DOCSLIB.ORG

Majadiliano Ya Bunge ______

Total Page：16

File Type：pdf, Size：1020Kb

Download full-text PDF Read full-text
Majadiliano Ya Bunge ______ Hii ni Nakala ya Mtandao (Online Document) BUNGE LA TANZANIA ______________ MAJADILIANO YA BUNGE _____________ MKUTANO WA SABA Kikao cha Saba – Tarehe 18 AprilI, 2012 (Mkutano Ulianza Saa Tatu Asubuhi) D U A Naibu Spika (Mhe. Job Y. Ndugai) Alisoma Dua HATI ZILIZOWASILISHWA MEZANI Hati Zifuatazo ziliwasilishwa Mezani na:- NAIBU WAZIRI WA FEDHA (MHE. PEREIRA AME SILIMA) Taarifa ya mwaka na hesabu za Chuo cha Usimamizi wa Fedha kwa mwaka 2009/2010 [The Annual Report and Accounts of the Institute of Finance Management for the year 2009/2010]. NAIBU WAZIRI, OFISI YA WAZIRI MKUU, TAWALA ZA MIKOA NA SERIKALI ZA MIITAA (TAMISEMI): Taarifa ya Matoleo yote ya Gazeti la Serikali Pamoja na Nyongeza zake Yaliyochapishwa tangu Kikao cha mwisho cha Mkutano wa Bunge uliopita. MASWALI NA MAJIBU Na. 82 Mgogoro wa Viwanja-Wananchi wa Manispaa ya Bukoba MHE. CONCHESTA L. RWAMLAZA aliuliza:- Uko mgogoro mkubwa wa viwanja kati ya wananchi na Halmashauri ya Manispaa ya Bukoba ambapo wananchi zaidi ya 800 walilipa fedha zao ili wapatiwe viwanja tangu mwaka 2002 na sasa ni miaka kumi imepita hawajapatiwa viwanja hivyo na Halmashauri hiyo haionyeshi juhudi za kutoa viwanja badala yake wananchi hao wanaambiwa kulipia gharama zaidi za wakati huu:- Je, Serikali inatoa kauli gani kwa Halmashauri hiyo ili iweze kuwapatia wananchi hao haki yao ya kupata viwanja hivyo walivyokwishalipia tangu mwanzo? NAIBU WAZIRI, OFISI YA WAZIRI MKUU, TAWALA ZA MIKOA NA SERIKALI ZA MIITAA (TAMISEMI) alijibu:- Mheshimiwa Naibu Spika, kwa niaba ya Mheshimiwa Waziri Mkuu naomba kujibu swali la Mheshimiwa Conchesta Leonce Rwamlaza, Mbunge wa Viti Maalum, kama ifuatavyo:- Mheshimiwa Naibu Spika, nakubaliana na Mheshimiwa Mbunge kwamba upo mgogoro uliojitokeza katika baadhi ya wananchi waliochangia fedha zao kutopatiwa viwanja katika Halmashauri ya Manispaa ya Bukoba. Mwaka 1996 Halmashauri ya Manispaa ya Bukoba ilipitisha Azimio kuwa wananchi wanaohitaji viwanja katika eneo la Kyabitembe kwa ajili ya makazi, biashara na huduma za jamii wachangie gharama za upimaji ambazo zilikuwa ni shilingi 50,000/- kwa high density , shilingingi 60,000/- kwa medium density na shilingi 70,000/- kwa low density . Maeneo ya taasisi yalichangiwa shilingi 100,000/- hadi 200,000/-. Baada ya upimaji wananchi wote walipatiwa viwanja na hapakuwa na mgogoro. Mheshimiwa Naibu Spika, zoezi la uchangiaji liliendelea mwaka 2003, 2004, na 2005 katika maeneo ya Kyabitembe II , Rwazi/Rwome, Kiteyagwa na Kibuye ambapo jumla ya shilingi 58,562,600/= zilichangwa na wananchi 1,049. Hata hivyo, eneo pekee ambalo viwanja vilipimwa ni Kyabitembe II sawa na viwanja 476. Eneo hili halikuwa na makazi ya watu lakini walijitokeza wananchi na kudai maeneo hayo wanayamiliki kimila hivyo walitaka kulipwa fidia kwanza ndipo upimaji uweze kufanyika. Halmashauri ilisitisha upimaji na hivyo kuzua mgogoro na wananchi hao wakidai fedha walizochangia jumla ya shilingi 58,562,600/= Mheshimiwa Naibu Spika, Halmashauri ya Manispaa ya Bukoba imeingia ubia na shirika la dhamana na uwekezaji Tanzania (UTT) na kupatiwa shilingi bilioni 2.9 kwa ajili ya kupima viwanja 5000 ambavyo vitauzwa kwa wananchi wote. Hii ni sehemu ya mkakati wa Serikali kutatua mgogoro kati ya wananchi waliochanga fedha zao na Halmashauri. Azimio limetolewa na Halmashauri kupitia Kamati ya Fedha , Uongozi na Mipango iliyokaa tarehe 16/11/2011 na Baraza la Madiwani lililokaa tarehe 16/4/2012 kwamba wananchi wote waliochangia fedha lakini hawakupata viwanja, wauziwe viwanja kwa bei ya punguzo sawa na fedha zilizochangwa kwa wakati huo na kwa thamani ya sasa. Aidha, watakaoshindwa kulipa warudishiwe fedha zao kwa thamani ya sasa. Vikao hivyo vimepitisha Azimio kuwa ili kupata thamani ya sasa ya fedha zilizochangwa kwa wakati huo riba ya asilia tano itawekwa