Indre Hordaland Jordskifterett Rettsbok

Indre Hordaland jordskifterett

Rettsbok

Sak: 1230-2009-0024 Helgastøl sameige

Gnr. 126, 127, 128 og 136 i Granvin kommune

Oppstarta: 08.05.2013

Avslutta: 23.10.2015

1230-2009-0024 HELGASTØL SAMEIGE GNR 127 m.fl Indre Hordaland jordskifterett 1

SAKSFØREBUANDE MØTE

Møtedag: 08.05.2013. Stad: Melandshagen i Granvin. Sak nr.: 1230-2009-0024, Helgastøl.

Saka gjeld: Krav om sak etter jordskiftelova §§ 88 og 88a.

Jordskiftedommar: Hans Ruud som tilkalla dommar.

Protokollførar: Eli Fraas.

Saka er kravd av: Åge Elvatun, Hermann Ovrid, Nils Brekke og Martha Brekke.

Til handsaming: 1. Gjennomgang av kravet. 2. Klarleggje kva saka gjeld. 3. Vidare framdrift i saka.

Partar: • Helgastøl sameige: • Nils Brekke sitt bu v/Per Ivar Thorsen, Øvre Kleppevegen 77, 5300 Kleppestø, eigar av gnr. 127 bnr. 1. • Kjetil Brekke, 5736 Granvin, eigar av gnr. 127 bnr. 2 og 126/6. • Åge Elvatun, Folkedal, 5736 Granvin, eigar av gnr. 127 bnr. 5. Anna C. Varenius og Svein H. Ovrid, Øvre Folkedal, 5736 Granvin, eigarar av gnr. 128 bnr. 1 • Håli sameige: • Ivar Folkedal, 5736 Granvin, eigar av gnr. 126 bnr. 1. • Ingebjørg Hamre, Folkedal, 5736 Granvin, eigar av gnr. 126 bnr. 2. • Gunnar Folkedal, Folkedal, 5736 Granvin, eigar av gnr. 126 bnr. 3. • Signe Marie Folkedal, Folkedal, 5736 Folkedal, eigar av gnr. 126 bnr. 5. • Særeige: • Vigdis Reisæter, Kvanndal, 5736 Granvin, eigar av gnr. 136 bnr. 2. • Kjellaug Gunvor Kjeka, Kvandal, 5736 Granvin, eigar av gnr. 136 bnr. 4.

1230-2009-0024 HELGASTØL SAMEIGE GNR 127 m.fl Indre Hordaland jordskifterett 2

• Anna Bystøl, 5736 Granvin, eigar av gnr. 136 bnr. 12.

Eigedomane ligg i Granvin kommune.

Til stades: For Nils Brekke sitt bu møtte Per Ivar Thorsen, Kjetil Brekke, for Kjetil Brekke møtte i tillegg Jostein Kolskår med fullmakt, Åge Elvatun, for Anna C. Varenius og Svein H. Ovrid møtte Herman Ovrid med fullmakt, Ivar Folkedal, Ingebjørg Hamre, Signe Marie Folkedal, Vigdis Reisæter og Kjellaug Gunnvor Kjeka, Gunnar E. Kaland, for Gunnar E. Kaland møtte i tillegg Hilde Kongsrud Kaland med fullmakt.

Dessutan møtte Johannes Hamre, sambuar med Signe Folkedal, og Tore Kristoffersen, ektefelle til Vigdis Reisæter.

Adv. Torgils Bryn, postboks 188, 5701 Voss, representerer Vigdis Reisæter .

På spørsmål hadde ingen merknader til innkallinga til møtet eller til måten retten var samansett på.

Jordskiftedommaren gjorde greie for at føremålet med saksførebuande møte er å avklare partstilhøva og å få oversyn over dei problema som ein ønskjer å få løyst. Dommaren gjorde merksam på at det ikkje blir teke realitetsavgjerder i dette møtet.

Partslista vart gjennomgått. Adv. Torgils Bryn opplyste at Anna Bystøl, eigar av gnr. 136 bnr. 12, truleg er part. Ho er difor ført opp i partslista. Det var semje om at Kvanndalselvi er grense mellom eigedomane på vest- og eigedomane på austsida. Gnr. 136 bnr.1 og gnr. 136 nr. 8 går difor ut som partar.

Følgjande dokument vart framlagde: 1 Krav om sak for jordskifteretten, med 7 vedlegg, datert 22.11.2009. 1.1 Kopi av Hardager og Voss sorenskriveris tingbok Ed nr. 5, 1772-1776 fol 3b, grensegang mellom Kvanndal og Folkedal. 1.2 Kopi av grensegangforretning for plassen Holstø, Halden 9. juli 1891. 1.3 Kopi av protokoll for "utskiftning" av Nedre Folkedal sin hamnegang, 1910-1911. 1.4 Kopi av skylddelingsforretning for gnr. 136 bnr. 8, halden 19. sept. 1913. 1.5 Kopi av rettsbok for Voss jordskifterett i sak nr. 16/1993. 1.6 Kopi av utdrag av møtereferat for Granvin heradstyre for møtet 12. nov. 1923 og 30. des. 1930. 1.7 Kopi av økonomisk kartverk over aktuell strekning i Kvanndalen. 2 Kopi av forkynning for partane om at jordskifteretten har motteke krav om sak, datert 22.1.2010. 3 Skriv med to vedlegg frå adv. Torgils Bryn, dagsett 12.02.2010. 3.1 Kart over hjortevald i området Kvanndal – Folkedal i Granvin herad.

1230-2009-0024 HELGASTØL SAMEIGE GNR 127 m.fl Indre Hordaland jordskifterett 3

3.2 Kopi av kart over kommunegrensa mellom Granvin og Kinsarvik. 4. Kopi av skriv til partane om vidare handsaming av saka, dagsett 24.02.2010. 5. Kopi av innkalling til saksførebuande rettsmøte, datert 3.04.2013. 6. Mottakskvitteringar, 13 stk. 7. Fullmakt frå Kjetil Brekke til Jostein Kolskår, innlevert i møtet i dag. 8. Fullmakt frå Gunnar E. Kaland til Hilde Kongsrud, dagsett 8.5.2013. 9. Fullmakt frå Svein Helge Ovrid og Anna Caroline Varenius til Hermann Ovrid, dagsett 8.05.2013.

Dokumenta blei gjennomgått i nødvendig grad.

Jostein Kolskår gjorde nærare greie for kravet. Han viste til dei dokumenta han støtta seg til. Han meinte Helgastøl sameige kom ned til elva på strekninga mellom Gapheller og Kvanngjelsfossen.

