DOCSLIB.ORG

6 Novemba 2013

Total Page：16

File Type：pdf, Size：1020Kb

Download full-text PDF Read full-text
6 Novemba 2013 Hii ni Nakala ya Mtandao (Online Document) BUNGE LA TANZANIA ________ MAJADILINO YA BUNGE ________ MKUTANO WA KUMI NA TATU Kikao cha Saba – Tarehe 6 Novemba, 2013 (Mkutano Ulianza saa Tatu Asubuhi) DUA Spika (Mhe. Anne S. Makinda) Alisoma Dua TAARIFA YA SPIKA SPIKA: Waheshimiwa Wabunge, napenda kuwatangazia kwamba kwa mujibu wa Kanuni ya 30(1) ya Kanuni za Kudumu za Bunge, toleo la Aprili, 2013 na Ibara ya 91 (2) ya Katiba ya Jamhuri ya Muungano wa Tanzania, Rais wa Jamhuri ya Muungano wa Tanzania Mheshimiwa Jakaya Mrisho Kikwete anakusudia kulihutubia Bunge siku ya Alhamisi tarehe 7 Novemba, 2013 kuanzia saa 10.00 jioni. Wote mnaombwa kuwepo ukumbini siku hiyo ili kumsikiliza Mheshimiwa Rais. Katibu! HATI ZILIZOWASILISHWA MEZANI Hati ifuatayo iliwasilishwa mezani na:- NAIBU WAZIRI WA ELIMU NA MAFUNZO YA UFUNDI: Taarifa ya Mwaka na Hesabu za Chuo Kikuu Mzumbe kwa Mwaka ulioishia tarehe 30 Juni, 2012 [The Annual Report and Accounts of Mzumbe University for the Year ended 30th June, 2012]. 1 Hii ni Nakala ya Mtandao (Online Document) MASWALI NA MAJIBU SPIKA: Waheshimiwa Wabunge, maswali, tunaanza na Ofisi ya Waziri Mkuu. Namwita Mheshimiwa Vicent Joseph Nyerere aulize swali lake. Na. 82 Ujenzi wa Hospitali ya Mkoa wa Mara MHE. VICENT J. NYERERE aliuliza:- Kwa miaka miwili mfululizo Serikali imekuwa ikitenga fedha kwa ajili ya ujenzi wa Hospitali ya Rufaa ya Mkoa wa Mara, lakini mpaka sasa kazi haijaanza. Je, ni nini kimekwamisha ujenzi huo? WAZIRI WA NCHI, OFISI YA WAZIRI MKUU, TAWALA ZA MIKOA NA SERIKALI ZA MITAA (TAMISEMI) alijibu:- Mheshimiwa Spika, naomba kujibu swali la Mheshimiwa Vicent Josephat Nyerere kama ifuatavyo:- Mheshimiwa Spika, ujenzi wa Hospitali ya Rufaa ya Mkoa wa Mara ulianza kupitia nguvu za wananchi mwaka 1980 na kusimama mwaka 1987, baada ya wananchi kushindwa kuendeleza ujenzi huo kutokana na kuongezeka kwa gharama za ujenzi. Baada ya juhudi za kumpata mwendelezaji kutokufanikiwa, mwaka 2010 hoja ilijengwa kupitia Kamati ya Ushauri ya Mkoa (RCC) na kukubaliwa. Mheshimiwa Spika, mapendekezo ya gharama za kukamilisha ujenzi yaliingizwa katika mpango wa miaka mitano wa maendeleo wa Mkoa wa Mara kuanzia mwaka wa fedha 2012/2013 hadi 2016/2017 inayokadiriwa kuwa Shilingi bilioni 37 mpaka utakapokamilika. Mwaka wa fedha 2012/2013 jumla ya Shilingi bilioni 2.1 zilitengwa na kutolewa na Serikali, na mwaka 2013/2014 zilitengwa ambapo hadi kufikia mwezi Oktoba, 2013 Shilingi milioni 500 zimetolewa kwa 2 Hii ni Nakala ya Mtandao (Online Document) [WAZIRI WA NCHI, OFISI YA WAZIRI MKUU, TAWALA ZA MIKOA NA SERIKALI ZA MITAA (TAMISEMI)] ajili ya kuendeleza mradi. Kazi nyingine zinazofanyika ni ujenzi wa uzio kuzunguka eneo la Hospitali kwa gharama ya Shilingi milioni 250 kupitia bajeti ya matumizi ya kawaida. Mheshimiwa Spika, awali Mkoa uliomba Mfuko wa Hifadhi ya Jamii ya TASAF ndiyo wajenge. Hata hivyo, mfuko haukuweza kuafikiana na Mkoa kwa kuwa walikuwa na miradi mingine ya ujenzi inayoendelea. Hivyo, hatua zilizochukuliwa na Mkoa ni kutangaza zabuni ili kumpata Mkandarasi ambapo Zabuni ilitangazwa katika gazeti la Daily News la Tarehe 21 Mei, 2013. Taratibu za kumpata Mkandarasi ziko katika hatua za mwisho. MHE. VINCENT J. NYERERE: Mheshimiwa Spika, nashukuru. Kwa kuwa, Serikali inatumia fedha nyingi sana kuwatibu watu nje nikiwemo mimi mwenyewe, na Hospitali ya Apollo ilionyesha nia ya kuwekeza katika Hospitali hapa Tanzania; kwa nini Serikali isiwasiliane na watu wa Apollo kwa ajili ya kuwapo Hospitali hii ili shughuli ya ujenzi wa Hospitali iende haraka? WAZIRI WA NCHI, OFISI YA WAZIRI MKUU, TAWALA ZA MIKOA NA SERIKALI ZA MITAA (TAMISEMI): Mheshimiwa Spika, napenda kujibu swali la nyongeza la Mheshimiwa Vicent Nyerere kama ifuatavyo:- Ni kweli kwamba tunatumia gharama kubwa sana kupeleka wagonjwa nje na kwa sasa hivi Serikali iko katika hatua za kuziboresha hospitali zetu kuhakikisha kwamba magonjwa mengi ambayo yanawapeleka wagonjwa nje yanatibiwa humu humu ndani. Yeye mwenyewe ni shahidi kwamba sasa hivi Muhimbili wanafanya operation ya moyo na hata vitengo vingi ambavyo wagonjwa wetu walikuwa wanapelekwa nje vimeimarishwa. Ukienda Moi sasa hivi huduma nyingi kwa kweli, kwa kiasi kikubwa zinapatikana Muhimbili na katika hospitali zetu za Rufaa za Bugando na KCMC. SPIKA: Mheshimiwa Conchesta nimekuona! 