LAWATU NI CURUCURU kei na IVAKALEKALEKA NI CURUCURU SEGA-NI-SAUMI

KEVAKA O GADREVA NA VEIVUKE MO KILA VINAKA NA NOTISI OQO, VEITARATARA MAI KIVEI BOB MUENCH ena (801) 578-8378.

Na idusidusi oqo e volai me vukei iko mo kila na vei lawatu kei na iwalewale ni curucuru sega-ni-saumi ka vakakina se ocei e rawa ni sega-ni-saumi nona icurucuru ena vei Koronivuli ena Tikina o Salt Lake City.

Rai-Vakararaba

1. Na lawa e Utah e vakatara na kena saumi na icurucuru ena kalasi vitu ka yacova sara na tinikarua. Kena ibalebale oqo ena rawa ni sauma na nomu gonevuli na isau ni iyaya ni vuli, itaviqaravi, kei na vei porokaramu tale eso. 2. Na icurucuru kece e rawa ni sega-ni-saumi. 3. Na gonevuli kece e cakitaki nona kerekere ni icurucuru sega-ni-saumi e tiko nona dodonu ni kerekere tale se appeal.

Lawatu ni Tikina me baleta na iCurucuru Sega-ni-Saumi

Na Matabose ni Vuli ena Tikina ni Koronivuli e Salt Lake City e sa tekivuna ka vakatara e dua na lawatu me baleta na curucuru sega-ni-saumi kei na ituvatuva ni saumi icurucuru ka vakatudonutaka kina na lawa ni yasana. Na lawatu, iwalewale, kei na ituvatuva ni saumi icurucuru e rawa ni laurai ena drauniveva ni tikina ena initaneti:slcschools.org/board-of-education/policies/ - scroll down the page and look for S-10: Curucuru ni Gonevuli kei na Curucuru Sega-ni-Saumi iWalewale ni Curucuru Sega-ni-Saumi

Na dui qasenivuli-liu ena vei koronivuli era sa lesi me ra railesuva ka vakayulewa ena vei kerekere ni curucuru sega-ni-saumi. E vakadeitaka na tikina ni na vakayacori na iwalewale ni soli veivakatarai me kua ni saumi nai curucuru ena caka vakadodonu, ena inaki savasava, ka kakua tale ni wawa. Vaka kina, ena vakadeitaka talega na tikina ni na sega ni sotava na iwalewale oqo na veika vakamadua, sega ni vakarorogo, kei na colacola bibi vei ira na gonevuli kei na nodra itubutubu. Na iwalewale oqo ena sega na kena veivakatakilai me rawa ni kilai kina se ocei e kerekere mai me kua ni saumi nona icurucuru, ka vakatabui vei ira na gonevuli ni tikina (vakavo o ira na gonevuli e kerekere tiko mai nona itubutubu/matavuvale) me ra soli veivuke ena gauna ni volakerekere. Na itukutuku mai na vei matavuvale/itubutubu ena karoni sara vakamatau ena gauna e cicivaki tiko kina na iwalewale oqo.

Sa kerei mo ni kila talega ni dua na gonevuli e soli vua na veivakadonui ni sega-ni-saumi nona icurucuru ena sega ni vakaduiduitaki mai vei ira tale na vo ni gonevuli, ka sega ni na vakatakilai ni gonevuli sega-ni- saumi kivei ira tale na gonevuli, qasenivuli, se o ira tale na so e sega ni gadrevi me ra kila na veitukutuku oqo.

Rawa ni Sega-ni-Saumi iCurucuru

E dua na gonevuli e rawa ni sega-ni-saumi nona icurucuru kevaka:

1. e vakatarai me sega ni saumi nona kana vakasigalevu ena ruku ni lawa ni USDA 2. e ciqoma tiko na gonevuli na SSI 3. e ciqoma tiko na matavuvale ni gonevuli na TANF 4. e qaravi tiko ena veiqaravi ni susu gone, se 5. e tiko ena veitaqomaki ni matanitu

Kevaka talega o sotava tiko na dredre vaka ilavo baleta ni vakayali nomu cakacaka, tauvimate bibi, se dua tale na vu ni yali na ivurevure ni ilavo ka sega ni dua kina nomu lewa, e rawa ni sega-ni-saumi na curucuru nei nomu gonevuli kevaka e sega ni sotava na veika e vakamacalataki yani e liu. Kevaka e sega ni rawata na gonevuli ena veika kece oqo, e dodonu me vakadonuya na koronivuli me sega-ni-saumi na icurucuru kevaka e vakavuna na saumi curucuru na biuvuli ni gone se vakaotia koso nona vuli me baleta na veika oqo.