Adv. Torgils Bryn hevda gnr. 136 bnr. 2 var eigar av eit areal frå Gapheller og nordover på austsida av Kvanndalselva. Han støtta seg på økonomisk kartverk og bruken av området.

Den vidare framdrifta av saka vart drøfta. Neste møte i saka vart avtalt til 21. og 22. august 2013. Det møtet vil omfatte synfaring og hovudforhandling i tvistespørsmålet. Det vart semje om at innkallinga kan sendast i vanleg brev med minst 14 dagars varsel, jf. jordskiftelova § 14.

Dokument må vere sendt inn til retten innan 2. august 2013. Det same gjeld oppgåve over dei vitne partane ønskjer å føre.

Saka vart utsett til 21. august 2013.

Utskrift av rettsboka frå dette møtet blir send til partane i vanleg brev.

På spørsmål hadde ingen av partane merknader til forhandlingane i dag.

Retten heva. Granvin, 08.05.2013

………………………… Hans Ruud (sign.)

Domstol: Indre Hordaland jordskifterett. Møtedag: 21.08.2013. Stad: Melandshagen i Granvin. Sak nr.: 1230-2009-0024 HELGASTØL SAMEIGE GNR 127 mfl. - utsett frå 08.05.2013.

Saka gjeld: Krav om sak etter jordskiftelova §§ 88 og 88a.

1230-2009-0024 HELGASTØL SAMEIGE GNR 127 m.fl Indre Hordaland jordskifterett 4

Rettsleiar: Jordskiftedommar Hans Ruud.

Meddommarar: Stein Olav H. Kolås, 5730 ULVIK. Eva Kristin Dahl, 5730 ULVIK.

Protokollførar: Hans Ruud.

Saka er kravd av: Åge Elvatun, Hermann Ovrid, Nils Brekke og Martha Brekke.

Til handsaming: 1 Fremming av saka. 2 Hovudførehaving i tvist om eigedomstilhøve og grenser.

Partar: • Helgastøl sameige: • Nils Brekke sitt bu v/Per Ivar Thorsen, Øvre Kleppevegen 77, 5300 Kleppestø, eigar av gnr. 127 bnr. 1. • Kjetil Brekke, 5736 Granvin, eigar av gnr. 127 bnr. 2 og gnr. 126 bnr.6. • Åge Elvatun, Folkedal, 5736 Granvin, eigar av gnr. 127 bnr. 5. • Anna C. Varenius og Svein H. Ovrid, Øvre Folkedal, 5736 Granvin, eigarar av gnr. 128 bnr. 1 • Håli sameige: • Ivar Folkedal, 5736 Granvin, eigar av gnr. 126 bnr. 1. • Ingebjørg Hamre, Folkedal, 5736 Granvin, eigar av gnr. 126 bnr. 2. • Gunnar Folkedal, Folkedal, 5736 Granvin, eigar av gnr. 126 bnr. 3. • Signe Marie Folkedal, Folkedal, 5736 Granvin, eigar av gnr. 126 bnr. 5. • Særeige: • Vigdis Reisæter, Kvanndal, 5736 Granvin, eigar av gnr. 136 bnr. 2. • Kjellaug Gunvor Kjeka, Kvandal, 5736 Granvin, eigar av gnr. 136 bnr. 4. • Anna Bystøl, 5736 Granvin, eigar av gnr. 136 bnr. 12.

Prosessfullmektigar: Adv. Torgils Bryn, Postboks 188, 5701 VOSS representerer Vigdis Reisæter

Adv. Endre Grande, postboks 43 Nygårdstangen, 5838 BERGEN representerer Åge Elvatun, Anna C. Varenius og Svein H. Ovrid, Nils Brekke sitt bu v/Per Ivar Thorsen og Kjetil Brekke.

Eigedomane ligg i Granvin kommune.

1230-2009-0024 HELGASTØL SAMEIGE GNR 127 m.fl Indre Hordaland jordskifterett 5

Til stades: For Nils Brekke sitt bu møtte Per Ivar Thorsen, Kjetil Brekke, for Kjetil Brekke møtte i tillegg Jostein Kolskår med fullmakt, Åge Elvatun, for Anna C. Varenius og Svein H. Ovrid møtte Herman Ovrid med fullmakt, Ivar Folkedal, Signe Marie Folkedal, Vigdis Reisæter, Kjellaug Kjeka og Anna Bystøl

Dessutan møtte Åsmund Elvatun og Tore Kristoffersen, ektefelle til Vigdis Reisæter, og prosessfullmektigane advokatane Endre Grande og Torgils Bryn

Dei andre partane var lovleg innkalla, men møtte ikkje.

På spørsmål frå jordskiftedommaren hadde ingen merknader til innkallinga til møtet eller til måten retten var samansett på. Ingen kjende til noko som kunne tilseie at retten er inhabil.

Stein Olav H. Kolås har ikkje gjort teneste som jordskiftemeddommar før. Jordskiftedommaren gjorde han kjend med dei pliktene ein jordskiftemeddommar har. Han skreiv under slik Lovnad. Eg lovar at eg i denne saka og i alle framtidige jordskiftesaker vil gjere pliktene mine som jordskiftemeddommar ærleg og med truskap. ………………………………….. Stein Olav H. Kolås Framlagde dokument: 10. Oppnemning og innkalling av meddommarar og varameddommarar, dagsett 18.07.2013. 11. Innkalling til rettsmøte dagsett 18.07.2013, vedlagt adresseliste og svarslippar. 12. Merknad frå Ingebjørg Hamre, dagsett 20.07.2013, vedrørande partsstatus. 13. Prosesskriv frå adv. Endre Grande, dagsett 29.07.2013, vedlagt: 13.1 kopi av utdrag frå avisa Hordaland, av 29.07.2006, vedr. kraftutbygging av Kvanndalselva. 13.2 Kopi av ufullstendig avskrift av marsteinsforretning 1772 ved Ola H. Kvandal av 24/1-1911. 13.3 Kopi av notat av 12/4-2007 v/adv. Lunde vedr. utbygginga av Kvanndalselva, med 2 vedlegg. 13.4 Kopi av utskrift frå Ullensvang forlikskommisjon av 14. august 1815. 13.5 Kopi av Gulating lagmannsrett sin dom av 23/7-1942, vedr. stølsgrenser. 14. Brev frå adv. Endre Grande dagsett 2/8-2013, vedlagt: 14.1 Avskrift av "Husmands festeseddel" av 7. februar 1820 frå Omund Haldorsen Fylkedal til Arne Pedersen Fylkedalen. 15. Kopi av skriv til partar og meddommarar, oversending av dok. mottekne frå adv. Endre Grande, dagsett 6.8.2013. 16. Prosesskriv frå adv. Torgils Bryn, dagsett 13.08.2013, vedlagt: 16.1 Kopi av skylddeling på deling av gnr. 136 bnr. 1, halden i 1752. 16.2 Kopi av tinglyst avtale mellom Johan Reisæter og A/S Ottesen & CO Kullforretning, dagsett 9. februar 1942.

