Gloppen Høgre Vil Vere Eit Aktivt Og Synleg Lokallag
Total Page：16
File Type：pdf, Size：1020Kb
POLITISKE HOVUDSAKER I KOMANDE PERIODE: Aktiv og ansvarleg kommunal økonomistyring Offensiv nærings- og samferdslepolitikk Styrke oppvekstkommunen Gloppen Rehabilitering av Idrettsplassen på Sandane Program Gloppen Høgre vil vere eit aktivt og synleg lokallag. Vi er eit viktig talerøyr inn til Høgre sentralt, til regjeringa, og til fylket, i saker som gjeld Gloppen og regionen. Dei viktige sakene vil vere: - Samferdsel, breiband og infrastruktur - Framtidsretta distriktspolitikk - Løysingsorientert landbrukspolitikk - Skuletilbod frå barneskule til vidaregåande skule - Aktiv næringspolitikk Gloppen Høgre støttar saker som Gloppen Unge Høgre er opptekne av. Viktige Unge Høgre- saker i kommunen er: - Eit godt og fleksibelt helsesjukepleiartilbod for elevar ved Firda vgs., og i ungdomsskulen - Gode bussruter til og frå Sandane, samt til/frå bygder og regionar utanfor kommunen - Varierte valfag og fordjupingsfag på Gloppen Ungdomsskule - Eit uorganisert fritidstilbod for ungdom i Sandane sentrum Våre hjartesaker: Kvalitet i omsorg - Styrkje arbeid med rus, psykiatri, rehabilitering og førebygging - Gode tenester og tilrettelegging for dei som ønskjer å bu i eigen bustad - Satse på god fagkompestanse, spesialisering og faste heile stillingar (heiltidsløftet) Kunnskap i skulen - Etter- og vidareutdanning for lærarar - Gode arbeidstilhøve for lærarar og elevar - Sikre areal for framtidig utviding av Nordstranda skule - Full rehabilitering av Hyen skule - Berekraftig utvikling av Nordstranda og Sandane skule med omsyn til elevar, personale og bygningsmasse Gode barnehagar - Sikre til einkvar tid ledig kapasitet i barnehagane - Sikre fleire barnehageplassar i opptaksområdet Gloppefjorden - Sikre gode løysingar for sommarferieavviklinga i barnehagane - Satse på god fagkompetanse, spesialisering og fleire heile stillingar Trygge arbeidsplassar Gode og trygge vegar, samt bu- og næringsområde i kommunen er viktige for sikring av gode og attraktive arbeidsplassar. Gloppen Høgre vil difor - Jobbe aktivt for gang- og sykkelveg på FV 615 Vonheim-SFE, og på Nordstrandsvegen frå Sandane sentrum til Øyrane - Støtte opp om vidare utvikling av Sandane sentrum - Legge til rette for levedyktig næringsliv i heile kommunen Landbruk: Gloppen er ein stor og viktig landbrukskommune. Ei av dei største Tine-avdelingane ligg i kommunen. For Gloppen kommune er både produksjon og foredling av landbruksprodukt ein stor og viktig næringsveg, med mange arbeidsplassar. Rammevilkåra må vere slik innretta at omleggingane som vil kome i jordbruket kan sikre tilpassinga både for små og større gardsbruk. Gloppen Høgre vil: - Styrke investeringstøtta i landbruket med særleg fokus på små og mellomstore bruk - Oppretthalde kvoteområde for mjølk som i dag for å sikre mjølkeproduksjonen i regionen - Sikre traseval for ny E39-løysing på Byrkjelo som ivaretek behova til Tine - Sikre fleksibel arealforvalting Økonomi: Gloppen Høgre står for ein ansvarleg økonomisk politikk. Det er viktig å tilby kvalitet på tenestene til innbyggjarane våre: - Gloppen Høgre vil prioritere lovpålagde kommunale tenestetilbod, med fokus på oppvekst, helse og omsorg - Opparbeide fond (frie midlar) som m.a. kan støtte utviklingsprosjekt, nyetablerarar og eksisterande bedrifter - Sikre gode kommunale tenester nær innbyggarane Næring: Bedrifter og servicenæringar må få gode og konkurransedyktige vilkår. Det betyr at ein må ha politikk som er langsiktig og føreseieleg. Gloppen må også vere ein kommune som trekkjer til seg gründerar og nyetablerarar: Sikre god digital infrastruktur Gloppen Høgre vil