så mange som mogeleg.
2.5 Estetisk kvalitet på bygg og utomhusanlegg
Det er lagt til grunn at nye bygg følgjer dei eksisterande hovudprinsippa for bygningsstrukturar.
- Langs vegane skal bygningane plasserast med mønet langsetter vegen. Bygningane kan ha ulik avstand til vegen. - Mot fjorden skal bygningane plasserast med mønet vinkelrett på fjorden i sentrum medan den i randsonene skal plasserast med mønet langsetter fjorden.
Dersom det er behov for større bygningar, skal desse delast opp i mindre volum som er tilpassa storleiken til bygningane i nærleiken med underordna mellombygg. Takoppløft, takarker, karnapp og verandaer skal vere klart underordna hovudvolumet. Bygningane skal ha ein stolt og lett eller tydeleg vertikal karakter og dette gjeld særleg bygningane langs gata i sentrum.
Nybygg skal førast opp i tre og mur. Vindauge og dører bør ha innramming av tre. Husa kan ha eit moderne formspråk og fargesetting med avdempa fargar.
2.6 Skilt og reklame
Søknad om oppføring av reklame/reklameinnretning og liknande skal handsamast i samsvar med PBL § 30-3. Løyve vert gjeve for ein periode på 5 år. Ut over dette kan kommunen krevje reklameskilt/reklameinnretningar fjerna i samsvar med PBL § 30-3.
2019-02-01q:\undredal\vedtak av plan\5162064_rapp_planomtale_j06.docx 2019-02-12 | Side 32 av 46
Oppdragsnr.: 5160650 Dokumentnr.: 001 Versjon: J06 Reguleringsplan for Undredal | Planomtale
Reklameskilt skal ha storleik, farge og utforming som ikkje er skjemmande. Reklameskilt skal tilpassast eksisterande bygg og omgjevnader i størst mogleg grad.
Det er ikkje tillate med blinkande eller bevegeleg reklameskilt/reklameinnretningar. Skilt og reklame i form av lyskasser vert ikkje tillate. Det vert ikkje tillate oppføring av lyssett reklameskilt. Frittståande reklameskilt vert normalt ikkje tillate. Med frittståande reklameinnretningar er det meint flaggstenger, reklametårn, frittståande skilt med fot m.v. På takflater, gesims eller møne, er det ikkje tillate å plassere reklameskilt eller annan form for reklameinnretning.
Reklameskilt skal plasserast over opningar på bygget sin hovudfasade. Summen av skilt skal ikkje dekke meir enn ¼ av bygget sin horisontale fasadelengde. Det einskilde skiltet si lengde skal ikkje overstige 1,5 meter. På næringsbygg som inneheld fleire verksemder, skal firma sine skilt samordnast slik at det vert oppnådd ein tilfredsstillande estetisk kvalitet. Det vert ikkje tillate oppført meir enn eitt uthengsskilt og eitt veggskilt for kvar verksemd som vert driven i bygget. Dersom ei verksemd har to eller fleire inngangsparti kan det vurderast fleire enn eitt sett skilt. Uthengsskilt skal ikkje ha større bredde enn 0,6 meter.
I områder sett av til omsynssone kulturmiljø (H570) eller annan verna bygningsmasse (H730), skal det ved utforming av skilt eller søknad utvisast særskilde omsyn til eksisterande bygg.
I naturlandskap, kulturlandskap, grønstrukturar og friluftsområde må det ikkje førast opp reklameskilt. Etter søknad kan informasjonsskilt utplasserast.
2.7 Krav til parkering
All parkering skal skje på eiga tomt og/eller i felles anlegg. Parkeringsplassane skal vere opparbeidd eller sikra opparbeidd før mellombels bruksløyve eller ferdigattest vert gjeve.
Parkeringskrav:
- Minst 5 %, og aldri færre enn 2, av p-plassane (bil) i område for bygg og anlegg og kyrkje skal vere utforma og avsett til rørslehemma, på plassar som ligg nær inngangar. - P-plass (bil) for forretning og bevertning skal vere opparbeidd med minimum ein plass pr. 100 m2 BRA. - P-plass (bil) for bustad og fritidsbustad skal vere opparbeidd med minimum 1,5 plass pr. husvære som er mindre enn 85 m2 BRA og 2 plass pr. husvære som er over 85 m2 BRA. - Sykkelparkering for forretning og bevertning skal vere opparbeidd med minimum ein plass pr. 150 m2 BRA, med trygg tilkomst over tomta til gangveg eller fortau.