Rettsleiaren gjekk gjennom påstandane frå partane, påstandsgrunnlaga og prova som føreligg i saka.

1230-2009-0024 HELGASTØL SAMEIGE GNR 127 m.fl Indre Hordaland jordskifterett 6

Advokat Endre Grande framstilte saka. Han viste til dei prov han støtta seg til og la ned slik påstand: 1. Jordskifte fremmes.

2. Grensen mellom gnr. 136, bnr. 2 og sameiet Helgastøl (gnr. 127, bnr. 1, 2 og 5 samt gnr. 128, bnr. 1) på omtvistet strekning, går fra punkt i Gaphelleren i retning vest til linjen møter Kvanndalselvi, følger så elven i djupålen nordover til pkt v/Kvanngjelsfossen i kommunegrensen mellom Granvin og Voss. (Inntegnet på kart vedlagt jordskiftekravet).

3. Partene representert v/advokat Endre Grande tilkjennes saksomkostninger.

Advokat Torgils Bryn supplerte saksframstillinga. Han viste til dei prov han støtta seg til og la ned slik påstand: 1. Gnr. 136, bnr. 2 sine opphavlege eigedomsrettar og grenser langs Kvanndalselva frå grenseline ved Gapheller til punkt der Langliberget møter elva blir stadfesta.

2. Gnr. 136. bnr. 2 blir tilkjent sakskostnader.

Hilde Kaland Kongsrud hadde ikkje høve til å vere til stades neste dag. Ho fekk derfor forklare seg no.

Vitne 1: Hilde Kaland Kongsrud, 40 år, lektor og busett i Bergen. Ho er ubunden og ikkje i slekt med nokon av partane. Ho vart formana, gav lovnad og forklarte seg.

Part Anna Bystøl hadde ikkje høve til å bli med ut på synfaring. Ho forklarte seg.

Retten drøfta fremming av saka og gjorde samrøystes slikt Vedtak: Kravet gjeld grensegang og rettsutgreiing. I møtet i dag er saka avgrensa til å gjelde grensegang mellom gnr. 136 bnr. 2, Kvandal, og Helgastøl sameige. Heimel for slik krav finn vi i jskl § 88, som lyder slik: "Eigar kan krevje at jordskifteretten i særskild sak skal klarleggje, merkje av og beskrive eigedomsgrenser og grenser for alltidvarande bruksrett." Den omtvista grensa går ned til Kvanndalselva. Kvar grensa treffer elva har verknad for korleis fallrettane i elva skal delast. Retten meiner det er til nytte for desse eigedomane å få grensa fastsett og merka i marka. Når det er tvist om ei grense skal jordskifteretten avgjere tvisten ved dom. Heimelen er å finne i jskl § 17. Retten kan ikkje sjå at det ligg føre nektingsgrunnar. Slutning: 1. Saka vert fremma i samsvar med kravet om grensegang slik det er formulert på møtet i dag..

1230-2009-0024 HELGASTØL SAMEIGE GNR 127 m.fl Indre Hordaland jordskifterett 7

Retten saman med partane og deira prosessfullmektigar drog deretter på synfaring for å sjå på tilhøva i marka. Med på synfaringa var Jostein Kolskår, Hilde Kaland Kongsrud, Kjetil Brekke, Åsmund Elvatun, Åge Elvatun, Kjellaug Gunvor Kjeka, Vigdis Reisæter, Tore Kristoffersen, Svein Helge Ovrid, Herman Ovrid, Per Ivar Thorsen, adv. Endre Grande og adv. Torgils Bryn. Ruta gjekk frå bilvegen ved Helgastøl til Gapheller, derfrå nordover mot Langeliberget og tilbake til Helgastøl. Partane og deira prosessfullmektigar forklarte seg undervegs. På Gapheller vart partane samde om grensa. Grensepunktet vart påvist for retten.

Etter synfaringa vart møtet for dagen avslutta.

Neste dag heldt rettsmøtet fram i Melandshagen med same rettspersonale som dagen før.

Rettsleiar: Jordskiftedommar Hans Ruud.

Meddommarar: Stein Olav H. Kolås, 5730 ULVIK. Eva Kristin Dahl, 5730 ULVIK.

Protokollførar: Hans Ruud.

Til stades: For Nils Brekke sitt bu møtte Per Ivar Thorsen, Kjetil Brekke, for Kjetil Brekke møtte i tillegg Jostein Kolskår med fullmakt, Åge Elvatun, for Anna C. Varenius og Svein H. Ovrid møtte Herman Ovrid med fullmakt, Ivar Folkedal, Signe Marie Folkedal, Vigdis Reisæter, Kjellaug Kjeka, Anna Bystøl.

Dessutan møtte Åsmund Elvatun og Tore Kristoffersen, ektefelle til Vigdis Reisæter, og prosessfullmektigane advokatane Endre Grande og Torgils Bryn.

Adv. Endre Grande gjorde gjeldande: Han levert ut disposisjon for sitt innlegg og gjekk gjennom denne. Han gjekk gjennom dei dokumenta han støtta seg til og gjorde greie for bruken av området. Han la fram: 17. Hjelpedokument i saka. 18. Kopi av Falkanger sin Tingsrett 7. utgåve side 45-53 og side 108-120. 19. Kart (ortofoto) over området frå Gapheller til Langeliberget, målestokk 1 : 3000. 20. Kopi av økonomisk kartverk over området. 21 Fargebilete av lia frå Gapheller ned mot Kvanndalselva. Dokument 19 vart også vist med videokanon på skjerm. Han la ned slik Påstand: 1. Jordskifte fremmes.

2. Grensen mellom gnr. 136, bnr. 2 og sameiet Helgastøl (gnr. 127, bnr. 1, 2 og 5 samt gnr. 128, bnr. 1) på omtvista strekning, går fra punkt i Gaphelleren i retning vest til linjen møter Kvanndalselvi, følger så elven i djupålen nordover til pkt v/Kvanngjelsfossen i kommunegrensen mellom Granvin og Voss. (Inntegnet på kart vedlagt jordskiftekravet).

