Annemor Ekeland (PDF, 45KB)
Total Page：16
File Type：pdf, Size：1020Kb
Frå Annemor Ekeland, Klubbavikjo 32 A 5451 Valen i Kvinnherad. Til Olje- og Energidepartementet, Postboks 5091, Majorstua, 0301 OSLO HØYRINGSSVAR TIL SAMLA PLAN. Eg vil på det sterkaste kreve at Kvinnherad vert teken ut av Samla plan, å grunna det i: Eit samrøystes Formannskap sa NEI til Samla plan 15.08.19. Eit samrøystes kommunestyre sa 29.08.19 på same måte NEI til Samla plan. Det er stor folkeleg motstand mot vindindustri i Kvinnherad. «Nei til vindmøller i Kvinnherad» har pr. 10.9.19 heile 4687 aktive medlemmer. Det er om lag 13000 innbyggarar i kommunen. Det var stort frammøte både på «Turmarsj for naturen, og ikkje minst på Folkemøtet 28. mai-19. I ei meiningsmåling, utført av Norfakta, sa heile 74% nei til vindkraft i Kvinnherad kommune på eit tidleg stadie. Mostanden har auka monarleg. Lokalavisene har våre fulle av oppslag og lesarbrev om motstanden i kommunen. Eg legg ved berre nokre få av dei. Samtlige parti gjekk til val no i haust med nei til vindkraft i Kvinnherad. Her vil ingen utbyggar bli helsa velkommen! Kvinnherad er ein vasskraftskommune I Kvinnherad kommune er om lag 90 % av vassdraga våre alt utbygde. Me produserer heile 3 % at den energien som produserast, og leverast i Noreg. Dette har førd med seg store «avtrykk» i naturen i form at store dammanlegg, kraftstasjonar, røyrgater, trafostasjonar og linjenett over heile kommunen. NVE har nyleg gitt konsesjon til Sunnhordland kraftlag til det Onarheim kraftverk i Husnesfjella/Hellandselva. Dette er straks nedafor der NVE har peika ut eit område som godt egna for vindmøller. I tillegg til dette kjem ei rekke andre bygde, og planlagde småkraftverk i kommunen. Med dette har me teke vår belastning, og våre naturinngrep for felleskapet, å vel så det. Det som er att av rørt og urørt natur vil me behalda sjølve! Kvinnherad er ein turist og reiselivskommune. Kvinnherad ligg i innløpet av Hardangerfjorden, og er ein svært vakker kommune. Me har difor i alle år trekt til oss turistar og besøkande frå inn, og utland som ynskjer å bruka fjella våre, og kulturlandskapet. I kommunen er det ei rekke hotel, pensjonat, campingplassar, og båthamner som tek imot tusenvis av besøkande kvart år. Det er mange utleigehytter i kommunen som er svært populære, spesielt av tyske turistar. Det er og etablert fleire «Eventselskap» som tilbyr guiding i fjellheimen. For dei er det å koma så tett på det vakre landskapet ei oppleving. Ei veksande næring er cruiseskip til kommunen. Dette har styrka reiselivet og inntekter til kommunen. Storparten av Folgefonna, Noregs tredje største isbre ligg i Kvinnherad kommune. Det same gjeld Folgefonna nasjonalpark. Folgefonnsenteret ligg i Rosendal, og vart opna så seint som 2.mai 2017 av statsminister Erna Solberg. Senteret har fokus på fjell, natur, is, dyreliv - og det som er att av urøyrd natur. I Uskedalen, eit av områda NVE har peika ut som godt egna, er det no etablert eit svært positivt fjellklatrarmiljø – og senter. Både folk frå bygda, kommunen og dei tilreisande har stor glede av det eineståande terrenget – som er skapt for fjellklatring. Senteret har nett fått løyve på 2.millionar frå ei stifting til Norges største klatretårn. Vert det vindmøller i fjella kring, (Mannen, Solfjell og Ulvanosa) kan ein berre gløyma alt som heiter fjellklatring og turisme i bygda. Norges største hjortestamme. I Kvinnherad har me landets største hjortestamme, noko som gir både matauk og inntekter til bønder og dei lokale grunneigarane. Dette i tillegg til gleda med å ta vare på gamle jakttradisjonar, og bearbeiding av kjøt til mat. Dette er noko som også gir byfolk gode naturopplevingar. Hjortedyra er svært vare for støy og det er vitenskapelig bevist av hjorten trekker vekk frå områder med vindmøller grunna støy og vedvarande raude blinkande lys. (hjort er nattedyr) Det vil bli eit stort tap for kommunen om hjorten finne andre beite- og leveområder, og bønder og grunneigarar mister inntekter og matauk. Jakt, og fiske. I tillegg til nemnte hjortejakt er det også småviltjakt, og jakt på ryper i kvinnheradsfjella. Dette i tillegg til fiske i elvar og i vatn på fjella. Dette er svært populært, mellom anna av skuleelevar som på den måten lærer å nytta naturen. I Kvinnheradsfjella er det; Kongeørn, Havørn, og hubro. (spesielt i Uskedalen) Det er; Tiur. Orrfugl. Ryper. Haukugle. Musevåk. Fjellvåk. Snøspurv, og ulike trosteartar. Snøugle er og observert. Det er falk, og grågås som trekker over Svaneheia, Husnesfjella. Dei siste 10-15 åra har det vore flokkar med svaner i Kvinnherad, både vinter og om somrane. Eit rikt fugleliv med andre ord som ikkje må råkast! Landbruk og beite. Kvinnherad er ein landbrukskommune, ein av dei største i Hordaland arealmessig, men med heller små gardar. Ein