Nordplan as, avd Førde pb 685 6804 FØRDE
Vår dato: 10.05.2019 Vår ref.: 201904016-2 Arkiv: 323 Sakshandsamar: Dykkar dato: 09.04.2019 Toralf Otnes Dykkar ref.: Arvid Tveit 22959527/[email protected] 1 NVE sitt innspel til varsel om oppstart av arbeid med detaljreguleringsplan for Voss Rafting Senter - Voss kommune Vi syner til brev datert 09.04.2019. Saka gjeld varsel om oppstart av arbeid med detaljreguleringsplan for Voss Rafting Senter i Voss kommune. Føremålet med planarbeidet er å legge til rette for vidare utvikling av eigedomen, mellom anna overnattingstilbod for besøkande og tilsette.
Noregs vassdrags- og energidirektorat (NVE) er nasjonal sektormynde innanfor saksområda flaum- og skredfare, ålmenne interesser i vassdrag og grunnvatn, og anlegg for energiproduksjon og framføring av elektrisk kraft. NVE gir råd og rettleiing om korleis desse saksområda skal takast omsyn til ved utarbeiding av arealplanar etter plan- og bygningslova (pbl). Ved oppstart av planarbeidet rår vi til å nytte følgjande rettleiar og verktøy: NVE sine karttenester syner oppdatert informasjon om flaum- og skredfare, vassdrag og energianlegg innanfor det aktuelle planområdet. NVE rettleiar 2/2017 Nasjonale og vesentlige regionale interesser innan NVEs saksområder i arealplanlegging skildrar korleis desse interessene bør takast i vare i planen, slik at ein unngår motsegn. NVE si sjekkliste for reguleringsplan kan være eit nyttig verktøy, for å sikre at alle relevante saksområde er vurdert. Fleire nyttige rettleiarar og verktøy finnast på www.nve.no/arealplan.
Innlaupselva til Lundarvatnet inngår i planområdet. NVE meiner det må leggast vekt på å unngå inngrep i vassdraget. Dersom inngrep ikkje er til å unngå må NVE vurdere tiltaka etter vassressurslova i samband med planhandsaminga. For å få til ei koordinert handsaming er det viktig at planen gir ei god skildring av tiltaka og at konsekvensane for ålmenne interesser i vassdraget er vurdert. Som døme på ålmenne interesser kan nemnast fiskens frie gong, ålmenn ferdsel, naturvern, biologisk mangfald, vitskapleg interesse, kultur og landskapsomsyn, jordvern, omsyn til flaum og skred osb.
Vossovassdraget er verna mot kraftutbygging. Det er difor viktig å få fram i kva grad reguleringsplanen påverkar verneverdiane i vassdraget
E-post: [email protected], Postboks 5091, Majorstuen, 0301 OSLO, Telefon: 22 95 95 95, Internett: www.nve.no Org.nr.: NO 970 205 039 MVA Bankkonto: 7694 05 08971 Hovedkontor Region Midt-Norge Region Nord Region Sør Region Vest Region Øst Middelthunsgate 29 Abels gate 9 Kongens gate 14-18 Anton Jenssensgate 7 Naustdalsvegen. 1B Vangsveien 73 Postboks 5091, Majorstuen Postboks 2124 Postboks 4223 0301 OSLO 7030 TRONDHEIM 8514 NARVIK 3103 TØNSBERG 6800 FØRDE 2307 HAMAR
Side 2
Vi syner og til vassressurslova §11 om kantvegetasjon. Reguleringsplanen bør sette av areal langs vatnet til eit vegetasjonsbelte.
I ROS analysen vil både flaum og erosjon vere relevante tema. Korleis flaum og erosjon kan vurderast på reguleringsplannivå går fram av NVE retningsline 2/2011 ”Flaum og skredfare i arealplanar” som kan lastast ned frå våre nettsider. Generelt gjeld at areal som vert fløymd over ved 200 års flaum skal syne i plankartet som omsynssone Fareområde flaum, jf. pbl § 12-6, og ha føresegner som sikrar tilstrekkeleg tryggleik før utbygging kan finne stad. Dersom elvebreidda er erosjonsutsett skal det vere ei tryggleikssone mellom bygningar og toppen av lausmasseskråninga over elva som er minst like brei som høgda frå elva og til toppen av skråninga. Avstanden må vere minst 20m. Statlige planretningslinjer for klima- og energiplanlegging og klimatilpassing vart fastsett ved kgl. res. 28.september 2018. Føremålet med desse er mellom anna at planlegginga skal bidra til at samfunnet vert førebudd på, og tilpassa klimaendringane. Vi syner her til retningslina sitt kapittel 4. NVE rår til at klimaframskrivne flaumstorleikar vert nytta i planarbeidet. For ytterlegare informasjon om konsekvensar av klimaendringane i Hordaland syner vi til Klimaprofil Hordaland . Med helsing
Brigt Samdal Toralf Otnes regionsjef senioringeniør
Dokumentet vert sendt utan underskrift. Det er godkjent etter interne rutinar.
