Koordinering Av Luftambulanse- Helikoptertenesta Og Flight Following Av Ambulansehelikopteroppdrag I Helse Vest
Total Page：16
File Type：pdf, Size：1020Kb
KOORDINERING AV LUFTAMBULANSE- HELIKOPTERTENESTA OG FLIGHT FOLLOWING AV AMBULANSEHELIKOPTEROPPDRAG I HELSE VEST Kolofon Utkast til styremøte [Sett inn dato] Vedteke i styremøte [Sett inn dato] Publikasjonens tittel: KOORDINERING AV LUFTAMBULANSE-HELIKOPTERTENESTA OG FLIGHT FOLLOWING AV AMBULANSEHELIKOPTEROPPDRAG I HELSE VEST Utgitt [Sett inn dato] Kontakt [Kontaktperson] Rapport kan lastes ned på: [Link for nedlastning] Fotograf: [Fotograf] 1 FORORD Luftambulansetenesta bidreg til å oppfylle målet om likeverdige tenester for pasientane. Funksjonsfordeling mellom sjukehusa og til dels lange avstandar mellom pasient og sjukehus, let seg kompensere ved å bringe ei avansert akuttmedisinsk teneste ut til pasientane og tilby rask og trygg transport til sjukehus. Ved sidan av primæroppdrag, kor pasientane blir henta til sjukehusa på grunn av akutt sjukdom eller skade, utgjer sekundæroppdrag, kor pasientar under pågåande avansert behandling blir flytta mellom sjukehusa, ein aukande og viktig del av oppdragsmengda til luftambulansen. Luftambulansetenesta er luftfartsverksemd og utsett for høg risiko. Det er difor eit overordna mål å redusere risikonivået i tenesta så mykje som mogleg. Det blir sett inn store ressursar og mange tiltak, eit av dei er betre flight-following. Ei sentralisering av luftambulansekoordineringa til éin AMK-LA sentral i kvar helseregion er eit tiltak som bidreg til betre tryggleik og ytterlegare profesjonalisering av flight-following i tenesta. Det er brei semje om at ei sentralisering av AMK-LA til èin AMK-LA sentral i regionen er føremålstenleg. Spørsmålet om lokalisering av funksjonen i Helse Vest funksjonsplassering blir difor det sentrale i denne rapporten. Arbeidsgruppa har bestått av representantar frå alle dei fire helseføretaka i Helse Vest, konserntillitsvald i Helse Vest RHF, Luftambulansetjenesten HF og operatøren Norsk Luftambulanse AS. Tusen takk til alle som har medverka i arbeidet med rapporten! 3 SAMANDRAG I rapporten «Sentrale elementer vedrørende AMK-sentralene» frå HOD i 2016 vart det anbefalt at koordinering av ambulansehelikoptertenesta og flight following av ambulansehelikopteroppdrag vert utført frå éin AMK sentral i kvar helseregion. På bakgrunn av dette fekk Helse Vest i føretaksmøtet januar 2017 oppdrag om å følgje opp denne anbefalinga. I denne rapporten er dei fire ulike AMK-sentralane i Helse Vest presentert, og det er gjort ei ROS-analyse av å sentralisera AMK-LA funksjonen til èin sentral. Deskriptiv statistikk er lagt fram for å vise kva det vil innebere å ha flight following funksjonen. Vidare er ulike konsekvensar av å samle funksjonen til ein stad gjennomgått. Til sist er det gjort ei grundig drøfting av kva for ein AMK sentral ein bør leggje AMK-LA funksjonen til. Det er også foreslått eit mottaksprosjekt som kan sikre ein god prosess med å sentralisere AMK-LA funksjonen. Arbeidsgruppa har bestått av ein representant frå Helse Førde, to representantar frå Helse Bergen, ein representant frå Helse Fonna, to representantar frå Helse Stavanger, ein representant frå Luftambulansetjenesten HF, ein