Calender Per Mintga Gi
Total Page：16
File Type：pdf, Size：1020Kb
82 83 Calender Per mintga gi Register Calender 2017 Cuntegn 3 Editorial 5 Angraztgamaint digl president da la fundaziùn 6 Igl onn 2017 7 Fieras 2017 9 Il calendari 2017 15 Raquens, poesias, teaters La femna en ner, Hubert Giger 50 Igl mulegn digl Hans Clo, Othmar Caviezel 52 Il vegl cumin da Laax, Hercli Bertogg-Danuser 59 Odas da Horaz, Martin Fontana 61 Poesias, Martin Fontana 63 Spargnear sapaja /sapajeava, Gieri Battaglia 67 Il cactus, Manfred Veraguth 69 Dus lumpazis, Cilgia Jenny 73 Discuors republican, Martin Bundi 74 Poeseias, Steafan Loringett 78 Ier ed oz La reformaziun ella Foppa, Jan-Andrea Bernhard 82 Dumeni Dolf, igl davos pur da Casti, Johann Clopath 98 Fiastas da skis a Vuorz da temps vargai, Hans Risch 106 Turas cun skis avànt bùns 50 ons, Paul Michael 108 Peter Paul Cadonau: In plevon grischun en «survetsch dil Segner», Horst F. Rupp 110 Vigevano – ad anzaquàntas remartgas davart igl tains anturn igls 1500, Sebastian Brändli 122 La cumpagneia da Donat sen vieadi, Paul Michael 131 36 onns survigilader da catscha e guardiaselvaschina, Gion Derungs 132 Art e cultura L’anur agls umens, la lavur a las femnas – ascheia ear a Dagliegn? Clau Solèr 142 84 85 Calender Per mintga gi In pievel cantont per excellenza – Hans Erni ed il cant da chor viril, Laura Decurtins 153 Peschs a Sontga Tschagna, Ursi Tanner-Herter 168 La truceta d’ornamaints da Sched, Luzi Battaglia-Sigrist 177 Impressiuns d’ina viseta a Carrara, Linard Candreia 180 Natira ed ambient Scazis dalla fauna indigena cun tachels mellens: ils libelloids, Iris Eigenmann Veraguth 186 Igls petgalens agls noss gòlds, Oskar Hugentober 189 Egna santupada surprendenta, Johann Clopath 196 Quei e tschei Nossas cruscheras 200 Sligiaziun dils legns dallas paginas 200 - 201 202 Nos morts Necrologs 204 Tabla dils morts 210 Annexa Autoritads politicas 215 Autoritads ecclesiasticas 215 84 85 Ier ed oz La reformaziun ella Foppa da Jan-Andrea Bernhard, Strada collaboraziun e versiun romontscha da Manfred Veraguth, Sagogn Ils 26 da fevrer 2015 ei igl «emprem marcau spel Rein», la vischnaunca da Glion, vegnius numnaus «Marcau european da reformaziun». Glion porta quei tetel sper 62 autras citads da 13 tiaras ell’Europa. En in act festiv a Glion dils 11 da fevrer 2016 ha la Cuminonza da baselgias evangelicas dall’Europa (GEKE) surdau quei tetel alla vischnaunca. Quella gronda undrientscha lai sedumandar tgei che seigi lu succediu aschi special a Glion duront il temps dalla reformaziun che Glion vegn numnaus 500 onns pli tard «Marcau european da reformaziun». Ell’emprema part da quella contribuziun vegn presentau entgins motivs per la muntada da Glion per la reformaziun grischuna, ella secunda part las vischnauncas dalla Foppa (Cumin da Glion e da Rueun) ch’ein daventadas reformadas. Ferton ch’ei dat bia litteratura sur da Glion e davart sia reformaziun, ein las «reformaziuns» dils vischinadis dalla Foppa per gronda part nunenconuschentas ni idas en emblidonza. I. Glion sco «marcau da reformaziun» Glion exista – viu historicamein – dallas treis part Glion Sura (cun s. Martin), Glion Sut (oz marcau vegl) e Sontga Clau (ur seniester dil Rein). A Glion Sura sesanflava a sias uras la sedia dalla Societad da fiera francona; a Glion Sut, sper la baselgia da s. Margreta (oriundamein in patrocini da Nossadunna), ha ei gia dau duront il temps medieval ina gronda fiera. Dapi il 13avel tschentaner veva il liug il dretg da fiera (1289: «oppidum»). Il barschament dil marcau da 1483 ha era destruiu la baselgia da s. Margreta. Sinaquei ei vegniu construiu ina baselgia nova en stil gotic tardiv cun quater altars. Viers 1494 ei il chor vegnius terminaus, viers 1518 la nav-baselgia. Ina benedicziun dil baghetg niev ei succedida igl onn 1500, la consecraziun finala ha giu liug igl onn 1520. Ferton che Glion Sura ei oz plitost in uclaun ruasseivel, ein Glion Sut e Sontga Clau carschi ensemen, ed il center dil marcau fuorma buc pli il marcauet historic cun ses mirs dil marcau digl onn 1513, mobein l’anteriura plazza cumin; videifer lezza schai la baselgia catolica da Nossadunna d’uost, baghegiada denter 1877 e 1879. La pictura d’in artist nunenconuschent ella baselgia da s. Margreta ei 86 87 Ier ed oz singulara ell’entira Europa. Ferton ch’ins anfla dretg dil chor tenor veglia tradiziun ina scena d’annunziaziun cugl avemaria, secatta ella nav-baselgia dalla vart dil vest il cudisch dalla veta dalla renaschientscha, silla vart digl ost denton il «memento mori». La mort ei contrastada cull’abundonza dalla veta: pors che saultan, vin e fegls da ruver, hirundellas ch’appelleschan la damaun marvegl a bunas ovras eav. Ella pictura splunta il resvegl dalla historia dallas ideas contemporana, in maletg dil carstgaun humanistic. Suenter la reformaziun ei vegniu dau alv sur quella pictura ed ella ei pér puspei vegnida scuvretga igl onn 1934 cun caschun dalla renovaziun dalla baselgia. Sco liug principal dalla Ligia Grischa ha Glion che possedeva ina scola da scriver surpriu ina rolla predominonta el process da democratisaziun dil Grischun duront il 16avel tschentaner. Glion era – aschia il historicher da baselgia Diarmaid MacCulloch dad Oxford – il «pli impurtont marcau» ellas Treis Ligias, perquei ch’il bundstag, quei vul gir la dieta da tut ils delegai dallas 52 dertgiras dallas Treis Ligias, ha priu cheu tut sias decisiuns relevantas per la formaziun dil stadi grischun. Pliras brevs d’artechels (1523–1526) – biaga numnai fallidamein artechels da purs – han sigilau la dislocaziun dils dretgs feudals digl uestg allas vischnauncas respectivamein als vischinadis. Sco liug dil bundstag ha Glion aschia surpriu ina rolla decisiva tier il moviment reformatoric tumpriv dil Grischun. Ils «Artechels da Glion» termineschan in svilup da democratisaziun che ha giu liug egl entir Grischun: Ella secunda mesadad dil 14avel tschentaner ei vegniu fundau pli e pli biaras pleivs, savens senza spitgar la lubientscha digl uestg. Ils burgheis e purs dils vischinadis fagevan quitaus pervia dil salit da lur olmas, aschia ch’els levan ch’il plevon habiteschi el liug. E malgrad che las dertgiras formavan la corporaziun giuridica, garegiavan ils vischinadis adina dapli dretgs democratics, senza dumandar ni cont ni uestg. Ils 25 da zercladur 1526 ha il bundstag la finala decretau ils «Secunds artechels da Glion» che han renconuschiu als vischinadis dretgs da muntada, denter auter il dretg da saver eleger e relaschar il spiritual. In dretg ch’ei era aunc fixaus ella constituziun cantunala valeivla da 2004. Quei artechel ei staus in dils motivs principals ch’il Grischun ei seformaus ad in territori