DOCSLIB.ORG

Majadiliano Ya Bunge ______

Total Page：16

File Type：pdf, Size：1020Kb

Download full-text PDF Read full-text
Majadiliano Ya Bunge ______ Hii ni Nakala ya Mtandao (Online Document) BUNGE LA TANZANIA ____________ MAJADILIANO YA BUNGE ______________ MKUTANO WA NANE Kikao cha Ishirini na Moja – Tarehe 11 Julai, 2007 (Mkutano Ulianza Saa Tatu Asubuhi) D U A Spika (Mhe. Samuel J. Sitta) Alisoma Dua HATI ZILIZOWASILISHWA MEZANI Hati zifuatazo ziliwasilishwa Mezani na:- NAIBU WAZIRI WA MIUNDOMBINU (MHE. DR. MILTON M. MAHANGA): Hotuba ya Bajeti ya Waziri wa Miundombinu kwa Mwaka wa Fedha 2007/2008 MHE. MOHAMED H. MISSANGA - MWENYEKITI WA KAMATI YA MIUNDOMBINU: Taarifa ya Kamati ya Miundombinu kuhusu Utekelezaji wa Wizara ya Miundombinu kwa Mwaka wa Fedha Uliopita Pamoja na Maoni ya Kamati kuhusu Makadirio ya Matumizi ya Wizara hiyo kwa Mwaka 2007/2008 MHE. BAKARI SHAMIS FAKI - MSEMAJI MKUU WA KAMBI YA UPINZANI KWA WIZARA YA MIUNDOMBINU: Maoni ya Kambi ya Upinzani Kuhusu Utekelezaji wa Wizara ya Miundombinu kwa Mwaka wa Fedha Uliopita, Pamoja na Maoni ya Upinzani Kuhusu Makadirio ya Matumizi ya Wizara hiyo kwa Mwaka 2007/2008. MASWALI NA MAJIBU Na. 185 Zahanati ya Nyamilama Kuwa Kituo cha Afya 1 MHE. BUJIKU P. SAKILA aliuliza:- Kwa kuwa, Ilani ya Uchaguzi ya CCM ya Mwaka 2005 pamoja na mambo mengine mengi inalenga katika kuboresha huduma ya afya ili kupunguza vifo vya wananchi wa rika na jinsia zote kwa kuwasogezea huduma hiyo ikiwa bora karibu na makazi yao; na kwa kuwa, Halmashauri ya Wilaya ya Kwimba imekusudia kuipandisha hadhi Zahanati ya Nyamilama kuwa, Kituo cha Afya ili wananchi wanaokizunguka hususan wakazi wa Tarafa ya Nyamilama waweze kupata huduma hiyo kwa karibu na kwa ubora zaidi:- (a) Je, Serikali ina mpango gani wa kuiunga mkono Halmashauri hiyo kufikia azma yake hiyo kwa ufanisi na mapema zaidi? (b) Kwa kuifanya zahanati hiyo kuwa Kituo cha Afya. Je, Serikali itakuwa na mpango wa kuviwezesha vituo vya Mwamshimba na Nyamilama viweze kutoa huduma za upasuaji mdogo na kuongeza maji na damu kwa kuwa ni mahitaji ya watu wengi wanaovizunguka vituo hivyo? (c) Kwa kuwa, uwezo wa Halmashauri ya Kwimba kukamilisha zoezi la kuinua hadhi ya zahanati hiyo mapema ni mdogo iwapo msaada wa Serikali utachelewa? Je. Serikali haioni kuwa, itakuwa busara zaidi kutoa gari moja la wagonjwa wanaohitaji huduma ya haraka katika Hospitali ya Wilaya iliyoko Ngudu wakitokea katika vituo hivyo vya afya viwili? NAIBU WAZIRI, OFISI YA WAZIRI MKUU, TAWALA ZA MIKOA NA SERIKALI ZA MITAA alijibu:- Mheshimiwa Spika, kwa niaba ya Mheshimiwa Waziri Mkuu, napenda kujibu swali la Mheshimiwa Bujiku Phillip Sakila, Mbunge wa Kwimba, swali lake lenye sehemu a, b na c kama ifuatavyo:- (a) Mheshimiwa Spika, nakubaliana na Mheshimiwa Mbunge kwamba, Serikali inalenga kuboresha huduma ya afya ili kupunguza vifo vya wananchi kwa kusogeza huduma bora karibu na makazi yao. Serikali itaunga mkono Halmashauri ya Wilaya ya Kwimba katika mipango yake mbalimbali ya kuboresha huduma za afya. Halmashauri ya Wilaya ya Kwimba imewahamasisha wananchi kujenga majengo ya ziada chini ya Mpango Maalum wa Kuboresha Afya ya Msingi, (MMAM) kwa kujenga kuta na kwamba Serikali itamalizia majengo hayo na kutoa dawa na watumishi. Uhamasishaji huo umefanyika mwezi Mei na Juni 2007. Aidha, Ofisi yangu kupitia mradi wa Ukarabati wa Vituo vya Afya na Zahanati uliipatia Halmashauri ya Wilaya ya Kwimba shilingi 324,990,000/= kwa mwaka 2006/2007. Napenda kuishauri Halmashauri ya Wilaya ya Kwimba ianze kwanza kuongeza majengo ya Zahanati ya Nyamilama ili Serikali ione uwezekano wa kusaidia. 