Stolpejakten Alver 4

STOLPEJAKTEN ALVER 4. april - 1. november 2020

Før du går – les korona- råd på side 3

5km 10km 21km Velkomen til Stolpejakten i Alver!

Me ynskjer deg velkomen til ny stolpejakt-sesong! Stolpejakten i Alver vert arrangert av Knarvikmila, Knarvik senter og Alver kommune. Stolpejakten er eit lågterskeltilbod for alle som ønskjer å koma seg ut på tur, og du kan jakta på stolpar i mange av dei vakre turområda i Alver kommune. Fleire av stolpane er òg tilgjengelege for rullestolbrukarar og med barnevogn. I 2019 var det ca. 5700 som deltok og som var på nesten 80.000 stolpebesøk. Det var ca 350 som besøkte alle dei 51 stolpane.

Stolpejakten går føre seg både i bustadområde og i etablerte tur- område, og me ber om at alle deltakarar viser omsyn på veg til stolpane og ved parkering. Bruk bossdunkar, og hugs bandtvang. Når du går på innmark, er det viktig å følgja stien.

Stolpejakt-sesongen i Alver startar 4. april, og vert avslutta 1. november. Kvar registrerte stolpe gjev deg eitt lodd i trekninga av flotte premiar. Premiar vert trekt ut kvar månad. I tillegg vert det del-premiering under KnarvikMila, søndag 6. september og etter at Stolpejakten er avslutta 1. november. Kartbrosjyren er tilgjengeleg for nedlasting på www.knarvikmila.no.

Besøk oss gjerne på: www.knarvikmila.no Facebook: Stolpejakten Alver Instagram: @stolpejaktenalver. Tagg bileta med #stolpejaktenalver. Generell informasjon om Stolpejakten finn du på www.stolpejakten.no

KnarvikMila, Knarvik senter og Alver kommune ønskjer alle ei flott jakt på stolpar i Alver kommune!

2 3 Les korona-råda våre før du går Hjelp oss å gjere Stolpejakten 2020 til ei trygg og god oppleving for alle. Følg desse turvettreglane for å ikkje spreie smitte eller bli smitta:

• Vask hendene før du går. • Gå åleine eller ilag med familien – ikkje gå meir enn fem ilag. • Gå på rekke på høgre side • Sørg for at du held minst to meter avstand til dei du møter. • Host eller nys i albogen eller eit papirlommetørkle. • Vask hendene når du kjem heim att.

Vi oppmodar i tillegg alle om å ikkje skrive seg i turbøker. Bruk gjerne antibac før du opnar og let att grinder og le. Sprei glede og hels på avstand – nikk og smil eller gje forbipasserande ein tommel opp!

Fortsett å vaske Bruk papirlommetørkle. Slik tar vi vare på hendene grundig (Har du ikkje det tilgjengeleg, er dei mest sårbare og ofte. det best å hoste i albogekroken) blant oss.

3 Stolpejakten - slik vert du med! Dei 65 stolpane er plasserte rundt i kommunen, frå Syltneset i vest til Eidaåsen aust. Plasseringa av stolpane er merka på karta på dei neste sidene. Stolpane er omlag 1,30 m høge og merka med nummer og bokstavkode. Stolpane har òg ein QR-kode som kan skannast og registrerast ved bruk av Stolpejakten sin app på smarttelefon.

Svært lett Lett Middels Vanskeleg

NB: Graderinga som vert nytta i Stolpejakten er ikkje den same som vert nytta i Nasjonal standard for skilting og gradering av turstiar.

Registrer stolpane elektronisk Stolpane kan registrerast på to ulike måtar, og du vel sjølv kva som passar best for deg:

1. Ta med deg kartet ut på stolpejakt, finn stolpane og noter bokstav- kodane du finn i tabellen på side 5 i heftet. Når du kjem heim, gå til www.stolpejakten.no og registrer kodane du har funne. For å registrera elektronisk krev det ein konto.

2. Last ned appen «Stolpejakten» gratis på App Store eller Google Play til din smarttelefon og ta med telefon (og evt. kartbrosjyre) på tur. Det kan vera lurt å lasta ned app og ønska kartområde medan ein er tilknytta WIFI (Stolpejakten i Alver er eit kartområde). Skann QR-kodane på stolpane du finn med appen. Stolpar som vert registrerte med appen vert synkroniserte med heimesida når den er kopla til internett. NB: Dersom du lastar ned appen, treng du ikkje å ta med kartbrosjyren, då alle sonekarta er tilgjengelege på appen.

Stolpejakt-appen finn du som har iPhone i App Store, medan den er tilgjengeleg i Google Play for deg med Android smarttelefon.

5 Stolpane i Alver (1-65) Noter koden du finn på stolpen i dette skjemaet eller på appen

St. Kode Stad St. Kode Stad 1 Syltnestangen 34 Storafjellet 2 Krossvarden 35 Skjelanger 3 Marøy ved fyret 36 Knarvik senter v/Medaas-statuen 4 Byngja ved badeplassen 37 Kvamsvågen friluftsområde 5 Eggjene 38 Vasstårnet - Brakstad 6 Storsåta 39 Gamleskulen 7 Skageneshola 40 Indregardsfjellet 8 Gamle prestegarden Manger 41 Juvikstølen 9 Sjuskillilngsneset 42 Svarthamrane 10 Lifjellet/Storefjellet 43 Kvamsfjellet 11 Nøttveitveten 44 Tveitavarden 12 Morkefjellet 45 Tveitarimmane 13 Bogatunet 46 Gladihaug 14 Kvistefjellet 47 Krossane Sør 15 Holeåsen 48 Breimyra 16 Klubben 49 Kunaberget 17 Solheimsvika 50 Husfjellet 18 Nordre Eiavika 51 Vardefjellet 19 Håøy 52 Kolåsfjellet 20 Håøytoppen 53 Lauvåsåsen 21 Varnappen/Badevika 54 Selivarden 22 Fossen 55 Skausnøya 23 Elvavika 56 Postvegen 24 Nordnipa 57 Baståsen 25 Moldekleivskaret 58 Arivatnet 26 Krossfjellet 59 Eikanger, Nedre Torvvatnet 27 Hjertåsfjellet 60 Fløyen 28 Ramusfjellet 61 Kjermesdalen 29 Hjelpedalshaugen 62 Fammestadåsen 30 Røysetfjellet 63 Brubakken 31 Holmen på Fløksand 64 Totlandsfjellet 32 Ospeneset 65 Eidaåsen 33 Eldsfjellet - Varden