Kopi til: FYLKESMANNEN I VESTLAND Voss kommune
Arvid Tveit
Fra: Toralf Otnes
Syner til brev datert 28.05.2019.
NVE gav innspel til det første varselet om planoppstart, jf. brev datert 10.05.2019. Vi har ingen nye moment til det utvida planområdet.
Med helsing Toralf Otnes Senioringeniør Avdeling: Skred- og vassdragsavdelinga Seksjon: Region vest
Norges vassdrags- og energidirektorat (NVE) Telefon: 22 95 95 27/95 87 50 35 E-post: [email protected] Web: www.nve.no
NVE handsamar dine personopplysningar i samsvar med personvernregelverket. Sjå korleis her.
1 Vår dato: Vår ref: 10.05.2019 2019/8858
Dykkar dato: Dykkar ref: 09.04.2019
Nordplan Saksbehandlar, innvalstelefon Postboks 685 Christian Johan Alstad, 5557 2112 6804 FØRDE
Voss - Gbnr. 51/122 mfl. - Detaljreguleringsplan for Voss Rafting Senter – Skulstadmo - Uttale til melding om oppstart av planarbeid
Vi viser til brev av 09.04.2019 som gjeld melding om oppstart av detaljreguleringsplan for Voss rafting senter på Skulestadmo. Uttalefrist er sett til 10.05.2019.
Føremålet med planarbeidet er å legge til rette for vidareutvikling av raftingtilbodet inkludert overnatting, lager og parkering. Føremåla på land er i samsvar arealbruken i kommuneplanen, men ny plan vil medføre endring frå bustadføremål til reiseliv/næring for del av tomta i reguleringsplan for Skulestadmo som framleis gjeld.
Etter ei gjennomgang av Forskrift om konsekvensutgreiing § 10 vert det vurdert at det ikkje er naudsynt med planprogram eller konsekvensutgreiing.
Vurdering Fylkesmannen vurderer at planarbeidet vil vere positivt for helse, livskvalitet og friluftsliv og vil kunne gje eit styrka aktivitetstilbod for ålmenta. Vi meiner òg at planarbeidet kan samsvare med kommunen si overordna visjon; «Voss – bygd for sterke opplevingar» og kommunale mål i samfunnsdelen til kommuneplanen om å legge til rette for framtidsretta verdiskaping med fokus på reiseliv.
Vassdragsmiljø er eit naturleg og viktig tema når det gjeld naturmangfald i planområdet. Strandaelvi inngår i det verna Vossovassdraget. Planarbeidet må difor legge til grunn dei rikspolitiske retningslinene for verna vassdrag T-1082 for å oppnå dei nasjonale måla for vassdragsforvaltning. Ein må då legge vekt på vernevedtaket og vassdraget sin verneverdi. Tenleg grønstruktur og byggegrense mot Strandaelvi må fastsettast i reguleringsplanen og vurderast mot m.a. vassressurslova. Det går fram av referatet frå oppstartsmøtet at planavgrensinga omfattar sone langs elv på gbnr. 88/3. Denne sona må ikkje regulerast til utbyggingsføremål.
Vi vil tru det vil vere aktuelt å regulere elva til idrett/vassport, sosikode 6760. For at ikkje eit av dei største og viktigaste vassdraga på Vestlandet, med tanke på naturmangfald og artsrikdom skal regulerast til einbruksføremål/gje ei eksklusiv rett til elvesport, rår vi til at ein nyttar kombinerte arealføremål i elva, der også naturområde (sosikode 6600) inngår.
E-postadresse: Postadresse: Besøksadresse: Telefon: 57 64 30 00 [email protected] Njøsavegen 2 Njøsavegen 2, Leikanger www.fylkesmannen.no/vl Sikker melding: 6863 Leikanger Statens hus, Kaigaten 9, Bergen www.fylkesmannen.no/melding Fjellvegen 11, Førde Org.nr. 974 760 665
Side: 2/2
Planområdet grensar i sør til ein registrert viktig naturtype – mudderbank. Slike mudderbankar er regionalt sjeldne, sjølv om verdien er sett til lokal. Fylkesmannen rår til at brygge/tilkomst til elva ikkje vert utvida mot sør, og at ein regulerer til naturføremål langs elva etter avgrensing i detaljreguleringsplan for Skulestadmo, planid 09020.
For dette planarbeidet vil det vere naturleg at potensiell flaumfare vert nærare utgreidd i ROS- analysen. Teknisk forskrift (TEK17) definerer kva som er akseptabel risiko for flaum. Vi rår til å ha nær dialog med NVE som sektormynde innanfor saksområdet.
