Spørsmål til Rådmann angåande Framtidig skule på Vestsida av Sørfjorden
Spørsmål frå folkevalde i kommunestyre/utval står med svart skrift. Svar frå administrasjonen står med blå skrift. Alle spørsmål med svar sendast ut til alle i kommunestyret.
Kollbotn (gruppeleiar Raudt Ullensvang) 1. Det er gjort framlegg om at det skal reknast på kostnadene for skule på Aga uten symjebasseng. Korleis tenkjer rådmannen/skuleadministrasjonen i så tilfelle at borna på vestsida skal få symjeopplæring (læreplanene set strenge krav til symjeopplæring/symjeferdigheiter).
Kostnad symjebassen 16 ⅔ m lagt inn i tala med totalt 47,5 mill inkl prosjektering,administrasjon, reservar og marginar.
I kommunestyret la administrasjonen fram tabell som viser kostnadane for svømmebasseng trekt ut ifrå kalkyletala for Aga. Det vil sei ei justering ned med totalt 47,5 millionar.
Symjeopplæring med basseng lokalisert i Odda må organiserast med eigen skyss og ein må avklara kapasitet i Odda folkebad i høve kva tilbod skuleelevane kan få som stettar krava i lova. For ytterlegare detaljar om svømmetilbod/skyss se svar på konkrete spørsmål lenger ned i notatet.
2. Aga-tilhengjarar seier at valet av Hauso kan føra til at det blir så få elevar på Hauso at det ikkje er grunnlag for eigen ungdomsskule der. Deler rådmannen/skuleadministrasjonen denne bekymringa? (Dette er ikkje nevnt i rådmannen si tilråding om å velja Hauso).
Avhengig av konkrete søknadar og val av skule frå dei ulike foreldra/elevane så vil det påverka framtidig elevtal på ein samla ungdomsskule på vestsida. Kva val av skulealternativ konkret vil bety for framtidig busetjing og skuleval kan ein ikkje direkte sei før ein har handsama søknadane og tal born det gjeld. Rådmann har ikkje vurdert eit alternativ utan ungdomsskule på Vestsida av Sørfjorden i denne saka, legg til grunn at ein skal vidareføre ungdomsskule på vestsida uavhengig av om det vert Hauso eller Aga.
3. Kan valet av Aga tilsvarande føra til nedgang i elevtalet fordi barnefamilier ikkje lenger finn det tenleg å bu i ytre deler av kommunen (Utne-Alsåker)?
Formannskap, utval for kultur og levekår og kommunestyret har vore på synfaring og fekk informasjon frå Hauso alternativet ang. temaet der dei viser til at det vil ha stor betydning for framtidig busetjing i denne delen av kommunen. Spesielt med tanke på dårleg veg, ekstra lang skuleveg, samt at fritidsaktivitetar og vil ha tilsvarande lenger veg.
4. Dersom Hauso-alternativet blir vald, kan det vere aktuelt å organisere SFO på dagens Vikebygd skule for elevar 1.-4.klasse i den søndre delen av Vestsida?
Saksframlegget frå juni viser til denne problemstillinga. Saksframstillinga legg vekt på at ein har samdriftsfordelar med å samlokalisera SFO og skule. Kostnadsmessig, arealmessig og med tanke på bemanning er det ei utfordring å leggja SFO til eit anna lokale. Så svaret frå administrasjonen er nei.
5. Kva kan gjerast for å redusere reisetida for dei elevane som bur lengst unna i val av begge skulealternativa, og kva vil dette koste i ekstra skuleskyss?
Det har i saka vore diskutert bruk av minibuss/taxi for å ta ned reisetid/ulempene med dårleg veg. Dersom kommunen tek eigne val her som ikkje støttast av Skyss vil kommunen måtte ta dei auka kostnadane med minibuss/taxi sjølv. Kostnad vil vera avhengig av kva avtale ein då får med tilbydarane.
6. Er det eit alternativ å vidareføre dagens skulestruktur på Vestsida i noen år framover, og kva må i so fall gjerast på dagens to skular for å halde oppe forsvarleg drift, og kva vil dette koste?
