O Presente Documento Contén a Memoria De Actividades Que a Asociación Amizade Desenvolveu Duran

MEMORIA 2.011

1. INTRODUCIÓN:

O presente documento contén a memoria de actividades que a Asociación Amizade desenvolveu durante o ano 2.011 todas elas encamiñadas a favorecer a integración social e laboral das persoas con discapacidade e conseguir deste xeito a plena inclusión destas persoas en todos os ámbitos da sociedade.

Para o logro deste obxectivo, as actividades que se desenvolveron dirixíronse cara tres liñas de actuación:

 Persoal: Contribuír á mellora das condicións físicas, intelectuais e cognitivas, formativas, sociais e/ou laborais das persoas con discapacidade.  Familiar: Favorecer as relacións familiares das persoas con discapacidade ofrecendo información e asesoramento ás familias e posibilitando situacións de respiro familiar.  Social: Sensibilizar ao conxunto da poboación da necesidade de conseguir unha sociedade máis xusta e igualitaria que dea cabida a todos os cidadáns e cidadás.

2. USUARIOS/AS:

Os usuarios/as que acoden ao centro proveñen fundamentalmente do concello de Pontevedra, aínda que tamén fan uso dos nosos servizos persoas doutros concellos da comarca (A Lama, Soutomaior, Campo Lameiro, Barro, Poio, Moraña e Ponte Caldelas) e incluso doutros concellos próximos como Marín, Meis, Meaño, Portas, Caldas de Reis, Cuntis, Ribadumia, Cambados, Vigo e A Estrada.

Son maioritariamente persoas con discapacidade física aínda que tamén participan persoas con discapacidade intelectual ou mixta. Non nos plantexamos servizos específicos para un tipo concreto de discapacidade, se non que consideramos que a interrelación entre as distintas persoas favorece o seu desenvolvemento integral.

Posto que algunhas das actividades e cursos ofrecidos non son exclusivos para os nosos/as asociados/as, non todas as persoas que acoden ao centro son socias. Sen embargo e como se constata, a participación nestas actividades e cursos posibilita o incremento de asociados/as. Neste senso e durante o ano 2011 incorporáronse a Amizade un total de 4 novos socios/as, chegando a ser 103 asociados/as.

3. CENTRO DE ATENCIÓN INTEGRAL DE AMIZADE:

O Centro de Atención Integral de Amizade ten por finalidade satisfacer as necesidades formativas, laborais, educativas e sociais das persoas con discapacidade. Para o logro de dito obxectivo elaborase un itinerario específico adaptado ás características de cada persoa e no que se establecen uns obxectivos individuais, que poden ser formativos, laborais, educativos e/ou sociais e un plan de acción para a consecución dos mesmos.

Amizade desenvolve as súas actividades nun centro que é propiedade de COGAMI, que está situado na rúa Alemaña nº23, baixo, no barrio de Monte Porreiro do concello de Pontevedra, e que está estruturado nas seguintes áreas:

. Área de Dirección - Administración: 111,25 m Neste área atópanse as oficinas e as salas comúns tanto para a dirección do centro como para a atención a familias e usuarios/as.

. Aula Polivalente: 42,00m Aula na que se desenvolven a actividade de educación de adultos/as e o obradoiro de habilidades manuais.

. Aula de Informática: 42,00m Nesta aula desenvólvense tanto os cursos do Plan AFD como os cursos de Formación Profesional, así como o obradoiro de Informática con Atención Especializada.

. Sala de Curas: 7,14m Aula equipada cun lavabo, un botiquín e unha cadeira xeriátrica que serve como espazo de recuperación ante calquera eventualidade.

. Sala de Atención Especializada: 15,69m Está dedicada á atención individualizada ou en grupos reducidos por profesionais como pedagogos/as,...

. Sala de Rehabilitación - Ximnasio: 25,39m Equipada con elementos que favorecen a recuperación funcional a través do exercicio.

TOTAL SUPERFICIE CONSTRUÍDA: 270.60m TOTAL SUPERFICIE ÚTIL: 238.55m

No centro COGAMI presta o servizo de Centro de Día, que está atendido polo seguinte persoal:

. Categoría profesional: Dirección (1 persoa). Titulación: Diplomatura en Xestión e Administración Pública. Especialista universitario en Xestión de Entidades sen Ánimo de Lucro. . Categoría profesional: Administración (1 persoa). Titulación: Licenciatura en Pedagoxía. Especialidades: Pedagoxía Escolar: Formación docente e de Dirección de Centros Educativos e Pedagoxía Social e Laboral. . Categoría profesional: Monitora de Formación (1 persoa). Titulación: Educadora Social. . Categoría profesional: Monitor de Informática (1 persoa). Titulación: varias. . Categoría profesional: Fisioterapeuta (1 persoa). Titulación: Diplomatura en Fisioterapia. . Categoría profesional: Terapeuta Ocupacional (1 persoa). Titulación: Diplomatura en Terapia Ocupacional e Enfermería. . Categoría profesional: Psicóloga (1 persoa). Titulación: Licenciatura en Psicoloxía e Logopedia. . Categoría profesional: Traballadora Social (1 persoa).

