Kommuneplanen Sin Arealdel for Perioden 2018-2030 Planskildring

Kommuneplanen sin arealdel for perioden 2018-2030 Planskildring

Vedtatt 28.02.2019 Vår ref. 17/318 Innhaldsliste Innhold Innhaldsliste ...... 1 Forord ...... 3 Innleiing ...... 4 AREALSTRATEGIAR ...... 5 Klima ...... 5 Målsetting: ...... 5 Arealstrategi klima: ...... 5 Det gode liv ...... 5 Målsetting: ...... 5 Arealstrategi det gode liv: ...... 5 Utdanning ...... 6 Målsetting: ...... 6 Arealstrategi utdanning: ...... 6 Kommunikasjon ...... 6 Målsetting: ...... 6 Arealstrategi kommunikasjon: ...... 6 Kultur ...... 6 Kommunen sine føringar for planarbeidet ...... 8 Nasjonale føringar ...... 8 Regionale føringar ...... 8 Heieplanen...... 8 Regionplan Agder 2020 ...... 8 Kommunale føringar ...... 8 Kommunal planstrategi ...... 8 Kommunedelplanar ...... 8 Reguleringsplanar ...... 8 Hovudmålsetning ...... 8 Medverknad i kommuneplanprosessen ...... 11 Opne møte ...... 11 Gjestebod ...... 11 Besøk i skulen ...... 11 Folkehelseverkstad...... 11 Arealinnspel- konsekvensutgreiing ...... 11 Tilhøve til eksisterande planar ...... 14

«Heieplanen» ...... 14 Kommunedelplanar ...... 14 Reguleringsplanar ...... 14 Eldre disposisjonsplanar ...... 14 Beredskap og naturfare ...... 15 Byggeområde bustader (B 1-4) ...... 25 Byggeområde fritidsbustader (BFR1-27) ...... 26 Byggeområde fritids- og turistformål ...... 28 Byggeområde spreidde fritidsbustader ...... 33

Forord

Med heimel i plan og bygningslova §§11-2,11-13 og 4-1 vart det varsla oppstart 07.07.16 og planprogrammet til kommuneplanen vedteke 15.09.16. Kommuneplanen sin arealdel vart sist revidert og vedteken 28.06.2012. Ein samla arealplan er viktig for å sikre ei planlagt og forsvarleg utnytting av areala. Samstundes må vi sikre nokre areal for framtida. Det viktigaste er å sikre at det vert utvikla arbeidsplassar i privat sektor. Gode bumiljø og gode vilkår for barne og unge er avgjerande for at folk blir verande her. Vi ynskjer oss fleire innbyggarar, gjerne barnefamiliar. Folketalet har vore om lag 950 i lang tid, men aldri kome over 1000 fastbuande. I påska kan det vere over 20.000. Dette fordi vi er ein vinterdestinasjon og vil gjerne også vere ein heilårsdestinasjon. Dette krev ei planlegging som prøver å ta dette opp i seg. Sjølv om Bykle med sine 1552 km2 er ein stor kommune, er det ein svært liten del av kommunen som er utbygd i vanleg forstand. Bykle har store ressursar i vasskraft og er ein såkalla «magasinkommune» med mange svært store regulerte vassmagasin. Dei same store fjellområda er leveområde for villrein. No er Heieplanen vedteken. Den er ein regionalplan og skal sikre store nok areal for framtida, i høve til funksjonsområde for villrein. Arealplanen skal difor vise kva for areal som kan brukast til ulike formål og kva for omsyn vi må ta når vi skal til å bruke dei meir sårbare areala.

Håpet er at arealdisponeringa som er gjort i denne kommuneplanen kan vere med og gi vekst og trivsel til både fastbuande og tilreisande.

Innleiing

Med utgangspunkt i samfunnsdelen, vedteke 29.09.17, er det utarbeidd arealdel til kommuneplanen med plankart, føresegner og retningsliner som høyrer til. I tillegg dette dokumentet som er planskildring med konsekvensutgreiing. Arealplankartet saman med føresegnene er juridisk bindande. Planskildring er ein forklarande og meir utdjupa tekstdel som høyrer til plankart og føresegner med retningsliner. Konsekvensutgreiing av dei enkelte arealinnspela er samla i eitt dokument og dei samla konsekvensane er vurdert her i planskildringa. Alle dokument er tilgjengeleg på kommunen si heimeside www.bykle.kommune.no Gjeldande/tidlegare kommuneplan vart vedteken i 2012. Som grunnlag for kommuneplanens arealdel vart det utarbeidd og fastsett eit planprogram. Planprogrammet og samfunnsdelen ligg til grunn for arbeidet med arealdelen. Den viktigaste utfordringa i planperioden er å skape heilårlege arbeidsplassar i privat sektor og å auke folketalet. Desse to heng nøye saman. Næringsutvikling for å skape og utvikle arbeidsplassar, saman med å vidareutvikle Hovden som reiselivsdestinasjon vil ha fokus dei neste 10 åra. Areala i Bykle ,som ikkje er underlagt restriksjonar, er knappe. Bykle kommune må tenke fleire tankar samstundes. Dei viktige tema er areal til næringsutvikling, landbruksareal og leveområde til villrein. I Bykle kommune er det to hovudsentra. Det er Bykle og Hovden. Det er viktig å ha fokus på tettstadutvikling i desse sentra for å skape gode bumiljø. Vi må heller ikkje gløyme at grendene skal vere gode buplassar med ljos i vindauga heile året. Gjennom arbeidet med kommuneplanen er det arrangert opne folkemøte, gjestebod og temadag i 10.klasse. Det er også halde folkehelseverkstad. Styringsgruppa (planutvalet) har hatt fleire temadagar og eigne møte. Sidan vi har vald å bruke Regionplan Agder som mal for samfunnsdelen ber den preg av det. Når det gjeld kapitlet om kommunikasjon har vi her tatt med dette med informasjonsflyt mellom innbyggarar og kommune, samt lokaldemokrati og korleis skape interesse for lokaldemokrati blant den oppveksande generasjon. Det er kome inn mange innspel til arealdelen, og styringsgruppa har hatt ein gjennomgang og prioritering av desse. Arealdelen har med seg område frå førre kommuneplan som ikkje er realisert. Heieplanen er ein viktig føring i arealdelen. Det er viktig å få innarbeida den same soneinndelinga av areal i kommuneplanen. Kommunedelplanane som vi har vedteke sidan førre rullering av kommuneplanen er no innbakt i denne arealdelen. Det er mellom anna kommedelplan for Hovden. Det er arbeid med ein eigen plan for sti og løyper i kommunen. Det er ei vidareføring av løypeplanen frå 2008. Den er no baka inn i kommuneplanen og er eit vedlegg til arealdelen.