kila mwaka kuanzia kwenye mwaka waliochangia hadi sasa. (Makofi) MHE. CONCHESTA L. RWAMLAZA: Mheshimiwa Naibu Spika, nimepokea majibu ya swali langu kutoka kwa Waziri. Kwanza napenda kusema kwamba Halmashauri ya Manispaa ya Bukoba imewatapeli wananchi wa Manispaa hiyo, siyo kuwatapeli tu, lakini pia inaendeleza kufanya dhuluma kutokana na majibu niliyoyapata hapa. Mheshimiwa Naibu Spika, napenda kumwuliza Waziri, si kweli kwamba wananchi wa Manispaa ya Bukoba walichangia upimaji, ukifuatilia fomu zilizojazwa kutokana na fedha walizochanga zinaonesha wazi wazi kwamba yalikuwa ni maombi ya viwanja, ninashangaa kwa miaka kumi wananchi wamekuwa wakidai viwanja vyao na mpaka sasa hawapatiwi, naomba Waziri kwa sababu jambo hili nilishakueleza hata wakati unafanya majumuisho ya ziara yako utamke utawasaidiaje wananchi wapate viwanja vyao. (Makofi) Mheshimiwa Naibu Spika, swali langu la pili, ukitazama mkataba ulioingiwa na Manispaa kutokana na mkopo walioupata kutoka UTT ni mkopo wa kibiashara, huwezi ukauza viwanja 5000 chini ya milioni sita ili kulipa deni. NAIBU SPIKA: Mheshimiwa sasa swali? MHE. CONCHESTA L. RWAMLAZA: Mheshimiwa Naibu Spika swali, wananchi wale watalipwaje asilimia tano ambayo kwa mtu aliyelipa elfu arobaini ni elfu ishirini kwa miaka kumi, utawasaidiaje wananchi hawa waweze kupata fedha zao kama hawakupata viwanja kwa thamani ya sasa na kwa riba inayoendana na biashara kwa sababu Halmashauri inaonekana wanafanya biashara. NAIBU SPIKA: Ahsante umeshaeleweka, Mheshimiwa Naibu Waziri majibu kwa ufupi. NAIBU WAZIRI, OFISI YA WAZIRI MKUU, TAWALA ZA MIKOA NA SERIKALI ZA MIITAA (TAMISEMI): Mheshimiwa Naibu Spika, mimi Bukoba nimekwenda na hili jambo analozungumza Mheshimiwa Mbunge ninalifahamu. Nilikwenda kule kwa sababu ya boti ambalo lilileta maneno na yeye ndiye alileta jambo hili hapa, tukaenda nalo kama tulivyokwenda na wala sitaki nimpuuze Mbunge hapa kwa jambo analozungumza. Ametaka tusaidie Halmashauri ya Manispaa ya Bukoba ili iondoke katika tatizo hili na ninamwomba Mbunge anisikilize vizuri. Mheshimiwa Naibu Spika, hili jambo limekuwa mis- handled miaka kumi iliyopita, hata ukiwatafuta hawa waliohusika wengine hawapo, Halmashauri ikafika mahali ikaachana na hilo eneo moja kwa moja, wakafika mahali wakapata viwanja elfu tano ili kweza kupima hivyo viwanja elfu tano wakaomba mkopo kutoka UTT wa bilioni mbili na point tisa (bil. 2.9) wakapata. Wamekwenda kupima viwanja elfu tano. Anachozungumza hapa anasema miaka kumi iliyopita mtu alilipa shilingi elfu hamsini na mimi nikasema ni kweli, sasa elfu hamsini iliyolipwa tukaulizana kwamba shilingi elfu hamsini kwa leo ni sawa na shilingi ngapi ili anapokwenda kuchukua kile kiwanja apate punguzo la kiasi hicho ili aweze kupata kiwanja. Mheshimiwa Conchesta, dada yangu anasema kwamba twende tukawape wananchi wale viwanja vile bure, swali tunawapa bure na huu mkopo uliochukuliwa unakwenda kulipwa na nani? Wamekutana juzi tarehe 16 tumetoa maelekezo kama Tawala za Mikoa na Serikali za Mitaa tukawaambia wakae watuondoe hapo tuliposema. It is my judgment kama Deputy Minister ninayefanya kazi katika Ofisi ya Waziri Mkuu kwamba kama mkikataa jambo hili hamtaondoka katika mgogoro ule itakuwa ni vurugu, namna pekee ya kuondoka katika jambo lile ni kukubali sasa wananchi wale waseme kwamba mimi kama sitaki kiwanja bei itakuwa ni kubwa nirudishieni hela zangu kwa thamani ya sasa. Mheshimiwa Naibu Spika, sauti hii ni msisitizo tu mzee wangu wala siyo ugomvi hapa. Lakini mimi nataka niisaidie Serikali nimezungumza na Kagasheki Mbunge wao, nimezungumza mimi na Mkurugenzi Mtendaji, nimezungumza na baadhi ya wale waliopo kule na wote wanaona kwamba hii ndiyo njia pekee ambayo itatuondoa katika jambo hili. (Kicheko ) Mheshimiwa Naibu Spika, ninakuomba Conchesta Dada yangu toa msaada shirikiana na Halmashauri yako nenda sasa ukazungumze na wananchi wapewe viwanja vile wavichukue, hakuna namna nyingine ya kisayansi