2.8 Kulturminne
Tiltakshavar har plikt til å vise varsemd og til å straks melde frå til Sogn og Fjordane fylkeskommune ved kulturavdelinga dersom ein under arbeidet skulle støyte på automatisk freda kulturminne, jf. § 8, 2. ledd i Lov om kulturminne.
Dersom kulturminne på sjøbotn vert påvist under arbeid og desse kan verte ramma av tiltak, må arbeid under vatn straks stoppast og det skal gjevast melding til stiftinga Bergen Sjøfartsmuseum. Arbeid med tiltak må ikkje gjerast før museet har undersøkt og eventuelt frigitt område. Eventuelle brot på desse føresetnadene vil være i strid med føresegnene i Lov av 9. juni 1978 nr. 50 om kulturminne.
2019-02-01q:\undredal\vedtak av plan\5162064_rapp_planomtale_j06.docx 2019-02-12 | Side 33 av 46
Oppdragsnr.: 5160650 Dokumentnr.: 001 Versjon: J06 Reguleringsplan for Undredal | Planomtale
§ 3 BYGNINGAR OG ANLEGG
3.1 Felles føresegner
Før det vert gjeve løyve til frådeling av tomt i områda B, skal det i tillegg til det som går fram av § 2.2, utarbeidast tomtedelingsplan. For B4 skal det utarbeidast detaljplan som gjer ei vurdering av potensiale for kvikkleireskred og handtering av overflatevatn.
Bustadhus skal nyttast til heilårsbustadar.
3.2 Bygg og anlegg (BA1 – BA9)
Bygg og anlegg omfattar areal for bustad, naust/sjøhus, forretning, kontor, lager, turisme, offentlege- og allmennyttige formål, kommunaltekniske anlegg og idrettsanlegg og uteopphaldsareal.
BA9 skal nyttast til forsamlingshus. BA8 skal ikkje byggast om til korttidsutleige.
Grad av utnytting er BRA = 350 m2.
Maks mønehøgda og gesimshøgda skal ikkje overskride høvesvis 9 og 7 meter.
Bygningane skal oppførast i tradisjonelle trekonstruksjonar. Dei skal ha saltak med takvinkel mellom 30 og 45 grader.
Minste uteopphaldsareal (MUA) skal vere 20 % av BRA og minimum 25 m2 pr bueining/husvære for nye bustader. For bustad på over 100 m2 skal MUA vere minimum 20 % av BRA pr. bustadeining på bakkeplan. Arealet skal vere eigna for opphald og ha god tilkomst frå husværa, samt vere skjerma frå støy og forureining og ha gode sol- og lystilhøve. Uteopphaldsarealet skal ikkje vere brattare enn 1:3.
Arealet skal vere tilrettelagt for ulike aktivitetar som leik og spel for barn og unge, og ha sitteplassar. Utearealet skal ha eit grønt preg, maks 50 % av utearealet kan ha fast dekke. Det skal leggast til rette for planting som sikrar eit variert areal som er godt eigna til opphald og rekreasjon.
3.3 Bustader (B1 – B7)
Grad av utnytting for B1 og B2 er BRA = 240 m2 med grunnflate på maks 80 m2, men skal ikkje overskride %-BYA=35%.
Bustadar på B1 og B2 skal byggast med kjellar og det er ikkje tillat med oppfylling og høge murar. Møneretninga skal vere langs fjorden.
GF1 skal opparbeidast før B4 er ferdig utbygd.
Grad av utnytting for B3 – B7 er BRA = 350 m2, men skal ikkje overskride %-BYA=50%.
Maks mønehøgda og gesimshøgda skal ikkje overskride høvesvis 9 og 7 meter.
Bygningane skal oppførast i tradisjonelle tre-konstruksjonar. Dei skal ha saltak med takvinkel mellom 30 og 45 grader. Utvending fargesetting skal vere avdempa. Taka skal ikkje ha lysreflekterande flatar.
Minste uteopphaldsareal (MUA) skal vere 20 % av BRA og minimum 25 m2 pr bueining/husvære. For bustad på over 120 m2 skal MUA vere minimum 20 % av BRA pr. bustadeining på bakkeplan. Arealet skal vere eigna for opphald og ha god tilkomst frå husværa, samt vere skjerma frå støy og forureining og ha gode sol- og lystilhøve. Uteopphaldsarealet skal ikkje vere brattare enn 1:3.