2 Mheshimiwa Spika, Kituo cha Afya kinatakiwa kujengwa kwa kuzingatia vigezo vifuatavyo:- (a) Idadi ya watu watakaohudumiwa katika Kituo husika (catchment area) iwe kati ya watu 10,000 mpaka 50,000 (b) Wakazi wa eneo hilo waweze kupata huduma ndani ya kilomita 10 kutoka walipo hadi eneo la Kituo cha Afya (c) Kama kipo kikwazo cha Kijiografia kinachowafanya watu kupata huduma katika Kituo cha Afya kilicho karibu kwa sasa kama vile milima, mapori, mito isiyopitika na njia duni za usafiri (b) Mheshimiwa Spika, zahanati ya Nyamilama itakapopandishwa hadhi kuwa Kituo cha Afya, ikitoa huduma kamili zinazotolewa na Kituo cha Afya ikiwa ni pamoja na upasuaji mdogo. Huduma ya kuongeza damu katika Kituo cha Mwamashimba na Nyamilama inahitaji maandalizi makubwa. Hali ya fedha itakaporuhusu huduma hii inaweza kutolewa. Nawashauri wananchi kutumia huduma zilizopo katika Hospitali ya Wilaya ya Kwimba kwa sasa. (c) Mheshimiwa Spika, Halmashauri ya Wilaya ya Kwimba ina Vituo vya Afya vitano (5) na ina gari moja la kubeba wagonjwa. Napenda kuishauri Halmashauri ya Wilaya ya Kwimba kuweka kwenye bajeti yake ya mwaka gharama za gari la kubebea wagonjwa. Serikali itaendelea kununua magari haya kwa awamu kulingana na uwezo wa kifedha. MHE. GEORGE M. LUBELEJE: Mheshimiwa Spika, nakushukuru kwa kunipa nafasi ili niweze kuuliza swali moja la nyongeza. Pamoja na majibu mazuri ya Mheshimiwa Naibu Waziri, Ofisi ya Waziri Mkuu (TAMISEMI) nina swali la nyongeza. Kwa kuwa tatizo kubwa la vituo vya afya ni upungufu wa watumishi hasa Madaktari Wasaidizi kama alivyojibu Mheshimiwa Naibu Waziri. Kama tutakuwa na Madaktari Wasaidizi katika vituo vya afya nina hakika kwamba upasuaji mdogo utafanyika badala ya kutembea mwendo mrefu kwenda Hospitali za Wilaya. Je, hawa wataalamu wa afya wataongezwa lini katika vituo vya afya na zahanati ikiwemo Wilaya ya Mpwapwa? WAZIRI WA AFYA NA USTAWI WA JAMII: Mheshimiwa Spika, uhaba wa wafanyakazi na sio Ma-clinical officers peke yao ni mkubwa. Wafanyakazi tulionao katika vituo vyetu ni asilimia 32 tunaowahitaji. Kwa hiyo katika mpango mahsusi wa maendeleo ya afya ya msingi hili suala limefanyiwa mkakati na ningeomba Mheshimiwa Mbunge siku ya Jumanne tutatoa hotuba yetu ya bajeti haya masuala tutayaainisha vizuri zaidi. MHE. RICHARD M. NDASSA: Mheshimiwa Spika, ahsante. Katika jibu la msingi la Mheshimiwa Waziri amesema kwamba Wilaya ya Kwimba tumepatiwa zaidi 3 ya shilingi 300 milioni kwa ajili ya ukarabati wa zahanati na vituo vya afya. Ningependa kujua fedha hizo zimepelekwa lini kwa sababu mpaka leo najua fedha hizi hazijaenda ni lini fedha hizo zimepelekwa? NAIBU WAZIRI, OFISI YA WAZIRI MKUU, TAWALA ZA MIKOA NA SERIKALI ZA MITAA: Mheshimiwa Spika, fedha hizi za ukarabati wa vituo vya afya na zahanati zimepelekwa mwezi Juni, 2007 katika Wilaya 35 za Tanzania ikiwemo pamoja na Kwimba. Kinachongojewa sasa ni vituo vya afya gani viainishwe pamoja na zahanati gani ziainishwe ziletwe kwetu kwa ajili ya approval ili ukarabati huu uanze mara moja. Na. 186 Zahanati ya Bungu Kufanywa Kituo cha Afya MHE. PROF. IDRIS A. MTULIA( K.n.y. MHE. ABDUL J. MAROMBWA) aliuliza:- Kwa kuwa, Zahanati ya Bungu inawahudumia wagonjwa kati ya 150 na 250 kila siku; na kwa kuwa, Zahanati hiyo ipo katika barabara kuu iendayo Mikoa ya Kusini; na kwa kuwa, Kata hiyo ya Bungu ina wakazi zaidi ya 30,000:- (a) Je, Serikali haioni kuwa kuna haja ya kuifanya zahanati hiyo kuwa Kituo cha Afya? (b) Je, kama jambo hilo litakubaliwa, ujenzi wake utaanza lini? NAIBU WAZIRI, OFISI YA WAZIRI MKUU, TAWALA ZA MIKOA NA SERIKALI ZA MITAA alijibu:- Mheshimiwa Spika, kwa niaba ya Mheshimiwa Waziri Mkuu, naomba kujibu swali la Mheshimiwa Abdul Jabir Marombwa, Mbunge wa Kibiti, lenye sehemu (a) na (b) kwa pamoja kama ifuatavyo:- Mheshimiwa Spika, lengo la kupandisha hadhi ya Zahanati na kuwa Kituo cha Afya ni kuboresha zaidi huduma za afya kwa jamii katika eneo husika kulingana na Sera ya Afya ya Mwaka 1990 ambayo kwa sasa inapitiwa upya. Kama nilivyomaliza kujibu swali la 185 la Mheshimiwa Bujiku Sakila, Mbunge wa Kwimba, jambo la msingi ni kuzingatia vigezo vinavyotakiwa kuwa Kituo cha Afya. Vigezo hivyo kama nilivyosema ni pamoja na idadi ya watu, eneo husika (Catchment area) pamoja na sababu za Kijiografia. Mheshimiwa Spika, pamoja na vigezo tajwa hapo juu kupandishwa hadhi kwa zahanati kunategemea pia utayari wa wananchi wa eneo hilo kuchangia au kushiriki katika mkakati wa ujenzi wa kituo hicho. Kimsingi ili Zahanati iwe Kituo cha