ya kuondoka katika tatizo hili bila kufanya kama nilivyosema. ( Makofi ). MHE. OMARY A. BADWEL: Mheshimiwa Naibu Spika nakushukuru sana kwa kunipa nafasi ya kuuliza swali dogo la nyongeza. Kwa kuwa miji mipya imeendelea kukumbwa na migogoro ya viwanja ikiwemo Mji wa Bahi na wananchi wa Bahi tayari walishamwandikia barua Waziri Mkuu kutaka awasaidie kutatua mgogoro uliopo baina yao na Halmashauri yao juu ya viwanja pale Mji wa Bahi. Je, ofisi ya Waziri Mkuu sasa inatoa tamko gani kusaidia mara moja Halmashauri ya Bahi imalize mgogoro wa viwanja wao na wananchi wa Bahi? NAIBU WAZIRI, OFISI YA WAZIRI MKUU, TAWALA ZA MIKOA NA SERIKALI ZA MIITAA (TAMISEMI): Mheshimiwa Naibu Spika, bahati nzuri tena Bahi nimekwenda na nimekaa na wananchi na hao wananchi wamekuja mpaka ofisini. Mheshimiwa Badwel alikuwa kabla ya kuja hapa alikuwa ni Mwenyekiti wa Halmashauri ya Wilaya ya Bahi. Wameshindana kule wakaja ofisini, tukaketi nao. Wale wananchi wakaja pale nikawaambia maandamano hapa sitaki, lakini tukaelewana. Nikawapa mimi watu wangu wamekwenda nao kule wameshindana mimi kiwanja changu kilikuwa hiki, mimi nilitaka nipewe hiki, eneo nililokuwa nakaa ni hili nilitaka nipewe hili, tukafika mahali mpaka nikamwambia Mkurugenzi kwamba jambo hili liishe. Mheshimiwa Naibu Spika, sasa nilishasema hapa Serikali haitapuuza mawazo ya Wabunge, kama Mheshimiwa Badwel anasema bado tatizo hili lipo saa saba nitakaporudi ofisini kwa kibali cha Waziri wangu Mheshimiwa Mkuchika nitawaita Halmashauri waje tena pale ofisini, na Mheshimiwa Badwel saa saba kamili tukutane pale ofisini halafu tumalize jambo hili. NAIBU SPIKA: Ahsante sana, bado tupo Wizara hiyo hiyo tunaelekea Singida swali la Mheshimiwa Mohamed Gulam Dewji. Na. 83 Ukarabati wa Majengo ya Sekondari ya Mwenge MHE. DIANA M. CHILOLO (K.n.y. MHE. MOHAMED G. DEWJI) aliuliza:- Shule ya Sekondari ya Mwenge ni miongoni mwa shule
Load more

Recommended publications
  • 9Aprili,2013
    9 APRILI, 2013 BUNGE LA TANZANIA ________________ MAJADILIANO YA BUNGE ___________________ MKUTANO WA KUMI NA MOJA Kikao cha Kwanza - Tarehe 9 Aprili, 2013 WIMBO WA TAIFA (Hapa Waheshimiwa Wabunge Waliimba Wimbo wa Taifa) (Mkutano Ulianza Saa 3.00 Asubuhi) D U A Spika (Mhe. Anne S. Makinda) Alisoma Dua SPIKA: Waheshimiwa msimame tena. Mtakumbuka kwamba wakati wa Vikao vyetu vya Kamati, kwa bahati mbaya sana tulimpoteza mpenzi wetu Mheshimiwa Salim Hemed Khamis. Kwa hiyo, tumkumbuke kwa dakika moja. (Hapa Waheshimiwa Wabunge walisimama kwa Dakika moja kumkumbuka Mheshimiwa Salim Hemed Khamis aliyekuwa Mbunge wa Chambani Mwenyezi Mungu aiweke roho yake mahali pema peponi, Amin. Ahsanteni sana na karibuni tukae. 1 9 APRILI, 2013 Waheshimiwa Wanbunge, katika Mkutano wa Tisa, Bunge lilipitisha Muswada wa Sheria ya Serikali uitwao The Plant Breeders` Rights Bill, 2012, kwa taarifa hii napenda kulialifu Bunge hili Tukufu kwamba, Mswada huo umekwisha pata kibali cha Mheshimiwa Rais na kuwa Sheria ya nchi iitwayo: The Plant Breeders` Rights Act, 2012 Na. 9 ya mwaka 2012. Kwa hiyo, ule sasa ni sheria ya Nchi. HATI ZILIZOWASILISHWA MEZANI Hati ifuatayo iliwasilishwa Mezani na:- WAZIRI WA NCHI, OFISI YA WAZIRI MKUU, SERA, URATIBU NA BUNGE: Mheshimiwa Spika, kwa niaba ya Mheshimiwa Waziri Mkuu, naomba kuwasilisha mezani Taarifa ya Matoleo yote ya Gazeti la Serikali pamoja na nyongeza zake zilizochapishwa tangu Kikao cha mwisho cha Mkutano wa Bunge uliopita. Mheshimiwa Spika, naomba kuwasilisha. MASWALI NA MAJIBU Na. 1 Kujenga Barabara ya Old Moshi kwa Lami MHE. GODFREY W. ZAMBI (K.n.y. MHE. DKT. CYRIL A. CHAMI) aliuliza:- Je, Serikali itatekeleza lini ahadi ya kujenga kwa kiwango cha lami Barabara ya Old Moshi inayoanzia Kiboriloni kupitia Kikarara, Tsuduni hadi Kidia? 2 9 APRILI, 2013 NAIBU WAZIRI, OFISI YA WAZIRI MKUU, TAWALA ZA MIKOA NA SERIKALI ZA MITAA, (TAMISEMI) alijibu:- Mheshimiwa Spika, kwa niaba ya Mheshimiwa Waziri Mkuu, naomba kujibu swali la Mheshimiwa Dkt.