Arealet skal vere tilrettelagt for ulike aktivitetar som leik og spel for barn og unge, og ha sitteplassar. Utearealet skal ha eit grønt preg, maks 50 % av utearealet kan ha fast dekke. Det skal leggast til rette for planting som sikrar eit variert areal som er godt eigna til opphald og rekreasjon.
2019-02-01q:\undredal\vedtak av plan\5162064_rapp_planomtale_j06.docx 2019-02-12 | Side 34 av 46
Oppdragsnr.: 5160650 Dokumentnr.: 001 Versjon: J06 Reguleringsplan for Undredal | Planomtale
3.4 Campingplass (BC)
Servicefunksjonar til campingplassen er dekka gjennom gnr 51, bnr 20, festenummer 1. Mindre tiltak som er nødvendig for drifta av campingplassen skal gjennomførast etter ein heilskapleg plan. Det er ikkje lov med spikartelt.
Området skal nyttast til teltplass eller korttidsoppstillingsplass for bubilar og campingvogner. Det skal vere minst 3 meter avstand mellom campingvogn, bubilar og telt.
3.5 Kyrkje/anna religiøs utøving (BR)
Området femnar om eksisterande, freda kyrkje med tilhøyrande servicebygg. Offentleg område.
§ 4 SAMFERDSLESANLEGG
4.1 Felles føresegner
Mindre tilpassingar mellom dei ulike områda er tillate, mellom anna for optimalisering av veglinja ved detaljprosjektering.
Frisiktsoner skal dimensjonerast ut frå standardkrav i vegnormal N100. Innanfor frisiktlinje/frisiktssonene skal det til ei kvar tid vere fri sikt 0,5 meter over plan for tilstøytande vegar.
Standard vegrekkverk skal ikkje monterast på kommunale vegar innanfor planområdet. Vegrekkverk skal ha ei utforming og ein materialbruk som harmonerer med landskapet.
Parkeringsplass skal formast slik at store flater vert delt opp av vegetasjonsfelt, steinsettingar og liknande.
Kai omfattar Gamlabryggja og Nyabryggja. Nyabryggja kan oppgraderast for å tilpassast nye fartøy.
Traktor/landbruksutstyr kan nytte SGG som tilkomst til teigar langs SGS.
Områda markert med «o_» på kartet er offentleg område.
4.2 Gatetun (SGT)
Den kommunale vegen i sentrumsområdet opp til Pottefot skal utviklast som gatetun. Biltrafikk er avgrensa til heilt nødvendige lokale behov for servicefunksjonar og tilkomst til eigedom og landbrukseigedom, camping og for buss i rute. Tilkomst for utrykkingskøyretøy, samt drift og vedlikehald er tillat. Varetransport til næringsareal er tillat. Det er elles ikkje tillat med køyring med bil, buss eller lastebil i desse områda. Det er heller ikkje tillat å parkere utanom på tilviste plassar. Området som er regulert til gatetun skal visualiserast som gatetun, til dømes gjennom areal for grøntanlegg, tre og plass for opphald og leik, samstundes som tiltaka tilpassast det eksisterande bygningsmiljøet og landskapet. Gatetun og slutt på gatetun skal visast med særskilt opplysningsskilt og tydeleg fysisk skilje.
4.3 Parkeringsplassar (SPP)
Snuplassen, Pottefot, (SPP2) vert opparbeida som parkeringsplass for besøkande bussar og bilar. Området skal vere eit velkomstpunkt inn til bygda. Detaljplan med sporingsanalyse, avkøyrsler inn og ut av snuplassen, samt sikttrekantar, skal godkjennast av Statens Vegvesen før opparbeiding. Det skal leggjast til rette for ladepunkt for el-bil.
2019-02-01q:\undredal\vedtak av plan\5162064_rapp_planomtale_j06.docx 2019-02-12 | Side 35 av 46
Oppdragsnr.: 5160650 Dokumentnr.: 001 Versjon: J06 Reguleringsplan for Undredal | Planomtale
Det skal oppretthaldast eit naturleg vegetasjonsbelte som motverkar avrenning og sikrar levestad for planter og dyr langs Undredalselvi. Det må spesielt takast omsyn til den eksisterande kantvegetasjonen under opparbeidinga av parkeringsarealet (o_SPP2) på Pottefot.
§ 5 GRØNTSTRUKTUR
5.1 Felles føresegner
Områda markert med «o_» på kartet er offentleg område.