Dagens budsjett for dei to skulane må vidareførast med tilhøyrande bemanning, dette ligg innarbeida i budsjettet pr. idag.
Vedlikehald og investering: Naudsynt vedlikehald må påreknast men er ikkje rekna konkret på pr idag kva som må gjerast.
Videre utvikling/investering avhengig av kor mange år det vil gjelde. Til dømes er gymsal på Hauso ikkje forsvarleg utifrå sikkerhet, klima og størrelse og vil krevje snarleg oppgradering eller nybygg.
Det er i løpet av dei siste åra gjort ulike tiltak som til dømes oppgradering av garderober, toalett og diverse ved uteområdet på Hauso. Liknande vedlikehald må gjerast løpande i åra som kjem.
Ved vedlikehald av hauso samfunnshus så har kommunen og samfunnshuset ein avtale som visar til konkret kostnadsdeling/ansvar så lenge kommunen nyttar samfunnshuset som gymsal.
Bolstad (H): - Estimert elevtal på Hauso gitt at ca 40-50% av Vikebygd går over til Odda (som tilsvarar dagens antal konkrete søknader)
Oppdatert tabell med elevgrunnlag frå Hauso og Vikebygd (totale tall i tabell, tabellen er ikkje korrigert for eventuelle søknader og flytting til odda barneskule).
År 1. kl 2. kl 3. kl 4. kl 5. kl 6. kl 7. kl Sum 16/17 12 13 16 9 11 16 15 92 17/18 8 12 13 16 9 11 16 85 18/19 12 8 12 13 16 9 11 81 19/20 10 13 10 11 15 16 10 85 20/21 10 10 13 10 11 15 16 85 21/22 7 10 10 13 10 11 15 76 22/23 11 7 10 10 13 10 11 72 23/24 9 11 7 10 10 13 10 70 24/25 4 9 11 7 10 10 13 64 25/26 3 4 9 11 7 10 10 54
Elevtallet på Vikebygd er samla sett for skuleåret 20/21 : 48 elevar Viss 40-50% av dei søkjer seg over til Odda barneskule så vil det sei at frå 19 til 24 elevar (utifrå dagens elevtal) vil gå på skule i Odda.
- Driftskostnader for basseng
Kostnadar til drift av basseng ligg innarbeida i budsjettet til Hauso skule, det vil sei at til dømes ligg timar til oppfylgjing av bassengområdet frå teknisk som del av samla sum for skulen. Det som kan enklast skiljast ut som eige kostnadar er bruk av kjemikalier og gass til basseng.
Hauso skule nytta i 2019 64.000 kr inkl mva til gass og kjemikalier for bassengdrift. Hauso skule nytta 474.000 kr eks.mva til straum i 2019 på heile skule inkl. Basseng. Hauso skule er 2295 m2. Det er ikkje eigen straum-målar for bassenget.
Vikebygd skule nytta til samanlikning 209.000 kr til straum i 2019. Vikebygd skule er på 1417 m2 og skulen har ikkje basseng.
I tillegg til straum, kjemikalier og gass vil det være vaktmeistertimar som nyttast til bassenget. Kostnadane til vaktmeister er ikkje historisk spesifisert på basseng, dei ligg registret på Hauso skule generelt. Reinhald nyttar 10 timer i veka til garderobar og svømmehall, der garderobar tar mest tid.
Hauso skule fungerer idag som terapibasseng 1-2 dagar i veka (32 grader), det medfører noko meir kostnadar til kjemikalier og straum. Stipulert for nokre år sidan utgjorde meirkostnaden ca. 20.000 kr i året. I høve auka slitasje er svaret ein får at det byggteknisk er lagt til rette for terapibasseng (32 grader) og soleis skal det ikkje medføra meirkostnad til vedlikehald.
- Er Hausohallen AS aka Vestglimt IL (på Hauso) søkegode for tippemidler? Dei har ikkje organisert barneidrett.