    [Show full text]
  • Jamhuri Ya Muungano Wa Tanzania Bunge La Tanzania
    JAMHURI YA MUUNGANO WA TANZANIA BUNGE LA TANZANIA MKUTANO WA KUMI NA SITA NA KUMI NA SABA YATOKANAYO NA KIKAO CHA KUMI (DAILY SUMMARY RECORD OF PROCEEDINGS) 17 NOVEMBA, 2014 MKUTANO WA KUMI NA SITA NA KUMI SABA KIKAO CHA KUMI - 17 NOVEMBA, 2014 I. DUA Saa 3.00 Asubuhi Mhe. Naibu Spika alisoma Dua na kuliongoza Bunge Makatibu Mezani :- 1. Ndg. Charles Mloka 2. Ndg. Neema Msangi 3. Ndg. Joshua Chamwela II. MASWALI: Maswali yafuatayo yaliulizwa na wabunge:- 1. OFISI YA WAZIRI MKUU Swali Na. 114. Mhe. Prof. Peter Mahamudu Msolla Nyongeza ;- i. Mhe. Peter Mahamudu Msolla ii. Mhe. Ally Keissy Mohammad 2. OFISI YA MAKAMU WA RAIS (MAZINGIRA) Swali Na. 115 – All Khamis Seif, Mb Nyongeza ;- i. Mhe. Ally Khamis Seif, Mb ii. Mhe. James Francis Mbatia, Mb 3. WIZARA YA ELIMU NA MAFUNZO YA UFUNDI Swali Na. 116. Mhe. Dkt. Mary Machuche Mwanjelwa, Mb Nyongeza:- i. Mhe. Dkt. Mary Machuche Mwanjelwa, Mb ii. Mhe. Selemani Said Jafo, Mb iii.Mhe. Aliko Nikusuma Kibona, Mb 4. WIZARA YA AFYA NA USTAWI WA JAMII Swali Na. 117 – Mhe Joseph Roman Selasini, Mb Nyongeza:- i. Mhe Joseph Roman Selasini, Mb 2 ii. Mhe. Moses Machali 5. WIZARA YA MAJI Swali Na. 118. – Mhe. Michael Lekule Laizer [KNY: Dkt. Augustine Lyatonga Mrema]. Nyongeza;- i. Mhe. Michael Lekule Laizer ii. Mhe. James Francis Mbatia, Mb 6. WIZARA YA MAENDELEO YA JAMII, JINSIA NA WATOTO Swali Na. 119 – Mhe. Christowaja Gerson Mtinda Nyongeza:- i. Mhe. Christowaja Gerson Mtinda ii. Mhe. Martha Moses Mlata, Mb iii. Mhe. Grace Sindato Kiwelu, Mb 7. WIZARA YA KILIMO CHAKULA USHIRIKA Swali Na.
    [Show full text]
  • 10 JUNI, 2013 MREMA 1.Pmd
    10 JUNI, 2013 BUNGE LA TANZANIA ________________ MAJADILIANO YA BUNGE ___________________ MKUTANO WA KUMI NA MOJA Kikao cha Arobaini na Sita - Tarehe 10 Juni, 2013 (Mkutano Ulianza Saa Tatu Asubuhi) D U A Spika (Mhe. Anne S. Makinda) Alisoma Dua MASWALI NA MAJIBU Na. 367 Mafunzo ya Wajasiriamali Wanawake – Mbeya MHE. GODFREY W. ZAMBI (K.n.y. MHE. CYNTHIA H. NGOYE) aliuliza:- Wanawake wa Mkoa wa Mbeya wameitikia wito wa kuanzishwa kwa vikundi vya uzalishaji mali ikiwemo uanzishwaji wa vyombo vya akiba na mikopo:- (a) Je, ni lini Serikali itawapatia mafunzo ya ujasiriamali Wanawake wa Mkoa Mbeya? (b) Je, Serikali iko tayari kuhamasisha benki mbalimbali kusogeza huduma karibu na wananchi ili kukidhi azma yao ya kupatiwa mikopo na kujiwekea akiba? 1 10 JUNI, 2013 WAZIRI WA NCHI, OFISI YA WAZIRI MKUU, SERA, URATIBU NA BUNGE alijibu:- Mheshimiwa Spika, kwa niaba ya Mheshimiwa Waziri Mkuu, napenda kujibu swali la Mheshimiwa Cynthia Hilda Ngoye, Mbunge wa Viti Maalum, lenye sehemu (a) na (b) kama ifuatavyo:- Mheshimiwa Spika, Serikali kupitia Baraza la Taifa la Uwezeshaji Wananchi Kiuchumi (NEEC) ilifanya utafiti katika mkoa wa Mbeya na kubaini kuwa wananchi wengi wakiwemo wanawake wameanzisha vikundi vya uzalishaji mali ikiwemo uanzishwaji wa vikundi na mikopo. Kutokana na juhudi hizo, Baraza kwa kutumia Mfuko wa Uwezeshaji Mwananchi Kiuchumi yaani “Mwananchi Empowerment Fund” imeanza kutoa udhamini wa mikopo kwa wananchi wa Mbeya hususan Chimala SACCOS. Aidha, utaratibu na mpango wa kutoa mafunzo umeandaliwa na mafunzo yatatolewa mwanzoni mwa mwaka wa fedha 2013/2014. Mafunzo hayo yatawahusisha pia wanaume kwa vile SACCOS ya Chimala ina wanachama ambao ni wanaume.