3. Partene representert v/advokat Endre Grande tilkjennes saksomkostninger.

1230-2009-0024 HELGASTØL SAMEIGE GNR 127 m.fl Indre Hordaland jordskifterett 8

Adv. Torgils Bryn gjorde gjeldande: Han gjekk gjennom dei dokumenta han støtta seg til og gjorde greie for bruken av området. Han la la ned slik Påstand:

1. Gnr. 136, bnr. 2 sine opphavlege eigedomsrettar og grenser langs Kvanndalselva frå grenseline ved Gapheller til punkt der Langeliberget møter elva blir stadfesta.

2. Gnr. 136. bnr. 2 blir tilkjent sakskostnader.

Partsforklaringar:

Herman Ovrid gjorde greie for bruken av området frå Folkedal si side.

Jostein Kolskår gjorde greie for bruken av området frå Folkedal si side.

Ivar Folkedal gjorde greie for bruken av området.

Vigdis Reisæter forklarte seg om eigedomstilhøva i det omtvista området.

Vitneforklaringar:

Vitne 1: Anna Bystøl, 85 år pensjonist og busett i Kvanndal og eigar av gnr. 136 bnr. 12, forklarte seg.

Vitne 2. Vitnet forklarte seg over telefon. Alf Kvandal, fødd 1941, tidlegare maskinist, no pensjonist, busett i Kvanndal. Han vart formana, gav lovnad og forklarte seg.

Adv. Endre Grande fekk ordet til avsluttande innlegg.

Adv. Torgils Bryn fekk ordet til avsluttande innlegg.

Jordskiftedommaren sa frå at jordskifteretten no ville ta tvisten opp til avgjerd i form av dom. Domen vil bli forkynt for prosessfullmektigane. For dei partane som ikkje har prosessfullmektig blir domen forkynt direkte til parten.

Jordskiftedommaren orienterte om ankereglane.

På førespurnad hadde ingen merknader til forhandlingane.

Partane og deira representantar vart deretter permitterte.

Etter drøfting og rådslaging i einerom sa jordskifteretten samrøystes slik

1230-2009-0024 HELGASTØL SAMEIGE GNR 127 m.fl Indre Hordaland jordskifterett 9

DOM: Folkedal og Kvanndal er to dalføre som går nokolunde parallelt i hovudretning nordover frå Granvinfjorden i Granvin herad. Kvanndal ligg lengst vest. Gardar i Folkedal har stølen Helgastøl som ligg aust på høgdedraget mellom desse dalføra. Kvanndal er ein svært trong dal med bratte dalsider. Særleg øvre del av dalen er vanskeleg tilgjengeleg. I samband med planar om kraftutbygging har det kome opp tvist om kven som eig på austre side av Kvanndalselva på strekninga frå ein stad kalla Gapheller til der Langeliberget møter elva.

Tvisten står mellom eigarane av Helgastøl sameige representert ved adv. Endre Grande og eigaren av gnr. 136 bnr. 2, representert ved adv. Torgils Bryn.

Adv Endre Grande gjorde gjeldande: For å fastsetje grenser på land er det tre grupper av bevis eller moment som må vurderast, dokumentbevis, bruken av området og topografien. Han tok utgangspunkt i notat av adv. Tore Lunde i advokatfirmaet Kluge frå møte i Kvanndal 12. april 2007 som skriv: "I tillegg opplyser Kaland at det etter deres oppfatning ikke er riktig at Vigdis Reisæter (gnr. 136bnr. 2 har eiendomsrett på østsiden av Kvanndalselva, men at det derimot er "Folkedølene" (angivelig 4 grunneiere fra Folkedalssiden) som er eiere her, jf. det tidligere siterte dokument fra 1881. Disse 4 grunneierne har etter det opplyste ikke visst om denne saken før de leste om den i lokalavisen, og det er varslet at disse trolig vil ta kontakt med IHK AS og/eller Kluge." Han viste vidare til brev av 17.04.2007 frå Herman Ovrid, Åge Elvatun, Nils brekke og Ivar Brekke til avd. firmaet Kluge. I brevet gjerd dei greie for sitt syn og meiner Helgastøl sameige eig til midt i elva frå Gapheller til grensa mot Voss. Og brev av 30.07.07 frå Ivar Brekke til avd. firmaet Kluge DA der han viser til dei dokument han støttar seg til. Vidare viste han til brev frå adv. Torgils Bryn dagsett 12. 02 2010, dok. nr. 3, som omhandlar eigedomstilhøve og bruken av området på austsida av Kvanndalselva frå Gapheller oppover mot Kvanngjelsfossen- Grensa mellom Kvanndal og Folkedal vart merka og er skriven i ein grenseoppgang halden i 1772, dok. nr. 1.1. Grensa går nordover og siste del av grensa er skriven slik: "samme visser hen udj en nedsat Merkeskieldsteen, derfra hen til en Bæk, der nedsat en Merkeskieldsteen. Samme visser hen til Gabhelleren, siden bytter berglaget til Elven. Fylkedahls-MændeneEier på den Nordre og Qvandahl paa den Søre side af disse Mercker."

Lengre framme i dokumentet er det sagt at retninga mellom to merke går i nordvest. Det viser at dei har hatt himmelretningane klart for seg. Når dei til slutt seier at Folkedal eig på nordre side og Kvanndal på søre, må det tyde at grensa frå Gapheller til elva går tilnærma aust-vest. Det gjev ikkje meining dersom grensa skulle skrå langt oppover. Dette dokumentet er bindande for denne grensa.

I 1881 vart det halden ein minneleg grenseoppgang for plassen Holstø. Til stades var Sjur Johannessen, eigar av bnr. 1 i Kvanndal, Torjuls Torbjørnsen, eigar av bnr. 2 i Kvanndal og Lars Larsen, eigar av bnr. 3 i Kvanndal. Grensa er skriven rundt plassen, dok. nr. 1.2, og til slutt er det sagt slik: "På den østlige Side er Holstøet begrenset af Elven, hvilken adskiller det fra Folkedals Eiendommen." Her vart det protokollert av eigarane i Kvanndal at Folkedal var eigar på andre sida av elva.

1230-2009-0024 HELGASTØL SAMEIGE GNR 127 m.fl Indre Hordaland jordskifterett 10

Dette dokumentet må også tilleggjast stor vekt.

I ei jordskiftesak som vart Halden over Nedre Folkedal sin fjellhamnegang i 1910, dok. nr. 1.3, er grensa mellom Vosseeigedomar på nordre side og Folkedal på søre side merka og skriven. Grensa er i dette dokumentet skriven slik: "…Grændsen fortsetter videre nord til bækken i nærmeste gjel som den derefter følger sydvestover i en avstand av omtrent 500 m til Kvanngjelfossen." Dette viser at det er Folkedal som eig til elva ved Kvanngjelsfossen. I same saka vart Langeskår sin beiterett i fjellet avgrensa til Håli sitt beiteområde.