Vestglimt IL står for søknaden og er søkegode, dei har hatt dialog med fylkeskommunen og fått ein stipulert sum til sitt budsjett.
Lind-Skoglund (SP): Eit punkt rådmannen ikkje har utgreidd er rassikring på Aga. Deler av tomta ein ynskjer å bygga den nye skulen på ligg i skredsone 1/1000, og tett opp til skredsone 1/100. Dette vil eg tru det må gjerast noko med (= rassikring), før ein ev. får lov til å bygga idrettshall og skule der. Kva vil kostnaden for dette vera for kommunen?
På eit tidleg stadium er det berekna 1 mill ++ for fangnett i område over fotballbane. Det må detlajprosjekterast før ein kan gje endeleg sum.
For sikring mot elv er det avhengig av avstand til nybygg. Pr. i dag satt ei grense på 20 meter. Kostnadsberekning her må gjerast må gjerast i detaljprosjektering og me snakkar om større beløp enn til fangnett som nemnt over.
Eg har òg fått vita at grunneigaren nedanfor Skotamyri på Aga ynskjer å behalda området som er tenkt som uteareal for elevane. Då vil ikkje skogen, som vert trekt fram på Aga som særs positiv, vera tilgjengeleg på det viset ein ynskjer. Kva vil kostnaden vera for kommunen om ein skal løysa ut dette arealet?
Det er lagt inn ein buffersone i planane og ein skal beholde vegetasjon ned mot nabo. Kostnadar med erverv av t.d. skogsgrunn kjem an på kvalitet på skog, opparbeida dyrka mark, eventuelle bygg eller andre faktorar for det gitte området. Kostnad (grunnerverv) ligg ikkje i dei konkrete kostnadskalkylane pr idag og vil måtte spesifiserast i detaljprosjekteringa.
Kor lang reiseveg, og kva kostnad vil det vera å skyssa elevar frå Aga til Odda (og i verste fall Jondal) for symjeundervisning? Vil det ev. vera plass til alle klassane i bassenget i Odda, eller vil elevane få ei dårlegare symjeundervisning enn dei har på Hauso i dag?
Reiseveg:
● 30 km frå Aga til Odda ● 54 km frå Aga til Jondal via Utne ● 60 km frå Aga til Jondal via Odda
Kostnad: Det er vanskeleg å berekna kostnaden for symjeundervisninga. Det er mange ulike faktorar som vi spela inn t.d. kor mange elevar som skal reise på symjing. Skal ein gje tilbod til alle elevane ved skulen eller berre 1. - 4. trinn. For dei elevane som ikkje har lært å symja til 4. klasse har dei krav om vidare opplæring.
Dette seier lova: § 1-1.Opplæringa i grunnskolen
I grunnskolen skal opplæringa vere i samsvar med Læreplanverket for Kunnskapsløftet. Læreplanverket for Kunnskapsløftet omfattar den generelle delen av læreplanen, prinsipp for opplæringa, læreplanane for faga og fag- og timefordelinga.
I læreplanen står det: Etter 4. klasse skal eleven være svømmedyktig ved å falle uti på dypt vann, svømme 100 meter på magen, og underveis dykke ned og hente en gjenstand med hendene, stoppe og hvile i 3 minutter (imens flyte på magen, orientere seg, rulle over, flyte på rygg); så svømme 100 meter på rygg og ta seg opp på land.
Etter 7. klasse skal eleven utføre grunnleggende teknikker i svømming på magen, på ryggen, på siden, under vann, og kunne redde seg selv i vann.
Etter 10. klasse skal eleven kunne utføre varierte og effektive svømmeteknikker over og under vann og svømme en lengre distanse basert på egen målsetting.
For berekning er det tatt utgangspunkt i elevtal for skuleåeret 2020/2021 og at alle elevane frå 1. - 7. trinn reiser anna kvar veke . Tal elevar =77 Pris som er lagt til grunn er Skyss sine skuleskysstakstar.
