Nesset Fjellstyre
Total Page：16
File Type：pdf, Size：1020Kb
Nesset Fjellstyre Styremøte tirsdag 20. november 2018 kl. 20 hjå Knut Arne Bugge Innkalla: Nikolai Finset, Knut Arne Bugge, Else Janne Sæter, Stein Ivar Bjerkeli, Toril Melheim Strand, Dag Ringstad (sekr.) Sakliste: 26/18 Godkjenning av innkalling 27/18 Godkjenning av sakliste 28/18 Godkjenning av møtebok for styremøte 4.juli 2018 29/18 Kvilebrakka ved Tippen, flytting til Aursjøområdet (tidl. sak 24/18) 30/18 Reinsjakta 2018. Evaluering. Endringar for 2019 31/18 Ny heimeside, Nesset Fjellstyre 32/18 Hjertestarter, Aursjøen 33/18 Ny fjellov, uttale 34/18 Kulturminneplan for Nesset 2019-2022, høyring 35/18 Leie av hytte i Sandgrovbotnen, avtale Til orientering - Jegerprøvekurs - instruktør - Endring av namn Nesset Fjellstyre Eresfjord, 30.10.2018 Nesset Fjellstyre Dag Ringstad Nikolai Finset Sekr. Leiar Nesset Fjellstyre Sak 29/18 Kvilebrakka ved Tippen, flytting til Aursjøområdet. Saka vart diskutert på styremøte 4. juli som sak 24/18 med fylgjande vedtak: «Saka vert utsett til neste styremøte, og etter synfaring.» Det har ikkje vore halde styremøte etter denne dato, og p.g.a. vinteren er det ikkje mogleg å gjennomføre synfaring i år. Sender vedlagd ein del bilete av brakka. Som eit ledd i saksførebuinga spurte sekretær Statkraft om dei ville bidra med flytting av brakka til Aursjøen. Dette sa Statkraft ja til, og dagen etter vart brakka flytta. Den står no ved den gamle verkstadhallen. Dette er førebels plassering. Brakka er omlag 2 x 3 m. Den står på to plankar 6 x 6 tommar. Desse må skiftast. Den eine lang- veggen må ha ny papp og bordkledning. Vindauge må skiftast . Nye hengsler på døra, delvis ny tro på taket, og ny takpapp. Nye vindskier, vannbord og hjørnebord. Innvendig må det kjøpast ny vedomn og omnsrør. Målet er eventuelt å restaurere brakka til den tilstanden ho var i under anleggsperioden. Dersom ein vil nytte brakka til informasjonsføremål må ein legge til utgifter til foto/tekstplakatar m.m. Det er ein føresetnad for eventuell restaurering at Nesset Fjellstyre kan finansiere det meste gjennom tilskot. Forslag til vedtak: Saka vert lagt fram utan forslag til vedtak. Nesset Fjellstyre Sak 24/18 Kvilebrakke ved Tippen, flytting til Aursjøområdet Syner til sak 23/18. Det har kome fram tankar om at denne kvilebrakka kan inngå som ein del av eit museumsområde ved Aursjøen. Denne brakka vart nytta under anleggstida for Aurautbygginga, og vart flytta frå anleggsstad til anleggstad ved at den vart dradd på snøen. Brakka kan nyttast til å utvide fotoutstillinga, og til å gjenskape miljøet i brakka med omn og interiør. Brakka treng restaurering. Statkraft v/Knut Røst har uttalt at ved eventuell flytting, kan denne brakka inngå som ein del av festenummeret til Nesset Fjellstyre si hytte. Det forutset at Nesset Fjellstyre står som eigar. Nesset Fjellstyre er fritatt for festeavgift og eigedomsskatt. Eigar, Kristen Arne Sæter, er positiv til at Nesset Fjellstyre tek over brakka, og at den vert flytta til Aursjøen. Nesset Fjellstyre har ikkje økonomiske midlar til finansiering av dette prosjektet. Dette må eventuelt finansierast eksternt. Forslag til vedtak: Nesset Fjellstyre er positiv til at kvilebrakka ved Tippen vert