Mottakar Namn
Total Page：16
File Type：pdf, Size：1020Kb
saksframlegg Dato: Referanse: Vår saksbehandlar: 28.05.2019 64607/2019 Benedicte Bjerkvik Saksnr Utval Møtedato Samferdselsutvalet 12.06.2019 Nytt ferjesamband Kjørsvikbugen - Laksåvika Bakgrunn I 2004 blei Imarsundforbindelsen vedteken. Dette prosjektet ga ferjefritt samband mellom dei to kommunane Tustna og Aure, og førte til kortare reisetid og betre transporttilbod for dei reisande i kommunane Tustna, Aure, Smøla, Hemne, Frei og Kristiansund. Imarsundprosjektet er finansiert med mellom anna ferjeavløysings- midlar. Prosjektet førte til at sambandet Aukan – Vinsternes vart lagt ned og sambandet Aukan (Tustna) – Edøya (Smøla) – Forsnes (Hitra) vart endra. I januar 2007 vart Forsnes lagt ned, ferjeleie på Aukan blei flytta til Sandvika i Tustna kommune, og sambandet Edøya – Sandvika vart oppretta. I 2006 slo dei to kommunane Aure og Tustna seg saman. Kjelde: Sør-Trøndelag 24.mai 2017 Det har vore arbeidd frå fleire hold med å etablere eit nytt samband mellom Aure og Hitra sidan det vart bestemt at Forsnes skulle leggast ned. Det har vore lagt ned arbeid i å finne nye plasseringar for ferjeleia. Denne prosessen har ført til følgande plasseringar; Kjørsvikbugen i Aure kommune og Laksåvika i Hitra kommune. MINOFAS/(Midt-Norsk Fergeallianse AS) vart stifta i 2009 og arbeider for å få etablert ferjeforbindelsen Kjørsvikbugen-Laksåvika. Eigarane av MINOFAS er kommunane Kristiansund, Aure, Hemne, Hitra, Frøya og Kristiansund og Normøre Hamn IKS. Positive faktorar ved etablering av eit nytt samband Ein ny ferjeforbindelse vil vere eit nyttig samferdselstiltak i regionen, trafikantane vil få kortare og raskare tilknyting mellom kommunane Aure, Hitra, Frøya, Hemne, Smøla og Kristiansund. Det vil styrke bu- og arbeidsmarknads-regionen, og styrkar konkurransekrafta til næringslivet. For dei reisande vil dette sambandet bety spart reisetid og sparte reisekostnadar. Redusert trafikk på vegane er også venta å føre til færre ulykker på vegen. Det er også ein tilsvarande politisk prosess i Trøndelag fylkeskommune. Den neddiskonterte netto nytta av ferjesambandet er utrekna til å ligge i intervallet 33 til 187 millionar kronar i 40 årsperioden (Tal frå 2015). Tidlegare politiske vedtak om saka I 22.11.2016 vedtok fylkesutvalet følgande: «At nytt ferjesamband Aure – Hitra vert utgreia og søkt godkjent dersom det kan etablerast innanfor det statlige tilskottet til ferjedrift i inntektssystemet.» Fylkestinget vedtek det same 13.12.2016. Den 18.05.2017 sendte Møre og Romsdal Fylkeskommune «Søknad om etablering av nytt ferjesamband innanfor det statlege tilskottet» til Kommunal og moderniseringsdepartement og til Samferdselsdepartement. Møre og Romsdal Fylkeskommune fikk 07.06.2017 eit «Førebels svar på søknad om ferjesamband i inntektssystemet» frå Kommunal- og moderniseringsdepartement. I brevet går det frem at Stortinget har bedt regjeringa om å komme tilbake til Stortinget med ein omtale av korleis nye ferjesamband kan bli teke opp i kriteriedata i inntektssystemet for fylkeskommunane. Den 22.02.2018 kom svaret på søknad til Kommunal- og moderniseringsdepartement om nytt ferjesamband i inntektssystemet. I svaret frå departementet