Dersom reis må skje med drosje begge vegar blir prisen: 277 970.- 95 p. tur *77 elevar reiser på symjing 2 timar (dobbelt time symjing) annankvar veke i 19 veker (38 turar t/r) = 277 970.-
Dersom reisa kan skje med buss ein veg og drosje ein veg blir prisen: 168 245.- 20*77*19=29 260.- 95*77*19=138 985.- Totalt = 168 245.-
Dersom reisa kan skje med buss begge vegar blir prisen: 58 520.- 20*77*38 = 58 520.-
Det er i dag Odda barneskule og Tyssedal barneskule som har symjeundervisning ved Odda folkebad. Odda ungdomsskule har og nokre dagar i bassenget når dei har livreddningsopplæring. Dersom elevar frå Hauso/Vikebygd skal bruka bassenget i Odda vil det bli mindre symjeundervisning på alle elevane. Elevane vil få eit dårlegare tilbod enn dei har i dag. Det gjeld både Hauso/Vikebygd og Odda bs/Tyssedal.
Kåre Grønsnes (SV):
1. Kva vert konsekvensane for ein skule på vestsida (og for vestsida?) med fritt skuleval for heimane i Vikebygdkrinsen - krinsen med det største elevtalet - jamført med elevtalsutviklinga på vestsida?
Nærskuleprinsippet - innlegg 17.06.20 - foreldra har rett til å velja den skulen som ligg nærast heimen. Utdanningsdirektoratet seier - sitat: "Det ligg ikke innenfor det kommunale handlingsrommet eller selvstyre å fastsette forskrifter i strid med nærskoleprinsippet." Fylkesmannen i Hordaland skreiv i juni i fjor: "Fylkesmannen vil på generelt grunnlag presisere at retten til å gå på den nærmeste skolen vil være den samme i en ny sammenslått kommune som innenfor dagens eksisterende kommunegrenser".
Rådmannen si innstilling går på å samla elevane på vestsida på ein skule. Om foreldre i Vikebygd-krinsen faktisk vil velja skule i Odda kontra Hauso står att å sjå. Grunngjevinga frå rådmannen på fritt skuleval ligg i at det allereie ligg føre søknader om skuleplass i Odda om Hauso vert valgt. Erfaringane frå tidlegare saker om skulebytte er at fylkesmannen legg stor vekt på foreldra/føresette sitt standpunkt. Om fleire foreldre vel Odda som skulestad, kan det medføra at oppgradering på Hauso kan gjerast mindre omfattande.
2. Kva byggteknisk nivå og kva driftsinnsparingar vil ein nybygd skule få jamført med ein renovert skule?
I samanlikninga i tidlegare saksframlegg har ein lagt dei same byggtekniske krava til grunn for nybygg og for rehabilitering (TEK 17) og ein vil soleis med det alternativet oppnå tilsvarande byggteknisk nivå på begge skular.
I revidert forslag som vart lagt fram i kommunestyremøtet i juni har ein trekt ut posten for oppgradering til TEK17, då dette er noko ein på eksisterande bygningsmasse kan søke dispensasjon/avvik frå. Ref. bygningslova §31-2: “Tiltak på eksisterende byggverk. (...) Kommunen kan gi tillatelse til bruksendring og nødvendig ombygging og rehabilitering av eksisterende byggverk også når det ikke er mulig å tilpasse byggverket til tekniske krav uten uforholdsmessige kostnader, dersom bruksendringen eller ombyggingen er forsvarlig og nødvendig for å sikre hensiktsmessig bruk. (...).”
Summane kjem fram av tabellen som vart lagt fram og kjem på nytt i saksframlegget i september.
Universell utforming og godt inneklima er noko ein vurderer som ufråvikeleg, og dette er godt ivareteke slik Hauso skule framstår i dag. (Dette grunna jamleg vedlikehald og oppgradering gjennom siste 10-12 år.) Skulen vil vera noko dårlegare isolert på eksisterande bygg i enkelte delar, og størstedelen av vindaugene som vart skifta i 2008/2009 har noko lågare isolasjonsevne/høgare U-verdi jamfør dagens krav. Dette vil slå noko ut på straumkostnadar, men vanskeleg å talfeste. Nokre vindauger vart skifta i 2018 og har såleis noko høgare isolasjonsevne. Når det gjeld generelt vedlikehald så vil ein ny skule moglegvis krevja noko mindre årleg vedlikehald og tilsyn, men det klarar ein ikkje å direkte talfeste. Det er og den type vedlikehald kommunane historisk ikkje har brukt tilstrekkeleg med midlar på.