Svært lett Lett Middels Vanskeleg

5 1

7 5

10 8

9 11

12 15 13

14 35 34

31 32 17 16

38 30

24 20 18 25 19 28 29 27 26

22 21 23 53

51 55

61 63 62

59 50

47 43

37 42 48

46 44

45 39 40

36 57

64 14 15 Turskildringar 1 Syltnestangen og 2 Krossvarden Lengd: Rundtur med ein avstikkar – totalt kring 6,2 km, ca. 2-2,5 timar i normal gange. Slik finn du fram: Følg Rossnesvegen nordover, og ta av mot Syltaneset rett etter ein knapp høgresving (ved Rossnesvegen 207). Turen startar ved sankeplassen i enden på grusvegen, der det er mogleg å parkera. Følg skilting mot Syltnestangen. Vel du traseen på vestsida av Syltneset passerer du Krossvarden og stolpen der på veg nordover. Velg gjerne traseen på austsida av Syltneset på vegen attende, så får du ein rundtur. Turen utover Syltneset går gjennom flott kystlynghei. Kystlyngheiene vart skapt for rundt 4-5 000 år sidan og er mellom dei eldste kultur- landskapstypane, skapt av måten kystfolk utnytta ressursane. På Syltneset vert kystlyngheiene framleis beita og svidd slik som menneska langs kysten har gjort i fleire tusen år før oss. På grunn av at området vert nytta til beite for villsau, er det svært viktig at hundar vert haldne i kort line!

3 Marøy K Lengd: Kring 3,6 km tur/retur, vel éin time tur/retur. Slik finn du fram: Ta av mot Marøy (FV 5494) på Kvalheim, om lag 1,2 km sør for Bøvågen. Følg vegen til endes til du kjem til parkeringsplass like forbi busstoppet/snuplassen. Turen følgjer grusveg før den går over på sti og vidare gjennom flott kulturlandskap. Stolpen er plassert ved det vesle fyret heilt ytst på neset. Ytst på Marøy, i Knappen, ser du spor etter festningsanlegget tyskarane bygde under 2. verdskrig. Ei rekkje grunnmurar etter ulike bygg, skyte- stillingar, ammunisjonslager, tunnelar og kaiar finst i området. Anlegget vart bygd hausten 1942, og var ein del av det samla fest- ningsnettet kring Bergen. I aust ser ein over til øya Forsøy, der det var russisk fangeleir under andre verdenskrig. Det går beitedyr i området. Hald hunden i kort line.

K = Kulturstolpe

15 4 Byngja Lengd: Turen er 1 km tur/retur, om lag 20 minutt tur/retur. Om du vil gjera turen litt lenger, kan du gå heilt ytst på neset. Slik finn du fram:Ta av mot Marøy (FV 5494) på Kvalheim, om lag 1,2 km sør for Bøvågen. Følg skilting mot Byngja friluftsområde/badeplass. Det er parkeringsplass ved startpunktet for turen. Følg den graskledde markavegen vidare. Barnevogner og rullestolar som er eigna for terreng kan koma fram her. Byngja er eit statleg sikra friluftsområde som vert drifta av Bergen og omland friluftsråd. Det er badepoll og sandbotn i Byngjevågen.

5 Eggjene (86 moh) og 6 Storsåta (105 moh) Lengd: Turen frå Skogen Sletta via Eggjene til Storsåta er kring 3,6 km tur/retur og tar vel 1 time. Turen kan gjerast til ein rundtur om ein fortset til Såtemyrane og går Eggjedalen attende (stiane her er ikkje så godt merka). Då vert turen 4,2 km og tar kring 1,5 time. Slik finn du fram:Turen startar ved Skogen Sletta (Hellandsvegen 445) om lag 850 meter frå Emigrantkyrkja på Sletta mot Manger (FV 411). Parkering ved Samfunnshuset Skogen Sletta. Turen startar ved den store parkeringsplassen på austsida av samfunnshuset og går i retning sørover. Stien følgjer merka sti over høgdedraga til Eggjene og vidare til stolpen på Storsåta. Undervegs kjem ein til fleire utsiktspunkt med flott utskt i fleire retningar, mellom anna vestover til Lygra og Lindås og når ein kjem til Storsåta kan ein også sjå heilt til Manger kyrkje. Det er sett ut benkar fleire stader undervegs. Om ein ynskjer å gjera turen til ein rundtur kan ein fortsetja eit lite stykke vidare sørover frå Storsåta og ned til Såtemyrane. Her finn du eit flott, restaurert torvhusmiljø med sju torvhus (nokre er doble). Stien følgjer dalen nordover til Skogen Sletta. NB: Denne traséen kan vera våt ved mykje nedbør.