Vi viser elles til andre tilhøve som må avklarast ved utarbeiding av plan, jf. Kommunal- og moderniseringsdepartementet sine sjekklister: https://www.regjeringen.no/no/tema/plan-bygg-og-eiendom/plan--og- bygningsloven/plan/veiledning-om-planlegging/test-maler-for-behandling-av- reguleringsplaner/id2413265/
Fylkesmannen ønskjer lykke til vidare med planarbeidet.
Med helsing
Egil Hauge Christian Johan Alstad seksjonsleiar seniorrådgjevar
Dokumentet er elektronisk godkjent
Kopi til: Statens vegvesen Region vest Postboks 43 6861 LEIKANGER Norges vassdrags- og energidirektorat - Postboks 5091 Majorstua 0301 OSLO NVE Hordaland fylkeskommune Postboks 7900 5020 BERGEN Voss kommune Postboks 145 5701 VOSS
Arvid Tveit
Fra: [email protected] Sendt: onsdag 29. mai 2019 14.48 Til: Arvid Tveit Kopi: [email protected] Emne: Uttale til revidert oppstartsmelding - Detaljreguleringsplan for Voss Raftingsenter - Skulestadmo i Voss kommune
Vi viser til brev av 28.05.2019 som gjeld melding om revidert oppstartsmelding for detaljreguleringsplan for Voss Raftingsenter på Skulestadmo.
Oppstart av planarbeid vert varsla på nytt på grunn av endring av plangrense.
Fylkesmannen er positiv til at plangrensa vert endra, då vi finn at ein betre kan sikre omsyn til vassdraget ved ny planavgrensing. Vi viser elles til innhaldet i uttalen vår av 10.05.2019 og slår fast at denne uttalen framleis gjeld.
Med helsing
Christian J. Alstad Kommunalavdelinga Fylkesmannen i Vestland
Kopi: Voss kommune
1 REGIONALAVDELINGA Seksjon for plan - REG AVD
NORDPLAN AS AVD FØRDE Dato: 10.05.2019 Hafstadvegen 36 Vår ref.: 2019/10552-6 6800 FØRDE Saksbehandlar: idastef Dykkar ref.:
Att. Arvid Tveit
Fråsegn til planoppstart - detaljreguleringsplan for Voss Rafting Senter - Voss kommune
Vi viser til brev datert 09.04.2019 om oppstart av arbeid med detaljregulering for Voss Rafting Senter. Hovudføremålet med reguleringa er å legge til rette for vidare utvikling av eigedomen og etablering av overnattingstilbod for besøkande og tilsette. Føremålet er i hovudsak i samsvar med kommuneplan der området er sett av til næringsformål, friområde og LNF. Kommunen har vurdert at planen ikkje utløyser krav om konsekvensutgreiing, men at nokre tema bør utgreiast.
Hordaland fylkeskommune vurderer oppstartsmeldinga ut i frå fylkeskommunens sektoransvar og målsettingar i regionale planar.
Vurdering og innspel
Relevante planfaglege innspel – flaum og klima I følge retningsliner for tilpassing til klimaendringar i Klimaplan for Hordaland 2014-2030 bør kommunen i størst mogleg grad unngå utbygging i aktemdsområde for flaum og skred. Planområdet ligg innafor omsynssone flaum i kommunens planregister. Frå føresegner i kommuneplanens arealdel (vår utheving): 4.5. Flaumfare ( jf. §11-8a) I område der flaumsonekart er utarbeida skal desse leggjast til grunn for handsaming av tiltak . OM 320_1 viser 200 års flaum (klimaframskreven) for sentrum. Kotehøge er her 53.2m. OM320_2 viser 200-års flaum for Melsvatnet- Lundarvatnet. Dette kartet er basert på eldre data og må oppdaterast med nye tal frå NVE før ny utbygging kan godkjennast i området.
I dokumentet «Vurdering etter forskrift om konsekvensutgreiing» vedlagt planen skriv Nordplan at «det er gjennomført flaumvurderingar av elva og vi vurderer risikoen for alvorlege ulykker som følgje av flaum til å vere svært liten». Denne vurderinga bør dokumenterast og ligge ved planen. Vossavassdraget har vert utsatt for store flaumar også i nyleg tid, risiko for flaum der det skal leggast til rette for varig personopphald må takast på alvor. Tiltaket må ta omsyn til framtidige klimaendringar, og baserast på føre-var-prinsippet.
