Villreinnemnda for Nordfjella, Fjellheimen og Raudafjell

MØTEBOK Haustmøte 2020 Styre, råd, utval Møtestad Møtedato Frå – til Villreinnemnda for Nordfjella, nettmøte på Fjellheimen og Raudafjell Teams 10.11.2020 kl 13.00 - 16.00

Til stades på møtet Medlemmer og vara villreinnemnda: Medl: Terje Terum, , Ragnhild Kvernberg, Hemsedal, Runar Tufto, Hol, Per-Are Halstensgård, , Olav J Bøtun, , Morten G. Samskott, , Petter Sortland, Høyanger, Linda Neset, , , Vara: Olav Grøttebø, Lærdal, Ola Dusegard Kristensen, Ål

Andre: Siri W. Bøthun, sekretær (ref.) Hermund Mjelstad, Fylkesmannen i , Håkon Øydvin, sekretær Raudafjell villreinutval, Harald Skjerdal, sekretær Villreinutvalet for Nordfjella, Sigmund Tveitehagen, leiar villreinutvalet for Nordfjella, Hildegunn Muggås, leiar Fjellheimen villreinutval

Fråfall Medl: Gunhild Damstuen, Lærdal, Inger Helene Lervåg, Ål, Caroline Myster, , SveinunbgTyssen Bergo, vara Vaksdal Raudafjell villreinutval: Odd Ohnstad, leiar Fjellheim en villreinutval: Einar Magne Jordalen, sekretæ

Handsama saker Sak H-20-1 - H-20-9. Saksnummer 10 og 11 vart utsett, og vert handsama elektronisk.

Underskrift Det er motteke elektronisk godkjenning frå møtedeltakarane gjennom e-post som bekreftar at sidene i møteboka er ført i samsvar med det som blei bestemt på møtet. For medlemmane:

sekretær

Vedlegg vedlegg: - Vedlegg sak H-20-3 Økonomistatus pr. november 2020

- Vedlegg sak V-20-9 Vedteke brev

Utskrifter Utskrift sendt til: Nemndmedlemmar og vara i villreinnemnda Nordfjella, Fjellheimen og Raudafjell, Fylkesmannen i Vestland, Fylkesmannen i Viken, Villreinutvalet for Nordfjella, Fjellheimen villreinutval, Raudafjell villreinutval, Norsk Villreinsenter sør, Verneområdestyret for Nærøyfjordområdet, Verneområdestyret for Stølsheimen, Verneområdestyret for Hallingskarvet, villrein.no, Miljødirektoratet, Mattillsynet, Kommunane Aurland, Lærdal, Ulvik, Voss, Ål, Hol, Hemsedal, Vik, Vaksdal, Modalen, Høyanger, CWD-koordinator for Nordfjellakommunane.

Sekretariatsadresse: Naturforvaltning AS Fresvikvegen 995, 6896 Fresvik [email protected] / 975 14 784

Villreinnemnda for Nordfjella, Fjellheimen og Raudafjell

Det vart halde haustmøte i villreinnemnda for Nordfjella, Fjellheimen og Raudafjell 10. november 2020. På grunn av svak økonomi, og av omsyn til smittefare for korona, vart møtet halde digitalt, på Teams.

Leiar, Runar Tufto ynskte velkomen, og orienterte litt om møtet og dagsorden.

H-20-1 Val av møteleiar Runar Tufto vart vald til møteleiar.

H-20- 2 Godkjenning av innkalling og dagsorden Dagsorden og innkalling vart godkjend.

H-20-3 Økonomien i villreinnemnda Oversyn over økonomien i nemnda vart gjennomgått. Nemnda tok orienteringa til vitande, men ynskte fylgjande ført opp i møteboka: • Fylkesmannen orienterte om at det ikkje var råd å få ekstramidlar frå Miljødirektoratet til meirarbeidet i 2020, knytt til den nye oppdaginga av CWD. • Villreinnemnda er underfinansiert i høve til det arbeidet me har fått ansvaret for å utføre. Ikkje minst har nemnda fått ansvaret for Raudafjell, som eit 3. villreinområde i tillegg til dei opphavlege 2 områda til nemnda, utan at det har ført med ekstra midlar.

