Høyringsfråsegn - Endringar Av Grenser I Veterinærvaktordninga
Total Page：16
File Type：pdf, Size：1020Kb
Sakshandsamar: Arne Sandnes Vår dato Vår referanse Telefon: 57643067 14.06.2016 2016/1083– 20/241.1 E-post: [email protected] Dykkar dato Dykkar referanse Landbruksdirektoratet [email protected] Høyringsfråsegn - Endringar av grenser i veterinærvaktordninga Oppsummering Det er ikkje rette tidspunkt å foreslå endringar i dei veterinære vaktdistrikta no, dette bør utsetjast til ein ser resultatet av kommunereforma. _________________________ Bakgrunn Vi viser til brev 14.03.206 frå Landbruksdirektoratet der de spør om det «kan være behov for å se nærmere på vaktstrukturen i deres fylke.» Fylkesmannen får frist til 15. juni 2016 med å gje tilbakemelding til Landbruksdirektoratet og ein stiller følgjande spørsmål: - Er det behov for å endre grenser/struktur på dagens vaktdistrikt? - Kvifor er det eventuelt behov for ei slik endring? I mars sende vi brev til alle kommunane, veterinærane og faglaga i fylket og ba om synspunkt på desse spørsmåla. Vi har fått kommentarar frå ti kommunar og tre veterinærar og Sogn og Fjordane Bondelag. I fylket er det i dag ni vaktdistrikt og alle dei ni kommunane som styrer vaktordninga har uttalt seg. Den tiande kommunen er Naustdal som er med i vaktdistriktet Flora, Naustdal og søre Bremanger. Dei tre veterinærane som har sendt uttale er frå to frå Gloppen og ein frå vaktdistriktet Hyllestad, Fjaler og Solund. Innspel frå kommunane: Askvoll – eige vaktdistrikt. Kommunen har diskutert saka med veterinærene og skriv følgjande: «Veterinærtenestene i Askvoll fungerer godt, sett i høve til kommunen sitt dyretal, geografi og dyretettheit, og vi ser ikkje trongen for å endre grensene på noverande tidspunkt.» Hyllestad - Vaktdistriktet Hyllestad, Fjaler og Solund. «Vi har ikkje registrert noko ynskje om endring i distrikts-grensene frå einskildbrukarar, faglaga, samarbeidskommunane eller veterinærane. Ut frå dette, og eigne vurderingar på vegne av kommunen og vaktdistriktet, ser vi ikkje noko behov for å endre grensene på dette stadiet. Resultatet av kommunereforma kan medføre nye «behov» for endringar, men dette er heilt på det uvisse no.» Gulen - Vaktdistrikt Gulen og Høyanger pluss Masfjorden i Hordaland. Dei hadde ingen kommentar. Førde - Vaktdistrikt Jølster, Førde, Gaular og Fjærland. Hovudkontor Landbruksavdelinga E-post: Njøsavegen 2, 6863 Leikanger Fjellvegen 11, 6800 Førde [email protected] Telefon: 57 64 30 00 Postboks 14, 6801 Førde Internett: Telefaks: 57 65 33 02 Telefon: 57 64 30 00 www.fylkesmannen.no/sfj Org.nr 974 763 907 Telefaks: 57 82 17 77 FYLKESMANNEN I SOGN OG FJORDANE 2/4 «Vi har nettopp fullført tilbodskonkurranse og gjort avtale med det tal veterinærar vi ynskjer i ordninga. Vi har ikkje noko behov for å endre grensene i vårt vaktdistrikt, per i dag.» Tidlegare var Fjærland med i dette vaktdistriktet, men ut frå Jølster kommune sin uttale er Fjærland overført til Luster vaktdistrikt, «Hausten 2014 melde Jølster inn til KS at Fjærland burde gå ut av vaktdistriktet (etter møte med veterinærane om organisering av framtidig vaktordning). KS stadfesta denne endringa og frå og med 1.1.15 var Fjærland ute av vaktdistriktet (og lagt til vaktdistriktet Luster, som resten av Sogndal allereie var ein del av).» Luster- Vaktdistrikt