Bergen 29.01.2021 Innspel Til Statnett Si Konseptvalutredning For
Total Page：16
File Type：pdf, Size：1020Kb
Bergen 29.01.2021 Innspel til Statnett si konseptvalutredning for energiforsyning av Bergen og omland Bergen og Hordaland Turlag (BHT) vart grunnlagt i 1890 og er vestlandets største friluftsorganisasjon med over 30 000 medlemmar. Foreininga sitt føremål er å tilretteleggja for eit aktivt, enkelt og naturvenleg friluftsliv, og for sikring av friluftslivets natur- og kulturgrunnlag. Konseptvalutredninga som ligg til grunn for høyringa er omfattande, men likevel svært overordna. Bergen og Hordaland Turlag ynskjer å påpeike nokre forhald ved utredninga som er utfordrande i høve til å gjere gode val for framtida som ivaretek viktig og sårbar natur både i Bergen og omland, men og i eit større perspektiv. 1. ENERGIFORBRUK KVU’en framstiller ulike scenario for framtidig forbruksvekst. Middelscenariet blir lagt til grunn for dei anbefalte konseptvala, men Statnett legger og stor vekt på potensialet for at høgscenariet kan bli aktuelt. Basert på dette vil dei gå videre med ein ganske massiv utbygging. BHT stiller spørsmål ved den innmeldte og berekna forbruksveksten. Vi etterspør og betre vurderingar av potensialet av ENØK-tiltak og opprusting av eldre vasskraftverk. Forbruksveksten som er varsla baserer seg i stor grad på framtidig industri som i enkelte tilfelle ikkje er komne langt i planlegging og realitetshandsaming. Dette gjeld fyrst og fremst for industri og offshore, der industriandelen seiast å vere om lag to tredjedelar av forbuksveksten. BHT synes at det er for dårleg konkretisert kva dette behovet baserer seg på. Det bør vere ein open diskusjon der etablering av ny kraftkrevjande industri vegast opp mot kva dette vil koste av nye naturinngrep. I tillegg er det anslått at ein tredjedel av det varsla industriforbruket er til elektrifisering av sokkelen. BHT meiner at dette må sjåast på som ei eiga sak, og den globale klimagevinsten versus naturtapet av slike tiltak må utgreiast grundig før energibehovet dette krev blir lagt til grunn for konseptval i ein region. Den Norske Turistforeining (DNT) har i innspel til Stortingsmelding om langsiktig verdiskaping frå norske energiressursar (2020) uttrykt skepsis til elektrifisering av sokkelen med straum frå land. Den globale klimagevinsten av elektrifisering av eksisterande plattformar er tvilsam ettersom overskotsgass frå plattformane då vil bli eksportert og brent i andre land med påfølgande utslepp der. Dette er noko og olje- og energidepartementet har erkjent. BHT/DNT advarer derfor mot å legge til rette for ei utvikling som øydelegg viktige natur- og friluftslivsverdiar og som heller ikkje bidreg til å nå internasjonale mål på klimaområdet. Vidare så meiner BHT at det er mykje å hente på å stille strengare krav til industrien om effektivisering og sparing/gjenvinning av straum/varme. Dette bør vere ein føresetnad for alle nyetableringar og ENØK-tiltak må takast med i reknestykket for energibehov. Vi er opptatt av at energibehov må vurderast grundig. Det fyrste spørsmålet som må stillast er, kan energibehovet reduserast? deretter, korleis kan vi forbetre og oppdatere eksisterande anlegg slik at desse gjev betre effekt. Fyrst når alt potensial i effektivisering i forbruk og effektivisering i eksisterende anlegg er tatt ut, bør nye tiltak vurderast. Ei ny linje vil høgst Bergen og Hordaland Turlag, Tverrgt. 4 – 6, 5017 BERGEN. Tlf: 55 33 58 10 E-post: [email protected] Bankkonto: 3411.41.63777 Org.no.: 956 386 977 MVA www.bergenoghordalandturlag.no truleg få store natur- og miljøkonsekvensar - noko som strir mot Noregs offisielle miljøpolitikk der reduksjon av biologisk mangfold og inngrep i urørt natur skal avgrensast. Straumtilgang. BHT er skuffa over at vasskraft og solenergi tilsynelatande har så lite bidrag i høve lokal energiforsyning og kunne tenke oss at dette vart vurdert på ny, i lag med ENØK- tiltak. Vi er samtidig nøgd med at vindkraftverk ikkje blir lagt til grunn for forsyninga då eventuelle vindkraftutbyggingar i dei omtalte områda vil ha svært negativ verknad på viktige natur- og friluftslivsområde. BHT har merka seg at osloeconomics påpeiker fylgjande: […] at det er stor usikkerhet knyttet til forventet forbruksvekst, og potensielt store kostnader og miljøinngrep forbundet med å legge til rette for hele det estimerte forbruket i forventningsscenarioet. Tilknytning av forbruk vil da uansett være et sentralt kriterium for å vurdere konseptene, men det vil være rom for å se dette