Afya ni 4 lazima iwe na jengo la wagonjwa wa nje kwa ajili ya huduma za kawaida, huduma kwa wajawazito na utawala. Pia ziwepo wodi mbili kwa ajili ya wanawake na wanaume, sehemu ya ufuaji, chumba cha maiti na tanuru la kuchomea taka. Kwa upande wa watumishi, Kituo cha Afya kinahitaji kuwa na watumishi wa kada mbalimbali wapatao 29. Mheshimiwa Spika, Zahanati ya Bungu inahudumia watu 29,869. Idadi hii ya watu inatosha kabisa kuanzishwa Kituo cha Afya kama taratibu za Msingi zinazopaswa kufuatwa zitazingatiwa. Kwa kuanzia kwenye vikao vya Halmashauri ya Wilaya ya Rufiji pamoja na Mkoa. Mheshimiwa Spika, kulingana na sera ya kupeleka madaraka kwa wananchi, miradi yote ya maendeleo inapaswa kuanzishwa na walengwa wenyewe kupitia vikao halali vya maamuzi ya mipango ya maendeleo. Mkakati wa Serikali ni kuendelea kuwahamasisha wakazi wa Kata husika ili suala hili liweze kupewa kipaumbele. Naomba kumshauri Mheshimiwa Mbunge ashirikiane na wananchi katika eneo husika ili waweze kuwa na utayari katika kuchangia na kuhakikisha kuwa Zahanati hiyo inapandishwa hadhi na kuwa Kituo cha Afya kwa misingi na taratibu nilizozieleza hapo juu. MHE. PROF. IDRIS A. MTULIA: Mheshimiwa Spika, naomba kushukuru kwa majibu mazuri ya Mheshimiwa Naibu Waziri. Lakini ukiingia ndani ya hizi zahanati yako mambo mawili yamekuwa sasa ni ugonjwa mkubwa. La kwanza kuna upungufu mkubwa wa watumishi, la pili zahanati hizi mathalani Bungu yenyewe, Ikwiriri, Nyaminywili, Mkongo mpaka Mloka unaweza kwenda ukakosa hata panadol. Je, Serikali inawahakikishiaje wananchi wa Rufiji kwamba hizo dawa zitapatikana? WAZIRI WA AFYA NA USTAWI WA JAMII: Mheshimiwa Spika, ahsante. Suala la uhaba wa wafanyakazi nimelizungumza hivi punde kwamba si katika vituo vya afya au dispensary za Rufiji peke yake ni nchi nzima. Ndiyo maana tumeweka mkakati ambao tutauandikia na tutataka Waheshimiwa Wabunge watusaidie katika kutekeleza hilo. Kuhusu uhaba wa dawa ni kweli Bajeti haiwezi ikakidhi mahitaji, lakini mwaka hadi mwaka tunajaribu kuongeza kiasi cha dawa ambacho tunachopeleka katika vituo vyetu. Lakini ningependa pia sisi tusaidiane kwamba dawa zinaweza zikaisha mapema kuliko muda ambao tunatarajia kwa sababu ya matumizi mabaya. Kwa hiyo Kamati zetu za afya zikisimama kidete tunaweza tukapunguza suala hilo.
Load more

Recommended publications
  • Bspeech 2008-09
    HOTUBA YA WAZIRI WA KILIMO CHAKULA NA USHIRIKA, MHESHIMIWA STEPHEN MASATO WASIRA (MB) KUHUSU MAKADIRIO YA MATUMIZI YA FEDHA YA WIZARA YA KILIMO CHAKULA NA USHIRIKA KWA MWAKA 2008/2009 UTANGULIZI 1. Mheshimiwa Spika, naomba kutoa hoja kwamba Bunge lako Tukufu baada ya kuzingatia taarifa iliyowasilishwa hapa Bungeni leo na Mwenyekiti wa Kamati ya Bunge ya Kilimo Mifugo na Maji inayohusu Wizara ya Kilimo Chakula na Ushirika, sasa lijadili na kukubali kupitisha makadirio ya Matumizi ya Kawaida na ya Maendeleo ya Wizara ya Kilimo Chakula na Ushirika kwa mwaka wa Fedha wa 2008/2009. 2. Mheshimiwa Spika, awali ya yote nitumie fursa hii kuungana na Watanzania wenzangu kumpongeza Rais wa Jamhuri ya Muungano wa Tanzania, Mheshimiwa Jakaya Mrisho Kikwete kwa kuchaguliwa kwake kuwa Mwenyekiti wa Umoja wa Afrika. Kuchaguliwa kwake, na mchango wake alioutoa tangu kuchaguliwa kwake kuwa Mwenyekiti wa Umoja huo umelijengea Taifa letu heshima kubwa katika medani ya kimataifa. Aidha, uongozi wake na juhudi zake za kupambana na maovu katika jamii yetu, licha ya kusimamia utekelezaji wa Ilani ya Chama cha Mapinduzi kwa ajili ya Uchaguzi wa Mwaka 2005 ni kielelezo dhahiri kuwa ni kiongozi anayejali haki na maendeleo ya nchi yetu. Juhudi zake hizo zimedhihirisha uwezo wake mkubwa wa kuongoza na utumishi wake uliotukuka aliouonyesha katika nyadhifa mbali mbali alizowahi kushika katika Serikali na Chama cha Mapinduzi. Wananchi wanaendelea kuwa na imani na matumaini makubwa kwa uwezo wake katika kuliongoza Taifa letu. 1 3. Mheshimiwa Spika, nitumie fursa hii pia kumpongeza Mheshimiwa Mizengo Kayanza Peter Pinda (MB) kwa kuteuliwa kwake kuwa Waziri Mkuu wa Jamhuri ya Muungano wa Tanzania.