Ia, kevaka me na dua e rawata na sega-ni-saumi ni icurucuru, e dodonu me na ciqoma na koronivuli NA IVOLA me vakadinadinataki kina na nona rawata e dua na gonevuli na veika oqo. E dodonu mo na vakacavara na Volakerekere ni iCurucuru Sega-ni-Saumi ka solia yani ki na qasenivuli-liu ni koronivuli me railesuva ka vakadonuya. E rawa ni o taura nai volakerekere mai na valenivolavola-liiu ni koronivuli ka vakakina mai na drauniveva ena initaneti ni Matabose ni Vuli e Yasana o Utah ena:https://www.schools.utah.gov/schoolfees?mid=4340&tid=3 Ena gauna o solia mai kina na nomu fomu, ena tarovi na saumi curucuru ka yacova sara ni sa soli e dua na vakatulewa me baleta na nomu gonevuli kei na nona rawata na sega-ni-saumi ni curucuru. Kevaka e cakitaki na volakerekere, ena vakauta yani vei iko na koronivuli e dua nai vola me baleta na Vakatulewa kei na Fomu ni Kerekere Tale se appeal. Ena vakamacalataka yani vei iko na fomu se cava na vuna e cakitaki kina na nomu kerekere ka vakamacalataka talega yani na iwalewale ni kerekere tale. Kevaka o kerekere tale oti kena cakitaki nomu matai ni kerekere, e sega ni gadrevi mo saumi curucuru me yacova sara ni soli na vakatulewa me baleta nomu kerekere tale.

Kevaka e rawata na nomu gonevuli na sega-ni-saumi ni curucuru, e dodonu me kua ni saumi na curucuru taucoko, okati kina - ka sega ni yalani ga ena - veika oqo:

Na isau ni rejisita, vakacuru-ilavo ni ivolavakarau kei na iyaya, yaya ni vuli, kati ni itaviqaravi, loka e koronivuli kei na veika tale eso; isau ni rumu-ni-vakadidigo-ka kei na sitoa, isau ni tauwelu kei na vanua ni vakaukauwa yago: isau ni veilakoyaki ni timi se kalasi; kei na isau ni iyaya ni vakatagi e vayagataki ena itaviqaravi se vei-kalasi e koronivuli.

E sega ni dua na ''curucuru sega ni rawa ni sega-ni-saumi'' se isau ''vakatau vei iko'', ia e rawa ni vakarautaki ena so na gauna na digidigi tale eso, sega ga ni baleta na isau ni iVolavakarau. E sega ni rawa ni kerei iko e dua na koronivuli mo sausaumi vakalalai, saumi IOU, se dua tale na sausaumi mai muri.

Na isau ni mama ni kalasi, volayabaki, itaba ni vuli, jakete ni qito, kei na veika vakaoya e sega ni icurucuru ka sega ni dodonu me sega-ni-saumi. Kevaka talega e vakacacana se vakayalia e dua na iyaya ni koronivuli na nomu gonevuli, na isau ni kena vakavinakataki se vakasosomitaki e sega ni icurucuru ka sega ni dodonu me sega-ni-saumi. E rawa ni sauma na gonevuli na isau ni curuvuli se vakaitikotiko taumada. Na tiki ni icurucuru e veisemati kei na koliji se ivakatagedegede ni kalasi torocake sara e sega ni okati ena curucuru sega-ni-saumi. Vaka talega kina, o ira ga na gonevuli era sauma e dua na vakacuru- ilavo me baleta e dua na iyaya se ivolavakarau e rawa ni na vakasukai lesu vei ira na nodra vakacuru- ilavo ni cava na yabaki ni vuli. E sega ni rawa ni taura lesu tale, vakalailaitaka, se vakavinakataka na maka, se taura lesu na maka, ripote, macala ni veitarogi, se koroi ni vuli na koronivuli se dua na qasenivuli me vakasaurarataka kina e dua me saumi icurucuru. E rawa ni taura lesu na koronivuli na macala ni vuli ni dua na gonevuli e vakayalia se vakacacana na iyaya ni koronivuli; ia, e sega ni rawa ni bureitaka na macala ni vuli ni dua na gonevuli kevaka e tarova na nona vuli se vakacurumi ki na koronivuli na gonevuli oqo.

E SEGA ni gadrevi vakayabaki na ivola ni vakadinadina me baleta na sega-ni-saumi ni curucuru ia e rawa ni kerea ena gauna cava ga na koronivuli se itubutubu me railesuva kina e dua na ka. E na SEGA talega ni maroroi na ivola oqo ena vuku ni vakamacala vakataukei e tiko kina. E rawa ni veisoliyaka na koronivuli na itukutuku me baleta na sega-ni-saumi curucuru ni dua na gonevuli ena gauna e toki se toso yani kina ki na dua tale na koronivuli.

Kevaka e tiko nomu vakatataro, veitalanoa taumada kei na nomu qasenivuli-liu se nomu mata-ni-tikina me baleta na vuli ka toka oqo era:

Tabacakacaka ni Cakacaka kei na Veiliutaki ni Koronivuli (801) 578-8350

Kevaka o gadreva e dua na ilavelave ni iwalewale me baleta na icurucuru kei na sega-ni-saumi ni curucuru, sa kerei mo veitaratara mai vei Bob Muench ena (801) 578-8378.