H-20-4 Orienteringar Orienteringssakene vart gått gjennom etter ei liste synt i ein Power-Point presentasjon. Tema CWD og tema som kjem fram av andre haustmøtesaker vart utelete i gjennomgangen. Gjennomførte og pågåande uttale-saker vart raskt summert opp i presentasjonen ved ei opplisting av sakstitlane, ordna etter saksnummer i mappestruktur. Orienteringar om generelle saker: • Kvalitetsnorm for villrein: Kunnskapsoppdatering er sett i gong • Lavmåling • Kursing i strukturteljing, innsamling av kalvevekter • Arbeid med tema menneskeleg påverking, fokusområde • Arbeid med revisjonar av konsesjonsvilkår for kraftutbygging • Møte med OED om Hemsil- og Holsrevisjonen • Møte med KLD i regi av NJFF og Villreinrådet • Om forskingsprosjektet Renewable Reindeer https://www.youtube.com/watch?v=3wf9dBCjhfk • I rapporteringsfase • Tiltak i to fokusområde frå Nordfjella er kjørt i simuleringsmodellen • Nordfjellarådet • Konstituert i nettmøte, fysisk møte vart avlyst av korona-omsyn • Ny handlingsplan handsama i Nordfjellarådet • GPS-merkeprosjektet Hardangervidda og Nordfjella • Miljødirektoratet har teke over merkinga i Nordfjella, som forvaltingsmerking • Forskingsmessig hovudfokus i prosjektet har vore ferdsel på Hardangervidda • Fellesmøte er skjøve på av korona-omsyn • Nytt forskingsprosjekt om utmarskforvalting er sett i gong, Nordfjella er eit av undersøkingsområda. Regi: Ruralis. fleire samarbeidspartnarar, m.a. Telemarksforsking • Kartlegging av lavbeiter i Fjellheimen – feltarbeid gjennomført i haust • Vert ein del av kartleggingsprosjektet for lavbeite i samband med Miljøkvalitetsnormen, v. NINA • Villreinnemnda involvert i dialogmøte om tilrettelegging i Jordalen for turar til Bakkanosi • Alle dei tre villreinområda har eigne Facebookside. • Arbeid i Rallarvegrådet • Arbeid i Rådgjevande utval for verneområdestyre

Sekretariatsadresse: Sogn Naturforvaltning AS Fresvikvegen 995, 6896 Fresvik [email protected] / 975 14 784

Villreinnemnda for Nordfjella, Fjellheimen og Raudafjell

• Stølsheimen • Nærøyfjordområdet • Hallingskarvet (har ikkje vore aktivt siste år)

H-20- 5: Status for Fjellheimen Hildegunn Muggås orienterte frå villreinutvalet. Siri Bøthun orienterte om arbeid med lavkartlegging i villreinområdet. Feltarbeidet ein del av eit forskingsprosjekt for nasjonal kartlegging med satellitt, som eit kunnskapsgrunnlag for kvalitetsnormen for villrein.

Det er berre jakta på Volaflokken, samt eitt dyr frå Kringsdalsområdet i år. Delstamma på Vikafjellet vart freda, då ein i løpet av vinteren og våren ikkje kunne fine meir enn drøyt 200 dyr. Målet for delbestanden er 350 dyr. Villreinutvalet trur ein vil trenge å frede delbestanden nokre år framover. Av utdelte løyver for jakt er alle kort nytta og felt på. Kalvevektene er gode (men lite datasett), og kondisjonen verkar god. Vikafjellsdyra ser og fine ut.

Ein har ikkje fått gjennomført flyteljing pga. korona-restriksjonar. Ein har ikkje formelle kalve- og strukturteljingar, men det er gjort gode observasjonar og teke foto som er talde opp. Det er tald 57 kalv i ein flokk på 202 dyr, dvs. 0,43 kalv pr. S/U i Vikafjellsområdet. Det er og teke foto av flokk under brunsten, med 160 dyr i flokken, dette er ikkje ferdig tald opp.

Pga. låg jegeraktivitet er det få oppsynsdagar, anslagsvis er det nytta 5-6 oppsynsdagar (frå SNO, politiet (1 mann), villreinutvalet (2 mann)). Ei hending vart fylgd opp.

Merknad til slaktevektene: for bukken er det sett vektgrense på 60 kg. for å ta vare på storbukken. Det forklarar eit lågt snitt på bukkevektene.

Ein kan ikkje forstå kvifor delbestanden i Kringsdalsområdet ikkje veks. Det er god kalveproduksjon og store kalvar mest kvart år her. Utvandring kan være ei forklaring.

H-20- 6: Status for Raudafjell Håkon Øydvin orienterte frå villreinutvalet.

I 2020 har me hatt villreinområdet si første ordinære jakt. Det er felt 6 vaksne bukkar, av 10 fridyrskort. I tillegg er det felt 4 bukk på kort frå Hardangervidda (valdet på Broksfjellet) som samjakt. Moglegheita for samjakt på tvers av områdegrensene var gjort mogleg av Miljødirektoratet (mrk.: etter søknad, send inn i fellesskap av dei to nemndene på oppmoding frå Raudafjell villreinutval).