AREALSTRATEGIAR Samfunnsdelen i kommuneplan for Bykle peikar ut fem satsingsområde: 1. Klima 2. Det gode liv 3. Utdanning 4. Kommunikasjon 5. Kultur

Klima Målsetting:  Bykle kommune skal vere trygg og framtidsretta i det «grøne skiftet».  Verdiskaping tufta på naturen og fornybar energi skal kome Bykle til gode. Arealstrategi klima:  Tilrettelegging for ladestasjonar til elbilar.  Vi skal ha Sørlandets beste skidestinasjon.  No er vi rangert som ein av dei mest snøsikre skidestinasjonar, men vi må vurdere om det må fleire kunstsnøløyper på grunn av varmare klima.  Minimere skadeverknader av kraftutbygging på miljø gjennom revisjon av konsesjonsvilkår.  Minimere skadeverknader på miljøet dersom det er tale om nye måtar å drifte kraftverka på slik som pumpekraftverk og effektkøyring.  Vere førebudd på klimaendring i all arealplanlegging.  Balansere naturvern med det å vere Europas grøne batteri, og planlegge for eit klima i endring. Det gode liv Målsetting:  Bykle kommune skal vere så attraktiv at folk som bur her vil bli verande, og at nye vil flytte hit. Det skal vere godt å arbeide og bu her heile livet.  Vi må fokusere på næringsutvikling for å skape heilårs arbeidsplassar. Vi skal legge til rette slik at alle kan ha god helse. Arealstrategi det gode liv:  Ha byggeklare bustadtomter til ei kvar tid.  Satse på å ha attraktive og byggeklare industritomter.  Utvikle reiselivet og ha nok areal til fritidsbustader  Trygg skuleveg og leikeplassar.  Ha eit oppdatert tur- og skiløypenettverk slik at vi legg til rette for fysisk aktivitet.  Varierte butilbod til alle aldersgrupper.  Universell utforming.  Sentrumsutvikling.  Uformelle møteplassar.  Må ha tilstrekkeleg areal til lovpålagte tenester.  Etter søknad kan det gjevast dispensasjon til fast busetting i fritidsbustad, jf. Kommunestyrevedtak den 25.10.12.

Utdanning Målsetting:  Bykle kommune skal ha gode vilkår for læring heile livet, frå barnehage til vidaregåande skule og vaksenopplæring. Arealstrategi utdanning:  Ha eit godt skuletilbod med gode uteområde som er tilrettelagt for læring i alle alderstrinn.  Bruke det nye fjellsikringsenteret som ein arena for utdanning og kursing av redningsmannskap og andre som treng øving i fjellet, både i vinter- og sommarsesongen.  Ha areal til utvikling av udanningsinstitusjonane våre Kommunikasjon Målsetting: «Gul stripe til Hovden» - ferdigstille utbygging av riksveg 9. Arealstrategi kommunikasjon:  Trygg skuleveg for alle.  Følge opp kommunal trafikksikringsplan.  Opprusting av kommunale vegar.  Satse på vegutbygging, og få gul stripe til Hovden.  Vere aktiv i å få stamveg frå Oslo til Bergen gjennom utbygging av E-134  Satse på å få datalagringssenter og ha byggeklare tomter til eit slikt senter. Kultur Målsetting:  Bykle kommune set pris på mangfaldet.

Arealstrategi kultur:  Utbygging av kulturtilbodet gjennom vidareutvikling av kulturanlegga.  Bruke kulturminneplanen til å vidareutvikle kulturminne og kulturmiljø til beste for alle.  Stimulere til aktiv bruk av kulturlandskap.

Steingjerde i Breive

Utsikt frå Hovden aust

Kommunen sine føringar for planarbeidet Nasjonale føringar Plan og bygningslova legg rammer for kommuneplanarbeidet. Fleire føresegner i lova legg føringar for planprosessen i sin heilskap, med omsyn til organisering av planarbeidet, samarbeid og deltaking, samt planhandsaming. Dette står i Plan og bygningslova §§ 1-9 og 3-3 om kommunen sine planoppgåver og planleggingsmyndighet. Kapitel 4 om generelle utgreiingskrav og i kapittel 5 om medverknad i planlegginga. Vidare fins det rammeverk for planlegginga i lovteksten for det einskilde plannivå, jf. Plan og bygningslova §§ 11-5 til11-18, samt i forvaltingslova og offentleglova. Regionale føringar Heieplanen Regional plan for Setesdal Vesthei, Ryfylkeheiane og Setesdal Austhei blir omtala som «Heieplanen». Den vart vedteken i 2014. Heieplanen skal no innarbeidast i kommuneplanen med føresegner for at den skal bli rettsleg bindande. Regionplan Agder 2020 Regionplan for Agder har vore ein mal for temaval i satsingsområda i kommuneplanen for Bykle. På denne måten så vil Bykle bidra til å oppnå dei måla som står i regionalplan. Vi går i same retning. VINN Agder, Regional plan for innovasjon og bærekraftig verdiskaping Agder 2015-2030. LIM-plan, Regionalplan for likestilling, inkludering og mangfold 2015-2027. Regional utviklingsplan, Setesdal 2020

Utviklingsplan for Setesdal, utarbeidd av Setesdal Regionråd, er vedteken av kommunane og har fått tilslutning frå Aust-Agder Fylkeskommune.

Kommunale føringar Kommunal planstrategi Kommunestyret vedtok kommunalplanstrategi for denne valperioden i mai 2016. Der står det tydeleg at ein bør starte arbeidet med ny kommuneplan. Det gjeld både samfunnsdelen og arealdelen. Samfunnsdelen vart ferdig i september 2017. Kommunedelplanar Det er tre kommunedelplanar i Bykle. Det er ein for Hovden, Midtregionen (som vi også kallar Hovden Sør, og for sti- og løyper. Desse blir no innarbeid i ny kommuneplan. Reguleringsplanar Dei vedtekne reguleringsplanane i Bykle gjeld framleis, men der det er motstrid med ny kommuneplan så gjeld kommuneplanen si føring framfor reguleringsplanen. Det betyr at ein må ha ei omregulering for å komme i tråd med kommuneplanen før nye tiltak kan gjennomførast. Hovudmålsetning Samfunnsdelen frå 2017 slår fast følgande målsetning:

 Bykle kommune skal ha eit langsiktig perspektiv på utvikling og forvalting av kommunen sine ressursar. Delmåla i kommuneplanen er:

 I 2026 skal innbyggartalet i Bykle kommune ver over 1000. Bykle kommune skal auke talet på heilårlege arbeidsplassar i privat sektor, innafor ulike faggrupper.  I 2026 skal Bykle kommune fortsette å vere Agders største og beste vinterdestinasjon.  Bykle kommune skal sikre og utvikle eit variert bustadtilbod, lokalisert ut frå omsynet til samordna bustad- og arealplanlegging.  Vi skal saman skapet eit samfunn som gjev alle like gode mulegheiter til god psykisk helse og trivsel heile livet.  Bykle kommune skal vere ein pådrivar for gode regionale og interkommunale samarbeid.

Drikkestasjon i Bykle, Colour Line sykkelritt

Bykle kyrkjebygd

Medverknad i kommuneplanprosessen Medverknad i planarbeidet er viktig for at både innbyggarar, hyttebyklarar og utbyggarane får eigarskap til planen. Medverknad og deltaking tidlig i prosessen vil styrke engasjementet og involveringa gjennom heile planprosessen Opne møte Det vart arrangert opne folkemøte på Bykle Hotell og Hovden grendehus med godt frammøte. Gjestebod Då vi varsla kommuneplanen la vi ut på sosiale mediar invitasjon til å halde gjestebod utan å få respons. Så spurde vi folk om halde gjestebod. Vi ynskte oss gjestebodsvertar i ulike aldrar og spurde ungdomar, småbarnsforeldre, folk midt i livet og pensjonistar. Vi laga samtale ark til desse gjestebod slik at vi fekk samtalane innom dei viktige tema vi hadde trong til å diskutere. Vi fekk inn 9 samtaleark frå ulike gjestebod. Besøk i skulen Vi hadde tematime i 10.klasse der vi hadde eit opplegg der vi mellom anna spurde kva dei ville gjere dersom dei var ordførar for ein dag i Bykle. Svara frå medverknadsprosessane er samla i eitt dokument. Folkehelseverkstad Folkehelsekoordinator vart tilsett midt i prosessen med kommuneplanen og han er blitt trekt med i det vidare arbeidet. Vi har mellom anna hatt temadag på rådhuset og temadag på skulen. Dette tema har også vore gjennomgåande i prosessen.