flytta til Aursjøområdet dersom restaurering og flytting kan finansierast eksternt. Nesset Fjellstyre Sak 30/18 Reinsjakta 2018, evaluering. Endringar 2019. Vedlagd oppsynsrapport for reinsjakta 2018. Resultatet av jakta syner ei felling i Snøhetta vest på 170 dyr, 42,5 %. I Nesset Villreinfelt vart det felt 62 dyr, 44,9 %. I Eresfjord og Vistdal Statsallmenning vart det felt 25 dyr, 39,7 %. Det er den lågaste fellinga på svært lang tid. Årsaka til den låge fellinga kan vere at vi har hatt svært låge kvoter dei siste 13 åra og det har minka med reinsjegerar. Dei eldre erfarne jegerane har slutta. Vi treng tid til å opparbeide ei ny «jegerstamme». Søknadar på reinskort. Alle som søkte på reinskort i 2018 fikk tildelt kort før jakta, eller i løpet av jakta. Fjellstyret gjekk og ut med, via SMS, spørsmål til alle som hadde kort i 2017 om dei var interessert i å stå på reserveliste i år. Tolv personar svarte ja, og alle desse fikk tilbod om kort i løpet av jakta. Likedan vart enkelte av dei som vart tildelt kort i år, og som hadde fylt korta sine, spurt om dei var interessert i fleire kort. Trass i dette hadde vi ledige kort på slutten av jakta. Forslag til vedtak: Alle som er søknadsberettiga til reinskort i gamle Eresfjord og Vistdal kommune kan søkje om reinskort i 2019. Dei som ikkje hadde kort i 2018 skal trekkast ut fyrst. Reinskort Snøhetta aust. Det har tradisjonelt vore vanskelig å få solgt jaktkorta vi får tidelt i Snøhetta aust. I år var det 6 kort. Mange kvier seg for å jakte på dette området av di dei er lite kjende og fellingsprosenten er normalt svært lav på desse korta. Etter at vi no har fått større kvoter på vestområdet er det endå færre som ynskjer å ta imot desse austkorta. Fjellstyret vert beden om å vurdere om Eresfjord og Vistdal statsallmenning sine jaktkort på rein i Snøhetta aust kan seljast til utanbygdes jegerar. Dette kan bidra til å dempe presset vi har for å opne reinsjakta for utanbygdes jegerar. Fjellstyret står fritt til å bestemme om jakt kan opnast for utanbygdes, men Miljødirektoratet skriv at det skal vere en rimelig fordeling mellom innan- og utanbygdes ved tilgang til storviltjakt. En rimelig fordeling vert definert til å vere 60/40 %. Forslag til vedtak: Utanbygdes jegerar kan søkje om å få tildelt jaktkort på rein i Eresfjord og Vistdal statsallmenning sitt austområde i Snøhetta. Eigen pris for utanbygdsbuande jegerar. Jakttid og opne grenser. Jakttida har dei siste par åra vore om lag 4 veker frå 20. august. På grunn av låg felling vart jakttida i år utvida med ei veke med opne grenser. Denne veka vart det felt eit dyr i Nesset Villreinfelt. Det kan sjå ut som om dei fleste er fornøgd med fire veker med reinsjakt. Reinsjakt må planleggast, og det må setjast av tid. Det er ikkje alle som kan setje av meir tid enn det dei alt har gjort. Mange har og hjortejakt som skal nyttast. For fjellstyret vert det ein auka kostnad til oppsyn ved utvida reinsjakt. Det vert stilt spørsmål ved om ei utvida jakttid fører til meir uro for reinen, seinare paringstid og dermed mindre vekt på kalvane året etter. For dei fleste jegerane er jakt med opne grenser positivt. Ein bør vurdere om opne grenser under den ordinære jakta kan vere eit effektivt tiltak for auka