Titulación: Diplomatura en Traballo Social. . Categoría profesional: Coidador/Condutor (1 persoa). Titulación: varias.

Todos estes profesionais desenvolven a parte principal da súa xornada de traballo no Centro de Día de COGAMI e dedican outra parte da mesma a colaborar cos servizos de Amizade. Para os obradoiros propios da asociación, Amizade conta ademais co seguinte persoal: . Categoría profesional: Monitora de Obradoiro (1 persoa). Titulación: varias. . Categoría profesional: Monitor de Obradoiro (1 persoa). Titulación: varias.

4. SERVIZOS:

4.1 SERVIZO DE INFORMACIÓN E ASESORAMENTO

Diariamente, en horario de atención de 8:30 a 15:00, no local social de Amizade, infórmase a todas as persoas que o soliciten sobre distintas temáticas tales como os beneficios do certificado de discapacidade, axudas económicas e técnicas, accesibilidade e supresión de barreiras, formación, asociacionismo, emprego, Lei de autonomía persoal, etc.

A resolución das consultas realízase de forma inmediata polo persoal de Amizade, sempre que non requira un asesoramento profesional específico; casos nos que a consulta é trasladada ás oficinas centrais que COGAMI ten en Santiago onde un equipo multidisciplinar de profesionais (avogados/as, traballadores/as sociais, economistas...) redacta un informe coa resolución da consulta efectuada que, unha vez recibido, é trasladado á persoa interesada.

Durante o ano 2011 resolvéronse un total de 81 consultas, distribuídas mensualmente da seguinte maneira:

Proporciónase información de moitos e moi variados temas, podendo clasificar todas as consultas nos seguintes tipos segundo a información requirida:

VOLUNTARIADO 15 EDUCACIÓN AXUDA DOMICILIARIA VIVENDA OUTROS 10 10 CERTIFICADOS DE DISCAPACIDADE EMPREGO 8 7 7 BARREIRAS 6 AXUDAS ECONÓMICAS CENTROS 4 RESIDENCIAIS ASOCIACIONISMO 3 3 3 2 OCIO 111 AXUDAS TÉCNICAS FORMACIÓN

5. ACTIVIDADES:

5.1. ACTIVIDADES ASOCIATIVAS

Durante o ano 2011 continuouse mantendo contacto coas traballadoras sociais dos concellos da comarca, ofrecendo información sobre a asociación e posibilitando que varias persoas se asociaran a Amizade e comezaran a facer uso dos nosos servizos.

Mantívose contacto telefónico e vía correo electrónico coas traballadoras sociais dos concellos de Marín, Poio, Pontevedra, Campo Lameiro, A Lama, Cuntis, Soutomaior, Cambados, Caldas de Reis, Moraña, Barro e Ponte Caldelas. A estas profesionais tamén se lle enviaron varios exemplares do boletín de Amizade en cada unha das súas edicións.

Ademais, representantes de Amizade participaron nas reunións e asembleas de COGAMI-Pontevedra (Federación de Asociacións de Persoas con Discapacidade da Provincia de Pontevedra) e de COGAMI (Confederación Galega de Persoas con Discapacidade) das que Amizade forma parte.

Amizade estivo tamén presente nestes outros actos:

. Asistencia ao acto de presentación de Antón Louro como candidato do PSOE á alcaldía de Pontevedra, o 15 de xaneiro.

. Asistencia ao acto de presentación do programa que o Partido Popular presentou ás eleccións ao Concello de Pontevedra, o 22 de marzo. . Asistencia ao debate dos candidatos á alcaldía de Pontevedra dos tres principais partidos, na facultade de Ciencias Sociais o 4 de abril. . Participación nun acto sobre accesibilidade organizado pola asociación de xoves empresarios da Coruña, no que o presidente de Amizade impartiu unha charla. Foi o 30 de xuño. . Participación nun coloquio sobre “como dar voz aos colectivos en risco de exclusión” organizado pola Rede Galega de Loita contra a Pobreza en Santiago, o 1 de xullo. . Asistencia ao acto de entrega dos premios “Pontevedresa na Onda” organizado por OndaCero e na que Amizade era candidata, o 1 de xullo. . Asistencia ao acto de presentación do estudo de Tráfico e Mobilidade do concello de Pontevedra, o 22 de setembro. . Asistencia ao acto de clausura do Equipo municipal de Inclusión Social de Pontevedra, o 30 de Decembro.