5.2 Friområde (GF)
Grønstruktur skal nyttast til badeplass, uteopphald og /eller som leikeareal. Den skal utformast med vekt på tilgjenge for alle grupper, inkludert rørsle- og orienteringshemma. GF2 kan opparbeidast for ilandstigning for kajakk og ha parkering for kajakkoperatørar etter avtale. Det kan opnast for landfeste til flytebryggja i GF3. GF1 er regulert nærmiljøanlegg og kan opparbeidast som leikeplass.
5.3 Park (BP)
Arealet sett av som park skal utformast med vekt på opphaldsfunksjon. Området skal opparbeidast med og tilpassast alle grupper, inkludert miljø-, rørsle- og orienteringshemma.
§ 6 LANDBRUKS-, NATUR- OG FRILUFTSOMRÅDE
6.1 LNF-område
Ved oppføring av bygg som er naudsynte og knytt til stadbunden næring, skal bygga i dimensjon og form tilpassast den etablerte bygningsmassen. Det skal utformast i tre og ha tak med ikkje lysreflekterande flater.
Gamle gjerder, steingardar, vegar og liknande i landbruket bør takast vare på.
I L1 kan det førast opp eitt nytt naust på tuftene til det gamle naustet. Naustet skal byggast så autentisk som råd og tilpassast eksisterande naust.
6.2 LNF-område for spreidd utbygging
Innanfor områda LS, kan det gjevast løyve til spreidd næring gjennom ny bruk av eksisterande landbruksbygg som ikkje vert nytta som ein del av stadbunden næring. Bygg kan takast i bruk som aktivitetshus, gardsbakeri, forsamlingslokale, verkstad og som utleige-einingar. Bruksarealet for den enkelte bygget kan utvidast med inntil 20 %.
Ved utviding og ombygging skal bygg ha ei form, målestokk, detaljering og materialbruk som tilpassar seg eksisterande bygg i området. Det er ikkje tillate med takoppløft, takarker, karnapp og verandaer
6.3 Bygg som skal bevarast
Bygg i LNF-område som skal bevarast/takast vare på er regulert med Bygg, kulturminner, mm. som skal bevares (1210). Tiltak skal vere med å oppretthalde/forsterke det heilskaplege særpreget området/bygget har i forhold til bygningsmiljø med tilhøyrande landskap. Føringane i punkt 8.7 i føresegnene gjeld fullt ut for tiltak, herunder òg tiltak som ikkje krev søknad.
2019-02-01q:\undredal\vedtak av plan\5162064_rapp_planomtale_j06.docx 2019-02-12 | Side 36 av 46
Oppdragsnr.: 5160650 Dokumentnr.: 001 Versjon: J06 Reguleringsplan for Undredal | Planomtale
§ 7 BRUK OG VERN AV SJØ OG VASSDRAG
7.1 Felles
Innanfor området kan det ikkje plasserast anlegg som hindrar skipsled/båt-trafikk.
Tiltak i sjø må handsamast etter § 27 i hamne og farvasslova.
§ 8 OMSYNSSONE
8.1 Sikringssone – grunnvassforsyning/drikkevatn (H110)
I sikringssone – område for grunnvassforsyning er det ikkje tillate med tiltak eller fysiske inngrep som kan medføre forureining eller annan fare for drikkevassforsyninga i samsvar med klausuleringsføresegnene for nedslagsfelt.
8.2 Faresone – skred/ras (H310_1 – H310_8)
I faresone H310_1 kan det ikkje gjennomførast tiltak i tryggleiksklasse S1, S2 og S3 i teknisk forskrift til plan- og bygningslova.
H310_2: Skredfaren innanfor desse omsynssonene har større årleg sannsyn enn 1/1000. Innanfor omsynssonene er det forbod mot tiltak i tryggleiksklasse S2 og S3 (jf. Byggteknisk forskrift § 7-3) før det er gjennomført sikringstiltak slik at tilstrekkeleg tryggleik vert nådd. Tilstrekkeleg tryggleik må dokumenterast av fagkyndige.
I faresone H310_3 kan det ikkje gjennomførast tiltak i tryggleiksklasse S3 i teknisk forskrift til plan- og bygningslova.
8.3 Faresone – flaum (H320_1 – H320_2) og stormflo (320_3)
I faresone H320_1 (flaum) kan det ikkje gjennomførast tiltak i tryggleiksklasse S2 og S3 i teknisk forskrift til plan- og bygningslova.
