Planprogram for Kommunedelplan for Vikane
Total Page：16
File Type：pdf, Size：1020Kb
Stryn kommune 2019 Planprogram for Kommunedelplan for Vikane Planstrategi Samfunnsdel Handlingsdel/Økonomiplan Arealdel Kommunedelplan Kommunestyret 13.02.2020 Sak 16/2538 Dokument 3 Framsidefoto: Amund P. Hjelle 2 INNHALD 1. Innleiing __________________________________________________________________ 4 1.1. Gjeldande kommuneplan ____________________________________________________ 4 1.2. Bakgrunn og føremål med planarbeidet _____________________________________ 4 1.3. Planprogram _______________________________________________________________ 4 1.4. Planavgrensing _____________________________________________________________ 5 2. Rammer for planarbeidet __________________________________________________ 6 2.1. Nasjonale retningsliner _____________________________________________________ 6 2.2. Regionale føringar __________________________________________________________ 7 2.3. Kommunale planar og andre styringsdokument ______________________________ 7 3. Føremål med planen ______________________________________________________ 8 3.1. Bustadområde _____________________________________________________________ 8 3.2. Tettstadutvikling ____________________________________________________________ 8 3.3. Folkehelse _________________________________________________________________ 8 3.4. Klima ______________________________________________________________________ 9 3.5. Samferdsle _________________________________________________________________ 9 3.6. Fritidsbustader _____________________________________________________________ 9 3.7. Lokalt næringsliv __________________________________________________________ 10 3.8. Massetak/massedeponi ____________________________________________________ 10 3.9. Offentleg tenesteyting _____________________________________________________ 10 4. Utgreiingar ______________________________________________________________ 11 4.1. ROS-analyse ______________________________________________________________ 11 4.2. Konsekvensutgreiing _______________________________________________________ 11 4.3. Andre utgreiingar _________________________________________________________ 12 5. Planprosessen ___________________________________________________________ 13 5.1. Organisering ______________________________________________________________ 13 5.2. Medverknad _______________________________________________________________ 13 5.3. Framdriftsplan _____________________________________________________________ 14 3 1. INNLEIING 1.1. GJELDANDE KOMMUNEPLAN Kommuneplanen er det overordna styringsdokumentet, og førande for utviklinga i kommunen. Den består av ein samfunnsdel og ein arealdel. Samfunnsdelen vart sist revidert i 2013, med hovudmålet Vekst basert på bulyst og næringsutvikling. Arealdelen skal vise samanhengen mellom framtidig samfunnsutvikling og arealbruk. Arealdelen er juridisk bindande, og omfattar plankart, planomtale og føresegner. Plankartet skal vise hovudføremål og omsynssoner for bruk og vern av areal. Heile arealdelen vart revidert i 2006, og omfatta då hovudkart + 13 geografiske kommunedelplanar. Kystsoneplan vart utarbeidd i 2009. Store delar av kommunen har vore revidert etter dette. Kommunedelplanen for Vikane skal erstatte kommunedelplan for Innvik, kommunedelplanen for Utvik samt delar av hovudkartet og kystsoneplanen. 1.2. BAKGRUNN OG FØREMÅL MED PLANARBEIDET Kommunestyret vedtok Stryn kommune sin planstrategi for 2016-2020 i september 2016. Planstrategien klargjer kommunen si prioritering av planarbeid i inneverande kommunestyreperiode. I følgje planstrategien står revisjon av kommunedelplanen for Vikane for tur etter at kommunedelplanen for Oppstryn vart vedteken september 2019. Planbehovet er i strategien oppsummert med desse punkta: Infrastrukturtiltak/sentrumsutvikling med omsyn til E39 Massedeponiområde tunnelmasser Manglande bustadareal i Utvik og Innvik sentrum Nye næringsområde Andre tema har kome til i ettertid: tettstadutvikling, folkehelse, klima, samferdsle, fritidsbustader og offentleg tenesteyting. 1.3. PLANPROGRAM For alle kommuneplanar skal det som ledd i varsling av planoppstart utarbeidast eit planprogram som grunnlag for planarbeidet. Planprogrammet skal gjere greie for føremålet med planarbeidet, planprosessen med fristar og deltakarar, opplegg for medverknad, alternative løysingar der det er aktuelt, og kva behov det er for utgreiingar. Planprogrammet blir fastsett av kommunestyret. 4 1.4. PLANAVGRENSING Avgrensing av planområdet vert kommunegrensa mot Gloppen i vest og sør, Skarsteinsfjellet i aust (Innvikdalen og Frøholm blir omfatta av planen) og Nordfjorden i nord. Planavgrensinga av kommunedelplanen for Vikane er synt med rød stipla line på kartet. 