    [Show full text]
  • Hii Ni Nakala Ya Mtandao (Online Document)
    Hii ni Nakala ya Mtandao (Online Document) BUNGE LA TANZANIA _______________ MAJADILIANO YA BUNGE ______________ MKUTANO WA NNE Kikao cha Arobaini na Moja – Tarehe 5 Agosti, 2011 (Mkutano Ulianza Saa Tatu Asubuhi) D U A Mwenyekiti (Mhe. Job Y. Ndugai) Alisoma Dua HATI ZILIZOWASILISHWA MEZANI Hati zifuatazo ziliwasilishwa Mezani na:- NAIBU WAZIRI WA VIWANDA NA BIASHARA: Randama ya Makadirio ya Mapato na Matumizi ya Wizara ya Viwanda na Biashara kwa Mwaka wa Fedha 2011/2012. NAIBU WAZIRI WA KAZI NA AJIRA: Hotuba ya Makadirio ya Mapato na Matumizi ya Wizara ya Kazi na Ajira kwa Mwaka wa Fedha 2011/2012. MHE. JENISTA J. MHAGAMA - MWENYEKITI WA KAMATI YA MAENDELEO YA JAMII: Taarifa ya Mwenyekiti wa Kamati ya Maendeleo ya Jamii kuhusu Utekelezaji wa Majukumu ya Wizara ya Kazi na Ajira kwa Mwaka 2010/2011 Pamoja na Maoni ya Kamati kuhusu Makadirio ya Mapato na Matumizi ya Wizara hiyo kwa Mwaka wa Fedha 2011/2012. MHE. REGIA E. MTEMA - MSEMAJI MKUU WA KAMBI YA UPINZANI KWA WIZARA YA KAZI NA AJIRA: Taarifa ya Msemaji Mkuu wa Kambi ya Upinzani juu ya Wizara ya Kazi na Ajira kuhusu Makadirio ya Mapato na Matumizi ya Wizara hiyo kwa Mwaka wa Fedha 2011/2012. MASWALI NA MAJIBU Na. 373 Kuboreshwa kwa Maslahi ya Madiwani MHE. FELISTER A. BURA aliuliza:- Madiwani ni nguzo muhimu katika kufuatilia utekelezaji wa Ilani ya Chama cha Mapinduzi na nia ya Serikali ni kuboresha maslahi ya Madiwani iil waweze kutimiza wajibu wao ipasavyo;- Je, ni lini maslahi ya Madiwani yataboreshwa? NAIBU WAZIRI, OFISI YA WAZIRI MKUU, TAWALA ZA MIKOA NA SERIKALI ZA MITAA (TAMISEMI) alijibu:- Mheshimiwa Naibu Spika, kwa niaba ya Waziri Mkuu, ninaomba kujibu swali la Mheshimiwa Felister Bura, Mbunge wa Viti Maalum, kama ifuatavyo:- Mheshimiwa Naibu Spika, ni kweli kwamba, Waheshimiwa Madiwani ni nguzo muhimu katika kufuatilia utekelezaji wa Ilani ya Uchaguzi wa Chama cha Mapinduzi.
    [Show full text]
  • Did They Work for Us? Assessing Two Years of Bunge Data 2010-2012
    Did they work for us? Assessing two years of Bunge data 2010-2012 1. Introduction The ninth session of the Bunge (Parliament) was adjourned on 9 November 2012, two years since the commencement of the first session on 9 November 2010 following the general election. These Bunge sessions have been broadcast through private and public TV stations allowing citizens to follow their representatives’ actions. Another source of information regarding MP performance is provided by the Parliamentary On-line Information System (POLIS) posted on the Tanzania Parliament website (www.bunge.go.tz) An important question for any citizen is: how did my MP represent my interests in Parliament? One way to assess performance of MPs is to look at the number of interventions they make in Bunge. MPs can make three types of interventions: they can ask basic questions submitted in advance; they can add supplementary questions after basic questions have been answered by the government; or they can makecontributions during the budget sessions, law amendments or discussions on new laws. This brief presents six facts on the performance of MPs, from November 2010 to November 2012, updating similar analyses conducted by Twaweza in previous years. It includes an assessment of who were the least and most active MPs. It also raises questions on the significance of education level when it comes to effectiveness of participation by MPs in parliament. The dataset can be downloaded from www.twaweza.org/go/bunge2010-2012 The Bunge dataset includes observations on 351 members: MPs who were elected and served (233), MPs in Special Seats (102), Presidential Appointees (10) and those from the Zanzibar House of Representatives (5) and the Attorney General.