3 Hii ni Nakala ya Mtandao (Online Document) MHE. CONCHESTA L. RWAMLAZA: Mheshimiwa Spika, ahsante kwa kunipa nafasi ya kuuliza swali la nyongeza. Mheshimiwa Spika, yako majengo mengi ambayo yamejengwa katika Hospitali za Mikoa na yamekamilika bila kutumika. Kwa mfano, Hospitali ya Mkoa wa Singida, kuna jengo la Hospitali ya Tumbi lakini pia kuna jengo la Siha. Ni lini Serikali sasa itaruhusu au kutoa pesa ili majengo haya yaweze kutumika ili huduma ziwepo kwa ajili ya wananchi? (Makofi) SPIKA: Ahsante kwa swali zuri. Mheshimiwa Waziri wa Nchi, majibu! WAZIRI WA NCHI, OFISI YA WAZIRI MKUU, TAWALA ZA MIKOA NA SERIKALI ZA MITAA (TAMISEMI): Mheshimiwa Spika, ni kweli kuna majengo mengi yamekamilika na yanahitaji kutumika na Mheshimiwa aliyeuliza swali, mwenyewe ni Mjumbe wa Kamati ya TAMISEMI na ana ushahidi kwamba katika bajeti ya mwaka huu Tumbi, Hospitali ya Singida na Siha tumezitengea pesa ambazo zitawawezesha kununua vifaa ili ziweze kutumika. SPIKA: Naomba tuendelee na swali linalofuata, Mheshimiwa Diana Chilolo. Na. 83 Ujenzi wa Kituo cha Afya Shelui MHE. DIANA M. CHILOLO aliuliza:- Wakati wa kampeni za Urais mwaka 2010, Mheshimiwa Rais aliahidi kujenga Kituo cha Afya Kata ya Shelui na tayari wananchi chini ya uongozi wa Kata hiyo walishaanza kuchangia mfuko wa ujenzi huu na kufyatua tofali; na ahadi hii Serikali imeiachia Halmashauri ya Wilaya ya Iramba ambayo ina mapato madogo sana kupitia vyanzo vyake:- 4 Hii ni Nakala ya Mtandao (Online Document) [MHE. D. M. CHILOLO] Je, Serikali itakuwa tayari kutoa fedha kupitia Mfuko wa MMAM ulioko Halmashauri? WAZIRI WA NCHI, OFISI YA WAZIRI MKUU, TAWALA ZA MIKOA NA SERIKALI ZA MITAA (TAMISEMI) alijibu:- Mheshimiwa Spika, naomba kujibu swali la Mheshimiwa Diana M. Chilolo, Mbunge wa Viti Maalum, kama ifuatavyo:- Mheshimiwa Spika, miradi ya ujenzi wa Zahanati na Vituo vya Afya huibuliwa na wananchi wenyewe kupitia Mpango wa Fursa na Vikwazo katika Maendeleo (O&OD) na kutekelezwa kwa ubia wa wananchi na Halmashauri. Halmashauri huchangia gharama kidogo za utekelezaji wa miradi hiyo kwa kuwezesha upatikanaji wa vifaa pamoja na usimamizi. Halmashauri ya Wilaya ya Iramba kwa kushirikiana na wananchi, imeanza ujenzi wa Kituo hicho cha Afya ambapo vifaa yakiwemo matofali 3,000 na mifuko ya Saruji 70 vimeandaliwa na ujenzi upo katika hatua ya msingi. Mheshimiwa Spika, katika bajeti ya mwaka 2013/2014, Halmashauri imetenga Shilingi milioni 80 kutokana na fedha za ruzuku ya maendeleo katika Serikali za Mitaa (LGCDG) kwa ajili ya ujenzi huo. Wananchi watachangia Shilingi milioni 40 ili kukamilisha utekelezaji wa mradi huu ambapo unatarajiwa kugharimu Shilingi milioni 120 katika awamu ya kwanza. Aidha, katika mwaka huu Halmashauri imeweka kipaumbele kwa ajili ya kukamilisha ujenzi wa nyumba tano za watumishi katika Zahanati za Mwendui, Gembena na Kisharita kwa gharama ya Shilingi milioni 75.0, kukamilisha majengo ya wagonjwa wa nje (OPD) katika Zahanati tatu za Kata ya Urughu kwa gharama ya Shilingi milioni 60.0 na kukamilisha majengo ya Zahanati za Misuna na Kisimba kwa gharama ya Shilingi milioni 50.5. Mheshimiwa Spika, Halmashauri ya Wilaya ya Iramba itaendelea kutenga fedha kila mwaka kadri zitakavyopatikana ili kukamilisha ujenzi huo. 5 Hii ni Nakala ya Mtandao (Online Document) SPIKA: Ahsante. Mheshimiwa Diana Chilolo swali la nyongeza. MHE. DIANA M. CHILOLO: Mheshimiwa