Luster, Sogndal og Leikanger. I KS sitt system har Fjærland høyrt til Førde vaktdistrikt. Luster nemner dette spørsmålet og syner til brev frå Sogndal kommune. Slik vi oppfattar saka har Fjærland har vore med i Førde vaktdistrikt fram til 1.1.2015, men frå denne datoen har Fjærland gått over til Luster vaktdistrikt. Gloppen – Vaktdistrikt Gloppen kommune pluss Utvik i Stryn kommune. Glopen kommune skriv, «Ser ingen grunn til å endre på noko. Kort veg frå Byrkjelo til Utvik. Har veterinær som er med i vaktordninga som bur i Utvik. I Hyen bur det også veterinær som er med i ordninga, så alle delane av kommunen er dekka. Då kan ikkje eg heller sjå at det er naudsynt å endre på noko for vår del, per i dag når det fungerar.» Ytre Nordfjord - Eid, Selje, Vågsøy og Bremanger (nordre del). Eid kommune skriv: « Vårt syn er at vaktdistriktet av den grunn ikkje bør bli større enn i dag. Konklusjonen til no har likevel vore at tenesta fungerer godt og vi kan ikkje sjå at det på noverande tidspunkt er grunnlag for å endre grensene for vaktdistriktet.» Stryn - Stryn (unnateke Utvik) og Hornindal kommune. Stryn kommune skriv: «Vi har avtale med 5 veterinærar om vaktordning, og det fungerer greitt sett frå kommunen si side. Dette er eit geografisk område som er stort i utstrekning, og reiseavstandane er til dels store. Men distriktet har eit handterleg dyretal for ein veterinær på ei vanleg vakt. Stryn kommune ser ikkje at det skal vere behov for å justere distriktsgrensene i vårt vaktområde.» Flora - Flora, Naustdal og søre Bremanger. Flora kommune skriv: «Vi har hatt ei velfungerande og stabil veterinærordning i vårt vaktdistrikt, med 3 veterinærar som deltek i vakta. Tilbakemeldinga frå brukarane er positiv. Ein av veterinærane sluttar no i mai. Der trengs 3 veterinærar i vaktordninga for å få ein leveleg turnus. Dersom der kjem inn ny veterinær i Naustdal som blir deltakar i vaktordninga er grensene for vaktdistriktet grei.» Naustdal kommune har til no hatt ein veterinær, men den sa opp stillinga si. Kommunen har vore inne på at det kanskje er nødvendig med eit samarbeid mot Førde. Per dato ser det ut for at Naustdal likevel får nok veterinærkapasitet og at dette samarbeidet ikkje er aktuelt. Lærdal - Lærdal, Årdal og Aurland. Lærdal kommune skriv: «Felles Landbrukskontor ÅLA ser ikkje at det er behov for endring av grenser/struktur på vaktdistrikt for veterinærvaktordninga for våre kommunar. Distrikt som omfattar kommunane Årdal, Lærdal og Aurland har store nok avstandar. Ved ei eventuell utviding av vaktdistrikt vert avstandande for store og det vil truleg vere lite attraktivt for veterinærane å delta i ei slik vaktordninga.» Uttale frå veterinærar Veterinær i Hyllestad i vaktdistrikt. FYLKESMANNEN I SOGN OG FJORDANE 3/4 Her er eit innspel som går på at Hyllestad og Askvoll vaktdistrikt kan bli slegne saman. Dette er på grunn av ny bru over Dalsfjorden mellom Askvoll og Fjaler og Hyllestad. Denne veterinæren meiner desse to vaktdistrikta kan slåast saman, men vaktene og kapasiteten må eventuelt aukast i enkelte periodar som i lammesesongen. Veterinær i Gloppen kommune (Byrkjelo) skriv følgjande: «Ser ikkje nokon grunn til å endre grensene for mitt vaktdistrikt, som er Gloppen. Avstandane er store nok som dei er, og reiserefusjonsordninga har gradvis blitt ringare. Dette