16 17 7 Skageneshola (ytst på Skageneset) K Lengd: Rundtur på kring 7 km, kring 2,5 timar. Slik finn du fram:Parkering ved rådhuset på Manger. Turen startar nedst i bakken der det er sett opp skilt mot Skageneset. Stien følgjer den gamle bygdevegen eit stykke nordover mot Birkeland før den tar av til Skageneset. Når du kjem til våningshuset i Skageneset fortset stien vidare nordover til Skageneshola, heilt ute på spissen av Skageneset, der stolpen står. Gå same sti attende til våningshuset og attende til det siste stikrysset du passerte på vegen utover. Her kan ta til høgre og følgja stien på vestsida av Skageneset attende. Då vil du få flott utsikt mot øyene Toska og Flona. Denne stien treff hovudvegen mot Toska ved Urhaug. Ta til venstre mot Manger. Skageneset er eit tidlegare småbruk som er sikra som offentleg friluftsområde. Området er på 50 daa og omfattar våningshus, uthus, jordkjellar, naust og kai. Her er gamal innmark, granskog, spreidd småskog og strandline med svaberg. Småbruket i Skageneset var nytta til å gøyma flyktningar som skulle vidare over Nordsjøen under andre verdskrig. Det er reist bauta på staden for å minnast hending- ane her under krigen. Våningshuset i Skageneset er eit såkalla kystledhus, som kan leigast for overnatting. For meir informasjon, sjå https://www.bof.no/omrade/kystledhus/skageneset Turen nordover til Skageneset går gjennom eit beiteområde. Hald hunden i kort line!

8 Prestegardshagen og 9 Sjuskillingsneset på Manger K Stolpane ved Prestegardshagen og Sjuskillingsneset på Manger er plassert langs den nye turvegen på Manger. Heile løypa er kring 1,5 km og tar kring 30 minutt å gå. Stolpane er tilgjengeleg med barnevogn og rullestol. Slik finn du fram: Turen startar på Manger. Det er mogleg å parkera t.d. ved den gamle prestegarden eller ved rådhuset på Manger. Næraste busstopp er Manger senter. Følg vegen frå gamle prestegarden bak barnehagen og gjennom bøkeskogen ned til fotballbana i Grønålen. Vegen går vidare over haugen og ned Nesvatnet. Ta av til høgre like etter trebrua for å koma ned til Sjuskillingsneset, der den andre stolpen står. Det er mogleg å gå attende same vegen, eller følgja turvegen vidare og attende til gamle prestegarden.

17 10 Lifjellet/Storefjellet (153 moh), 11 Nøttveitveten (205 moh) og 12 Morkefjellet (217 moh) K Turen startar på Solendfjellet og går over Lifjellet/Storefjellet og vidare til Nøttveitveten og Morkefjellet. Turen er 2,2 km éin veg og tar ca 1 time å gå. Det er også mogleg å gå frå Morken, Nøttveit eller Hallandsvatnet, men ver merksam på at det der er svært avgrensa tal på parkeringsplassar. Slik finn du fram: Turen startar på det høgaste punktet langs Solendvegen mellom Manger og Marås. Her er det mogleg å parkera. Følg grusvegen oppover og deretter skilta sti til Nøttveit- veten og Morkefjellet. Følg same veg attende. Nøttveitveten er ein av omkring 800 vetestader i Noreg. Andre kjende vetestader i Alver kommune er Skarsveten, Vetåsveten, Veten på Eldsfjellet og Håøytoppen. På desse vetestadene var det sett opp vetar (vardar av tre) som kunne nyttast for å varsla om fiendar mot riket. Vart det oppdaga fiendar, skulle vetane tennast slik at røyken eller flammane var synlege mot neste vete, og slik skulle varslinga gå sin gang. Bøndene i området rundt kvar vete hadde ansvaret for vedlikehald og bemanning av vetane, og det var streng straff for å forsømma denne plikta. Kong Håkon den gode (ca 920-960) har fått æra for å ha innstifta vetesystemet som del av leidangen. Bruken av bål som varsling er nok likevel eldre. Vetesystemet i Nordhordland var aktivisert i åra rundt den engelske blokaden i 1807, men ein veit ikkje sikkert om nokon av vetane faktisk vart tende. Etter napoleonskrigane vart dei norske vetane avløyste av klaffetelegrafen og seinare av den elektriske telegrafen. Området frå Solendfjellet, Lifjellet, Nøttveitveten og Morkefjellet var Radøy kommune sin tusenårsstad. Området er flott kulturlandskap som vert beita av sauer og geiter. Det er difor viktig at hundar vert haldne i kort line.

18 19 13 Bogatunet K Lengd: turen er kring 100 meter. Turen startar ved parkeringsplassen for Bogatunet på flaten nedanfor tunet (sjå skilt). Stolpen står plassert oppe ved tunet. Våningshuset på Bogatunet er eit samanbygd hus med trekk frå mellomalderbyggeskikk i det nordatlantiske kulturområdet. Huset inneheld eldhus, røykstove, bu m/loft og glasstove. På veggane i stova er det pynta med kroting. Den eldste delen av bygget er frå slutten av 1500-talet, og bygget er såleis freda. Løa er frå slutten av 1800-talet, og er flytta hit frå Sævdal. Dei som ynskjer å koma inn i bygningane kan besøkja Bogatunet søndagar frå 12.00-15.00 om sommaren. Turen kan gjerne kombinerast med ein tur på Kvistefjellet (stolpe nr 14).

14 Kvistefjellet (209 moh) Det går sti til Kvistefjellet både frå Sæbøvågen og frå Kviste. Frå Sæbøvågen er turen kring fire km éin veg og tar 1-1,5 time. Frå Kviste er turen kring 0,9 km éin veg og tar kring 30 minutt. Det er vanskeleg å parkera langs vegen på Kviste, så parker gjerne på parkeringsplassen til Bogatunet og gå derifrå vidare langs Kvistevegen til du ser startpunkttavla for turen (kring 1 km). Frå Boga tar turen kring 0,5-1 time éin veg. Det er merka sti heile vegen både frå Kviste og Sæbøvågen. Turen frå Kviste er lett å gå og er godt tilrettelagt med klopper og trapper. Frå Sæbøvågen er stien også tilrettelagt, men er lengre og tyngre å gå. Frå toppen av Kvistefjellet har du 360o utsikt mot Holsnøy, Øygarden, Radøy, Lindåshalvøya og mot Bergen.