A elaboración de comunicados de prensa sobre cuestións de actualidade que afecten ao grupo social das persoas con discapacidade foi unha tarefa continua que nos permitiu estar presentes nos medios de comunicación, contribuíndo así ao cambio social que todos e todas esperamos. Como consecuencia destes comunicados, a asociación Amizade estivo presente en diferentes xornais un total de 9 días, con noticias sobre actividades da asociación.

Participouse tamén en 9 ocasións en distintos medios radiofónicos con entrevistas sobre a asociación, as reunións con responsables políticos, o día internacional das persoas con discapacidade, etc. Así mesmo, o presidente de Amizade estivo en Localia Televisión Pontevedra e na Televisión de Galicia en sendas entrevistas.

5.2. ACTIVIDADES DE SENSIBILIZACIÓN

As actividades de sensibilización véñense enfocando en dúas direccións: a sensibilización social e a sensibilización política. Non se trata de dúas direccións opostas, posto que a sensibilización social inclúe tamén a política, pero si que consideramos preciso facer un esforzo especial en sensibilizar a todos os representantes políticos (e tamén aos responsables técnicos) debido á capacidade que teñen para poder transformar a realidade co seu traballo.

Desde o punto de vista social realizáronse as seguintes actividades:

. Xornada Deseño Universal, Calidade de Vida.

O 5 de abril, en colaboración co Concello de Pontevedra, celebrouse unha xornada formativa sobre Deseño Universal á que asistiron de maneira presencial preto de 100 persoas, e que puideron visualizar a través da retransmisión vía web varias ducias de alumnos/as de diversos ciclos medios e superiores con estudos relacionados co deseño e execución de obras.

A Xornada acolleu varias temáticas, como a situación legal, a experiencia profesional ou os usos reais, e nela interviron D. Carlos

Rodríguez Mahou (da área de arquitectura do CEAPAT), D. Ángel Velando Rodríguez (Arquitecto Xefe da Oficina Técnica de Arquitectura da Área de Medio Ambiente, Proxectos e Obras do Concello de Pontevedra), Dna. Belinda Besada Vergara e Dna. Marister Failde Ferreiro (de BMJ Arquitectos), D. Xosé Luís Bará Torres (Concelleiro de Accesibilidade e Mobilidade do Concello de Pontevedra) e D. Paulo Fontán Torreiro (Presidente da Asociación Amizade de Persoas con Discapacidade da comarca de Pontevedra).

. Charla a familias.

O 15 de febreiro levouse a cabo unha charla para as familias das persoas participantes no Centro de Día, na que se informou sobre a programación anual a desenvolver e o establecemento dos obxectivos grupais e individuais con cada un/unha dos/as participantes.

. Charla a técnicos/as municipais do concello de Pontevedra.

O 29 de Xuño tivo lugar unha charla na que os responsables de Amizade achegaron aos técnicos/as municipais encargados do outorgamento de licenzas de apertura as cuestións que a asociación consideraba que se deberían ter en conta á hora de analizar os diferentes proxectos presentados.

. Charla para Monitores/as Socioculturais.

O 28 de Xullo responsables de Amizade desprazáronse a Poio para dar unha charla a futuros/as Monitores/as Socioculturais. A proposta viu da man de Gabinete Multifunción, que solicitou a colaboración de Amizade de cara a sensibilizar e facer ver a realidade das persoas con discapacidade.

Participaron 17 persoas.

. Charla “Palestina sen barreiras”.

Grazas á colaboración de AGARESO (Asociación Galega de Reporteiros Solidarios), o 29 de novembro tivemos a oportunidade de coñecer de primeira man, a través da propia protagonista, Dalal Altegi, como viven as persoas con discapacidade en Palestina, os recursos dos que dispoñen e en que situación se atopan.

. AMIZADE nominada aos premios “Pontevedresa na Onda“.

A segunda edición dos premios “Pontevedresa na Onda” incluíu á Asociación Amizade como candidata na categoría de proxecto social e solidario. Trátase dun galardón que premia aquelas iniciativas que “están máis na onda” e que consta de varias modalidades de diversos ámbitos.

Aínda que Amizade non resultou premiada, a soa nominación anima a continuar coa liña de traballo dos últimos anos. A mera nominación xa é un premio para todos os socios/as de Amizade pola súa colaboración e apoio na loita por uns obxectivos comúns.

. Amizade participa no I Foro Galego de Pobreza, Exclusión Social, Terceiro Sector e Voluntariado.

A EAPN (Rede Galega contra a Pobreza) organizou este I Foro coa ambición de se converter no primeiro dos encontros de referencia en Galicia que afronten e analicen a problemática da pobreza e a exclusión social dende o triple punto de vista

habitual en EAPN: europeo, español e galego.