Verna vassdrag, friluftsliv og tilgjenge Planområdet omfattar vassforekomsten Lønavatnet nedstrøms (ID 062-89-R i Vann-nett), som i dag har god økologisk tilstand. I følge Vassforskrifta skal tiltak ikkje vere til ulempe for resipienten. I verna vassdrag skal ein unngå inngrep som reduserer verdien for landskapsbilde, naturvern, friluftsliv, vilt, fisk, kulturminner og kulturmiljø (jmf. Rikspolitiske retningslinjer for verna vassdrag). Planområdet ligg på grensa mellom klasse 1 (tettstad) og klasse 2 (mindre inngrep) definert i kommuneplanen sin arealdel (KPA), og tiltak må behandlast i tråd med dette. I følge 6.10 Retningsliner for differensiert forvaltning av vassdrag i Voss Side 2/3 kommune i føresegner til KPA, skal det leggjast stor vekt på å oppretthalde/reetablere funksjonelle strandsoner langs vassdraga i kommunen. Omsyn til verneverdiar og ålmenn tilgang for friluftslivet (jf. friluftslova) skal leggjast til grunn.
Planområdet må ikkje privatisere strandsona, men gjere området tilgjengeleg for ålmenta både i og utanfor opningstid for Voss Rafting Senter. Eit aktivitetssenter med friluftsliv som tema bør vere inkluderande for alle. Prinsipp for universell utforming bør ligge til grunn for utforming av servicebygg, overnattingsstader, parkering og i den grad det lar seg gjere for uteområde.
Landskap, arkitektur og estetikk Planområde ligg langs elva, og vil påverke landskapet sett frå motsett elvebredd. Planlegginga må sikre at byggjetiltak og infrastruktur innordnar seg dei fysiske omgjevnadane. God arkitektur med vekt på estetiske kvalitetar, som val av material, bør prioriterast. Det eldre bygningsmiljøet i planområdet bør framhevast og nyttast som ein positiv kvalitet i planlegginga, så meir under avsnitt om kulturminne og kulturmiljø under.
Kulturminne og kulturmiljø Vi vil minne om at dokumentasjon av kulturminne og kulturmiljø skal gjerast på eit tidleg stadium i all arealplanlegging. Hordaland fylkeskommune ber om at kulturminneinteresser vert omtalte, verneverdiane vurderte og teke omsyn til i det vidare planarbeidet. Dersom tiltaket er i vesentleg konflikt med regionale og nasjonale kulturminneinteresser kan Hordaland Fylkeskommune vurdere å imøtegå planforslaget gjennom eit politisk vedtak.
Vi rår tiltakshavar til å gå i dialog med kulturminnemyndet for å synleggjere konfliktområda og om mogeleg finne løysingar som kan minske konfliktpotensialet før planen vert lagt fram til høyring. Innafor plangrensa ligg mellom anna to bygningar som høyrer til krigsminnelokaliteten Skulestadmoen leir, med Askeladden-ID 221522-6 og 221522-7. I våre arkiv er det kjent fleire førhistoriske funn i frå Ringheim. Sjølv om planområdet er relativt lite har det areal som kan ha automatisk freda kulturminne. Fylkeskonservatoren vil slik varsle at det kan bli aktuelt med krav om arkeologisk gransking jf. kulturminnelova § 9.
Samferdsel Samferdselsavdelinga ber generelt om at følgjande tema blir via merksemd i reguleringsprosessen: Utforming av naudsynte tiltak knytt til fylkesveg 309 (kryss, avkøyrsler, busshaldeplass m.m.)
Vi minner om at «Rammeplan for avkjørsler og byggegrenser» er retningsgivande for kommunane i reguleringsplanar som omhandlar fylkesveg.
Meir informasjon Meir informasjon om plantema, rettleiarar og statistikk/kart kan ein finne på nettsidene våre www.hordaland.no.
Oppsummering Hordaland fylkeskommune er positiv til tiltak som fremmer ålmentas tilgang til friluftsliv og gode naturopplevingar. Det er vel nettopp verdiane som finst i eit verna vassdrag som bidreg til at vassdraget er attraktivt for friluftsliv og til dømes rafting. Vi legg til grunn at planforslaget ikkje kjem i konflikt med verneformålet, men ønskjer å innordne seg dei naturlege føresetnadane i planområdet.
Hordaland fylkeskommune Agnes Mowinckels gate 5 Tlf: 55 23 90 00 Foretaksnr. NO 938 626 367 mva. PB 7900 e-post: [email protected] Kontonr. [5201 06 74239] 5020 Bergen www.hordaland.no Side 3/3
Eva Katrine R. Taule fagleiar kommunal plan
Ida Steffensen saksbehandlar
Brevet er godkjent elektronisk og har derfor inga underskrift.
