Il-Juventin Newsletter
Mejju - Ġunju 2015
Juventus Club DOC Vero Amore (Malta 1975)
Triq Madre Maria Theresa Spinelli B i r k i r k a r a
Aħbarijiet tal-Club
Messaġġ mingħand il-President
Għeżież Membri,
Wasalna fi tmiem staġun memorabbli ieħor li fih rajna lill-Juventus jirbħu l-Kampjonat u l-Coppa Italia, kif ukoll imorru qrib li jiksbu ċ-Champions League. Tpaxxejna naraw dan it-tim u nemmen li se nkomplu nieħdu gost anki fis-snin li ġejjin.
F’dan l-ewwel staġun tal-Presidenza tiegħi, jien u sħabi tal-Kumitat ħdimna bla waqfien biex nibnu fuq it-tajjeb tal-passat u noħolqu attivitajiet ġodda. Mexxejna l-Club b’mod trasparenti, tajna l-aqwa servizz possibbli lilkom il- membri u wittejna t-triq biex ikollna ġejjieni mill-isbaħ. Ninsabu onorati li emmintu fina u mxejtu warajna. Kull ma jmur il-familja tagħna dejjem qiegħda tikber. Kien unur kbir għalina li din is-sena ġejna rikonoxxuti miċ- Centro Coordinamento bħala l-akbar Club barrani ta' Juventus.
Saħħaħna wkoll ir-relazzjonijiet ma' Turin fejn illum, iktar minn qatt qabel, il-Club igawdi minn fama tajba. Ir-relazzjonijiet tajba għamluha possibbli li jkollna fostna lil Birindelli, Davids u Ferrara fl-okkażjoni tal-40 anniversarju mit-twaqqif tal-Club.
Kull anniversarju jagħtina l-oppportunità li nħarsu lura lejn x’sar fil-passat biex nieħdu spunti għall- futur. Għandna x-xorti li għandna storja sinjura. Iċċelebrajna u se nkomplu niċċelebraw dan l- anniversarju bl-iktar mod xieraq. Ħsibna wkoll li jkollna ktieb li jiġbor fih l-istorja tal-Club. ‘Iswed u Abjad’ hu dokument prezzjuż li se jħalli tifkira dejjiema tal-kisbiet fl-ewwel erbgħin sena tal-Club tagħna. Jien u sħabi tal-Kumitat inwegħdukom li se nkomplu nibnu fuq il-ħafna tajjeb li sar fil- passat biex hekk inżidu paġni memorabbli oħra f’din l-istorja daqstant rikka.
Mejju - Ġunju 2015 1
Nagħlaq billi nirringrazzja lilkom tal-appoġġ li dejjem tajtuna. Ringrazzjament speċjali jmur lil sħabi tal-Kumitat li kienu indispensabbli fil-qadi ta’ dmiri. Fl-aħħar u mhux l-inqas, grazzi kbira tmur lill-isponsors li mingħajr l-għajnuna tagħhom ma jkunx faċli li mmexxu l-Club.
Joseph Fenech President
Mejju - Ġunju 2015 2
Kampanja Tesseramenti Juventus Club DOC 'Vero Amore' (Malta 1975)
Il-Kumitat għandu l-pjaċir iħabbar li l-Kampanja Tesseramenti għall-istaġun 2015/16 hija diġa' miftuha. Dan il-ftuħ antiċipat sar minħabba ċ-ċelebrazzjonijiet tal-40 anniversarju.
Ir-rati tal-membership għas-sena 2015/16 huma dawn li ġejjin:
€ 25 - Irġiel u nisa li għandhom 17-il sena jew iktar
€ 15 - Zgħażagħ li għandhom bejn 10 snin u 16-il sena
b’xejn - Tfal sa 9 snin, anzjani li għandhom 65 sena jew iktar kif ukoll persuni b’diżabilità
Tesserament Juventus DOC
Huma biss il-membri DOC li jistgħu jinqdew biljetti facevalue mil-biljetterija uffiċjali tal-Juventus.
Ir-rati tal-Juventus DOC għas-sena 2015/16 huma dawn li ġejjin:
€ 20 - Irġiel u nisa li għandhom 14-il sena jew iktar
€ 16 - Zgħażagħ li għandhom bejn 6 snin u 13-il sena
Tfal sa 5 snin ta' eta ma jistgħux jgħamlu l-Juventus DOC għaliex dawn jidħlu b’xejn fil- Juventus Stadium akkumpanjati minn adult pero ma jkollhomx siġġu riservat.