jobbe for at statlege/offentlege arbeidsplassar kan bli flytta hit Kommunen må til einkvar tid ha ledig regulert areal til dei som vil etablere verksemd. Det må jobbast for ein langsiktig og heilskapeleg næringspolitisk arealplan. I ei verd der produkt og framstillingsmåtar endrar seg med rekordfart, er det viktig å støtte opp om bedrifter som tenkjer nytt, og som utviklar framtidas produkt. Reiselivet er viktig for Gloppen kommune. Gloppen Høgre vil jobbe for at rammevilkåra for bedrifter i reiselivsnæringa må ivaretakast på ein god måte. Samferdsle Gode og godt vedlikehaldne vegar er svært viktig for tryggleik, utvikling og trivsel. Vi vil arbeide målretta for å realisere viktige prosjekt i kommunen både når det gjeld E39, fylkesvegar og kommunale vegar. For Gloppen Høgre er m.a. desse sakene viktige: Opprusting av E 39 på strekninga Byrkjelo – Sandane Oppstart av kommunedelplan for Fv 615 frå Hyen til Storebru Vedtak om tunnel gjennom Hopshamrane på Fv 615 Hyen til Storebru Utviding av Fv. 615 Sandane – Bukta, inkl. bygging av gang- og sykkelveg, og på Nordstrandsvegen frå Sandane sentrum til Øyrane Bru Anda – Lote, med ferjeavløysingsmidlar Sikre framtida til Sandane Lufthamn. Arbeide for eit betre rutetilbod og konkurransedyktige billettprisar Utbetringa av vegen til Fjellbygda/Kleivane/Utsikta må halde fram Vedlikehaldet av dei kommunale vegane Bustadpolitikk Gloppen Høgre vil arbeide for ein målretta bustadpolitikk både for tilflyttarar, tilbakeflyttarar, handikappa, eldre og vanskelegstilte. Dette vil medføre større investeringar i tomter og bustader som vil gje ei god avkastning for kommunen på sikt. Vi vil arbeide for: Fleire attraktive bustadtomter. Utvikling av nye bustadfelt. Gode områdeplanar som kan sikre at private aktørar kan utvikle bustadfelt eller bygge utleigebustader i heile kommunen. Sikre tilstrekkeleg med kommunale bustader for utleige. Kultur og idrett Gloppen skal framleis vere den fremste kultur- og idrettskommunen i fylket, der mangfaldet er rådande. I kulturpolitikken skal alle dei fire store bygdelaga i Gloppen takast vare på. For å nå ei slik målsetjing, vil Gloppen Høgre at: Kulturskulen skal vere ein viktig post på det kommunale budsjettet Stiftinga Musea i Sogn og Fjordane får støtte og økonomisk bistand til å realisere eit nytt formidlingsbygg til kulturskatten Holvikejekta Gloppen skal halde bibliotekdrifta på om lag same nivå som no Gimmestad gamle kyrkje må takast vare på, og sikrast mot forfall Det må vere avsett nok areal til graver på dei kyrkjegardane som er i bruk i dag. Rammeløyvinga til kyrkjeleg formål bør vere om lag som på dagens nivå Det skal ytast ei økonomisk støtte til det viktige frivillege arbeidet i lag og organisasjonar som er minst på linje med dagens nivå. Born og ungdom bør i størst mogeleg grad kunne nytte treningsfasilitetar utan eigenbetaling Kommunen, i lag med frivillege organisasjonar skal styrke arbeidet med utvikling og tilrettelegging for ei god folkehelse Den store breidda av idrettar i Gloppen må oppretthaldast, slik at kommunen tilgodeser alle med interesse og talent i ulike aktivitetar. Barne- og breiddeidrett skal prioriterast. Anlegga skal vedlikehaldast slik at dei er tenelege for sine formål. Idrettsplassen på Sandane er ein viktig faktor for idretts- og skulemiljøet. Den må rustast opp for å dekke behova som idretten og skulane har. Det vil seie tenleg underlag for fotball, samt kunststoffdekke på friidrettsdelen. Kommunen skal ha stor merksemd mot Trivselshagen, - hallen, og –badet, for å trekkje mest mogeleg mangfald av aktivitetar og idrett til anlegga. Støtte og legge til rette for alternativt fritidstilbod til barn og unge, til dømes bLAN .