    [Show full text]
  • Hii Ni Nakala Ya Mtandao (Online Document)
    Hii ni Nakala ya Mtandao (Online Document) BUNGE LA TANZANIA ______________ MAJADILIANO YA BUNGE _______________ MKUTANO WA NNE Kikao cha Kumi na Nne – Tarehe 3 Julai, 2006 Mkutano Ulianza Saa 3.00 Asubuhi D U A Spika (Mhe. Samuel J. Sitta) Alisoma Dua SPIKA: Waheshimiwa Wabunge, kabla ya kuendelea na mtiririko wa Orodha ya Shughuli za leo, ninayo matangazo yanayohusu wageni. Kwanza katika Ukumbi wa Public Gallery upande wa kushoto ni Madiwani na Viongozi wa Wilaya ya Dodoma, wageni wa Waheshimiwa William Kusila, Mheshimiwa John Malecela, Mheshimiwa Ezekiah Chibulunje na Mheshimiwa Mariam Mfaki. Karibuni sana Waheshimiwa Madiwani. Pia wapo wageni wa kutoka Jimbo la Nachingwea, ambao ni Madiwani 24 wa Halmashauri ya Wilaya ya Nachingwea wageni wa Mheshimiwa Mathias Chikawe, Mbunge na Naibu Waziri, wale pale mkono wa kulia. Waheshimiwa Wabunge, wanaongozwa na Makamu Mwenyekiti wa Halmashauri Mama Joyce Mtauka, namtaja makusudi kwa sababu mama huyu hakupita kwa kubabaisha ni wale ambao ameshinda uchaguzi kwa kura nyingi kuwa Diwani. Pengine zuri zaidi amemshinda mwanaume. Hongera sana Mama Mtauka. (Makofi/Kicheko) Wapo pia wageni wa Mheshimiwa James Musalika, ambao ni walimu wa shule ya msingi na wapiga kura kutoka Jimbo la Nyang’wale wale pale. Karibuni sana. Tunaye pia mhubiri maarufu mwenye kituo cha ATN kule Dar es Salaam Mchungaji Fernandes, yule pale. Karibu sana Baba Mchungaji na ahsante kwa kazi yako njema ya kuongoza vijana katika njia iliyonyooka. (Makofi) HATI ZA ZILIZOWASILISHA MEZANI Hati zifuatazo Ziliwasilishwa Mezani na:- NAIBU WAZIRI WA MIUNDOMBINU: Hotuba ya Bajeti ya Waziri wa Miundombinu kwa mwaka wa Fedha 2006/2007. 1 MHE. PAUL P. KIMITI – ((K.n.y.
    [Show full text]
  • Post-Conference Report
    Under the Patronage of: Supported by: The United Republic of Tanzania 6th International Conference on ICT for Development, Education and Training The Key Networking Event for Developing eLearning Capacities in Africa Post-Conference Report Mlimani City Conference Centre Organiser: Dar es Salaam, Tanzania, May 25 – 27, 2011 www.elearning-africa.com Platinum Sponsor: Gold Sponsors: Silver Sponsors: Conference Sponsors: Supporting African Participation: EAST Challenge Sponsors: Offi cial Carrier: THE EVENT eLearning Africa has grown to become an essential fi xture in the diaries of educators, entrepreneurs, offi cials and politicians from Africa and beyond. eLearning Africa 2011 in a nutshell This year, it attracted a total of 1702 participants from over 90 countries. 1702 participants from over 90 Some 322 speakers from 57 countries shared best practices and ideas in countries 65 parallel sessions, presenting new ways of learning in Africa and other parts of the world. The conference also brought together 25 ministers and 322 speakers and chairpersons deputy ministers and more than 50 government offi cials from 21 countries from 57 countries throughout Africa for a discussion at the annual Ministerial Round Table 25 ministers and one head of about the future role of ICTs in African education. state from 10 countries (Angola, Djibouti, Kenya, Malawi, An exhibition with 52 exhibitors from 16 countries accompanied the Namibia, Niger, Sierra Leone, 1 conference, showcasing innovative technologies and educational resources. South Africa, Tanzania and Zimbabwe) The conference was held in English, French and Kiswahili. 52 exhibitors from 16 countries Conference participants were delighted with the many speeches, presentations, discussions and special networking events, which demonstrated a new mood of determination to innovate and improve Geographical Representation learning for all.
    [Show full text]
  • Majadiliano Ya Bunge ______
    Hii ni Nakala ya Mtandao (Online Document) BUNGE LA TANZANIA _________________ MAJADILIANO YA BUNGE _________________ MKUTANO WA ISHIRINI Kikao cha Kumi na Tisa - Tarehe 29 Juni, 2010 (Mkutano ulianza Saa Tatu Asubuhi) D U A Spika (Mhe. Samuel J. Sitta) Alisoma Dua SPIKA: Waheshimiwa Wabunge katika mkutano huu wa ishirini unaoendelea, Bunge lilipitisha Muswada mmoja wa sheria ya Serikali uitwao The Finance Bill, 2010. Mara baada ya kupitishwa na Bunge na baadaye kupitia katika hatua zake zote za Uchapishaji, Muswada huo ulipelekwa kwa Mheshimiwa Rais wetu ili upate kibali chake kwa mujibu wa Katiba. Kwa taarifa hii nawafahamisha kwamba Mheshimiwa Rais ameshatoa kibali chake na sasa Muswada huo ni sheria ya nchi na inaitwa The Finance Act, 2010 Na. 15 ya mwaka 2010. Nadhani hii ni faraja kubwa kwa wenzetu wanaokusanya kodi na ushuru na mapato ya Serikali kwamba kesho kutwa unapoanza mwezi mpya au mwaka mpya wa fedha wanayo sheria nyuma yao, Ahsante sana. Namshukuru sana Mheshimiwa Rais kwa hatua ya haraka kuweza kutekeleza hilo. HATI ZILIZOWASILISHWA MEZANI Hati zifuatazo ziliwasilishwa Mezani na: NAIBU WAZIRI WA MIUNDOMBINU: Hotuba ya Bajeti ya Waziri wa Maendeleo ya Miundombinu kwa Mwaka wa Fedha, 2010/2011. MHE. MASOLWA C. MASOLWA (K.n.y. MWENYEKITI WA KAMATI YA MIUNDOMBINU): 1 Taarifa ya Kamati ya Maendeleo ya Miundombinu kwa Mwaka wa Fedha 2009/2010 pamoja na maoni ya Kamati Kuhusu Makadirio ya Matumizi ya Wizara hiyo kwa Mwaka wa Fedha, 2010/2011. SPIKA: Ahsante sana Mheshimiwa Cosmas Masolwa, nadhani hii ni mara yako ya kwanza kusimama hapo. Kwa hiyo, nakupongeza sana. Sasa namwita Msemaji Mkuu wa Kambi ya Upinzani, Mheshimiwa Kabwe Zitto, hukuwapo kwa muda wa kama siku kumi na nne hivi.