Spika, ahsante. Pamoja na majibu mazuri ya Mheshimiwa Waziri, nina swali moja dogo la nyongeza. Kwa kuwa, changamoto ya kujenga Kituo cha Afya hiki ilitokana na ahadi ya Mheshimiwa Rais kuahidi kujenga Kituo cha Afya hapo; na kwa kuwa jitihada hizi alizozisema Mheshimiwa Waziri, mpaka sasa hivi wananchi wana tofali 6,000 mpaka leo hii na wana Shilingi milioni tano za kuchangishana wenyewe na ahadi ya Serikali ilikuwa itenge kuanzia bajeti hii ambayo tunaitumia sasa: Je, kwa kusubiria bajeti ya mwaka kesho, hatuoni kwamba wananchi hawa tunawakatisha tamaa na wanakuwa hawana imani na ahadi ya Mheshimwa Rais? Je, Serikali itakuwa tayari kutafuta pesa popote kuweka nguvu ya ujenzi wa Kituo hiki cha Afya kwenye Mji? Shelui ni mji mdogo... SPIKA: Aise! Uliza swali. MHE. DIANA M. CHILOLO: Mheshimiwa Spika, naomba majibu. SPIKA: Mheshimiwa Waziri wa Nchi, majibu! WAZIRI WA NCHI, OFISI YA WAZIRI MKUU, TAWALA ZA MIKOA NA SERIKALI ZA MITAA (TAMISEMI): Mheshimiwa Spika, ni kweli ni ahadi ya Mheshimiwa Rais na inavyotakiwa ahadi za Mheshimiwa Rais tuweke katika mipango yetu na hapo hapo Serikali inaangalia kwamba inatoa pesa kutoka katika vyanzo gani. Katika jibu langu la msingi, nimesema katika bajeti ambayo tunayo ya mwaka 2013/2014 Halmashauri imetenga Shilingi milioni 80 kutoka katika pesa za ruzuku ya Serikali za Mitaa. Ukishasema ruzuku, maana yake inatoka Serikali kuu na siyo kutoka vyanzo vya Halmashauri. Kwa hiyo, Mheshimiwa Mbunge napenda nikuhakikishie kwamba ahadi 6 Hii ni Nakala ya Mtandao (Online Document) [WAZIRI WA NCHI, OFISI YA WAZIRI MKUU, TAWALA ZA MIKOA NA SERIKALI ZA MITAA (TAMISEMI)] ya Mheshimiwa Rais inatekelezwa na Serikali imeanza kutoa pesa. Katika bajeti hii imeanza imeanza kwa Shilingi milioni 80 na bajeti zinazofuata pia itaendelea kutenga. SPIKA: Ahsante. Mheshimiwa Zambi, swali la nyongeza. MHE. GODFREY W. ZAMBI: Mheshimiwa Spika, nakushukuru kwa kunipatia nafasi ili niulize swali
Load more

Recommended publications
  • Majadiliano Ya Bunge ______
    Hii ni Nakala ya Mtandao (Online Document) BUNGE LA TANZANIA _________________ MAJADILIANO YA BUNGE _____________________ MKUTANO WA KUMI Kikao cha Saba – Tarehe 6 Februari, 2008 (Mkutano Ulianza Saa Tatu Asubuhi) D U A Spika (Mhe. Samuel J. Sitta) Alisoma Dua SPIKA: Waheshimiwa Wabunge, kabla sijamwita Katibu kwa orodha ya shughuli za leo, ninapenda kwanza nimpongeze Corporal Fauster. Napenda niwafahamisheni, ni mara ya kwanza katika historia ya Bunge letu Spika kutanguliwa na Sergeant-At-Arms ambaye ni mwanamke. Tulikwishasema awali Bunge hili litaendeshwa kwa viwango na viwango ni pamoja na kuzingatia jinsia. Hakuna kazi ambazo ni za wanaume tu peke yao. Ahsante sana Corporal Fauster. (Makofi) Waheshimiwa Wabunge, nimerejea, nimesitisha safari ya Marekani. Nalazimika kutoa maelezo kwa sababu ya maneno mengi tu. Safari ile kwenda kule ilipangwa kwa kuzingatia mambo mawili :- Moja, ni umuhimu tu wake. Wenzetu Amerika, wiki ya pili ya Mwezi Februari kila mwaka mihimili yote mitatu ya Dola wanakaa pamoja kwa mlo wa asubuhi, inaitwa National Prayer Breakfast. Pamoja na mambo mengi yatakayofanyika, Rais wao ataongea pale kwenye Prayers Breakfast. Lakini wanawatambua baadhi ya viongozi mashuhuri ambao wana ushirikiano mwema nao. Mimi kama Spika wa Bunge hili, nilialikwa kwa msingi huo. Kwa hiyo, hoja kwamba labda ningeweza kumtuma mtu mwingine, haipo kwa sababu ni mwaliko wa heshima kwa jina. (Makofi) La pili ni kwamba, nikitazama ratiba na Kanuni ya 24 ya Bunge, ilikuwa ni kwamba Miswada inaendelea na kwa hiyo, nilidhani mambo mengine kama vile taarifa za Kamati yangekuja kama ilivyo kawaida katika wiki ya mwisho, na mimi nilikuwa narudi Ijumaa asubuhi. Kwa hiyo, yote yangewezekana. Sasa hilo lilishindikana, niliwaarifu wenyeji wetu kule Marekani na wamesikitika, lakini wamesema kama wanasiasa, wameelewa,kwa sababu niliwaeleza mazingira ambayo yalinifanya nisiende.