I faresone H320_1 og H320_2 (flaum) kan det ikkje gjennomførast tiltak i tryggleiksklasse S3 i teknisk forskrift til plan- og bygningslova.
I faresone H320_3 (stormflo) må bygg minimum plasserast på nivå for stormflo (F1 + 2, F2 +2,66 og F3 +3,09 meter over NN1954). Ved planlegging av uteområde må det planleggast og gjennomførast tiltak mot bølgjeoppskyljing og drenering som ivaretek krava til tryggleik.
8.4 Faresone – Radon (H330)
Tetting og ventilering skal dimensjonerast slik at omsynet er ivareteke i samsvar med krav (§ 13-5) i teknisk forskrift til plan og bygningslova.
8.5 Faresone – høgspentlinje (H370)
Innanfor faresona kan det ikkje førast opp bygg, opparbeidast anlegg for leik, idrett eller andre aktivitetar for lengre opphald. Alle tiltak i pbl 1-6 som etablerast i faresona, skal godkjennast av kommunen og leidningseigar. Leidningseigar skal kontaktast dersom anleggsmaskiner skal oppstillast/nyttast nærmare leidningar enn 30 meter.
2019-02-01q:\undredal\vedtak av plan\5162064_rapp_planomtale_j06.docx 2019-02-12 | Side 37 av 46
Oppdragsnr.: 5160650 Dokumentnr.: 001 Versjon: J06 Reguleringsplan for Undredal | Planomtale
8.6 Særskilt gitte omsyn - landskap (H550)
Området femnar om eksisterande landbruksområde i terrassar nord for Reina. Dei markerte terrassane skal takast vare på. Steingardar, rydningrøyser og liknande skal ligge.
8.7 Særskilt gitte omsyn – kulturmiljø (H570) og Bygg, kulturminner, mm. som skal bevares (1210)
Områda som er særprega og viktige for å oppretthalda kvalitetane i Undredal, er regulert med omsynssone – bevaring av kulturmiljø. Bygga utanfor omsynssona som skal bevarast er regulert med Bygg, kulturminner, mm. som skal bevares (sjå punkt 6.3 i føresegnene). I desse områda skal ein oppretthalde eller forsterke det heilskaplege særpreget området har i forhold til bygningsmiljø med tilhøyrande landskap. Innanfor omsynssona kan likevel mindre om- og tilbyggingsarbeid tillatast innanfor ramma av føresegnene og utnyttingsgraden (BYA).
Ved alle søknadar om tiltak skal det leggjast ved ei skriftleg grunngjeving for bygga si utforming i høve til tilgrensande bygg. Grunngjevinga skal klargjere kva som skal gjerast og korleis tiltaket vert tilpassa bygningsmiljøet.
Det er ikkje tillate å rive eksisterande bygningar innanfor omsynssona eller bygg som er regulert med Bygg, kulturminner, mm. som skal bevares, med unntak av tilfelle som følgje av totalskade etter brann. Ved nybygg gjeld same krav til tilpassing som nemnt ovanfor for bygningar som kommunen meiner er viktige for heilskapen i området. Bygningane er regulert med noverande gesimshøgder, form og etasjetal.
Innanfor området kan eksisterande bygningar setjast i stand under føresetnad av at målestokk, takform, fasadar, vindaugsinndeling, dør og vindaugsutforming vert oppretthalden eller mest mogleg tilbakeført. Ved utskifting av dører, vindauge, listverk, fasadekledning og taktekking skal bygningane tilbakeførast til sin opphavlege utsjånad. Dette må kunne dokumenterast. Tilbygg og samanbygging kan gjevast løyve til dersom det tilpassast eksisterande bygning og bygningsmiljø.
Mindre endringar av fasade kan vurderast under føresetnad av at bygningen sin karakter ikkje vert endra. Ved fasadeendringar skal originale/eldre bygningsdelar som taktekke, vindauge, dører, panel, listverk og andre detaljar takast vare på så langt det let seg gjere. Dersom eldre bygningsdelar ikkje kan takast vare på, skal dei erstattast med kopiar av bygningsdelane som vert skifta ut.
Falske skodder og anna utvendig staffasje skal ikkje nyttast. Villmarkspanel, utkanta bord og liknande skal ikkje nyttast. Fargesettinga skal vera tilpassa fargebruken på eksisterande bygg.
Tekniske anlegg som antenner, kablar, koplingsboksar, lyssetting, skilt og liknande skal tilpassast miljøet med omsyn til utforming og plassering.