    [Show full text]
  • MKUTANO WA NANE Kikao Cha Ishirini Na Mbili
    Hii ni Nakala ya Mtandao (Online Document) BUNGE YA TANZANIA __________ MKUTANO WA NANE ______________ Kikao cha Ishirini na Mbili – Tarehe 12 Julai, 2007 (Mkutano Ulianza Saa Tatu Asubuhi) D U A Spika (Mhe. Samuel J. Sitta) Alisoma Dua MASWALI NA MAJIBU Na. 194 Madiwani Viti Maalum MHE. ESTHER K. NYAWAZWA aliuliza:- Kwa kuwa, Udiwani wa Viti Maalum ni njia ya kupitia katika Uchaguzi ili kuongeza idadi ya Madiwani wanawake katika Halmashauri au Wilaya na kwa kuwa, mikopo mingi itolewayo na Halmashauri za Wilaya huelekezwa zaidi kwa vikundi vya wanawake; na kwa kuwa katika Halmashauri/Wilaya ya Sengerema Madiwani wa Viti Maalum hutolewa katika Kamati ya Mikopo na kuna nafasi za kugombea miongoni mwa Madiwani wenzao hukatazwa mfano Makamu Mwenyekiti wa Halmashauri/Wilaya au Naibu Meya wa Jiji, Mwenyekiti Kamati ya Maadili na kadhalika. (a) Je, ni kigezo gani hutumika katika kuwatoa Madiwani Viti Maalum katika Kamati ya kutoa mikopo? (b) Je, ni Sheria ipi inayomtoa Diwani wa Viti Maalum, asigombee nafasi zilizotajwa hapo juu na kwa nini na kama sheria hiyo ipo Serikali haioni kuwa haiwatendei haki Madiwani hao na kwamba inavunja Katiba? (c) Kama sheria hiyo ipo, Serikali haioni kuwa imepitwa na wakati na hivyo iletwe Bungeni irekebishwe? NAIBU WAZIRI, OFISI YA WAZIRI MKUU, TAWALA LA MIKOA NA SERIKALI ZA MITAA alijibu:- Mheshimiwa Spika, naomba kujibu swali la Mheshimiwa Esther Nyawazwa, Mbunge wa Viti Maalum, lenye sehemu (a), (b) na (c) kama ifuatavyo:- 1 (a) Mheshimiwa Spika, uratibu uliotumika kuunda Kamati ya mikopo ya Halmashauri ya Wilaya ya Sengerema ni kwa kufuata mwongozo wa uendeshaji Mfuko uliotolewa na Wizara ya Maendeleo ya Jamii, Jinsia na Watoto, katika Halmashauri zote nchini.
    [Show full text]
  • MAJADILIANO YA BUNGE ___MKUTANO WA NNE Kikao Cha
    Hii ni Nakala ya Mtandao (Online Document) BUNGE LA TANZANIA ______________ MAJADILIANO YA BUNGE _____________ MKUTANO WA NNE Kikao cha Tisa – Tarehe 21 Juni, 2011 (Mkutano Ulianza Saa Tatu Asubuhi) D U A Spika (Mhe. Anne S. Makinda) Alisoma Dua HATI ZILIZOWASILISHWA MEZANI Hati zifuatazo ziliwasilishwa Mezani na:- NAIBU WAZIRI WA FEDHA (MHE. PEREIRA AME SILIMA):- Taarifa za Majumuisho ya Mpango Mkakati wa Kujibu Hoja za Mdhibiti na Mkaguzi Mkuu wa Hesabu za Serikali kwa Hesabu za Wizara, Idara na Serikali na Mikoa kwa Mwaka wa Fedha 2009/2010. Taarifa ya Mwaka na Hesabu zilizokaguliwa za Mamlaka ya Mapato Tanzania kwa mwaka 2009/2010 (The Annual Report and Audited Accounts of Tanzania Revenue Authority for The Year 2009/2010. MASWALI NA MAJIBU Na. 86 Posho za Madiwani MHE. ZARINA SHAMTE MADABIDA aliuliza:- Diwani ni Kiongozi muhimu sana wa kusimamia utekelezaji wa mipango yote ya Kata, na kumsaidia Mbunge kumudu majukumu yake. Lakini pamoja na majukumu 1 mengine ya kusimamia maendeleo ya wananchi katika maeneo yao, wanapata posho ya shilingi 120,000/= ambayo ni kidogo sana ikilinganishwa na majukumu makubwa waliyonayo:- Je, Serikali haioni sasa umuhimu wa kuongeza viwango vya posho za Madiwani kulingana na kupanda kwa gharama za maisha? NAIBU WAZIRI, OFISI YA WAZIRI MKUU, TAWALA ZA MIKOA NA SERIKALI ZA MITAA (TAMISEMI) alijibu:- Mheshimiwa Spika, kwa niaba ya Mheshimiwa Waziri Mkuu, naomba kujibu swali la Mheshimiwa Zarina Shamte Madabida, Mbunge wa Viti Maalum, kama ifuatavyo:- (a) Mheshimiwa Spika, Serikali inatambua kuwa Waheshimiwa Madiwani ndio wasimamizi wakubwa wa utekelezaji wa Mipango ya maendeleo ngazi ya Kata. Aidha, ni kweli kuwa majukumu ya Madiwani yameongezeka hasa baada ya kuanzishwa dhana ya upelekaji madaraka kwa wananchi yaani (D by D).
