Analizë Kritike E Raportimit Të Gazetave Ditore Shqipe Për Trazirat E Marsit 2004
Total Page：16
File Type：pdf, Size：1020Kb
UNIVERSITETI I PRISHTINËS “HASAN PRISHTINA” FAKULTETI I FILOLOGJISË MA Muhamet Jahiri ANALIZË KRITIKE E RAPORTIMIT TË GAZETAVE DITORE SHQIPE PËR TRAZIRAT E MARSIT 2004 PUNIMI I DOKTORATËS Prishtinë, 2018 Tema: Analizë kritike e raportimit të gazetave ditore shqipe për Trazirat e Marsit 2004 UNIVERSITY OF PRISHTINA “HASAN PRISHTINA” FACULTY OF FILOLOGY MA Muhamet Jahiri CRITICAL ANALYSIS OF ALBANIAN DAILY NEWSPAPERS REPORTING TO THE MARCH 2004 RIOTS DOCTORAL THESIS Prishtina, 2018 PUNIMI I DOKTORATËS 2 Tema: Analizë kritike e raportimit të gazetave ditore shqipe për Trazirat e Marsit 2004 UNIVERSITETI I PRISHTINËS “HASAN PRISHTINA” FAKULTETI I FILOLOGJISË MA Muhamet Jahiri ANALIZË KRITIKE E RAPORTIMIT TË GAZETAVE DITORE SHQIPE PËR TRAZIRAT E MARSIT 2004 PUNIMI I DOKTORATËS Mentori: Prof. asoc. Milazim Krasniqi PhD Prishtinë, 2018 PUNIMI I DOKTORATËS 3 Tema: Analizë kritike e raportimit të gazetave ditore shqipe për Trazirat e Marsit 2004 INFORMACIONE PËR MENTORIN Prof. asoc. MILAZIM KRASNIQI, PhD Profesor i asocuar i gazetarisë dhe letërsisë në Universitetin e Prishtinës “Hasan Prishtina”, Milazim Krasniqi udhëheq Departamentin e Gazetarisë në Fakultetin e Filologjisë, aty ku në vitin 2004 ka fituar titullin e Doktorit të Shkencave Filologjike. Themelues i Institutit të Medies, redaktori i parë i zhurnalit “Media”, Krasniqi ka shërbyer edhe si anëtar i Bordit të Drejtorëve të Radiotelevizionit Publik të Kosovës (2001-2009) dhe anëtar i Këshillit Drejtues të Universitetit të Prishtinës (2008-2010). Një ndër themeluesit e Lidhjes Demokratike të Kosovës, bashkëpunëtor i afërt i presidentit të ndjerë Ibrahim Rugova, Krasniqi është profesor universitar, poet, romansier, dramaturg, publicist dhe komentues politik. Përmbi dhjetë vite ka shërbyer si sekretar i Shoqatës së Shkrimtarëve të Kosovës, kryeredaktor i revistës “Fjala” dhe “Interesi Nacional”, redaktor përgjegjës i gazetës ditore “Bota Sot” dhe kolumnist i rregullt i gazetave dhe revistave të ndryshme. Disa vite ka qenë edhe bashkëpunëtor i rregullt i radios “Evropa e Lirë”, për emisionet në gjuhën shqipe. Disa nga librat e tij, prej të cilave 30 e përfshijnë poezinë, romane, drama, studime dhe publicistikë, janë: Letërsia dhe besimet fetare, Soneti në poezinë shqipe, Islami i keqkuptuar dhe fatkeqësia botërore, Fotografitë e kujtimeve, Rulet rus për Ali Pashën, Monedha e Gentit, Nacionalizmi shqiptar, E kujt është kjo kulturë? Krasniqi është autor edhe i teksteve universitare: “Hyrje në Gazetari” dhe “Ekskomunikimi si histori e fshehur”, po ashtu mentor i shumë studentëve të nivelit Master dhe PhD. Ai ka një numër të punimeve akademike të botuara nëpër zhurnalë të shumtë vendorë dhe ndërkombëtarë, përfshirë: Media dhe Seminari – Universiteti i Prishtinës, Sarajevske Sveske – Sarajevë, Vizione-Shkup, Vjetari i Akademisë së Shkencave dhe Arteve të Kosovës, etj. Krasniqi ka prezantuar kumtesa në sesione të ndryshme shkencore, si në Seminarin Ndërkombëtar për Gjuhën, Letërsinë dhe Kulturën Shqiptare, në Universitetin Sakarya–Turqi, Universiteti UFO –Tiranë, etj. Krasniqi, po ashtu, është intervistuar apo cituar nga