X'qiegħed tistenna sabiex tifforma parti minn dan il-Club glorjuż li din is-sena għalaq 40 sena... Għandna iktar sorpriżi maħsuba li l-MEMBRI BISS jkunu jistgħu jgawdu minnhom! Mela irkeb issa fuq il-karru tagħna u gawdi magħna!
Mejju - Ġunju 2015 3
Avviż dwar it-tesseri u r-rigal lill-membri DOC 2014/15
Kemm it-tesseri kif ukoll ir-rigal relatat ma' kull tessera DOC jistgħu jinġabru biss mill-Ufficju tal- Club matul il-ħinijiet tal-ftuħ. M’aħniex nibgħatuhom bil-posta propju minħabba r-rigal li huwa kemmxejn kbir. Ghad fadal hafna tesseri x’jinġabru ghalhekk nissuġġerulkom li tiġu u tiġbruha mill- aktar fis.
Tista' tinkiteb bħala membru mal-Club billi tiġi l-uffiċju tal-Club kull nhar ta' Tlieta jew Ħamis bejn is-6.30pm u t-8.00pm kif ukoll minn siegħa qabel kull partita tal-Juventus
jew
is-Showroom ta’ Fenech Arredamenti bejn 9.00am-12.00pm u 4.00pm-7.00pm
jew
permezz tal-website minn http://juventusclubmalta.com/membership/subscribe-online/ u tħallas bil-Paypal
jew
tiddawnlowdja l-applikazzjoni minn https://www.facebook.com/groups/JuveClubDocVeroAmoreMalta/10152778841547411/ u tibgħatha mimliha flimkien ma' cheque f’isem il-Juventus Club Vero Amore
Għal kwalunkwe informazjoni fuq membership tistgħu tkellmu lill-membri tal-Kumitat, tibgħatu email fuq [email protected] jew iċċemplu 21480851 waqt il-ħinijiet tal-ftuħ.
Mejju - Ġunju 2015 4
Biljetti għal-logħob tal-Juventus
Kull min tiela jew jixtieq jitla' jara partita ġewwa l-Juventus Stadium, qabel ma tixtru l-biljett dejjem żuru il-website tal-Juventus http://www.juventus.com/juve/en/campo/biglietteria/prezzi/index sabiex tkunu certi LI MA TĦALLSUX IKTAR TAL-BILJETT
Infakkru li l-Club tagħna jaqdi lill-membri tieghu bil-biljetti FACE VALUE u jiċċarġja €10 administration fee BISS fuq kull biljett!
Mejju - Ġunju 2015 5
Lukanda ewlenija u ċentrali għal min jitla' Turin
Bħala Club ilhaqna ftehim mal-Concord Hotel, lukanda ewlenija ta' 4 stilel u li tinsab fl-iktar punt aċċessibli fil-qalba taċ-ċentru ta' Turin, sabiex il-membri tagħna jkunu jistgħu jieħdu akkomodazzjoni fiha bil-prezzijiet eccellenti hawn taħt imsemmija:
€ 75 - kamra għal persuna waħda, kull lejl
€ 85 - kamra għal żewġ persuni, kull lejl
€ 105 - kamra għal tliet persuni, kull lejl
Irridu nghamluha ċara li ħadd ma hu obbligat li jieħu l-offerta tal-lukanda flimkien mal-biljett tal- partita. Għal aktar informazzjoni tistgħu tirrikorru l-Club.
Mejju - Ġunju 2015 6
L-attendenza matul il-partiti tal-Juventus fil-Club
Mertu wkoll tar-riżultati pożittivi li l-Juventus kellhom matul dan l-istaġun, kellna attendenza dejjem numeruża fis-sede. Nirringrazzjaw lilkom u anke l-istaff kollu tal-Bar li dejjem għamlu mezz biex jagħtuna l-aħjar servizz. Grazzi!
Mejju - Ġunju 2015 7
Armar u tiżjin fil-Club għar-rebħ tat-33 Scudetto
Il-Kumitat xtaq li l-Club ikollu tiżjijn xieraq għar-rebħ tal-Kampjonat għalhekk qabel il-logħba li tatna l-punt deċiziv li kien jonqosna, il-Bar area libset kostum ċelebrattiv li jfakkar ir-rebħ tar-raba' Scudetto konsekuttiv kif ukoll mal-faċċata ddendel it-tricolore u nfetħet il-bandiera Juventina sabiex għal sena ohra jerġgħu jperpru għat-trijonf li l-Juventus reġgħat wettqet ġewwa l-Italja.
