DOCSLIB.ORG

Majadiliano Ya Bunge ______

Total Page：16

File Type：pdf, Size：1020Kb

Download full-text PDF Read full-text
Majadiliano Ya Bunge ______ Hii ni Nakala ya Mtandao (Online Document) BUNGE LA TANZANIA _____________________ MAJADILIANO YA BUNGE _____________________ MKUTANO WA NNE Kikao cha Thelathini na Moja – Tarehe 22 Julai, 2011 (Mkutano Ulianza Saa Tatu Asubuhi) D U A Mwenyekiti (Mhe. George B. Simbachawene) Alisoma Dua HATI ZILIZOWASILISHWA MEZANI Hati Zifuatazo Ziliwasilishwa Mezani na:- NAIBU WAZIRI WA KILIMO, CHAKULA NA USHIRIKA:- Randama za Makadirio ya Mapato na Matumizi ya Wizara ya Kilimo, Chakula na Ushirika kwa Mwaka 2011/2012. NAIBU WAZIRI WA MAMBO YA NJE NA USHIRIKIANO WA KIMATAIFA:- Taarifa ya Mwaka na Hesabu Zilizokaguliwa za Kituo cha Kimataifa cha Mikutano Arusha kwa Mwaka 2009/2010 (The Annual Report and Audited Accounts of Arusha International Conference Centre (AICC) for the year 2009/2010). Hotuba ya Makadirio ya Mapato na Matumizi ya Wizara ya Mambo ya Nje na Ushirikiano wa Kimataifa kwa Mwaka wa Fedha, 2011/2012. MHE. AUGUSTINO M. MASELE (K.n.y. MWENYEKITI WA KAMATI YA MAMBO YA NJE, ULINZI NA USALAMA):- Taarifa ya Mwenyekiti wa Kamati ya Mambo ya Nje. Ulinzi na Usalama Kuhusu Utekelezaji wa Majukumu ya Wizara ya Mambo ya Nje na Ushirikiano wa Kimataifa kwa Mwaka 2010/2011 Pamoja na Maoni ya Kamati Kuhusu Makadirio ya Mapato na Matumizi ya Wizara hiyo kwa Mwaka wa Fedha 2011/2012. 1 MHE. EZEKIA D. WENJE - MSEMAJI MKUU WA KAMBI YA UPINZANI KWA WIZARA YA MAMBO YA NJE NA USHIRIKIANO WA KIMATAIFA:- Taarifa ya Msemaji Mkuu wa Kambi ya Upinzani kwa Wizara ya Mambo ya Nje na Ushirikiano wa Kimataifa Kuhusu Makadirio ya Mapato na Matumizi ya Wizara hiyo kwa Mwaka wa Fedha 2011/2012. MASWALI NA MAJIBU MWENYEKITI: Waheshimiwa Wabunge, kabla ya Maswali naomba nitambue uwepo wa Mheshimiwa Spika, akiwa amekalia kiti chake cha Ubunge wa Jimbo la Njombe Kusini, nafurahi na mimi leo najisikia raha kukuona upo unaniangalia nikifanya kazi kwa niaba yako nakushukuru sana. Lakini pia nitambue uwepo wa Mheshimiwa Waziri Mkuu Mstaafu, Mheshimiwa Sumaye. Karibu sana tunafuraji kuwa na wewe siku ya leo. (Makofi) Tuendelee na Maswali na Swali la kwanza linaulizwa na Mheshimiwa Modestus Kilufi. Na. 283 Umuhimu wa Barabara ya Mlangali –Uturo –Ukwavila MHE. MODESTUS D. KILUFI aliuliza:- Barabara ya Mlangali –Uturo – Ukwavila ni muhimu sana kwa usafirishaji wa zao la mpunga unaolimwa maeneo hayo. Je, Serikali ipo tayari kuimarisha barabara hiyo ili iweze kupitika mwaka mzima? NAIBU WAZIRI, OFISI YA WAZIRI MKUU, TAWALA ZA MIKOA NA SERIKALI ZA MITAA (TAMISEMI) alijibu:- Mheshimiwa Mwenyekiti, kwa niaba ya Mheshimiwa Waziri Mkuu naomba kujibu swali la Mheshimiwa Modestus D. Kilufi, Mbunge wa Mbarali, kama ifuatavyo:- Mheshimiwa Mwenyekiti, barabara ya Mlangali –Uturo-Ukwavila yenye urefu wa Km. 18.9 ni ya changarawe na inahudumiwa na Halmashauri kupitia fedha za Mfuko wa Barabara. Kwa kutambua umuhimu wa barabara hii, Halmashauri imekuwa ikitenga fedha kila mwaka ili kuwezesha utengenezaji wa barabara ili iweze kupitika kipindi chote cha mwaka. Mheshimiwa Mwenyekiti, katika mwaka 2010/2011 Halmashauri ya Wilaya ya Mbarali ilitengewa shilingi milioni 44 kwa ajili ya matengenezo ya muda maalum km. 2, matengenezo ya kawaida km 10 na matengenezo ya sehemu korofi km 5. Tayari 2 mkandarasi amekwishapatikana na yupo kwenye hatua ya kukusanya mitambo sehemu za kazi kwa ajili ya kuanza kazi rasmi (mobilization). Mheshimiwa Mwenyekiti, katika mwaka 2011/2012, Halmashauri hii imetengewa shilingi milioni 401 kutoka Mfuko wa Barabara. Kati ya fedha hizo shilingi milioni 73.5 zimetengwa kwa ajili ya matengenezo ya muda maalum km 5, matengenezo ya kawaida kilomita 6 ni matengenezo ya sehemu korofi moja katika barabara ya Mlangali –Uturo – Ukwavila. Aidha, naishauri Halmashauri ya Wilaya ya Mbarali kuzingatia katika vipaumbele vyake, kutenga fedha kwa ajili ya matengenezo