Kor vil Ullensvang kommune få mest skule att for totalinvesteringane? Eit godt spørsmål, og det er avhengig av kva val ein tar i høve byggtekniske krav, utforming av uteområde og innhald i hall.
Hauso skule er godt vedlikehalde skule, der Ullensvang herad har brukt meir enn 20 millionar siste 10-12 år. I dei justerte kostnadsoverslaga vil ein utifrå totalvurdering få mest mogeleg att for kvar krone investert på Hauso alternativet. Jfr. rådmannens innstilling til vedtak og saksutgreiing.
3. Nye forskrifter tilseier auka fokus på praktisk-estetiske fag, på fysisk aktivitet og kvalitet på uteareal.
Korleis best stetta dei nye retningslinene som er komne - og korleis vera fleksible for nye krav som vil koma?
Praktisk estetiske fag er ivareteke med krava til nytt skulebygg på Aga. På Hauso ivaretatt med tilrettelegging av rom for praktisk estetiske fag med ny rominndeling og nytt innhald.
Fysisk aktivitet ivaretatt med at ein stettar krava til areal på uteområde begge plassar, samt at ein har godt utgangspunkt for bruk av naturen og nærmiljøet begge plassar. Uteområde er lagt inn i planane begge plassar med tilrettelegging av uteareal med mulighet for fleire soner begge plassar.
4. Kva gevinstar vil det vera for borna, heimane, kommunen, pedagogikk - og for miljøet - ved samlokalisering barnehage/SFO/barneskule/ungdomsskule til eit oppveksttun?
Det er vanskeleg for administrasjonen å generelt omtala gevinst for borna og heimane då det er store geografiske avstandar og ein ser i høyringssvar at det er stor usemje om lokalisering og avstandar til skule og fritidstilbod.
For kommuneadministrasjonen kan det vera økonomisk fornuftig å samle mest mogleg på ein stad viss ein isolert ser på bruk av kommunen sine tilsette/årsverk. Men korleis det slår ut på busetjing og utvikling av næringsliv, samt kor store investeringar ein må gjera for å få samla alt, kan bildet syne ei anna sanning. Då kan det vera andre alternativ som er betre utfrå det totale bildet, både økonomisk og utviklingsmessig.
Når det gjeld det pedagogiske tilbodet, kan ikkje administrasjonen med grunnlag i forskning seia at det eine eller det andre alternativet gir høgast gevinst. Ein samla skule, uavhengig av alternativ, vil kunna vera eit viktig tiltak for å sikra kompetanse og rekruttering i framtida.
Rådmannen legg følgjande forvaltningsprinsipp til grunn for ein berekraftig skulestruktur:
- Samsvar mellom kapasitet og elevtal.
- Mest mogleg effektiv utnytting av skuleanlegga relatert til elevtal over tid.
- Føreseieleg elevtal over tid for skulane.
- Samanheng mellom planlagte endringar i infrastruktur, busettingsmønster og skuleanlegg.
- Frigjorde skuleanlegg kan ikkje leigast ut eller seljast til bruk for grunnskuledrift
5. Kva med å byggja ein modulbasert ny skule - kva innsparingar i byggekostnadar vil det gje?
Modulskule er ikkje kostnadsrekna men det er konferert med konsulent som har sett nærare på dette. Dei finn ikkje grunnlag for at dette kan byggast med noko lågare pris pr m2 enn tradisjonelt bygg. Det er fordeler og ulemper med begge type bygg, men prismessig kjem dei nokonlunde likt ut. Modulbygg vil ha kortare byggetid noko som kanskje kan redusere byggherre-kostnadane noko. Me kan elles vise til ei konkret samanlikningssak; Då Kinsarvik Barnehage vart lyst ut for få år sidan, var eit av anboda modulbasert permanent bygg. Dette var ikkje rimelegast men låg “midt på treet” i pris, og vart såleis ikkje valt.