    [Show full text]
  • Nakala Ya Mtandao (Online Document)
    Nakala ya Mtandao (Online Document) BUNGE LA TANZANIA ___________ MAJADILIANO YA BUNGE ____________ MKUTANO WA KUMI NA TISA Kikao cha Pili - Tarehe 18 Machi, 2015 (Mkutano Ulianza Saa Tatu Asubuhi) D U A Spika (Mhe. Anne S. Makinda) Alisoma Dua SPIKA: Waheshimiwa tukae. Katibu! HATI ZILIZOWASILISHWA MEZANI Hati Zifuatazo Ziliwasilishwa Mezani na:- NAIBU WAZIRI WA ELIMU NA MAFUNZO YA UFUNDI: Sera ya Elimu na Mafunzo ya Mwaka, 2014. MASWALI NA MAJIBU SPIKA: Waheshimiwa Wabunge, tunaanza maswali na Ofisi ya Waziri Mkuu, Mheshimiwa Dkt. Festus Bulugu Limbu, atauliza swali la kwanza. Na. 16 Ukusanyaji wa Kodi ya Mifugo Jijini Mwanza MHE. DKT. FESTUS B. LIMBU aliuliza:- Jiji la Mwanza ni la pili kwa ukubwa nchini baada ya Jiji la Dar es salaam. Je ni kiasi gani cha Kodi ya Majengo kimekusanywa katika kipindi cha miaka minne iliyopita na nusu ya kwanza ya Mwaka wa Fedha 2014/2015 ikilinganishwa na malengo kwa kipindi husika? NAIBU WAZIRI, OFISI YA WAZIRI MKUU, TAWALA ZA MIKOA NA SERIKALI ZA MITAA (TAMISEMI) alijibu:- Mheshimiwa Spika, kwa niaba ya Waziri Mkuu, naomba kujibu swali la Mheshimiwa Dkt. Festus Bulugu Limbu, Mbunge wa Magu, kama ifuatavyo:- 1 Nakala ya Mtandao (Online Document) Mheshimiwa Spika, Kodi ya Majengo inasimamiwa chini ya Sheria Namba 2 ya Mwaka 1983 yaani The Urban Authorities Rating Act na Sheria Ndogo zinazotungwa na Halmashauri kwa kuzingatia mazingira ya eneo la Himaya za Halmashauri hizo. Kwa miaka minne iliyopita kuanzia Mwaka 2010/2011 hadi Desemba mwaka 2014 Jiji la Mwanza limeweza kukusanya kodi ya majengo yenye jumla ya shilingi 3,749,011,579/=. Makadirio ya Makusanyo ya kodi ya majengo kuanzia mwaka 2010/2011 hadi Desemba mwaka 2014 yalikuwa ni shilingi 6,935,401,744/=.
    [Show full text]
  • Majadiliano Ya Bunge ______
    Hii ni Nakala ya Mtandao (Online Document) BUNGE LA TAZANIA _____________ MAJADILIANO YA BUNGE ____________ MKUTANO WA KUMI NA MBILI Kikao cha Ishirini na Tisa – Tarehe 22 Julai, 2008 (Mkutano Ulianza Saa Tatu Asubuhi) D U A Spika (Mheshimiwa Samuel J. Sitta) Alisoma Dua HATI ZILIZOWASILISHWA MEZANI Hazi zifuatazo ziliwasilishwa mezani na:- NAIBU WAZIRI WA MALIASILI NA UTALII: Taarifa ya Mwaka na Hesabu Zilizokaguliwa za Shirika la Makumbusho ya Taifa la Tanzania kwa Mwaka 2005/2006 (The Annual Report and Audited Accounts of The National Museum of Tanzania for the year 2005/2006). Taarifa ya Mwaka na Hesabu Zilizokaguliwa za Taasisi ya Utafiti wa Wanyamapori Tanzania kwa Mwaka 2006/2007 (The Annual Report and Audited Accounts of Tanzania Wildlife Research Institute for the year 2006/2007). Taarifa ya Mwaka na Hesabu Zilizokaguliwa za Taasisi ya Utafiti wa Misitu Tanzania kwa mwaka 2004/2005 na 2005/2006 (The Annual Report and Audited Accounts of Tanzania Forestry Research Institute for the year 2004/2005 and 2005/2006). Taarifa ya Mwaka na Hesabu Zilizokaguliwa za Shirika la Hifadhi za Taifa kwa mwaka 2006/2007 (The Annual Report and Audited Accounts of the Tanzania National Parks for the year 2006/2007). NAIBU WAZIRI WA KILIMO, CHAKULA NA USHIRIKA: 1 Hotuba ya Bajeti ya Waziri wa Kilimo, Chakula na Ushirika kwa Mwaka wa Fedha 2008/2009. MHESHIMIWA JUMA S. NKUMBA (K.N.Y. MWENYEKITI WA KAMATI YA KILIMO, MIFUGO NA MAJI): Taarifa ya Kamati ya Kilimo, Mifugo na Maji kuhusu utekelezaji wa Wizara ya Kilimo, Chakula na Ushirika kwa Mwaka wa Fedha Uliopita pamoja na Maoni ya Kamati kuhusu Makadirio ya Matumizi ya Wizara hiyo kwa Mwaka 2008/2009.