ya barabara hiyo. MHE. MODESTUS D. KILUFI: Mheshimiwa Mwenyekiti, nashukuru sana kwa majibu mazuri ya Mheshimiw Naibu Waziri, lakini pamoja na maelezo mazuri barabara hiyo imekuwa ikitengenezwa vipande vipande bila kuikamilisha na hivyo kuleta usumbufu wakati wa kusarisha mazao pindi wakulima wanapotoka mashambani. Je, Mheshimiwa Waziri atanihakikishia kwamba sasa hiyo barabara itatengenezwa yote ili kusudi iweze kumudu kusafirisha mazao kutoka mashambani? Pili ni wazi kwamba Mbarali ni sehemu ya uzalishaji wa mazao mengi ya chakula na barabara zake nyingi za maeneo ya uzalishaji ni mbovu. Je, Mheshimiwa Waziri atawahakikishia wananchi wa Mbarali kwamba sasa litachukuliwa jukumu maalum kuhakikisha barabara hizo zinaimarishwa ili kusudi mazao yale yasafirishwe kupelekwa maeneo ambayo hayana chakula nchini? NAIBU WAZIRI, OFISI YA WAZIRI MKUU, TAWALA ZA MIKOA NA SERIKALI ZA MITAA (TAMISEMI): Mheshimiwa Mwenyekiti, Mheshimiwa Kilufi anasema fedha hizi zinakuja kidogo kidogo kwa hiyo zinatengeza vipande vipande. Ni kwa sababu fedha nazo zinakuja kwa utaratibu huo huo. Nimesema hapa fedha za barabara zilizotengwa ni milioni 401/- na sisi huko nyuma tulikuwa tunapokea hela kwa mwezi mmoja mmoja. Kwa hiyo barabara inatengenezwa kipande kipande kwa sababu na fedha zinakuja kipande kipande ndicho kinasababishwa hiyo. Ninyi mkiruhusu hapa mkasema milioni 4.1 zitatolewa zote kwa mpigo sisi Mheshimiwa Kilufi tunakupelekea hela zote kama zinavyozungumzwa hapa. Nimesikia Serikali ikisema hapa kupitia kwa Mheshimiwa Waziri wa Fedha kwamba sasa tunategemea miezi mitatu mitatu huenda ita- improve hiki kipande kipande ili tuwe na hela nyingi zaidi. Otherwise hakuna tatizo lolote hela za barabara zikija tunapeleka moja kwa moja kwenye Halmashauri. Swali lake la pili hili la uzalishaji wa mazao. Mimi nimefika Mbarali na Mheshimiwa Kilufi anajua kwamba nimewahi kufika Mbarali. Mbunge anayezungumza hapa ana-make a very valued point, ni eneo ambalo tunajua kabisa kwa mpunga linasaidia kulisha taifa zima kwa hiyo mapato ya Halmashauri yanaongezeka na mapato ya taifa pia yanaongezeka pale. 3 Hakuna mtu anaweza akabisha hapa kwamba hakuna umuhimu wa kuziangalia barabara zile kwa sababu economics zake ndizo zinazo-determine na politics za kwetu tulizonazo. Nataka niseme hapa kwamba tunaahidi tutashirikiana na yeye na kama tulivyosema hapa tunadhani kuna haja ya kukaa kuangalia vipaumbele vyetu ili tuweze kuelekeza nguvu kubwa zaidi katika barabara za Mbarali. MHE. ENG. STELLA M. MANYANYA: Mheshimiwa Mwenyekiti, aHsante sana kwa kunipa nafasi niweze kuuliza swali la nyongeza. Matatizo hayo yaliyojitokeza Mbarali yanafanana sana na yanayojitokeza katika eneo la Lwika katika eneo la Lundo Wilaya mpya ya Ziwa Nyasa. Sehemu zile kuna mradi mkubwa wa zao la mpunga na kuna mifereji iliyotengenezwa kiasi kwamba kupeleka maji kwenye barabara. Kwa kweli ni tatizo kubwa sana ikizingatia kwamba eneo la Ziwa Nyasa ile ndiyo barabara kuu na pesa zinazotengwa kwenye Halmashauri ni kidogo nadhani ingefaa ziongezwe kutoka kwenye Mfuko Mkuu wa Serikali Kuu. Je, Waziri ana majibu gani kuhusiana na tatizo hilo ambalo linawatesa sana wananchi wa eneo hilo hasa akina mama wanapohitaji kwenda kwenye hospitali kubwa? NAIBU WAZIRI, OFISI YA WAZIRI MKUU, TAWALA ZA MIKOA NA SERIKALI ZA MITAA (TAMISEMI): Mheshimiwa Mwenyekiti, mimi niseme kwa kifupi tu kwamba eneo analolizungumzia Mheshimiwa Manyanya mimi nalifahamu na nimefika. Hii Wilaya inayozungumzwa hapa ni Wilaya mpya ambayo hatujaijengea miundombinu na vitu vingine na kuhakikisha kwamba tunakuwa na utawala na mpaka sasa hivi wanategemea Halmashauri ya Wilaya ya Mbinga. Nataka niseme hapa, Mheshimiwa Magufuli Waziri wa Ujenzi alipokuwa anazungumza hapa kuhusu Mfuko wa Barabara alichosema Halmashauri zihakikishe kwamba zinaomba. Ukitegemea hela hizi tunazozizungumza hapa ni kweli kabisa kama anavyosema Mheshimiwa Manyanya hela hizi ni kidogo zinatumika kwa