Kjøp av person- og godsrutetenester 2007
Fylkesdirektøren si tilråding INNHALDSOVERSYN
SAMANDRAG ...... 1 1 INNLEIANDE MERKNADER ...... 2 2 RAMMEFØRESETNADER, TINGINGSRESULTAT OG TILPASSINGSTILTAK...... 3 2.1 DET VEDTEKNE BUDSJETTET FOR 2007...... 3 2.2 RUTEPLANARBEIDET...... 4 2.3 TINGINGAR MED RUTEBILSELSKAPA...... 4 2.4 TINGINGAR MED FJORD1 FYLKESBAATANE ...... 4 2.5 ARBEIDSGJEVARAVGIFT...... 4 2.6 FINANSIERING AV KJØP AV PERSON- OG GODSRUTETENESTER...... 4 3 KJØP AV RUTEBILTENESTER – GENERELT...... 6 3.1 SENTRALE OMGREP OG SAMANHENGAR ...... 6 3.2 NY FIREÅRSAVTALE MED RUTEBILSELSKAPA...... 6 4 KJØP AV RUTEBILTENESTER – FIRDA BILLAG...... 7 4.1 OMFANG AV TENESTEKJØPET...... 7 4.2 RESULTAT FRÅ TINGINGANE ...... 7 4.3 OPPSUMMERING ...... 7 5 KJØP AV RUTEBILTENESTER – FJORD1 SOGN BILLAG...... 8 5.1 OMFANG AV TENESTEKJØPET...... 8 5.2 RESULTAT FRÅ TINGINGANE ...... 8 5.3 OPPSUMMERING ...... 8 6 KJØP AV RUTEBILTENESTER – FJORD1 NORDFJORD – OTTADALEN ...... 9 6.1 OMFANG AV TENESTEKJØPET...... 9 6.2 RESULTAT FRÅ TINGINGANE ...... 9 6.3 OPPSUMMERING ...... 9 7 KJØP AV RUTEBILTENESTER – RUTEBILANE I BREMANGER ...... 10 7.1 OMFANG AV TENESTEKJØPET...... 10 7.2 RESULTAT FRÅ TINGINGANE ...... 10 7.3 OPPSUMMERING ...... 10 8 KJØP AV RUTEBILTENESTER – OPPSUMMERING OG SAMLEOVERSYN...... 11 9 KJØP AV GODSBILRUTER ...... 12 9.1 INNLEIANDE ...... 12 9.2 FIRDA BILLAG ...... 12 9.3 RUTEBILANE I BREMANGER...... 12 9.4 FJORD1 NORDFJORD-OTTADALEN...... 13 9.5 OPPSUMMERING ...... 13 10 KJØP AV PASSASJERBÅTTENESTER AV FJORD1 FYLKESBAATANE ...... 14 10.1 INNLEIANDE ...... 14 10.2 PRISING AV DAGENS TILBOD ...... 14 10.3 TRYGGLEIKSTILTAK...... 14 10.4 OPPSUMMERING ...... 14
11 KJØP AV GODSBÅTTENESTER AV FJORD1 FYLKESBAATANE ...... 15 11.1 INNLEIANDE ...... 15 11.2 VURDERINGAR ...... 15 11.3 OPPSUMMERING ...... 15 12 BYGDERUTER MED BÅT ...... 16 12.1 INNLEIANDE ...... 16 12.2 GJENNOMGANG AV DEI EINSKILDE BYGDERUTENE ...... 16 12.3 OPPSUMMERING ...... 17 13 FYLKESFEMNANDE RUTEINFORMASJON ...... 19 14 TIDSPUNKT FOR RUTESKIFTE I 2007 ...... 20 15 SAMLEOVERSYN – TENESTEKJØP...... 21 16 INNKOMNE INNSPEL – OVERSIKT OG VURDERINGAR...... 22 17 TILRÅDING ...... 27 VEDLEGG 1 - HOVUDOVERSYN SELSKAPSVISE TINGINGAR 2007...... 28 SELSKAP: FIRDA BILLAG...... 28 SELSKAP: FJORD1 SOGN BILLAG...... 29 SELSKAP: FJORD1 NORDFJORD – OTTADALEN...... 30 SELSKAP: RUTEBILANE I BREMANGER ...... 31 VEDLEGG 2 – INNSPEL FRÅ KOMMUNAR OG ANDRE...... 32
SAMANDRAG
Innleiande Saka tek føre seg fylkeskommunen sitt kjøp i 2007 av personrutetenester på buss og passasjerbåt i tillegg til kjøp av godsrutetenester på sjø og land. Tenestekjøpet som vert fastsett i saka har eit omfang på vel 238 mill kr.
Hovudtrekk frå tingingane med ruteselskapa I statsbudsjettet for 2005 vart bussane sitt fritak for vektårsavgift vedteke oppheva. Fylkeskommunen og rutebilselskapa vart i tingingane for 2007 samde om at fylkeskommunen kompenserar ruteselskapa med vektårsavgifta også for 2007, men at avgifta er ein del av den totale km–kostnaden .
Undertransportørar i skuleskyss får auka takstane sine frå hausten 2007.
Kort om dei fylkeskommunale bussrutene Rutetilbodet godkjent i 2006 vert også vidareført frå 1. mai 2007. Fylkesdirektøren rår til at rutebilselskapa i 2007 får ei godtgjersle på 150,482 mill kr.
Kort om dei fylkeskommunale passasjerbåtrutene Fylkesdirektøren rår til at Fjord1 Fylkesbaatane i 2007 får ei godtgjersle på kr 65,698 mill til passasjerbåttenester. I tillegg rår fylkesdirektøren til at Fjord1 Fylkesbaatane i 2007 får ei godtgjersle på kr 0,5 mill til tryggleikstiltak.
Kort om godstenester Tilbodet av godsbilruter held fram i 2007 utan endringar. Fylkesdirektøren rår til at rutebilselskapa i 2007 får ei godtgjersle på kr 644 000 for drift av godsbilruter.
Fylkesdirektøren rår til at Fjord1 Fylkesbaatane i 2007 får ei godtgjersle på 2,300 mill kr for godsbåtruta til Gulen, Solund og Værlandet/Bulandet
Kort om bygderute med båt Fylkestinget godkjende i 2005 ny avtale med Flora kommune om rutedrifta i Florabassenget. Fylkeskommunen har òg avtalar med Øyglimt AS om lokale passasjer- og godsruter i Vågsøy og Bremanger og med Luster og Selje kommunar om kommunale ferjesamband. Fylkesdirektøren rår til at bygderutene får eit samla tilskot på kr 18,032 mill i 2007.
Rutehefte Fylkesdirektøren rår til ei løyving på kr 850 000 til det fylkesfemnande ruteheftet i 2007.
1 1 INNLEIANDE MERKNADER
Sogn og Fjordane fylkeskommune sin visjon er livskvalitet og nyskaping. For å byggje under sin visjon har fylkeskommunen mellom anna sett seg som mål å vere ein brukarorientert organisasjon ved å dekkje viktige delar av innbyggjarane sine tenestebehov, og medverke til ei god samfunnsutvikling. Fylkeskommunen sitt engasjement innanfor samferdsle er svært viktig for å medverke til ei god samfunnsutvikling i fylket.
Frå 2006 er balansert målstyring teke inn i fylkeskommunen sitt styringssystem. I målekart for samferdsle er mellom anna tilfredstillande kollektivtilbod, god informasjon til publikum om kollektivtilbodet og tilfredsstillande skuleskyss sett som kritiske suksessfaktorar for samferdsle sine tenester.
Fylkeskommunen freistar å nytte tilgjengelege midlar slik at fylket får eit kollektivtilbod som tilfredstiller dei fleste innbyggjarane. I tillegg yter fylkeskommunen årlege tilskot for at informasjon om kollektivtilbodet skal nå dei reisande. Fylkeskommunen kjøper også tenester hjå ruteselskapa for å utføre skuleskyss som er ei lovpålagt oppgåve.
Fylkeskommunen sitt kjøp av person- og godsrutetenester består av at fylkeskommunen fastset omfanget av person- og godsrutetilbodet for komande ruteperiode og avtalar ei godtgjersle til ruteselskapa for årets tenestekjøp. Godtgjersle til ruteselskapa for person- og godsrutetenester vert avtalt på grunnlag av årlege tingingar og fleirårige avtalar.
Fylkeskommunen fastsett også billettaksten som dei reisande betalar når dei nyttar seg av kollektivtilbodet i fylket.
I saka vert følgjande greidd ut: - fylkeskommunen sitt kjøp i 2007 av personrutetenester, det vil sei bussruter og passasjerbåtruter - fylkeskommunen sitt kjøp i 2007 av godsrutetenester
Fylkesdirektøren kjem i saka med tilråding om godtgjersle for det fylkeskommunale rutetilbodet frå 1. mai 2007.