    [Show full text]
  • Majadiliano Ya Bunge ______
    Hii ni Nakala ya Mtandao (Online Document) BUNGE LA TANZANIA __________ MAJADILIANO YA BUNGE __________ MKUTANO WA KUMI NA MOJA Kikao cha Tano – Tarehe 14 Aprili, 2008 (Mkutano Ulianza Saa Tatu Asubuhi) D U A Naibu Spika (Mhe. Anne S. Makinda) Alisoma Dua HATI ILIYOWASILISHWA MEZANI Hati ifuatayo iliwasilishwa Mezani na:- NAIBU WAZIRI WA VIWANDA NA BIASHARA: Taarifa ya Mwaka na Hesabu Zilizokaguliwa za Shirika la Viwango Tanzania kwa Mwaka 2005/2006 (The Annual Report and Audited Accounts of the Tanzania Bureau of Standards (TBS) for the Year 2005/2006). MASWALI NA MAJIBU Na. 54 Uchomaji Moto Ovyo Misitu MHE. CYNTHIA H. NGOYE aliuliza:- Kwa kuwa Sheria ya Local Government ya mwaka 1982 na Sheria ya Mazingira ya mwaka 2004 zinatoa madaraka makubwa kwa Halmashauri za Wilaya, Miji na Majiji kusimamia na kudhibiti masuala yote ya mazingira katika maeneo yao ikiwa ni pamoja na kupiga marufuku uchomaji wa moto ovyo katika mapori na misitu pamoja na maagizo ya Viongozi Kitaifa; na kwa kuwa pamoja na madaraka hayo sehemu nyingi hapa nchini huchomwa moto ovyo hasa nyakati za kiangazi bila hatua yoyote kuchukuliwa:- (a) Je, ni mkoa gani Tanzania unaoongoza kwa uchomaji ovyo misitu na mapori? 1 (b) Kwa kuwa uchomaji moto wa maeneo umeathiri sana uoto wa asili katika nchi yetu; ni mikakati ipi endelevu ya Halmashauri za Wilaya imewekwa ili kudhibiti uchomaji ovyo misitu? NAIBU SPIKA: Mheshimiwa Naibu Waziri, Ofisi ya Waziri Mkuu, Tawala za Mikoa na Serikali za Mitaa; ninadhani swali hili lilikwenda mahali kusiko. NAIBU WAZIRI WA NCHI, OFISI YA WAZIRI MKUU, TAWALA ZA MIKOA NA SERIKALI ZA MITAA (K.n.y.
    [Show full text]
  • Tarehe 16 Aprili, 2011
    Hii ni Nakala ya Mtandao (Online Document) BUNGE LA TANZANIA ____________ MAJADILIANO YA BUNGE ____________ MKUTANO WA TATU Kikao cha Tisa – Tarehe 16 Aprili, 2011 (Mkutano Ulianza Saa Tatu Asubuhi) D U A Spika (Mhe. Anne S. Makinda) Alisoma Dua MISWADA YA SHERIA YA SERIKALI Muswada wa Sheria ya Uendeshaji wa Mahakama wa Mwaka 2011 (The Judiciary Administration Bill, 2011) (Majadiliano Yanaendelea) SPIKA: Waheshimiwa Wabunge, jana tulianza na Muswada huu na hivi leo tutaendelea na majadiliano hadi saa 4.30 asubuhi, halafu tutawaita wanaotoa ufafanuzi waweze kufanya kazi, baada ya hapo tutaingia kwenye Kamati ya Bunge Zima mpaka saa 6.00 mchana halafu itafuata hoja ya kuahirisha kikao. Kwa hiyo, leo ninaanza kumwita Kiongozi wa Kambi ya Upinzani, Mheshimiwa Freeman Mbowe, atakayefuata nitaangalia baada ya Kiongozi wa Kambi ya Upinzani; huwezi kuleta wadogowadogo tena watakuwa wanamsema sivyo. Mheshimiwa Freeman Mbowe. (Kicheko) MHE. FREEMAN A. MBOWE (KIONGOZI WA KAMBI YA UPINZANI BUNGENI): Mheshimiwa Spika, ninakushukuru sana kwa kunipa nafasi ya kwanza kabisa ya mimi binafsi kutoa mchango katika Muswada huu wa Dispensation of Justice, ambao ni muhimu sana katika nchi yetu. Kwanza, ninaomba niweke bayana kabisa kwamba, sisi kama Kambi Rasmi ya Upinzani Bungeni, kimsingi, tunaunga mkono hoja hii bila tatizo lolote. Yapo mambo kadhaa ya msingi ambayo tutajielekeza kwayo, kwa lengo zuri tu la kuboresha. Ninaomba Waheshimiwa Wabunge wote waelewe kwamba, wajibu wa Mahakama, unakamilisha mtiririko wote wa utoaji haki katika Taifa letu na investiment kama Taifa kwenye mfumo mzima wa utoaji haki ni priority ya Taifa. Mheshimiwa Spika, lakini leo nitajielekeza zaidi kwenye takwimu ili pengine kuweza kulipa Bunge na kulipa Taifa uelewa wa hali halisi ilivyo ndani ya Mahakama zetu.
    [Show full text]