ajili ya periodic maintenance maeneo korofi na maeneo mengine, huwezi kuzungumza masuala ya construction kwa maana ya kujenga barabara mpya. Kwa hiyo ninachoweza kusema hapa kwa maana ya kujibu swali hili tunamwomba Mheshimiwa Manyanya pamoja na Halmashauri yake acha hii mpya ya Nyasa kwa sababu haijaanza, wakae waone jinsi ambavyo wanaweza wakaweka katika special request, maombi maalum ili tuweze kuangalia wote kwa pamoja tumsaidie. Mheshimiwa Manyanya ni Mbunge ambaye amejitokeza waziwazi mnamwona wote kwamba anapigania maendeleo ya Ruvuma na sisi tunataka tukuthibitishie kwamba tutakusaidia katika kuhakikisha kwamba barabara hizi zinapitika. Na. 284 4 Matatizo ya Maji – Vijiji vya Dodoma MHE. FELISTER A. BURA (K.n.y. MHE. DAVID M. MALOLE) aliuliza:- Dodoma ni Mji wa ukame na hupata mvua kidogo sana kila mwaka, hivyo vijiji vya Dodoma Mjini vinakabiliwa na uhaba mkubwa wa maji safi na salama kwa matumizi ya nyumbani na kilimo cha umwagiliaji. (a) Je, Serikali ina mpango ganiwa kupeleka maji safi na salama kwanza kwenye vijiji vya Mkonze, Ng’ong’hona, Michese, Mkoyo, Mchemwa, Chigongwe, Chihanga, Gawaye, Chididimo na Ntyuka ambavyo viko kwenye ukame uliokithiri? (b) Je, Serikali ina mpango gani wa kuweka kuta za kukinga maji kwenye mito ya Ihumwa, Matumbulu na Mpunguzi ambayo hutumika kwa kilimo cha mbogamboga? (c)Je, Serikali ina mpango gan iwa kupanua mabwawa ya Hombolo, Vikonhe, Makutupora, Mbalawala, Zuzu, Mbabala, Nkulabi na Mkalama kwa lengo la kupanua shughuli za kilimo cha umwagiliaji? NAIBU WAZIRI, OFISI YA WAZIRI MKUU, TAWALA ZA MIKOA NA SERIKALI ZA MITAA (TAMISEMI) alijibu:- Mheshimiwa Mwenyekiti, kwa niaba ya Mheshimiwa Waziri Mkuu, naomba kujibu swali la Mheshimiwa David Mchiwa Malole, Mbunge wa Dodoma Mjini, lenye sehemu (a) (b) na (c) kama ifuatavyo:- (a)Mheshimiwa Mwenyekiti, Serikali kwa kushirikiana na Benki ya Dunia na Jamii ipo katika mchakato
Load more

Recommended publications
  • 1458137638-Hs-4-4-20
    Hii ni Nakala ya Mtandao (Online Document) BUNGE LA TANZANIA ______________ MAJADILIANO YA BUNGE _____________ MKUTANO WA NNE KIKAO CHA NNE – TAREHE 14 JUNI, 2011 (Mkutano Ulianza Saa Tatu Asubuhi) D U A Spika (Mhe. Anne S. Makinda) Alisoma Dua MASWALI NA MAJIBU Na. 37 Ardhi Iliyotolewa Kujenga Shule ya Msingi Kiraracha MHE. AUGUSTINO L. MREMA aliuliza:- Mzee Pauli Sananga Lekule wa Kijiji cha Kiraracha, Kata ya Marangu, Wilaya ya Moshi Vijijini, alitoa ardhi yake ikatumika kujenga shule ya msingi Kiraracha, Marangu miaka 10 iliyopita akiahidiwa na Serikali kupewa eneo jingine kama fidia lakini mpaka sasa hajapewa eneo jingine kama fidia jambo lililomfanya aione Serikali haikumtendea haki. Je, ni lini Serikali itamlipa haki yake kutokana na makubaliano hayo? NAIBU WAZIRI, OFISI YA WAZIRI MKUU, TAWALA ZA MIKOA NA SERIKALI ZA MITAA (ELIMU) alijibu:- Mheshimiwa Spika, kwa niaba ya Mheshimiwa Waziri Mkuu, naomba kujibu swali la Mheshimiwa Augustino Lyatonga Mrema, Mbunge wa Vunjo kama ifuatavyo:- Mheshimiwa Spika, Serikali inatambua kuwa Ndugu Pauli Sananga Lekule wa Kijiji cha Kiraracha, Kata ya Marangu Magharibi, alitoa ardhi yake kwa ajili ya ujenzi wa shule ya msingi Kiraracha, Kata ya Marangu Magharibi kwa ahadi ya kufidiwa eneo lililoko Njia panda. Aidha eneo ambalo Halmashauri ya Wilaya ya Moshi ilitarajia kumfudia Ndugu Lekule lipo katika mgogoro na kesi bado inaendelea Mahakama Kuu. 1 Mheshimiwa Spika, kwa kuwa eneo lililopimwa viwanja na kutarajia mlalamikaji lipo katika mgogoro wa kisheria kati ya Halmashauri na wananchi, Serikali inaendelea kufuatilia mwenendo wa kesi na mara shauri litakapomalizika Mahakamani mhusika atapewa eneo lake. Mheshimiwa Spika, katika jitihada za Serikali kuhakikisha shauri hili haliendelei kuchukua muda mrefu, Halmashauri ya Wilaya ya Moshi imeunda timu kwa ajili ya kufuatilia na kuharakisha shauri hili ili ikiwezekana limalizike nje ya Mahakama ili Ndugu Lekule Sananga aweze kupata haki yake mapema.