2 2 RAMMEFØRESETNADER, TINGINGSRESULTAT OG TILPASSINGSTILTAK
2.1 Det vedtekne budsjettet for 2007
Hovudutval for samferdsle vedtok i sak 8/07 følgjande fordeling av samferdsle si budsjettramme for 2007 (tal i heile tusen):
Personruter bil og båt, medrekna skuleskyss kr 233 075
Skuleskyss med båt og skuleskyss utanfor rute kr 7 810
Godsruter med bil og båt kr 3 080
Tilrettelagt transport og følgjekupongar kr 5 760
Planlegging og andre driftsutgifter kr 400
Ungdomskort kr 9 350
Trygt heim for ein 50-lapp kr 1 100
Lokale transporttilbod for ungdom kr 1 000
Marknadsplan samferdsle kr 1 000
Prosjektet ”The Fjords” kr 275
NMK-prosjektet kr 20
Felles ruteopplysingsteneste 177 kr 870
Fylkesfemnande ruteinformasjon kr 850
Passasjerterminalar kr 1 630
Vestlandssamarbeidet kr 100
Tryggleiksføreskrifter båt kr 500
Ruteutviklingsprosjektet for Flesland kr 500
Ufordelt/ uføresette utgifter kr 500
Samla kostnader kr 267 820
Det ligg inne eit tilskot frå Bremanger kommune på kr 300 000 til Kystvegekspressen (Florø- Smørhamn-Måløy) i posten personruter bil og båt. Det vert føresett at Bremanger kommune vil fornye avtala vi tidlegare har hatt om slikt tilskot.
3 Brutto kostnader til utgangspunkt for fordeling i denne saka til personruter bil og båt vert dermed rekna til kr 233,375 mill.
2.2 Ruteplanarbeidet
Fylkeskommunen har hatt eit nært samarbeid med ruteselskapa i arbeidet fram mot saka. Til grunn for saka ligg følgjande aktivitetar:
- produksjonsregistrering på kvar einskild bussrute frå rutebilselskapa - budsjettbidrag frå ruteselskapa - selskapsvise tingingar med alle ruteselskapa - skriv til kommunane der fylkeskommunen ba om innspel til endringar i rutetilbodet
Fylkestinget signaliserte i desember 2006 at det ikkje skulle gjerast større endringar i rutetilbodet frå 1. mai 2007. Fylkeskommunen inviterte kommunane til å kome med innspel på mindre endringar, desse er omtalt nærmare i kapittel 16.
2.3 Tingingar med rutebilselskapa
Fylkestinget godkjende i desember 2006 ny avtale med rutebilselskapa. Den nye avtala gjer at det ikkje har vore behov for felles tingingar i vinter. Det har vore selskapsvise tingingar med alle fire selskapa.
Konkurransetilsynet har ikkje kome med ny forskrift for maksimalpris for køyring med drosjebil sidan desember 2005. Det er likevel føresett ein prisauke på 3% for undertransportørar i skuleskyssen frå og med hausten 2007.
2.4 Tingingar med Fjord1 Fylkesbaatane
Det har vore eitt tingingsmøte med Fjord1 Fylkesbaatane der det var semje om godtgjersla for 2007 til selskapet.
2.5 Arbeidsgjevaravgift
Ordninga med differensiert arbeidsgjevaravgift vart lagt om frå 1.1.2007. Kommunane i fylket, med unntak av Florø, Førde og Sogndal, har fått tilbake den gamle satsen på 10,6%. Omlegginga medfører ei innsparing for ruteselskapa i fylket. Det er framleis uklårt kor stor innsparinga vert for rutekjøpet til fylkeskommunen. Verknaden av omlegginga av arbeidsgjevaravgifta vert å kome attende til i første tertialrapport.
2.6 Finansiering av kjøp av person- og godsrutetenester
Tenestekjøpet i denne saka vert vanlegvis finansiert med midlar frå postane personruter, godsruter, fylkesfemnande ruteinformasjon, tryggleiksføreskrifter og deler av posten ufordelt/uføresette utgifter.
4 I tillegg rår fylkesdirektøren til at det vert omfordelt kr 100.000 frå ungdomskort, kr 100.000 frå planlegging og andre driftsutgifter og kr 200.000 frå skuleskyss med båt/utanfor rute. Rekneskapen for 2006 syner at ei slik omfordeling er rimeleg å gjere.
Totalt er det kr 238,505 mill til fordeling i denne saka. Følgjande er oversyn på midlar som vert fordelt i denne saka (tal i heile tusen).
Personruter med bil og båt, medrekna skuleskyss kr 233 375
Godsruter med bil og båt kr 3 080
Skuleskyss med båt/utanfor rute kr 200
Ungdomskort kr 100
Planlegging og andre driftsutgifter kr 100
Fylkesfemnande ruteinformasjon kr 850
Tryggleiksføreskrifter båt kr 500
Ufordelt/uføresette utgifter kr 300
Samla kr 238 505
Det står kr 200.000 att på posten ufordelt/uføresette utgifter etter at det er nytta kr 300.000 til rutekjøp i denne saka.
5 3 KJØP AV RUTEBILTENESTER – GENERELT
3.1 Sentrale omgrep og samanhengar
I dei følgjande kapitla vert det fylkeskommunale tenestekjøpet frå kvart av rutebilselskapa greidd ut. Det fylkeskommunale tenestekjøpet femnar om skuleskyss, ordinære personruter og kombinerte gods- og personruter. I praksis er det ikkje noko skilje mellom skuleruter og vanlege bussruter.
Rutebilselskapa må for kvart skuleår utarbeide eit skuleruteoversyn som mellom anna femnar om tal elevar og kommunal skysskostnad for den einskilde ruta.
I tillegg til køyring med eigne bussar leiger rutebilselskapa også inn andre, her kalla undertransportørar, til å utføre transport for seg. Undertransportørar utgjer først og fremst drosje og private transportørar til køyring av skuleskyss.
Fleire regionale bussruter og bussruter til/frå andre fylke er del av det fylkeskommunale tenestekjøpet. Døme er rutene Måløy – Sogndal, Stryn – Førde, Lillehammer – Bergen (Øst- Vestxpressen), Sogndal – Bergen (Sognebussen), Årdalstangen – Oslo (Valdresekspressen), Førde – Bergen, Førde – Nordfjordeid – Ålesund, Stadlandet – Ålesund.
3.2 Ny fireårsavtale med rutebilselskapa
Den nye fireårsavtala med rutebilselskapa gjeld frå 1.1.2007. Mykje er vidareført frå førre avtale, som til dømes at selskapa har fullt inntekts- og kostnadsansvar, selskapa har høve til å omdisponere inntil 3 % av ruteproduksjonen utan godkjenning frå fylkeskommunen og at selskapa skal klare ein årleg trafikkvekst på 1-2 %. Den årleg trafikkveksten vert lagt inn i selskapa sine forventa inntekter og skal motivere selskapa til å auke passasjertalet gjennom arbeid med marknadsføring og sal.
Nivået på km-kostnaden er noko høgare i ny avtale. Høgare km-kostnad skuldast mellom anna at lønsdelen er heva ein god del og at vektårsavgifta er lagt inn som ein del av km-kostnaden. Nytt i avtala er at offentlege avgifter og pålegg som kjem eller vert endra med verknad for km- kostnaden skal regulerast. For 2007 vil endring av satsane for arbeidsgjevaravgifta i deler av fylket verte avrekna for den delen av rutebilselskapa sin produksjon som får fylkeskommunal godtgjersle.
Takstauken som fylkeskommunen har fastsett for 2007 på 3 % er i tråd med ny avtale der det vert lagt opp til ein årlege takstauke på 3 % i avtaleperioden. Selskapa har i ny avtale som tidlegare høve til å gjere mindre avvik frå den takst- og rabattordninga som fylkeskommunen fastset.
Det er sett fleire krav til kvalitet i ny avtale. Generelt skal passasjerar føle seg velkomne og utan vidare få hjelp med barnevogner, tyngre bagasje med meir. I tillegg skal selskapa mellom anna syte for tilstrekkeleg kapasitet på rutene og for at det er sitjeplassar på skuleskyssrutene for alle grunnskuleelevar.
Ny avtale legg til grunn at selskapa skal utarbeide ein handlingsplan for universell utforming i 2007.
6 4 KJØP AV RUTEBILTENESTER – FIRDA BILLAG
4.1 Omfang av tenestekjøpet
Det fylkeskommunale tenestekjøpet av personruter for 2007 femner om 5,214 mill vognkilometer med eigne bussar. I tillegg vert det leigd inn undertransportørar til skuleskyss for til saman 9,578 mill kr.