confessiunal unic. MacCulloch scriva surlunder: «Da die meisten europäischen Regionen von einem Monarchen regiert wurden, hatte der Grundsatz cuius regio eius religio zur logischen Folge, dass der jeweilige Herrscher entscheiden würde, welche Religion in seinem Herrschaftsgebiet gelten sollte. Um 1550 gab es in West- und Mitteleuropa nur noch wenige Gebiete, in denen cuius regio eius religio nicht erklärte 86 87 88 89 Ier ed oz Politik war. Nur im Ausnahmefall konnte eine Region sich den Luxus zweier anerkann-ter Konfessionen gleichzeitig erlauben, wie etwa die entlegenen Schweizer Alpentäler des Kantons Graubünden, die eine solche Koexistenz schon 1526 einführten – allerdings genossen sie den ebenso beachtlichen Luxus, keinen Fürsten zu haben. Nach einer Disputation in ihrer wichtigsten Stadt Ilanz erlaubten die Bündner ihren Gemeinden, sich frei für eine katholische oder eine reformierte Kirche zu entscheiden, ohne die Zustimmung einer externen Autorität einholen zu müssen.» Gia avon quels artechels decisivs ha giu liug a Glion ina disputaziun denter Johannes Comander, il spiritual principal da s. Martin a Cuera, e Theodul Schlegel, igl avat dalla claustra s. Luzi a Cuera. Igl uestg Paul Ziegler (1471– 1541) veva bandunau igl onn 1524 las Treis Ligias e resideva dapi lu silla Fürstenburg el Vnuost, las fatschentas a Cuera ein vegnidas procuradas dil vicari digl uestg. Comander e Schlegel ein secapescha stai accumpignai da lur adherents. Co eis ei vegniu adaquella? La disputaziun ei vegnida decretada dils delegai ad in congress avon Nadal digl onn 1525, suenter ch’ei veva dau ina tgisa encunter Comander, il prer da Cuera, e 40 ulteriurs spirituals grischuns, perquei ch’els «perdegheschien ductrina che seigi cuntrari alla baselgia catolica». Spirituals digl entir Grischun ein arrivai da miez unviern, la dumengia dils 7 da schaner 1526, suls pass a Glion. La disputaziun ha la finala giu liug ils 8 e 9 da schaner. Basa da discussiun duevan esser las tesas che Comander ha schau stampar illegalmein duront la midada digl onn ad Augsburg e ch’eran avon maun stampai a plirs deputai e spirituals, probablamein era agl avat. All’entschatta dallas tesas da Comander stat la construcziun che la baslegia sebasi sulettamein sil plaid da Deus, denton buc sin tschentaments humans: «Die christenlich Kirch ist aus dem wort Gottes geboren, im selben sol sy beleyben und nitt hören die stimm aines anderen.» («La baselgia cristiana ei naschida ord il plaid da Deus, ed en quel duei ella restar e buca tedlar sin la vusch d’enzatgi auter.»). Las proximas tesas pertuccan damondas dalla confessiun auriculara, dil purgatieri, dil matrimoni da spirituals, dalla veneraziun da maletgs, dalla giurisdicziun ecclesiastica, dalla messa respectivamein dalla sontga Tscheina e dallas dieschmas. Igl ei vegniu discutau manedlamein las tesas davart il principi da scartira, dalla baselgia, dil purgatieri e dalla sontga Tscheina. Malgrad il protest da Comander ei il discours vegnius interruts il margis ed ha aschia buc purtau in clar success ◄ Ella pictura dalla baselgia da s. Margreta da Glion san ins observar il resvegl dalla renaschientscha entuorn 1500. (Foto: J. Clopath) 88 89 Ier ed oz Ina part dallas tesas da Comander per la disputaziun a Glion da 1526 – las "correcturas" a maun derivan dad ina persuna catolica.