    [Show full text]
  • Tarehe 23 Mei, 2016
    NAKALA YA MTANDAO (ONLINE DOCUMENT) BUNGE LA TANZANIA ___________ MAJADILIANO YA BUNGE ___________ MKUTANO WA TATU Kikao cha Ishirini na Sita – Tarehe 23 Mei, 2016 (Bunge lilianza Saa Tatu Asubuhi) D U A Mwenyekiti (Mhe. Najma Murtaza Giga) Alisoma Dua MWENYEKITI: Waheshimiwa Wabunge, tukae. Katibu! NDG. CHARLES J. MLOKA – KATIBU MEZANI: Hati za kuwasilisha mezani. HATI ZILIZOWASILISHWA MEZANI Hati ifuatayo iliwasilishwa mezani na:- NAIBU WAZIRI WA MALIASILI NA UTALII: Randama za Makadirio ya Mapato na Matumizi ya Wizara ya Maliasili na Utalii kwa mwaka wa fedha 2016/2017. MWENYEKITI: Katibu! NDG. CHARLES J. MLOKA – KATIBU MEZANI: MASWALI NA MAJIBU MWENYEKITI: Waheshimiwa Wabunge tunaanza na maswali Ofisi ya Rais TAMISEMI, Mheshimiwa Richard Philip Mbogo Mbunge wa Nsimbo, sasa aulize swali lake. 1 NAKALA YA MTANDAO (ONLINE DOCUMENT) Na. 209 Uchaguzi wa Madiwani katika Kambi ya Katumba MHE. RICHARD P. MBOGO aliuliza: - Chaguzi za Madiwani zilifanyika katika kambi ya wakimbizi Katumba wa 2015:- Je, ni lini Serikali itapeleka fedha ili kukamilisha chaguzi za Serikali za Vijiji na Mtaa? NAIBU WAZIRI, OFISI YA RAIS, TAWALA ZA MIKOA NA SERIKALI ZA MITAA alijibu:- Mheshimiwa Mwenyekiti, kwa niaba ya Waziri wa Nchi Ofisi ya Rais, TAMISEMI naomba kujibu swali la Mheshimiwa Richard Philip Mbogo, Mbunge wa Nsimbo, kama ifuatavyo:- Mheshimiwa Mwenyekiti, katika Kata ya Katumba, Vijiji ambavyo havijafanya uchaguzi wa Vviongozi wa Serikali za Mitaa kwa mwaka 2014 ni 14 na vitongoji 51. Uchaguzi ulishindwa kufanyika kwa sababu Kata hiyo ilikuwa ni kambi ya wakimbizi ambao walikuwa hawajapata uraia wa Tanzania kwa mujibu wa sheria za nchi. Mheshimiwa Mwenyekiti, baada ya Serikali kuwapa uraia wananchi wa maeneo hayo, Halmashauri ya Wilaya ya Nsimbo inaendelea na maandalizi ya kufanya uchaguzi mdogo katika vijiji na vitongoji hivyo na tayari katika bajeti ijayo ya mwaka 2016/2017 zimetengwa sh.
    [Show full text]
  • Tarehe 7 Februari, 2017
    NAKALA YA MTANDAO (ONLINE DOCUMENT) BUNGE LA TANZANIA __________ MAJADILIANO YA BUNGE ____________ MKUTANO WA SITA Kikao cha Saba – Tarehe 7 Februari, 2017 (Bunge Lilianza Saa Tatu Asubuhi) D U A Naibu Spika (Mhe. Dkt. Tulia Ackson) Alisoma Dua NAIBU SPIKA: Tukae. Katibu. NDG. RAMADHAN ISSA ABDALLAH – KATIBU MEZANI: HATI ZILIZOWASILISHWA MEZANI Hati zifuatazo ziliwasilishwa Mezani na: MHE. PROF. NORMAN A. S. KING – MWENYEKITI WA KAMATI YA BUNGE YA MIUNDOMBINU: Taarifa ya Kamati ya Kudumu ya Bunge ya Miundombinu kwa kipindi cha kuanzia Januari, 2016 hadi Januari, 2017. MHE. DOTO M. BITEKO -MWENYEKITI WA KAMATI YA BUNGE YA NISHATI NA MADINI: Taarifa ya Kamati ya Kudumu ya Bunge ya Nishati na Madini kwa kipindi cha kuanzia Januari 2016 hadi Januari 2017. NAIBU SPIKA: Ahsante. Katibu! NDG. RAMADHAN ISSA ABDALLAH – KATIBU MEZANI: MASWALI NA MAJIBU NAIBU SPIKA: Waheshimiwa Wabunge, tunaendelea na maswali, Ofisi ya Rais - TAMISEMI. Mheshimiwa Najma Murtaza Giga, Mbunge wa Viti Maalum, sasa aulize swali lake. Na. 69 Tatizo la Ulevi MHE. NAJMA MURTAZA GIGA aliuliza:- 1 NAKALA YA MTANDAO (ONLINE DOCUMENT) Ulevi wa kupita kiasi hasa wa pombe za kienyeji umekuwa na athari kubwa za kiafya na kiakili kwa Watanzania wenye tabia ya ulevi wa kukithiri:- Je, Serikali imejipanga vipi kukabiliana na tatizo hilo hasa ikizingatiwa kuwa Sheria ya Vileo ya mwaka 1969 ni ya zamani sana kiasi kwamba inawezekana kabisa haikidhi mabadiliko ya hali halisi ya vileo kwa wakati huu. NAIBUWAZIRI, OFISI YA RAIS, TAWALA ZA MIKOA NA SERIKALI ZA MITAA alijibu:- Mheshimiwa Naibu Spika, kwa niaba ya Waziri wa Nchi, Ofisi ya Rais, TAMISEMI, naomba kujibu swali la Mheshimiwa Najma Murtaza Giga, Mbunge wa Viti Maalum, kama ifuatavyo:- Mheshimiwa Naibu Spika, pombe za kienyeji zimeainishwa katika Kifungu cha pili (2) cha tafsiri katika Sheria ya Vileo, Sura ya 77.