representant frå Norsk Luftambulanse AS og konserntillitsvalt. Arbeidsgruppa har vore leia av Helse Vest med støtte frå Deloitte. Heile arbeidsgruppa er einige i at koordinering og flight following av luftambulansen bør leggjast til éin AMK sentral. Gjennom sentralisering vil ein kunne ha dedikerte operatørar som har LA koordinering og flight following som hovudoppgåve. Større oppdragshandtering vil gje betre kontinuitet og betre kvalitet i arbeidet med koordinering og flygeleiing og dermed også større flytryggleik. Uavhengig av kor AMK- LA funksjonen blir lagt, forventar arbeidsgruppa at ei sentralisering vil profesjonalisere tenesta, kunne redusere forseinking og dobbeltutkall i grenseområda, og gje ei betre utnytting av dei samla helikopterressursane. Hyppigheit av utflydde helikoptercrew på arbeidstid vil truleg også reduserast. Ein vil få betre moglegheit til å arbeide systematisk for god ressursutnytting og ein mest mogleg likeverdig tilgang på LA- tenester for befolkninga i regionen. Gjennom ROS-analysen går det fram at utgangsrisikoen ved å overføre AMK-LA funksjonen til éin sentral i Helse Vest, samla sett er middels, med bakgrunn i skisserte tiltak i analysen. Det er vurdert som kritisk om ein skulle mangle ei klar rolle- og ansvarsfordeling, og om det skulle mangle skildringar på dette. Det er difor svært viktig at ein sikrar at det blir arbeidt med å opprette felles prosedyrar, rutinar og retningslinjer. Det må etablerast nye nettverk som til dømes eit eige luftambulansefagråd i regionen. AMK Bergen og AMK Stavanger er dei to største sentralane i Helse Vest, og Helse Bergen er det sjukehuset som har mest luftambulansetrafikk inn til seg. Prosjektgruppa er einig i at AMK-LA funksjonen må leggjast til ein av desse sentralane. Haugesund har ikkje trening og erfaring med flight following og koordinering av luftambulansen. I Førde har dei både treninga og erfaringa, men ein manglar eit sterkt fagmiljø som kan støtte opp under funksjonen. Dessutan er det berre Førde sitt eige helikopter og redningshelikopter som kjem inn til sjukehuset i Førde. Prosjektgruppa har ikkje klart å komme til semje om AMK-LA funksjonen bør leggjast til Bergen eller til Stavanger. Begge sentralane er vurdert robuste nok, og gode nok til å inneha funksjonen når ein ser på fagmiljøet rundt AMK-sentralane, og det er det same når ein vurderer bemanningsevna til sentralane. Begge sentralane har også sagt at dei kan ta på seg funksjonen utan at dei vil trenge ekstra løyve til dette. Det er fleire moment som gjer at prosjektgruppa ikkje er einige i lokaliseringsspørsmålet. Eit punkt er kor mykje vekt ein skal leggje på at AMK-LA funksjonen bør liggje på same stad som R-AMK, og eit anna er kor mykje vekt ein skal leggje på om AMK-LA funksjonen bør liggje ved regionssjukehuset og traumesenteret i Helse Vest. For det tredje er det usemje i kva grad ein skal vektlegge innkommande helikoptertrafikk frå ulike basar. Tilråding Ei samla prosjektgruppe tilrår å sentralisera AMK-LA funksjonen til èin sentral i Helse Vest AMK Stavanger og AMK Bergen er begge kompetente nok, og godt nok rusta til å kunne inneha AMK-LA funksjonen Helse Bergen, Helse Fonna og Helse Førde tilrår at AMK-LA funksjonen blir lagt til AMK i Helse