felling. Det kan til dømes vere opne grenser siste veka, eller nokre kvardager dei to siste vekene. Forslag til vedtak: Saka vert lagt fram utan forslag til vedtak Oppsynsrapport reinsjakta 2018 Nesset villreinfelt Tragisk slutt på maktkamp mellom to bukkar i Piksteinsbotnen Oppsynsrapport reinsjakta 2018 Oppsyn Oppsynstenesta vart utført i Snøhetta vest i perioden 20. august til 23. september. Jaktoppsynet i Snøhetta hadde ei samling på Hjerkinn 14. august for å samordne oppsynet under reinsjakta, og for oppdatering av nye reglar. Det vart og gitt opplæring i korleis ein skal ta hjerne- og lymfeprøver for kontroll av eventuell CWD. På grunn av låg felling under den ordinære jakta vart jaktperioden utvida med ei veke, frå17. til 23. september, med opne grenser. Utgangspunktet for oppsynet var Nesset Fjellstyre si hytte ved Aursjøen. Oppsynsarbeidet har vore utført av Dag Ringstad, Oddvar Mittet og Harry Brude. Dag har i all hovudsak gått oppsyn i Nesset, men har og vore innom deler av Sunndal, Lesja og Rauma. Oddvar har stort sett gått oppsyn i området til Eikesdal sameige medan Harry Brude har vore engasjert til å gå oppsyn i Sandgrovbotnen og Mardalsbotnen. Han sender eigen rapport. Oppdragsgivar har vore Nesset Fjellstyre, Eikesdal Sameige, Vike og Hoem Heimraster og Øverås og Nerås Grunneigarlag. Innsatsen vart konsentrert om dei områda som jegerar med kort utstedt i Nesset brukar, og som dei har tilgang til gjennom overgangsavtalar. Nesset Fjellstyre har oppsynsavtale med Rovviltutvalet i Nesset og Statens Naturoppsyn. Rapporten baserer seg på observasjonar gjort under utøving av alle desse oppsynstenestene. Den veka reinsjakta vart utvida var det og småviltjakt. Kvoten i Snøhetta vest var i 2018 på 400 dyr. Av kvoten i Snøhetta vest vart tre dyr selde som brøkdyr til inntekt for Snøhetta Villreinutval. Nesset hadde ein kvote på 138 dyr (Nesset Fjellstyre 63 dyr, Eikesdal Sameige 54 dyr, Vike og Hoem Heimraster 16 dyr og Øverås og Nerås Grunneigarlag 5 dyr). Kvoten vart sett med 15 % fritt dyr, 20 % kluftbukk, 32,5 % simle/ungdyr og 32,5 % kalv. Kvoten i Snøhetta aust vart sett til 950 dyr. Av dette hadde Nesset Fjellstyre 6 dyr. Her var 10 % fritt dyr, 25 % kluftbukk, 32,5 % simle/ungdyr og 32,5 % kalv. På aust vart 6 brøkdyr selde til inntekt for Snøhetta Villreinutval. Snøhetta Villreinutval sin informasjonstelefon er nedlagd, men i staden er det oppretta ein facebook- konto. Oppsynet har etter beste evne prøvd å legge inn opplysningar om reinen i vest, men har likevel fått mange telefonar kvar dag med spørsmål om kvar reinen står. Arne Granlund, Dombås har vore oppsynsleiar for heile Snøhetta. Miljødirektoratet ynskte at alle simlene som har gått med halsband skulle takast ut. Det var uvisst kor mange dyr det gjaldt, men i Nesset vart to simler skotne (gult halsband nr. 06 og 07). Dei jegerane som skaut desse fikk kjøtet gratis utan tap av ordinært jaktkort Har under reinsjakta sett, og fått meldingar om mange observasjonar av moskus. Mellom anna er det observert moskus i Vikebotnen, Stordalen, Aursjøen, Brønnhøbrøstet, Grovabotnen og Høvelbotnen . Det er og observert moskus i Kvidalen i Eresfjord. Det er observert både oksar, kyr og kalvar. I alt om lag 10-12 ulike dyr.