Marit Jensen Måkestad (AP) Jeg lurer på hvor mange elever som bor på Vetlås, altså som vil få en reisetid på over 1 time dersom Aga-alternativet blir valgt? Videre lurer jeg på hvor mange elever fra Måkestad, Kvestad og Reisæter i Vikebygd som har rett på taxi fra hjemmet og ned til Nå sentrum, som må vente på skolebuss videre til Aga/ Hauso. Pr. i dag bur det ingen elevar på Vetlås. Oversikt over kvar elevane bur:
Hesthama Vine Fødselsår Klasse Utne r Lothe s Alvsåker Kvalvik Bjotveit Vetlås Storås
2005 10. 5
2006 9. 2
2007 8. 2
2008 7. 4 1
2009 6. 2 1
2010 5. 1 2
2011 4. 2 1
2012 3. 2 1
2013 2. 3
2014 1. 2
2015 Bgh 2 1
2016 Bhg 1 1
2017 Bhg 2 1 *
2018 Bhg 1
2019 Bhg 1 2020 Bhg 2
Elevar frå i Vikebygd som har rett på taxi fra heimen og ned til Nå sentrum, som må vente på skulebuss vidare til Aga/ Hauso:
Måkestad Kvestad Reisæter Skåltveit
Hauso 1 1 3
Vikebygd 1* 4 1 * 4 kan bli aktuelle. Dei har ikkje rett på skyss i dag, men kan bli aktuelle dersom skulen ligg på Aga/Hauso. Det er pr i dag kun i 1. klasse og evnt vinterskyss som har rett på skyss.
Jeg ønsker en oversikt lik den som vises i saksutgreiingen når det gjelder elevgrunnlaget på vestsida, altså fra årene 2015 og frem til 2026, basert på elever pr idag og prognoser basert på fødsler/ barnehagebarn. Oppdatert tabell med elevtalfrå rektorane ved Hauso og Vikebygd. År 1. kl 2. kl 3. kl 4. kl 5. kl 6. kl 7. kl Sum 16/17 12 13 16 9 11 16 15 92 17/18 8 12 13 16 9 11 16 85 18/19 12 8 12 13 16 9 11 81 19/20 10 13 10 11 15 16 10 85 20/21 10 10 13 10 11 15 16 85 21/22 7 10 10 13 10 11 15 76 22/23 11 7 10 10 13 10 11 72 23/24 9 11 7 10 10 13 10 70 24/25 4 9 11 7 10 10 13 64 25/26 3 4 9 11 7 10 10 54
Lindskog-Lund (SP) Nye spørsmål: Skogen ovanfor ev. skule på Aga er nemnt i rapport om ras/skred at ikkje bør hoggast. Kor mykje vil det kosta å løysa ut den skogen?
Fangnett og sikring ovanfor fotballbanen er naudsynt og er stipulert til 1 mill++, eventuell utløysing og kompensasjon er del av vidare detaljplanlegging. Utløysing av skog kjem av på produktiviteten/kvaliteten på skogen og må tas i detaljprosjekteringa.
Kostnadsmessig er dette eit eksempel på ein kostnad som ligg i uføresett/reserve.
Kva er tenkt om etterbruk av skulebygget i Vikebygd om skulen vert på Hauso, og ev. òg av Hauso skule om skulen vert på Aga?
I utgangspunktet ser administrasjonen for seg sal av bygg(a) til private interessentar. Kven som eventuelt er interessert vil ein kunne vurdere når ein har vedtatt nedlegging av ein eller to skular og har ein konkret tidsplan for når bygg(a) vert ledige. I saksframlegget legg ein opp til at ein lagar til ei gruppe som ser på etterbruk av det / dei bygga som er aktuelle. Gruppa ser på løysingsforslag for vidare bruk, fortrinnsvis salg og vidare utvikling.