    [Show full text]
  • Majadiliano Ya Bunge ______
    Hii ni Nakala ya Mtandao (Online Document) BUNGE LA TANZANIA ____________ MAJADILIANO YA BUNGE _________________ MKUTANO WA KUMI NA NANE Kikao cha Kumi na Tatu – Tarehe 10 Februari, 2010 (Kikao Kilianza Saa Tatu Asubuhi) D U A Spika (Mhe. Samuel J. Sitta) Alisoma Dua HATI ZILIZOWASILISHWA MEZANI Hati zifuatazo ziliwasilishwa Mezani na:- NAIBU WAZIRI WA FEDHA NA UCHUMI (MHE. OMAR YUSSUF MZEE): Taarifa ya Mwaka na Hesabu za Benki ya Posta Tanzania, kwa Mwaka 2008 [The Annual Report and Accounts of The Tanzania Postal Bank for the Year 2008]. The Mid-Term Review of the Monetary Policy Statement of The Bank of Tanzania for the Year 2009/2010. MWENYEKITI WA KAMATI YA NISHATI NA MADINI: Taarifa ya Kamati ya Nishati na Madini juu ya Taarifa ya Serikali Kuhusu Ubinafsishwaji wa Mgodi wa Kiwira. Taarifa ya Kamati ya Nishati na Madini Kuhusu Taarifa ya Serikali ya Utekelezaji wa Azimio la Bunge Kuhusu Mchakato wa Zabuni ya Kuzalisha Umeme wa Dharura Ulioipa Ushindi Kampuni ya Richmond Development Company LLC. Houston Texas - Marekani Mwaka 2006. MWENYEKITI WA KAMATI YA MIUNDOMBINU: Taarifa ya Kamati ya Miundombinu Kuhusu Taarifa ya Serikali ya Utekelzaji wa Azimio la Bunge Kuhusu Uendeshaji Usioridhisha wa Shirika la Reli Tanzania uliofanywa na Kampuni ya RITES ya India. 1 Taarifa ya Kamati ya Miundombinu Kuhusu Taarifa ya Serikali ya Utekelezaji wa Azimio la Bunge Kuhusu Utendaji wa Kazi Usioridhisha wa Kampuni ya TICTS. MASWALI NA MAJIBU Na. 145 Usimamizi wa Ukaguzi wa Fedha za Halmashauri MHE. HERBERT J. MNTANGI aliuliza:- Kwa kuwa, kiasi cha fedha kinachopelekwa katika Halmashauri za Wilaya, Manispaa na Jiji ni kikubwa na kinahitaji usimamizi wa ziada:- Kwa kuwa kitengo cha ukaguzi wa ndani kipo chini ya Mkurugenzi Mtendaji.
    [Show full text]
  • Bspeech 2008-09
    HOTUBA YA WAZIRI WA KILIMO CHAKULA NA USHIRIKA, MHESHIMIWA STEPHEN MASATO WASIRA (MB) KUHUSU MAKADIRIO YA MATUMIZI YA FEDHA YA WIZARA YA KILIMO CHAKULA NA USHIRIKA KWA MWAKA 2008/2009 UTANGULIZI 1. Mheshimiwa Spika, naomba kutoa hoja kwamba Bunge lako Tukufu baada ya kuzingatia taarifa iliyowasilishwa hapa Bungeni leo na Mwenyekiti wa Kamati ya Bunge ya Kilimo Mifugo na Maji inayohusu Wizara ya Kilimo Chakula na Ushirika, sasa lijadili na kukubali kupitisha makadirio ya Matumizi ya Kawaida na ya Maendeleo ya Wizara ya Kilimo Chakula na Ushirika kwa mwaka wa Fedha wa 2008/2009. 2. Mheshimiwa Spika, awali ya yote nitumie fursa hii kuungana na Watanzania wenzangu kumpongeza Rais wa Jamhuri ya Muungano wa Tanzania, Mheshimiwa Jakaya Mrisho Kikwete kwa kuchaguliwa kwake kuwa Mwenyekiti wa Umoja wa Afrika. Kuchaguliwa kwake, na mchango wake alioutoa tangu kuchaguliwa kwake kuwa Mwenyekiti wa Umoja huo umelijengea Taifa letu heshima kubwa katika medani ya kimataifa. Aidha, uongozi wake na juhudi zake za kupambana na maovu katika jamii yetu, licha ya kusimamia utekelezaji wa Ilani ya Chama cha Mapinduzi kwa ajili ya Uchaguzi wa Mwaka 2005 ni kielelezo dhahiri kuwa ni kiongozi anayejali haki na maendeleo ya nchi yetu. Juhudi zake hizo zimedhihirisha uwezo wake mkubwa wa kuongoza na utumishi wake uliotukuka aliouonyesha katika nyadhifa mbali mbali alizowahi kushika katika Serikali na Chama cha Mapinduzi. Wananchi wanaendelea kuwa na imani na matumaini makubwa kwa uwezo wake katika kuliongoza Taifa letu. 1 3. Mheshimiwa Spika, nitumie fursa hii pia kumpongeza Mheshimiwa Mizengo Kayanza Peter Pinda (MB) kwa kuteuliwa kwake kuwa Waziri Mkuu wa Jamhuri ya Muungano wa Tanzania.