    [Show full text]
  • Online Document)
    NAKALA YA MTANDAO (ONLINE DOCUMENT) BUNGE LA TANZANIA _________ MAJADILIANO YA BUNGE ____________ MKUTANO WA KUMI NA NANE Kikao cha Saba - Tarehe 5 Februari, 2020 (Bunge Lilianza Saa Tatu Asubuhi) D U A Spika (Mhe. Job Y. Ndugai) Alisoma Dua SPIKA: Naomba tukae Waheshimiwa. Tunaendelea na Mkutano wetu wa Kumi na Nane, leo ni Kikao chetu cha Saba. Katibu. NDG. YONA KIRUMBI - KATIBU MEZANI: HATI ZA KUWASILISHA MEZANI Hati zifuatazo ziliwasilishwa Mezani na:- MHE. SEBASTIAN S. KAPUFI – K.n.y. MWENYEKITI WA KAMATI YA KUDUMU YA BUNGE YA MAMBO YA NJE, ULINZI NA USALAMA): Taarifa ya Kamati ya Kudumu ya Bunge ya Mambo ya Nje, Ulinzi na Usalama kuhusu Shughuli za Kamati kwa Mwaka 2019. MWENYEKITI: Ahsante Mheshimiwa Sebastian Kapufi. Nakushukuru sana kwa niaba ya Kamati. Sasa namwita Mwenyekiti wa Kamati ya Kudumu ya Bunge ya Nishati na Madini. Karibu Mheshimiwa Mariam Ditopile, Makamu Mwenyekiti MHE. MARIAM D. MZUZURI – MAKAMU MWENYEKITI WA KAMATI YA KUDUMU YA BUNGE YA NISHATI NA MADINI: Taarifa ya Kamati ya Kudumu ya Bunge ya Nishati na Madini kuhusu Shughuli za Kamati kwa Mwaka 2019. (Makofi) SPIKA: Ahsante sana Mheshimiwa Mariam. Katibu. NDG. YONA KIRUMBI - KATIBU MEZANI: MASWALI NA MAJIBU SPIKA: Maswali, tunaanza na Ofisi ya Rais, TAMISEMI. Swali la kwanza linaulizwa na Mheshimiwa Raphael Japhary Michael, Mbunge wa Moshi Mjini, Mheshimiwa Japhary, uliza swali lako tafadhali. 1 NAKALA YA MTANDAO (ONLINE DOCUMENT) Na. 81 Hitaji la Hospitali ya Wilaya - Manispaa ya Moshi MHE. RAPHAEL J. MICHAEL aliuliza:- Halmashauri ya Manispaa ya Moshi haina Hospitali ya Wilaya na kuifanya Hospitali ya Mkoa ya Mawenzi izidiwe na idadi ya wagonjwa:- Je, ni lini Serikali itatenga fedha ili kujenga Hospitali ya Wilaya katika Manispaa ya Moshi? SPIKA: Majibu ya swali hilo Mheshimiwa Naibu Waziri, Tawala za Mikoa na Serikali za Mitaa, Mheshimiwa Kandege, tafadhali.
    [Show full text]
  • Jamhuri Ya Muungano Wa Tanzania Wizara Ya Ardhi, Nyumba Na Maendeleo Ya Makazi
    Jamhuri Ya Muungano Wa Tanzania Wizara Ya Ardhi, Nyumba Na Maendeleo Ya Makazi Simu +255 22 211 3165 1 Mtaa Wa Ardhi Nukushi: +255 22 212 4576 S.L.P. 9132 Barua Pepe: [email protected] 11477 Dar Es Salaam Unapojibu Tafadhali Taja: WANANCHI WAFUATAO WANAARIFIWA KUCHUKUA HATI ZAO ZA KUMILIKI ARDHI KWENYE KITUO CHA HUDUMA KWA WATEJA CHUMBA NAMBA 28 DAWATI NAMBA 13 KITENGO CHA USAJILI WA HATI S. No. Land Description Title No Name 1. Plot No.982 Block A At 144716 Fidel Kanizio Kayibanda,P.O.Box Kiegeya 6410, Dar Es Salaam 2. Plot No.234 Block 8 At 144730 Philemon Simon Minja & Teddy Mwongozo Donacian Njau,P.O.Box 11106, Dar Es Salaam 3. Plot No.56 Block K At 144751 Lightness Newton Zablon, Rasdege P.O.Box 70018,Dar Es Salaam 4. Plot No.269 Block 2 At 144732 Godfrey William Shoki, P.O.Box Kibada 9230, Dar Es Salaam 5. Plot No.151 Block A At 144759 Fabian Kaiza,P.O.Box 19876, Dar Sinza Es Salaam 6. Plot No.22 Block 4 At 144705 Ally Abdallah Kiwinga, P.O.Box Kibada 46343, Dar Es Salaam 7. Plot No.449 Block B At 144756 Delly Wanzagi Nyerere,P.O.Box Sinza 62250Dar Es Salaam 8. Plot No.228 Block 13 At 144714 Stephen Philip KagaigaiP.O.Box Bunju 9120 Dar Es Salaam 9. Plot No.17 Block 13 At 144704 Mohamed Ahmed Mohamed, Mabwepande P.O.Box Dar Es Salaam 10. Plot No.826 Block 16 At 144719 Jeremiah Samwe Nyanda, P.O.Box Gezaulole 9203 Dar Es Salaam 11.