Mejju - Ġunju 2015 8
Mejju - Ġunju 2015 9
13 ta' Mejju – Real Madrid - Juventus 1-1 Mwittija t-triq lejn il-Finali. Ferħ kbir ġewwa l-Club!
Min jattendi l-Club biex isegwi l-partiti tal-Juventus jaf kemm jiehu gost allura tistgħu timmaġinaw ix-xeni ta' delirju u pjaċir li kien hemm hekk kif ir-referee saffar tmiem il-tieni leg tas-Semifinali tac- Champions League kontra r-Real Madrid. Kellna ħafna okkażjonijiet bħal dawn dan l-istaġun!
Mejju - Ġunju 2015 10
Ir-rebħ tal-Coppa Italia. Briju u spettakklu ġewwa l-Club
L-Erbgħa 20 ta' Mejju 2015 hija data li tibqa' minquxa fl-istorja Juventina għaliex intrebħet l-10 Coppa Italia. Trofew li konna ilna nieqsin minnu għal 20 sena sħaħ. B’hekk issa apparti t-tielet stilla li jikkommemoraw l-iScudetti, il-Juventus saret l-ewwel Club fl-Italja li nghatat l-istilla tal-fidda!
Sadanittant, bħall-ġimgħa ta' qabel kontra Real Madrid, il-Club kien mimli kollu biex mat-tisfira finali l-Juventini preżenti reġgħu għal darb’oħra ċċelebraw bil-kbir dan it-tieni suċċess tal-istaġun.
Mejju - Ġunju 2015 11
Ix-xogħol bla waqfien tal-President barra minn xtutna għall- anniversarju tal-40 sena
Meta għaqda tagħlaq 40 sena żgur li jkun tragward sabiħ u allura jkun jixraq li jitfasslu festeġġamenti li jixirqu l-okkażjoni. Għalhekk il-Kumitat ħadem bis-sħiħ sabiex ikollna festa memorabbli li tibqa' fil-memorja tal-poplu Juventin Malti. Il-President tagħna Joseph Fenech żar Turin għexieren ta' drabi partikolarment f’dawn l-aħħar tnax il-xahar sabiex isaħħaħ il-kuntatti mat- tmexxija u l-ambjent Juventin.
Ta' dan nirringrazzjawħ minn qalbna għaliex iġibu magħhom sagrifiċċji kbar.
Mejju - Ġunju 2015 12
Solidarjetà – Donazzjoni Puttinu Cares/Maratona tal-Futbol
Bħall kull sena l-Club tagħna jagħti wirja ta' solidarjetà meta jagħti l-kontribut tiegħu biex jghin il- missjoni ta' Puttinu Cares bil-parteċipazzjoni fil-maratona tal-futbol kif ukoll bi ġbir ta' donazzjonijiet matul l-intervall tal-partiti tal-Juventus. Din is-sena wkoll kellna l-okkażjoni biex inżidu l-ammont miġbur permezz ta' ritratti ma' replika tat- tazza tac-Champions League li saru qabel it-tieni leg taċ-Champions League kontra Real Madrid. Ir-ritratti tistgħu ssibuhom fis-sezzjoni tar-ritratti fuq il-paġna Facebook tal-Club.
B’qalb kbira nistgħu ngħidu li rnexxielna niġbru l-ammont sabiħ ta' €700. Dawn il-flus marru biex iservu ta’ għajnuna lejn min hu tassew fil-bżonn.
NIRRINGRAZJAWKOM TAL-ĠENEROZITA!
Mejju - Ġunju 2015 13
Street Party għall-Finali taċ-Champions League
Il-Kumitat ħaseb biex jorganizza Street Party u Big Screen għall-Finali taċ-Champions League bejn Juventus u Barcelona. Madankollu r-riżultat sportiv, l-avveniment kien suċċess fuq kull aspett. Kull min ma kienx membru ngħata voucher innumerata mal-bieb allura stajna nikkonfermaw li kellna kwantità kbira ħafna ta’ non members preżenti. Bosta għexieren minnhom għażlu tajjeb ukoll li jsarrfu l-€5 voucher sabiex jissieħbu mal-Club tagħna għall-ewwel darba. Dan apparti l-fatt li l-Club fuq kien totalment mimli.
Nirringrazzjaw lil kull min attenda u l-isponsors li għenu biex dan kollu jkun mill-aqwa .