Saksbehandlarar:
Ida Steffensen, Seksjon for plan – REGIONALAVDELINGA
Helene Moe, Fylkeskonservatoren – KULTUR OG IDRETTSAVDELINGA
Gunhild Raddum, Transportplanseksjonen – SAMFERDSELSAVDELINGA
Kopi til:
Fylkesmannen i Hordaland
Voss kommune
Hordaland fylkeskommune Agnes Mowinckels gate 5 Tlf: 55 23 90 00 Foretaksnr. NO 938 626 367 mva. PB 7900 e-post: [email protected] Kontonr. [5201 06 74239] 5020 Bergen www.hordaland.no
REGIONALAVDELINGA
NORDPLAN AS Dato: 26.06.2019 Eidsgata 45 Vår ref.: 2019/10552-12 6770 NORDFJORDEID Saksbehandlar: idastef Dykkar ref.: Arvid Tveit
Att. Arvid Tveit
Innspel til kunngjering planoppstart av detaljreguleringsplan for Voss Rafting Senter - Voss kommune
Hordaland fylkeskommune har ingen merknader til ny planoppstart av detaljreguleringsplan for Voss Rafting Senter, men viser til vårt fråsegn datert 9. mai 2019 som også vil gjelde den nye planen.
Eva Katrine Taule konstituert plansjef
Ida Steffensen rådgjevar
Brevet er godkjent elektronisk og har derfor inga underskrift.
Kopi til: Voss kommune FYLKESMANNEN I VESTLAND
Hordaland fylkeskommune Agnes Mowinckels gate 5 Tlf: 55 23 90 00 Org.nr. NO 938 626 367 mva. REGIONALAVDELINGA PB 7900 e-post: [email protected] Kontonr. 5201 06 74239 5020 Bergen www.hordaland.no KULTUR- OG IDRETTSAVDELINGA Fylkeskonservatoren - Kultur- og idrettsavd
VOSS ACTIVE AS Dato: 05.07.2019 Nedkvitnesvegen 25 Vår ref.: 2019/10552-14 5710 SKULESTADMO Saksbehandlar: josaksd Dykkar ref.:
Kulturminnefagleg innspel til detaljreguleringsplan for Voss Rafting Senter
Fylkeskonservatoren viser til e-post og telefonsamtale med Frode Solbakk i dag om status for synfaring av planområde for Voss Rafting Senter AS. Diverre har det ikkje vorte tid til å få gjennomført ei slik synfaring.
Etter å ha vurdert planen sitt omfang, både på kart og flyfoto er inntrykket det at restarealet, arealet som ikkje alt er utbygd ned mot elva, truleg har lite potensial for funn av automatisk freda kulturminne.
Det vil det difor ikkje verta stilt krav om arkeologiske undersøkingar jf. kulturminelova § 9 i samband med regulering.
David J. Aasen Sandved kst. fylkeskonservator
Jostein Aksdal seniorrådgjevar
Brevet er godkjent elektronisk og har derfor inga underskrift.
Hordaland fylkeskommune Agnes Mowinckels gate 5 Tlf: 55 23 90 00 Foretaksnr. NO 938 626 367 mva. KULTUR- OG IDRETTSAVDELINGA PB 7900 e-post: [email protected] Kontonr. [5201 06 74239] 5020 Bergen www.hordaland.no Arvid Tveit
Fra: Thomas Bjørkeland
Vedr. Kunngjering planoppstart av «Detaljreguleringsplan for Voss Rafting Senter», Voss kommune. Forholdet til marine kulturminne.
Me viser til e-post frå Nordplan AS, datert 23.05.2019 og 28.05.2019.
Saka har vore til vurdering ved Bergens Sjøfartsmuseum.
Museet kjenner ikkje til kulturminne i vatn ved Voss Rafting Senter på Skulstadmoen, Voss kommune som kan bli direkte råka av tiltak i planområdet.
Museet har ingen andre merknader til detaljreguleringen.
Det er likevel mogleg at det ligg kulturminne i det aktuelle området. Me gjer derfor merksam på at tiltakshavaren pliktar å gje melding til museet dersom ein under arbeid i sjøområda finn skipsvrak, keramikk eller andre marine kulturminne. Dersom kulturminne på sjøbotnen kan bli råka av tiltaket, må arbeidet under vatn straks stoppast. Verksemda må i så fall ikkje takast opp att før museet har undersøkt og eventuelt frigjeve området. Eventuelle brot på desse vilkåra vil være i strid med føresegnene i Lov av 9. juni 1978 nr. 50 om kulturminne.
For stiftelsen Bergens Sjøfartsmuseum
Thomas Bjørkeland I Bergens Sjøfartsmuseum Marinarkeolog I + 47 55 54 96 11 www.museumvest.no
Fra: Arvid Tveit
I medhald av plan‐ og bygningslova § 12‐8 vart det 09. april varsla om oppstart av detaljreguleringsplan for «Voss Rafting Senter» i Voss kommune. Vi vil no varsle på nytt då Voss Rafting Senter har, etter varsla planoppstart, gjort avtale med eigar av eigedomen i vest (gnr 53, bnr 6) slik at detaljreguleringsplanen skal omfatte denne eigedomen.
1
Vedlagt ligg nytt varslingsbrev.
