GJUHË SHQIPE DHE LETËRSI
(4 orë në javë, 128 orë në vit)
HYRJE
Programi i klasës së trembëdhjetë është pjesë e programit të shkollës së mesme të lartë. Duhet pasur parasysh që ky program bëhet për një klasë të veçantë, e cila ekziston vetëm në shkolla të caktuara. Kjo klasë është shkalla e fundit e nivelit të mesëm të shkollimit, në të cilën zhvillohet puna e pavarur e nxënësit dhe kultivimi i mendimit kri- tik, në pajtim me standardet përkatëse për këtë klasë. Kërkesat themelore për këtë klasë kanë të bëjnë me formimin kulturor, letrar e gjuhësor, me përvetësimin e dijeve dhe me formimin e personalitetit, duke përfshirë këtu edhe kulturën e sjelljes dhe të komunikimit. Një kërkesë e veçantë del parapërgatitja e nxënësit për studime në lëndën përkatëse. Në këtë klasë duhet të zotërohen njohuritë gramatikore të fituara në klasat e mëparshme, të mënjanohen dobësitë morfosintaksore dhe drejt- shkrimore që pengojnë përdorimin korrekt të gjuhës, dhe të zhvillohet puna me hollësi dhe me struktura më komplekse gjuhësore e letrare. Duhet të njihen dukuritë që nuk janë njohur më parë, të zgjerohen e të përforcohen njohuritë që nuk janë thelluar në shkollën e mesme të ulët dhe në klasën e mëparme, të njihen dhe të përforcohen lidhjet ndërmjet gramatikës, analizës së teksteve, praktikave gojore dhe punëve me shkrim, të përforcohen njohuritë për njësitë e ndryshme gjuhësore, nga fonema te fjalia e thjeshtë dhe e përbërë - ndryshe nga ç’janë zhvilluar në shkollën e mesme të ulët. Pa dyshim që puna me drejtshkrimin duhet të jetë e vazhdueshme dhe përcjellëse për të gjitha aktivitetet e tjera. Në të njëjtën kohë, do të gjejë vend edhe zbatimi i dijeve të përve- tësuara nga letërsia, kultura e gjuha, nëpërmjet formave të ndryshme të krijimtarisë; të eseve, punimeve të ndryshme shkollore etj. Kjo do të ndihmojë strukturimin e mendimeve, të gjykimeve e të imagjinatës së nxënësve, që të jenë në gjendje t’i trajtojnë me gojë e me shkrim proble-
21 met e ndryshme nga këndvështrime të ndryshme kulturore, letrare, gjuhësore e kritike. Të gjitha këto do të ndikojnë drejtpërdrejt në formimin e mirëfilltë kulturor, letrar e gjuhësor të nxënësit. Rritja e shkallës së zotërimit të gjuhës amtare dhe formimi letrar e kulturor i nxënësit janë ndër synimet themelore për këtë klasë. Kjo pritet të realizohet nëpërmjet shkathtësive të komunikimit, leximit, analizës e vlerësimit të llojeve të ndryshme të teksteve, letrare e joletrare.
QËLLIMET
Qëllimi i mësimit të kësaj lënde në klasën e trembëdhjetë është që nxënësi: • të rrumbullakojë përfundimisht të arriturat nga klasat e mëparsh- me të shkollës së mesme të lartë; • të fitojë aftësinë për analizë kritike të pavarur të teksteve dhe të fenomeneve kulturore; • të komunikojë pavarësisht, në përputhje me standardet, me tekste letrare e joletrare; • të komunikojë, duke arritur të artikulojë mendimin kritik, me mo- dele e kultura të ndryshme etj.
OBJEKTIVAT
Të njohë • kulturën dhe autorët e letërsisë bashkëkohore, që nga fillimi i pjesës së dytë të shek. XX; • letërsinë nacionale dhe atë të huaj, të gjysmës së dytë të shek. XX.
Të kuptojë • rëndësinë e kulturave të ndryshme për zhvillimin e kulturës dhe të letërsisë shqipe; • esencat kulturore, letrare e gjuhësore që do të ndihmonin zhvillimin e mendimit individual; • kulturën, letërsinë kombëtare dhe atë të huaj.
22 Të analizojë • tekste të ndryshme për nga qëllimi, struktura, përmbajtja, hollësitë dhe efektet; • tekste letrare dhe joletrare, nga autorë të letërsisë bashkëkohore.
Të vlerësojë • tekste e modele kulturore e letrare; • autorë e tekste të ndryshme letrare; • krijime të autorëve të ndryshëm, shqiptarë dhe të huaj, kryesisht të letërsisë bashkëkohore shqipe.