I 1913 vart det hald skylddelingsforretning på Holstø, dok. nr. 1.4. I skyldelingsforretninga er det protokollert slik: "mot Folkedals eiendommer naturlig grenselinje elven, fandt saaledes det ikkje nødvendig at opsidderne møtte. ……Den fraskilte del bestaar av et gammelt husmandsplads kaldet Holstø og begrendsedes saaledes: Paa østre side efter elven der skiller frå Folkedals eiendom." Det var semje mellom eigarane på Kvanndal om at det var Folkedal som eigde på austsida av elva. Det provar at Kvanndal ikkje eig på austsida av elva vis à vis Holstø. Dette er også eit sterkt og avgjerande prov for at Folkedal eig på austsida av elva.

I referat frå møte i Granvin heradstyre, dok nr. 1.6, er det referert frå eit brev frå Norges geografiske oppmåling der dei skriv at heradsgrensa mellom Granvin og Kinsarvik går frå Kvanngjelsfossen og 2-3 km etter elva til eit berg på søraustre side av elva og deretter til Gaphelleren og mot sjøen.

I ei husmannskontrakt frå 1820, dok. nr. 14.1 er det sagt at husmannen skal ha slått i Langelien. Gardeigaren skulle setje opp løe. Dette viser at Folkedal har eigd og brukt området Langelien.

Tvisten i 1815 galdt plassen Langeskår. Husmannen på Langeskår hadde beita og hogge ulovleg på Folkedal. Dette området ligg lengre sør enn Gapheller og vedrører ikkje det området som denne saka gjeld.

Ved delinga av garden Kvanndal kring 1750, dok. nr. 16.1, er det ikkje noko som viser til grensene mot Folkedal. Telfloten ligg eit godt stykke sør for Gapheller.

Det har kome fram i saka at det kan vere ulike oppfatningar av kva Gapheller er. Om det er helleren i nordre ende av berglaget, som påvist under synfaringa, eller det er eit berglag med ei viss utstrekning. Når partar og vitne talar om Gapheller, er det ei noko upresis stadfesting.

Den bruken Anna Bystøl har forklart seg om er i alle høve sør for vår påstandslinje. Den renna dei bygde for å renne ved kunne ikkje vere lang. Folkedalsbøndene har henta sauer i området nedunder Gapheller. Det vert til vanleg ikkje vektlagt som prov, men i ei sak i Lærdal har Høgsterett likevel lagt vekt på sauebeite som prov på eigedomsrett.

Topografien er også slik at langs elva er området utilgjengeleg. Ein får ikkje med seg noko korkje inn eller ut av området frå den kanten. Frå Folkedal si side har dei alltid meint å eiga frå Kvanngjelsfossen til Gapheller. Området er brukt til beite, hogs og jakt. Frå platået er det fleire stader ein kan kome ned. Partane frå Folkedal kan påvise fleire råser frå platået og ned mot elva.

1230-2009-0024 HELGASTØL SAMEIGE GNR 127 m.fl Indre Hordaland jordskifterett 11

Gnr. 136 bnr. 2 har ikkje brukt området ut over eventuelt tålt bruk. Ulovleg bruk har blitt påtalt. Dokument, bruken av området og topografien tilseier at det er Folkedal som eig ned til elva nord for Gapheller.

Han la ned slik Påstand:

1. Jordskifte fremmes.

2. Grensen mellom gnr. 136, bnr. 2 og sameiet Helgastøl (gnr. 127, bnr. 1, 2 og 5 samt gnr. 128, bnr. 1) på omtvista strekning, går fra punkt i Gaphelleren i retning vest til linjen møter Kvanndalselvi, følger så elven i djupålen nordover til pkt. v/Kvanngjelsfossen i kommunegrensen mellom Granvin og Voss. (Inntegnet på kart vedlagt jordskiftekravet).

3. Partane representert v/advokat Endre Grande tilkjennes saksomkostninger.

Adv. Torgils Bryn gjorde gjeldande: Dei opphavlege grensene for gnr. 136 bnr. 2 er framleis er gjeldande. Vigdis Reisæter sin far døydde tidleg. Ho har derfor ikkje fått overført informasjon om eigedomstilhøva frå sin rettsforgjengar. Den kjennskapen ho har til eigedomen er basert på opplysningar frå gjeldande kart og dokument. På økonomisk kart er gnr. 136 bnr. 2 oppført som eigar på austsida av elva heilt opp til Kvanngjelsfossen. Kvanndal har brukt området som sitt. Vigdis Reisæter har oppfatta at ho eig til Kvanngjelsfossen. Ho blei overraska då Folkedølene sa frå at ho ikkje åtte så langt opp. Ho gjer heller ikkje no krav på å eiga heilt opp til fossen. Kvanndal blei delt i to bruk i 1752, dok nr, 16.1. Bnr. 1 ligg på vestsida av elva medan bnr. 2 ligg på austsida. Det er denne parten si oppfatning at bnr. 2 eig på austsida av elva med unntak av den nordlege delen frå der Langeliberget går ned til Kvanndalselva, knappe 2 km etter Kvanngjelsfossen. Han viste til synfaringa i går. Om punktet på Gapheller er det semje. Frå Gapheller ser ein nordover der Langeliberget skrår ned mot elva. Folkedal eig oppå platået medan Kvanndal eig lia ned mot elva. Folkedal sin påstand om at grensa går beint ned er merkeleg. Først i dag kjem det fram opplysningar om tre råser der det er mogleg å kome ned til elva frå platået. Bnr. 2 i Kvanndal har brukt området sidan 1752 til beite og jakt. Denne grensa er skriven i ei grensegangsforretning i 1772, dok. nr. 1.1. I dette dokumentet er det skrive slik om grensa: "samme visser hen udi en Needsat Mærkeskieldsteen, derfra hen til en Bæk, der Needsat en Mærkeskieldsteen , samme visser hen til Gabheller, siden bytter berglaget til elven." Frå Gapheller skal grensa følgje berglaget. Det går ikkje berglag rett ned til elva. Berglaget skrår framover til Langeliberget. Vi meiner grensa følgjer dette berglaget nordover til der Langeliberget møter elva. Folkedal eig ovafor denne grensa og Kvanndal nedunder. Setninga om at Folkedal eig på den nordre og Kvanndal på den søndre side av denne grensa er rett. Folkedal sin eigedom ligg i nord og Kvanndal sin eigedom i sør for grensa.

