La Variedá Llingüística Nos Libros De Los Expósitos Del Real Hospiciu De La Ciudá D’Uviéu (Ss.XVIII-XIX)
Total Page：16
File Type：pdf, Size：1020Kb
Universidad de Oviedo Universidá d’Uviéu University of Oviedo Centru Internacional de Posgráu Claudia Elena Menéndez Fernández La variedá llingüística nos Libros de los Expósitos del Real Hospiciu de la ciudá d’Uviéu (ss.XVIII-XIX) Trabayu Fin de Máster dirixíu polos Drs. Ana María Cano González y Álvaro Arias Cabal Máster Universitario Internacional en Lengua Española y Lingüística Cursu 2017/18 Claudia Elena Menéndez Fernández La variedá llingüística nos Libros de los Expósitos del Real Hospiciu de la ciudá d’Uviéu (ss.XVIII-XIX) ÍNDIZ 1. Introducción: ......................................................................................................................... 5 2. Considerances previes y metodoloxía de trabayu ............................................................... 10 3. Estudiu de la variación llingüística nos Libros de los Expósitos ............................................. 14 3.1 Asturianu ........................................................................................................................... 14 3.1.1 El sustantivu ............................................................................................................... 14 3.1.2 L’axetivu .................................................................................................................... 31 3.1.3 El pronome ................................................................................................................. 38 3.1.4 El verbu ...................................................................................................................... 42 3.1.5 L’alverbiu: .................................................................................................................. 50 3.1.6 La preposición ............................................................................................................ 51 3.1.7 La onomástica: antroponimia y toponimia ................................................................. 52 3.2 Otres llingües: ................................................................................................................... 80 3.2.1 Catalán ........................................................................................................................ 80 3.2.2 Euskera ....................................................................................................................... 80 3.2.3 Llatín .......................................................................................................................... 82 4. Conclusiones ........................................................................................................................... 83 5. Bibliografía ............................................................................................................................. 85 4 1. Introducción1: Nesti trabayu va facese un estudiu de la variedá llingüística y del contactu de llingües –sobremanera asturianu y castellán- al traviés de los estremaos trazos llingüísticos que puen reconocese nos Libros de los Expósitos del antiguu Real Hospiciu de la ciudá d’Uviéu, calteníos nel Archivu Históricu d’Asturies. El grave problema del abandonu de neños («expósitos» o fayonos2) entama a preocupar abondo nel sieglu XVIII, momentu nel que’l númberu d’abandonos algama cifres insostenibles no que ye una situación bastante común en toa Europa (ANES 2000:16). Preba d’esti mayor esmolecimientu ye l’aumentu de trataos y escritos de toa mena que, fundamentalmente concebíos por persones ilustraes, diben empobinaos a denunciar esta situación y proponer dalgún remediu. Ente los numberosos trataos que s’escriben nestos años de finales del sieglu XVIII y entamos del sieglu XIX destaquen dellos como: Discurso político sobre la importancia y necesidad de los Hospicios, Casas de Expósitos y Hospitales que tienen todos los Estados y particularmente España (MURCIA 1798); Discurso sobre que los niños expósitos consigan en las inclusas el fin de estos establecimientos y si convendrá sustituir otros donde los hijos de padres desconocidos sean socorridos haciéndolos útiles al Estado (TRESPALACIOS Y MIER 1798); Disertación sobre la muchedumbre de niños que mueren en la infancia y modo de remediarla y procurar en sus cuerpos la conformidad de sus miembros, su robustez, agilidad y fuerza competentes (ARTETA DE MONTESEGURO 1802), etc. La realidá a la que s’enfrentaben los neños «expósitos», de los que llegó a creyese que pol meru fechu de ser illexítimos –y, poro, moralmente menos aceptables- yá yeren más proclives a la muerte (ANES 2000: 16), yera bien dura y cruel, como asina dan cuenta estos autores nes sos obres: «Aunque los caudales públicos hayan costeado la conducción