Arealinnspel- konsekvensutgreiing

Det har kome fleire arealinnspel, både med ynskje om nye utbyggingsområde, utviding av eksisterande og endra arealformål. Desse har nummer 1-40. Rådmannen si arbeidsgruppa har også kome med framlegg ut frå dei trendar og behov ein ser for seg i framtida. Desse har nummer 50-75. Alle nye område som har vore vurdert som aktuelle, samt andre område der ein har behov for ny kunnskap er med i konsekvensutgreiinga. Prosess for arealinnspel

Det har kome inn om lag 40 innspel frå private til arealdelen i kommuneplanen, og styringsgruppa har avgjort kva for nokre av desse som skal konsekvensutgreiast. Arealdelen i kommuneplanen er ein overordna plan som viser eksisterande arealbruk og framtidige utbyggingsområde. Innspel i høve til enkeltbygg eller svært små tiltak er difor ikkje vurdert.

Konsekvensutgreiinga inneheld vurderingar av nye område for næring, bustader og fritidsbygg. Utgreiinga omfattar i alt 48 område, derav 2 nye bustadområde, 30 område for fritidshus og 10 næringsområde. Cowi har på oppdrag frå, og i samarbeid med, kommunen utarbeidd konsekvensutgreiinga.

Desse tema er greia ut i konsekvensutgreiinga:

Miljø: Naturmangfald, villrein, landbruk, landskap/terreng, jordbrukets kulturlandskap, kulturminne/kulturmiljø, klima og energi, innsjø og vassdragsone. Samfunn Tettstadutvikling, barn og unge skule og barnehage, rekreasjon og friluftsliv, vatn og avlaup, trafikale tilhøve/ trafikksikring og næringsutvikling. Tema er vurdert ut frå om konsekvensane er positive, ingen konsekvensar eller negative, og det er gjort ei oppsummering av konsekvensane for kvart innspel. For alle nye byggeområde må det lagast reguleringsplan før ein tek til med utbygging. Vidare har vi sett opp ei oversikt over alle nye utbyggingsområde. Det er laga ein tabell for kvar kategori der det syner områdenamn og nummer og storleik på det nye byggeområdet.

Organisering av arbeidet Planutvalet har vore styringsgruppe for kommuneplanprosessen og har hatt eigne temamøte og synfaringar. Det har vore ei administrativ arbeidsgruppe beståande av rådmann, byggesakshandsamarar og planleggarar. Andre har vore med der dette har vore naudsynt. Det har også vore temamøte med tenesteleiarane i kommunen. Bykle kommune har bede om biletbidrag via instagram #kplanbykle, og har teke nokre av desse med i kommuneplanen.

Gamle Hovden høyfjellshotell

Tilhøve til eksisterande planar «Heieplanen» Regional plan for Setesdal Vesthei-Ryfylkeheiane og Setesdal Austhei, Heieplanen vart vedteken i 2014. Ved at «Heieplanen» vert innarbeidd i kommuneplanen vert omsynsoner og føresegner gjort til retningsliner i kommuneplanen. «Heieplanen ligg i botnen ved utarbeiding av konsekvensutgreiingane, det som gjeld innspel om nye utbyggingsområde. Revisjon av «Kommunedelplan for sti- og løyper» tek omsyn til «Heieplanen» ved at 3 nye skiløyper som går inn i omsynsone for villrein ikkje skal preparerast etter ein viss dato om våren. Føreslegne nye løyper som går inn i omsynssone villrein vert overført til prosjektet «adaptiv løypeforvalting». Der nye utbyggingsområde kjem i konflikt med Heieplanen, vert slike område ikkje tatt inn i arealdelen. Kommunedelplanar Gjennom arbeidet med ny arealdel til kommuneplanen er kommunedelplan for Hovden og Kommunedelplan for Midtregionen innarbeidd i den nye arealdelen Kommunedelplan for tur- og skiløyper vert avslutta som eigen plan og innarbeidd i arealdelen her. Reguleringsplanar Tilhøvet mellom kommuneplanen og reguleringsplanar (i høve PBL § 1-5) kjem fram under føresegner § 1-2. Vedtekne reguleringsplanar gjeld, der det ikkje er i strid med ny kommuneplan. Eldre disposisjonsplanar For ein del av dei gamle disposisjonsplanane i førre kommuneplan er det planprosess på gong for å lage plan etter ny PBL av 2009. Planområda med eldre disposisjonsplanar har mellombels forbod mot tiltak. Skal det gjerast tiltak i områda må det lagast ny plan: Liste over disposisjonsplanar:

Planid Namn: 197201 Breive Plankrav ved nye tiltak som krev løyve etter PBl 197204 Nylund Plankrav ved nye tiltak som krev løyve etter PBl 197402 Ørnefjell 6/25 Plankrav ved nye tiltak som krev løyve etter PBl

Beredskap og naturfare I samband med utarbeiding av alle slags arealplanar og sakshandsaming må ein alltid ta omsyn til fare for naturskade og beredskap. Med naturskade tenker ein i første rekke på flaum, ras og skred. Vi kan vere budde på naturskade gjennom å:

 Innarbeide fareområde og føresegner i kommuneplanens arealdel for å ivareta samfunnssikkerheit og beredskap.  Sikre brann- og helsevesen kapasitet, kompetanse og materiell for å forebygge og avgrense konsekvensane av uønska hendingar.  Halde ved like og styrke samarbeidet med andre offentlege aktørar i beredskapsarbeidet.  Vere bidragsyter til prosessar for å ivareta beredskapsmessige behov regionalt.

Risiko- og sårbarhetsanalyse

Plan og bygningslova § 4.3 samfunnsikkerhet og risiko og sårbarhetsanalyse slår fast at planmynde ved utarbeiding av planar for utbygging skal sjå til at risiko og sårbarhetsanalyse vert gjennomført for planområde, eller sjølv utarbeider ei slik analyse. Analysa skal vise alle risiko- og sårbarhetstilhøve som vil bety noko for om arealet høver til utbygging eller ikkje, eller eventuelle endringar i slike tilhøve som følgje av planlagt utbygging. Område med fare, risiko og sårbarhet kan merkast av i planen som omsynsone jf.§11-8 og § 12-6 i plan og bygningslova. Vi må sikre at ROS-analyser leggas til grunn for utbygging av infrastruktur og bygningar. Kommunen bruker Gis line tiltaksanalyse for å vurdere tiltak, særleg i område der slike vurderingar ikkje er gjort i overordna plan, til dømes radon , flaum, kulturminne og naturdata. I arealdelen er det laga eit eige temakart for ROS der ein raskt kan få eit oversyn over kva for område som treng nærare undersøking i detaljreguleringsplaner før tiltak kan settast i verkt eller ved søknad om tiltak der ROS ikkje er utgreia.

NVE sine aktsomhetskart over desse fire tema ligg ved: 1.Snøskred 2. Steinsprang 3.Jord- og flaumskred 4.Flaum Kommunen kan eller må ikkje gi løyve til tiltak i desse områda, då vi då kan bli erstatningspliktige ved skade.

Snøskred

Snøskredfare vil variere mykje med nedbørsmengde og temperatur og korleis desse skifter. Som vinterdestinasjon må dette ha full fokus i dei områda som er mest i bruk. Målskildring Målet er at korkje folk eller eigedom skal bli skada på grunn av snøskred. Kommunen skal ikkje godkjenne tiltak i område der ROS kartet viser at det er snøskredfare. Status og problemskildring Området rundt alpinsenteret ( Nos- Hovdenuten) er ramma av skred med ujamne mellomrom. Tiltak nedfelt i planen Kart med omsynsone er ein del av kommuneplanen. Her skal det ikkje gjennomførast tiltak før området er betre utgreidd.