Følgjande fylkeskryssande langruter inngår i det fylkeskommunale tenestekjøpet:
Førde kl 1145 – Bergen, retur kl 1950 Førde kl 0815 – Nordfjordeid – Ålesund
Rutene Førde – Oslo (Sogn og Fjordane Ekspressen) og Bergen – Trondheim inngår ikkje i det fylkeskommunale tenestekjøpet på nokon del av strekningane.
4.2 Resultat frå tingingane
Resultatet frå tingingane syner følgjande prising av ruteproduksjonen i 2007 - tal i heile tusen:
kostnader eigne vogner kr 106 739 + undertransportørar kr 9 578 = sum kostnader kr 116 317
passasjerinntekter utan skule kr 30 235 + kommunal del skuleskyss kr 13 382 + godsinntekter kr 2 868 + andre inntekter kr 626 = sum inntekter kr 47 111
+ skyss vidaregåande elevar ekspressbuss kr 0 - reduksjon tilskot langruter kr 194
= trong for fylkeskommunal godtgjersle kr 69 012 (kostnader - inntekter)
4.3 Oppsummering
Fylkesdirektøren rår til at Firda Billag for 2007 vert tildelt ei godtgjersle på 69,012 mill kr til drift av personruter.
7 5 KJØP AV RUTEBILTENESTER – FJORD1 SOGN BILLAG
5.1 Omfang av tenestekjøpet
Det fylkeskommunale tenestekjøpet av personruter for 2007 femner om 3,705 mill vognkilometer med eigne bussar. I tillegg vert det leigd inn undertransportørar til nokre få ordinære ruter og tilkallingsruter og til skuleskyss for til saman 8,661 mill kr.
Følgjande fylkeskryssande langruter inngår i det fylkeskommunale tenestekjøpet:
Årdalstangen – Oslo (Valdresekspressen), Lillehammer – Bergen (Øst-VestXpressen) og Sogndal – Lom (sommarrute) i samarbeid med Oppland fylkeskommune Sogndal – Bergen (Sognebussen) i samarbeid med Hordaland fylkeskommune.
Rutene Førde – Oslo (Sogn og Fjordane Ekspressen) og Bergen – Ålesund (Fjordekspressen) inngår ikkje i det fylkeskommunale tenestekjøpet på nokon del av strekningane.
5.2 Resultat frå tingingane
Resultatet frå tingingane syner følgjande prising av ruteproduksjonen i 2007 - tal i heile tusen:
kostnader eigne vogner kr 75 841 + undertransportørar kr 8 661 = sum kostnader kr 84 502
passasjerinntekter utanom skule kr 23 751 + kommunal del skuleskyss kr 6 898 + godsinntekter kr 1 650 + andre inntekter kr 445 = sum inntekter kr 32 744
+ skyss vidaregåande elevar ekspressbuss kr 147 - reduksjon tilskot langruter kr 1 087
= trong for fylkeskommunal godtgjersle kr 50 818 (kostnader - inntekter)
5.3 Oppsummering
Fylkesdirektøren rår til at Fjord1 Sogn Billag for 2007 vert tildelt ei godtgjersle på 50,818 mill kr til drift av personruter.
8 6 KJØP AV RUTEBILTENESTER – FJORD1 NORDFJORD – OTTADALEN
6.1 Omfang av tenestekjøpet
Det fylkeskommunale tenestekjøpet av personruter for 2007 femner om 1,923 mill vognkilometer med eigne bussar. I tillegg vert det leigd inn undertransportørar til skuleskyss for til saman 3,763 mill kr.
Følgjande fylkeskryssande langruter inngår i det fylkeskommunale tenestekjøpet:
Stryn kl 0610 – Ålesund Stryn kl 1520 – Ålesund Stadlandet kl 0730 – Ålesund
Rutene Bergen – Trondheim og Måløy – Oslo (Nordfjordekspressen) inngår ikkje i det fylkeskommunale tenestekjøpet på nokon del av strekningane.
6.2 Resultat frå tingingane
Resultatet frå tingingane syner følgjande prising av ruteproduksjonen i 2007 - tal i heile tusen:
kostnader eigne vogner kr 39 364 + undertransportørar kr 3 763 = sum kostnader kr 43 127
passasjerinntekter utan skule kr 8 290 + kommunal del skule kr 7161 + godsinntekter kr 800 + andre inntekter kr 231 = sum inntekter kr 16 482
+ skyss vidaregåande elevar ekspressbuss kr 242 - reduksjon tilskot langruter kr 71 = trong for fylkeskommunal godtgjersle kr 26 816 (kostnader – inntekter)
6.3 Oppsummering
Fylkesdirektøren rår til at Fjord1 Nordfjord - Ottadalen for 2007 vert tildelt ei godtgjersle på 26,816 mill kr til drift av personruter.
9 7 KJØP AV RUTEBILTENESTER – RUTEBILANE I BREMANGER
7.1 Omfang av tenestekjøpet
Det fylkeskommunale tenestekjøpet av personruter for 2007 femner om 223 000 vognkilometer med eigne bussar. I tillegg vert det leigd inn undertransportørar til skuleskyss for til saman kr 152 000.
7.2 Resultat frå tingingane
Resultatet frå tingingane syner følgjande prising av ruteproduksjonen i 2007 - tal i heile tusen:
kostnader eigne vogner kr 4 565 + undertransportørar kr 152 = sum kostnader kr 4 717
passasjerinntekter utan skule kr 461 + kommunal del skuleskyss kr 397 + godsinntekter kr 130 + andre inntekter kr 27 = sum inntekter kr 1 015
+ tillegg for korte ruter kr 134
= trong for fylkeskommunal godtgjersle kr 3 836 (kostnader - inntekter)
7.3 Oppsummering
Fylkesdirektøren rår til at Rutebilane i Bremanger for 2007 vert tildelt ei godtgjersle på 3,836 mill kr til drift av personruter.
10 8 KJØP AV RUTEBILTENESTER – OPPSUMMERING OG SAMLEOVERSYN
Dei fire føregåande kapitla gjev følgjande oversyn over prisinga av tilbodet – tal i heile tusen: kostnader eigne vogner kr 226 509 + undertransportørar kr 22 154 = sum kostnader kr 248 663 passasjerinntekter utan skule kr 62 737 + kommunal del skuleskyss kr 27 838 + godsinntekter kr 5 448 + andre inntekter kr 1 329 = sum inntekter kr 97 352
+ skyss vidaregåande elevar ekspressbuss kr 389 + tillegg for korte ruter kr 134 - reduksjon tilskot lange ruter kr 1 352
= trong for fylkeskommunal godtgjersle kr 150 482 (kostnader - inntekter)
Det går fram av oppsettet ovanfor at rutebilselskapa har trong for ei fylkeskommunal godtgjersle på kr 150,482 mill kr.
Rutetilbodet som er tilrådd i denne saka gjev følgjande trong for fylkeskommunalt kjøp av rutebiltenester i 2007 – tal i heile tusen:
Firda Billag 69 012 Fjord1 Sogn Billag 50 818 Fjord1 Nordfjord – Ottadalen 26 816 Rutebilane i Bremanger 3 836 Sum rutebilselskapa 150 482
11 9 KJØP AV GODSBILRUTER
9.1 Innleiande
I det følgjande vert det fylkeskommunale kjøpet av godsbilruter i 2007 greidd ut. Kombinerte person- og godsruter, som er ein del av det fylkeskommunale kjøpet, er omtala under kjøp av rutebiltenester.
Fylkeskommunen har gradvis trekt seg ut av godstransport og kjøper i dag tenester i samband med følgjande ruter:
Askvoll-Holmedal/Atløy/Stongfjorden Askvoll-Værlandet/Bulandet Førde-Solund Bremangerlandet – Florø – Bremangerlandet Klubben-Skatestraumen-Haukedalen og Berle – Berleneset Stryn-Hopland
9.2 Firda Billag
Tenestekjøp 2006 I tenestekjøpet for 2006 inngjekk ruta Askvoll – Herland – Holmedal – Stongfjorden tre dagar per veke, og delvis dekking av ferjeutgiftene på ruta Førde-Solund ein dag i veka. Samla kjøp i 2006 var på kr 310 000.
Grunnlag for godtgjersle 2007 Firda Billag utfører godsruta Askvoll – Herland – Holmedal – Stongfjorden som i fjor. Godset kjem med kombinertbil frå Førde til Askvoll og to dagar for veka vert godset køyrt ut med godsbil frå ekspedisjonen i Askvoll til Atløy og Høyvikbygda. Firda Billag utfører også ruta Herland – Askvoll onsdagar som i fjor. I tillegg yter fylkeskommunen eit tilskot som delvis dekker ferjeutgiftene på ruta Førde – Solund ein dag for veka.