    [Show full text]
  • MKUTANO WA PILI Kikao Cha Tisa
    Hii ni Nakala ya Mtandao (Online Document) BUNGE LA TANZANIA __________ MAJADILIANO YA BUNGE ___________ MKUTANO WA PILI Kikao cha Tisa - Tarehe 17 Februari, 2006 (Mkutano Ulianza Saa Tatu Asubuhi) D U A Spika (Mhe. Samuel J. Sitta) Alisoma Dua HATI ZILIZOWASILISHWA MEZANI Hati ifuatayo iliwasilishwa Mezani na:- NAIBU WAZIRI, OFISI YA WAZIRI MKUU, TAWALA ZA MIKOA NA SERIKALI ZA MITAA: Taarifa ya mwaka ya Mdhibiti na Mkaguzi Mkuu wa Hesabu za Serikali za Mitaa kwa mwaka wa fedha unaoishia tarehe 30 Juni, 2004. Mheshimiwa Spika, naomba kuwasilisha. MASWALI NA MAJIBU Na. 94 Uwekaji wa Lami Barabara ya Kigogo - Mabibo - Mandela - Tabata MHE. HALIMA J. MDEE aliuliza:- Je, Serikali ina mpango gani wa kuweka lami kwenye barabara ya Kigogo- Mabibo hadi barabara ya Mandela kuelekea Tabata ili kupunguza msongamano wa magari katika barabara ya Morogoro? NAIBU WAZIRI, OFISI YA WAZIRI MKUU, TAWALA ZA MIKOA NA SERIKALI ZA MITAA alijibu:- Mheshimiwa Spika, naomba kujibu swali la Mheshimiwa Halima Mdee, Mbunge wa Viti Maalum, kama ifuatavyo:- 1 Mheshimiwa Spika, barabara ya Kigogo - Mabibo- Mandela kuelekea Tabata ni barabara ya mjini yaani urban road na inahudumiwa na Halmashauri ya Manispaa ya Kinondoni. Barabara hii ni muungano wa barabara tatu ambazo ni Kigogo - Mabibo, Mabibo - Mandela na Mandela - Tabata. Barabara hii imekuwa ikifanyiwa matengenezo ya mara kwa mara na Manispaa ya Kinondoni. Kwa mwaka 2005/2006 jumla ya shilingi 9,836,000 zilitumika kuweka kifusi kwenye sehemu korofi na kuichonga kwa greda. Mheshimiwa Spika, barabara hii inapitika isipokuwa katika mpaka wa Manispaa za Kinondoni na Ilala eneo la Tabata ambapo pana mkondo wa maji na hakuna daraja.
    [Show full text]
  • Majadiliano Ya Bunge ______
    Hii ni Nakala ya Mtandao (Online Document) BUNGE LA TANZANIA ___________ MAJADILIANO YA BUNGE ___________ MKUTANO WA NANE Kikao cha Thelathini na Tisa – Tarehe 2 AGOSTI, 2012 (Mkutano Ulianza Saa Tatu Asubuhi) DUA Spika (Mhe. Anne S. Makinda) Alisoma Dua HATI ZILIZOWASILISHWA MEZANI Hati ifuatayo iliwasilishwa Mezani na:- NAIBU WAZIRI WA USHIRIKIANO WA AFRIKA MASHARIKI: Randama za Makadirio ya Mapato na Matumizi ya Wizara ya Ushirikiano wa Afrika Mashariki kwa Mwaka wa Fedha 2012/2013. SPIKA: Waheshimiwa Wabunge, naomba mzime vipasa sauti vyenu maana naona vinaingiliana. Ahsante Mheshimiwa Naibu Waziri, tunaingia hatua inayofuata. MASWALI NA MAJIBU SPIKA: Leo ni siku ya Alhamisi lakini tulishatoa taarifa kwamba Waziri Mkuu yuko safarini kwa hiyo kama kawaida hatutakuwa na kipindi cha maswali hayo. Maswali ya kawaida yapo machache na atakayeuliza swali la kwanza ni Mheshimiwa Vita R. M. Kawawa. Na. 310 Fedha za Uendeshaji Shule za Msingi MHE. VITA R. M. KAWAWA aliuliza:- Kumekuwa na makato ya fedha za uendeshaji wa Shule za Msingi - Capitation bila taarifa hali inayofanya Walimu kuwa na hali ngumu ya uendeshaji wa shule hizo. Je, Serikali ina mipango gani ya kuhakikisha kuwa, fedha za Capitation zinatoloewa kama ilivyotarajiwa ili kupunguza matatizo wanayopata wazazi wa wanafunzi kwa kuchangia gharama za uendeshaji shule? NAIBU WAZIRI, OFISI YA WAZIRI MKUU, TAWALA ZA MIKOA NA SERIKALI ZA MITAA (ELIMU) alijibu:- Mheshimiwa Spika, kwa niaba ya Mheshimiwa Waziri Mkuu, naomba kujibu swali la Mheshimiwa Vita Rashid Kawawa, Mbunge wa Namtumbo, kama ifuatavyo:- Mheshimiwa Spika, Serikali kupitia Mpango wa Maendeleo ya Elimu ya Msingi (MMEM) imepanga kila mwanafunzi wa Shule ya Msingi kupata shilingi 10,000 kama fedha za uendeshaji wa shule (Capitation Grant) kwa mwaka.