O Presidente de Amizade, Paulo Fontán, participou nun coloquio sobre Comunicación e Participación no que se pretendía buscar respostas á pregunta de como dar voz a persoas e colectivos que non a teñen.

Desde o punto de vista político, continuouse coa liña de traballo de anos anteriores, mantendo reunións con responsables políticos e técnicos co fin de trasladar as necesidades sociais que existen e das que a Asociación Amizade é boa coñecedora. O esforzo neste eido alcanzou diferentes niveis da administración posto que a distribución de competencias existente fai necesario un esforzo informativo que chegue a todas as persoas con responsabilidade na definición e posta en marcha de políticas públicas. Durante o 2011 mantivéronse os seguintes contactos:

. 18 de Xaneiro, reunión con Raimundo González, Concelleiro de Medio Ambiente Urbano do concello de Pontevedra. . 8 de Marzo, reunión co Concelleiro de Turismo do concello de Pontevedra. . 12 de Abril, reunión con Antón Louro (Candidato do PSOE á Alcaldía de Pontevedra). . 14 de Abril, reunión co Director Xeral de Urbanismo do concello de Pontevedra. . 15 de Abril, reunión con Telmo Martín (Candidato do PP á Alcaldía de Pontevedra). . 26 de Abril, reunión con Luciano Sobral (Alcalde do Concello de Poio). . 27 de Abril, reunión con Miguel Anxo Fernández Lores (Candidato do BNG ao Concello de Pontevedra). . 29 de xuño, reunión con dous técnicos municipais do concello de Pontevedra. . 5 de xullo, reunión con Carmen Fouces, concelleira de Benestar Social do concello de Pontevedra. . 13 de xullo, reunión con Luís Bará, concelleiro de Accesibilidade do concello de Pontevedra. . 31 de Agosto, reunión con Jorge Cubela (Alcalde do Concello de Cotobade). . 5 de outubro, reunión con Luís Bará, concelleiro de Accesibilidade do concello de Pontevedra. . 10 de Novembro, reunión con Luís Bará, concelleiro de Accesibilidade do concello de Pontevedra. . 28 de abril e 14 de setembro, reunións da Xunta Directiva do GDR Pontevedra- Morrazo.

6. FORMACIÓN:

6.1. CURSO DE FORMACIÓN DO PERSOAL DO SERVIZO 065

Desenvolveuse en cinco xornadas diferentes, de maneira que os grupos de asistentes non fose demasiado grande. Foron accións formativa para o persoal (tanto condutores como acompañantes) do servizo público de carácter social de axuda ao desprazamento programado e non urxente de persoas con discapacidade e/ou dependentes (o servizo do 065 social).

O persoal que se encarga do servizo recibiu información sobre cal é o mellor trato que se lle debe dar a unha persoa con discapacidade, cales son os protocolos de funcionamento do servizo, técnicas de mobilización da persoa dependente, etc.

Unha formación que é froito do convenio asinado no 2008 entre a empresa Autocares Rías Baixas (concesionaria do servizo na área de Pontevedra) e a Asociación Amizade, mediante o que se contemplaba a necesidade de realizar accións formativas periódicas.

6.2. CURSO PLAN AFD “EMPREGADO/A DE OFICINA”

Colaborouse novamente con Cogami na xestión dun curso dirixido a traballadores/as desempregados/as que tivo lugar nos locais de Amizade, en Monte Porreiro, desde o 13 de Abril ao 4 de Novembro do 2011. O horario de impartición foi de 16.00 a 21.30h, de luns a venres. Tratouse dunha formación encamiñada a que os/as alumnos/as adquirisen coñecementos e competencias necesarias para a realización de labores administrativas relativas á xestión comercial, financieiro-contable e de persoal, desenvolvendo o rexistro, proceso, arquivo e transmisión de información na oficina.

A impartición dividiuse nos seguintes módulos, e que sumaron un total de 810 horas:

- Ubicación Profesional e Orientación no Mercado de Traballo 30h - Técnicas Administrativas de Oficina 80h - Técnicas Básicas de Comunicación e Arquivo 100h - Aspectos Administrativos de Xestión Empresarial 120h - Mecanografía 200h - Informática Básica 30h - Ofimática Básica 120h - Procesador de Textos Avanzado 30h - Aplicacións Informáticas de Xestión Empresarial 60h - Seguridade e Hixiene no Traballo 20h - Alfabetización Informática: Internet 10h - Formación para a Igualdade 10h

A selección foi feita polo Servizo de Intermediación Laboral da COGAMI en colaboración coa coordinadora de Formación de Amizade e segundo o procedemento establecido polo Servizo Público de Emprego, tendo en conta as necesidades formativas e o principio de igualdade de oportunidade entre ambos sexos.

