Novembru 2017
Total Page：16
File Type：pdf, Size：1020Kb
Ħajja ta’ Xhieda u ta’ Fidi NOVEMBRU 2017 CHRIST THE KING In Loving Memory of the Maltese Brothers who Passed away in the last 100 years. Bro. James Calleja 31st January 2011 Bro. Philip Anthony Cauchi 13th February 1984 Bro. George Gardner Scicluna 13th February 1945 Bro. Norbert Farrugia 15th Februry 2007 Bro. Aloysius Darmanin 1st March 1974 Bro. Vincent Farrugia 8th March 2001 Bro. Anthony Farrugia 17th April 1985 Bro. Felix Agius 28th April 2002 Bro. Roger James Mangion 8th May 1970 Bro. Peter Galea 9th May 1998 Bro. Louis Camilleri 29th May 2011 Bro. Edward Henry Grech 10th June 1981 Bro. Patrice Francois Gambin 16th June 1966 Bro. Victor Privitera 18th July 2008 Bro. Alfred Spiteri 20th July 1992 Bro. Francis Muscat 2nd August 1987 Bro. William Xavier Seychell 10th August 1947 Bro. Charles Gatt 20th August 1992 Bro. Wilfred Albert Gros 13th October 1972 Bro. William Raphael Tabone 13th October 1977 Bro. Domnic Rosso 10th November 2011 Bro. Hilary Clews 21st November 1998 Bro. Sylvestre Antione Borg 25th November 1915 Bro. Robert of Mary Pace 3rd December 1970 Bro. Michael Buttigieg 8th December 1997 Bro. Joseph Prosper Scicluna 8th December 1967 May they rest in peace, Amen SIGNUM FIDEI 1 Signum Fidei Ħajja ta’ Xhieda u ta’ Fidi - NOVEMBRU 2017 - - S. Ġwann Battista De La Salle Familja Lasalljana Fundatur EJJEW NIFTAKRUFidi LI QEGĦDIN FIL- PREŻENZA QADDISA T’ALLA. EJJEW NADURAWH San Ġwann Battista de La Salle Intenzjoni tal-Papa għax-xahar ta’ Novembru: Evanġelizzazzjoni: L-Insara fl-Asja – Biex l-Insara fl-Asja, waqt li jagħtu xhieda tal-Vanġelu bil-kliem u fl- għemil, iġibu ’l quddiem id-djalogu, il-paċi u l-ftehim ma’ kulħadd, speċjalment dawk ta’ reliġjonijiet differenti. Dati importanti għax-xahar ta’ NOVEMBRU: 1 ta’ Novembru : Festa tal-Qaddisin kollha 2 ta’ Novembru : L-Għid tal-Erwieħ 5 ta’ Novembru : Quddiesa fiċ-ċimiterju tal-Addolorata b’suffraġju għall-Brothers u l-membri tal-familja Lasalljana, fl-10 ta’ filgħodu. 6 ta’ Novembru: Festa tal-Beati Brothers Martri ta’ Spanja 9 ta’ Novembru : Konsagrazzjoni tal-Bażilika tal-Lateran 16 ta’ Novembru : Festa tal-Beatu Bro. Aurelio Maria u sħabu martri 17 ta’ Novembru : Dedikazzjoni tal-Knisja ta’ S. Ġwann Bta. De la Salle 26 ta’ Novembru : Festa ta’ Kristu Sultan tal-Ħolqien Nota Importanti: Bejn nofsinhar tal-1 ta’ Novembru u l-jum tal-għada tista’ tinkiseb indul[enza plenarja b’suffraġju għall-mejtin. Biex tingħata din l-indulġenza jridu jiġu osservati xi punti: a) żjara f’xi knisja. b) reċità tal-Missierna, Kredu u talba għall-Papa. c) qrara u tqarbina. Bejn l-1 u t-8 ta’ Novembru tingħata indulġenza plenarja lil min imur fiċ-ċimiterju u jitlob għall-mejtin. Nota importanti: Din il-ħarġa ta’ Novembru issa hija aċċessibli minn fuq il-website http://signumfideimalta.wordpress.com 2 SIGNUM FIDEI L-Erbgħa, 1 ta’ Novembru Solennità tal-Qaddisin Kollha “Fl-isem tal-Missier li ħalaqni, tal-Iben li fdieni u tal-Ispirtu s-Santu li jqaddisni. Ammen.” Qari: 1. Apokalissi 7: 2-4,9-14 Rajt kotra kbira li ħadd ma jista’ jgħoddha. 2. Salm 23: 1-6 Dan huwa n-nisel ta’ dawk li jfittxu ’l wiċċek, Mulej. 