Mvh
Arvid Tveit Arealplanleggar/ GIS- rådgjevar
Nordplan AS - Avd. Førde Langebruvegen 9 / Pb. 685 6804 Førde Mob.: 906 82 753 Tlf. Sentralbord: 57 88 55 00 [email protected] www.facebook.com/Nordplan www.nordplan.no
2
Nordplan AS - Førde Pb. 685 6804 FØRDE
Arvid Tveit
Behandlande eining: Sakshandsamar/telefon: Vår referanse: Dykkar referanse: Vår dato: Region vest Hilde Gunn Stenseth / 56520207 19/77252-2 23.05.2019
Statens vegvesen sine merknader - Planoppstart av detaljreguleringsplan for Voss Rafting Senter - gbnr. 51/122 mfl. i Voss kommune -
Viser til varsel om oppstart av arbeid med detaljreguleringsplan for Voss Rafting Senter.
Statens vegvesen uttaler seg med bakgrunn i rolla som vegadministrasjon for fylkeskommune i fylkesvegsaker, samt statleg fagorgan med sektoransvar for samordna areal- og transportplanlegging, trafikktryggleik, kollektivtrafikk, tilrettelegging for mjuke trafikantar, universell utforming og miljøulemper knytt til veg- og vegtrafikk.
Me viser også til tidlegare dialog i saka, m.a e-post frå oss av 25.04.2019 der me gjev ei vurdering av kva krav som må gjelda for fylkesveg (Fv.) 309 Nedkvitnesvegen: «Nedkvitnesvegen må definerast som ein L1-veg etter N100.
Jf. Kap D 1.4 i Handbok N100 og kap. 3.13 i Handbok V121 skal avkøyrsle utformast med siktkrav 6 meter inn i avkøyrsla og sikt 45 meter til kvar side. Dette gjeld også fram- og bakoversikt på fylkesvegen.
Når det gjeld svingebevegelsar og radius meiner Statens vegvesen at ein bør leggja opp til radie 9 meter (i samsvar med handbøkene det er vist til over). Breidda på fylkesvegen er varierande. Mange stader er fylkesvegen godt under 6 meter, og på strekkja forbi Voss Activ (Raftingen) er den fleire stader målt til i underkant av 6 meter.»
Statens vegvesen vil elles minna om at trafikktryggleik er vesentleg å vurdera i alt planarbeid, og at dette må takast inn i ROS-analysen for planen. Statens vegvesen er ikkje berre opptatt av tryggleiken knytt til sjølve utbygginga, men også til tryggleik knytt opp mot aktivitetane Voss Activ står for. Me tenker her spesielt på aktivitetar i elva rett ved Fv. 309 som fører til at det til tider er samla mykje folk/tilskodarar på og tett ved smal bru.
Postadresse Telefon: 22 07 30 00 Kontoradresse Fakturaadresse Statens vegvesen Flyplassvegen Statens vegvesen Region vest [email protected] 5705 VOSS Regnskap Postboks 43 Postboks 702 6861 LEIKANGER Org.nr: 971032081 9815 Vadsø
2
Me minner elles om at miljøforhold som støy er vesentlege ved planlegging av overnattingsplassar. Me tilrår difor at dette vert vurdert spesielt og at det også vert teke med i ROS-analyse.
Statens vegvesen har elles ingen fleire merknadar til oppstartsmeldinga, men tek atterhald om å koma med merknadar under offentleg ettersyn.
Plan og Forvaltning Voss og Hardanger Med helsing
Carl Erik Nielsen Seksjonssjef Stenseth Hilde Gunn
Dokumentet er godkjent elektronisk og har difor ingen handskrivne signaturar.
Kopi Fylkesmannen i Vestland, Njøsavegen 2, 6863 LEIKANGER Hordaland fylkeskommune, Postboks 7900, 5020 BERGEN Voss kommune, Postboks 145, 5701 VOSS
Arvid Tveit
Fra: [email protected] Sendt: søndag 21. april 2019 09.18 Til: Arvid Tveit Kopi: [email protected] Emne: Merknader til kunngjering av planoppstart for detaljreguleringsplan Voss Rafting senter
Viser til kunngjering av planoppstart for detaljreguleringsplan Voss Rafting Senter, datert 09.04.19.
Eg er grunneigar på austsida av Strandaelva, g.nr 88 b.nr 3, og eig området i elva og langs elvekanten som er vist innanfor varsla planavgrensning.
Dette området ligg i kommuneplanens arealdel som LNFR.
1. februar i år mottok eg nabovarsel frå kajakklubben som ynskte å byggje valse i elva på min eigedom. Eg sendte merknad til dette og ville ikkje tillate bygging av valse, og etter det eg forstår er det ikkje sendt inn byggesøknad på dette endå.
Eigedom i elv går ut til djupålen, der elva er djupast. På dette området er dette omtrent midt i elva.
Varsla planavgrensning viser regulering av deler av min eigedom, utan at eg har vorte informert om dette i forkant.