Neste curso dirixido a traballadores/as desempregados participaron un total de 15 persoas dos cales 6 foron mulleres e 9 foron homes. Á finalización da formación realizaron prácticas non laborais nas seguintes empresas: Xestoría Fuentes Fernández,

S.L., Victoriano Moldes Ruibal, S.A., Estratexia Plus, S.L., Aquagest, S.A., Prestacións de Asesoramento Empresarial, S.L., Peleteiro Administradores de Fincas, Concello de Cuntis e AJE.

7. ACTIVIDADES E OBRADOIROS:

Dentro de todas as actividades e obradoiros organizados en Amizade procuramos que para cada persoa se elabore un itinerario individual que ten como finalidade principal satisfacer as súas necesidades persoais, sociais, formativas e/ou laborais.

Ademais, as actividades e obradoiros propostos contribúen ao logro de obxectivos xerais como:

. Potenciar a participación dos socios/as na vida da asociación. . Fomentar a integración do grupo social de persoas con discapacidade. . Mellorar o seu grao de autoestima e de satisfacción persoal. . Contribuír á súa posible integración laboral.

7.1. CURSO DE INTRODUCCIÓN AO DESEÑO GRÁFICO: PHOTOSHOP

Este obradoiro pretendeu formar ás persoas asistentes no deseño, retoque e fotomontaxes. Permitiu adquirir un coñecemento básico dun programa de deseño como o Photoshop, o que posibilitará que no futuro os/as alumnos/as poidan profundizar coñecementos neste programa ou atreverse con outros programas de deseño como o CorelDraw.

O obradoiro estruturouse en diferentes módulos nos que se impartiron coñecementos sobre tipos de imaxes, desagregados, traballos con capas, filtros, ferramentas de fotografía dixital, etc.

Todos os alumnos/as que participaron neste obradoiro asinaron un compromiso de asistencia e antes de comezar as clases fíxoselles unha proba de coñecementos. Deste xeito o profesorado valorou a prestación de apoios que precisaría cada un/unha e programou axeitadamente o seu itinerario formativo e social.

Neste tipo de obradoiros foméntase o desenvolvemento ocupacional, persoal e social dos usuarios/as para que superen os obstáculos con que se atopan na súa integración social e laboral a consecuencia da súa diversidade funcional. Resérvase un tempo para potenciar actitudes e aptitudes relacionadas co ámbito do traballo.

Participou un grupo de 9 persoas, das cales 2 eran mulleres e 7 homes, que acudiron dúas veces por semana de 10:00 a 12:00h.

No 2011 este obradoiro foi financiado pola Deputación de Pontevedra, que aportou aproximadamente a metade do seu orzamento.

7.2. OBRADOIRO PRELABORAL DE HABILIDADES MANUAIS.

Con este obradoiro perséguese un dobre obxectivo: ofrecer unha actividade prelaboral e ofrecer unha posibilidade de ocio.

Desde o punto de vista estritamente lúdico, as persoas participantes poden pasar o seu tempo de lecer mentres desenvolven unha actividade que as fai sentirse ben. E desde un punto de vista prelaboral, preténdese mellorar as capacidades manuais dos alumnos e alumnas que participan no mesmo, de xeito que co paso do tempo consigan adquirir a suficiente destreza nalgunha disciplina como para poder optar pola incorporación a un posto de traballo na empresa ordinaria ou nun

centro especial de emprego.

Este obradoiro ofrece diferentes produtos e técnicas de traballo favorecendo así unha maior diversificación na actividade e na mellora de habilidades.

Vense traballando desde hai anos na pintura de figuras de escaiola e máis recentemente na pintura de telas e deseño e pintura de obxectos de vidro. Participaron oito alumnos/as os martes e xoves de 17:30 a 20:00h.

7.3. OBRADOIRO DE HABILIDADES SOCIAIS

O obxectivo deste obradoiro foi mellorar as habilidades sociais das persoas que participan no mesmo, entendendo por estas o conxunto de condutas emitidas pola persoa nun contexto interpersoal que expresa sentimentos, actitudes, desexos, opinións ou dereitos dese individuo dun modo axeitado á situación, respectando esas condutas nos demais e resolvendo de inmediato os problemas xurdidos nunha situación determinada, minimizando a probabilidade de futuros problemas.

Os módulos que se impartiron foron:

o COMPOÑENTES NON VERBAIS: A mirada, a expresión facial, o sorriso, os xestos, a postura, a orientación, a distancia/contacto físico, a aparencia persoal. o COMPOÑENTES PARALINGÜÍSTICOS: O volume da voz, a entoación, a fluidez, a claridade, a velocidade, o tempo de fala. o COMPOÑENTES VERBAIS. o ADESTRAMENTO EN HABILIDADES SOCIAIS: Modelamento, representación de roles, retroalimentación e xeneralización.