er då avhengig av å kunne sleppa dyra ut på utmarks-/og fjellbeite for å skaffa nok mat. Det er mange unge som driv gardar i Kvinnherad, og optimismen er stor. Ei bandlegging av beiteområder til «vindindustri» vil føra med seg redusering av buskapen, og gje tap av inntekstgrunnlaget til bøndene, og matproduksjonen i kommunen. Dei er fleire småskala produksjonsanlegg for mat i kommunen, mellom anna den landskjente «Sundepølsa». Gardsturisme og «inn på tunet» er eit av satsningsområda i Kvinnherad. Tur- og rekreasjonsområder. Kvinnheradsfjell er mykje brukt som tur – og rekreasjon for dei som bur i kommunen, og for tilreisande. Bøker lagt ut på sentrale punkt på fjelltoppar, viser stor aktivitet – sumar som vinter. Det er to store skianlegg i kommunen, eitt med skitrekk. Eit skianlegg i Blådalsområdet, som grensar til Ingahogg, og eit i Tveitedalen som grensar til Englafjell og Ulvenåsa – begge er med i framlegget til NVE. Det vert ofte arrangert konkurransar, turløp, og fellesturar i skianlegga. På Husnes, der NVE har peika ut Husnesfjella som godt egna, har Norsk Hydro ein stor aluminiumafabrikk. Den vart plassert midt i den vakre bygda, tidleg på 60.talet. Området er difor meir enn nok belasta med det store industrianlegget. Dei tilsette på fabrikken er storbrukarar av fjella, naturlig nok – og har eigne turløp. Hytter i fjellet. Entusiastar har gjennom fleire år bygd opp att, og rehabelitert gamle hytter og sel i Kvinnheradsfjella. Desse er opne for almenta, og er mykje brukte. Her vert mellom anna born og unge tilbydd båtar og garn fritt til nytte og lære, der hyttene ligg til vatn. På Folgefonna har Bergen og Hordaland turlag hytta si ; Fonnabu, som er open for alle. Typografien er høge fjell og svaberg. Kvinnherad sin typografi er ulik mange andre stadar. Me har ei smal «landlinje, med innskorne dalar og høge fjell, meir som ein «berg og dalbane». Her er lite sletter, anna enn i dalane der det vert dreve med aktivt jordbruk. Skal ein etablere vindindustri i dette terrenget vil det føra med seg store, kostbare og skjemmande skjeringar for veg, sprenging av fjell og rasering av natur – og kulturlandskap. Det er heilt uakseptabelt. Verna bygg, og fornminner. I Kvinnherad har me Baroniet Rosendal, bygd i 1664 som trekker til seg svært mange besøkande til kommunen - frå inn og utland. Baroniet Rosendal har mange arbeidsplassar, og marknadsfører kommunen på ein svært god måte. Baroniet marknadsfører seg med med fjell, elvar og urørd natur, i tillegg til den vakre hagen og slottet. Her er det konsertar – ute og inne gjennom heile sesongen med nasjonale – og internasjonale artistar. I Kvinnherad har me og Halsnøy Kloster, bygd i 1163-64 ordra av jarl Erling Skakke. Klosteret, klosterhagen, gravhaugane, og andre freda fornminner er under Riksantikvaren sitt ruinprosjekt og er inne i ei større rehabilitering. Det er ofte konsertar og seminar i klosteret, både inne og ute. Støy frå vindmøller, plassert i området Klosterneset, er heilt uforenelig med statusen til klosteret, i tillegg til det visuelle. Vindmøller i området vil totalt endra inntrykket, og opplevinga av det vakre klosteret. Den verna prestegarden, Fjelberg prestegard med 11. historiske bygningar er eit av mange historiske bygg i kommunen. Den fyrste kyrkja vart bygd på 1200 talet. Bygningane og kyrkja vart verna i 1982. Prestegarden tek imot kunstnarar, forfattarar og andre som ynskjer lengre opphald. Ein eventuell «vindmøllepark» på Borgundøy, tvers over vågen, vil totalt øydelegge for den ro – og fred som besøkande på prestegardstunet søkjer. Fjellbergøyane har vore prega av fråflytting, men ei planlagd bruløysing opnar for optimisme. Båtturisme om sommaren, og besøk på prestegarden gjere sitt til at dei 85 innbyggarane framleis kan halda ope den eine butikken som er att. Vindmøller på toppen av Borgundøy og på Tofteåsen vil skreme båtturistane og andre turistar bort frå øyane grunna støy, lys og generell visuel påverknad. Då døyr øya. Rehabelitering av alt utbygde vasskraftverk og andre energikjelder. I bygda Matre i Kvinnherad, der det frå før er mange vasskraftanlegg, er det no under planlegging eit større anlegg for Hydrogenproduksjon. Dette er eit samarbeidsprosjekt mellom Sunnhordland kraft (SKL) Haugaland kraft og BKK Det vil kunna føra med seg mange gode arbeidsplassar som kan godskrivast det grøne skiftet. Dette saman med all anna kraftproduksjon i Kvinnherad kommune, gjere til at me har og vil halda fram med å ta vår samfunnsoppgåve når det gjelde kraftproduksjon. I ei utgreiing kjeme det fram at Kvinnherad dessutan er godt egna for solenergi. I kommunen er dets stor stemning for rehabelitering og moderniseringa av alle kraftanlegg me har. Noko vindmøller/industri skal me ikkje ha i kommunen vår! Valen, 10.09.19 Helsing Annemor Ekeland. .