19 15 Holeåsen (107 moh) og 16 Klubben (96 moh) Lengd: Frå Sæbøvågen er turen over Holeåsen og Klubben kring 3 km éin veg og tar kring 1 time. Slik finn du fram:Me rår til å starta turen i Sæbøvågen, der det er mogleg å parkera. Derifrå følgjer du merka sti og skilt mot Lundsåsen. Du kjem først til Holeåsen, der det er sett opp benk og det er fint å ta ein pause. Følg stien vidare nordover for å koma til Klubben. Dersom du kjem med buss er Lundsåsen eit fint utgangspunkt. Då er turen noko kortare (kring 2 km éin veg). Følg merka sti og skilting mot Sæbøvågen. Turen går gjennom eit beiteområde, og turgåarar må ta omsyn til dyra, særleg i samband med lemminga om våren. Hald hunden i kort line i beitesesongen. Området er også nedslagsfelt for drikke- vatn, og me ber alle som ferdast i området om å ta omsyn til dette.

17 Solheimsvika Lengd: Turen er ca. 300 meter éin veg og tar kring 5 minutt å gå. Slik finn du fram: Du kan parkera ved fotballbana i Austmarka. Følg grusvegen nedover mot Solheimsvika. Turen er tilgjengeleg også for rullestol og barnevogn. Det er nokre litt bratte parti. Solheimsvika er eit statleg sikra friluftsområde som er drifta av Bergen og omland friluftsråd. Nede i vika er det badevik med sandfjøre, badebrygge og toalett.

20 21 18 Nordre Eidavika, 19 Håøy og 20 Håøytoppen (171 moh) K Lengd: 4 km, 2 timer. Slik finn du fram:Frå innfartsparkeringa ved Hagelsundbrua går det fin tursti vest mot Håøy. Stien går i lett terreng på vekslande berg og litt blautare parti. Undervegs passerer du Skøytetjørna. Her ser ein ofte andefamiliar og andre fugleartar. Ein går heile tida på same øya, men det er likevel to øynamn, Flatøy og Håøy. Når du passerer Søre Eidevika er du på Håøy. I Nordre Eidevika står stolpe nr. 18. Etter nokre hundre meter frå søre Eidavika kjem du inn på friområdet og her står stolpe nr. 19. Herfrå går du på gamal veg opp til toppen, der stolpe nr. 20 står. Håøy ligg midt i ei av hovudleiene inn til Bergen - med Håøysundet på sørsida, mot Meland, og Hagelsundet mot Lindåslandet. Namn som Nordfarskista og Nordfarsskorane fortel sitt. Den strategiske posisjonen var viktig i vikingtida og har vore viktig i vår tid. Veten på Håøya kan ha vore bygd under skipinga av leidangen i Håkon den godes tid, kring 950. Det forsvarsanlegget vi i dag ser minna etter på Håøytoppen, stod sentralt i den norske nøytralitetsvakta under den første verdskrigen. Forsvarsanlegget vart avvikla i 1957.

21 Varnappen/Badevika, Frekhaug Lengd: 150 meter, ca. 5 minutt éin veg. Slik finn du fram:Ta av mot Frekhaug senter/Nordhordland folkehøg- skule og følg Havnevegen ned bakken og deretter skilt til parkering for snøggbåten. Parker på snøggbåtparkeringa. Dersom du ynskjer å ta buss, er næraste busstopp Frekhaug terminal. Turen startar frå snøggbåtparkeringa. Følg grusveg ned bakken og ta til venstre rett etter sanitærbygget og følg stien til stolpen. Varnappen er eit populært friluftsområde som er drifta av Bergen og omland friluftsråd. Her finn du ei badevik som er godt eigna for mindre born, baderampe for rørslehemma, toalett, bord, benkar, fast grill, sandvolleyballbane og frisbeegolfbane.

21 22 Fossen og 23 Elvavika, Frekhaug Lengd: 0,5 km éin veg, ca. 10 min. Slik finn du fram:Stolpane i Elvavika og Fossen kan nåast frå fleire ulike utgangspunkt. Du kan t.d. byrja turen frå bustadfeltet i Galteneset, Mjåtveitflaten ved Esso, eller parkera på parkeringsplassen for snøggbåten og kombinera stolpane i Elvavika og Fossen med stolpen i Varnappen. Turen er då kring 3,2 km tur/retur. Om du tar turen frå Galteneset er stolpen i Elvavika tilgjengeleg med rullestol/barnevogn. Følg skilta sti langs Mjåtveitelva vidare opp til Fossen (ikkje tilgjengeleg med barnevogn/rullestol). Stolpane er plasserte langs Mjåtveitelva, som går frå Bjørnestad ved Meland kyrkje heilt ned til Elvavika, og er den lengste elva på Holsnøy. Elvavika ligg i eit statleg sikra friluftsområde med fleire små badefjører og rasteplassar. I området finn du òg gapahuk, toalett og frisbeegolfbane.