Mejju - Ġunju 2015 14
Riċeviment għall-40 sena tal-Club.
Nhar l-Erbgħa 10 ta' Ġunju 2015 saret is-serata għall-okkazjoni tal-40 sena mit-twaqqif tal-Club. Kienu mistiedna personalità distinti Maltin, Sponsors, membri ta' Kumitati li servew matul s-snin imgħoddija kif ukoll rapprezentanti ta' Supporters Clubs oħra. L-ambjent formali u kordjali filwaqt li ġew onorati b’mementos dawk kollha li kienu mistiedna.
Mejju - Ġunju 2015 15
Mejju - Ġunju 2015 16
Iż-żjarat ta' Alessandro Birindelli, Edgar Davids u Ciro Ferrara
Wara xogħol kontinwu u ferm impenjattiv, kif spjegajna iktar qabel permezz tal-ħidma bla waqfien barra minn xtutna tal-President tal-Club is-Sur Joseph Fenech flimkien mal-Kumitat irnexxielu jġib fostna dawn it-tliet stilel tal-Juventus tal-passat reċenti, preċiżament tal-era ta' Marcello Lippi. Tliet players li rebħu ħafna unuri ma' dik il-Juventus li tant u tant tatna pjaċir għal kważi deċennju sħiħ u li allura żgur huma apprezzati minn min għandu tassew għal qalbu l-kuluri Juventini.
Avviż dwar ir-ritratti taż-żjarat ta' Birindelli, Davids u Ferrara
Nixtiequ navżaw li kull min jixtieq jordna r-ritratti li ttieħdu ġewwa l-Club ma' Birindelli, Davids u Ferrara li dan jista' jsir mill-Uffiċju tal-Club kull nhar ta' Tlieta jew Ħamis bejn is-6.30pm u t-8.00pm. Kull ritratt jiswa' €3.
Alessandro Birindelli
Mejju - Ġunju 2015 17
Mejju - Ġunju 2015 18
Mejju - Ġunju 2015 19
Mejju - Ġunju 2015 20
Mejju - Ġunju 2015 21
Edgar Davids u Ciro Ferrara
Mejju - Ġunju 2015 22
Mejju - Ġunju 2015 23
Mejju - Ġunju 2015 24
Mejju - Ġunju 2015 25
Mejju - Ġunju 2015 26
Il-Lunch Buffet fil-lukanda Fortina
Filwaqt li t-tliet mistiedna tagħna żaru l-Club, lil Ciro Ferrara u Edgar Davids gawdejnihom ukoll permezz ta' Lunch Buffet li saret ġewwa l-Fortina Hotel f’Tas-Sliema nhar il-Ħadd 14 ta' Ġunju 2015. Kienet okkażjoni oħra ta' suċċess li għal darb’oħra wriet li dan il-Club ħaqqu tassew iġorr it-titlu tal- aqwa Club barrani fid-dinja!
Nirringrazzjaw lil kull min kien preżenti fl-okkażjonijiet kollha li tellajna tal-imġieba korretta li wrejna lejn dawn it-tliet persunaġġi li kellna mistiedna.
Mejju - Ġunju 2015 27
Mejju - Ġunju 2015 28
Mejju - Ġunju 2015 29
Qiegħdin ninkludu wkoll kopja tal-irċevuta tad-donazzjoni li bħala Club tajna f’ġieħ il-Fondazzjoni Onlus Cannavaro Ferrara li tgħin lil tfal fil-bżonn ġewwa l-belt ta' Napli.
Mejju - Ġunju 2015 30
Ktieb għall-okkażjoni tal-40 anniversarju
Ninsabu qiegħdin niffinalizzaw ktieb li se jkun qiegħed jirrakkonta l-istorja tal-Club permezz tal- kitba u tal-fotografija kif ukoll aneddoti oħra li żgur li hawn ħafna fostkom li ma jafuhomx.
Meta l-ktieb ikun komplut se navżaw permezz tal-varji mezzi ta' komunikazzjoni li nużaw b’liema mezz se tkunu tistgħu tiġbru l-kopja tagħkom.
Minn hawn irridu nagħtu ġieh lill-eks President u President Onorarju s-Sur Manwel Scerri kif ukoll lill-eks Segretarju u President Onorarju s-Sur Matthew Scerri għax-xoghol siewi tagħhom f’dan il- ktieb.