    [Show full text]
  • Majadiliano Ya Bunge ______
    Hii ni Nakala ya Mtandao (Online Document) BUNGE LA TANZANIA ___________ MAJADILIANO YA BUNGE ___________ MKUTANO WA NANE Kikao cha Thelathini na Tisa – Tarehe 2 AGOSTI, 2012 (Mkutano Ulianza Saa Tatu Asubuhi) DUA Spika (Mhe. Anne S. Makinda) Alisoma Dua HATI ZILIZOWASILISHWA MEZANI Hati ifuatayo iliwasilishwa Mezani na:- NAIBU WAZIRI WA USHIRIKIANO WA AFRIKA MASHARIKI: Randama za Makadirio ya Mapato na Matumizi ya Wizara ya Ushirikiano wa Afrika Mashariki kwa Mwaka wa Fedha 2012/2013. SPIKA: Waheshimiwa Wabunge, naomba mzime vipasa sauti vyenu maana naona vinaingiliana. Ahsante Mheshimiwa Naibu Waziri, tunaingia hatua inayofuata. MASWALI NA MAJIBU SPIKA: Leo ni siku ya Alhamisi lakini tulishatoa taarifa kwamba Waziri Mkuu yuko safarini kwa hiyo kama kawaida hatutakuwa na kipindi cha maswali hayo. Maswali ya kawaida yapo machache na atakayeuliza swali la kwanza ni Mheshimiwa Vita R. M. Kawawa. Na. 310 Fedha za Uendeshaji Shule za Msingi MHE. VITA R. M. KAWAWA aliuliza:- Kumekuwa na makato ya fedha za uendeshaji wa Shule za Msingi - Capitation bila taarifa hali inayofanya Walimu kuwa na hali ngumu ya uendeshaji wa shule hizo. Je, Serikali ina mipango gani ya kuhakikisha kuwa, fedha za Capitation zinatoloewa kama ilivyotarajiwa ili kupunguza matatizo wanayopata wazazi wa wanafunzi kwa kuchangia gharama za uendeshaji shule? NAIBU WAZIRI, OFISI YA WAZIRI MKUU, TAWALA ZA MIKOA NA SERIKALI ZA MITAA (ELIMU) alijibu:- Mheshimiwa Spika, kwa niaba ya Mheshimiwa Waziri Mkuu, naomba kujibu swali la Mheshimiwa Vita Rashid Kawawa, Mbunge wa Namtumbo, kama ifuatavyo:- Mheshimiwa Spika, Serikali kupitia Mpango wa Maendeleo ya Elimu ya Msingi (MMEM) imepanga kila mwanafunzi wa Shule ya Msingi kupata shilingi 10,000 kama fedha za uendeshaji wa shule (Capitation Grant) kwa mwaka.
    [Show full text]
  • MAJADILIANO YA BUNGE MKUTANO WA KUMI NA NANE Kikao Cha
    Hii ni Nakala ya Mtandao (Online Document) BUNGE LA TANZANIA ______________ MAJADILIANO YA BUNGE _______________ MKUTANO WA KUMI NA NANE Kikao cha Nne - 29 Januari, 2010 (Mkutano Ulianza Saa Tatu Asubuhi) D U A Naibu Spika (Mhe. Anne S. Makinda) Alisoma Dua MASWALI NA MAJIBU Na. 39 Watumishi Hewa Wizara ya Elimu na Wizara ya Afya MHE. MOHAMED H. MISSANGA aliuliza:- Kwa kuwa, mwaka 2006/2007 Serikali ilipofanya uchunguzi wa ajira za Watumishi katika Wizara ya Elimu na Mafunzo ya Ufundi iligundua kuwepo kwa Watumishi hewa zaidi ya elfu moja (1,000) ambao walisababisha hasara ya mabilioni ya fedha za Serikali; na kwa kuwa, mwaka 2008/2009 uchunguzi huo huo ulifanywa katika Wizara ya Afya na Ustawi wa Jamii na kugundua kuwepo watumishi hewa zaidi ya elfu moja (1,000) pia; na kwa kuwa, ajira Serikalini hutawaliwa na kuongozwa na Sheria, Kanuni na taratibu mbalimbali za ajira:- (a) Je, ajira ya watumishi hewa inasababishwa na nini? (b) Je, katika kipindi cha miaka minne (mwaka 2006 hadi 2009) Serikali imepoteza fedha kiasi gani kwa kulipa watumishi hewa na ni kutoka Wizara na Taasisi zipi? WAZIRI WA NCHI, OFISI YA RAIS, MENEJIMENTI YA UTUMISHI WA UMMA alijibu:- 1 Mheshimiwa Naibu Spika, ninapenda kujibu swali la Mheshimiwa Mohamed Hamisi Misanga - Mbunge wa Singida Kusini, lenye sehemu (a) na (b) kwa pamoja kama ifuatavyo:- (a)Mheshimiwa Naibu Spika, katika utafiti uliofanyika ilionekana kuwa, watumishi hewa husababishwa na watumishi wameajiriwa na Serikali kihalali ambao utumishi wao umekoma kutokana na kustaafu kazi, kufariki, kuacha kazi, kufukuzwa kazi na hivyo kuendelea kulipwa mishahara isiyo halali kutokana na waajiri husika kutochukua hatua za kuwaondoa kwenye payroll na kusababisha kuwepo kwa malipo hewa ya mishahara.