Steinsprang

Mange bratte parti i kommunen og område med lause massar gjer at steinsprang må vurderast i nøye og eventuelle avbøtande tiltak setjast i verk.

Målskildring Målet er at vi ikkje skal ha skade på folk eller eigedom på grunn av steinsprang. Status og problemskildring Det er laga eige ROS kart for Bykle kommune som vedlegg til arealdelen.

Tiltak nedfelt i planen Det skal ikkje gjerast tiltak i område som ligg i sone med fare for steinsprang. For enkelttiltak skal det lagast enkle tiltaksanalyser og tiltakshavar kan bli pålagt å gjere særlege vurderingar. Jord og flaumskred

Ved store nedbørsmengder, kan tilsynelatande små bekkar ta nye løp eller gå langt over sine bredder. Dei kan ta med seg jord og sand og gjere mykje skade.

Målskidring Ta omsyn til flaumbekkar og hindre skade på eigedom og folk på grunn av jord og flaumskred. Status og problemskildring

Dette har hittil vore eit lite problem, men med aukande ekstremver vil dette kunne bli mei aktuelt. Tiltak nedfelt i plan Hindre nedbygging av myrområde som er viktige for magasinering av overvatn. Vere obs på byggegrense mot innsjø og vassdrag.

Flaum

Otra som renn gjennom heile kommunen er svært regulert, og det er sjeldan ein opplever flaum som gjer skade. Mindre sideelvar kan vere eit større problem. Målskildring Korkje folk eller eigedom skal bli skada på grunn av flaum. Status og problemskildring I enkelte område der ein har sideelvar eller bekkar som ikkje er regulert, må det vurderast om det må gjerast analyser for å vurdere risiko for flaum. Tiltak nedfelt i planen Omsynsoner er avmerka på kartet. Ta omsyn til byggegrenser mot innsjø og vassdrag.

Radon

Målskildring Ingen skal bli sjuke på grunn av at dei må bu i radonutsett område. Status og problemstilling Radon i grunnen er aktuelt i Bykle kommune. Tiltak nedfelt i planen For ny bygging gjeld føresegner i teknisk forskrift til plan og bygningsloven med krav om radon førebyggande tiltak i bygning for varig opphald (§ 13-5).

Forureining Målskildring

Kommunen skal sjå til at verksemder i kommunen eller dei sjølve ureinar det ytre miljøet. Status og problemstilling

Trafikken til Hovden fører til mykje utslepp av CO2. Kommunen har få verksemder for ureinar luft og det ytre miljø. Kommunen har tilnærma inga ureining frå landbruket. Den gamle fyllinga på Tykkås er lukka og det blir tatt prøver for å sikre at det ikkje er avrenning mot Otra. Ved utbygging av området rundt, skal ikkje dette området rørast. Tiltak nedfelt i planen Legge til rette for ladestasjonar.

Støy Målskildring Kommunen skal ikkje legge til rette for utbygging i område med støy. Status og problemstilling I kommunen er det helikopterlandingsplass og 3 skytebanar. Det er laga støysonekart og desse er lagt inn i arealkartet. Tiltak nedfelt i planen Bruke støysonekart til å hindre helseplager forårsaka av støy.

Generelle tema

Barn og unge sine interesser Omsynet til barn og unge skal vege tungt i arealforvaltinga.. Mål i samfunnsdelen: Barn og unge skal ha gode og trygge oppvekstvilkår. Status og problemskildring Bykle er rik på areal til friluftsliv, og både skular og barnehagar har gode og romslege uteopphaldsareal. Trygg skuleveg er også eit tema som stadig vert tatt opp, og dersom detaljreguleringsplan for Hovden sentrum vert gjennomført vert dette ivaretatt på ein god måte også ved kryssinga av Rv-9. Noko av same effekten kan ein få ved den planlagde undergangen i Hovdekleivi.

Det vart gjennomført barnetråkkregistrering i førre kommuneplanperiode. Det er satsa på bygging av gode leikeplassar i alle byggefelt, gang og sykkelvegar der barn går eller syklar til skulen. Utfordringa i Bykle vil vere å legge til rette for gode buområde i nærleiken av skular og barnehagar og særleg på Hovden må ein tenke langsiktig dersom ein legg fritidshus i nærleiken av sentrum. Her kan det fort bli mangel på gode bustadtomter.

Lucia i Bykle 2017 Ny i Bykle

Nyleg opprusta leikeplass i Bjårlii, Bykle.

Arealbruk langs innsjø og vassdrag

Plan og bygningslova § 1-8 gir eit generelt forbod mot bygging og andre tiltak i 100-meters belte langs sjø og vassdrag. Føremålet er å sikre omsynet til natur- og kulturmiljø, friluftsliv, landskap og andre allmenne interesser. Byggeforbodet gjeld så langt ikkje anna er fastsett i arealdelen i kommuneplanen eller reguleringsplanen (jf.§§11-9 nr.5 og 12-7 nr.2) Kommunen har fastsett byggegrenser 50 meter frå vasskjelda i føresegn, eller at dette vert avklart som del av detaljreguleringa. Målskildring Målet er å ha urørte vassdragstrenger og gi ålmenta tilgong til vatn og vassdrag. Status og problemskildring Flaumfare og skade på grunn av dette skal ein søkje å unngå så langt det er mogleg. Ved bygging tett inntil vassdrag blir desse område lett privatisert. Tiltak nedfelt i planen Det kan byggast stiar for ålmenta langs vatn og vassdrag. Arbeidet med å få til nokre fiskeplassar, også for rørslehemma må halde fram.

Parkering

Parkering omfattar plassar til bil, sykkel ,moped, mc og plassar som er reservert for rørslehemma. Målskildring I samfunnsdelen er det under kapittel klima teke til orde for grendebuss for å minke bruken av private bilar og for å ha eit godt tilbod til alle. I Hovden sentrum er det laga ny parkeringsplass og det er planar om å stramme opp sentrum slik at det vert eit tydlegare skilje mellom gåande og køyrande. Auka bruk av parkeringskjellaren er eit mål.

Status og problemskildring Dei fleste fritidshus har to parkeringsplassar per eining. Det er ulike løysingar på carport, parkeringskjellar eller parkering på eiga tomt. VI må også ta omsyn til snøopplag og bør difor ikkje gå under 20 m2 per plass der parkering skjer i dagen. Ved frådeling av tomter i LNF område skal krav til parkering løysast på den frådelte tomta eller på høveleg felles parkeringsanlegg.

Tiltak nedfelt i planen For bustadhus og fritidshus skal det vere minimum 2 plassar a 20 m2 til parkering. Den eine av desse kan vere i garasje eller carport.

For hytter utan veg til hytta skal det vere 2 plassar til både sommar og vinterparkering.

Skilt og reklame I plan og bygningslova vert det sett krav til estetikk og utforming av bygg og anlegg. Det same gjeld skilt og reklame som vil påverke det offentlege rom. Målskildring

Skilt og reklame skal ikkje forsøple visuelt. Status og problemskildring Kommunen har i dag ikkje vedteke retningsliner for dette, med unnatak av det som ligg i byggeskikkrettleiaren. Tiltak nedfelt i planen Alle skilt som ikkje er festa på vegg, er søknadspliktige. Sjå også føresegner og retningsliner i planen § 1-12.

Krav til leike og uteopphaldsareal

Leike- og uteopphaldsareal er eit underføremål under bebyggelse og anlegg. Gode leike og uteopphaldsareal er med på å skape god bukvalitet for alle aldersgrupper, og særleg for barn. Uteopphaldsareal er viktig i folkehelseperspektiv, for fysisk aktivitet, som sosiale møteplassar og for ungane si utvikling og læring. Det er viktig med grøne lunger mellom bygga for å lage gode landskapsrom sjølv om vi tillet høg utnytting og fortetting av eldre felt.