Kjøp 2007 Det vert føresett eit kjøp av godsrutetenester til Askvoll – Herland – Holmedal – Stongfjorden og Askvoll – Værlandet/Bulandet tre dagar i veka. Godtgjersla for 2007 dekker delvis ferjeutgiftene på ruta Førde-Solund ein dag pr veke. Dette oppsettet tek ikkje omsyn til endringar som måtte kome i Solund. Det vert lagt til grunn eit kjøp av godsrutetenester frå Firda Billag i 2007 på kr 322 000.
9.3 Rutebilane i Bremanger
Tenestekjøp 2006 I tenestekjøpet for 2006 inngjekk ruta Bremangerlandet – Florø – Bremangerlandet fem dagar for veka, samt spreiing av godset på Bremangerlandet. I tillegg vart det etablert eit nytt godsrutetilbod Klubben – Skatestraumen – Haukedalen og Berle – Berleneset, som følgje av at godsrutetilbodet med båt fall bort. Samla kjøp i 2006 var på kr 255 000.
12 Grunnlag for godtgjersle 2007 Rutebilane i Bremanger køyrer godsruta Bremangerlandet tur/retur Florø, som i fjor. Godsruta distribuerer varene rett til kunden og er einaste distribusjonstilbodet på Bremangerlandet. Ruta er basert på transport av mellom anna stykkgods, mjøl, matvarer og plastvarer. I tillegg kjem godsrutene Klubben – Skatestraumen – Haukedalen og Berle – Berleneset.
Kjøp 2007 Det vert lagt til grunn eit kjøp av godsrutetenester frå Bremangerlandet tur/retur Florø med spreiing på Bremangerlandet fem dagar i veka.. Samla kjøp av godsrutetenester frå Rutebilane i Bremanger i 2007 vert såleis kr 262 000.
9.4 Fjord1 Nordfjord-Ottadalen
Tenestekjøp 2006 Godsbilruta Stryn-Hopland vart tildelt ei godtgjersle på kr 60 000 for 2006.
Grunnlag for godtgjersle 2007 Ruta har avgang onsdag og fredag og transporterer mellom anna formjøl, konsummjølk, kolonialvarer, landbruksvarer og diverse byggevarer. I tillegg til eige gods vert det også transportert for Tollpost, Nor Cargo, Naustdal Auto, Tenden Transport og diverse grossistar.
Kjøp 2007 Det vert lagt til grunn eit kjøp av godsrutetenester Stryn – Hopland to dagar for veka. Det er føresett ei godtgjersle på kr 60 000.
9.5 Oppsummering
Fylkesdirektøren rår til at det vert gjort følgjande tenestekjøp av godsbilruter i 2007:
Firda Billag kr 322 000 Fjord1 Nordfjord-Ottadalen kr 60 000 Rutebilane i Bremanger kr 262 000
13 10 KJØP AV PASSASJERBÅTTENESTER AV FJORD1 FYLKESBAATANE
10.1 Innleiande
I 2006 kjøpte fylkeskommunen passasjerbåttenester hjå Fjord1 Fylkesbaatane til ein verdi av 60,546 mill kr. I tillegg kom 3,2 mill kr i samband med skuleskyss frå Solund og Gulen til Austrheim vidaregåande skule.
Tenestekjøpet av Fjord1 Fylkesbaatane femnar i dag om følgjande ruter:
Selje – Bergen – Selje (hovudruta på kysten) Bergen – Selje – Bergen (den spegelvende snøggbåtruta) Sogndal – Bergen – Sogndal (Sognebåten) Bergen – Flåm – Bergen (sommarrute) Ytre Solund – Gulen (tilbringarrute frå Ytre Solund) Lokale båtruter i Solund Lokale båtruter i Gulen Florø – Smørhamn – Måløy (Kystvegekspressen) Nordeide – Måren – Ortnevik – Strendene – Vik (kombinertbåt) Kaupanger – Frønningen (ferje) Flåm – Balestrand (sommarrute)
10.2 Prising av dagens tilbod
Fylkeskommunen og Fjord1 Fylkesbaatane tinga i 2003 fram ei 5-årig avtale gjeldande for perioden 2003-2007. Fylkestinget forlenga i desember 2006 denne avtala til 30.4.2009. Avtala inneber at Fjord1 Fylkesbaatane har inntektsansvar for heile avtaleperioden. Inntektsansvaret skal motivere selskapet til å arbeide endå meir målretta med inntektssida. Fjord1 Fylkesbaatane kan gjere mindre avvik frå den takst- og rabattordninga som fylkeskommunen fastset.
10.3 Tryggleikstiltak
Kvalifikasjonsforskrifta som vart innført i 2005 gjev Fjord1 Fylkesbaatane ein kostnad relatert til dei fylkeskommunale rutene på 0,5 mill kr i 2007. Godtgjersla i 2007 er den siste Fjord1 Fylkesbaatane får for den nemnde forskrifta. I 2005 fekk selskapet 0,5 mill kr, medan dei fekk 1,2 mill kr i 2006.
I avtala med Fjord1 Fylkesbaatane er offentlege pålegg og avgifter omtala i punkt 7.3 og 7.4.
10.4 Oppsummering
Fylkesdirektøren rår til at Fjord1 Fylkesbaatane får ei godtgjersle på 65,698 mill kr til passasjerbåttenester i 2007. I tillegg rår fylkesdirektøren til at Fjord1 Fylkesbaatane får ei godtgjersle på 0,5 mill kr til tryggleikstiltak.
14 11 KJØP AV GODSBÅTTENESTER AV FJORD1 FYLKESBAATANE
11.1 Innleiande
Fylkeskommunen har tidlegare trekt seg ut av dei tunge godsbåtrutene til Fjord1 Fylkesbaatane. Ruta frå Bergen til Gulen, Solund, Hyllestad og Bulandet/Værlandet er den einaste godsbåtruta fylkeskommunen involverer seg i.
Ruteopplegget er basert på avgang måndag, onsdag og fredag kvar veke frå Bergen. Ein gong for veka er ruta forlenga til Bulandet/Værlandet. I Gulen kommune har ruta anløp av Ånneland, Mjømna, Eivindvik, Soleibotn, Nyhamar og Dingja. I indre deler av Solund har ruta anløp på Losna, Nesøy, Nesefjorden og Hardbakke. I ytre deler av Solund har ruta anløp av Nåra, Kolgrov, Husøy, Hjønnevåg, Ytrøy, Tangenes, Lågøy, Hersvikbygda, Færøy og Buskøy. I Hyllestad har ruta anløp i Storakersund.
Ruta fører stykkgods og daglegvarer, og har fisk med i retur. Fisken kjem i hovudsak frå fiskemottaket på Ytrøy. Tidlegare var det også mykje fisk med frå fiskemottaket på Bulandet, men dette endra seg då vegen til Værlandet opna. Ruta vert utført av Løkeland Sjøtransport.
11.2 Vurderingar
Det vert som kjent arbeidd med alternative ruteløysingar for Gulen og Solund, der kabelferje til Hisarøy, samfunnsbåt og godsframføring er med i vurderinga. Det vert føresett at det ikkje vert endringar i eksisterande godsbåtrute før 1. mai 2009 då gjeldande avtale med Fjord1 Fylkesbaatane går ut.
11.3 Oppsummering
Fylkesdirektøren rår til at Fjord1 Fylkesbaatane i 2007 får ei godtgjersle på 2,300 mill kr for godsbåtruta til Gulen, Solund og Værlandet/Bulandet.
15 12 BYGDERUTER MED BÅT
12.1 Innleiande
Bygderuter med båt er lokale båtruter der kommunane vanlegvis er ansvarlege for drifta, medan fylkeskommunen yter ei godtgjersle. Kommunane sjølve er som regel inne med ei mindre godtgjersle.
Ein del av desse båtrutene har ein blanda funksjon ved at einskilde turar er lokalrute, medan andre turar først og fremst er skuleskyss. Fylkeskommunen yter i fleire høve såleis både bygderutetilskot og skuleskyssgodtgjersle til det same rutesystemet.
12.2 Gjennomgang av dei einskilde bygderutene
Selje kommune Ruta Barmen - Barmsund blir utført av ferja ”Barmøy” med plass til 12 bilar og 58 passasjerar. Ruta har opptil 13 daglege avgangar i kvar retning og knyter øya Barmen til fastlandet. Ruta dekkjer også behovet for skuleskyss. Det vart i 2004 skrive ei 5-årig avtale med Selje kommune. Godtgjersla for 2007 er avtala til 1,936 mill kr.