24 Nordnipa (238 moh), 25 Moldekleivskaret og 26 Krossfjellet (287 moh) Lengd: ca 5 km, eller 2-3 timar. Slik finn du fram:Parker på parkeringsplassen bak Meland kyrkje og følg skilta turstiar mot Nordnipa og Krossfjellet derifrå. Det er også mogleg å starta turen andre stader, t.d. på Moldekleiv. Turen er skilta frå Meland kyrkje. Deretter går ferda eit lite stykke langs grusveg inn mot Bjørnestad og deretter over på sti. Du kan t.d. først følgja skilting mot Nordnipa og stolpen der. Når du er kome til Nordnipa kan du gå ein liten avstikkar bort til Sørnipa eller Melands- nipa, som har endå flottare utsikt. Deretter kan du følgja stien vidare til stikrysset i Moldekleivskaret og stolpen der, og vidare til Krossfjellet der det også står ein stolpe. Krossfjellet er det høgaste punktet på turen og her har du flott utsyn i alle retningar. Følg stien attende til Moldekleivskaret, og skilting attende til Meland kyrkje.

22 23 27 Hjertåsfjellet (174 moh), 28 Rasmusfjellet (164 moh) og 29 Hjelpedalshaugen Lengd: Ein rundtur på rundt 3 kilometer som du må rekna med tek halvannan time. Området ved Hjeråsfjellet er eit forholdsvis nytt turområde med godt tilrettelagde stiar som også er godt merka. Slik finn du fram: Ved Framo- Hjertås er det er ein god parkeringsplass. Gå litt nordøstover og finn merka sti opp til Hjertåsfjellet og Ramusfjellet. Ved å gå opp her kan du først ta stolpen på Hjertås- fjellet før du går vidare nordøstover til stolpen på Ramusfjellet. Fortset så stien vidare nord- og vestover og så bratt ned til Hjelpedalsmyrane. På stien som då tek deg i retning parkeringsplassen finn du så stolpe nr. 29. Dette er ein fin rundtur som du sjølv- sagt også kan gå motsatt veg!

30 Røysetfjellet (259 moh) og 38 Vasstårnet Brakstad Lengd: Turen er kring 2,4 km éin veg og tar kring 1-1,5 time til toppen.

Slik finn du fram:Parker nedanfor gamle Vestbygd skule på Vollo. Følg skilta grusveg til du passerer vasstårnet. Her står stolpe 38. Følg sti vidare mot Tveitanipa (243 moh) og til Røysetfjellet. Følg same trasé attende til parkeringsplassen. Både frå Tveitanipa og Røysetfjellet har du flott utsikt i alle retningar.

23 31 Badeplass på Fløksand og 32 Ospeneset (Meland Golf) Lengd: Om lag 3 kilometer og ein time. Badeplassen på Fløksand er ein mykje brukt badeplass med leirfjøre og holme. Parker på eigen parkeringsplass. Her er det også toalett og informasjonstavle. Gangveg og gangbru ut til holmen der stolpen står. På holmen er det stupebrett og badeplatting, rampe og fiske- platting for funksjonshemma med følgje. For stolpe 32 følg veg til Meland Golf. Gå så mot Beitingen. Ta første veg til venstre og følg vegen nesten til ende. Nå ein har passert toalett tar ein til venstre ned mot sjøen. Stolpen står i enden av vegen heilt nede med sjøen.

33 Eldsfjellet –Varden (324 moh) Lengd: Ca. 1 kilometer opp. Sidan det er bratt må du nok setja av halvannan time til turen. I fjor var stolpen plassert på vestsida av Eldsfjellet (Veten), mens den i år er å finna på austsida, på Varden. Slik finn du fram:På austsida av Eldsfjellet (like bortanfor motorsport- området) er det plass til å parkera nokre bilar (på austsida av vegen) Gå eit lite stykke nordover vegen og finn turskiltet som syner kvar stien opp til Varden startar. Dette er ein litt tung tur ved at det er motbakke så og seia heile vegen oppover. Men utsikten er flott når du til slutt kjem opp. Retur same vegen, dersom du då ikkje vil ta turen vestover til Veten når du først er her oppe!.

24 25 34 Storafjellet (90 moh) og 35 Skjelanger K Lengd: Ein rundtur på ca. 5 kilometer som du gjer unna på godt ein time. Heilt nord på Holsnøy finn du Storafjellet og områda rundt med flotte stiar og gamle torv-, is- og skulevegar. Sjølv om Storafjellet berre er 90 meter over havflata, så har du god utsikt til Øygarden, Herdla, Toska og Radøy. I godt vêr ser du også til Fedje. Slik finn du fram:Køyr heilt til Skjelanger kai. Eit par hundre meter nordover mot Skjelanger fort (rett forbi badeplassen) er det ein liten parkeringsplass. No kan du gå ut på ein fin rundtur slik at du får med deg begge stolpane. Greiast er det å gå nordover mot porten til Skjelanger fort og ta opp til høgre og følgja skogsvegen oppover slik at du følg gjerdet som gjerdar inn det tidlegare militære området. Undervegs finn du då stolpe nr. 35. Følg stien vidare østover og så sørover til du kjem til avstikkaren opp til sjølve Storafjellet. Gå så ned att til stien og gå vidare sørover. Då kjem du til slutt fram til bilvegen og følgjer denne tilbake til bilen. Ein fin rundtur, men som på våte dagar kan vera litt fuktig enkelte stader. Etter første verdenkrig var det semje om at kanonstillingar på Skjelanger og Herdla ville kunne sikra innseglinga til Bergen frå nord, men planane vart ikkje sett ut i livet før i 1939 då kystartilleriet starta arbeidet på Skjelanger. Tyskarane fortsatte dette arbeidet slik at det etter kvart vart laga gangar og hallar i fjellet og etter store vanskar montert tre kanoner der. Det var fleire hundre tyskarar på Skjelanger under krigen. Etter krigen var et rekruttskule på fortet fram til 1953, men utover i 60 åra vart det mindre og mindre aktivitet der. Siste kanona vart demontert i 1997.