    [Show full text]
  • Did They Perform? Assessing fi Ve Years of Bunge 2005-2010
    Policy Brief: TZ.11/2010E Did they perform? Assessing fi ve years of Bunge 2005-2010 1. Introducti on On July 16th 2010, following the completi on of the 20th session of the Bunge, the President of Tanzania dissolved the 9th Parliament. This event marked the end of the term for Members of Parliament who were elected during the 2005 general electi ons. Now that the last session has been completed it allows us to look back and to consider how MPs performed during their tenure. Did they parti cipate acti vely and represent their consti tuencies by asking questi ons and making interventi ons, or were they silent backbenchers? The Bunge is the Supreme Legislature of Tanzania. The Bunge grants money for running the administrati on and oversees government programs and plans. The Bunge oversees the acti ons of the Executi ve and serves as watchdog to ensure that government is accountable to its citi zens. To achieve all this, Members of Parliament pass laws, authorize taxati on and scruti nize government policies including proposal for expenditure; and debate major issues of the day. For the Bunge to eff ecti vely carry out its oversight role, acti ve parti cipati on by Members of Parliament is criti cal. MPs can be acti ve by making three kinds of interventi ons: they can ask basic questi ons, they can ask supplementary questi ons and they can make contributi ons during debates. This brief follows earlier briefs, the last of which was released in August 2010. It presents seven facts on the performance of MPs, including rati ng who were the most acti ve and least acti ve MPs.
    [Show full text]
  • Hii Ni Nakala Ya Mtandao (Online Document)
    Hii ni Nakala ya Mtandao (Online Document) BUNGE LA TANZANIA _______________ MKUTANO WA TANO ___________________ Kikao cha Saba – Tarehe 16 Novemba, 2011 (Mkutano Ulianza Saa Tatu Asubuhi) D U A Mwenyekiti (Mhe. Jenista J. Mhagama) Alisoma Dua MASWALI NA MAJIBU Na. 84 Hali Mbaya ya Hospitali ya Wilaya – Mbozi MHE. GODFREY W. ZAMBI aliuliza:- Majengo ya Hospitali ya Wilaya Mbozi – Vwawa yako kwenye hali mbaya na wodi za kulaza wagonjwa hazitoshelezi hali inayosababisha msongamano katika wodi chache zilizopo:- Je, Serikali itayakarabati lini majengo ya zamani na kujenga mengine kwa ajili ya kulaza wagonjwa? NAIBU WAZIRI, OFISI YA WAZIRI MKUU, TAWALA ZA MIKOA NA SERIKALI ZA MITAA (TAMISEMI) alijibu:- Mheshimiwa Mwenyekiti, kwa niaba ya Mheshimiwa Waziri Mkuu, naomba kujibu swali la Mheshimiwa Godfrey W. Zambi, Mbunge wa Mbozi Mashariki, kama ifuatavyo:- Mheshimiwa Mwenyekiti, Hospitali ya Wilaya ya Mbozi ya Vwawa ilipandishwa hadhi kutoka kituo cha afya mwaka 2002 kwa kuongezewa majengo yafuatayo Wodi ya Mama wajawazito1, wodi 1 ya wanaume, pediatric ward 1, Chumba cha kusubiria mama wajawazito kimoja, chumba cha upasuaji, jengo la mapokezi, isolation ward, jengo la kliniki (RCH), jengo la utawala, chumba cha kuhifadhia maiti, jengo la kufulia nguo, jengo la upasuaji mkubwa na chumba cha X–ray. Aidha, ni kweli kuwa baadhi ya majengo ya hospitali hiyo yameharibika kiasi cha kuhitaji kukarabatiwa. Mheshimiwa Mwenyekiti, katika mwaka 2011/2012 Halmashauri imepanga kutumia shilingi 40,000,000 kwa ajili ya kukarabati jengo la upasuaji, shilingi 28,292,648 kwa ajili ya ukarabati wa jengo la utawala na shilingi 18,968,672 kwa ajili ya ukarabati wa jengo la wodi ya wazazi (Maternity Ward).
    [Show full text]
  • Bunge Newsletter
    Bungee Newsletter Issue No 005 FEBRUARY, 2013 Speaker of the National Assembly Hon. Anne Makinda points out the Standing Order that gives her power to make changes in the Parliamentary Standing Commitees Bunge overhauls its Standing Committees membership into new committees and appointing new chairpersons to head the new committees. A major transformation to strengthen the work of the Parliament through the Standing Committees The changes are part of routine of Parliament was made during the recently ended 10th reforms as stipulated in the Parliamentary Session of the Parliament in Dodoma this year by Standing Orders 152 (3) which gives mandate to restructuring Parliamentary Standing Committees the Speaker to amend or make changes of this 8th for the second half life of the 10th Parliament. The Annex of the standing orders in consultation with changes were announced by the Speaker of the the Parliamentary Standing Committee depending National Assembly Hon. Anne Makinda on February on the needs of that particular time when he/she 8th 2013 when she called for the dissolution of deemed fit. all Parliamentary Standing Committees and their One of the changes in the upcoming new reconstitution in a new format. committees is the reduction of the watchdog Hon. Makinda announced the changes at the committees from three to two by doing away with conclusion of the Legislature’s 10th Session, the Parastatal Organization Account Committee and invited lawmakers to submit applications for (POAC), whereby by its activities will now be carried out by the Public Accounts Committee 1 (PAC), which will continue with its responsibility of analyzing the Controller and Auditor General (CAG) Apart from this change, the Speaker also formed audited accounts financial reports of ministries and three new committees namely the Budget other government institution and agencies.