    [Show full text]
  • Hii Ni Nakala Ya Mtandao (Online Document)
    Hii ni Nakala ya Mtandao (Online Document) MAJADILIANO YA BUNGE _____________ MKUTANO WA KUMI NA SITA ______________ Kikao cha Thelathini na Tisa – Tarehe 27 Julai, 2009) (Kikao Kilianza Saa Tatu Asubuhi) DUA Spika (Mhe. Samuel J. Sitta) Alisoma Dua MASWALI NA MAJIBU SPIKA: Waheshimiwa Wabunge, kabla sijamwita anayeuliza swali la kwanza, karibuni tena baada ya mapumziko ya weekend, nadhani mna nguvu ya kutosha kwa ajili ya shughuli za wiki hii ya mwisho ya Bunge hili la 16. Swali la kwanza linaelekezwa Ofisi ya Waziri Mkuu na linauliza na Mheshimiwa Shoka, kwa niaba yake Mheshimiwa Khalifa. Na.281 Kiwanja kwa Ajili ya Kujenga Ofisi ya Tume ya Kudhibiti UKIMWI MHE KHALIFA SULEIMAN KHALIFA (K.n.y. MHE. SHOKA KHAMIS JUMA) aliuliza:- Kwa kuwa Tume ya Taifa ya Kudhibiti UKIMWI inakabiliwa na changamoto ya ufinyu wa Ofisi; na kwa kuwa Tume hiyo imepata fedha kutoka DANIDA kwa ajili ya kujenga jengo la Ofisi lakini inakabiliwa na tatizo kubwa la upatikanaji wa kiwanja:- Je, Serikali itasaidia vipi Tume hiyo kupata kiwanja cha kujenga Ofisi? WAZIRI WA NCHI, OFISI YA WAZIRI MKUU – SERA, URATIBU NA BUNGE alijibu:- Mheshimiwa Spika, kwa niaba ya Mheshimiwa Waziri Mkuu, napenda kujibu swali la Mheshimiwa Shoka Khamis Juma, Mbunge wa Micheweni kama ifuatavyo:- Mheshimiwa Spika, tatizo la kiwanja cha kujenga Ofisi za TACAIDS limepatiwa ufumbuzi na ofisi yangu imewaonesha Maafisa wa DANIDA kiwanja hicho Ijumaa tarehe 17 Julai, 2009. Kiwanja hicho kipo Mtaa wa Luthuli Na. 73, Dar es Salaam ama kwa lugha nyingine Makutano ya Mtaa wa Samora na Luthuli. MHE. KHALIFA SULEIMAN KHALIFA: Mheshimiwa Spika, nakushukuru. Pamoja na majibu mazuri sana ya Mheshimiwa Waziri, naomba kumuuliza swali moja la nyongeza.
    [Show full text]
  • Did They Perform? Assessing fi Ve Years of Bunge 2005-2010
    Policy Brief: TZ.11/2010E Did they perform? Assessing fi ve years of Bunge 2005-2010 1. Introducti on On July 16th 2010, following the completi on of the 20th session of the Bunge, the President of Tanzania dissolved the 9th Parliament. This event marked the end of the term for Members of Parliament who were elected during the 2005 general electi ons. Now that the last session has been completed it allows us to look back and to consider how MPs performed during their tenure. Did they parti cipate acti vely and represent their consti tuencies by asking questi ons and making interventi ons, or were they silent backbenchers? The Bunge is the Supreme Legislature of Tanzania. The Bunge grants money for running the administrati on and oversees government programs and plans. The Bunge oversees the acti ons of the Executi ve and serves as watchdog to ensure that government is accountable to its citi zens. To achieve all this, Members of Parliament pass laws, authorize taxati on and scruti nize government policies including proposal for expenditure; and debate major issues of the day. For the Bunge to eff ecti vely carry out its oversight role, acti ve parti cipati on by Members of Parliament is criti cal. MPs can be acti ve by making three kinds of interventi ons: they can ask basic questi ons, they can ask supplementary questi ons and they can make contributi ons during debates. This brief follows earlier briefs, the last of which was released in August 2010. It presents seven facts on the performance of MPs, including rati ng who were the most acti ve and least acti ve MPs.
    [Show full text]
  • 20 MAY 2019.Pmd
    NAKALA MTANDAO(ONLINE DOCUMENT) BUNGE LA TANZANIA ________ MAJADILIANO YA BUNGE _________ MKUTANO WA KUMI NA TANO Kikao cha Thelathini na Moja – Tarehe 20 Mei, 2019 (Bunge Lilianza saa Tatu Asubuhi) DUA Spika (Mhe. Job Y. Ndugai) Alisoma Dua SPIKA: Waheshimiwa Wabunge, tukae. Waheshimiwa Wabunge, tunaendelea na Mkutano wetu wa 15, leo kikao cha 31. Katibu! NDG. RAMADHAN ISSA ABDALLAH – KATIBU MEZANI: TAARIFA YA SPIKA SPIKA: Waheshimiwa Wabunge, nasikitika kuwatangazia kifo cha mwanasiasa mkongwe na kiongozi aliyepata kuhudumia kwa muda mrefu hasa kule kwenye Serikali ya Mapinduzi ya Zanzibar Marehemu Ally Juma Shamhuna. Waheshimiwa Wabunge, katika uhai wake, marehemu Ally Juma Shamhuma amepata kushika nyadhifa mbalimbali zikiwemo hizi zifuatazo; amepata kuwa Mkurugenzi wa Mifugo, amewahi kuwa Katibu Mkuu Wizara ya Kilimo, amewahi kuwa Katibu Mkuu, Export Processing Zone Zanzibar, amewahi kuwa Waziri wa Mipango, amekuwa Waziri wa Nchi, Afisi ya Waziri Kiongozi, aliwahi kuwa Waziri wa Habari, Utamaduni na Michezo na wakati huo huo akiwa ni 1 NAKALA MTANDAO(ONLINE DOCUMENT) Naibu Waziri Kiongozi, katika uhai wake amekuwa Waziri wa Ardhi, Maji na Nishati na alipata kuwa Waziri wa Elimu na Mafunzo ya Amali. Aidha, Marehemu Mheshimiwa Shamhuna kwa muda mrefu alikuwa ni mjumbe wa Halmashauri Kuu ya Taifa ya Chama cha Mapinduzi kutokea Zanzibar na baadhi yenu humu Wabunge mtamkumbuka marehemu Mheshimiwa Shamhuna kama Mbunge wa Bunge la Katiba na alikuwa Mjumbe wa Kamati namba 8 kwenye Bunge la Katiba, Kamati ambayo nilikuwa Mwenyekiti wake. Kwa niaba yenu Waheshimiwa Wabunge, tunatoa pole kwa Rais wa Zanzibar na Mwenyekiti wa Baraza la Mapinduzi. Tunatoa pole kwa Wazanzibari wote na Watanzania wote kwa ujumla kufuatia kifo hicho na tunamuomba Mwenyezi Mungu aihifadhi roho yake mahali pema peponi, amina.