Kva utgifter vil det ev. vera til drift av skulebygget/skulebygga om dei ikkje skal seljast?
Straum til vedlikehaldstemperatur samt heilt naudsynt vedlikehald og ettersyn. Konkret kva det vil koste kan me ikkje sei, me har som utgangspunkt at ein skal få til sal eller anna etterbruk av bygga. Vaktmeistar vil ha oppsyn med bygga med tanke på vasslekkasjar i spesielt tak og veggar, vedlikehaldsstraum i bygget og for bygget sin sikkerhet med tanke på innbrudd eller anna. Pr i dag nyttar ein kr 474.000 kr eks mva til straum på hauso skule og kr 209.000 på vikebygd. Kostnadar til straum vil kunne tas ned til eit minimum for å halda vedlikeholdstemperatur i bygga. På Hauso er Straum til oppvarming av basseng inkludert i dei 474.000 kr.
Vurderer kommunen å riva skulebygget/skulebygga, og kva vil ev. det kosta? Ikkje vurdert, det er lagt opp til at ein skal få til fortrinnsvis sal av bygg eller anna etterbruk.
Kva plikter har kommunen til å rusta opp samfunnshuset på Hauso sett i lys av diskusjonen som har gått i over ti år, med utsetjing av vedlikehald og lovnad om riving og nybygg? Kor mykje vil dette ev. kosta kommunen?
Ingen formelle forpliktelser til oppgradering av samfunnshuset utover det som gjeld i dagens leigeavtale, kommunen har ein leigeavtale på leige av gymsal og garderobar i samfunnshuset. Viss ein skal fortsette leige av gymsal og garderobar vil ein utifrå avtalen dele på kostnadane med ein fordeling fastsett i avtalen.
Nærskuleprinsippet vart utgreidd i debatten. Kor langt innover fjorden må ein før skulen i Odda er nærare enn skulen på Hauso? Og kor mange elevar er det då som ikkje høyrer til nærskulen på Hauso?
Dei einskilde søknadane må vurderast utfrå innhaldet og vil ha fleire vurderingsfaktorar enn berre km og tidsforbruk. Dagens skuleruter samt bussrutene vidare inn mot Odda viser stipulert reisetid. Stopp på vegen i høve skuleborn av og på vil påverka reisetida. Avstandane som ein faktor, men og andre faktorar som arbeidsplass, sosiale tilhøve, fritidsaktivitetar o.l. vil vurderast i kvart tilfelle. Midtpunktet i reisetid/avstand vil utifrå kart vera ein stad imellom Måge og Vikebygd.
I eit kakediagram i utgreiinga til skulegruppa på Aga viser det at Vikebygd er den største krinsen på vestsida, og ein har delt Hauso skule i krinsane Hauso, Utne og Vines. Korleis ser desse tala ut for Vikebygd om ein deler den krinsen opp i bygder òg?
Informasjon om grunnkrinsane henta frå https://statistikk.ivest.no/hf/ og viser tal pr 31.12.19:
Aldersgrupper Alle aldre 0-19 år 20-66 år 67+ Kjønn Begge kjønn Begge kjønn Begge kjønn Begge kjønn Grunnkrins/område Vestsida (Tokheim til Digranes) 788 165 484 139 Tokheim 456 94 295 67 Eitrheim 292 65 165 62 Digranes 40 6 24 10 Vestsida (Måge til Åsgrenda) 1 171 220 641 310 Åsgrenda 21 3 12 6 Vines - Kvalvik 138 18 75 45 Utne 136 24 76 36 Grimo 150 27 78 45 Jåstad 134 22 63 49 Aga 232 58 130 44 Nå 149 27 90 32 Bleie 114 29 60 25 Måge 97 12 57 28
Det vart stilt spørsmål i kommunestyremøtet om kor mange elevar som bur ytterst i Vines-krinsen. Kor mange elevar bur det innerst i Vikebygdkrinsen? (Eikhamrane-Måge)
Det bur pr i dag 5 elevar i barneskulealder i den innerste krinsen av Vikebygd
Er det nokon av utgiftene knytt til Hauso som uansett må gjennomførast uavhengig av skulesak? Til dømes veg?