    [Show full text]
  • 1458121152-Hs-15-20
    Nakala ya Mtandao (Online Document) BUNGE LA TANZANIA _______________ MAJADILIANO YA BUNGE ____________________ MKUTANO WA KUMI NA TANO Kikao cha Ishirini – Tarehe 28 Mei, 2014 (Mkutano Ulianza Saa tatu Asubuhi) D U A Spika (Mhe. Anna S. Makinda) Alisoma Dua HATI ZILIZOWASILISHWA MEZANI Hati Zifuatazo Ziliwasilishwa Mezani na:- NAIBU WAZIRI WA HABARI, VIJANA, UTAMADUNI NA MICHEZO: Randama za Makadirio ya Wizara ya Habari, Vijana, Utamaduni na Michezo kwa Mwaka wa Fedha 2014/2015. NAIBU WAZIRI WA NISHATI NA MADINI (MHE. STEPHEN J. MASELE): Randama za Makadirio ya Wizara ya Nishati na Madini kwa Mwaka wa Fedha 2014/2015. 1 Nakala ya Mtandao (Online Document) MASWALI NA MAJIBU Na. 138 Kujenga Barabara ya Mchepuo Uyole hadi Mbalizi Songwe 40 km (Bypass Road) MHE.DKT. MARY M. MWAJELWA aliuliza:- Jiji la Mbeya linakuwa kwa kasi sana na hivyo kuongeza idadi ya watu na magari, na ndio “Gate way Corridor” ya Kusini mwa Afrika hali inayosababisha msongamano na ajali za mara kwa mara zinazopelekea wananchi kupoteza maisha:- (a) Je, Serikali haioni kuwa ni wakati muafaka wa kurekebisha hali hiyo kwa kuchepusha barabara kutoka Uyole hadi Songwe baada ya Uwanja wa Ndege kwa ajili ya magari yetu makubwa? (b) Je, ni lini mpango huo utatekelezwa? NAIBU WAZIRI, OFISI YA WAZIRI MKUU, TAWALA ZA MIKOA NA SERIKALI ZA MITAA (TAMISEMI) alijibu:- Mheshimiwa Spika, kwa niaba ya Mheshimiwa Waziri Mkuu naomba kujibu Swali la Mheshimiwa Dkt. Mary Machuche Mwanjelwa, Mbunge wa Viti maalum, Swali lenye sehemu (a) na (b), kama ifuatavyo:- (a) Mheshimiwa Spika, ni kweli hivi sasa katika Jiji la Mbeya upo msongamano mkubwa wa magari hali ambayo husababisha usumbufu kwa wafanyabiashara katika soko la Mwanjelwa na wananchi kwa ujumla.
    [Show full text]
  • Tarehe 7 Novemba, 2017 (B
    NAKALA MTANDAO(ONLINE DOCUMENT) BUNGE LA TANZANIA ____________ MAJADILIANO YA BUNGE ___________ MKUTANO WA TISA Kikao cha Kwanza – Tarehe 7 Novemba, 2017 (Bunge Lilianza Saa Tatu Asubuhi) WIMBO WA TAIFA (Hapa Wimbo wa Taifa Uliimbwa) D U A Spika (Mhe. Job Y. Ndugai) Alisoma Dua SPIKA: Hawa Wanyamwezi sijui wamefanyaje meza yangu hapa, inaelekea Wanyamwezi wanaroga. Katibu! NDG. STEPHEN N. KAGAIGAI – KATIBU WA BUNGE: KIAPO CHA UAMINIFU Mhe. Janeth Maurice Massaburi SPIKA: Katibu! NDG. STEPHEN N. KAGAIGAI – KATIBU WA BUNGE: TAARIFA YA SPIKA SPIKA: Waheshimiwa Wabunge, katika Mkutano wa Nane wa Bunge, Bunge lilipitisha miswada mitatu ya sheria kama ifuatavyo; kwanza Muswada wa Sheria ya Marekebisho ya Sheria Mbalimbali Na.3 wa mwaka 2017 (The Written Laws Miscellaneous Amendments No. 3, Bill 2017). 1 NAKALA MTANDAO(ONLINE DOCUMENT) Pili, Muswada wa Sheria ya Reli wa mwaka 2017 (The Railways Bill, 2017) na tatu Muswada wa Sheria ya Madaktari wa Meno na Wataalam wa Afya Shirikishi wa mwaka 2016 (The Medical Dental Allied Health Professionals Bill, 2016). Kwa taarifa hii, ningependa kuliarifu Bunge hili Tukufu kwamba tayari miswada hiyo imepata kibali cha Mheshimiwa Rais wa Jamhuri ya Muungano wa Tanzania na kuwa sheria za nchi zifuatazo:- (i) Sheria ya Marekebisho ya Sheria Mbalimbali Na.3 ya mwaka 2017 (The Written Laws Miscellaneous Amendments No. 3 Act. No. 9 of 2017); (ii) Sheria ya Reli No. 10 ya mwaka 2017 (The Railways Act. No. 10 of 2017); na (iii) Sheria ya Madaktari, Madaktari wa Meno na Wataalam wa Afya Shirikishi No. 11 ya mwaka 2016 (The Medical Dental and Allied Health Professionals Act.
    [Show full text]
  • Hansard Ambayo Aliyasema: “This Book Is Written Using Curriculum Developed and Approved for the United Republic of Tanzania Ya Mwaka 2005
    Hii ni Nakala ya Mtandao (Online Document) BUNGE LA TANZANIA _______________ MAJADILIANO YA BUNGE _______________ MKUTANO WA KUMI Kikao cha Tisa – Tarehe 8 Februari, 2013 (Mkutano Ulianza Saa Tatu Asubuhi) D U A Mwenyekiti (Mhe. Jenista J. Mhagama) Alisoma Dua HATI ZILIZOWASILISHWA MEZANI Hati zifuatazo ziliwasilishwa Mezani na:- NAIBU WAZIRI WA FEDHA: Muhtasari wa Tamko la Sera ya Fedha, Mapitio ya Nusu Mwaka Februari, 2013 (Monetary Policy Statement – The Mid Year Review February, 2013). Mheshimiwa Mwenyekiti, naomba kuwasilisha. NAIBU WAZIRI WA ARDHI, NYUMBA NA MAENDELEO YA MAKAZI: Mheshimiwa Mwenyekiti, kwa ruhusa yako kabla sijawasilisha mezani taarifa niliyo nayo, naomba nitoe salaam za rambirambi na pole kwa waumini wote wa Kanisala Kiinjili la Kilutheri Tanzania (KKKT) Dayosisi ya Kaskazini Kati pamoja na familia ya Baba Askofu Thomas Laizer, kwa kifo kilichotokea jana cha Askofu wa Dayosisi hiyo. Tunamwomba Mwenyezi Mungu ailaze Roho yake mahali pema peponi. Amina. Mheshimiwa Mwenyekiti, baada ya salaam hizo, sasa naomba kwa niaba ya Waziri wa Nyumba na Maendeleo ya Makazi kuwasilisha mezani. Taarifa ya Mwaka na Hesabu zilizokaguliwa za Shirika la Nyumba la Taifa (NHC) kwa Mwaka ulioishia tarehe 30 Juni, 2011 (The Annual Report and Audited Accounts of the National Housing Corporation (NHC) Year ended 30th June, 2011). Mheshimiwa Mwenyekiti, naomba kuwasilisha. MWENYEKITI: Ahsante sana Mheshimiwa Naibu Waziri na tumepokea kwa masikitiko taarifa ya kifo hicho cha Askofu. Naomba sasa nimwite Mheshimiwa Waziri wa Elimu na Mafunzo ya Ufundi, nimemwona Mheshimiwa Naibu Waziri, tafadhali! NAIBU WAZIRI WA ELIMU NA MAFUNZO YA UFUNDI: Mheshimiwa Mwenyekiti, kwa niaba ya Waziri wa Elimu na Mafunzo ya Ufundi, naomba kuwasilisha mezani.