    [Show full text]
  • Majadiliano Ya Bunge ______
    Hii ni Nakala ya Mtandao (Online Document) BUNGE LA TANZANIA _________________ MAJADILIANO YA BUNGE _________________ MKUTANO WA ISHIRINI Kikao cha Ishirini - Tarehe 30 Juni, 2010 (Mkutano ulianza Saa Tatu Asubuhi) D U A Naibu Spika (Mhe. Anna S.Makinda) Alisoma Dua HATI ZILIZOWASILISHWA MEZANI: Hati ifuatayo iliwasilishwa Mezani na: NAIBU WAZIRI WA MAWASILIANO, SAYANSI NA TEKNOLOJIA : Hotuba ya Bajeti ya Waziri wa Mawasiliano, Sayansi na Teknolojia kwa Mwaka wa Fedha, 2010/2011. MHE. MOHAMED H. MISSANGA, MWENYEKITI WA KAMATI YA MIUNDOMBINU: Taarifa ya Kamati ya ya Miundombinu Kuhusu Utekelezaji wa Majukumu ya Wizara ya Mawasiliano, Sayansi na Teknolojia kwa Mwaka wa Fedha 2009/2010 pamoja na maoni ya Kamati Kuhusu Makadirio ya Matumizi ya Wizara hiyo kwa Mwaka wa Fedha 2010/2011. MHE. GRACE S. KIWELU, MSEMAJI MKUU WA KAMBI YA UPINZANI KUHUSU WIZARA YA MAWASILIANO, SAYANSI NA TEKNOLOJIA:- Taarifa ya Msemaji wa Mkuu wa Kambi ya Upinzani kuhusu Makadiro ya Matumizi ya Wizara ya Mawasiliano, Sayansi na Teknolojia kwa Mwaka wa Fedha 2010/2011. NAIBU WAZIRI WA VIWANDA,BIASHARA NA MASOKO: Randama za Makadiro ya Matumizi ya Wizara ya Biashara,Viwanda na Masoko kwa Mwaka wa Fedha 2010/2011. 1 MASWALI NA MAJIBU Na. 141 Barabara ya Nyakagomba- Katoro MHE.ESTHER K. NYAWAZWA (K.n.y. MHE. LOLESIA J. M. BUKWIMBA) aliuliza:- Barabara ya Nyakagomba – Katoro kupitia Inyala inahudumia Kata zilizo katika Tarafa ya Butundwe kusafirisha mazao na bidhaa za biashara, lakini barabara hii haipitiki katika majira yote na kuwafanya wananchi wa maeneo husika kushindwa kufanya shughuli za maendeleo, na kwa sababu Halmashauri husika imeshindwa kulitatua tatizo hilo kutokana na Bajeti finyu.
    [Show full text]
  • Issued by the Britain-Tanzania Society
    Tanzanian Affairs Issued by the Britain-Tanzania Society No 119 Jan 2018 President Magufuli cites successes, while activists cry foul Peacekeepers killed in Eastern DRC Action in Maasai land dispute Ben Taylor: PRESIDENT MAGUFULI CITES SUCCESSES, WHILE ACTIVISTS CRY FOUL President Magufuli marked his first two years in office by celebrating ten key achievements. The Director General of Tanzania Information Services and Chief government spokesman, Hassan Abbasi, listed these as: •Restoration of discipline among public servants resulting in an increase of productivity in service delivery. •Control of government expenditure and enhancemant of value for money in all state funded projects. This included the removal of 32,000 names from the government payroll who were either ghost workers or public servants holding fake academic certificates, saving a total of TShs 378 billion. •The anti-corruption war, including the establishment of an anti-graft court, the dismissal of dishonest public officials and the arrest of the alleged masterminds behind the Escrow case. Tundu Lissu is greeted in hospital by fellow Chadema member Edward Lowassa. cover photo: UN memorial ceremony in Beni, eastern Congo for Tanzanian peacekeepers killed by rebels (Al-Hadji Kudra Maliro) President Magufuli cites successes... 3 •Increased control on the protection of natural resources such as minerals, including the signing of three mineral laws and changes which laid reforms in the extractive industry. •Cost cutting measures that saw fewer foreign trips by government officials and cuts in the budgets for unnecessary workshops. •Moving the government capital to Dodoma; Mr Abbasi described this as “a dream for a long time, at the beginning no one expected it would be possible, but the dream has become true.” •Reduced dependency on donors when it comes to implementing development projects.