Vegen frå hovudvegen og opp til skulen har vore planlagt utbetra sidan byggefeltet vart etablert, og må utbetrast uavhengig av skulesaka. Vegen er mellom anna for svak for tyngre køyretøy; bosbil, septiktømming, dyretransport, frukt-ruter og skogsdrift. Kostnadane til denne utbetringa var tidlegare del av skulesaka , men er teke ut av kalkylane som gjeld skulen. Det talet som gjeld veg i skulesaka er flytting av svingen rundt hallen, då hallen er større enn samfunnshuset som ligg der i dag. Utbetringar av veg i samanheng med utbetring av vatn og avlaup er naudsynt uavhengig av saka.
Om det ikkje skal byggast basseng på Aga (om skulen vert lagt der) må elevane skyssast til basseng; korleis er det med tap av skuletid om ein tenker at elevane må bruka minst 1 t tur/retur kvar gong dei skal ha symjeundervisning i basseng? Skal elevane få den undervisingstida igjen på noko vis?
Nei dei vil ikkje få igjen undervisningstida som går vekk i reise. Eksemempel på korleis Opedal Skule på austsida av fjorden gjer det pr idag : Frå 1. klasse reiser klassane annakvar veke. “Mattida” er ein del av reisetida. 2 klassar reiser saman. Dei låner eit klasserom slik at den eine klassen har undervisning, medan den andre har symjeundervisning. Det er mange tilsette må reisa saman med elevane. Opedal har 10-15 min reisetid med buss, likevel går det ein halv skuledag vekk frå skulen (reise pluss undervisning på Kinsarvik skule)
Har Ullensvang kommune handlingsrom til å bygga ny skule, og kor mykje vil kommunen ha disponibelt til vidare investeringar etter ei slik investering? Ullensvang kommune har i budsjettet for 2020 og vidare økonomiplan investeringar som er over det som ein tilrår i høve kommunen sin samla økonomi. Det er i utgangspunktet ikkje rom for større investeringar enn det som ligg i budsjettet pr. idag. Ved vedtak om samla skule på Aga eller Hauso så vil det i stor grad binde opp budsjettet for kommunen i fleire år. Det vil vera fleire vurderingar som må gjerast i høve om ein investering er lønnsam på sikt og kva andre endringar og konsekvensar ein investering føre med seg. Ved ei skulesamanslåing så får ein innsparingar på eit bygg i drift med den arealeffektiviseringa det vil medføra, og ein kan nytta ressursane meir effektivt på ein samla skule sett i høve elevtalet. Rådmann har i saksframlegg og framlegg til vedtak gått inn for det alternativet der ein kan ta hensyn til at fleire elevar vil søka seg til Odda barneskule. Noko som vil medføre at ein kan gjera tilpassingar for å ikkje byggja fullt ut på ein samla skule. Tilpassingar til eit reelt elevtal som er lågare enn det som ligg i dagens utgreiingar vil medføra at ein kan spare inn på ombygging/rehabilitering av skulen.
Kva plan er det for å sjå på heile skulestrukturen i nye kommunen? Det vert nytta store ressurser på Oppvekst og utdanning i den nye kommune, studerer vi Kostra-tal for dei 3 tidlegare kommunane til Ullensvang kommune. Ligg vi godt over både landsgjennomsnittet og i tillegg kommunar som er plassert i same kommunegruppe. Skulestrukturen og organiseringa er ein signifikant kostnadspost i høve dette. Dette grunna antal klassar, elevantal per lærar, antal tilsette i undervisningsstillingar, adminstrative ressursar på kvar verksemd, samt kostnader med drift og vedlikehald av bygg. Ullensvang kommune er no inne i ein fase der ein lyt føreta drastiske tiltak for å kunne reduserer driftsutgiftene, det vil med andre ord sei at frå administrasjonen si side vil skulestruktur vera tema ein er nøydd til å vurdere med omsyn til å sikra ei berekraftig drift for framtida.