Målskildring Samfunnsdelen seier at vi skal utvikle møteplassar der fleire generasjonar kan møtast. Det er i nyare reguleringsplanar for bustader stilt krav om at leikeareal skal opparbeidast før det vert gitt byggeløyve. I kommunale felt er dette kommunen sitt ansvar. Status og problemskildring I kommunen er det ikkje mangel på område for leik og fritidssyslar. Det er i kommunale byggefelt laga ein leikeplass i kvart felt med enkel standard som også kan tene som sosial møteplass. Dette arbeidet vart ferdigstilt i 2017. Dei større aktivitetsområde ligg gjerne i tilknyting til skulane. I hyttefelt er det ikkje stilt krav om leikeplassar, men det er viktig at det er uteområde som kan tene som akebakkar og leikeareal for dei minste.

Tiltak nedfelt i planen

Plankart: Plankartet viser areal som er regulert til offentlege leikeplassar.

Kulturminne. Kulturmiljø og kulturlandskap

Bykle kommune har laga eigen kulturminneplan. Her er om lag 80 kulturminne registrert. Det er også laga ei prioriteringsliste med kostnad. Ikkje alt dette er prioritert i økonomiplanen. I Bykle kommune har vi stor tettleik med automatisk freda kulturminne. Særleg Hovdenområdet og jernutvinning har vore utfordrande i høve til dette å balansere vern og utbygging. Område ved Reinane har vore svært omdiskutert ved fleire kommuneplanperiodar. Det er registrert mykje i samband med kraftutbygging, og desse er stort sett tapt (ligg under vatn). Kulturlandskap er også registrert ved fleire høve, og utfordringa er å skjøtte desse slik at dei ikkje mister sitt verd. Desse er lista opp i arealdelen og vert lagt inn med omsynssone. Det er vidareført omsynsoner for kulturminne frå tidlegare plan. Det er også eit mål at ein skal kartfeste kulturminne som er «samla inn» i arbeidet med kulturminneplanen.

Målskildring Tapet av kulturminne skal minkast. Riksantikvaren vil at kommunane tek meir ansvar for kulturminneforvaltinga og oppmodar om å lage kulturminneplan. Det har vi gjort. Samstundes er det eit poeng å bruke kulturminna til formidling og til å gi stadane identitet. Målet er å gjennomføre tiltaka som er skildra i kommunedelplan for kulturminne. Målet er ikkje å konservere men å bruke på ein slik måte at det vert til glede og nytte for fastbuande og tilreisande og slik at det gjer kommunen unik.

Status og problemskildring Automatisk freda kulturminne er verna gjennom kulturminnelova. Likeins har regulerte bevaringsområde og – objekt verna gjennom juridisk bindande føresegner.

I tidlegare kommuneplanprosess vart område (65) Reinane/Vidmyr lagt inn som LNF område, og Fylkeskommunen ynskjer dette som referanseområde for kulturminne. Dette var det sett av til i siste versjon av kommuneplanen (2012) Kommunestyret meiner derimot at heile området kan regulerast til fritidshus, og at referanseområde kan flyttast til Vidmyr Naturreservat. Kulturlandskap er forma av landbruksdrift gjennom mange hundre år. Mange areal i Bykle er svært marginale og difor ikkje muleg å drive med store maskinar. Teigavgrensinga i form av gamle steingjerde er også ein del av dette som er verdifullt å ta vare på. Kulturminne bør kartfestast og det må stillast krav dersom SEFRAK- bygg skal byggast om/byggast på.

Tiltak nedfelt i planen Tiltak som er prioritert i kulturminneplanen. Det er også eit mål at kommunen sjølv ser verdien av å ta vare på desse. Det må bli avklart kva som skjer med område 65 (BFR 24-25) i denne kommuneplanen. Gjennom tilrettelegging for store tomter i området ved Stavenes der det kan byggast stall eller mindre uthus, kan kommunen stimulere for å få aktiv skjøtsel i grender som har verdifult kulturlandskap. Bykle kommune skal fokusere på attgroing i kulturlandskapet i komande planperiode.

Arealføremål i arealdelen

Dette kapitlet omhandlar hovudgrepa i arealdisponeringa. Her er med både nye område og område som er godkjende men ikkje realisert. Bygg og anlegg

Har desse underføremåla: bustadbygg, fritidsbygg, næringsbygg, sentrumsføremål, kjøpesenter og forretning, offentleg eller privat tenesteyting, fritids- og turistføremål, idrettsanlegg, uteopphaldsareal og kombinerte bygg og anlegg (kombinasjon av to eller fleire av kategoriane over) . Dei mest sentrale underføremåla kjem att i eigne kapittel. Det er gitt generelle føresegn i § 1.18. knytta til byggegrense langs innsjø og vassdrag. I arealdelen i kommuneplanen blir det vist både noverande (eksisterande arealføremål) og framtidig arealbruk (nytt arealformål) Ein del av områda i kommuneplanen frå 2012 er vidareført.

Frå samfunnsdelen i kommuneplanen hentar vi desse punkta: I 2026 skal Bykle kommune fortsette å vere Agders største og beste vinterdestinasjon. Bykle kommune skal sikre og utvikle eit variert bustadtilbod, lokalisert ut frå omsynet til samordna bustad- og arealplanlegging. Dette betyr at kommunen må vekse og utviklast for eit godt og berekraftig reiseliv, og at dei som vil busette seg her fast, skal ha tilbod om ulike typar bustader.

Utbyggingsprinsipp: Knappheit på areal til fritidsbustader gjer at vi må fortette før nye område vert teke i bruk. Nærleik til vatn og avlaup og kapasitet på desse, avgjer også kor nye område skal leggast. Vi må legge vekt på å tilrettelegge for hyttebygging i område der det er gode solforhold.

Løypeplan vil også spele inn om områda er attraktive å bygge ut. Fritidshus og bustader skal ikkje blandast i felt. Bustadområde skal lokaliserast med tanke på nærleik til skule, barnehage og sentrumsfunksjonar. Dyrka jord skal ikkje brukast til utbyggingsføremål.

Byggeområde bustader (B 1-4) Det er mangel på byggeklare bustadtomter på Hovden, medan det i Bykle er god kapasitet. Dette betyr at ein må sjå på områda på Hovden med nye augo og ikkje bygge ned sentrumsnære område med fritidsbygg. Det er difor lagt inn to store nye område for fast busetting på Hovden, Hovdegrend og Breivevegen. I Bykle vert område i Stavenes vidareført og det vert lagt opp til at ein her kan regulere inn store tomter med plass til stall eller anna mindre uthus. Tabellen viser nye og ikkje realiserte område: NR KU NAMN AREAL GNR/BN MERKNAD R B1 Stavenes 187 daa 16/47 Vidareføres frå felleseig tidligare e kommuneplan. Det er tatt vekk det som ligg sør for den nye vegen B2 Nordli Vidareføres frå (Bakkemyrvegen) tidligare kommuneplan B3 061 Breivevegen 87 daa 2/7 mfl Området er LNF, men det er 1 hytte på området B4 Hovdegrend 22 daa 2/952 Godkjent i KDH. 2/2 Sum Nytt bustadareal 87 daa

Byggeområde fritidsbustader (BFR1-27)