desde el pueblo, donde se han hallado las criaturas, hasta la capital, esta ordinariamente, ha sido de un modo inhumano, y llevándolas a sus espaldas algún hombre en alforjas, o en un corbo, o cesto, sin lactarse en el camino, sino por alguna casualidad, y muy poco; yendo sumergidas en sus propias inmundicias, y en sus lágrimas, de modo que casi todas han muerto, y era preciso que muriesen. Tan infelices peregrinaciones no han sido ni son de unas cortas distancias, sino de treinta y más leguas (...) bastando sólo esto para quitar la vida a los expósitos» (MURCIA 1798: 66-67). «Ellos no son admitidos en los Colegios, Órdenes religiosas, ni aún en las Cofradías, y ha llegado el caso de resistirse a admitirlos en sus pupilajes los maestros particulares y ciertas Religiones en los suyos, que no teniendo estatuto que lo prohiba, exigen hoy fees de bautismo para evadirse de la necesidad de admitirlos (...) ¿cómo es posible, se me dirá, suceda esto después de una ley3 que 1 Quixere agradecer fonderamente al Archivu Históricu d’Asturies y a los sos trabayadores, Concha, Ángel, Valentín, Juan, Cristina, Tere, etc. la disposición y facilidaes ufríes pa la consulta y estudiu de los materiales inxertos nel so fondu documental. 2 DALLA: fayón, el: sust. 4 Neñu [que se cría nun hospiciu]. 3 Refierse a la Real Cédula de Carlos IV del 20 de xineru de 1794, pola que pasaron a considerase llexítimos los neños «expósitos». 5 los declara legítimo para todos los efectos civiles, que declara asimismo, que no debe servir de nota de infamia la qualidad de Expósito?» (TRESPALACIOS Y MIER 1798: 18-22). Nel casu concretu asturianu, yá yera un vezu bastante común colos «expósitos» a mediaos del sieglu XVIII nos distintos conceyos del país «depositarlos en las Iglesias o Capillas, dexandolos a la inclemencia y hallados por los Curas, o por la Justicia» (GIL DE JAZ 1752: 19). La miseria económica y la illexitimidá fueron les dos causes principales d’esposición de los neños. Una gran mayoría de los neños que s’abandonaben yeren illexítimos, anque tamién hai que tener en cuenta que la condición d’illexitimidá solía dir de la mano de la condición de probe de la ma. De toles maneres, nun se pue obviar que n’ocasiones dellos fíos illexítimos que proveníen de families privilexaes, y por tanto dependíen menos de la situación económica, tamién yeren abandonaos col envís de caltener l’honor de la familia. Estes dos razones, la de la miseria y la de la illexitimidá –cola cuestión moral qu’ello llevaba apareyao-, apaecen esgrimíes davezu nes cédules que solíen portar los neños abandonaos nel tornu del Hospiciu, baste d’exemplu: «Soy hijo de padres solteros, engendrado en el pecado, y por eso voi buscando de el Hospicio los favores (...)» (f-74, AHA-14001); «estte muchacho nacio el dia 29 de junio de 1789 y se bauttizo solegnemente el dia 30 de dicho mes y se llamo Pedro Bentura, es hijo de buenos padres y por la fragilidad umana y no causar escandalo lo remittieron a este real hospicio de oviedo para que se crie...» (f-182, AHA-14014)4; «bautizado bengo, me llamo Manuel Antonio, hijo de mozos solteros, no me pueden criar por el incombeniente que ay. Guarde vmd esa cedula en el libro» (f-357, AHA-14017); o «este niño se llama Juan Antonio, que sus padres se ben en la dura necesidad de traerle aquí, porque avsolutamente no pueden ni tienen con que mantenerlo» (f-141, AHA-14018). Frutu de los nuevos modelos de beneficencia defendíos polos ilustraos, van proliferar na segunda metá del sieglu XVIII les fundaciones d’hospicios y hospitales que diben acoyer a les persones más necesitaes y marxinales de la sociedá pa facer d’elles seres útiles y provechosos (ANES 2000: 30). La idea del ser útil a la sociedá yera una de les que más esmolecía a les mentes ilustraes; l’acoyida de neños fayonos nesos hospicios y hospitales nun respondía solo, entós, a la simple caridá convencional, sinón tamién al ideal ilustráu de formar y educar «mano de obra cualificada que permitiese el desarrollo de las artes, los oficios y la industria, que exigía, a su vez, la modernización de España» (FAJARDO NEGRÍN 2013: 113); poro, nestos hospicios prevíase qu’a la vuelta de los neños a la institución depués d’unos primeros años de crianza con nutricios esternos había que- yos dar una educación elemental y aprende-yos un oficiu. Énte la necesidá urxente de dar respuesta a esti fenómenu del abandonu de neños naz n’Uviéu en 1752 el Real Hospicio, pola mor del tesón del daquella rexente na Real Audiencia, don Isidoro Gil de Jaz, ya ideólogu fundamental d’esta obra. La nueva institución hospiciana diba tener como ún de los sos fiensos la recoyida, el rexistru y la crianza de los neños «expósitos», como asina 4 D’equí n’adelantre, les referencies de la documentación cola que vamos trabayar, esto ye, los Libros de los Expósitos, van indicase asina: númberu de foliu