Ein hadde god oversikt over dyra før jakt. Tald 71 dyr, av desse 19 kalv i fostringsflokk. Det var 5 bukk merkte i Nordfjella inne i området, i alt talde ein 43 bukk i reine bukkeflokkar.

Det vart gjennomført strukturteljing av ein flokk på 80 dyr, slik:

Villreinutvalet hadde ikkje aktivt jaktoppsyn i området. Det vart nytta helikopter til å transportere ut 5 dyr, som eit samarbeid innunder ordninga med utflyging av hjort for å auke uttaket (CWD-tiltak).

Sekretariatsadresse: Sogn Naturforvaltning AS Fresvikvegen 995, 6896 Fresvik [email protected] / 975 14 784

Villreinnemnda for Nordfjella, Fjellheimen og Raudafjell

H-20- 7: Status for Nordfjella Sigmund Tveitehagen orienterte frå jakta og generelt om dyreflokken. Harald Skjerdal la fram fellingsresultatet med slaktevekter og samjakt, samt resultat frå teljingar. Håkon Øydvin oppsummerte oppsynsrapporten.

Det er ikkje observert rein i sone 1 gjennom sommaren og hausten.

Oppsynet hadde tilgang på GPS-posisjonar under jakta. Desse vart ikkje opplyste direkte til jegerane, men nytta av oppsynet til å finne flokkane. Det vart rapportert til jegerar gjennom facebook om flokkar funne ute i felt.

Hovudflokken trekte tidleg i jakta (etter 5 dagar) sørover og kryssa jernbanen. Etter nokre dagar kom dei attende, og var i Nordfjella i ei veke. Frå 5. september og ut jakta sto dei sør for jernbana att. Hovudtyngda av bukk sto i Raudafjell under jakta, dei kom inn i Nordfjella 22. september, dvs. etter avslutta jakt.

Det er gjennomført minimumsteljing, kalveteljing og strukturteljing. Det er tald 435 dyr. Ein hadde 110 kalv. Ein reknar med ei lita nedgang i bestanden totalt sett. Ved strukturteljing vart det tald i alt 307 dyr, dette er ein stor del av flokken ( ¾) og lyt reknast som ei god strukturteljing. Storbukkandelen er gått ytterlegare ned, til 4,2%. 1,5 års bukk og 2,5 års bukk har normale delar med 7,5% kvar. Det er normal del kalv (22%), men det vart skote mindre kalv enn vanleg. Simleandelen var 57,7%. Merknad: I Kvalitetsnormen for villrein skal raud varsellampe byrje å lyse på 0,20 storbukk pr. simle. I Nordfjella er det no 0,07 storbukk pr. simle etter desse tala.

Kalvevektene var låge. Det var og låg snittvekt på bukk, dette har samanheng med overvekt av ungbukk i uttaket då det var lite storbukk.

Det vart felt 70 dyr på kort utstedt for Nordfjella, likevel vart det felt 100 dyr frå bestanden inkl. Raudafjell, med jakt i nordleg del av Hardangervidda og i Raudafjell. Fellingsprosenten for Nordfjella vart uvanleg låg (28%).

Oppsynet opplever godt samarbeid på tvers av områdegrensene for villreinområda.

H-20- 8: Handtering av ny CWD-smitte Saka vart innleia ved ein gjennomgang av hendingar nemnda har vore involvert i eller er vorte direkte orientert om, frå oppdaginga av smitte på Hardangervidda vart kunngjort, og fram til no. Det kom fram i møtet at oversikten mangla oppdateringa av soneforskrifta, som vart gjennomført allereie 16. september. Då vart Hardangervidda ført opp som eigen CWD-sone. Dette er lagt til i oversikten i etterkant.

Villreinutvala fekk ordet, etter denne gjennomgangen, for å gje nokre synspunkt.

Handsaming: Det var mindre tid til rådevelde enn ynskjeleg. Spørsmålet om me, med dagens situasjon, budre avvente og nedprioritere innsatsen retta mot reetableringsplan, og spørsmål om stammene sine tolegrenser i høve storleik og struktur, vart prioriterte som tema. Det kom og nokre innspel i høve arbeid for meir kunnskap, samarbeid vart ikkje diskutert. Alle er spente på tilrådingane frå VKM- panelet, fleire var pessimistiske på vegne av villreinstammene, mykje i lys av tilrådingane VI ga Mattilsynet i brevet av 16. oktober.

