Finnøy Kommune Fellestenester

Finnøy kommune Fellestenester

Sør-Vest politidistrikt Postboks 240

Dykkar ref.: Vår ref.: 16/8590-RML Arkiv: K2 - X31, K3 - &23 Dato: 25.11.2016

- Nærpolitireform - høyringsuttale frå Finnøy kommune

Vi viser til handsaming datert 23.11.2016. Formannskapet- 112/16, har gjort følgjande vedtak i saka: Finnøy kommune støtter den struktur som politimeistaren legg fram. Nærpolitireforma har avgrensa konsekvensar for Finnøy kommune og Ryfylkeøyane lensmannsdistrikt. Distriktet vil i framtida fortsetja den drifta som er i dag.

Politimeistaren legg i sitt forslag til grunn at 95 % av innbyggjarane skal nå ei tenesteeining innan 45 minutt kjøretid. Det er ikkje tilfelle med Ryfylkeøyane lensmannskontor der fleire av øyane i Finnøy kommune ikkje er landfaste, og dermed er avhengige av ferje/båt for å nå lensmannskontoret. Det gjeld òg for lensmannskontoret sjølv som må bruke ferje/båt når dei skal rykke ut, og til tider vil få ei lang responstid då dei er avhengige av ferje. Finnøy kommune vil sterkt oppfordra til at det vert sett inn ein politibåt som har fast plassering på Judaberg i tilknyting til lensmannskontoret, både til fordel for innbyggjarane knytt til Ryfylkeøyane lensmannskontor og for lensmannskontoret sjølv.

Med helsing

Randi-Merete Lode konsulent

Dokumentet er elektronisk godkjend og har difor ingen signatur.

Mottakere: Sør-Vest politidistrikt Postboks 240 4001 STAVANGER

Finnøy kommune Tlf.: 51 71 47 00 Bankgiro: 3347 07 00195 Fellestenester Dir.: 51 71 47 00 Org.nummer: 938633029 Judabergvegen 6 E-post: [email protected] 4160 Finnøy Heimeside: www.finnoy.kommune.no

Saksframlegg

Sakshandsamar Arkiv JournalpostID Randi-Merete Lode K2 - X31, K3 - &23 16/8022

Saksnr Utval Dato 112/16 Formannskapet 23.11.2016

Nærpolitireform - høyringsuttale

Vedlegg 1. Høringsbrev til kommunene - forslag til effektivisering av politidistriktets lokale struktur

Forslag til vedtak frå rådmannen: Finnøy kommune støtter den struktur som politimeistaren legg fram. Nærpolitireforma har avgrensa konsekvensar for Finnøy kommune og Ryfylkeøyane lensmannsdistrikt. Distriktet vil i framtida fortsetja den drifta som er i dag.

Finnøy 14.11.2016

Helene M. Ohm rådmann

Formannskapet 23.11.2016:

Innstillinga frå rådmannen vart samrøystes vedteke.

FSK- 112/16 VEDTAK: Finnøy kommune støtter den struktur som politimeistaren legg fram. Nærpolitireforma har avgrensa konsekvensar for Finnøy kommune og Ryfylkeøyane lensmannsdistrikt. Distriktet vil i

Side 2 av 5

framtida fortsetja den drifta som er i dag.

Saksopplysningar Stortinget ga 10.06.2015 oppdrag med gjennomføring av nærpolitireforma. Forslag til lovvedtak og stortingsvedtak (Prop. 61 LS, 2014-2015) vart vedteke med stort fleirtal. Det var Justis- og Beredskapsdepartementet (JBD), Politidirektoratet (POD) og politidistrikta (politimeistrane) som fekk ansvaret for iverksetting og gjennomføring av endringane.

Delar av nærpolitireforma tredde i kraft 01.01.2016 då det vart redusert frå 27 til 12 politidistrikt i landet. Ei fortsetjing av dette er å sjå nærare på korleis nærpolitireforma kan effektivisere politidistrikta sin lokale struktur. Det vil i praksis seie at ein skal etablere føremålstenelege tenesteeiningar, tenestestadar og geografiske driftseiningar som støtter opp om nærpolitireforma sitt hovudmål. Politimeistaren sendte høyringsbrev til kommunane 17.10.2016 og ber om tilbakemelding på denne innan 01.12.2016.