Ruta Selje - Seljeøya blir utført av ”Sunniva” og tek 8 passasjerar. Det er opptil fem daglege avgangar, inkludert tingingsturar. Ruta hadde 553 reisande i 2005. Det er fire fastbuande på øya. Selje kommune er ansvarlege for drifta av båtruta og ytte i 2006 eit tilskot på kr 90 000. Fylkeskommunen sitt bidrag har dei seinare åra vore kr 110 000 og fylkesdirektøren rår til at dette tilskotet vert vidareført i 2007.
Vågsøy og Bremanger kommunar Rutetilbodet på strekkja Silda – Måløy – Hennøystranda vart redusert i samband med ny femårsavtale som vart inngått med Øyglimt AS i 2004. På Silda – Måløy vert det godtgjort for arbeidsrute morgon og ettermiddag måndag-fredag.
Frå Måløy er det rute tre dagar for veka til øyane i sør, i tillegg til Leirgulen, Bortneskår, Vingelven og Hennøystranda.
Det er sett av 2,875 mill kr til rutetilbodet i 2007, noko som er i samsvar med avtala. Dette føreset at det vert inngått avtale med Helse Førde om ambulansebåttilbodet i området. Fylkeskommunen har fått skriftleg stadfesta frå Helse Førde at dei vil nytte seg av ein opsjon dei har, men av tidsomsyn er det enno ikkje inngått avtale.
Flora kommune Flora kommune har den mest omfattande bygderutetenesta i fylket. Rutene fungerer både som bygderuter/arbeidsruter og skuleruter til/frå øyane i kommunen. Fylkeskommunen har ei avtale fram til 1. mai 2012 om rutedrifta med kommunen. Fylkesdirektøren rår til at det vert løyvd 11,2 mill kr i 2007 i samsvar med avtale.
Gulen kommune I Gulen kommune er kjøpet av båtrutetenester samordna ved at Gulen kommune, Fjord1 Fylkesbaatane og fylkeskommunen har ei felles avtale om bruk av båten ”Tornerose”.
16 Sidan 2003 har fylkeskommunen løyvd kr 100 000 i ekstraordinære midlar for å unngå rutereduksjonar. Fylkesdirektøren rår til ei vidareføring av det ekstraordinære tilskotet og at Gulen kommune får eit bygderutetilskot på kr 580 000 i 2006.
Askvoll kommune Rutene til øyane vest i Askvoll vart endra då vegen mellom Værlandet og Bulandet opna i 2003. Alden var mellom øyane som fekk nye ruter. Innbyggjarane på øya kan nytte ambulansebåten 14 gonger i månaden for reiser til Askvoll. Det er fire fastbuande på øya.
Hovudutvalet vedtok i sak 13/06 (kjøp av rutetenester i 2006) at rutetilbodet til Sandøy og Alden skulle lysast ut på tilbod. Alternative ruteopplegg har vorte drøfta med Askvoll kommune og grendalaga. I tillegg har fylkeskommunen avventa ei avklaring frå Helse Førde i høve til deira anbodsutlysing av ambulansebåttenesta i Askvoll. Det er no tildelt avtale om ambulansebåttenesta, men fylkeskommunen har framleis ikkje fått ny turpris frå Helse Førde som gjer at vi kan gå vidare i arbeidet med eventuelt nytt ruteopplegg.
Fylkesdirektøren føreset at det vert arbeidd vidare med nytt ruteopplegg for Alden. Med den uvissa ein har om alternative ruteopplegg og dermed kostnadsnivå vert det tilrådd å vidareføre løyvinga på kr 450 000.
Luster kommune Ruta Solvorn-Ornes blir utført med ferja ”Urnes”. Denne ruta får årleg kr 560 000 i godtgjersle frå fylkeskommunen som også dekkjer skuleskyssen. Avtala med Luster kommune er 15-årig og går fram til 1.7.2008. Luster kommune skreiv ny avtale med operatøren, Hærum Trans AS, i 2006. Denne avtala gjeld til 31.12.2011.
Refusjon Austrefjordvegen Fylkeskommunen har tidlegare avtala med Solund kommune at innsparingar i båtrutene som ein følgje av vegutløysing til Sandvik/Grønevik skulle delfinansiere vegprosjektet. Vegen opna hausten 2006. Årleg refusjon i perioden 2006-2020 er avtala til kr 321 000.
12.3 Oppsummering
Fylkesdirektøren rår til fylkeskommunen yter følgjande bygderutetilskot for 2007:
Ruta Barmen – Barmsund kr 1 936 000 v/ Selje kommune
Ruta Selje – Seljeøya kr 110 000 v/ Selje kommune
Ruta Måløy – Silda/Hennøystranda kr 2 875 000 v/Øyglimt AS
Bygderutene i Flora kommune kr 11 200 000 v/ Flora kommune
Bygderutene i Gulen kr 580 000 v/ Gulen kommune
17 Ruta Askvoll – Alden kr 450 000 v/ Fjord1 Fylkesbaatane
Bygderuta Solvorn – Ornes kr 560 000 v/ Luster kommune
Refusjon Austrefjordvegen kr 321 000 v/ Solund kommune
Sum fylkeskommunal tenestekjøp kr 18 032 000
18 13 FYLKESFEMNANDE RUTEINFORMASJON
Gjennom avtala med rutebilselskapa er fylkeskommunen forplikta til å løyve kr 850 000 årleg til fylkesfemnande ruteinformasjon. Tilskotet går hovudsakleg til det fylkesfemnande ruteheftet som inneheld buss-, ferje, båt- og togruter.
19 14 TIDSPUNKT FOR RUTESKIFTE I 2007
Vanlegvis er ruteperioden i fylket frå 1.5 til 30.4 det påfølgjande året. Det har vore somme unntak grunna nye vegsamband som har medført store endringar i ruteopplegga i ruteperioden, til dømes opning av Lærdalstunnelen.
Ferjesambandet Mannheller – Fodnes endrar ruteopplegg frå 1.1.2008. Det vert då avgangar kvart 20. minutt mellom kl 6 og 21. Det vil medføre store endringar både i rutene som nyttar sambandet og for korresponderande ruter.
Det er fire alternativ: A. Lage to rutehefte for perioden 1.5.07 til 30.4.08, der det første gjeld 1.5-31.12, og det andre 1.1.08-30.4.08. Denne løysinga gjev best oversyn for dei som brukar ruteheftet og reiser i fylket. Ulempa er ein større ekstrakostnad grunna eit heilt ekstra rutehefte.
B. Ruteheftet vert gjeldande for perioden 1.5.07-30.4.08, men ruter som vert endra frå 1.1.08 vert merka med at det vert endringar frå 1.1.08. Det vert så laga eit mindre rutehefte som berre inneheld dei konkrete rutene som får endringar. Denne løysinga vil gje ein mindre kostnad enn alternativ A, men brukarane må då forholde seg til to ulike rutehefte i fire månader.
C. Lage eit rutehefte for perioden 1.5.07-30.4.08 som inneheld rutene både før og etter ruteendringa på Mannheller – Fodnes. Føremonen med dette er at vi får berre eitt rutehefte å forholde oss til, men ulempene er at heftet vert noko større enn vanleg og meir uoversiktleg. I tillegg er lite av ruteplanarbeidet i høve ferjeruteendringa gjort, slik at det vert veldig knapt med tid fram til ruteheftet skal trykkast dersom denne løysinga vert valt.
D. Lage eit rutehefte som gjeld 1.5.07-31.12.07. Neste rutehefte vil då gjelde frå 1.1.08 til 30.4.09. Det betyr at vi ikkje får ein ekstrakostnad med ekstra rutehefte. Ulempa er at fylkeskommunen då må framskunde budsjett- og rutearbeidet med fire månader. Samferdslebudsjettet for 2008 må vere klart i oktober, eventuelt må ein ha garantiar for at det vert gjeve ekstraløyving dersom naudsynt. I tillegg er det vanskeleg å vite hausten 2007 kva som skjer i 2008 med rutene som vert køyrt av selskap frå andre fylke (Tide Buss, Fjord1 Buss Møre og JVB).
Fylkesdirektøren rår til at utvalet vel alternativ A og at ruteperioden då vert frå 1.5.07 til 31.12.07. Fylkesrådmannen kjem attende med ei sak til fylkestinget vedkomande løyving til ekstraordinært rutehefte gjeldande for 1.1.08 til 30.4.08.