    [Show full text]
  • NSSF Bwana Aboubakar Rajab, Huyu Zamani Alikuwa Katibu Mkuu Wa Wizara Mbali Mbali
    Hii ni Nakala ya Mtandao (Online Document) BUNGE LA TANZANIA _______________ MAJADILIANO YA BUNGE _________________ MKUTANO WA NANE Kikao cha Arobaini na Mbili – Tarehe 7 Agosti, 2012 (Mkutano Ulianza Saa Tatu Asubuhi) D U A Spika (Mhe. Anne S. Makinda) Alisoma Dua HATI ZILIZOWASILISHWA MEZANI Hati Zifuatazo Ziliwasilishwa Mezani na:- WAZIRI WA MAMBO YA NJE NA USHIRIKIANO WA KIMATAIFA: Taarifa ya Mwaka na Hesabu za Kituo cha Kimataifa cha Mikutano cha Arusha kwa Mwaka 2010/2011 (The Annual Report and Accounts of Arusha International Conference Centre for the Year 2010/2011). NAIBU WAZIRI WA MAENDELEO YA MIFUGO NA UVUVI: Randama za Makadirio ya Mapato na Matumizi ya Wizara ya Maendeleo ya Mifugo na Uvuvi kwa Mwaka wa Fedha 2012/2013. NAIBU WAZIRI WA KAZI NA AJIRA: Hotuba ya Makadirio ya Mapato na Matumizi ya Wizara ya Kazi na Ajira kwa Mwaka wa Fedha 2012/2013. MHE. JENISTA J. MHAGAMA - MWENYEKITI WA KAMATI YA MAENDELEO YA JAMII: Taarifa ya Mwenyekiti wa Kamati ya Maendeleo ya Jamii, Kuhusu Utekelezaji wa Majukumu ya Wizara ya Kazi na Ajira kwa Mwaka 2011/2012 pamoja na Maoni ya Kamati Kuhusu Makadirio ya Mapato na Matumizi ya Wizara hiyo kwa mwaka wa fedha 2012/2013. MHE. CECILIA D. PARESSO - MSEMAJI MKUU WA KAMBI YA UPINZANI KWA WIZARA YA KAZI NA AJIRA: Taarifa ya Msemaji Mkuu wa Kambi ya Upinzani juu ya Wizara ya Kazi na Ajira Kuhusu Makadirio ya Mapato na Matumizi ya Wizara hiyo kwa Mwaka wa Fedha 2012/2013. MASWALI NA MAJIBU Na. 334 Posho kwa Wenyeviti wa Serikali ya Vijiji MHE. ABDUL JABIR MAROMBWA aliuliza:- Kumekuwa na kilio cha
    [Show full text]
  • 1458123221-Hs-15-26
    Nakala ya Mtandao (Online Document) BUNGE LA TANZANIA __________ MAJADILIANO YA BUNGE __________ MKUTANO WA KUMI NA TANO Kikao cha Ishirini na Sita – Tarehe 4 Juni, 2014 (Mkutano Ulianza Saa Tatu Asubuhi) D U A Naibu Spika (Mhe. Job Y. Ndugai) Alisoma Dua HATI ZILIZOWASILISHWA MEZANI Hati Zifuatazo Ziliwasilishwa Mezani na:- NAIBU WAZIRI WA FEDHA (MHE: MWIGULU L. M. MCHEMBA): Hotuba ya Makadirio ya Mapato na Matumizi ya Wizara ya Fedha kwa Mwaka wa Fedha 2014/2015. MHE. ESTHER L. M. MIDIMU (K.n.y. MWENYEKITI WA KAMATI YA UCHUMI, VIWANDA NA BIASHARA): Taarifa ya Mwenyekiti wa Kamati ya Uchumi, Viwanda na Biashara Kuhusu Utekelezaji wa Majukumu ya Wizara ya Fedha kwa Mwaka wa Fedha 2013/2014 na Maoni ya Kamati Kuhusu Makadirio ya Mapato na Matumizi ya Wizara hiyo kwa Mwaka wa Fedha 2014/2015. MHE.CHRISTINA M. LISSU (K.n.y. MSEMAJI MKUU WA KAMBI YA UPINZANI KWA WIZARA YA FEDHA): Taarifa ya Msemaji Mkuu wa Kambi ya Upinzani, kwa Wizara ya Fedha Kuhusu Makadirio ya Mapato na Matumizi ya Wizara hiyo kwa Mwaka wa Fedha 2014/2015. MASWALI NA MAJIBU NAIBU SPIKA: Swali letu la kwanza kama ilivyo ada linaelekezwa Ofisi ya Waziri Mkuu na linaulizwa na Mheshimiwa Agripina Zaituni Buyogera, Mbunge wa Kasulu Vijijini. Kwa niaba yake Mheshimiwa Rajab Mbarouk Mohammed. Na. 182 Uwekezaji Kwenye Pori la Makere Kusini MHE. RAJAB MBAROUK MOHAMMED (K.n.y. MHE. AGRIPINA Z. BUYOGERA) aliuliza:- 1 Nakala ya Mtandao (Online Document) Licha ya kwamba kuna uwekezaji unaoendelea kwenye Pori la Makere Kusini (Kagera Nkanda) katika Jimbo la Kasulu Vijijini; bado kuna
    [Show full text]
  • Majadiliano Ya Bunge ______