Realizimi i këtyre objektivave nënkupton zhvillimin e këtyre shkath- tësive të komunikimit: • TË DËGJUARIT DHE TË FOLURIT • LEXIMI • SHKRIMI
Ndërkaq, fushat tematike të derivuara nga vetë standardet dhe objektivat e kësaj klase janë: Modelet kulturore Tekstet letrare dhe joletrare Kulturë gjuhe Letërsia shqipe dhe e përgjithshme/Autorë dhe fenomene Kultura e komunikimit
PËRMBAJTJA
Tërësitë (grupimet) tematike brenda fushave janë: • Vazhda e realizmit • Letërsia e realizmit socialist • Tejkalimi i realizmit socialist
23 • Letërsia e ruajtjes së vazhdës së modernitetit • Modele të tjera (të ilustruara me vepra të zgjedhura) • Letërsia e disidencës • Letërsia e sprovave bashkëkohore • Mendimi kritik dhe kulturor (realsocialist dhe bashkëkohor) • Letërsia e etnisë/identitetit/dhembjes • Poezia e figurës në Kosovë • Letërsia e pasojës • Gjuha dhe letërsia/Stili/Format • Kulturë gjuhe
Letërsia bashkëkohore / Kultura / Poetikat
Hetohet konteksti i lëvizjeve bashkëkohore kulturore e letrare në gjysmën e dytë të shek. XX; jepen tiparet e kulturave e të poetikave përkatëse; teksteve dhe konteksteve. Poetikat / Shtrirja /Format / Zhanret Temat dominante
Modelet kulturore
Jepen tiparet kryesore të modeleve të ndryshme kulturore të gjysmës së dytë të shek. XX.
Tekstet letrare dhe joletrare
Jepen tekste letrare e joletrare nga kultura dhe letërsia shqiptare dhe ajo e huaj; në funksion të dijeve kulturore e letrare, duke njohur edhe autorë të caktuar, forma të shkrimeve e të komunikimeve kulturore.
Vazhda e realizmit/transformimet
Jepen tiparet e kësaj letërsie, të këtij formacioni në letërsinë bashkëkohore. Tiparet e tilla ilustrohen me autorë dhe tekste të
24 zgjedhura. Jepen edhe shndërrimet e këtij realizmi në forma, si ajo e realizmit magjik.
Ernest Heminguej Plaku dhe deti - poetika, struktura /tema / personazhet Analizë dhe komente
Gabriel Garsia Markez Njëqind vjet vetmi - realizmi magjik (veçoritë) Fragmente për analizë
Petro Marko Hasta la vista: përmasa e reales
Jakov Xoxa Lumi i vdekur; personazhi; diskursi realist Fragmente për komentim
Letërsia e realizmit socialist
Jepen tiparet e kësaj letërsie dhe ilustrime me autorë dhe tekste të zgjedhura.
Dritëro Agolli Poezia/Proza Analizë dhe komente Agolli dhe letërsia e realizmit socialist
Letërsia e ruajtjes së vazhdës së modernitetit
Martin Camaj Poezia / Proza Njeriu me vete e me tjerë: struktura / tema / ide Rrathë: struktura e romanit / tema / personazhi Dranja: madrigali
Tejkalimi i realizmit socialist
25 Jepen tiparet e kësaj letërsie dhe ilustrime me autorë dhe tekste të zgjedhura
Ismail Kadare Kronikë në gur, Pallati i ëndrrave, Poezia: struktura / temat / idetë Analizë dhe komente
Modele të tjera (të ilustruara me tekste/vepra të zgjedhura nga autorë të caktuar) Borhes, Eliot, Lorka, Brehti, Beketi, Eko
Letërsia e disidencës
Jepen tiparet e kësaj letërsie dhe ilustrime me autorë dhe tekste të zgjedhura
Bilal Xhaferri Purpuranti: tregimi i etnisë Ra Berati: tema Eja trishtim: temat / strukturat Analizë e teksteve të zgjedhura
Kasëm Trebeshina Stina e stinëve, Odin Mondvalsen, Fshati mbi shtaë kodrina: temat dhe diskurset Kënga e këngëve - pjesë për lexim, analiza dhe komente Analizë
Letërsia e sprovave bashkëkohore
Jepen tiparet e kësaj letërsie dhe ilustrime me autorë dhe tekste të zgjedhura - Letërsia e viteve ’70, në Kosovë si lidhje me lëtërsinë shqipe të viteve ’30.
Anton Pashku Kulla: struktura e tregimeve / temat themelore / figurat 26 Oh,, struktura e romanit Analizë
Letërsia e etnisë/identitetit/dhembjes
Jepen tiparet e kësaj letërsie dhe ilustrime me autorë dhe tekste të zgjedhura
Ali Podrimja Drejtpeshimi, Lum Lumi, dhimbja për bashkësinë dhe dhimbja personale Analizë e komente
Zejnullah Rrahmani Sheshi i unazës, Romani për Kosovën - struktura tematike dhe narrative Analizë
Poezia e figurës në Kosovë
Jepen tiparet e kësaj letërsie dhe ilustrime me autorë dhe tekste të zgjedhura
Azem Shkreli: Nga Bibla e heshtjes, E di një fjalë prej guri Rrahman Dedaj: Jeta gabon Teki Dërvishi: Nimfa Sabri Hamiti: Trungu ilir Basri Çapriqi: Ulli me një mijë unaza
Vërejtje: Mësuesit kanë mundësinë të zgjedhin edhe tekste të tjera të këtyre autorëve.
