Oppstart Av Verneplanarbeid I Brønnøy, Bindal Og Vefsn
Total Page：16
File Type：pdf, Size：1020Kb
«MOTTAKERNAVN» Saksb.: Ragnhild Redse Mjaaseth «ADRESSE» e-post: [email protected] Tlf: 75531559 «POSTNR» «POSTSTED» Vår ref: 2017/554 Deres ref: «REF» Vår dato: 10.03.2017 Deres dato: «REFDATO» Arkivkode: 432.1 Oppstart av verneplanarbeid i Brønnøy, Bindal og Vefsn Fylkesmannen i Nordland melder hermed oppstart av verneplanarbeid for Ursvatnet, Oksbåsen, Eidvatnet og Etterseterbekken i Brønnøy, Bindal og Vefsn kommunar. Oppstartsmeldinga er i samsvar med § 42 i Naturmangfoldlova. Aktuell verneform er naturreservat, jamfør § 37 i Naturmangfoldlova. Offentlege føringar og frivillig vern Gjennom behandling av Stortingsmelding 25 (2002-2003) slutta Stortinget seg til Regjeringa si innstilling om ei kraftig opptrapping av skogvernet i Norge. Meldinga inneheldt viktige prinsipp og satsingsområder for skogvernet. Det vart blant anna lagt til grunn av eit utvida skogvern skal følgje dei fagleg anbefalingane i NINA rapport 54/2002: «Evaluering av skogvernet i Norge». I meldinga vart frivillig vern trekt fram som ein viktig strategi for det framtidige skogvernet i Norge. Frivillig vern inneber at grunneigar tilbyr staten vern av eigen skog. Miljøvernmyndigheitene vurderer tilbodet og set i gang naturfaglege registreringar for å kartlegge verneverdiar. Dersom området som er tilbode inneheld kvalitetar nok til at det er aktuelt å fremje eit verneforslag skal det gjennomførast forhandlingar med grunneigar om avgrensing, verneforskrift og økonomisk erstatning. Områda som er foreslått for vern er kome fram gjennom ordninga med frivillig vern i skog. Det er foreløpig ikkje inngått skriftleg avtale mellom skogeigarane og staten, men skogeigarane har gitt løyve til at arbeidet med verneplanen kan setjast i gang. Før vernevedtaket vil ein avtale om erstatning forhandlast fram mellom dei berørte grunneigarane og staten. I områder med gammal kunnskap er eller skal det gjennomførast nye naturtypekartleggingar. Nykartleggingane skal danne grunnlaget for den vidare prosessen. Etterseterbekken er kartlagt av NINA-gruppa i 2009 og treng ikkje nye kartleggingar. Eidsvatnet vart kartlagt i 2016 medan Ursvatnet og Oksbåslia vil bli kartlagt denne feltsesongen. STATENS HUS Miljøvernavdelinga [email protected] Moloveien 10, 8002 Bodø Telefon: 75 53 15 00 www.fylkesmannen.no/nordland Telefon: 75 53 15 00 Telefaks: 75 52 09 77 Telefaks: 75 52 09 77 Vi melder oppstart i følgjande områder: Område Kommune Areal (daa) Berørte eigedommar (gnr/bnr) Ursvatnet Brønnøy 7066 5/1 Oksbåslia Bindal 3352 38/1 Eidsvatnet Bindal 3000 78/1 Etterseterbekken Vefsn 479 15/3 og 15/9 Områdeskildringar og verneverdiar Ursvatnet ligg på sørsida av Ursfjorden, sør for Hommelstø i Brønnøy kommune. Her er det registrert kystgranskog med verdi B i naturbase. Lokaliteten i naturbase dekker halvparten av området som er tilbode. Området ligg fint til i eit dalføre med naturleg avgrensing mot tilstøtande fjellområder. I dalsidene er det mykje frodig skogsmark. Den artsrike, høgstaudeprega vegetasjonen vitnar om eit rikt jordsmonn. Berggrunnen består av glimmersneis med ei tynn marmoråre som går inn i lokaliteten. Skogstrukturen verkar