Konklusjonar: Drøftingspunkt a, om å auke kunnskapsnivået:

Sekretariatsadresse: Sogn Naturforvaltning AS Fresvikvegen 995, 6896 Fresvik [email protected] / 975 14 784

Villreinnemnda for Nordfjella, Fjellheimen og Raudafjell

• Me bør stille spørsmålsteikn ved nedjusteringa i berekninga av sannsynet for smitte, der ein har endra sannsynet for fråvær av smitte i 2015 frå 50% til 25%. • Me må halde fram med å etterspørje analyseresultat som kan fortelje om ein har miljøsmitte i sone 1 eller ei. Drøftingspunkt b, om forvalting av villreinstamma: • Stammestorleiken, der ein kan sjå Nordfjella og Raudafjell som ei overordna populasjon med to delstammer, er no om lag på det som er grensa for å oppretthalde genetisk mangfald over tid jfr. kvalitetsnormen for villrein (kring 500 dyr i vinterbestand). Me bør unngå vesentleg stammereduksjon (merknad: – smitteoppdagingsmodellen, sist oppdatert i vår, legg opp til stabil stammestorleik og noko auke i stamma utover i modellperioden). • Delstamma i Raudafjell er særs sårbar. Det er no om lag 80 vinterdyr her. Ei så lita stamme er særleg utsett ved tilfeldige hendingar. Stamma må ikkje reduserast. • Storbukkandelen i Nordfjella er no kritisk låg, den må ikkje seinkast. Drøftingspunkt c, om reetablering: • Villreinnemnda må halde fokuset på reetablering oppe.

H-20- 9: Om overvaking av villreinen i Nordfjella sone 2, i Raudafjell og på Hardangervidda nord for Rv 7 Saka vart innleia ved ei oppsummering av leiar. Framlegg til brev, der villreinnemnda kjem med innspel til Miljødirektoratet ang. instruks(ar) for overvaking og bestilling av ny GPS-merking vart gjennomgått av leiar og sekretær. Framlegget og vedteke brev fylgjer som vedlegg.

Handsaming: Det vart teke til orde for å sende inn framlagde brev. Det kom fram nokre merknadar til forbetring av ordlyden.

Vedtak: Villreinnemnda sender inn det framlagte brevet med fylgjande tillegg: • I omtalen av at dyra vert lettare skremde enn normalt skal ein og nemne snøskuter. • I omtalen av merking i Raudafjell skal ein være meir presis, og angi kva område nemnda meiner ein bør unngå å merke/kor det er mindre fare.

H-20- 10: Høyringssak 46-F/20 Rehabilitering av overløp Skjelingavatn

Vedtak: Saka vert utsett, og skal handsamast elektronisk ved utsending av framlegg til uttale for godkjenning av nemnda.

H-20- 11: Ymse

i) Nye innkomne høyringssaker Det er gjort vedtak i ei tidlegare høyringssak, vedtaket er i mot villreinnemnda si tilråding. Dette er sak 8-N/20 om omlegging av skiløype i Lauvdalen i Ål. Det er framlegg om å klage på vedtaket. Vedtak: Saka vert utsett, og skal handsamast elektronisk ved utsending av framlegg til uttale for godkjenning av nemnda.

ii) Innspel frå møtedeltakarar Håkon Øydvin gjorde merksam på at avgrensinga av sone for Hardangevidda i den nye soneforskriften overlappar sona for Nordfjella. Bestemmingane i forskriften som gjeld Hardangerviddasona gjer at det vert ulovleg å frakte felte dyr frå Hardangervidda nord for Rv 7, og inn i Nordfjella-sonen. Med det er det problem å frakte heim slakt herifrå. Regelen er ikkje vorte handheva

Sekretariatsadresse: Sogn Naturforvaltning AS Fresvikvegen 995, 6896 Fresvik [email protected] / 975 14 784

Villreinnemnda for Nordfjella, Fjellheimen og Raudafjell

under jakta 2020. Bestemminga er ulogisk, og det verkar unødvendig å ha overlapp mellom dei to sonene. Dette bør fylgjast opp av villreinforvaltinga framover. Det vart ikkje gjort vedtak i saka.

Det kom elles ingen innspel om saker til Ymse frå møtedeltakarar.

Møteslutt 16.05. Møtetida vert sett til 3 timar.

11.11.2020 Siri Wølneberg Bøthun (ref.)

Sekretariatsadresse: Sogn Naturforvaltning AS Fresvikvegen 995, 6896 Fresvik [email protected] / 975 14 784