BBC, CNN, Zëri i Amerikës, Evropa e Lirë, Radio Televizioni i Kosovës, RTV 21, RTSH, TV Klan, Epoka e Re, Kosova Sot si dhe nga mediume të tjera rajonale, të shkruara dhe elektronike. Si komentues politik ka qenë i ftuar shumë herë në programe dhe debate televizive. Krasniqi jeton në Prishtinë me të shoqen Edibe Krasniqin, me të cilën ka tre fëmijë. PUNIMI I DOKTORATËS 4 Tema: Analizë kritike e raportimit të gazetave ditore shqipe për Trazirat e Marsit 2004 Vepra e deritashme: letrare, shkencore dhe publicistike POEZI Imazhi gri 1982, Rilindja, Prishtinë Poezi Pirg vegimi 1985, Rilindja, Prishtinë Poezi Qeshje sardonike 1987, Rilindja, Prishtinë Poezi Formula e Katonit 1990, Rilindja, Prishtinë Poezi Kurs për pantomimë 1994, Rilindja, Prishtinë Poezi Dalja e atdheut edhe nga ëndrrat 1996 Rilindja, Prishtinë Poezi Dritë në kujtime 2008, Arbëria, Tiranë Poezi Rigjetja e vetes 2013, Arbëria, Tiranë Poezi Poezia dhe vdekja 2017, Logos A, Shkup Poezi PROZË Fotografitë e kujtimeve 2002, Logos A, Shkup Roman Fijet e shpirtit 1998, Dardania, Prishtinë Roman DRAMA/KOMEDI Mos më merrni në qafë 1990, Rilindja, Prishtinë Komedi Zbulimi 1990, Rilindja, Prishtinë Komedi Punë Sizifi 1990, Rilindja, Prishtinë Komedi Kush i bie Fellit 1997, SHSHK, Prishtinë Komedi Bryma e vdekjes 2001, Prishtinë Dramë Liria po vjen 2007, Prishtinë Dramë Kosovë në ndërgjegje 2001, Prishtinë Dramë Monedha e Gentit 2003, Prishtinë Dramë Rulet rus për Ali Pashën 2004, Dramë Një Antigonë e re 2004, Prishtinë Dramë Kësulkuqja e shekujve 2004, Prishtinë Dramë Kur lindi partia 1995, SHSHK, Prishtinë Komedi Këmba e Titos nuk shkel më në Kosovë 1996, Prishtinë Komedi PUBLICISTIKA PUNIMI I DOKTORATËS 5 Tema: Analizë kritike e raportimit të gazetave ditore shqipe për Trazirat e Marsit 2004 Horrat në krye të detyrës 1998, Kosovarja Publicistikë Kosova pas 22 janarit 1998 2000, Dardania Publicistikë Meditime islame 2005, Furkan, Shkup Publicistikë Islami i keqkuptuar dhe fatkeqësia botërore 2007, Prishtinë Publicistikë Në çfarë Kosove do të jetojmë 2008, Zëri Publicistikë Ankthi i vjetër në shekullin e ri (Presionet e Serbisë ndaj Kosovës pas vitit 1999) 2011, Zëri Ynë, Prishtinë Publicistikë STUDIME Soneti në poezinë shqipe 2005, PEN, Prishtinë Studim monografik Dhuna dhe qytetërimi perëndimor: Islami si fillim i historisë 2006 , Logos A, Shkup Studim Letërsia dhe besimet fetare 2010, Logos A, Shkup Studim monografik Nacionalizmi shqiptar 2014, Logos A, Shkup Studim monografik Studime kulturore dhe E kujt është kjo kulturë 2015, Logos A, Shkup mediale Hyrje në gazetari 2008, Libër universitar Ekskomunikimi si histori e fshehur 2016, ROZAFA Libër universitar (https://milazimkrasniqi.wordpress.com) PUNIMI I DOKTORATËS 6 Tema: Analizë kritike e raportimit të gazetave ditore shqipe për Trazirat e Marsit 2004 Falënderim Ndihem jashtëzakonisht i privilegjuar me njerëzit që më rrethojnë, familjen time, miqtë e mi, shoqërinë time. Falënderoj familjen time, prindërit e mi, ndaj të cilëve jam mirënjohës përjetë për gjithçka që bënë për mua, e që ndanë bukën e gojës për edukimin e gjashtë fëmijëve të tyre. Falënderoj bashkëshorten time Qëndresën, krahun tim të djathtë, që më dha forcën për të ecur tutje. Dimalin tim, dritën e syve të mi, motivin