Participaron un total de 6 persoas, das cales 3 eran mulleres e 3 homes e que acudiron dúas veces por semana.

7.4. NATACIÓN TERAPÉUTICA

A actividade de natación terapéutica desenvolveuse desde xaneiro a xullo na Piscina municipal de Campolongo, en Pontevedra. Nesta actividade non puideron participar

socios/as que tiveran problemas importantes de mobilidade posto que as instalacións da piscina non contaban con boas condicións de accesibilidade.

En sesións de 45 minutos, un monitor/a guiaba as clases de natación terapéutica propoñendo diversos exercicios na auga pensados para favorecer a autonomía das persoas participantes. A actividade tamén contemplaba a posibilidade de que calquera os alumnos/as puidesen facer uso da zona de relax coa que conta a piscina durante os 30 minutos posteriores á clase. As sesións celebráronse os luns e os mércores en horario de 11.30 a 12.30 h.

Non houbo o mesmo número de asistentes ao longo de todo o ano debido a que se produciron diversas altas e baixas pero, dunha maneira ou doutra, beneficiáronse desta actividade un total de 5 persoas.

7.5. TERAPIA OCUPACIONAL

Dende outubro, e grazas á COGAMI que obtivo unha axuda da Xunta de Galicia, contouse cunha Terapeuta Ocupacional con dispoñibilidade para ofrecer os seus servizos aos socios/as de Amizade.

A Terapeuta Ocupacional promove o desempeño ocupacional da persoa. É dicir, partindo de ocupacións que son significativas, gratificantes e pracenteiras para as persoas promóvese e mantense cada unha das habilidades que fai posible que a persoa sexa produtiva nos roles que desempeña, tendo en conta as tarefas ás que se enfronta e o ambiente nas que a realiza.

Neste senso, o seu traballo no centro vénse centrando en fomentar a autonomía e autosuficiencia da persoa principalmente.

7.6. APOIO PSICOLÓXICO E LOGOPÉDICO

Grazas á colaboración da COGAMI, tamén se contou cunha psicóloga-logopeda que ofreceu os seus servizos no Centro, un día á semana.

Esta profesional ofrece apoio psicolóxico e logopédico a todos/as os/as socios/as que o precisen e soliciten o servizo.

7.7. COLABORACIÓN DE TRABALLO SOCIAL

Contouse tamén coa colaboración dunha Traballadora Social que asesora e xestiona distintos trámites relacionados coa Lei de Dependencia, apoio familiar, etc.

7.8. CHARLA DA UNED EN AMIZADE

O 27 de Xullo, Amizade organizou unha charla informativa en colaboración co Centro de Orientación, Información e Emprego (COIE) do Centro Asociado da UNED en Pontevedra.

Dita charla tivo por obxectivo dar a coñecer como funciona o centro da UNED, as titulacións coas que conta, os diferentes plans de estudio, as posibles saídas

profesionais, a metodoloxía de traballo, ou as probas de acceso á universidade, entre outras.

8. ACTIVIDADES DE OCIO E TEMPO LIBRE:

As actividades de ocio e tempo libre favorecen a integración na comunidade das persoas con discapacidade a través da participación social, á vez que melloran as relacións interpersoais. Véñense desenvolvendo pola asociación desde o seu nacemento posto que se considera preciso ofrecer alternativas de ocio ás persoas con discapacidade.

Destacamos as máis significativas delas:

8.1. Visita á exposición “O bosque, moito máis que madeira”

O 16 de febreiro varios/as socios/as de Amizade asistiron á exposición itinerante organizada por La Caixa e o Concello de Pontevedra e que presentaba os bosques como os ecosistemas terrestres con máis biodiversidade do mundo. A exposición incidía na necesidade de conservar os nosos bosques como garantía dunha sustentabilidade ambiental futura.

8.2. Visita ao Centro de Interpretación “As torres arcebispais”

O 18 de marzo visitouse este centro que permitiu os/as asistentes coñecer cada un dos monumentos emblemáticos da historia de Pontevedra, coa ponte medieval e a igrexa de Santa María a Maior.

O CITA ofrece información visual sobre como era a cidade de Pontevedra na idade media, conta con visitas guiadas e con restos arqueolóxicos do foxo da muralla e de armas de defensa.

8.3. Visita á exposición fotográfica “Desde as rúas da memoria”.

O 6 de maio visitouse esta exposición no Pazo da Cultura e que pretendía centrar a atención sobre os baleiros urbanos con escenificación de diferentes actividades sociais.