Det vart ved utarbeiding av førre reguleringsplan for Voss Rafting senter prøvd på å regulere heile elva, men plangrensa på vedtatt plan vart då lagt midt i elva. Ber om at dette vert vidareført i ny plan.
Det er i dag etablert slalomløype i elva på området i elva innanfor varsla planavgrensning og dette medfører ferdsel på min eigedom med nedtrakking av gras som gjev redusert avling på dette området. Utviding av reguleringsplan for å auke bruken av elva til elvesport, kajakkpadling og ålmenne interesser vil truleg føre til auka trafikk og på mi side av elva. Skissert planavgrensning tilseier at det er ynskje om å ha ferdselareal på min grunn, og dette vil eg ikkje akseptere.
Eg har tidlegare fått telefon frå Voss Rafting som klaga på fluger på raftingssenteret, og som dei meinte kom frå garden min. Tilrettelegging for overnatting på raftingsenteret vil kunne auke mengder med klage, og det må tas omsyn til eksisterande gardsdrift ved utviding av raftingssenteret.
Planavgrensning for detaljreguleringsplan for Voss Rafting Senter må gå der grensa går i dag, om ikkje dette vert fylgt, vil eg ikkje lenger tillate at det vert festa hinder for slalombanen på min eigedom.
Med vennleg helsing Leif Lirhus
1 Voss kommune ‐ Varsel om oppstart av detaljreguleringsplan for Voss Rafting Senter, gbnr. 53/9 ‐ Skulestadmo
Merknader
Nordplan AS har varsla oppstart av detaljregulerinsgplan for gbnr. 53/9 på vegne av Voss Rafting Senter AS. Føremålet med reguleringsplanen er å leggja til rette for utbygging av overnatting til gjester og tilsette. Det vil medføre riving av «smia» og tilføring av ein ekstra etasje på hovudbygninga «stallen» som ligg nærmast fylkesvegen.
I Nordplan si Kunngjering om planoppstart og Vurdering etter forskrift om konsekvensutgreing, er det ikkje nemnt at Voss Rafting Senter ligg kloss i, det vil seia rett over vegen for eit etablert bustadområde i Skulestadmo på Voss.
Det er no aktivitet på dagtid ved Voss Rafting Senter, men med byggjing av eit hotell på nedsida, vil det verta trafikk her heile døgnet og heile året, og denne trafikken kan gje negative verknader for heile bustadområdet.
Med krav om avstand til veg for innteikna parkering, og med nye og heva flaumgrenser i Voss kommune, vil hotell og andre nye bygningar måtte leggjast så høgt at desse vil verta som «ein vegg» mot Strandaelva og Lundarvatnet.
Utnyttinga av arealet her vert svært høg for eit lite område, og mykje større enn det som er vanleg i området her.
Viss brakka/»stallen» frå 2.verdskrigen, som ligg kloss i vegen på nedsida, vert påbygd med ein etasje, vil denne verta ein massiv vegg som vil både stengja for utsyn, og gje innsyn i stova for oss naboar.
1
I framlegget til arealplan frå Nordplan, er det òg teikna inn regulering for Voss Rafting Senter på dyrka mark på andre sida av elva, slik at nedste del av Strandaelva mot Lundarvatnet vil verta ei «privat elv», ei elv som har vorte nytta mellom anna av folk som bur i nærområdet til fisking gjennom lange tider.
For oss nærmaste naboar er Voss Rafting ein god nabo slik aktiviteten er no, men denne planlagde store utbygginga på eit så lite og trongt område, vil påføra oss ulemper med døgntrafikk, stenging av utsyn mot Lundarvatnet og gardane og bakkane på andre sida av elva, og forringa verdi på eigedommane våre.
Etterreformatoriske kulturminne ‐ krigsminne ‐ Skulestadmoen leir ‐ Askeladden id. 221522 Dei to råka bygningane er begge restar frå militær/fangeleiren «Skulestadmo leir» og må i ein slik samanheng reknast som krigsminne. Bygningane er to av totalt åtte som ligg registrert i Riksantikvarens database i område kring Skulestadmo. Dei må difor reknast som ein siste rest av det omfattande militære anlegget som tyskarane bygde på staden under krigen, som og spelte ei viktig rolle i krigsoppgjeret etter krigen.
«Smia» var truleg leirens austlegaste bygg og eit av få som var oppført i betong. Bygget var opphavleg nytta som verkstadbygning og er tilsynelatande uendra eksternt. Det er denne bygningen som no i samband med detaljreguleringa er vurdert riven for å etablera lager og hyblar for tilsette med kjøkken, bad og stove.
«Stallen» som ligg tettast på fylkesvegen innanfor planområde var ein av fleire stallar i området. Den er sterkt ombygd innvendig, men er framleis eit godt døme på Wehrmacht`s standardiserte stalltypar. I planframlegget vurderer tiltakshavar å byggja på stallen med ein ekstra etasje.