36 Knarvik senter Stolpen er plassert ved statuen av Ivar Medaas framfor Knarvik senter. Du kan parkera i senteret, eller ta buss til Knarvik terminal. Statuen av av den folkekjære visesangaren, komponisten og revy- artisten Ivar Medaas vart avduka 21. november 2010. Statuen, som er av bronse og i full storleik, er laga av kunstnaren Arne Mæland.

25 37 Kvamsvågen friluftsområde Lengd: Turen er kring 300 meter og tar ca 5 min å gå éin veg. Slik finn du fram:Følg Skarsvegen frå Alversund i retning Feste. Etter kring 1,5 kilometer tar du til venstre etter ein knapp venstresving (første veg til venstre etter avkøyring til 147-149 på høgre side). Om du kjem frå nord er det første avkøyring til høgre etter krysset der du kan ta av til Erstadvegen. Det er parkering kring 200 meter etter at du har tatt av frå Skarsvegen. Kvamsvågen friluftsområde er drifta av Bergen og omland frilufsråd. Her finn du mellom anna badeplass, universelt utforma toalett, fleirbruksområde og fleire gamle naust. Eitt av nausta kan nyttast som grillhus. Ta gjerne turen på Svarthamrane og Kvams- fjellet (stolpe nr 42 og 43) når du er i området.

38 Vasstårnet Brakstad og 30 Røysetfjellet (259 moh) Lengd: Turen er kring 2,4 km éin veg og tar kring 1-1,5 time til toppen.

39 Gamleskulen K Lengd: Om lag 3 kilometer og halvannan time Slik finn du fram:Parker ved Knarvik stadion. Gå nord mot Lonena og inn Brekkeløypa. Inst i løypa tek ein opp «BKK bakken» og følgjer grusa veg nesten til «Vanntanken». Ca 100 meter før «Vanntanken» følgjer du sti inn til høgre mot aust. I byrjinga av 1890-talet vart det sett opp eit skulehus i utmarka til Isdal for elevane frå Gjervik, Isdal og Åse. Skulen vart teken i bruk i mars 1893. Skulestaden vart vald etter at ein kommisjon hadde funne ein høveleg stad om lag midt mellom Åse (4485 meter) og Nepstad (3408 meter), som var ytterpunkta. Alle desse stadane høyrde då til Hamre kommune. Huset var 16,5 x 5,5 alen og hadde to etasjar. Skulen var utan straum, men hadde kjelde (vatn). Skulen var i drift fram til 1948 då elevane frå Isdal og Åse fekk skule på Annahaugen i Isdal, og elevane frå Gjervik og Nepstad gjekk i det nye bedehuset i Gjervik. Gamleskulen vart diverre ikkje teken vare på og forfall. Tilslutt vart den av tryggleiksgrunnar riven.

26 27 40 Indregardsfjellet/Stegane (248 moh) Lengd: Om lag 3 kilometer og halvannan time. Slik finn du fram:Parker ved Knarvik stadion. Følg vegen opp ved bueiningane i Langheiane. Ta inn på merka sti til høgre, nesten ved enden av vegen. Følg merka sti eit par hundre meter mot Stegane til du kjem til Aksla. Følg stien vidare oppover mot Stegane/Indregards- fjellet. Stolpen er plassert i nærleiken av postkassen. Alternativ rute er å gå inn Brekkeløypa og opp mot Gamleskulen. Ta til venstre ved Gamleskulen og følg sti opp i skaret. NB! Det er ein bratt sti blant anna med tau-sikring siste stykket. På toppen svingar du til høgre og følg merka sti eit par hundre meter. Frå Indregardsfjellet har du flott utsikt i alle retningar!

41 Juvikstølen Slik finn du fram:Parker ved Knarvik stadion. Ta gangvegen forbi barnehagen. Kryss vegen etter ca 200m. Der kjem ein inn på godt merka sti. Følg denne stien ca 1km, der står stolpen. Ein kan så følgje stien vidare og komme inn i «BKK Bakken», og så gå vidare opp mot Gamleskulen (stolpe nr 39).

42 Svarthamrane (202 moh) og 43 Kvamsfjellet (230 moh) Lengd: Ca. 5 kilometer og 2-3 timar. Slik finn du fram:Parker nede ved Åsekrysset/Hestevegen og gå langs vegen opp til Erstadfjellet (det er ikkje parkering på Erstad- fjellet). Midtvegs på flaten finn du stien/skilt som syner vegen nordover mot Svarthamrane og Kvamsfjellet. På Svarthamrane (ovanfor Kvamme) er det fin utsikt over Alversundbygda. Derifrå følgjer du stien vidare nordover til Kvamsfjellet. Derifrå går du vidare nordover og bratt ned (følg stien) slik at du kjem ned like nord for travvegen som du så følgjer tilbake til bilen. Dersom du vil sleppa den bratte nedstigninga i nord, snur du på Kvamsfjellet og går same vegen tilbake.

27 45 Tveitarimmane (103 moh) og 44 Tveitavarden (196 moh) Lengde: Om lag 3 kilometer og halvannan time. Slik finn du fram:Køyr opp på parkeringsplass ved Galteråsen industrianlegg (Alverflaten) og finn stien som går nordover (aust) langs ryggen. Stolpe nr 45 (Tveitarimmane) finn du der stien kryssar grusvegen/vannvegen. Følg stien vidare nordover og opp til Tveitavarden der du finn stolpe nr. 44. Retur same vegen.