    [Show full text]
  • MKUTANO WA 18 TAREHE 5 FEBRUARI, 2015 MREMA 1.Pmd
    5 FEBRUARI, 2015 BUNGE LA TANZANIA _________________ MAJADILIANO YA BUNGE __________________ MKUTANO WA KUMI NA NANE Kikao cha Tisa – Tarehe 5 Februari, 2015 (Mkutano Ulianza Saa Tatu Asubuhi) D U A Spika (Mhe. Anne S. Makinda) Alisoma Dua MASWALI KWA WAZIRI MKUU SPIKA: Waheshimiwa Wabunge, Kiongozi wa Kambi ya Upinzani Bungeni, leo sijamwona. Kwa hiyo tunaendelea na Maswali kwa Waziri Mkuu na atakayeanza ni Mheshimiwa Murtaza A. Mangungu. MHE. MURTAZA A. MANGUNGU: Mheshimiwa Spika, nashukuru. Mheshimiwa Waziri Mkuu, kwa vipindi tofauti vya Bunge Mheshimiwa Peter Msigwa, Mheshimiwa Mussa Zungu na hata Mheshimiwa Murtaza A. Mangungu wamekuwa wakiuliza swali kuhusiana na manyanyaso wanayoyapata wafanyabiashara Wadogo Wadogo pamoja na Mamalishe. Kwa kipindi hicho chote umekuwa ukitoa maagizo na maelekezo, inavyoonekana mamlaka zinazosimamia hili jambo haziko tayari kutii amri yako. 1 5 FEBRUARI, 2015 Je, unawaambia nini Watanzania na Bunge hili kwa ujumla? WAZIRI MKUU: Mheshimiwa Spika, naomba nimjibu Mheshimiwa Murtaza Mangungu swali lake kama ifuatavyo:- Suala hili la vijana wetu ambao tunawajua kama Wamachinga, kwanza nataka nikiri kwamba ni suala kubwa na ni tatizo kubwa na si la Jiji la Dar es Salaam tu, bali lipo karibu katika miji mingi. Kwa hiyo, ni jambo ambalo lazima twende nalo kwa kiwango ambacho tutakuwa na uhakika kwamba tunalipatia ufumbuzi wa kudumu. Kwa hiyo, ni kweli kwamba mara kadhaa kuna maelekezo yametolewa yakatekelezwa sehemu na sehemu nyingine hayakutekelezwa kikamilifu kulingana na mazingira ya jambo lenyewe lilivyo. Lakini dhamira ya kutaka kumaliza tatizo hili la Wamachinga bado ipo palepale na kwa bahati nzuri umeuliza wakati mzuri kwa sababu jana tu nimepata taarifa ambayo nimeandikiwa na Waziri wa Nchi, Ofisi ya Waziri Mkuu TAMISEMI ambayo wanaleta mapendekezo kwangu juu ya utaratibu ambao wanafikiri unaweza ukatatua tatizo hili ambalo lipo sehemu nyingi.
    [Show full text]
  • MAJADILIANO YA BUNGE ___MKUTANO WA KUMI NA MOJA Kikao Cha Arobaini Na Moja
    NAKALA MTANDAO(ONLINE DOCUMENT) BUNGE LA TANZANIA ____________ MAJADILIANO YA BUNGE ____________ MKUTANO WA KUMI NA MOJA Kikao cha Arobaini na Moja – Tarehe 31 Mei, 2018 (Bunge Lilianza Saa Tatu Asubuhi) D U A Mwenyekiti (Mhe. Andrew J. Chenge) Alisoma Dua MWENYEKITI: Waheshimiwa Wabunge, tukae. Tunaanza kikao chetu cha Arobaini na Moja, Katibu. NDG. LINA KITOSI – KATIBU MEZANI:- HATI ZILIZOWASILISHWA MEZANI Hati zifuatazo ziliwasilishwa Mezani na:- NAIBU WAZIRI WA MADINI (MHE. STANSLAUS H. NYONGO): Hotuba ya Makadirio ya Mapato na Matumizi ya Fedha ya Wizara ya Madini kwa Mwaka wa Fedha 2018/19. MHE. CATHERINE V. MAGIGE (K.n.y. MWENYEKITI WA KAMATI YA NISHATI NA MADINI): Taarifa ya Kamati ya Kudumu ya Bunge ya Nishati na Madini kuhusu utekelezaji wa Bajeti na Majukumu ya Wizara 1 NAKALA MTANDAO(ONLINE DOCUMENT) ya Madini kwa Mwaka wa Fedha 2017/2018 pamoja na Maoni ya Kamati kuhusu Makadirio ya Mapato na Matumizi ya Wizara hiyo kwa Mwaka wa Fedha 2018/2019. MWENYEKITI: Ahsante. Katibu. NDG. LINA KITOSI – KATIBU MEZANI: MASWALI NA MAJIBU MWENYEKITI: Swali letu la kwanza linaelekezwa Ofisi ya Waziri Mkuu na linaulizwa na Mheshimiwa Hawa Mchafu Chakoma, kwa niaba yake Mheshimiwa Amina Mollel. Na. 341 Utekelezaji wa Mpango wa Ukimwi 90-90-90 MHE. AMINA S. MOLLEL (K.n.y MHE. HAWA M. CHAKOMA) aliuliza:- Je, Serikali inatekelezaje Mpango wa UKIMWI wa 90- 90-90? MWENYEKITI: Ahsante Mheshimiwa Mollel. Majibu, Mheshimiwa Waziri, Ofisi ya Waziri Mkuu. NAIBU WAZIRI, OFISI YA WAZIRI MKUU (KAZI, AJIRA NA VIJANA) alijibu:- Mheshimiwa Mwenyekiti, kwa
    [Show full text]