gjer at «kostnadane" med vaktbelasting vert for stor. Vi vil i framtida truleg få vanskar med å "fylle opp» vaktene, sjølv med eksisterande grenser. Om Gloppen vaktdistrikt vert auka geografisk, vil eg gå ut av vaktordninga.» Veterinær i Flora vaktdistrikt skriv følgjande: «Jeg er privatpraktiserende veterinær i Flora kommune og har deltatt i vaktområdet Naustdal, Flora og søndre Bremanger vaktdistrikt siden 2001. Jeg ser ingen endringer i vårt område som kvalifiserer for å vurdere endring av vaktdistriktets grenser.» Uttale frå Sogn og Fjordane Bondelag «Sogn og Fjordane Bondelag vil ikkje tilrå nokon endringar i gjeldande vaktdistrikt. Vi vurderer dagens vaktdistrikt til å vere store nok med omsyn til å kunne sikre dyra si velferd. Ei geografisk utviding av distrikta vil fort utløyse trong for fleire veterinærar på vakt for å kunne sikre dyr og dyreeigar eit tilbod som i varetek dyra si velferd. Kommunestrukturar er under endring og det vil vere meiningslaust å kome med geografiske endringar midt i denne prosessen. Eventuelle endringar bør ein avvente med å vurdere til framtidig kommunestruktur er fastlagt og sett i funksjon.» Vår vurdering Vaktdistrikta har vore uendra sidan 2008. Unnataket er at Fjærland er overført frå Førde til Luster frå 1.1.2015 etter intern avtale mellom desse kommunane. I KS sitt system har Fjærland høyrt til Førde vaktdistrikt, men slik vi oppfattar saka har Fjærland vore med i Luster vaktdistrikt frå 1.1.2015. Dette bør også innarbeidast i Landbruksdirektoratet si oversikt. Naustdal kommune har gitt uttrykk for at dei i alle fall på eit tidspunkt såg behov for eit samarbeid mot Førde. Grunnen var at ein veterinær sa opp stillinga si og det synte seg vanskeleg å rekruttere inn ny veterinær. Per i dag ser det ut som Naustdal får løysing på sitt problem og at det såleis ikkje er akutte behov for justeringar. Kommunikasjonane i fylket har stort sett vore uendra i denne tidsperioden. Unnataket er ny bru over Dalsfjorden som bind saman Askvoll og Fjaler. Frå Askvoll og Hyllestad er det ikkje kome ønskje om endringar i vaktdistrikta no, og det er grunngjeve med at ting fungerer og at distrikta er store nok slik dei er i dag. Eit anna poeng er at Sogn og Fjordane er oppdelt av tre fjordarmar og ein er avhengig av ferjesamband for å komme over. Dette betyr at det er færre avgangar på natt, og reisetidene desto lengre. Som kjent er vi midt inne i arbeidet med kommunereforma, der kommunane skal kome med sine vedtak før 1. juli. Deretter vert dette vurdert av Fylkesmannen, Regjeringa og til slutt Stortinget våren 2017. Per i dag er for tidleg å sjå korleis det nye kommunekartet for Sogn og Fjordane vert, og for den sak skuld også for resten av landet. Vi er derfor heilt samde med fråsegna frå Sogn og Fjordane Bondelag om at dagens inndeling bør bestå inntil ein ser den FYLKESMANNEN I SOGN OG FJORDANE 4/4 nye kommuneinndelinga. Vi har nokre område der grensene kanskje bør justerast, både på grunn av endra kommunikasjonar og endra behov for veterinærvakt. Men dagens inndeling fungerer i følgje kommunane tilfredsstillande per i dag, så slike justeringar bør vi vente med til vi ser det nye kommunekartet. Dette er jo ei kommunal oppgåve, og då bør vi vere ekstra varsame med å gjennomføre grenseendringar i vaktdistrikta i mot kommunane sine ynskje.