Mendimi kritik dhe kulturor
Mendimi socrealist në Shqipëri Mendimi socrealist në Kosovë (socrealizmi i tipit jugosllav) Mendimi strukturalist Mendimi aktual 27 Revistat Konteksti kulturor në Shqipëri dhe në Kosovë Autorët themelorë: - Dhimitër S. Shuteriqi - Vehap Shita, Hasan Mekuli, Rexhep Qosja - Ibrahim Rugova, Sabri Hamiti, Rexhep Ismajli, Mensur Raifi
Kulturë gjuhe
Puna me gjuhën do të përqendrohet në aspektin kuptimor dhe ka si synime themelore: • analizën leksiko-morfologjike dhe sintaksore të teksteve; • përdorimin e gjuhës në funksione poetike; • përdorimi i aparaturës shkencore (referencat etj.) gjatë shkrimit të një eseje a punimi; • pasurimi i fjalorit letrar, kritik dhe analitik. • format e ligjërimit letrar dhe joletrar/ zbatimi dhe moszbatimi i standardit si gjuhë e letërsisë; • shkathtësitë e teknikave narrative dhe të punës me gjuhën; • gjuha dhe mediat; • drejtshkrim, drejtshqiptim, përdorim kreativ i gjuhës.
Jepen tekste, ushtrime dhe detyra, duke nënkuptuar këtu edhe shkrimin e eseve, me qëllim zhvillimin e shkathtësive gjuhësore nga stilistika gjuhësore, gjuha standarde, gjuha dialektore etj. Jepen shembuj të dimesioneve stilistike të shqipes; sekuenca, stili, diskurset; gjuha kritike dhe ajo kreative.
REZULTATET E PRITURA
Në fund të klasës së trembëdhjetë, nxënësi: ¾ zotëron përfundimisht shkathtësi të veçanta individuale; ¾ shfrytëzon dhe organizon informata nga burime të ndryshne, duke i problematizuar;
28 ¾ njeh poetikat bashkëkohore; ¾ praktikon format e ndryshme shkrimore letrare dhe joletrare; ¾ kupton format dhe idetë themelore të kulturës dhe të letërsisë së gjysmës së dytë të shek. XX; ¾ kupton tiparet e letërsisë e të kulturës shqiptare bashkëkohore; ¾ arrin të vlerësojë dhe të argumentojë për kulturën dhe për letërsinë bashkëkohore, duke përfshirë edhe modelet kulturore;
QASJET NDËRLËNDORE DHE NDËRPROGRAMORE
Gjuha shqipe është mjet komunikimi për të gjitha lëndët. Megjithatë, lidhje të drejtëpërdrejta vihen me historinë, gjeografinë, edukatën qyte- tare, artet etj. Disa tema nga këto lëndë ndikojnë në zhvillimin e shkath- tësive të komunikimit, në formimin kulturor dhe në krijimin e individua- litetit të pavarur. Përveç çështjeve ndërlëndore, p.sh., edhe tema nga shëndetësia, për të drejtat e njeriut, për çështjet gjinore etj. Temat mund të zgjedhen nga mësimdhënësi, varësisht nga rëndësia dhe aktualiteti që kanë (nga televizioni, revistat, gazetat apo nga rrethi i tyre).
UDHËZIME METODOLOGJIKE
Mësimdhënësi duhet t’i zbatojë metodat bashkëkohore të mësim- dhënies dhe t’i përdorë ato në mënyrë interaktive. Kjo hap rrugë për mësimin aplikativ. Nxënësi vihet në qendër të procesit dhe ka përherë mundësinë ta manifestojë mendimin që ka për çështjet e shtruara. Nënësi, në këtë tip pune, zhvillon përfundimisht aftësinë për të gjykuar pavarësisht.
VLERËSIMI
Parimet, metodat, teknikat dhe mjetet e vlerësimit duhet të realizohen në përputhje me standardet ndërkombëtare të vlerësimit për këtë nivel. Kjo nënkupton praktikimin e tipave të ndryshëm të vlerësimit, varësisht nga nevoja dhe situata, siç janë: vlerësimi përcaktues, formues, përmble- dhës, individual, në grup, i brendshëm, i jashtëm etj.
29 LITERATURA
- Tekstet që do të hartohen sipas këtij plani dhe programi - Tekste të mëhershme që kanë për objekt këtë materie - Zejnullah Rrahmani: Teoria e letërsisë (për shkollat e mesme) - Zejnullah Rrahmani: Leximi dhe shkrimi - Tekste të tjera alternative
30