20 15 SAMLEOVERSYN – TENESTEKJØP
Med det rutetilbodet som er tilrådd i denne saka ligg det føre følgjande trong for fylkeskommunalt tenestekjøp i 2007 - alle tal i tusen:
Passasjerruter:
Firda Billag kr 69 012 Fjord1 Sogn Billag kr 50 818 Fjord1 Nordfjord-Ottadalen kr 26 816 Rutebilane i Bremanger kr 3 836 Fjord1 Fylkesbaatane kr 65 698
Bygderuter med båt kr 18 032
Godsruter:
Firda Billag kr 322 Fjord1 Nordfjord-Ottadalen kr 60 Rutebilane i Bremanger kr 262 Fjord1 Fylkesbaatane kr 2 300
Andre kostnader:
Fylkesfemnande ruteinformasjon kr 850 Tryggleikstiltak Fjord1 Fylkesbaatane kr 500
Samla tenestekjøp i denne saka vert 238,506 mill kr. I punkt 2.6 går det fram at det er 238,505 mill kr disponibelt til kjøp av rutetenester.
21 16 INNKOMNE INNSPEL – OVERSIKT OG VURDERINGAR
Vi sende ut eit brev 10. januar til kommunane, der vi informerte om ruteplanarbeidet for 2007. Budsjettet til fylkeskommunen for 2007 legg til grunn at det ikkje vert rutekutt i år, men at det heller ikkje er økonomi til å opprette nye ruter. Kommunane kan kome med ønskje om endringar i allereie eksisterande rutetilbod. Det kan gjerast mindre justeringar, som å ta vekk dårlege ruter og opprette nye ruter, eller utvide eit eksisterande tilbod.
Under kjem ei oversikt med vurderingar på dei innspela fylkeskommunen har fått inn. Dei inngåande breva er i vedlegg 2.
1 Gulen kommune Gulen kommune peikar på at det må lagast eit ruteopplegg frå Dingja når vegen opnar. I tillegg er det behov for ein større båt på skuleruta Dingja – Hisarøy – Eivindvik. Båten som går i dag har berre eit par plassar ledig utanom skuleborna. For at elevar frå området Eivindvik - Rutledal kan pendle til Dale vidaregåande skule måndagsmorgon, må venterommet i Rysjedalsvika vere ope.
Vurderingar Fylkeskommunen vil i samarbeid med Gulen kommune og Fjord1 Sogn Billag vurdere tenlege løysingar for skuleskyssen frå Dingja etter at vegen opnar. Dersom vi greier å få til eit nytt tilbod for elevane frå Dingja, vil dette frigjere plass på skuleruta med båt.
Elevar som reiser måndags morgon har ½ - 1 time venting før bussen går frå Rysjedalsvika til Dale. På baksida av bygget er det ope toalett. I gangen er det sett ut stolar, og det er oppvarma rom.
2 Bremanger kommune Bremanger kommune ber om at Fjord1 Fylkesbaatane gjer ei mindre justering på ferjeruta Kjelkenes-Smørhamn. Avgangen kl 1500 frå Kjelkenes ønskjer dei å få utsett til kl 1520 for å lette kvardagen til pendlarane. Ordføraren fekk i kommunen sitt Plan- og utviklingsutval fullmakt til å utarbeide forslag til ruteendring og oversende dette til fylkeskommunen.
Vurdering Fjord1 Fylkesbaatane signaliserer at det kan vere fornuftig å endre avgangen kl 1500 til kl 1520. Endringa vil medføre at neste avgang frå Kjelkenes også vert 15-20 min seinare enn i dag. Dei reisande med buss vil få 20 minutt ventetid på Kjelkenes, noko som kan medføre færre busspassasjerar. Rutene i dag har skuleskyssfunksjon og kan difor ikkje endrast. Det er vanlegvis ikkje pendlarar som nyttar bussrutene Svelgen - Kjelkenes. Rutebilane i Bremanger vil måtte endre litt på ruteopplegget sitt, men det vil ikkje føre til auka produksjon. Kjelkenes – Smørhamn er eit riksvegferjesamband, følgjeleg er det Statens vegvesen som har ansvaret for sambandet.
3 Fjaler kommune Det er lang ventetid i Askvoll for reisande frå Ytre Fjaler som skal vidare med nordgåande ekspressbåt. Før var det ein time ventetid når båten ”Høydalsfjord” gjekk, medan det i dag er 2 timar og 40 min ventetid om morgonen. Ventetida kan takast vekk ved at ferja går ein ekstra tur
22 mellom Askvoll og Fure. Dersom ferja går 10 min tidlegare, kl 1840 frå Fure, vil reisande ha korrespondanse med nordgåande ekspressbåt.
Vurdering Fjaler kommune har ikkje anløp av ekspressbåten. Folk i Fjaler må enten til Rysjedalsvika eller til Askvoll. Dersom ferja frå Askvoll kl 0930 først hadde gått til Fure i staden for til Gjervik ville det ha vorte kortare ventetid. I dag er det i underkant av ein reisande i veka nordover.
4 Askvoll kommune Askvoll ønskjer lik avgang på ferja Askvoll – Værlandet alle dagar. Det inneber at det må gå ei ferje kl 1145 frå Askvoll med retur kl 1300 frå Værlandet også tysdag og torsdag. I tillegg ber dei også om ein sein avgang søndag.
Vurdering Fylkeskommunen har ikkje sett av midlar i budsjettet til å kunne auke frekvensen på denne strekninga, som er eit fylkesvegsamband. Det vil vere naturleg å ta med innspelet til arbeidet med å lyse sambandet ut på anbod.
5 Høgskulen i Sogn og Fjordane Høgskulen ønskjer at det vert bybuss i Førde på søndagar frå kl 1600 og til midnatt mot Vieåsen og Slåttebakkane. Det er studentar som etterlyser eit slikt tilbod.
Vurdering Behovet er størst i retning Vieåsen. Dei som bur i Slåttebakkane kan ta ein av bussane som går mot Vadheim/Bergen. Ein rundtur til Vieåsen er kring 10 km. Skal bybussen søndagane fungere slik det er ønskjeleg, må den gå ganske snart etter at bussane er komne inn til Førde, elles finn studentane andre måtar å kome seg heim på. I veka går bussen kvar heile time etter kl 1800. Søndagsrutene bør gå ein gong i timen, det vil seie kvar halve time dersom det skal vere eit teneleg tilbod. Det kjem flest bussar inn til Førde kl 1830 og kl 2030. Då kjem det bussar frå Dale, Høyanger, Florø og Bergen. Kl 1930 kjem bussen frå Askvoll, som har med mange elevar som bur på hybel i Førde.
Ei utviding av bybussen i Førde til tre avgangar søndags kveldane i skuleåret, kostar om lag kr 25 000.
6 Norges Blindeforbund Blindeforbundet peikar på at busstilbodet om sommaren er vorte veldig dårleg her i fylket. Busstransport er heilt avgjerande og dei ber om at det vert teke omsyn til synshemma og andre funksjonshemma sitt behov når tilbodet vert redusert for sommaren.
Vurdering Det er rett som Norges Blindeforbund seier at det er dårleg med bussruter om sommaren. Vi har teke vekk fleire sommarruter dei siste åra då dette gjer minst ”skade” og det har vore få brukarar av bussrutene. Dersom fylkeskommunen skal sette inn att dei sommarrutene som vart lagt ned i 2006, vert kostnaden kr 300 000.
23 7 Solund kommune med fleire 1 Formannskapet i Solund kommune gjorde følgjande vedtak i sak 121/06: ”Solund kommune yter ikkje ekstra tilskot til Fjord1 for arbeids- og varerute Ingebærvik - Kråkenes. Posttransport og skyss av elev i vidaregåande skule er høvesvis Posten og Fylkeskommunen sitt ansvar. Solund kommune ber Sogn og Fjordane fylkeskommune om tilskot, slik at det framleis vert rutegåande transport i dette området.” 2 Solund kommune har lagt ned legekontoret på Kolgrov. Det er få ferjeavgangar mellom Haldorsneset – Daløy midt på dagen. Det er ønskjeleg med fleire avgangar for å korte ned ventetida. 3 Ønske med ruteopplegg frå bygdene i Ytre Solund til Hardbakke – Krakhella utanom skuledagar. Vidare er det eit ønske om busstilbod til Ytre Solund frå Krakhella i korrespondanse med ekspressbåten. 4 Ønskjer stjernestopp på Gildreneset. 5 Ønske om ny ferjerute frå Haldorsneset kl 0720 laurdag, Haldorsneset kl 2050 med retur kl 2100 laurdag og rute frå Daløy kl 1115 med retur kl 1220 kvar dag. 6 Ønske om tingingsrute med ferja frå Daløy kl 2225 og tidlegferje både laurdag og søndag. For dei som jobbar i pleie- og omsorgssektoren og bur i Ytre Solund, er det eit ønske å få kome heim att etter vakta. 7 Ønske om ei båtrute til Vågen. 8 Det er ønske om ein avgang frå Daløy kl 0630.