Talet på nye fritidsbygg aukar om lag ti gonger fortare enn talet på bustadhus i Bykle kommune. Vi ser i denne arealplanen både på fortetting og på nye område. Hovden Sør I kommunedelplan for Midtregionen (KDP Midtreg.) frå tidlig 2000-talet vart det gjennom mekling sett eit tak på 465 nye einingar. Dette området blir i dag omtala som «Hovden sør». For å kome vidare med utviklinga i dette området er det svært viktig at ein har fått oppheva taket på 465 hytteiningar. No må ein berre sjå på arealet og så kjem hyttetalet som ein følgje av kor mykje det enkelte området toler av utbygging. Samanbinding av Badstogdalen og Solheimsmoen er også eit stort grep som vil kunne gi mange tomter nær Hovden. Hovden Aust Det er søkt om fortetting i heile Hovden Aust og det er laga KU for mange delområde her. Tabellen viser nye og ikkje –realiserte område:

NR KU Namn Areal GNR/BNR Merknad BFR 1 053 Stavenes-Teråsen 736 daa 16/1,2,4,6 BFR 2 Stavenes Lisleli 290 daa 16/1,2,4,6 K.plan.2012 BFR 3 052 Stavenes Mørkebu 507 daa BFR 5 Glidbjørg aust 92 daa K.plan 2012 BFR 6 035 Glidbjørg vest 180 daa BFR 7 026 Hoslemo 44 daa utviding BFR 8 Berdalen Storemyr 43 daa Reg MR BFR 9 Åsheim 43 daa Reg MR BFR10 Langehaug 1361 daa Reg MR BFR11 Berdalen 49 daa Reg MR BFR12 Dalen 332 daa Reg MR BFR13 023 Dalen nord 5 daa BFR14 Ørnefjell-sør 23 daa Reg MR BFR15 Ørnefjell-aust 41 daa Reg MR BFR16 007 Vidsyn Aust 164 daa Reg.MR BFR17 Nylund 255 daa Reg.MR BFR19 06 Maurli 42 daa Reg.MR BFR20 Maurli vest 160 daa Reg.MR BFR21 029 Badstogdalen 836 daa K.plan2012 BFR22 Hartoll mm 191 daa BFR24 003 Reinane 215 daa 2/1350 Område 65¤ BFR25 003 Nystøyl Aust 180 daa 2/2 Område 65¤ BFR26 013 Hovden Aust 182 daa BFR27 015 Otratunet 65 daa BFR28 Hovdegrend 9daa 2/952 Godkjent KDH

Reg.MR = Reguleringsplan for Midtregionen ¤ BFR 24 og BFR 25 er utan rettsverknad i påvente av avgjerd i departementet (KMD)

Desse områda er summert og delt opp i områda Bykle: 1800 dekar Hovden Sør : 3398 dekar Hovden: 447 dekar

Dersom ein reknar 3 dekar per hyttetomt, medrekna infrastruktur, som ein tommelfingerregel, vil Bykle kunne få over 600 hytter, Hovden Sør 1100 nye hytter og Hovden ca 150. Det ligg ein del godkjende område i Hovden sør Reg.MR, ca 2592 dekar som ikkje er ferdig bygd ut. Desse kan no byggast ut på grunn av at «taket» på utbyggingsrettar no er oppheva. Det er også avgjerande at dei ligg nær vatn og avlaupsleidning. For Bykle vil truleg utbygging av hyttefelt ligge lenger fram i tid på grunn av manglande infrastruktur. For heile kommunen er fordelane ved hyttebygging vesentleg større enn ulempene dersom Bykle og særleg Hovden skal halde på sin plass som den viktigaste vinterdestinasjonen i Agder.

Vi må ta omsyn til kor det er eller er planlagt nye løyper, då vi ser ein aukande trend til at løyper og stiar er svært viktig for kor attraktive hytteområda er.

Sentrum

Det er ikkje lagt inn nye område til sentrumsføremål. Det er ynskjeleg å utvikle delar av Hovden Sentrum til «god sosiale møteplass» og gjere delar av torget bilfritt.

Offentleg eller privat tenesteyting

Nye område for privat eller offentleg tenesteyting er ikkje lagt inn i planen. Det er dei siste åra bygd mykje til offentleg tenesteyting, nytt helsehus på Hovden, utviding av alders- og sjukeheim i Bykle, tilbygg på skulen både i Bykle og på Hovden og utviding av lokale til vaksenopplæring i Bykle. Det som kan stå for tur er ny symjehall i Bykle og utviding av Hovden Badeland og aktivitetspark med næringsområde på «grusbanen» ved Badeland. Areal til ridehall i Røyrvikåsen er innarbeidd gjennom eigen reguleringsplan Det er avsett areal til nytt fjellredningssenter på Hovden. Området på Hegne der brannstasjonen står er regulert tilbake frå fritidsføremål til offentleg føremål med tanke på at opprusting av brannstasjon kan bli løysinga i framtida framfor å bygge ny.

Byggeområde fritids- og turistformål

For fritids- og turistformål ser ein for seg område for varme senger til utleige eller hotell.

NR KU NAMN AREAL GNR/BNR MERKNAD BFT1 022 Bjørnaråkleivi 24 daa 18/1 Bobilcamp/utleigehytter BFT2 025 Byklestøylane 8 daa 15/1 campingplass camping BFT3 33 Nordli camping 15 daa Bobilcamp BFT4 62 Hegni ny 7 daa BFT7 Gåttstøyl caravan 28 daa Godkjent KDH BFT8 Gåttstøyl -nord 41 daa Godkjent KDH BFT9 01 Granebu 24 daa Område for hotell/aktiv utleige.Tilkomst frå Nystøyl BFT11 Flatastøyl (1+2) 24 daa Område for hotell/aktiv utleige (Godkjent KDH 50:50) BFT12 Hovdegrend 7 daa 2/952 Godkjent KDH

KDH= kommunedelplan for Hovden, KP2012= kommuneplanen frå 2012

Område for råstoffutvinning

Råstoffutvinning i denne samanheng er ikkje- fornybare ressursar som stein, pukk og sand. (vi bør også kartlegge om vi har mineralressursar av andre typar som er viktige å bevare) Detter er viktige geologiske byggeråstoff til infrastruktur, fyllmasser, berelag i vegar, betong og asfalt. Bykle kommune har fått hand om store massar tunellmasse i Bjørnarådalen og Bjorbekken. Det er laga planar for uttak av massar frå desse områda. Det er også nokre mindre område som er i bruk.

Nr. Gnr/Bnr Stad Areal Merknad BRU 1 Bjørnarådalen-tipp 90 daa Tunellmasse-nytt område BRU 2 Bjorbekken - tipp 27 daa Tunellmasse-nytt område BRU 3 14/7 Steggjane 18 daa BRU 4 14/2 Skarsmo BRU 5 16/16 Smylemoen BRU 6 3/20 Hæknemoen/Takevjemoen BRU 7 3/5 Flæmoen BRU 8 2/1 Breivevegen BRU 9 1/105 Breive

Næring

Områda som er skildra i dette kapitlet er areal til ulike typar føremål knytta til handel- og næringsliv, som industri, lager, kontor og forretning. Næringsområde er viktig for nye arbeidsplassar og for å utvikle dei verksemder som fins, og her treng Bykle kommune eit løft. Vi har ikkje utarbeidd strategisk næringsplan dei siste åra, men arbeider likevel målretta med næringsutvikling.