8.4. Roteiro pola senda do Lérez e Paratriatlón

O día 25 de xuño varios/as socios/as fixeron un pequeno roteiro pola senda do Lérez, comezando na antiga estación de bombeo e rematando na praia fluvial de Monte Porreiro. Un roteiro agradable durante o que se puido gozar da fermosa vexetación de ribeira coa que conta o río Lérez.

Xantouse na praia fluvial, aproveitando as mesas e bancos alí existentes, e despois todos xuntos/as se achegaron ata a ponte dos Tirantes para ver diferentes momentos da proba do campionato de Europa de Paratriatlón que ese día se disputou na cidade.

8.5. Visita ao Parque Arqueolóxico de Campo Lameiro

Dita visita posibilitou coñecer de primeira man os case 100 petroglifos de máis de 4.000 anos de historia que existen neste parque arqueolóxico situado no concello de Campo Lameiro, que xuntamente con outros restos existentes nos concellos de Poio, Meis ou Marín constitúen unhas das zonas máis importantes de Europa en canto ao arte rupestre.

Visitouse o 22 de xullo por diversos socios/as de Amizade e ademais de gozar da aula de interpretación, da contorna natural e dos mesmos petroglifos, puido constatarse que as instalacións tiñan diversos problemas de accesibilidade.

8.6. Xantar en Montalvo

Ao igual que en anos anteriores, Amizade organizou unha comida de confraternización entre os seus socios/as, achegados/as e amigos/as no piñeiral da praia de Montalvo.

Tivo lugar o 27 de Agosto, e nela intercambiáronse experiencias vitais, gozouse dun entorno natural e dunha compañía agradable. Participaron preto de 30 persoas e para a actividade contouse con transporte adaptado da empresa Autocares Rías Baixas.

8.7. Saída en barco pola ría.

O día 9 de setembro organizouse un paseo en barca pola ría de Pontevedra. Nel puideron participar persoas con mobilidade reducida grazas á colaboración do Club Minauta, que conta cunha embarcación que permite o acceso sen demasiadas dificultades a persoas usuarias de cadeiras de rodas.

Saíuse do peirao de Corbaceiras e foise río arriba ata a estación de bombeo e volta ao lugar de partida. Fixéronse dúas viaxes para poder levar a todas as persoas (a embarcación é de pequenas dimensións), sendo cada unha dunha hora de duración aproximadamente.

8.8. Xornada de pesca

Novamente no peirao das Corbaceiras, o 10 de setembro celebrouse unha nova xornada de pesca, que comezou ás 11:00h e tivo unha duración aproximada de tres horas.

Unha actividade que tivo bastante acollida entre os asociados/as, que ofrece unha alternativa ludico-deportiva a persoas con mobilidade reducida e que permite gozar do tempo de lecer nun entorno natural.

Amizade volveu contar coa colaboración de varias persoas con experiencia na pesca que se ofreceron a prestar a súa axuda en todo o referente á preparación do material necesario e que supervisaron a actividade xunto cós/as coordinadores/as da asociación.

Ao rematar o tempo dedicado á pesca, os asistentes desprazáronse ata un restaurante onde puideron compartir un xantar e intercambiar experiencias.

Participaron preto de 20 persoas.

8.9. Tiro Paralímpico

O Tirio Paralímpico é unha proba de precisión e control, na que os competidores utilizan pistolas ou carabinas para disparar unha serie de disparos a un blanco estacionario. Existen tres competicións de distancia (10, 25 e 50m) nas que se utilizan distintos calibres de armas e de munición (4,5mm e 5,6mm). O Tiro é unha disciplina deportiva que forma parte dos Xogos Paralímpicos desde Toronto en 1976 e que na actualidade se practica en 59 países.

Utilízase un sistema de clasificación funcional que permite aos atletas de diferentes clases de discapacidade poder competir xuntos, xa sexa individualmente ou en equipo, sempre que teñan unhas capacidades similares; teñen que pasar unha valoración oficial que os clasifique nunha das dúas categorías que existen. As normas teñen en conta as diferenzas que existen no Tiro para as persoas con discapacidade, que son poucas con respecto ás dos tiradores sen discapacidade .

No ano 2011 e grazas á colaboración dun dos mellores tiradores do mundo, Juan Saavedra, varios socios de Amizade puideron iniciarse na práctica desta disciplina deportiva.

8.10. Saídas varias.

Outras saídas que cómpre destacar son:

Paseo por Marín, Mercado e Biblioteca de Pontevedra, Paseo de Lourido, Visita ao Campo de Tiro de Xeve, Roteiro polo río Gafos, Visita ao Mosteiro de Poio, Visita á Escola Naval de Marín, Paseo pola zona vella de Pontevedra, Paseo pola beira do río en Ponte Caldelas, Paseo por Vilagarcía, Paseo pola Salinas de Ulló en Vilaboa, Visita ao parque Britz de Marín, Visita á casa de Colon de Poio, entre outras.