Mejju - Ġunju 2015 31
Logħba ta' ċelebrazzjoni 5 a-side
Ġie deċiż ukoll li l-Club jorganizza logħba futbol 5 a-side fil-grawnd tal-Università bħala parti mill- ċelebrazzjonijiet tal-40 sena. Bħala avversarju kellna lill-Manchester United Supporters Club Malta. B’soddisfazzjon it-tim tagħna ħareġ rebbieħ 3-1 u ġab lura t-tazza mieghu!
Ir-ringrazzjamenti tagħna jmorru lejn id-Dical House tal-Mosta, Sponsor ta' dan l-avveniment kif ukoll lejn il-Manchester United Supporters Club Malta li aċċettaw l-istedina tagħna.
Mejju - Ġunju 2015 32
Premijiet li ntrebħu matul il-partiti ta' Juventus ġewwa l-Club
Matul l-aktar partiti li jattiraw nies lejn il-Club ilha li daħlet drawwa li tittella' lotterija li bħala premju jkun hemm marbutin magħha prodotti uffiċjali jew materjal ieħor relatat mal-Juventus.
Ta' dan ukoll nirringrazzjaw l-isponsors tagħna tal-għajnuna kontinwa tagħhom.
Waqt l-intervall tal-partita bejn Sampdoria u Juventus ir-rebbieħ tal-lotterija Claudio Spiteri Debarro ġie ppreżentat bi flokk uffiċjali ta' Pogba ffirmat minn bosta players tal-Juventus.
Mejju - Ġunju 2015 33
Fl-intervall ta' Real Madrid u Juventus il-membru Raymond Mifsud ttella' bix-xorti u rebaħ dan il- flokk ffirmat minn bosta players Juventini.
Waqt il-Finali tal-Coppa Italia dan il-membru ġie ppreżentat bi flokk tan-Nazzjonal iffirmat minn Gianluigi Buffon.
Mejju - Ġunju 2015 34
Preżentazzjoni ta' tifkira lil Claudio Cassar. Champion Dinji tal-WPA Eight-ball Pool - kategorija Blackball
Claudio Cassar li jieħu t-taħriġ ġewwa l-Club tagħna, f’Novembru 2014 sar Champion tad-Dinja tal- Eight-ball Blackball billi rebaħ kompetizzjoni dinjija mtella' mil-World Pool Association li ssir kull sentejn. Lokalment ġie ppremmjat ukoll bħala ‘L-iSportiv tas-Sena 2014’.
Għalhekk il-Club ħaseb biex jippreżenta tifkira lil Claudio. Nifirħulu wkoll tas-suċċess kbir li kiseb għal pajjiżna.
Joseph Fenech, President tal-Club jippreżenta tifkira lil Claudio Cassar
Mejju - Ġunju 2015 35
Niftakru fit-traġedja tal-Heysel
Il-Juventus Club Vero Amore (anke bħala l-akbar rappreżentant tal-Bianconeri barra l-Italja) jixtieq minn din in-newsletter jfakkar is-supporters Juventini li ħallew din id-dinja fit-traġedja tal-Heysel Stadium nhar id-29 ta’ Mejju 1985. Għaddew diga’ 30 sena imma dejjem jibqgħu f’qalbna!
Mejju - Ġunju 2015 36
Il-Club tagħna l-aqwa Club DOC Juventin barra l-Italja
Riżultat prestiġjuż ieħor għall-Club tagħna li wara li ngħalqet il-kampanja tesseramenti DOC 2014/15, ġejna klassifikati fl-14-il post fid-dinja fost 444 Club li huma uffiċjalment rikonoxxuti mill- Juventus.
Dan ifisser li kklassifikajna fl-ewwel post fost il-Clubs barra mill-peniżula Taljana. Ta' dan nirringrazzjaw lilkom il-membri. Dan it-titlu huwa tagħkom.
GRAZZI !
Mejju - Ġunju 2015 37
Website dejjem aħjar u dejjem aġġornata!
Sit li għandha sservi bħala punt ta’ riferiment għal kull Juventin fil-gżejjer Maltin. Kuljum updated bl-aħħar aħbarijiet, l-aħħar riżultati, xniegħat u avvenimenti fil Club tagħna.
www.juventusclubmalta.com
Mejju - Ġunju 2015 38
Website www.juventusclubmalta.com għandha dehra grafika ġdida, kif ukoll ġiet rinnovata b’serje ta’ karatteristiċi ġodda li nemmnu li se jogħġbu lilkom il-qarrejja.