Lysarmaturar for gatebelysning og ytre belysning skal ha ei utforming og storleik som har ei dokumentert tilpassing til området sin karakter og særpreg.
Det kan gjevast løyve til tilpassing av bygningar for å sikre tilgjengelegheit for menneske med nedsett funksjonsevne dersom endringa ikkje versnar eksisterande bygg og bygningsmiljø.
Natursteinmurar, gamle vegfar, stiar, steinbrygger, steinsette båtstøer, steinsette overvassgrøfter og bekkefar skal takast vare på. Kommunen kan gje løyve til utbetring dersom eksisterande anlegg fører til problem med overvasshandtering.
8.8 Bandleggingssone – lov om naturvern (H720)
Nærøyfjorden landskapsvernområde – det er ikkje tillate med tiltak eller fysiske inngrep som er i konflikt med Forskrift om vern av Nærøyfjorden landskapsvernområde (FOR-2002-11-08-1280), utan at det er gitt særskilt løyve frå vernemynda.
2019-02-01q:\undredal\vedtak av plan\5162064_rapp_planomtale_j06.docx 2019-02-12 | Side 38 av 46
Oppdragsnr.: 5160650 Dokumentnr.: 001 Versjon: J06 Reguleringsplan for Undredal | Planomtale
8.9 Bandleggingssone – kulturminne (H730)
Innanfor omsynssone bandlegging etter lov om kulturminne, kan det ikkje gjennomførast tiltak som strir mot føresegnene i kulturminnelova med tilhøyrande tryggingssone til Undredal kyrkja (H730_1).
Undredal stavkyrkje er automatisk freda og bandlagt etter kulturminnelova. Det er ikkje tillate å sette i gong tiltak som kan verke inn på det automatisk freda kyrkjeanlegget innanfor bandleggingssona si utstrekning, med mindre det ligg føre dispensasjon frå kulturminnelova. Alle tiltak innanfor kyrkjestaden skal vurderast av kulturminneforvaltninga opp mot føresegnene i kulturminnelova.
2019-02-01q:\undredal\vedtak av plan\5162064_rapp_planomtale_j06.docx 2019-02-12 | Side 39 av 46
Oppdragsnr.: 5160650 Dokumentnr.: 001 Versjon: J06 Reguleringsplan for Undredal | Planomtale
Vedlegg 2: Plankart 1 av 2 - Arealbruk og omsynssoner utanom faresoner
2019-02-01q:\undredal\vedtak av plan\5162064_rapp_planomtale_j06.docx 2019-02-12 | Side 40 av 46
Oppdragsnr.: 5160650 Dokumentnr.: 001 Versjon: J06 Reguleringsplan for Undredal | Planomtale
Vedlegg 3: Plankart 2 av 2 - Arealbruk og faresoner
2019-02-01q:\undredal\vedtak av plan\5162064_rapp_planomtale_j06.docx 2019-02-12 | Side 41 av 46
Oppdragsnr.: 5160650 Dokumentnr.: 001 Versjon: J06 Reguleringsplan for Undredal | Planomtale
Vedlegg 4: Detaljteikningar
2019-02-01q:\undredal\vedtak av plan\5162064_rapp_planomtale_j06.docx 2019-02-12 | Side 42 av 46
Oppdragsnr.: 5160650 Dokumentnr.: 001 Versjon: J06 Reguleringsplan for Undredal | Planomtale
2019-02-01q:\undredal\vedtak av plan\5162064_rapp_planomtale_j06.docx 2019-02-12 | Side 43 av 46
Oppdragsnr.: 5160650 Dokumentnr.: 001 Versjon: J06 Reguleringsplan for Undredal | Planomtale
2019-02-01q:\undredal\vedtak av plan\5162064_rapp_planomtale_j06.docx 2019-02-12 | Side 44 av 46
Oppdragsnr.: 5160650 Dokumentnr.: 001 Versjon: J06 Reguleringsplan for Undredal | Planomtale
2019-02-01q:\undredal\vedtak av plan\5162064_rapp_planomtale_j06.docx 2019-02-12 | Side 45 av 46
Oppdragsnr.: 5160650 Dokumentnr.: 001 Versjon: J06 Reguleringsplan for Undredal | Planomtale
2019-02-01q:\undredal\vedtak av plan\5162064_rapp_planomtale_j06.docx 2019-02-12 | Side 46 av 46