    [Show full text]
  • 1 Bunge La Tanzania
    Hii ni Nakala ya Mtandao (Online Document) BUNGE LA TANZANIA _________ MAJADILIANO YA BUNGE ________ MKUTANO WA TATU KIKAO CHA KWANZA - TAREHE 28 MACHI, 2006 (Mkutano Ulianza Saa Tatu Asubuhi) D U A Spika (Mhe. Samuel J. Sitta ) Alisoma Dua TAARIFA YA SPIKA SPIKA: Waheshimiwa Wabunge huu ni Mkutano wetu wa Tatu, Kikao cha Kwanza. Waheshimiwa Wabunge, itakumbukwa kwamba katika Mkutano wetu wa Pili wa Bunge pamoja na shughuli nyingine Bunge lilipitisha Miswada ya Sheria ya Serikali mitatu. Miswaada hiyo napenda kuwafahamisha imekwishapata kibali cha Mheshimiwa Rais tarehe 26 Machi, mwaka huu na sasa Miswaada hii ni sheria kamili za nchi yetu. Wa kwanza ni The National Leaders Funerals Act namba moja wa mwaka 2006, The Special Economic Zone Act ya mwaka 2006 ambao utakuwa namba mbili na The Export Processing Zones Amendments Act ya mwaka 2006 ambao ni sheria namba tatu ya mwaka 2006. HATI ZILIZOWASILISHWA MEZANI Hati zifuatazo ziliwasilishwa mezani na:- WAZIRI WA NCHI, OFISI YA WAZIRI MKUU (MHE. JUMA J. AKUKWETI) :- Taarifa ya matoleo ya Gazeti la Serikali pamoja na nyongeza zake zilizochapishwa tangu Kikao cha mwisho cha Mkutano wa Bunge uliopita. 1 MASWALI NA MAJIBU Na. 1 Elimu ya UKIMWI kwa Walemavu MHE. MARGRET A. MKANGA aliuliza:- Kwa kuwa janga la UKIMWI limeenea nchi nzima katika miji na vijiji na kwa kuwa makundi mbalimbali ya jamii; Serikali, Taasisi na Asasi mbalimbali zinaendelea kutoa elimu ya suala la UKIMWI kwa njia ya semina na makongamano na kwamba ushirikishi kwa watu wenye ulemavu katika elimu hiyo umekuwa haupo au ni mdogo sana:- (a) Je, Serikali ina mkakati gani madhubuti wa kutoa elimu ya UKIMWI kwa watu wenye ulemavu wa aina mbalimbali? (b) Je, Serikali itakubaliana nami kuwa kwa vile watu wenye ulemavu wa aina mbalimbali huhitaji mbinu tofauti tofauti kutumika ili kuwafikishia ujumbe au elimu ya aina yoyote ile kwamba sasa ni wakati muafaka kuwa na kitengo cha UKIMWI kwa watu wenye ulemavu ndani ya Tume ya Kudhibiti UKIMWI? NAIBU WAZIRI, OFISI YA WAZIRI MKUU, MAAFA NA KAMPENI DHIDI YA UKIMWI (MHE.
    [Show full text]
  • Hii Ni Nakala Ya Mtandao (Online Document)
    Hii ni Nakala ya Mtandao (Online Document) BUNGE LA TANZANIA ________ MAJADILIANO YA BUNGE ________ MKUTANO WA NNE Kikao cha Arobaini na Nne – Tarehe 16 Agosti, 2006 (Mkutano Ulianza Saa Tatu Asubuhi) D U A Spika (Mhe. Samuel J. Sitta) Alisoma Dua HATI ZILIZOWASILISHWA MEZANI Hazi zifuatazo ziliwasilishwa Mezani na:- NAIBU WAZIRI WA FEDHA (MHE. MUSTAFA HAIDI MKULO): Taarifa ya Mwaka na Hesabu Zilizokaguliwa za Consolidated Holding Corporation kwa mwaka ulioishia tarehe 31 Desemba, 2005 (The Annual Report and Audited Accounts of the Consolidated Holding Corporation for the year ended 31st December, 2005) MASWALI NA MAJIBU Na. 413 Nyumba kwa Wafanyakazi MHE. MKIWA A. KIMWANGA (k.n.y. MHE. SAVELINA S. MWIJAGE aliuliza:- Je, Serikali ina mpango gani wa kuwatafutia nyumba za kuishi wafanyakazi wapya wanaoajiriwa au kuhamishwa na kupangiwa vituo vya kazi nje ya Mikoa yao? NAIBU WAZIRI WA MIUNDOMBINU (MHE. DR. MILTON M. MAHANGA) alijibu:- Mheshimiwa Spika, napenda kujibu swali la Mheshimiwa Savelina Silvanus Mwijage, Mbunge wa Viti Maalum, kama ifuatavyo:- Mheshimiwa Spika, kwa kawaida, Serikali ina wajibu wa kuwatafutia nyumba wafanyakazi na viongozi wenye stahili ya kupewa nyumba na Serikali kwa mujibu wa 1 masharti ya ajira zao. Kwa hiyo, wafanyakazi wa aina hii, wawe wapya au wanaohamishwa na kupangiwa vituo vipya vya kazi, hupewa nyumba au posho ya nyumba pale ambapo nyumba ya Serikali haijapatikana. Serikali haina jukumu la kimkataba kuwatafutia nyumba watumishi wengine wasio na stahili. Hata hivyo, kutokana na uamuzi wa Serikali wa kuuzia watumishi na viongozi wa Serikali nyumba za zamani walizokuwa wanaishi, watumishi na viongozi wa aina hii na ambao wana stahili, wanapohamishwa wakati wamekwishauziwa nyumba katika vituo vyao vya zamani, wanategemewa kupanga nyumba kibiashara au katika nyumba za wakala zilizotengwa kupangishwa kibiashara.