1230-2009-0024 HELGASTØL SAMEIGE GNR 127 m.fl Indre Hordaland jordskifterett 12

Det er frå motparten vist til referat frå møte i Granvin heradstyre, dok nr. 1.6, der det står at kommunegrensa følgjer elva 2-3 km frå Kvanngjelsfossen og nedover til eit berg på søraustre side av elva, og sidan til Gaphelleren og til sjøen. Det er her skildra ei linje. Det står til Gapheller, ikkje opp til Gapheller.

Kart over kommunegrensa mellom Granvin og Kinsarvik, dok. nr. 3.2, er henta frå Ullensvang kommune sitt arkiv. Kommunegrensa på dette kartet vil gje ei naturleg grense mellom partane. Grensa på austsida går opp til Stokkane som er nord for nordre grense for Holstø. Dette indikerer at Kvanndal eig på austre side av elva.

Kart over hjortevalda i Granvin, dok. nr. 3.1, viser at det omtvista området ligg innanfor hjortevaldet til gnr. 136 bnr. 2. Grensa for valdet er teikna oppe på bruna. Det er mogleg økonomisk kartverk ligg til grunn for valdgrensa.

Eigedomen Holstø, gnr. 136 bnr. 8, ligg på vestsida av elva. I skylddelinga for dette bruket står det at eigedomen er avgrensa av elva. Dokumentet gjeld grensene for Holstø. At Holstø er avgrensa av elva er det ikkje tvil om. Skylddelinga er ikkje ei handling som kan byggje rett eller desavuere rett.

Eigarane av gnr. 136 bnr. 2 har brukt området til vedhogst. Sauebeite har ikkje vore aktuelt. Bruk av sauebeite er heller ikkje prov for eigedomsrett. Alf Kvandal snauhogg skogen framover under berget i 1956. Kvandal har også nytta området til jakt.

Han la ned slik Påstand:

1. Gnr. 136, bnr. 2 sine opphavlege eigedomsrettar og grenser langs Kvanndalselva frå grenseline ved Gapheller til punkt der Langeliberget møter elva blir stadfesta.

2. Gnr. 136. bnr. 2 blir tilkjent sakskostnader.

Retten ser det slik: Grensa mellom Folkedal si stølssameige, Helgastøl, og Kvanndal blei gått opp og merka i 1772, dok. nr. 1.1. Dette er eit sentralt dokument i denne saka. Grenseskildringa startar i "Soue Næsset" og nemner kvart grensemerke oppover mot Gapheller. Den siste delen av grensa er skriven slik: "samme visser hen udj en nedsat Merkeskieldsteen, derfra hen til en Bæk, der nedsat en Merkeskieldsteen. Samme visser hen til Gabhelleren, siden bytter berglaget til Elven. Fylkedahls-Mændene Eier på den Nordre og Qvandahl paa den Søre side af disse Mercker."

På Gapheller vart det ikkje sett ned grensemerke. Dei må ha lagt til grunn at alle involverte partar visste kvar Gapheller var, og at dette punktet var tilstrekkeleg presist definert til at det kunne fungere som grensemerke i den praktiske bruken av området. Vidare frå Gapheller mot elva vart det heller ikkje sett ned grensemerke. Grensa her skulle følgje berglaget.

Advokat Grande har gjort eit poeng av at det står at folkedalsmennene eig på nordre- og Kvanndal på søndre side av "disse Mercker". Av det har han trekt den konklusjonen at grensa frå Gapheller mot elva må gå nokolunde i retning aust vest.

1230-2009-0024 HELGASTØL SAMEIGE GNR 127 m.fl Indre Hordaland jordskifterett 13

Når det i dokumentet står at Folkedal eig nord for desse merka og Kvanndal eig sør for, kan retten vanskeleg sjå at det primært er sikta til den siste strekninga der det ikkje vart sett ned grensemerke. Det er naturleg å oppfatte utsegna ”disse Mercker” som relatert til heile grensestrekninga som blei merka, ikkje minst den strekninga der det verkeleg blei sett ned grensemerke. Frå Sauaneset går den første delen av grensa hovudsakleg i vestleg retning før grensa etter kvart vinklar meir nordover. Jordskifteretten oppfattar denne utsegna meir som uttrykk for retten si oppfatning den gong, om at Folkedal sin eigedom i hovudsak låg nord for, og Kvanndal sin eigedom i hovudsak sør for denne grensa. Retten meiner det derfor ikkje er haldepunkt i dette dokumentet for å hevde at grensa vidare frå Gapheller til elva skal gå i retning aust vest. Men når grensemerkinga stoppar i punktet før Gapheller , er det heller ikkje venteleg at grensa held fram særleg langt før ho skrår ned mot elva. Dersom det var meininga at grensa skulle følgje hamarlaga vidare nordover, slik adv. Torgils Bryn påstår, er det venteleg at det hadde blitt sett opp fleire grensemerke i 1772. Frå Gapheller ”bytter berglaget til elva.” Det må tyde at grensa frå Gapheller skrår relativt snøgt ned mot elva. Det er ikkje eitt berglag som er samanhengande og skrår bratt ned mot elva på denne staden, men like nord for Gapheller er eit svært bratt parti der det eine berglaget ligg oppå det andre. Retten meiner det er desse berglaga det er sikta til i dokumentet. Ei slik grense vil heller ikkje kome i strid med det som er sagt i grenseskildringa og skylddelinga for eigedomen Holstø, der det er sagt at elva er skilje mellom Holstø og Folkedal. Kart over hjortevalda, dok. nr. 3.1, er truleg basert på økonomisk kartverk. På økonomisk kartverk er gnr. 136 bnr. 2 ført på som eigar på austsida av elva heilt nord til Kvanngjelsfossen. Økonomisk kartverk er ikkje eit rettsleg dokument. Kva for opplysningar kartverket har bygd på her er ikkje kjent. Det er allment kjent at økonomisk kartverk har mange feil og manglar. Retten vil ikkje leggje vekt på dette dokumentet.

Det omtvista området et ei relativt bratt og lite tilgjengeleg dalside. Om bruken av området har partane kome med til dels motstridande opplysningar. Frå Folkedal si side har både Herman Ovrid, Jostein Kolskår og Ivar Folkedal forklart at lia vart brukt til sauebeite. Det var ei frodig li. I tidlegare tider hadde det også vore slått i området. Det var fleire plassar sauene kunne kome ned til elva. Den beste plassen var ved Stokkane. Det var likevel ikkje ønskjeleg at sauene trekt langt ned, fordi det var vanskeleg å få dei opp att. Frå Kvanndal si side har det ikkje vore nytta til beite. Det var ikkje framkomeleg langs elva. Eigarane i Kvanndal har heller ikkje hevda at dei nytta beitet i det omtvista området. Sauene deira kom ikkje lengre nord enn til Telfloten. I seinare tid har ikkje området vore brukt til beite av nokon av partane.