Politimeistaren i Sør-Vest politidistrikt legg i brev av 10.06.2016 vekt på at ein av dei viktigaste delane av reforma vil vere å involvere kommunane i arbeidet med endringane som ligg føre. Det er fastsett ulike prosesskrav og løp for tenesteeiningar og tenestestadar, og for dei geografiske driftseiningane. Strukturen for tenesteeiningar og tenestestadar er det politidirektøren som skal avgjere, etter tilråding frå politimeistrane. Eit viktig moment i den lokale strukturen er at det skal tas utgangspunkt i kva innbyggjarane vil få av tenester etter endringane, av denne grunn skal kommunane høyrast før politimeistaren gjer si tilråding. For dei geografiske driftseiningane vil det vera lokale forhandlingar med dei tilsette sine organisasjonar i politidistrikta.

Eit viktig moment i nærpolitireforma er å effektivisera den lokale strukturen til politidistrikta, ressursbruken til politiet skal balanserast betre enn sånn den er i dag. Endringa av den lokale strukturen er eit verkemiddel for å oppnå et operativt, synlig og tilgjengelig nærpoliti der befolkningen bor, samtidig som det utvikles robuste fagmiljøer som er rustet til å møte dagens og morgendagens kriminalitetsutfordringer.

Politikontakt Fleire av tenesteeiningane vert føreslått nedlagt, her er det eit alternativ å oppretta ein politikontakt. Politikontakt er ein ny funksjon som ikkje ennå er skildra i detalj frå overordna myndigheit. Dette gjer politi og kommune ein moglegheit til saman å utvikla funksjonen. Politikontakten vil vera eit fast kontaktpunkt for kvar kommune som skal ha fokus på førebyggjande arbeid og samarbeid med kommunen. Det vil vera ein tenesteperson med politimynde. Funksjonen skal kunne tilpassast kvar einskild kommune.

Tenesteeining og tenestestad Det sentrale spørsmålet er korleis ein best effektiviserer og organiserer tenesteeiningane og tenestestadane i politidistriktet sånn at befolkninga får eit betre polititilbod etter at reforma er gjennomført.

Side 3 av 5

Politimeistaren brukar som utgangspunkt at kommunen der det skal vera ein tenestestad bør ha meir enn 10 000 innbyggjarar og meir enn 500 straffesaker pr. år. Det skal likevel ikkje vera meir enn 45 minutt kjøretid for 95 % av innbyggjarane til næraste tenesteeining.

Framtidige tenesteeiningar i politimeistaren sitt forslag: · Stord lensmannsdistrikt (tidlegare tenesteeiningane Stord, Bømlo og Fitjar) · Karmøy lensmannsdistrikt (tidlegare tenesteeining Karmøy og Utsira) · Haugesund politistasjon (tidlegare tenesteeiningane Haugesund, Sveio og Tysvær) · Etne og Vindafjord lensmannsdistrikt (tidlegare tenesteeiningane Etne og Vindafjord) · Sauda og Suldal lensmannsdistrikt (tidlegare tenesteeiningane Sauda og Suldal) · Ryfylkeøyane lensmannsdistrikt (inga endring frå tidlegare) · Stavanger politistasjon (tidlegare tenesteeiningane Stavanger og Randaberg) · Sandnes politistasjon (tidlegare tenesteeiningane Sandnes, Sola og Gjesdal) · Strand, Forsand og Hjelmeland lensmannskontor (tidlegare tenesteiningane Strand, Forsand og Hjelmeland) · Jæren lensmannsdistrikt (tidlegare tenesteiningane Klepp, Time og Hå) · Egersund politistasjon (tidlegare tenesteeiningane Egersund, Bjerkreim, Sokndal, Lund og Sirdal)

Finnøy er i dag ein del av tenesteeininga Ryfylkeøyane lensmannskontor som p.t. tener Finnøy, Rennesøy og Kvitsøy. Administrasjonsstaden er på Finnøy og leiar for tenesteeininga er lensmann. Politimeistaren i Sør-Vest politidistrikt legg opp til at denne ordninga vil fortsetja. Ryfylkeøyane lensmannskontor har mindre innbyggjarar og færre straffesaker enn det som er lagt til grunn for ein tenestestad (8 598 innbyggjarar og 328 straffesaker).