    [Show full text]
  • 19 Desemba, 2013
    Hii ni Nakala ya Mtandao (Online Document) BUNGE LA TANZANIA __________ MAJADILIANO YA BUNGE __________ MKUTANO WA KUMI NA NNE Kikao cha Kumi na Tatu - Tarehe 19 Desemba, 2013 (Mkutano Ulianza Saa Tatu Asubuhi) D U A Spika (Mhe. Anne S. Makinda) Alisoma Dua HATI ZILIZOWASILISHWA MEZANI Hati Zifuatazo Ziliwasilishwa Mezani na:- NAIBU WAZIRI WA ARDHI, NYUMBA NA MAENDELEO YA MAKAZI:- Taarifa ya Mwaka na Hesabu Zilizokaguliwa za Shirika la Nyumba la Taifa (NHC) kwa Mwaka ulioishia Tarehe 30 Juni, 2012 (The Annual Report and Audited Accounts of the National Housing Corporation (NHC) for The Year ended 30th June, 2012). 1 Hii ni Nakala ya Mtandao (Online Document) WAZIRI WA KAZI NA AJIRA:- Taarifa ya Mwaka ya Mamlaka ya Usimamizi na Udhibiti wa Hifadhi ya Jamii (SSRA) kwa Mwaka 2011/2012 (The Annual Report of Social Security Regulatory Authority (SSRA) for the Year 2011/2012). MASWALI KWA WAZIRI MKUU SPIKA: Waheshimiwa Wabunge leo ni siku ya Alhamisi, tunakuwa na Maswali kwa Waziri Mkuu. Kawaida yetu kama Kiongozi wa Upinzani yupo basi ndiye anayeanza. Naona sijamwona. Kwa hiyo, nitaanza na Mheshimiwa Murtaza Mangungu. Mheshimiwa Murtaza Mangungu. MHE. MURTAZA A. MANGUNGU: Nakushukuru sana Mheshimiwa Spika. Mheshimiwa Waziri Mkuu, kwa kipindi cha miaka ya 1970 kuja 1980 Serikali ilifanya jitihada kubwa sana kupanua elimu ya juu nchini. Lakini kutokana na matatizo ambayo hayajaelezeka kipindi kirefu hatujawekeza vya kutosha hivyo kuna upungufu mkubwa sana wa Wahadhiri katika Vyuo Vikuu hasa ukizingatia Sheria yetu ya ajira inatoa ukomo wa kustaafu siyo zaidi ya miaka 65 na maprofesa wote ambao ni full Professor wamezidi umri wa miaka 65.
    [Show full text]
  • MAJADILIANO YA BUNGE ___MKUTANO WA NNE Kikao Cha
    Hii ni Nakala ya Mtandao (Online Document) BUNGE LA TANZANIA ______________ MAJADILIANO YA BUNGE _____________ MKUTANO WA NNE Kikao cha Kumi – Tarehe 22 Juni, 2011 (Mkutano Ulianza Saa Tatu Asubuhi) D U A Spika (Mhe. Anne S. Makinda) Alisoma Dua HATI ZILIZOWASILISHWA MEZANI Hati zifuatazo ziliwasilishwa Mezani na:- WAZIRI WA NCHI, OFISI YA MAKAMU WA RAIS (MAZINGIRA): Taarifa ya mwaka na hesabu zilizokaguliwa za Baraza la Hifadhi na Usimamizi za Mazingira kwa Mwaka wa fedha ulioishia tarehe 30 Juni, 2010 (The Annual Report and Audited Accounts of National Environment Management Council (NEMC) for Financial Year ended 30th June, 2011). WAZIRI WA ELIMU NA MAFUNZO YA UFUNDI: Taarifa ya mwaka na hesabu za Chuo Kikuu Mzumbe kwa Mwaka 2008/2009 (The Annual Report and Accounts of Mzumbe University for the Year 2008/2009). Taarifa ya maka na hesabu za Chuo Kikuu Huria cha Tanzania kwa Mwaka 2008/2009 (The Annual Report and Accounts of Open University of Tanzania for the Year 2008/2009). MASWALI NA MAJIBU Na. 96 Utekelezaji wa Sheria ya Gharama za Uchaguzi MHE. ENG. MOHAMED HABIB JUMA MNYAA aliuliza:- 1 Ibara ya 23(1) ya sheria ya Gharama za Uchaguzi inataka mgombea kusafirisha wapiga kura kwenda au kutoka katika kituo cha Kupiga Kura na kwamba jukumu la kusafirisha na kuwarudisha wapiga kura ni la Serikali:- (a) Je, Seriklai inatekeleza wajibu huo? (b) Je. Serikali imepata uzoefu gani katika kutekeleza sheria hiyo? (c) Je, sheria hiyo ilisaidia kuondoa rushwa katika uchaguzi au iliwakinga baadhi ya wagombea na kuwatisha wengine? WAZIRI WA NCHI, OFISI YA WAZIRI MKUU, SERA, URATIBU NA BUNGE alijibu:- Mheshimiwa Spika, kwa niaba ya Mheshimiwa Waziri Mkuu napenda kujibu swali la Mheshimiwa Habib Juma Mnyaa, Mbunge wa Mkanyageni, lenye sehemu a, b na c kama ifuatavyo:- (a) Mheshimiwa Spika, katika Uchaguzi Mkuu uliopita wa Rais na wabunge, Tume ya Taifa ya Uchaguzi ilijitahidi kuweka vituo vya kupigia kura karibu na maneno ya wannchi.
    [Show full text]