Når det gjeld vedhogst har ikkje Folkedal nytta seg av den. Frå Kvanndal si side har dei derimot hogge ved på austsida av elva. Det er likevel usemje om kor langt nord denne vedhogsten føregjekk. Anna Bystøl opplyste at dei hogg ved i fleire år under krigen. Då hogg dei heilt fram under Langeliberget. Alf Kvandal sa og i si vitneforklaring at det var snauhogge framover mot Langeliberget på 1950-talet. Frå Folkedal si side er det hevda at denne vedhogsten føregjekk sør for Gapheller. Folk frå Folkedal sa frå og hindra hogst på Folkedal sin eigedom.

Slik retten ser det er det ikkje ført klare prov for at Kvanndal har hogge ved nord for Gapheller. Denne vedhogsten blei avslutta under eller like etter krigen. Ingen av dei som

1230-2009-0024 HELGASTØL SAMEIGE GNR 127 m.fl Indre Hordaland jordskifterett 14

har forklart seg var med på denne hogsten og har såleis ikkje førstehandskjennskap til kvar det vart hogge. Opplysningane er baset på det andre har fortald. Også av folk som ferdast i området i ei tid som låg nærare opp til den tida då det vart hogge har også ulike versjonar. Jostein Kolskår viste til at Johannes Hamre hadde fortald at i 1960 var det stor skog i dette området. Det kunne då ikkje ha vore hogge under krigen. Alf Kvandal sa derimot at det var snauhogge der i 1950. Det er også ulike oppfatningar mellom partane om kva ein meiner med stadnamnet Gapheller. Gapheller slik som påvist under synfaringa ligg i nordre ende av eit berglag. Jostein Kolskår forklarte at Johannes Hamre sa dei kalla heile berglaget for Gapheller. Ivar Folkedal sa også at dei i Håli sa Gapheller om heile berglaget. Når folk refererer til Gapheller er ikkje det eit eksakt punkt i terrenget. Når det kjem ulike versjonar frå folk om det var skog der eller ikkje i tida etter krigen, kan det hange saman med at det ikkje er presist same området ein snakkar om.

Når det gjeld jakt er heller ikkje området særleg mykje brukt. Jostein Kolskår sa hjortejakta starta i 1970. Valdgrensene vart lagt inn administrativt av kommunen. Han fortalde at han jakta på bnr. 1 i Kvanndal på vestsida av elva. Han hadde aldri høyrt at dei frå Kvanndal jakta i dette området. Alf Kvandal forklarte at han hadde jakta på begge sider av elva, men ikkje nøyaktig i kvar. Herman Ovrid forklarte at Samson Kvanndal ein gong hadde spurd om å få bere kjøt over Folkedal. Det vart då diskusjon om eigedomsgrensene. Samson Kvanndal døydde seinare og det vart ikkje meir snakk om eigedomstilhøva.

På bakgrunn av det partane har forklart har bruken av det omtvista området i beste fall vore sporadisk og i lange periodar nærast fråverande. Retten finn derfor ikkje grunnlag i bruken av området for å tolke dei framlagde dokumenta annleis enn det som er gjort framanfor.

At området har vore lite brukt heng sjølvsagt saman med topografien. Området er bratt, ulendt og lite tilgjengeleg. Krå Kvanndal si side blir terrenget verre å ta seg fram i til lengre opp ein kjem. Frå Folkedal si side er det mogleg å ta seg ned til elva nokre stader i den øvre delen. Like nord for Gapheller ligg det eine berglaget oppå det andre. Det er svært bratt ned mot elva. Også ut frå topografiske tilhøve er det naturleg å trekkje eit skilje her.

Begge partar har lagt ned påstand om å få tilkjent sakskostnader. Adv. Endre Grande har i hovudsak fått medhald i sin påstand. For vederlag for kostnader til sakkunnig hjelp i tvistar er tvistelova kapittel 20 gjort gjeldane i saker for jordskifteretten, jf jskl § 81 første ledd. Tvistelova § 20-2 lyder slik: "(1) En part som har vunnet saken, har krav på full erstatning for sine sakskostnader fra motparten. (2) Saken er vunnet viss parten har fått medhold fullt ut eller i det vesentlige, …." Adv. Endre Grande har fått medhald i det vesentlege. Etter tvistelova har hans partar då krav på å få dekka sine kostnader til sakkunnig hjelp av motparten.

SLUTNING: 1. Grensa mellom Gnr. 136 bnr. 2, på sørvestre side og Helgastøl sameige på nordaustre side, går frå omsamd punkt på Gapheller i bein linje skrått nedover i nordvestleg retning til Kvanndalselva, slik som vist på vedlagt kart, og føljer djupålen i Kvanndalselva nordover til grensa mellom Granvin og Voss.

1230-2009-0024 HELGASTØL SAMEIGE GNR 127 m.fl Indre Hordaland jordskifterett 15

2. I sakskostnader for jordskifteretten betalatar Vigdis Reisæter kr 93403,00 – kronernittitretusenfirehundreogtre - til eigarane av Helgastøl sameige innan 2 – to – veker frå forkynninga av denne domen, med tillegg av den alminnelege forsinkelsesrente etter forsinkelseslova § 3 første ledd frå forfall til betaling skjer.

3. Domen vert sett til påanke straks, jf jskl § 62 andre ledd.

Saka vert utsett til domen er rettskraftig. Grensa vert deretter merka i marka.

Kostnadene med dette møtet er etter rekneskap lagt ved saka kr. 6095,00.

Granvin, 22.08.2013

..……………………. ……………………… ………….……………… Stein Olav Kolås Hans Ruud Eva Kristin Dahl (sign) (sign.) ( sign)

RETTSBOK

Domstol: Indre Sogn jordskifterett. Møtedag: 23.10.2015. Stad: Indre Sogn jordskifterett i Sogndal. Sak nr.: 1230-2009-0024 HELGASTØL SAMEIGE GNR 127 mfl. - utsett frå 22.08.2013.

Saka gjeld: Krav om grensegang etter jordskiftelova § 88.

Rettsleiar: Jordskiftedommar Hans Ruud.

Meddommarar: Stein Olav H. Kolås, 5730 ULVIK. Eva Kristin Dahl, 5730 ULVIK.

Protokollførar: Hans Ruud.

Saka er kravd av: Åge Elvatun, Hermann Ovrid, Nils Brekke og Martha Brekke.

Til handsaming: 1 Avslutting av saka. 2 Fordeling av kostnader.