Tykkås er den gamle søppelplassen som no berre er leveringsstasjon for spesialavfall. Området rundt den gamle søppelfyllinga er tenkt regulert til næringsområde. Det bør ikkje gjerast tiltak på eller like rundt den gamle søppelfyllinga då det kan vere fare for forureina grunn. Type industri som kan etablerast i dette område er tiltenkt lager og plasskrevjande aktivitet. I tidlegare kommuneplan låg det inne caravanplass her. Den blir tatt ut av planen. Hartevatn Industri er regulert til industri, men her er det mykje masse som må knusast og takast ut før heile område kan nyttast til eit industriområde. Planen no er å lage ein plan som gjer at bruken av området kan skje etappevis etterkvart som massen blir tatt ut. På helikopterlandingsplassen er det ny plan på gang for å utvide aktiviteten der og om muleg sette opp nye bygg. Det er lagt til ei lita utviding av Sarvsnetten Industriområde, BN3. To nye område for industri med tanke på datalagring er lagt inn i syndre del av Bykle, Bykilsmoen og Lisletjønn. Byggeområde næring

NR KU NAMN AREAL GNR/BNR MERKNAD

BN1 064 Bykilsmoen 114 daa 14/3 Datalagringssenter/anna næring BN2 065 Lisletjønn 39 daa 14/2 Datalagringsenter/anna næring BN3 066 Sarvsnetten 12 daa 15/11 Utviding av eksisterande

BN4 Nordli 26 daa Godkjent K.plan 2012 BN5 074 Tykkås sør 78 daa Omregulert til næring BN6 074 Tykkås nord 149 daa Omregulert til næring BN7 Hartevatn Industri 5 daa Utviding BN8 Skytesenteret 3 daa

Det er viktig å ha attraktive næringsareal tilgjengelege heile tida for å tilby dei som ynskjer å starte opp ei verksemd i kommunen. I ny plan er det lagt opp til nokre nye område i Bykle.

På Hovden er ein sikra areal gjennom den nyleg vedtekne detaljreguleringsplanen for Hovden Sentrum. I Bykle er det i reguleringsplan for Bykle kyrkjebygd lagt inn nytt område ved krysset Håmåren/Sarvsvegen og Bykle kommune har kjøpt opp areal her. Bykle kommune skal arbeide aktivt for å stimulere til næringsbygg og sentrumsutvikling i Bykle. Idrettsanlegg

Tur – og skiløyper Bykle kommune har eigen tur – og skiløypeplan. Revisjon av denne vert baka inn i denne kommuneplanen. Det er viktig å binde saman dei ulike løypene der dette er mogleg. Det er lagt inn undergangar ved Ørnefjellskrysset og nord for Hovden Fjellstoge. Sjå vedlegg til kommuneplanen. Det er også etterspørsel etter høgfjellsløyper som delvis går i Nasjonalt Villrein Område (NVO). Det er difor starta eit anna prosjekt kalla «adaptiv løypeforvalting» der ein undersøker om det muleg å bruke løyper inn i NVO til tider/områder der det gjer liten skade for villrein.

Andre idrettsanlegg Det vert arbeidd med ein idrettspark på grusbanen ved Hovden badeland. For eventuelt å finansiere denne vert det lagt inn eit næringsområde til utleigeleilegheiter her.

Utviding av Ørnefjell golfbane på austsida av Otra vert også vidareført slik at banen kan utvidast til 18-holsbane. KU BIA1 005 Røyrvikåsen 23 daa Godkjent i KDH, noko endring i arealformål BIA2 021 Røyrvikåsen 17 daa BAB1 Ørnefjell 177 daa Utviding godkjent 2012 Golfbane

Andre område for friluftsliv Stad: Brukast til: Storetjønn Badeplass Hegni Badeplass Hoslemohylen Fiskeplass Lomehylen Fiskeplass

Samferdsel og teknisk infrastruktur

Det viktigaste her er å få rusta opp riksveg 9 med gul stripe til Hovden. Der det føreligg ferdige planar er på strekninga Bjørnarå-Optestøyl og Badstogdalen- Hartevatn Industri. Det manglar gul stripe på store delar av strekninga Byklestøylane- Badstogdalen. Her er det truleg tale om utviding av noverande trase. Det har også vore påtale å forsterke straumnettet til Hovden. Først var det tale om å flytte og forsterke 66KV linja frå Holen til Hovden. I mellomtida er det lagt 22KV i bakken frå Haukeli til Bjåen og no vidare til Hovden. Med auka hyttebygging er det ekstremt viktig at vi har sikker straumforsyning i kommunen. Lufthavn

Det er lagt inn utviding av helikopterplass ved Hartevatn Industri KU SL1 68 Helikopterplassen 22 daa Utvida i høve til tidlegare

Parkeringsplassar

Eigen parkeringsplan

Vatn og avlaup

Det er laga hovudplan for vatn og avlaup. Situasjonen på Hovden er kritisk med mange eldre private leidningsnett inne i hyttefelta som er flaskehalsar for å bruke kapasiteten på dei kommunale netta. Det er god kapasitet på sjølve hovudleidninga og reinseanlegget. For vatn er det etter kvart for liten kapasitet i sjølve vasshandsaminga i vassverket. I Hovden Sør og i Bykle er det god kapasitet både på vatn og avlaup. Det er difor eit mål å utnytte potensiale i Hovden Sør når det gjeld dei store investeringane som er lagt ned der i vatn og avlaup. Gang og sykkelvegar Det er sidan førre kommuneplan laga gang- og sykkelveg frå Breivevegen til Hovden langrennsarena, og det er laga undergang i krysset mellom Skisentervegen og Rv 9. Det er laga ei utviding av Rv. 9 frå Mosdøl til Nordbygdevegen, som ei rimelegare løysing enn å lage full g/s frå Mosdøl til Storetjønn. Sarvsvegen-Grønemyr er ikkje realisert. Undergang i Hovdekleivi er ikkje realisert Undergang ved Hegni er ikkje realisert, og er avhengig av omlegging av Rv 9 gjennom sentrum.

Hegni-Hartevatn Industri , som del av framtidig løype rundt Hartevatn er heller ikkje realisert. Famtidig løype rundt Hartevatn kan, på grunn av ras, eventuelt berre realiserast til sommarbruk. Ved gitt konsesjon til Kaldsåne kraftverk, var det vilkår om bru over Kaldsåne og tilgang med sykkel/barnevogn ved demningen i sørenden av Hartevatn.

Grønstruktur

Grønstruktur (PBL § 11-7 nr.3) er eit nytt arealføremål til bruk både i arealdelen i kommuneplanen og i reguleringsplan og erstattar føremåla byggeområde, spesialområde og friområde i gamal lov. Med grønstruktur meiner vi eit samanhengande eller tilnærma samanhengande vegetasjonsprega område, som ligg innafor eller i tilknyting til ein by eller tettstad. Dette hovudføremålet kan, dersom det er trong for de, delast inn i underføremål; naturområde, turdrag, friområde og parkar.

Føremålet grønstruktur tek i vare kommunen sine behov for å avgrense ein samanhengande hovudstruktur av naturområde utafor by- og tettstader og inn til utbygde område via turdrag med turstiar, parkar, leikeområde, snarvegar og andre sambindingsområde. Jord og skoglov vert ikkje sett til side sjølv om ein set av område til grønstruktur i arealdelen i kommuneplanen.

Området ved Dam Sarvsfossen kan/skal regulerast til grønstruktur. Her er tenkt aktivitetsområde og turstiar opp til Stavenes. Byggeområde grønstruktur

NR KU NAMN AREAL GNR/BNR MERKNAD G 1 067 Sarvsfossen 12 daa 16/42,47,49 Ikkje krav til detaljplan

Landbruks, natur og friluftsliv område (LNF) Landbruks, natur og friluftsliv område utgjer største delen av kommunen sitt areal. Ein stor del av dette er i tillegg verna etter naturvernlova. Dette kjem vi tilbake til under kapitlet verna område. I LNF områda er det landbruksnæringa som skal leggast vekt på og det er eit generelt forbod mot nye bygg som ikkje er naudsynt for landbruksdrifta. Nokre gardar driv ein kombinasjon av landbruk og turisme og andre aktivitetar som er vanskeleg å plassere i plansystemet. Vi definerer dei under LNFR erverv eller det utvida landbruksomgrepet. Vi ynskjer at det vert drive kombinasjonsbruk med gardsdrift og turisme og at bygg og anlegg kan tilpassast til dette.