46 Gladihaug (409 moh), 47 Krossane sør (298 moh) og 48 Breimyra (330 moh) Desse tre stolpane kan nåast på same turen! Lengd: Om lag 6 kilometer og 2-3 timar. Slik finn du fram: Frå parkeringsplassen i Hopsdal tar du stien oppover bakkane (vest). Nesten oppe den første bakken svingar du til venstre bratt opp til ein skogsveg som du følgjer eit stykke sørvestover. Så går du gjennom ei grind og følg stien vidare oppover/vestover forbi nokre steinhus og opp slik at du ser bort til Gladihaug. Frå stolpen på Gladihaug går du nordover slik at du følgjer stien som kjem ned i venstre kant av Breimyra. Følg stien (Per Lødøen si skiløype!) bort til steinhusa i Breimyra, der du finn stolpe nr. 48. (NB: Dette var «solings- plassen» til seimarane i «gamle dagar» når det var snø i påske- vekene). Derifrå følgjer du vidare «skiløypa» østover, ned over ein dal og opp til stolpe nr. 47 på Krossane sør. Derifrå følgjer du så stien sørover og ned att til bilen i Hopsdal.

28 29 49 Kunaberget og 50 Husfjellet på Seim (202 moh) Lengd: Om lag 4 kilometer og halvannan time tur/retur. Slik finn du fram:Finn fram til den nye skogsvegen som går frå grensa mellom Rydland og Totland på Seim (austsida, ca 800 m utover mot Neset). Der kan du parkera bilen utan å stengja vegen og så følgja skogsbilvegen oppover. Etter ein liten nedoverbakke ser du nokre stabbesteinar på vestsida av skogsbilvegen. På motsatt side der finn du første stolpen. Den står om lag der som den gamle kyrkjevegen til dei Kjenes og Leivestad gjekk over åsen og ned mot Rydlandsvågen. Fortsett så sørover og oppover heilt til du kjem til Husfjellet, der den andre stolpen står. Vakker utsikt over Seimsfjorden og Seimsbygda. Retur same vegen.

52 Kolåsfjellet (223 moh) og 51 Vardefjellet (213 moh) Lengd: ca 4 km og halvannan time. Slik finn du fram:Det er ein liten parkeringsplass i byggefeltet nordaust for Lindås senter (ved Kolåsvegen 110–112). Følg så merka veg og sti mot Kolåsfjellet. Om lag 50 meter ovanfor gapahuken tar du av til venstre mot nordvest og følgjer ein ny grusa sti nokre hundre meter bort til Vardefjellet der du finn stolpe nr. 51. Gå så tilbake til «hovudstien» som du så følgjer vidare og til stolpe nr 52 ved varden på Kolåsfjellet. Retur same vegen.

29 53 Lauvåsen (112 moh) Lengd: Vel 2 kilometer og ein god times tur (som du godt kan gjera lenger!) Slik finn du fram:Du køyrer Rv 57 utover mot Mongstad og svingar opp til venstre Risasjøvegen (5496) og køyrer sørvestover til du kjem til krysset der gamlevegen mot Lindås svingar sørover. (Kårdal) Då svingar du mot høgre og følgjer vegen mot Risasjøen (5498) nordvestover. Etter 6-700 m kjem du ned i ein dump der det på vestsida går inn ein bomveg (grusveg til vannbasseng). På østsida nokre meter bortanfor startar stien opp til Lauvåsen. (parkering like nordan- for) Dette er ein mykje nytta sti, og det er greitt å finna fram. Varden og stolpen ligg på 112 m o.h., men gjev god utsikt. Når du først er her oppe bør du ta deg tid (20-25 min) til å gå ein liten rundtur på ca. ein kilometer i flott turterreng på nordsida av varden (Lauvåsen/Areklett) som m.a. tek deg forbi eit svært flott fritids- anlegg laga av ein lokal entrepenør, bl.a. ein fin gapahuk laga av stein. Du får også sjå ned på dei store myrane der det i 70-åra var snakk om å laga ein flyplass nær Mongstad. Denne rundturen tar deg tilbake til varden, og for å koma attende til bilen må du gå same stien tilbake som du kom.

54 Selivarden (394 moh) Lengd: Ca 5 kilometer og 2 timar. Slik finn du fram:Ved Skodvin Montesorriskule tek du av frå hovudvegen og køyrer opp til god parkeringplass på Fjellsbø. Gå så oppover/austover gardsvegen forbi eit gardsbruk (lukk grinda) og opp i eit skard. Der svingar stien nordover til Skausnøya og sørover til Selivarden. Følg stien sørover og opp til antennemasta og vidare sørover til varden på Selifjellet. Retur same vegen. NB: Selivarden kan også nåast frå Trekanten på Kløvheim. Derifrå er det merka tre løyper til Selivarden. Dette er lengre turar enn å gå frå Fjellsbø, men det er fine turar i flott terreng!

30 31 55 Skausnøya (363 moh) Lengd: Ca. 4 kilometer og vel 2 timar. Slik finn du fram:Parker langs vegen ca. 150 meter sør for Vågseide og gå over brua på austsida av vegen. Følg så godt opptrakka sti oppover til varden på Skausnøya. Stolpen kan også nåast ved enten å gå opp frå austsida (Skauge), eller nordover frå Fjellsbø. Frå Fjellsbø kan du også gå sørover til stolpen på Selivarden.

56 Den Trondhjemske postveg K Lengd: Rundtur på om lag 2,5 kilometer (stort sett lettgått). Du brukar nok mindre enn ein time! Slik finn du fram:Parker ved ungdomshuset på Hundvin (Konglevoll) og gå nordvestover forbi butikken og følg vegen utover til Hetlehovda. Sving til venstre inn på postvegen og ned i ein dal (der det nyleg har blitt hogd ned ein del gran) og opp att på på andre sida. Når du kjem opp til stidele der den gamle ferdslevegen til Træland tar av, skal du finna stolpen. Hald fram eit stykke til på postvegen , men ta så av til venstre inn på ein gardsveg oppover til den gamle tunnellen, gjennom den og tilbake til bilen.