Vurdering 1 Fylkeskommunen har ikkje ansvar for å få elevar som vekependlar heim i helgane. 2 Fylkeskommunen har ikkje økonomisk ramme for å auke frekvensen på denne strekninga. 3 Ytre Solund har korrespondanse med båten om morgonen til Bergen og frå Bergen om ettermiddagen. Det er ikkje korrespondanse med båt mot eige fylke (Nordfjord/Sogn). 4 Innspelet kjem frå folk som har hytte i området. Det er berre mogleg å få til eit ruteopplegg om ettermiddag. Kostnaden med ein stjernestopp om kvelden er ikkje kjent. 5 Fylkeskommunen har ikkje økonomisk ramme for å auke frekvensen på denne strekninga. 6 Fylkeskommunen har ikkje økonomisk ramme for å auke frekvensen på denne strekninga. 7 Det bur i dag ein person i Vågen. Det er ikkje veg, og pr i dag ikkje båtrute. Solund kommune prøver å finne ei løysing i lag med Hyllestad kommune, som ønskjer å få til eit opplegg til den veglause grenda Porten. Fjord1 Fylkesbaatane er i kontakt med skyssbåten som går i området for å sjå om det let seg gjere å få til eit ruteopplegg. Prisen er ikkje kjent. 8 Slik ferjeruta er i dag, er det vanskeleg for drosja i Hardbakke å reise ut på Ytre Sula for å hente pasientar og ta ferja tilbake kl 0720, for å kome seg vidare med ferja frå Krakhella og til Førde. Det er ikkje drosje på Ytre Sula.
8 Askvoll kommune Askvoll kommune ber om at det vert sett av midlar på budsjettet til fylkeskommunen for 2007, som kan nyttast til sommarrute/turistrute til Alden.
Vurdering Innspelet har vorte drøfta med Askvoll kommune. Kommunen har gjort det klart at ei turistrute til Alden ikkje må gå ut over det rutetilbodet innbyggjarane på Alden har i dag. Vi vil i samarbeid med kommunen sjå på om vi kan få til ei søndagsrute om sommaren. Eit tilbod om sommaren til Alden kan verte eit innspel til marknadsplanen vår.
24 9 Vågsøy kommune Formannskapet vedtok i møtet 31.01.07 at; 1 Bussruter for elevar frå Måløy vidaregåande skule til Selje, Bryggja og Eid må tilpassast slik at ein unngår dei lange ventetidene elevane ved skulen har i dag. 2 Bussane som har med elevar til/frå Måløy vidaregåande skule må tilpassast Oldeidferja for å unngå lange ventetider for elevane. 3 Avgangen med ekspressbåt frå Måløy bør vurderast til å vere lik med avgangen til søndagsruta kl 1540, heile veka. 4 Enkelte bussruter til/frå Måløy bør gå innom sjukeheimen på Kulatoppen, og dette bør takast inn i ruteheftet frå 01.05.07 slik at det blir alminnelig kjent. 5 Sommarruter til distriktet må ikkje innskrenkast meir.
Vurdering Bussrutene for elevane ved Måløy vidaregåande skule heng saman med skyss til dei andre skulane heilt frå Eid og utover fjorden. På ei rute kan det vere skuleskyss til fleire skular og korrespondanse mellom buss, båt og ferje heng veldig godt saman. Fjord1 Nordfjord-Ottadalen og fylkeskommunen vil kalle inn til eit møte med Måløy vidaregåande skule for å diskutere problemstillinga nærmare. Når det gjeld ruter til sjukeheimen på Kulatoppen, har Fjord1 Nordfjord-Ottadalen prøvt dette opplegget tidlegare. Det var få reisande, 6 – 7 i månaden.
10 Flora kommune Flora kommune ønskjer eit tilbod til Eikefjord for pendlarane som bur i Høydalane og som arbeider i Florø og Førde.
Vurdering I dag er det berre skuleskyss for dei som bur i Høydalane, utanom onsdagane då det er ei handlerute. Det er 12 km frå Store Høydal til Eikefjord. Dersom bussen må starte frå Eikefjord vert kostnadene kr 198 000 for Dx67. Fylkeskommunen har ikkje oversikt over kor mange som vil nytte seg av denne ruta.
11 Styringsgruppa for Ekspressbussen Bergen – Trondheim Ruta Bergen – Trondheim (rute utan fylkeskommunalt tenestekjøp) har ikkje tilfredsstillande inntening. Selskapa har tidlegare teke vekk ruta Førde kl 2030-Nordfjordeid-Stryn laurdagar, Stryn kl 0715-Førde søndagar, Bergen kl 1420-Førde og Førde kl 2015-Bergen laurdag. Nye vurderingar styringsgruppa har gjort er å ta vekk ruta Byrkjelo – Sandane – Eid – Stryn kvar dag. Då ryk også avgangen Stryn kl 0715 – Førde kvar dag, då desse avgangane heng i hop.
Vurderingar Dersom ruta frå Byrkjelo kl 2140 vert lagt ned, er siste tilbodet for reisande kl 1820 frå Førde til Sandane og kl 1645 frå Førde til Eid. Reisande frå Sogndal som skal til Sandane/Eid må då reise kl 1620, mot kl 2010 i dag.
Dagleg er det ein del reisande frå Byrkjelo mot Sandane. Teljingar som er gjorde, viser at det gjennomsnittleg er fem reisande over med ferja kvar dag. Desse går av på Eid. Det kjem ikkje nye reisande på på Eid. Reisande her i frå tek Nordfjordekspressen. Reisande frå Sandane har korrespondanse i Stryn med Nordfjordekspressen og Ekspressbussen Bergen – Trondheim sine nattruter. Dagen etter starar ruta kl 0715 frå Stryn. Her kjem det på nokre få reisande utover langs fjorden. På Skei er det korrespondanse med buss frå Eid/Sandane. På Skei og langs Jølstravatnet kjem det på ein god del reisande. Dei fleste skal til Førde, men nokre skal også
25 vidare til Bergen. Fjord1 Sogn Billag sin sjukehusbuss kjem til Skei på denne tida, men der er det oftast ganske fullt. Dersom ruta Stryn kl 0715 – Førde vert lagt ned, må Fjord1 Sogn Billag sette opp suppleringsbuss mange dagar. Supplering vil medføre auka produksjon på 43 km kvar dag.
Styringsgruppa vil vidareføre dagens rutetilbod dersom fylkeskommunen kjøper tenester på strekninga Byrkjelo – Sandane – Eid – Stryn, og Stryn - Førde til ein kostnad av kr 200 000 i 2007 og kr 300 000 i 2008.
Dersom styringsgruppa bestemmer seg for å ikkje køyre ruta om Sandane og Eid, og Stryn – Førde, og fylkeskommunen ønskjer å kjøpe tenester på strekninga Sandande - Byrkjelo, er kostnadene stipulert til kr 200 000 heile året. For 2007 utgjer kostnaden kr 134 000. Då er det ikkje tilbod Stryn – Førde, og det er naudsynt med ekstra buss enkelte dagar mellom Skei og Førde.
12 Vik kommune 1 Ønske om tilbringarruter til ekspressbåten til/frå Bergen frå Fresvik/Feios. Det vil vere godt nok tilbod med tingingsrute. 2 Ønske frå Vik og Vangsnes Reiselivslag med stjernestopp på Vangsnes for turistruta som går Balestrand – Flåm om sommaren. 3 Turistnæringa på Vangsnes ønskjer stjernestopp på Vangsnes for ekspressbåten Sogn - Bergen.
Vurdering Det er i dag tingingsrute fredag og søndag kveld frå Vik til Fresvik. Det er mogleg å reise med buss frå Fresvik måndag, onsdag og fredag kl 0825 med ankomst Bergen kl 1240. Frå Bergen kl 1330 til Fresvik fredag og søndag når Vikafjellet er ope. Eit tilbod med tingingsrute to kveldar i veka, (buss til Bergen, båt heim att) er kostnadsrekna til kring kr 30 000.
På grunn av straumtilhøve og dårlege kaitilhøve, er det vanskeleg for ekspressbåten og andre mindre båtar å nytte Vangsnes som stoppestad. Fjord1 Fylkesbaatane opplyser at dei skal sjå nærmare på kva som må gjerast for å kunne bruke Vangsnes som stoppestad.
13 Askvoll kommune/Atløy Vel 1 Ønske om ein ekstra ferjeavgang søndag ettermiddag frå Gjervik kl 1315 – Askvoll – Fure/retur. 2 Ønske om ferje frå Askvoll kl 2400 alle dagar. 3 Ønske om ein avgang frå Gjervik kl 0600 på kvardagar. Då kan du nå første ferje til Værlandet, og du kan pendle til Førde. 4 Bør vere mogleg å kunne ta ferja frå Askvoll til Fure. Då kan reisande som skal til Solund korte ned reisetida med 2 timar.