Dei to bygningane innanfor planområdet representerer begge ein siste rest av det opphavelege krigsminnet som har hatt så mange som opp mot 55 bygningar totalt.
2
Som krigsminne er restar og bygningar etter leirar i mindretal samanlikna med kystfort og forsvarsanlegg. Leirane og dei fysiske bygningane vart ofte fjerna og flytta etter kvart som dei gjekk ut av bruk. Som følgje av det har ein ofte berre att dei tyske oversiktskarta som kjelder til informasjon om leirane. Skulestadmoen leir skil seg ut i ein slik samanheng, der ein har bevart fleire ulike typar bygningar og kjenner godt til leirens utbreiing og struktur.
Krigsminna våre har ikkje noko formelt vern, og er slik sett ein utsett kulturminnekategori, når det gjeld riving og ombygging i samband med planprosessar. Det gjeld særleg krigsminne av typen bygningar, som ikkje umiddelbart synleg let seg klassifisere som krigsminne.
Det bør vera ei prioritert oppgåve for Voss kommune å forvalta restane av kommunens rike krigshistorie på best mogleg måte.
Tiltakshavar må leggja planen fram for kulturminnevernet hjå Hordaland fylkeskommune til vurdering.
Maritime kulturminne
Sidan plangrensa går ut i vassdrag, skal planen òg leggjast fram for Bergens Sjøfartsmuseum til vurdering.
Voss, 09.05.2019
Vennleg helsing
Dag Helleve
Kari Margrete Tungesvik
Leif Arnold Rundhaug
Edel Rundhaug
Johnny Rundhaug
3
Sølvi Rundhaug Tyrdal
Margareth Mæland Juvet
Gunstein Rekve
4
Ny kunngjering av planoppstart for detaljreguleringsplan Voss Rafting Senter, i Skulestadmo i Voss kommune
Me, dei nærmaste naboane til Voss Rafting Senter, set stor pris på at planane om ein andre etasje på eksisterande hovudbygg som ligg mot hovudvegen, er tekne vekk i den nye planen, og me ingen merknader til den slik den føreligg no.
Voss, 24.06.2019
Vennleg helsing
Dag Helleve
Kari Margrete Tungesvik
Leif Arnold Rundhaug
Edel Rundhaug
Johnny Rundhaug
Sølvi Rundhaug Tyrdal
Margareth Mæland Juvet
1
Arvid Tveit
Fra: Per
Underteikna finn det underleg at Reppen og Borstrondi elveigarlag ikkje er tilskrivne i denne saka. Eg har fått fleire telefonar med bemerkningar om nevnte reguleringsplan,sjølv om det no er Voss Kajakklub som har sterkt opp fleire tau tvers over elva like ved Kvitheims brua nedstrøms, så er ny Plan strekt heilt over på motsatt side og kva det inneber med nye element. Bemerkningane går på at før kunne ungar stå trykt på fortauet på Kvitheimsbrua og fiska, noko det no er Uråd grunna taua over elva.
Mvh.Per Nedkvitne ,Nedkvitnevegen 487,5710 Skulestadmo Leiar i Reppen og Borstrondi elveigarlag. Sendt fra E‐post for Windows 10
1 Fra: Sveinung Klyve Til: Arvid Tveit Emne: Vedrørande sak: Varsel om oppstart av planarbeid - detaljreguleringsplan for Voss Rafting Senter, planid 2019001, Voss kommune Dato: onsdag 8. mai 2019 22.23.16
Merknadar til saka: Varsel om oppstart av planarbeid - detaljreguleringsplan for Voss Rafting Senter, planid 2019001, Voss kommune
Området frå Dugstadfossen til innløpet i Lundarvatnet, er eit viktig elveparti og som ein oase for våtmarksfugl særleg på vinterstid. Det gjeld fossekall, sangsvaner, gråhegre og ender. Det er også jamnleg observert oter i den opne elva på oppsida av Kvitheimsbrua, der han fangar fisk når det er tilfrose andre stader. Folk som bur der såg 3 otrar samstundes der i februar 2019. Området er frå gamalt av eit mykje nytta elveparti der folk fiskar etter fin aure som går opp frå Lundarvatnet. Voss Rafting har laga ei slalomløype for padling i elva frå brua og ned. Her heng det stenger og tau heile året dei siste åra. Dette kan vera til genanse for fuglar som flyg under brua, som ofte skjer, når dei skal nedover vassdraget. Det gjer det også vanskeleg å fiska i elva. Dette arrangmentet bør vel ikkje vera permanent i elva når det ikkje foregår padling der. Det er viktig å få kartlagt kva Voss rafting sine planar får seia for dyr, fugl og fisk i området.
Helsing
Sveinung Klyve, miljøpartiet dei grøne på Voss.