blir det stilt fleire krav som eit ferjesamband må oppfylle for å inkluderast i kriteriedata for utgiftsutjamninga (Viser til vedlagt brev). Departementet viser til at det også tidlegare har gått eit ferjesamband mellom Aure og Hitra (Aukan-Forsnes), men dette sambandet blei lagt ned i 2007 for å delfinansiere Imarsundprosjektet gjennom den statlege ferjeavløysingsordninga. Siste år med utbetaling av ferjeavløysingsmidlar til Møre og Romsdal fylkeskommune er 2022. Det betyr at eit nytt samband mellom Aure og Hitra ikkje vil bli inkludert i utgiftutjamninga før tidlegast i 2023. Kriteria på minst to år med heilårsdrift og ein årsdøgntrafikk (ÅDT) på 10 personbilar eller meir må også være oppfylt. Følgande vedtak blei gjort etter ei referatsak i Samferdselsutvalet 14.03.18: «Samferdselsutvalet ber om at det blir utgreidd om det er mogleg å starte opp eit nytt ferjesamband mellom Kjørsvikbugen og Laksåvika frå 2021, med sikte på at sambandet blir teke inn i inntektssystemet frå 2023. I dette arbeidet må kommunane og Trøndelag fylkeskommune involverast for å finne ei løysing på finansiering og investeringar og drift før sambandet blir godkjent av KMD.» Rapportar som er brukt som grunnlag i saka I 2007 utarbeida Møreforsking ein rapport på oppdrag frå Tjeldbergodden Utvikling AS med trafikkberekningar og ein samfunnsøkonomisk analyse for eit mogleg nytt ferjesamband mellom Laksåvika og Kjørsvikbugen. I 2016 bestilte MINOFAS ein oppdatering av denne analysen. Rapporten frå 2007 konkluderer med at eit nytt ferjesamband mellom Aure og Hitra er eit samfunnsøkonomisk lønsamt samferdselstiltak. Den oppdaterte rapporten frå 2016 indikerer også at tiltaket vil vere samfunnsøkonomisk lønsamt . Rapporten frå 2016 inneheld fleire endringar, transportmodellane er ytterligare forbetra, verdsettingsstudiar er blitt oppdatert og rettleiing for samfunnsøkonomiske analysar er oppdatert. Referanse- situasjonen er vegnett, demografi og annan inndata for 2014/2015. Tjeldbergodden Utvikling AS har også engasjert Multiconsult AS til å utarbeide eit forprosjekt for ferjekaier med tilhøyrande tilkomstvegar, «Fergeforbindelse Aure – Hitra, Atkomstveg og fergekai i Kjørsvikbugen og Laksåvika» rapporten er datert 10.10.2009. I 2016 på bestilling av MINOFAS laga Multiconsult eit notat med revidert kostnadsoverslag til denne rapporten. Aure kommune vedtok sin reguleringsplan for «Ferjekai Kjørsvikbugen og Bioparken» i mai 2016. I denne reguleringsplan er det også ein rapport utarbeidd av Multiconsult på oppdrag av Aure kommune, denne rapporten er datert 01.11.2012. Om ferjesambandet Eit ferjesamband mellom Kjørsvikbugen og Laksåvika vil ha ei overfartstid på mellom 20 og 25 minutt. Ferjesambandet vil binde saman fylkesveg 680 i Møre og Romsdal og fylkesveg 713 i Trøndelag. Avstanden mellom Aure og Hitra ein veg er godt og vel 100 km mellom dei nærmaste områda i dei to kommunane, og opp mot 200 km mellom dei fjernaste områda i begge kommunar. Avstanden over leia for eit nytt ferjesamband er om lag 7 km, og sambandet kommer i takssone 8. Møreforsking har gjort utrekningar på spart reisetid der ein på det meste vil spare 23 minutt. Gjennomsnittleg ventetid blir knappe 30 minuttar, dette er summen