1230-2009-0024 HELGASTØL SAMEIGE GNR 127 m.fl Indre Hordaland jordskifterett 16

Eigedomane ligg i Granvin kommune.

Til stades: Partane var ikkje innkalla og heller ingen møtte.

Framlagde dokument: 22. Ei mappe dokument for Gulating lagmannsrett. 23. Jordskifteretten sitt grensekart.

Indre Hordaland jordskifterett sa den 21.08.2013 dom i grensetvisten mellom Helgastøl sameige og gnr. 136 bnr. 2 med slik

2. I sakskostnader for jordskifteretten betalatar Vigdis Reisæter kr 93403,00 – kroner nittitretusenfirehundreogtre - til eigarane av Helgastøl sameige innan 2 – to – veker frå forkynninga av denne domen, med tillegg av den alminnelege forsinkelsesrente etter forsinkelseslova § 3 første ledd frå forfall til betaling skjer.

3. Domen vert sett til påanke straks, jf. jskl § 62 andre ledd.

Vigdis Reisæter ved adv. Torgils Bryn anka domen til Gulating lagmannsrett den 18.10.2013. Den 22.09.2014 sa Gulating lagmannsrett dom med slik

"Domsslutning: 1. Anken forkastes.

1230-2009-0024 HELGASTØL SAMEIGE GNR 127 m.fl Indre Hordaland jordskifterett 17

2. I sakskostnader for lagmannsretten betaler Vigdis Reisæter til Nils Brekke sitt bo, Kjetil Brekke og Åge Elvatun 154.375,- etthundreogfemtifiretusentrehundreogsyttifem – kroner, inkludert merverdiavgift, innen 2 – to – uker fra dommens forkynnelese. 3. Det gjøres ingen endring i jordskifterettens sakskostnadsavgjørelse."

På bakgrunn av domen og merking og innmåling av grensa under leiing av ingeniør Sigbjørn Hauge er det utarbeidd slik utgreiing for:

1 Grenser

1.1 Grenseforklaring og målegrunnlag Grensa går i rett linje mellom dei grensepunkta som det er oppgitt retning for. Retninga mellom punkta er berekna ut frå koordinatane til punkta og er oppgitt i høve til nordretninga på kartet. Sirkelen er delt inn i 400 gon. Avstanden mellom grensepunkta er horisontale mål i meter, og koordinatane refererer seg til Euref89 (WGS84) sone 32. Grensene og grensemerka er teikna på kart i målestokk 1:2000. Kartnr.: 144025. Grensepunkta er godkjende grensemerker av aluminium påstempla jordskifteretten sitt merke.

Ved måling av grensepunkt er det nytta GNSS (Altus) med krav til kvalitet i samsvar med jordskifteretten sin prosedyre for utføring av RTK-måling i områdetype 1, byområde. Maksimalt tillaten punktdeformasjon for områdetype 1 er 0,1 meter.

Koordinatane er fastsett med RTK-måling ved bruk av CPOS.

1.2 Grensebeskriving

Grense 1 Eigedom til venstre: Gnr. 136 bnr. 2 Eigedom til høgre: Helgastøl sameige

Punktnr Skildring Retning Avstand X-koordinat Y-koordinat

1 Off. godkj. grensemerke i fjell 6709204,20 368133,32 328,53 412,46 2 Off. godkj. grensemerke i stein 6709382,93 367761,59

1230-2009-0024 HELGASTØL SAMEIGE GNR 127 m.fl Indre Hordaland jordskifterett 18

2 Ymse avgjerder

2.1 Jordskiftekostnader Jordskiftekostnader og gebyr skal dekkast av partane i samsvar med jordskiftelova § 74.

Rettsmøteutgiftene er godtgjersle til meddommarar i samsvar med rettsgebyrforskrifta. På denne bakgrunnen blir kostnadene slik:

Registreringsgebyr kr 4300,00 Partsgebyr 4 á kr. 1548,00 kr 6192,00 Grenselengdegebyr kr 1720,00 Rettsmøteutgifter 21.-22.08.13 kr 6095,00 Rettsmøteutgifter 23.10.2015 kr 1327,00 Grensemerke 2 stk. kr 100,00 Sum kr 19734,00

Kostnadene er etter retten sitt skjønn fordelt mellom partane etter den nytten dei har hatt av jordskiftet, jf. jordskiftelova § 76.

Jordskifteretten har i samband med dette lagt til grunn at kostnadene blir delt likt mellom Helgastøl sameige på eine sida og gnr. 136 bnr. 2 på den andre. Jordskiftekostnadene vert etter dette fordelt slik:

Gnr./bnr. Eigar skal betale har betalt skuldar har til gode kr kr kr kr Helgastøl sameige ved Nils 9867,00 4300,00 5567,00 127/1 Brekke sitt bu 127/2 Kjetil Brekke 127/5 Åge Elvatun 128/1 Anna C. Varenius og Svein H. Ovrid 136/2 Vigdis Reisæter 9867,00 9867,00 SUM 19734,00 4300,00 15434,00

Om du skuldar pengar, vil du få faktura i eige brev frå Domstoladministrasjonen. Betalingsfristen er påført fakturaen. Skuldig beløp som ikkje vert betalt innan denne fristen, kan tvangsinndrivast utan nærmare varsel. Pengar til gode blir tilbakebetalt.

2.2 Avslutting av saka Saka blir avslutta i dette møtet.

2.3 Forkynning og anke Forkynning skjer etter reglane for postforkynning. Fristen for anke er ein månad frå forkynning. Reglane om anke er lagt ved forkynninga.

1230-2009-0024 HELGASTØL SAMEIGE GNR 127 m.fl Indre Hordaland jordskifterett 19

2.4 Ikraftsetjing Dersom ikkje anna er særskilt bestemt, vert avgjerdene i denne saka sett i kraft frå rettskraftdato.

2.5 Matrikkelføring Når saka er rettskraftig, vil det bli satt fram krav om matrikkelføring til den lokale matrikkelmyndigheit. Endringar i matrikkelen skal i samsvar med matrikkellova førast innan 6 veker etter at jordskiftesaka er sendt til matrikkelføring, og eigarane skal underrettast om føringa.

2.6 Tinglysing Saka vil bli tinglyst på følgjande eigedomar i Granvin kommune: 127/1,2,5, 128/1 og 136/2.

Dagens rettsmøte varde frå kl. 8 til kl. 12.

Retten heva. Sogndal, 23.10.2015

Hans Ruud (sign.) Stein Olav H. Kolås Eva Kristin Dahl (sign.) (sign.)

1230-2009-0024 HELGASTØL SAMEIGE GNR 127 m.fl Indre Hordaland jordskifterett 20