Nixtieq li ngħarrafkom fuq fuq dwar il-features il-ġodda tal-website:
1. L-ewwel nett il-website hi ddisinjati b’tali mod u manjera li tagħraf jekk persuna jkunx daħlet fiha minn pc normali, tablet, smart phone, eċċ. Skont id-device, il-website awtomatikament tieħu l-format li l-iktar hu ideali sabiex persuna tibbrawsja l-website minn dak id-device.
2. Ħaġa oħra kompletament ġdida hi li minn issa ‘l quddiem min irid ikun jista’ jħallas online lmembership tal-Club permezz tal-paypal. Il-Kumitat investa f’sistema li hi sigura minn attakki ta’ hackers u persuni oħra li jkunu jridu jippruvaw jisirqu online d-dettalji personali/bankarji ta’ persuna. Għaldaqstant inħeġġukom tibdew tużaw din is-sistema biex tħallsu l-ħlas ta’ sħubija tagħkom matul is-sena.
3. Il-homepage hi rinnovata sew bil-parti t’isfel illinkjata direttament maċ-channel li Juventus FC għandhom fuq Youtube. Hekk kull darba li Juventus itellgħu video ġdid, intom tkunu tistgħu tarawh direttament mill-website tagħna.
Mejju - Ġunju 2015 39
4. Fil-website għadkom tistgħu ssibu kuljum aħbarijiet dwar it-tim Juventin, kif ukoll informazzjoni dwar attivitajiet tal-Club. Is-sezzjoni ‘News’ se tkompli tinżamm aġġornata blistess entusjażmu ta’ dejjem. Tajjeb tkunu tafu li fil-posts innifishom se tkunu tistgħu taraw videos, ritratti u ħafna iktar. Fi kliem ieħor, apparti l-informazzjoni se jkun hemm kontenut ieħor digitali li jikkumplimenta dak li jkun hemm miktub. Tajjeb ngħidu li, kif suġġerit minnkom stess, se tkunu tistgħu tikkummentaw taħt kull artiklu.
5. Fis-sezzjoni ‘Events’ issibu l-calendar li hu maħsub apposta biex min irid ikun jista’ jesportah fil-google calendar tiegħu personali. B’dan il-mod tkunu informati dejjem dwar dak kollu li jkun qed iseħħ f’Malta u f’Turin.
Nittamaw li dak kollu li ħejjejna għalikom se jogħġobkom u li se tkomplu ssegwu din il-website. Inħeġġukom iżżuru www.juventusclubmalta.com kuljum. Fl-istess ħin nitolbukom sabiex tħeġġu lill- ħbieb Juventini tagħkom sabiex anki huma jibdew iżuru spiss din il-website.
Tinsewx l-islogan tagħna: iktar ma nkunu, iktar nieħdu pjaċir!
Matthew Scerri President Onorarju
Mejju - Ġunju 2015 40
Club Modern, Club Social
Apparti l-website, issa tistgħu ssegwuna wkoll permezz ta’ Twitter.
www.twitter.com/jcmalta1975
Mejju - Ġunju 2015 41
Juve News
Riżultati Serie A 2014/15
Mejju - Ġunju 2015 42
Riżultati 2014-15
Mejju - Ġunju 2015 43
Mejju - Ġunju 2015 44
Mejju - Ġunju 2015 45
Mejju - Ġunju 2015 46
Mejju - Ġunju 2015 47
Mejju - Ġunju 2015 48
Mejju - Ġunju 2015 49
Mejju - Ġunju 2015 50
Mejju - Ġunju 2015 51
Mejju - Ġunju 2015 52
Ċelebrazzjonijiet Scudetto/Coppa Italia
Mejju - Ġunju 2015 53
Mejju - Ġunju 2015 54
Mejju - Ġunju 2015 55
Juventus fil-Passat Tiftakruha Din? L-aħħar logħba tal-Kampjonat 2001/02 Magħrufa aħjar bħala “5 Maggio”
Mejju - Ġunju 2015 56
Kumitat 2014/15
Mejju - Ġunju 2015 57
Club Sponsors
Komplu appoġġjawna billi tużaw is-servizzi li joffru dawn l-isponsors u tinsewx issemmu l-Club.
Mejju - Ġunju 2015 58
Mejju - Ġunju 2015 59
Mejju - Ġunju 2015 60
Mejju - Ġunju 2015 61
Juventus Point
Mob : 99226696
Vero Amore Bar
Mob : 99842174
Mejju - Ġunju 2015 62