Ademais, tamén celebramos o magosto no centro e participamos do que organizaron a Asociación de Veciños “O Mirador” de Monte Porreiro.

9. CENTRO DE DÍA DE MONTE PORREIRO

Xa no 2009 COGAMI comezou as xestións encamiñadas a poñer en funcionamento un centro de día para persoas con grande discapacidade física nas instalacións que ata o momento se viñan empregando como Centro de Atención Integral a persoas con discapacidade. As xestións culminaron coa homologación e a posta en funcionamento do Centro de Día nos primeiros meses do ano 2011. O Centro tivo un funcionamento de luns a venres en horario de 10:00 a 17:30h e está homologado para 20 prazas, aínda que a finais de 2011 participaban 11 persoas.

O Centro de Dia é un equipamento especializado de atención diúrna destinado a proporcionar unha atención integral e coidado ás persoas con discapacidade con necesidades de apoio xeneralizado para realizar as actividades básicas da vida diaria. Así pois, o fin é conseguir o máximo desenvolvemento das súas capacidades e das súas posibilidades de integración social.

A aposta de COGAMI por ofrecer este servizo responde a unha necesidade trasladada desde a Asociación Amizade xa que coñecía a demanda existente na comarca e a ausencia de recursos similares.

Aínda que a xestión directa do Centro de Día corre a cargo de COGAMI, todas as socias/os de Amizade beneficiáronse indirectamente das actividades que o centro realizou, podendo ter acceso ao monitor de informática, á monitora de formación, ao servizo de ocio, á psicóloga ou á fisioterapia.

10. DIFUSIÓN E DIVULGACIÓN DAS ACTIVIDADES DE AMIZADE

10.1. O Boletín

O boletín informativo de Amizade tense constatado como unha ferramenta eficaz de comunicación entre a asociación e a sociedade, e especialmente cos seus socios/as. Dando continuidade ao convenio de colaboración subscrito coa empresa Miniprecios Zapaterías, fíxose posible a edición e distribución de catro números máis do boletín informativo durante o ano 2011.

10.2. Web

A páxina web da asociación, www.asociacionamizade.org, contén diversa información sobre historia da entidade, os servizos que se prestan ou as noticias relevantes. Contén tamén un apartado específico sobre accesibilidade e unha relación das entidades públicas e das empresas privadas que colaboran dalgunha maneira coa asociación.

Móstrase a continuación unha relación de visitas que recibiu a páxina web ao longo de todo o ano 2011, así como da duración das mesmas.

HISTORICO MENSUAL 2010 Visitantes Número Mes Páxinas Solicitudes Tráfico distintos de visitas xan‐11 702 1582 16997 30077 735.99 MB feb‐11 786 1712 20263 34681 846.72 MB mar‐11 839 1747 32597 48266 2.12 GB abr‐11 966 2228 20780 39789 1.69 GB mai‐11 1161 2267 20728 41489 1.10 GB xuñ‐11 1274 2288 20352 43278 1.03 GB xul‐11 1110 2411 27522 60669 2.08 GB ago‐11 1335 2620 27779 63210 1.75 GB Set‐11 1513 3018 31409 66472 2.03 GB out‐11 1861 3653 33634 76401 2.43 GB nov‐11 1737 3840 36479 78932 3.06 GB dec‐11 1627 4084 39749 83833 3.25 GB Total 14911 31450 328289 667097 22.10 GB

Duración das visitas

Número de Número visitas: 31.450 de Porcentaxe Media: 379 s visitas

0s‐30s 22169 70.4 % 30s‐2mn 2362 7.5 % 2mn‐5mn 1426 4.5 % 5mn‐15mn 1782 5.6 % 15mn‐30mn 1070 3.4 % 30mn‐1h 1000 3.1 % 1h+ 1641 5.2 %

11. COLABORACIÓN CO SIL DA COGAMI

A colaboración co Servizo de Intermediación Laboral (SIL) da COGAMI, centro colaborador do Servizo Público de Emprego (SPE), facilitou a busca de persoas interesadas en recibir formación de xeito que se axilizou a selección dos alumnos e alumnas que asistiron a cada un dos cursos impartidos.

Desde a asociación ofrecemos a nosa colaboración orientando e xestionando todas as solicitudes de información recibidas que teñan que ver co SIL, de modo que as persoas non teñan que desprazarse ata o centro da cidade (aqueles que sexan de Monte Porreiro e arredores). Do mesmo xeito, desde o SIL asesóraselles e axúdaselles ás persoas que alí acoden solicitando información relacionada con Amizade.