Geografiske driftseiningar Politidistriktet skal redusera det tal geografiske driftseiningar som er til stade i dag. Politimeistaren skisserer to alternative løysingar for inndeling i geografiske driftseiningar.

Alternativ 1 – tre geografiske driftseiningar: 1. GDE Haugesund – tenesteeiningane Stord, Haugesund, Karmøy, Etne/Vindafjord og Sauda/Sirdal 2. GDE Stavanger – tenesteeiningane Stavanger, Ryfylkeøyane, Strand, Forsand og Hjelmeland 3. GDE Sandnes – tenesteeiningane Sandnes, Jæren og Egersund

Alternativ 2 – sju geografiske driftseiningar: 1. GDE Stord – tenesteeining Stord 2. GDE Haugesund og Karmøy – tenesteeining Haugesund og Karmøy 3. GDE Etne/Vindafjord, Sauda/Suldal – tenesteeiningane Etne/Vindafjord og Sauda/Suldal 4. GDE Stavanger – tenesteeiningane Stavanger, Ryfylkeøyane, Strand, Forsand og Hjelmeland 5. GDE Sandnes – tenesteeining Sandnes 6. GDE Jæren – tenesteeining Jæren 7. GDE Dalane – tenesteeining Egersund

Politimeistaren tek ikkje endeleg stilling til alternativa før etter tilbakemelding frå kommunane og styringsgruppa for øvrig. I tillegg legg han til grunn at det ikkje er nok grunnlag å ta ei avgjerd før politimeistaren har vedteke talet på tenesteeiningar og tenestestader.

Side 4 av 5

Politimeistaren legg til grunn at uavhengig av alternativa som er skissert ovanfor, så er det ein fordel at dei geografiske driftseiningane skal ha tilnærma same oppgåver og storleiken skal gje dei moglegheit for god styring, effektiv kontroll og hensiktsmessig ansvarsdeling.

Vurdering Finnøy kommune stiller seg positiv til dei forslaga som politimeistaren legg fram. Forslaga har avgrensa konsekvensar for Finnøy kommune då kommunen framleis vil ha tenesteeining på Judaberg som vil vera knytt til den geografiske driftseininga Stavanger, dette er òg situasjonen i dag.

Politimeistaren legg i sitt forslag til grunn at 95 % av innbyggjarane skal nå ei tenesteeining innan 45 minutt kjøretid. Dette er ikkje tilfelle med Ryfylkeøyane lensmannskontor der fleire av øyane i Finnøy kommune ikkje er landfaste, og dermed er avhengige av ferje/båt for å nå lensmannskontoret. Det gjeld òg for lensmannskontoret sjølv som må bruke ferje/båt når dei skal rykke ut, og til tider vil få ei lang responstid då dei er avhengige av ferje. Finnøy kommune vil sterkt oppfordra til at det vert sett inn ein politibåt som har fast plassering på Judaberg i tilknyting til lensmannskontoret, både til fordel for innbyggjarane knytt til Ryfylkeøyane lensmannskontor og for lensmannskontoret sjølv.

Konklusjon Finnøy kommune støttar den struktur som politimeistaren legg fram. Nærpolitireforma har avgrensa konsekvensar for Finnøy kommune og Ryfylkeøyane lensmannsdistrikt. Distriktet vil i framtida fortsetja den drifta som er i dag. Finnøy kommune peikar spesielt på responstid og viktigheita av å ha ein politibåt stasjonert på Judaberg som kan tene heile Ryfylke.

Side 5 av 5