3. 1Ġwanni 3: 1-3 Naraw ’l Alla kif inhu. 4. Mattew 5: 1-12a Ifirħu u thennew, għax ħlaskom kbir fis- smewwiet. SOLENNITÀ TAL-QADDISIN KOLLHA Permezz tal-festa tas-Solennità tal-Qaddisin kollha, il-Knisja tfakkar lil kull min jinsab fil-ġenna jgawdi għal dejjem ma’ Kristu, jiġifieri l-Madonna, l-anġli, u l- qaddisin l-oħra kollha, dawk kanonizzati u mhumiex, ta’ kull żmien u ta’ kull post. In-numru ta’ dawk li l-Knisja tirrikonoxxi uffiċjalment bħala qaddisin u tniżżel isimhom fl-hekk imsejjaħ Martiroloġju huwa biss ta’ ftit eluf. Imma bla dubju l-għadd ta’ dawk li wara mewthom diġà qed igawdu d-dehra ta’ Alla bilfors huwa numru li ma jingħaddx. Fil-qari li l-Knisja tagħżel għal-liturġija tal-lum, meħud mill-ktieb tal- Apokalissi ta’ San Ġwann Appostlu, naqraw: “… Wara dan ħarist, u ara, kien hemm kotra kbira li ħadd ma jista’ jgħoddha, minn kull ġens u tribù, minn kull poplu u lsien, weqfin quddiem it-tron t’Alla u l-Ħaruf, lebsin ilbiesi twal bojod u bil-friegħi tal-palm f’idejhom. Għollew leħenhom u bdew jgħidu: ‘Is-salvazzjoni nafuha lil Alla tagħna li qiegħed fuq it-tron, u lill-Ħaruf Ġesù” (7, 9-11). Riflessjoni mill-Papa Franġisku (1 ta’ Novembru 2016) Mal-Knisja kollha llum qed niċċelebraw is-solennità tal-Qaddisin Kollha. Hekk niftakru mhux biss f’dawk li ġew ipproklamati qaddisin matul l-istorja, imma anki f’tant minn ħutna li għexu l-ħajja Nisranija tagħhom fil-milja tal-fidi u tal-imħabba permezz ta’ ħajja sempliċi u moħbija. Bla dubju, fost dawn, hemm ħafna mill-qraba u l-ħbieb tagħna, u minn dawk li nafu. Għalhekk qed niċċelebraw il-festa tal-qdusija. Dik il-qdusija li, xi kultant, ma tidhirx f’opri kbar jew f’suċċessi straordinarji, imma li taf tgħix fedelment u ta’ kuljum dak li titlob il-Magħmudija. Qdusija magħmula minn imħabba lejn Alla u lejn l-aħwa. Imħabba fidila li tasal biex tinsa lilha nfisha u tingħata għalkollox lill-oħrajn, bħall- ħajja ta’ dawk l-ommijiet u dawk il-missirijiet li jissagrifikaw ħajjithom għall-familji tagħhom u jafu minn qalbhom jiċċaħħdu, imqar jekk dan ma jkunx dejjem faċli, minn tant ħwejjeġ, tant proġetti jew pjanijiet personali. Imma jekk hemm xi ħaġa li tikkaratterizza lill-qaddisin, din hi li huma tabilħaqq hienja. Skoprew is-sigriet tal-hena awtentiku, li jgħammar fil-qiegħ tar-ruħ u għandu l-għajn tiegħu fl-imħabba ta’ Alla. Għalhekk il-qaddisin huma msejħa henjin. Il-Beatitudnijiet huma t-triq tagħhom, id-destinazzjoni tagħhom, lejn is-Sema pajjiżhom. Il-Beatitudnijiet huma t-triqtal-ħajja li l-Mulej jurina, biex nistgħu nimxu SIGNUM FIDEI 3 fuq il-passi tiegħu. Fil-Vanġelu tal-lum, smajna kif Ġesù jipproklamahom quddiem ġemgħa kbira fuq muntanja qrib l-għadira tal-Galilija. Il-Beatitudnijiet huma l-profil ta’ Kristu u, konsegwentement, tan-Nisrani. Minnhom nixtieq insemmi waħda: “Henjin ta’ qalbhom ħelwa”. Ġesù jgħid hekk dwaru nnifsu: “Tgħallmu minni, għax jien ta’ qalb ħelwa u umli” (Mt 11:29). Dan hu r-ritratt spiritwali tiegħu u jikxfilna l-għana ta’ mħabbtu. Il-qalb ħelwa hi mod kif inkunu u ngħixu li jqarribna lejn Ġesù u jgħaqqadna miegħu; jgħinna nwarrbu għall- ġenb dak kollu li jifridna u jġellidna, u biex infittxu modi dejjem iktar