    NAKALA MTANDAO(ONLINE DOCUMENT) BUNGE LA TANZANIA ____________ MAJADILIANO YA BUNGE ___________ MKUTANO WA KUMI NA MOJA Kikao cha Arobaini na Saba – Tarehe 8 Juni, 2018 (Bunge Lilianza Saa Tatu Asubuhi) D U A Mwenyekiti (Mhe. Andrew J. Chenge) Alisoma Dua MWENYEKITI: Waheshimiwa Wabunge, tukae. Tunaendelea na Kikao chetu leo cha Arobaini na Saba. Katibu. NDG. YONA KIRUMBI - KATIBU MEZANI: MASWALI NA MAJIBU Na. 396 Ukarabati wa Barabara Zilizoharibiwa na Mvua katika Wilaya ya Hanang MHE. FLATEI G. MASSAY (K.n.y. MHE. DKT. MARY M. NAGU) aliuliza:- Katika msimu wa mwaka 2015/2016, Wilaya ya Hanang ilikumbwa na mvua kubwa sana iliyosababisha kuharibika kwa miundombinu ikiwemo ya barabara. (a) Je, ni kiasi gani cha fedha kilitengwa kwa mwaka wa fedha 2016/2017 kwa ajili ya ukarabati wa barabara hizo? 1 NAKALA MTANDAO(ONLINE DOCUMENT) (b) Je, ni lini Serikali itajenga na kukamilisha barabara iliyofunguliwa na Wachina inayopita katika Vijiji vya Mig’enyi, Milongoli, Gawidu hadi Ngamu na barabara inayounganisha Sechet, Wilaya ya Babati Vijijini kupitia Vijiji vya Basodesh, Basotu mpaka Mulbadaw? NAIBU WAZIRI, OFISI YA RAIS, TAWALA ZA MIKOA NA SERIKALI ZA MITAA (MHE. JOSEPHAT S. KANDEGE) alijibu:- Mheshimiwa Mwenyekiti, kwa niaba ya Waziri wa Nchi, Ofisi ya Rais, TAMISEMI, naomba kujibu swali la Mheshimiwa Dkt. Mary Michael Nagu, Mbunge wa Hanang lenye sehemu (a) na (b) kama ifuatavyo:- (a) Mheshimiwa Mwenyekiti, barabara zilizoharibika ziliandaliwa maombi ya fedha za dharura ambapo barabara ya Getasam – Mto Bubu ilikarabatiwa kwa shilingi milioni 438.259 katika mwaka wa fedha 2015/2016. Barabara ya Basotu – Basodesh katika mwaka wa fedha 2016/2017 ilitengewa shilingi milioni 455 zilizotumika kujenga daraja moja lenye urefu wa mita 20 na kukarabati barabara hiyo urefu wa kilometa sita kwa kiwango cha changarawe.
    [Show full text]
  • Online Document)
    Hii ni Nakala ya Mtandao (Online Document) BUNGE LA TANZANIA ______________ MAJADILIANO YA BUNGE _____________ MKUTANO WA NNE Kikao cha Hamsini na Moja - Tarehe 19 Agosti, 2011 (Mkutano Ulianza Saa Tatu Asubuhi) D U A Spika (Mhe. Anne S. Makinda) Alisoma Dua HATI ZILIZOWASILISHWA MEZANI Hati zifuatayo ziliwasilishwa Mezani na:- NAIBU WAZIRI WA MAJI: Randama za Makadirio ya Mapato na Matumizi ya Wizara ya Maji kwa Mwaka wa Fedha 2011/2012. NAIBU WAZIRI, OFISI YA WAZIRI MKUU, TAWALA ZA MIKOA NA SERIKALI ZA MITAA: Taarifa ya Mwaka na Hesabu zilizokaguliwa za Mfuko wa Pensheni wa Serikali za Mitaa kwa Mwaka wa Fedha, 2009/2010 (The Annual Report and Audited Accounts of the Local Authorities Pensions Fund for Financial Year 2009/2010). NAIBU WAZIRI WA MAJI: Randama za Makadirio ya Mapato na Matumizi ya Wizara ya Maji kwa Mwaka wa Fedha 2011/2012. NAIBU WAZIRI WA USHIRIKIANO WA AFRIKA MASHARIKI: Hotuba ya Makadirio na Matumizi ya Wizara ya Ushirikiano wa Afrika Mashariki kwa Mwaka wa Fedha 2011/2012. MHE.BETTY E. MACHANGU (K.n.y. MWENYEKITI WA KAMATI YA MAMBO YA NJE, ULINZI NA USALAMA): Taarifa ya Mwenyekiti wa Kamati ya Mambo ya Nje, Ulinzi na Usalama Kuhusu Utekelezaji wa Majukumu ya Wizara ya Ushirikiano wa Afrika Mashariki kwa Mwaka 2010/2011 Pamoja na Maoni ya Kamati Kuhusu Makadirio ya Mapato na Matumizi ya Wizara hiyo kwa Mwaka wa Fedha 2011/2012. MSEMAJI MKUU WA KAMBI YA UPINZANI KUHUSU WIZARA YA USHIRIKIANO WA AFRIKA MASHARIKI: Taarifa ya Msemaji Mkuu wa Kambi ya Upinzani juu ya Wizara ya Ushirikiano wa Afrika Mashariki Kuhusu Makadirio ya Mapato na Matumizi ya Wizara hiyo kwa Mwaka wa Fedha 2011/2012.
    [Show full text]