av skjult og open ventetid. Når eit samband har lav frekvens må man rekne med at dei faste brukarane kjenner rutetabellen og tilpassar avreise og innkomst til avgangane men legg inn ein liten sikringsmargin. Laksevegen er vesentleg utbetra, dette er ikkje tatt med i berekningane til Møreforsking. Grunngjevinga er at bompengenivået blir vurdert til å vere om lag det same som reduserte generaliserte reisekostnadane som følgje av redusert tal kilometer og redusert reisetid, og vil truleg ikkje påverke resultatet. Tilkomstveg og ferjekai For å kunne etablere det nye sambandet må det etablerast tilkomstvegar og nye ferjekaier både i Aure og på Hitra. Både Aure kommune og Hitra kommune har vedteke reguleringsplanar for ferjekaiene. Tilkomstvegen i Kjørsvikbugen er omtalt i reguleringsplanen til Aure kommune. Tilkomstvegen vil ha tilkopling til fylkesveg 680 som eit T-kryss med innlagt passeringslomme på austsida av fylkesvegen. I følgje Multiconsult sin rapport frå 2009 vil denne vegen bli om lag 500 meter lang. I reguleringsplanen er det lagt inn en vegbredde på 6,5 meter og med ei fartsgrense på 50 km/t. Vegen til ferjekaia er planlagt med 5 prosent fall frå fv. 680 til kryss med veg mot Bioparken. Deretter 7 prosent fall ned mot ferjekaia. Det er regulert inn eit oppstillingsfelt før ferjekaia på ca. 160 meter som vil ha plass til ca. 25 personbilar. Det er også foreslått å etablere ein parkeringsplass for ca. 16 personbilar, berekna på pendlarar. For tilkomstvegen og ferjekaia i Kjørsvikbugen er det gjort et kostnadsoverslag i rapport frå 10.10.2009 av Multiconsult, som er oppdatert av Multiconsult i 2016. Det samla beløpet for tilkomstveg og ferjekai Kjørsvikbugen og Laksåvika var i 2016 kroner ca. 52 millionar kroner for dieseldrift og ca. 70 millionar kroner for batteridrift. Når desse tala blir indeksregulert til 2019 kroner utgjer dei ein kostnad på ca. 58 millionar for dieseldrift og ca. 78 millionar for batteridrift. Det må her merkast et det går fram av rapporten at det ikkje er medtatt kostnadar til ein eventuell utdjuping av seglingsleda. Det er heller ikkje medatt kostnadar som kan kom ved forureina sjøbotn. Kostnadsoverslaga hadde ei usikkerheit på +/- 20 prosent. Møreforsking sin rapport frå 2016 antyder eit investeringsomfang for tilkomstvegar og to ferjekaier med oppstillingsplasser til ca. 100 millionar kroner. Talet er et grovt anslag fordi oppdatert detaljprosjektering ikkje ligg føre. Talet, som kjem frå Staten vegvesen, er basert på erfaringstal frå samanliknbare prosjekter. Indeksregulert til 2019 kroner blir dette ca. 112 millionar. I samband med utgreiinga av Nordøyvegen blei det av Statens vegvegsen laga eit grovt overslag på overordna nivå for kostnadar for eventuelle nye ferjekaier. Gjennomsnittleg anslag for to nye ferjekaier på Nordøyane var i 2018 kronar ca. 138 millionar. Indeksregulert til 2019 kroner blir dette ca. 141 millionar. I denne utrekninga er alle forhold som ikkje vil gjelde her tatt bort. Det er lagt inn kostnadar knytt til oppstillingsplass i berekningane, men kostnadar knytt til tilkomstvegen er ikkje medrekna. Det er her lagt inn ei usikkerheit på 20 prosent. Det finnes også flytande ferjelemmer. Dette er ei ferjekai