Bergen Helse Stavanger og Luftambulansetjenesten HF tilrår at AMK-LA funksjonen blir lagt til AMK i Helse Stavanger Norsk Luftamabulanse AS og konserntillitsvalgt er nøytrale i høve lokaliseringsspørsmålet Ei samla prosjektgruppe tilrår at det bli oppretta eit mottaksprosjekt for å gjennomføre ei forsvarleg overføring av funksjonen knytt til koordinering av luftambulansen og flight following til èin sentral i Helse Vest 5 INNHALD Ordforklaringar og forkortingar 0 1. Innleiing og bakgrunn 2 1.1 Bakgrunn og føremål 2 1.2. Mandat og rammer for arbeidet 2 1.3. Organisering av arbeidet 3 2. Overordna føringar 6 2.1 «Sentrale element vedrørende AMK-sentralene» 6 2.2 «Samhandling virtuell AMK i Helse Vest» 7 2.3 Helse 2035 Strategi for Helse Vest 8 2.4 Flight following og krav til AMK-LA 9 2.4.1 Kvalitetsstyring i AMK-LA 10 3. AMK-LA funksjonen 12 3.1 AMK-LA funksjonen i AMK Oslo 12 3.2 Kommunikasjonslinjer mellom AMK og Luftambulansen 12 4. AMK-Sentralane i Helse Vest 14 4.1 Nøkkelinformasjon om dei fire AMK-sentralane 14 4.2 Regionale og nasjonale funksjonar ved sjukehusa i Helse Vest 18 4.3 R-AMK-funksjonen i Helse Vest 18 4.4 Regional traumesenterfunksjon 19 5. Kva vil det innebere å ha koordinering og flight following ansvar i Helse Vest? 20 5.1 Forventa aktivitet 20 5.2 Døgnprofil 23 5.3 Erfaringar/læring frå andre RHF som har gjennomført omlegging til èin AMK-LA sentral 24 6. ROS-analyse 26 7. Konsekvensar 27 7.1 Konsekvensar for utkalling/utalarmering: Moglege tidseffektar 28 7.2 Konsekvensar for pasientane 29 7.3 Konsekvensar for bemanning 29 7.4 Konsekvensar for reserve AMK-LA funksjonen i Helse Vest 30 7.5 Moglegheit for systematisk evaluering og harmonisering av praksis 31 7.6 Konsekvensar for dei AMK-sentralane som ikkje vil få tildelt AMK-LA funksjonen 31 8. Diskusjon 34 8.1 Grunngjeving for at AMK Haugesund og AMK Førde er uaktuelle 34 8.2 Drøfting av moment relevante for lokalisering av AMK-LA funksjonen i Helse Vest 35 8.2.1 Fagmiljø 35 8.2.2 Robustheit i høve bemanning 36 8.2.3 R-AMK funksjonen 37 8.2.4 Regionsjukehusrolla inkl. regionalt traumesenter 39 8.2.5 Helikoptertrafikk 41 9. Praktisk gjennomføring ved oppretting av ein AMK- LA sentral i Helse Vest 44 9.1 Prosess og prosedyrar 44 9.2 Forslag til prosjektdirektiv 44 10. Tilråding 46 Vedlegg: Vedlegg 1. ROS-Analyse Vedlegg 2. Eksempel på rigg av mottaks prosjekt Vedlegg 3. Felles prosedyre for samarbeid mellom R-AMK og lokal AMK-sentral 7 ORDFORKLARINGAR OG FORKORTINGAR Aksjons AMK: AMK-sentral som koordinerer aksjonen. Akuttmedisinsk kommunikasjonssentral (AMK sentral): Spesialisthelsetenesta sin akuttmedisinske fagsentral for mottak og handtering av meldingar om behov for medisinsk naudhjelp og ambulanseoppdrag. Ambulansekoordinator: Vakthavande helsepersonell i AMK-sentral som primært har ansvar for å koordinere ambulanseoppdrag. AMK-LA: AMK-sentral med ansvar for koordinering og fight following av ambulansehelikopter innan regionen. AMK-Lege: Vakthavande lege tilgjengeleg for AMK for medisinsk rådgjeving til AMK-operatør og ambulanseteneste. AMK-Operatør: Vakthavande helsepersonell ved ein AMK-sentral (Fellesnemning på medisinsk operatør og ambulansekoordinator). Catastrophic events: Hendingar der AMK-LA i heilt spesielle