generelt naturleg og nærmast intakt fordi spora etter hogst langt på veg er utviska. Kartleggingane her er noko gamle og Fylkesmannen har anbefalt at området kartleggast på nytt i løpet av feltsesongen 2017. Eigedommen ligg innanfor Jillen-Njaarke reinbeitedistrikt. Oksbåslia er ei bratt li på nordsida av Tosenfjorden i Bindal kommune. Heile nordsida av Tosenfjorden er relativt varm og har derfor generelt ein svært rik flora. Dette området har også kalkgrunn (marmor). Det er registrert ein lokalitet med sørvendte berg og rasmark i naturbase med verdi A. Nordlandsasal som er endemisk for Bindal kommune veks her. Det finst også andre interessante artar som murburkne og kalktelg. Registreringane er gamle, og Fylkesmannen har anbefalt at området kartleggast på nytt i løpet av feltsesongen 2017. Eigedommen ligg innanfor Jillen-Njaarke reinbeitedistrikt. Eidsvatnet ligg i Bindal kommune i tilknytning til Eidvatnet naturreservat, mellom Ursfjorden og Tosen. I naturbase er det registrert ein kystgranskog med verdi A og ein lokalitet av naturtypen rasmark med verdi C. Dette er gamle registreringar, og området vart kartlagt på nytt i 2016. I kystgranskogen er det også innslag av lauvskog og her finst det artsrike lungeneversamfunn. Overgangssona mellom fjellet og stranda er svært kalkrik. Her finst kalkkrevande karplanter og mosar. Den andre lokaliteten er dårleg beskreve i naturbase. Dette er ei utviding av eit eksisterande verneområde, og vil tilføre naturreservatet ytterlegare kvalitetar. Berggrunnen består hovudsakeleg av glimmergneis, men lengst nord i lokaliteten, på sørsida av Fjellvatnet, er det litt marmor. Eigedommen ligg innanfor Jillen-Njaarke reinbeitedistrikt. Etterseterbekken: Ligg eit par kilometer sør for Mosjøen sentrum. Ein stor del av eigedommen ligg på marmorgrunn. Det er tre naturtypelokalitetar innanfor det avgrensa området. Ein av lokalitetane har verdi A og dei to andre har verdi B. Lokaliteten med verdi A er ein kalkgranskog med stort potensial for raudlista markbuande sopp. Skogen er relativt gammal, med grovdimensjonerte tre og ganske mykje dødved. Dei andre naturbaselokalitetane, som har fått verdi B, er ei relativt stor bekkekløft og ein gråorskog som er viktig for fleire trua artar. Kartleggingane vart utført av NINA-gruppa under bekkekløftregistreringane i 2009. Vi meiner at kartlegginga er av så god kvalitet at det ikkje er behov for nye kartleggingar. Eigedommen ligg innanfor Jillen-Njaarke reinbeitedistrikt. Side 2 av 6 Områda som er tilbode for vern vil bidra til ytterlegare areal av kystgranskog, kalkskog og bekkekløft som er svært viktige og relativt sjeldne naturtypar. I tillegg vil eit vern av eigedommen ved Eidsvatnet tilføre naturreservatet fleire kvalitetar som det ikkje har frå før, blant anna rikare vegetasjonstypar. Konsekvensar av verneforslaget Verneområder blir oppretta for å ta vare på naturverdiane. I verneområder er det derfor nødvendig å begrense mulegheita for naturinngrep. Blant anna vil det vere forbod mot fysiske inngrep og vegetasjon og dyreliv er freda mot skade og øydelegging. Bruk av naturreservatet til teltleirar, idrettsarrangement og anna organisert bruk treng særskilt løyve. Sykling og bruk av hest vil vere