ġodda kif nibqgħu mexjin ’il quddiem fit-triq tal-għaqda, kif għamlu wlied din l-art, fosthom Santa Marija Eliżabetta Hesselblad,ikkanonizzata dan l-aħħar, u Santa Briġida, Brigitta Vadstena, kompatruna tal-Ewropa. Dawn talbu u ħadmu biex jinsġu rabtiet ta’ għaqda u ta’ komunjoni bejn l-Insara. Sinjal elokwenti ħafna hu li propju hawn, f’pajjiżhom, ikkaratterizzat mill-konvivenza ta’ popli differenti ħafna minn xulxin, aħna qed infakkru flimkien il-ħames ċentinarju tar-Riforma. Il-qaddisin iġibu l-bidla grazzi għall-ħlewwa ta’ qalbhom. Biha nifhmu l-kobor ta’ Alla u nqimuh bis- sinċerità; u barra minn hekk dan hu l-atteġġjament ta’ min m’għandu xejn x’jitlef, għax l-għana waħdieni tiegħu hu Alla. Il-Beatitudnijiet huma b’xi mod il-karta tal-identità tan-Nisrani, li tidentifikah bħala dixxiplu ta’ Ġesù. Aħna msejħin inkunu henjin, dixxipli ta’ Ġesù, u naffrontaw it-tbatija u l-uġigħ ta’ żmienna bl-istess spirtu u mħabba ta’ Ġesù. F’dan is-sens, nistgħu nsemmu sitwazzjonijiet ġodda biex ngħixuhom bi spirtu mġedded u dejjem attwali: henjin dawk li jġarrbu bil-fidi l-ħażen li oħrajn iġibu fuqhom u jaħfru mill- qalb; henjin dawk li jħarsu f’għajnejn min hu mwarrab u juruh li huma qrib tiegħu; henjin dawk li jagħrfu lil Alla f’kull persuna u jissieltu biex oħrajn ukoll jiskopruh fiha; henjin dawk li jħarsu u jikkuraw id-dar komuni tagħna; henjin dawk li jiċċaħħdu milli jkunu sew huma għall-ġid tal-oħrajn; henjin dawk li jitolbu u jaħdmu għall-komunjoni sħiħa tal-Insara… Dawk kollha jġorru f’ħoġorhom il-ħniena u l-ħlewwa ta’ Alla, u żgur għad jirċievu minnu l-ħlas mistħoqq. Għeżież ħuti, is-sejħa għall-qdusija hi għal kulħadd u jeħtieġ nilqgħuha mingħand il-Mulej bi spirtu ta’ fidi. Il-qaddisin jagħmlulna l-qalb b’ħajjithom u bl- interċessjoni tagħhom quddiem Alla, u aħna għandna bżonn ta’ xulxin biex insiru qaddisin. Ngħinu lil xulxin insiru qaddisin! Flimkien nitolbu l-grazzja li nilqgħu bil- ferħ din is-sejħa u naħdmu flimkien biex inwassluha sat-tmiem. Lil Ommna tas- Sema, Sultana tal-Qaddisin kollha, nafdawlha l-intenzjonijiet u d-djalogu tagħna għat-tiftix tal-komunjoni sħiħa tal-Insara kollha, biex inkunu mbierka fl-isforzi tagħna u nilħqu l-qdusija fl-għaqda. Meditazzjoni ta’ San Ġwann Battista De La Salle: Med. 183, silta mill-1 punt What a joy for the saints to be made like God through participation in his nature and in his divine perfections! There God is truly in the saints by a holy sharing in his greatness, and the saints are in God, because their entire being is penetrated by God, so that they can think of and love only God. Today, pay homage to the saints, but let it be in God, because it is in him that you find them all. Admire how great is the happiness they enjoy in heaven, how wonderful is the glory they receive, and beg them to obtain from God for you the grace to share in their glory after your death. 4 SIGNUM FIDEI TALBA O Alla, qawwi u etern, li xgħelt dik il-fjamma ta’ mħabba fil-qalb tal-qaddisin, agħmel li aħna jkollna wkoll dik l-istess fidi u qawwa ta’ mħabba li kellhom huma, u waqt li nifirħu bir-rebħa li kisbu agħmel li aħna nimxu fuq l-eżempju tagħhom, bi Kristu sidna, Ammen.