hensynet opp mot ulempene i form av kostnader og miljøinngrep. Dette vil også åpne for at mindre omfattende konsepter, som kan legge til rette for mye, men ikke alt det estimerte forbruket, kan tas videre fra mulighetsstudien og vurderes nærmere i alternativanalysen. I vurderingen av virkninger på natur og miljø kommer Statnett frem til at det er små forskjeller på konseptet med spenningsoppgradering og konseptene med ny forbindelse. Vi har ikke grunnlag for å gjøre egne vurderinger av forskjellene mellom disse konseptene, men i lys av tidligere kraftledningssaker med høyt konfliktnivå stiller vi spørsmål ved om de reelle forskjellene mellom konseptene kommer godt nok frem. Om forskjellene skulle vært større, kan det bidra til å påvirke det innbyrdes styrkeforholdet mellom konseptene, i favør spenningsoppgradering. Dette er viktige avveininger som bør tas i de videre prosessene.1 2. KONSEPTVAL Det er mange alternativ som er utgreidd og BHT stiller spørsmål ved om dei ulike sjøkabeltraseane er godt nok vurdert. Vi meiner generelt at låge verknader for natur og miljø må vektleggast høgare enn prissette kostnader. Traseane for dei ulike nye forbindelsane burde, og kunne har vore skildra nærare, sjølv om full utgreiing fyrst skal gjennomførast i neste ledd. Og ikkje-prissatte verdiar bør i større grad kartleggast for kvart alternativ. Dette ville ha bidratt til at verknadene for natur og miljø kjem klårare fram og gjev eit betre kunnskapsgrunnlag på eit tidlegare stadium i prosessen. Noko som er svært viktig med tanke på at energiutbygging krev irreversible inngrep i naturen. Vi er vidare kritiske til at det refererte dokumentet (vist til i kap. 13.8 i KVU’en)«Miljøvurdering til KVU Bergen og omland, Statnett 2020», ikkje er lagt ved høyringsdokumenta. 1 Kvalitetssikring av konseptvalgutredning Bergen og omland. Osloeconomics, november 2020. Bergen og Hordaland Turlag, Tverrgt. 4 – 6, 5017 BERGEN. Tlf: 55 33 58 10 E-post: [email protected] Bankkonto: 3411.41.63777 Org.no.: 956 386 977 MVA www.bergenoghordalandturlag.no BHT forstår det slik at Statnett ynskjer å gå vidare med eit konsept for NY forbindelse til Kollsnes, fortrinnsvis frå Samnanger, alternativt frå Modalen. I TILLEGG til å ruste opp Sogndal – Modalen, Modalen – Kollsnes, Øygardskabelen og andre mindre tiltak. BHT vil påpeike at forskjellen mellom dei tiltaka som er nemnt over, som er felles for alle prosjekta, og alternativet full spenningsoppgradering som blir presentert som eit eige konsept er uklår. Vi støtter vurderinga til osloeconomics som meiner at desse mindre tiltaka burde har vore skilt ut og vurdert som eige konsept. I neste omgang ville det då ha vore naturleg å vurdere fulle spenningsoppgradering, og vi etterspør som osloeconomics ei grundigare utgreiing av dei reelle forskjellane mellom konsepta. BHT og Osterøy Turlag har tidlegare vurdert det tidlegare BKK prosjektet SERENE som svært konfliktfylt for natur- og miljø. Vi har ikkje grunn til å tru at ei ny overføringslinje frå Samnanger til Kollsnes vil bli mindre konfliktfylt då ein vil stå ovanfor dei same traseutfordringane. Osterøy Turlag sin resolusjon i SERENE-saka frå deira årsmøte 6.februar 2020 er vedlagt. BHT legg til grunn at det er betre å ruste opp og spenningsoppgradere eksisterande anlegg, og i så stor grad som råd nytte eksisterande linjetrasear framfor å bygge nytt. Den framtidige energiforsyninga bør planleggast med så stor fleksibilitet at delar av planane kan skrinleggast om forbruksveksten skulle vise seg å bli mindre enn antatt. OPPSUMMERT Statnett har lagt usikkerheita ved forbruksveksten til grunn for ei massiv oppgradering og utbygging for å imøtekome dei eventuelle øvre anslaga. BHT etterspør ei betre utgreiing av den samla effekten av ENØK-tiltak, lokal energitilgang, og ei meir tilbakehalden og realistisk haldning til energibehovet for industrien. Vi forventar at Sogndal-Modalen + trinn 1 alternativet som framstilt av osloeconomics og som har vesentleg mindre konsekvensar for natur og miljø, enn ein eventuell ny forbindelse vil ha, blir tatt med i den vidare utgreiinga. Og at denne utbygginga blir prioritert FØR eventuell ny forbindelse. Med helsing Elisabeth Skage Helene Ødven Styreleiar Dagleg leiar Bergen og Hordaland Turlag Bergen og Hordaland Turlag Siren Skråmestø Juliussen Naturvernansvarlig Bergen og Hordaland Turlag Bergen og Hordaland Turlag, Tverrgt. 4 – 6, 5017 BERGEN. Tlf: 55 33 58 10 E-post: [email protected] Bankkonto: 3411.41.63777 Org.no.: 956 386 977 MVA www.bergenoghordalandturlag.no .