tim të përditshëm. Falënderoj mentorin tim, Prof. asoc. Milazim Krasniqi PhD, udhërrëfyesin, profesorin dhe njeriun me kaq shumë vlera. Jam me fat që e kam njohur, që jam asistent i tij për një dekadë, e që kam përfituar aq shumë nga ai gjatë këtyre viteve. Faleminderit Profesor! Mirënjohës për jetë! Në fund, por jo më pak të rëndësishëm, falënderoj miqtë e Departamentit të Gazetarisë, të cilët më kanë mbështetur përgjatë këtyre viteve. Jam i bekuar nga Zoti që ju kam, ju paça gjithmonë! Faleminderit nga zemra! Dedikim Engjëllit tim, Dimalit... PUNIMI I DOKTORATËS 7 Tema: Analizë kritike e raportimit të gazetave ditore shqipe për Trazirat e Marsit 2004 Rezymeja e disertacionit Në kuadër të studimeve të doktoraturës në fushën e Shkencave të Komunikimit dhe të Gazetarisë në Universitetin e Prishtinës “Hasan Prishtina”, në këtë studim shkencor të disertacionit është trajtuar tema me titull: “Analizë kritike e raportimit të gazetave ditore shqipe për Trazirat e Marsit 2004”. Ky disertacion i miratuar nga të gjitha organet e Universitetit, është bazuar në hulumtime të thella shkencore, punë origjinale dhe në rezultate konkrete, të cilat do të japin një kontribut të madh në fushën e studimeve të komunikimit dhe të gazetarisë. Rezultatet e këtij punimi do të kenë interes të madh në fushën e studimit të gazetarisë, për studiuesit e kësaj fushe, si dhe për vetë gazetarët, të cilët do të përfitojnë shumë nga ky rast studimi. Mediet në vendet e lira janë një pushtet i fuqishëm, prandaj rezultatet e këtij studimi do të kontribuojnë, që gjatë raportimit të medieve për trazirat në të ardhmen, të jenë më të përgatitura profesionalisht dhe më të gatshme për t’u ballafaquar me situata të tilla. Po ashtu, rezultatet e këtij disertacioni do të japin përgjigje konkrete sesi ka raportuar shtypi ditor për Trazirat e Marsit të vitit 2004, ngjarje e cila ka qenë ndër më të dhunshmet në Kosovë. Deri më tani kjo ngjarje nuk ka marrë epilog përfundimtar, si në aspektin e përgjigjes shkencore, po ashtu edhe në atë të sistemit të drejtësisë. Ky punim shkencor është fokusuar në tre komponentë, të cilët do të ndihmojnë në arritjen e rezultateve konkrete. Brenda strukturës së tij përfshihen shtatë kapituj, që trajtojnë aspektin teorik, historik, dokumentues, hulumtues dhe përfundimet konkrete. Në pjesën e parë është paraqitur hyrja e punimit, metodologjia dhe hipotezat e ngritura. Në hyrje janë paraqitur elementet kryesore të punimit, të cilët i paraprijnë hulumtimit të tërësishëm shkencor. Metodologjia në çdo studim është pjesë e rëndësishme e një hulumtimi shkencor. Prandaj, në këtë punim janë përzgjedhur metodat adekuate, të cilat do të ndihmojnë në nxjerrjen e rezultateve të matshme shkencore, si: metoda e analizës së përmbajtjes, metoda e sintezës, metoda e abstraksionit, metoda e konkretizimit, metoda e gjeneralizimit, metoda induktive, metoda deduktive, metoda komparative (e krahasimit), metoda historike, metoda statistikore, metoda e studimit të rasteve, metoda deskriptive, metoda e analizës së deskut, etj. Hipotezat do të testohen hap pas hapi, gjatë hulumtimit të punimit shkencor, ndërsa metodat adekuate të përzgjedhura, do të përdoren në kapituj të ndryshëm dhe në pjesë të ndryshme të rastit studimor.