Det er eit mål at areal som er dyrka eller dyrkbart blir oppretthalde som dyrka jord slik at ikkje vi får eit tap av matjord i kommunen. Vi har også dei beste fjellbeita i regionen. Desse må vi ta omsyn til i planlegginga slik at vi gjennom utbygging ikkje skaper konfliktar mellom hyttebygging, friluftsliv og beitebruk. Vi må også ta vare på jord som kan vere aktuelt å dyrke opp for å auke produksjonsarealet i tida som kjem. Byggeområde spreidde fritidsbustader

Områda som her er omtala er nokre små område med utgåtte disposisjonaplanar der det truleg ikkje kjem fortetteing. Blir det søkt om fleire einingar utløyser dette plankrav. NR KU NAMN Nye GNR/BNR MERKNAD LS1 056 Tjønnlii- Åsdokk 2+2 17/1 LS2 Tykkholt 0 17/18,68,78 Plankrav LS3 Byklestøylane Dei 5 14/2 Godkjent 5 i 2012 som er godkjent LS4 Hoslemoåni 0 4/58 Tidlegare disp.plan LS5 Sagi/Nordigard 0 4/3 Tidlegare disp.plan Hoslemo LS 6 Ørnefjell 0 6/34 Tidlegare disp.plan LS 7 Fjellros 0 6/35 Tidlegare disp.plan LS 8 Berdalen 3 3/21 LS 9 032 Røyrtjønn 0 2/839

Omsynsoner

Verna område Vi har fleire verna område som dekker over 60 % av arealet i kommunen. Det er utarbeidd verneførsegner og forvaltingsplanar for desse. Heieplanen er ein regionalplan som dekker området Setesdal Vesthei Ryfylkeheiane der Bykle store område. Det dekker også areal på austheia med ulike soner, Nasjonalt villreinområde(NVO), omsynsone villrein og omsynsone trekkvegar som er trekkvegar på tvers av daleføret for å villrein skal bruke ulike funksjonsområde. Heieplanen sine bestemmingar er innarbeid i retningslinene i kommuneplanen.

«Heieplanen»

Regional plan for Setesdal Vesthei,Ryfylkeheiane og Setesdal Austhei, Heieplanen vart vedteken i 2014. Ved at «Heieplanen» vert innarbeidd i kommuneplanen vert omsynsoner og føresegner gjort rettsleg bindande. «Heieplanen ligg i botnen ved utarbeiding av konsekvensutgreiingane, det som gjeld innspel om nye utbyggingsområde. Revisjon av «Kommunedelplan for sti- og løyper» tek omsyn til «Heieplanen» ved at 3 nye skiløyper som går inn i omsynsone for villrein ikkje skal preparerast etter ein bestemt dato, avhengig av om villreintrekket. Der nye utbyggingsområde kjem i konflikt med Heieplanen vert slike område ikkje tilrådd .

Nasjonalt villreinområde I denne omsynsona skal ein legge stor vekt på villreinen sine interesser i all arealforvalting og sakshandsaming. Nye fritidsbustader er ikkje tillate. Ein kan halde fram med å utvikle landbruk, næring og friluftsliv innan gjevne rammer.

Omsynssone villrein I denne omsynsona er det viktige leveområde for villrein. Her gjeld i stor grad dei same føresegnene som i Nasjonale villreinområde(NVO). Men ein kan tillate noko meir aktivitet. I denne omsynsona kan ein sette i verk tiltak for friluftsliv og må kanalisere ferdsel, og det er lagt opp til ei differensiert forvalting.

Omsynssone trekkområde Denne sona viser viktige trekkområde ein må ta vare på, og som delvis overlappar dei andre omsynsonene. Dei er difor trekt ut som eigne soner. Føresegnene her gjeld i tillegg til underliggande omsynsoner. Her skal ein ta omsyn til at områda har særleg stor verdi som trekkområde for villrein. Dette inneber at det er sporadisk og eller sesongvis bruk av områda. Alle tiltak må godkjennast via plan, og ein må ta særlege omsyn til eventuell plassering og drift, med basis i oppdatert kunnskap.

Bandlagde område

Område. Stad Føremål H_720_1 Setesdal Vesthei- Landskapsvernområde, 798 km2 Ryfylkeheiane H_740_2 Hisdal- Steinsbuskardet Biotopvernområde, 33,2 km2 H_720_5 Hovden Landskapsvernområde, 59 km2 H_720_6 Vidmyr Naturreservat, 9,7 km2 H_720_7 Lislevatn Naturreservat, 1,1 km2 H_720_2 Hisdal Naturreservat, 16,4 km2 H_560_21 Nasjonalt villreinområde Omsynsone i Regionalplan H_560_22 Omsynssone villrein Omsynsone i Regionalplan H_560_23 Omsynsone trekkveg Omsynsone i Regionalplan

Verna vassdrag

Bykle har mykje areal som er bandlagt som følgje av verneplan1 for verna vassdrag frå tidleg 1970-talet. Alt areal frå Botsvatn til Gyvatn, Svartevatn og sørover på vestida av Otra er bandlagt som verna vassdrag Njardarheim. I tillegg er tre andre område bandlagt som vern av vassdrag. Dette gjeld områda Dalåi, Åmdalsvassdraget mot Tokkegrensa, samt eit mindre område ved Bykil.

Kulturlandsskap og biologisk mangfald Viktige område er kartlagt i samband med biologisk mangfald registrering i 2002 eller var kartlagt frå før. I Bykle kyrkjebygd er den siste registreringa frå 2008 i samband med skjøtselspIanen.. I desse områda skal det takast omsyn til biologisk mangfald: Nr Stad Spesielle kvalitetar H560_12 Tveiten Kulturlandskap, regional verdi, A-område H560_12,13 Gardar i Bykle Kulturlandskap, regional verdi, A-område kyrkjebygd H560_14 Stavenes Kulturlandskap, regional verdi, A-område H560_18 Bjåen Kulturlandskap, regional verdi, A-område H560_02 Breive Kulturlandskap, regional verdi, A-område H560_17 Berdalen Kulturlandskap, lokal verdi, B-område H560_06 Bjørnaråfjellet- Edellauvskog, regional verdi, A-område Storekvæv H560_08 Trydalsfjellet-Storefjell Edellauvskog, regional verdi, A-område H560_10 Berdalstjønni Gamal lauvskog, regional verdi, A-område H560_03 Brotteli ved Botsvatn Bjørkeskog med høystauder, regional verdi A- område H560_04 Bratteland ved Bjørkeskog med høystauder, regional verdi A- Botsvatn område H560_11 Tveiten Bjørkeskog med høystauder, regional verdi A- område H560_11 Mosdølsfjellet Gamal lauvskog, regional verdi, A-område H560_15 Huldreheimen Bjørkeskog med høystauder, regional verdi A- område H560_16 Vråstøylsfjellet Gamal lauvskog, regional verdi, A-område H560_18 Berdalen Urskog/gamalskog, regional verdi, A-område H560_01 Lislevatn, Mjåvassristi Bjørkeskog med høystauder, regional verdi, A- område H560_07 Trydalstjønni Ikke-forsurede restområder, regional verdi, A- område H560_09 Motjønni Ikke-forsura restområder, regional verdi, A- område

Vedlegg: Føresegner og retningsliner til arealdelen Arealplankart Samla konsekvensutgreiing av arealdelen i kommuneplanen Planskildring tur- og skiløyper Kart over tur og skiløyper Konsekvensutgreiing tur- og skiløyper