begrensa til eksisterande veiar og stiar. Kva bestemmelsar som vil gjelde for dei forskjellige områda vil bli beskreve i verneforskrifta når verneforslaget blir sendt på høring. Generelt kan vi nevne at alle inngrep som vil forringe verneverdiane vil vere forbode. Skogbruk vil dermed ikkje vere tillate. Områda vil fortsatt kunne brukast til blant anna friluftsliv, jakt, beiting, bær- og sopplukking. Innspel og vidare prosess Fylkesmannen melder oppstart av verneplanarbeidet for å sikre medverknad før vi utarbeider eit verneforslag. Vi vil gjerne ha synspunkt på verneplanen både når det gjeld grenser, brukarinteresser og naturverdiar. Vi ønskjer medverknad som kan bidra til gode løysingar for både bruk og vern. Eventuelle kommentarar til oppstartsmeldinga og innspel til verneplanarbeidet kan sendast skriftleg til Fylkesmannen i Nordland, 8002 Bodø eller [email protected] innan 21. april 2017. Arbeidet vil utførast etter saksbehandlingsreglane i rundskriv T2/15, «Saksbehandlingsregler ved områdevern etter naturmangfoldloven (§§41-43)». På bakgrunn av tilbakemelding frå Sametinget vil det ikkje opprettast ei arbeidsutval som skal hjelpe Fylkesmannen gjennom utgreiingsprosessen. På grunn av begrensa storleik på områda vil det heller ikkje utarbeidast konskekvensutgreiingar, men følgjene for forslaget vil bli beskrevet i høyringsutkastet. Etter gjennomgang av kommentarar til oppstartsmeldinga vil verneforslaget med detaljert avgrensing av områda og verneforskrifter sendast på høyring med frist på to månader for å kome med ein uttale. Meldinga om oppstart blir sendt til berørte grunneigarar, kommunar og aktuelle organisasjonar med fleire, jamfør vedlagt adresseliste. Vi ber om å bli kontakta ved feil eller manglar i adresselista. Oppstart blir også kunngjort i Helgelendingen og Rana Blad og Brønnøysunds Avis. Side 3 av 6 Ved eventuelle spørsmål eller ønskje om meir informasjon, ta kontakt med Ragnhild Redse Mjaaseth, e-post: [email protected], tlf: 75 53 15 59, eller Christian Brun-Jenssen, e-post: [email protected], tlf: 75 53 15 58. Med helsing Christian Brun-Jenssen (e.f.) seksjonsleder Ragnhild Redse Mjaaseth rådgiver Dette brevet er godkjent elektronisk og har derfor ikke underskrift. Kopi til: Miljødirektoratet Postboks 5672 Sluppen 7485 TRONDHEIM Allskog SA 7047 TRONDHEIM Vedlegg: 1 Kart over områder som er aktuelle for frivillig vern Mottakerliste: Universitetet i Tromsø Norsk institutt for bioøkonomi Norsk Industri Norsk Bergindustri Norsk Biologforening Luftfartstilsynet Friluftslivets fellesorganisasjon Den Norske Turistforening Karin Solfrid Stokka Vestersidvegen 155 8658 Mosjøen Nordland Bonde- og småbrukarlag v/ Marielle Vink de Roos Sametinget Statskog SF WWF - Norge Norske Samers Riksforbund (NSR) Norsk Zoologisk Forening Norges vassdrags- og energidirektorat Norges Miljøvernforbund NHO Reiseliv Direktoratet for mineralforvaltning med Bergmesteren for Svalbard AVINOR AS FNF-Nordland Statens vegvesen region Nord NVE Region Midt-Norge Side 4 av 6 Universitetets naturhistoriske museer og botanisk hage Riksantikvaren NTNU, Vitenskapsmuseet Norges Naturvernforbund Natur og Ungdom Kommunal- og moderniseringsdepartementet Fakultetet for naturvitenskap og teknologi,