31 57 Baståsen (150 moh) og 58 Arivatnet K Lengd: Ein rundtur på om lag 6 kilometer. Må rekna minst 2 timar. Slik finn du fram: Parker ved Nordhordlands Næringspark (Eikanger). Følg langs E39 (på nordsida utanfor autovernet) eit par hundre meter og ta ned til stien mot nord ( i enden på industriområdet) som etter kvart tar deg oppover mot Baståsen. Det er fleire stiar å velja mellom, men dei er godt skilta (også med kart som fortel kvar du er). Siste biten opp mot gapahuken på sørsida av Baståsen er noko bratt. Der finn du stolpe nr. 57. Følg no stien tilbake nedover, men pass på at du vel beinvegen sør- austover langs ryggen slik at du ser ned mot Æsevatnet på austsida. Då vil du etter ei stund koma ned til ei myr like nord for Arivatnet. (sjå på kartet) Under ein liten fjellknaus på nordsida av myra møttes før 1964 grensene til 3 kommunar: Hosanger, Hamre og Lindås. Der finn du stolpe nr. 58. Følg så stien vidare over myra (nesten i S-sving) på nordsida av Arivatnet og opp til stien du følgde då du gjekk oppover. (er du i stuss om retningen, så høyr etter lyden av bilar på E39!) NB: På denne turen kan det vera lurt å ha med seg kart.

59 Eikanger, Nedre Torvvatnet Lengd: Ca 2 km, ein times tur! Slik finn du fram:Parker ved Eikanger skule. I den skarpe svingen like ved parkeringsplassen går du mot venstre og før gardsvegen nordover slik at du går nordvestover på vestsida av Liavatnet og vidare nordover til Torvvatnet der du finn stolpen. Om du vil kan du gå vidare nordover (mot Høyland) og over ei hengjebru og så opp til ein skogsveg som så går sørøstover att til Lid).

60 Fløyen og 61 Kjermesdalen Lengd: Rundtur på om lag 3,5 kilometer og ein times gange. Slik finn du fram:Køyr til Trekanten ved Kløvheim skule og parker der (ved brua). Gå så bort til vegen att og gå austover forbi barnehagen. Der finn du ein grusveg som går oppover til venstre (sjå turskiltet der).

32 33 Følg så grusvegen oppover og ta av på merka sti til Fløyen (etter den bratte bakken opp grusvegen). Stolpe nr. 60 er ved Fløypilen der det også er turbok (same staden som i fjor). Følg så stien vidare nordvestover eit stykke og følg merka sti først mot sørvest og så mot sør Følg den nye merka stien mot Lonselva (heiter Kløvelva lenger nede mot skulen). Ved eit stidele der finn du stolpe nr 61. Følg stien vidare sør- over til du tilslutt kjem ned til skulen som du passerer på vestsida tilbake til parkeringsplassen og bilen. God merking.

62 Fammestadåsen og 63 Brubakken Lengd: Rundtur på ca. 3 kilometer, vel ein times tur. Slik finn du fram: Parker ved Trekanten nedanfor Kløvheim skule. Gå opp svingane mot vest (gamlevegen mot Fammestad). Vel oppe finn du merkeskilt til sti (på sørsida av vegen, nokre meter lenger oppe enn hovudskiltet, som står på nordsida) som tar deg sørover i Fammestadåsen, eit flott skogsterreng. Følg merka sti over toppen på Hjellane og vidare sørover til utsiktspunktet Stølaberget, der du finn første stolpen. No svingar stien meir østover og ned til ungdomshuset på Fammestad der du kryssar vegen og går ned stien på andre sida. Då kjem du først over nokre fuktige myrar, men så vert stien betre før du kjem opp til eit stidele. Der svingar du nordover (følg merkinga til Fammestadåsen rundt) og bort til ei ny fin bru over elva der du finn den andre stolpen på denne rundturen. Stien tar deg så vidare nordover og opp til ein grusveg som du følgjer tilbake til Trekanten og bilen. Ein flott rundtur som er godt merka!

64 Totlandsfjellet (255 moh) og 65 Eidaåsen (229 moh) Lengd: Ca. 5 kilometer, vel 2 timar tur/retur Slik finn du fram:Parkering på avmerkt parkeringsplass på austsida av E39 på Eknes (ved vassverk). Følg stien oppover til hytta på Totlandsfjellet (Ørnakulten) Der finn du stolpe 64. Følg så stien vidare østover (retning Ostereide) fram til Eidaåsen der stolpe nr 65 er. Same vegen attende. Turen går i lett motbakke opp til Ørnakulten og så i småkupert skogsterreng vidare innover.

33 FINN STOLPAR – vinn spreke premiar For kvar av stolpane du finn og registrerer, samlar du vinnarsjansar til flotte premiar. Me trekkjer ut ti heldige vinnarar som får kvar sin tursekk med flott innhald til ein verdi av 5000 kroner. Premiane er gjevne av Knarvik senter. Éin stolpe = eitt lodd, 65 stolpar = 65 lodd. Det vert trekt premiar kvar månad ut over heile perioden stolpejakten pågår. Det vert også trekt premiar etter avslutta sesong i Stolpejakten 1. november. I tillegg vert det delpremiering under KnarvikMila 6. september.

NB! Det vert ikkje registrering på papir i 2020. Registrering enten via app eller direkte på stolpejakten.no

Støtte til Stolpejakten Stolpejakten er eit lågterskeltilbod som er gratis for alle deltakarar, men det er ikkje gratis å arrangera. Me vil takka alle bidragsytarar som gjer det mogleg for KnarvikMila å gjennomføra dette tiltaket:

STOLPEJAKTEN 2020 ALVER