Vurdering Ferjesambandet Askvoll – Gjervik er eit riksvegsamband. Innspel må takast opp med Statens vegvesen. Førebels ser det ikkje ut til at innspelet vert teke til følgje i tingingane mellom Fjord1 Fylkesbaatane og Statens vegvesen.
26 17 TILRÅDING
1 Det fylkeskommunale rutetilbodet frå 1. mai 2007 vert fastsett i samsvar med vedtak i denne saka. Ruteperioden gjeld frå 1.5.2007 til 31.12.2007. Fylkesrådmannen kjem attende med ei sak til fylkestinget vedkomande løyving til ekstraordinært rutehefte gjeldande frå 1.1.2008 til 30.4.2008.
2 Fjord1 Fylkesbaatane vert tildelt ei godtgjersle på kr 65 698 000 til drift av personruter i 2007.
3 Fjord1 Fylkesbaatane vert tildelt ei godtgjersle på kr 2 300 000 for drift av godsbåtrute til Gulen, Solund og Værlandet/Bulandet i 2007.
4 Fjord1 Fylkesbaatane vert tildelt ei godtgjersle på kr 500 000 til tryggleikstiltak i 2007.
5 Bygderuter med båt vert tildelt godtgjersle for 2007 med følgjande fordeling:
Selje kommune (Barmen-Barmsund) kr 1 936 000 Selje kommune (Selje-Seljeøya) kr 110 000 Øyglimt AS (Silda-Måløy-Hennøystranda) kr 2 875 000 Flora kommune kr 11 200 000 Gulen kommune kr 580 000 Askvoll kommune (Askvoll-Alden) kr 450 000 Luster kommune (Solvorn – Urnes) kr 560 000 Solund kommune (Austrefjordvegen) kr 321 000
6 Rutebilselskapa vert for drift av personruter og kombinerte person- og godsruter tildelt godtgjersle for 2007 med følgjande fordeling:
Firda Billag kr 69 012 000 Fjord1 Sogn Billag kr 50 818 000 Fjord1 Nordfjord-Ottadalen kr 26 816 000 Rutebilane i Bremanger kr 3 836 000
7 Rutebilselskapa vert tildelt godtgjersle for 2007 for drift av godsruter med følgjande fordeling:
Firda Billag kr 322 000 Fjord1 Nordfjord-Ottadalen kr 60 000 Rutebilane i Bremanger kr 262 000
8 Det vert løyvd kr 850 000 til fylkesfemnande ruteinformasjon.
9 Fylkesdirektøren får fullmakt til å godkjenne mindre rutejusteringar.
27 VEDLEGG 1 - HOVUDOVERSYN SELSKAPSVISE TINGINGAR 2007
SELSKAP: FIRDA BILLAG
Samla kostnad pr km i 2007 kr 20,47 Andre inntekter pr km i 2007 kr 0,12 Ruteproduksjon ut frå dagens tilbod 5 214 000 km
1 Kostnader eigne vogner kr 106 739 000
2 Kostnader undertransportørar kr 9 578 000
3 Samla kostnader ut frå dagens tilbod kr 116 317 000
4 Passasjerinntekter utanom skule: kr 30 234 000
5 Kommunal del skuleskyss kr 13 382 000
6 Godsinntekter kr 2 868 000
7 Andre inntekter kr 626 000
8 Samla inntekter ut frå dagens tilbod kr 47 110 000
9 Reduksjon tilskot lange ruter: kr 194 000 Stryn-Førde 47 887 km Førde-Bergen 81 957 km Sum 129 844 km * kr 1,50
10 Trong for godtgjersle for 2007 ut frå dagens tilbod kr 69 013 000
11 Trong for godtgjersle ut frå dagens tilbod/drift i punkt 10 vert justert for endringar i produksjonen i løpet av året.
28 SELSKAP: FJORD1 SOGN BILLAG
Samla kostnad pr km i 2007 kr 20,47 Andre inntekter pr km i 2007 kr 0,12 Ruteproduksjon ut frå dagens tilbod 3 705 000 km
1 Kostnader eigne vogner kr 75 841 000
2 Kostnader undertransportørar: kr 8 661 000 Ordinære ruter/tingingsruter kr 1 583 000 Skuleskyss kr 7 078 000
3 Samla kostnader ut frå dagens tilbod kr 84 502 000
4 Passasjerinntekter utanom skule kr 23 751 000
5 Kommunal del skuleskyss kr 6 898 000
6 Godsinntekter kr 1 650 000
7 Andre inntekter kr 445 000
8 Samla inntekter ut frå dagens tilbod kr 32 744 000
9 Skyss vidaregåande elevar ekspressbuss kr 147 000
10 Reduksjon tilskot langruter: kr 1 087 000 Lillehammer-Bergen 186 000 km Årdal – Oslo 249 000 km Sum 435 000 km * 2,50
11 Trong for godtgjersle for 2007 ut frå dagens tilbod kr 50 818 000
12 Trong for godtgjersle ut frå dagens tilbod/drift i punkt 11 vert justert for endringar i produksjonen i løpet av året.
29 SELSKAP: FJORD1 NORDFJORD – OTTADALEN
Samla kostnad pr km i 2007 kr 20,47 Andre inntekter pr km i 2007 kr 0,12 Ruteproduksjon ut frå dagens tilbod 1 923 000 km
1 Kostnader eigne vogner kr 39 364 000
2 Kostnader undertransportørar: kr 3 763 000
3 Samla kostnader ut frå dagens tilbod kr 41 127 000
4 Passasjerinntekter utanom skule kr 8 290 000
5 Kommunal del skuleskyss kr 7161 000
6 Godsinntekter kr 800 000
7 Andre inntekter kr 231 000
8 Samla inntekter ut frå dagens tilbod kr 16 482 000
9 Skyss vidaregåande elevar ekspressbuss kr 242 000
10 Reduksjon tilskot langruter: kr 71 000 Stryn – Førde 47 580 km Sum 47 580 km * 1,50
11 Trong for godtgjersle for 2007 ut frå dagens tilbod kr 24 816 000
12 Trong for godtgjersle ut frå dagens tilbod/drift i punkt 11 vert justert for endringar i produksjonen i løpet av året.
30 SELSKAP: RUTEBILANE I BREMANGER
Samla kostnad pr km i 2007 kr 20,47 Andre inntekter pr km i 2007 kr 0,12 Tillegg for korte ruter pr km kr 0,60 Ruteproduksjon ut frå dagens tilbod 223 000 km
1 Kostnader eigne vogner kr 4 565 000
2 Kostnader undertransportørar kr 152 000
3 Samla kostnader ut frå dagens tilbod kr 4 717 000
4 Passasjerinntekter utanom skule kr 461 000
5 Kommunal del skuleskyss kr 397 000
6 Godsinntekter kr 130 000
7 Andre inntekter kr 27 000
8 Samla inntekter ut frå dagens tilbod kr 1 015 000
9 Tillegg for korte ruter kr 134 000
10 Trong for godtgjersle for 2007 ut frå dagens tilbod kr 3 836 000
11 Trong for godtgjersle ut frå dagens tilbod/drift i punkt 10 vert justert for endringar i produksjonen i løpet av året.
31 VEDLEGG 2 – INNSPEL FRÅ KOMMUNAR OG ANDRE
1 Gulen kommune. Innspel med ønskje om ruteendring frå 1. mai 2007. Datert 25.1.2007.
2 Svelgen Næringsråd. Ferjeruta Kjelkenes – Smørhamn. Datert 11.1.2007.
3 Fjaler kommune. Rutetilbodet i Ytre Fjaler. Datert 15.1.2007.
4 Askvoll kommune. Innspel til ruteplanarbeidet. Datert 16.1.2007.
5 Høgskulen i Sogn og Fjordane. Utviding av by-buss tilbodet i Førde. E-post av 20.3.2007.
6 Norges Blindeforbund. Manglande rutetilbod for synshemma om sommaren. Datert 10.7.2006.
7 Solund kommune. Lokalrute Kråkenes – Ingebærvik. Fax sendt 5.2.2007
8 Askvoll kommune. Sommarrute til Alden. Datert 30.01.07.
9 Vågsøy kommune. Ruteendringar frå 1.5.2007. Datert 1.2.2007
10 Flora kommune. Transporttilbod til Høydalane. E-post av 2.2.2007
11 Styringsgruppa for Ekspressbussen Bergen – Trondheim. E-post av 29.1.2007
12 Vik kommune. Tilbringarrute og stopp for ekspressbåten Sogn–Bergen. Datert 1.2.2007
13 Askvoll kommune/Atløy vel. Ferjeruter i Askvoll-området. Datert 1.2.2007
32