5 2. RAMMER FOR PLANARBEIDET Planarbeidet er styrt av plan- og bygningslova av 2008. Planen vil bli utforma innanfor nasjonalt lovverk, forskrifter, statlege og regionale mål og retningsliner. 2.1. NASJONALE RETNINGSLINER Dokumentet «Nasjonale forventningar til regional og kommunal planlegging» frå Kommunal – og moderniseringsdepartementet (KMD) vart vedteke ved kongeleg resolusjon 14. mai 2019. Det handlar om kva regjeringa forventar at statlege mynde, fylkeskommunane og kommunane skal ta omsyn til i planlegginga. Forventningane er delt i fire hovudpunkt: Planlegging må vere verktøy for heilskapleg og berekraftig utvikling Vekstkraftige regionar og lokalsamfunn i heile landet Berekraftig areal- og transportutvikling Byar og tettstader der det er godt å bu og leve Det vert lagt stor vekt på utfordringane i å skape eit berekraftig samfunn gjennom offensiv klimapolitikk og forsvarleg ressursforvalting. Viktigheita av effektive og kunnskapsbaserte planprosessar vert understreka. Dokumentet frå KMD formidlar ikkje alle statlege interesser, oppgåver og omsyn som planlegginga skal ivareta. Til dømes står det i plan- og bygningslova §3-1 at kommunen har følgjande oppgåver og omsyn ved utarbeiding av planar: Setje mål for den fysiske, miljømessige, økonomiske, sosiale og kulturelle utviklinga i kommunar og regionar, avklare samfunnsmessige behov og oppgåver, og seie korleis oppgåvene kan løysast Sikre jordressursane, kvalitetar i landskapet og vern av verdifulle landskap og kulturmiljø Sikre naturgrunnlaget for samisk kultur, næringsutøving og samfunnsliv Legge til rette for verdiskaping og næringsutvikling Legge til rette for god utforming av omgjevnader i bygdene, gode bumiljø og gode oppvekst- og levekår Fremje befolkninga si helse og motverke sosiale helseskilnader, og bidra til å førebyggje kriminalitet Ta klimaomsyn gjennom løysingar for energiforsyning og transport Fremje samfunnstryggleik ved å førebyggje risiko for tap av liv, skade på helse, miljø og viktig infrastruktur, materielle verdiar mv. 6 2.2. REGIONALE FØRINGAR Sogn og Fjordane fylkeskommune som regional planstyresmakt har vedteke fleire planar som er retningsgjevande for kommunal planlegging. Følgjande planar kan vere relevante for denne planen: Vestland- utfordringar for fylket og regionane 2019 Vestland – Folkehelseoversikt 2019-2023 Regional plan for kultur 2019-2027 Regional plan for klimaomstilling 2018-2021 Regional transportplan 2018-2027 Regional strategi for tettstadutvikling og senterstruktur 2018 Regional planføresegn for handel 2017 Regional plan for vassforvaltning for Sogn og Fjordane vassregion 2016-2021 Regional plan for folkehelse 2015-2025 Verdiskapingsplan for Sogn og Fjordane 2014-2025 Regional plan for vasskraft 2012 Fylkesdelplan for landbruk 2002 Fylkesdelplan for arealbruk – sjekkliste 2000 Fylkesmannen i Vestland skal følgje opp statlege vedtak, mål og retningsliner. 2.3. KOMMUNALE PLANAR OG ANDRE STYRINGSDOKUMENT I samfunnsdelen som vart vedteken i 2013 er det sett ein del overordna mål med tilhøyrande strategiar. I arbeidet for å nå hovudmålsetjinga Vekst basert på bulyst og næringsutvikling vart tre satsingsområde utvalde; Folkehelse, Tilrettelegging for næringslivet og Bulyst og bustadtilbod. Desse må takast omsyn til ved utarbeiding av kommunedelplan for Vikane. I tillegg vil mellom anna følgjande interkommunale og kommunale planar gje føringar for planen: Kunnskapsdokument for folkehelse 2019 Kommunedelplan for E39 Byrkjelo – Grodås 2019 Kartlegging av viktige friluftslivsområde 2019 Samla plan for skogbruket i Stryn 2019 Kommunedelplan for kulturminne 2017 Kommunedelplan for trafikktrygging og samferdsle 2017-2020 Kommunedelplan for idrett, fysisk aktivitet og friluftsliv 2017-2020 Heilskapleg risiko- og sårbarheitsanalyse for Stryn og Hornindal kommunar 2015 Kommunedelplan for oppvekst 2014-2024 Kommunedelplan for kultur 2013-2016, med handlingsprogram 2017-2020 Kjerneområde landbruk 2006 Kommunedelplan for bygningsvern 2000 7 3. FØREMÅL MED PLANEN 3.1. BUSTADOMRÅDE Det er behov for å legge til rette for meir bustadareal i Innvik og Utvik. I dag er det 2 ledige byggeklare tomter i Vikane. Bustadareal i Brulandstranda ligg inne i gjeldande plan. Dette er ikkje område som er klart til bygging, m.a. fordi det av uviss grunn ikkje har vore interesse for å bygge i dette feltet. Det ligg og eit bustadområde ved fjorden på Bruland. Grunneigarane her har ikkje interesse av at dette skal nyttast til bustader, og ynskjer å få det tilbakeført til planstatus LNF. Det vil over tid vere behov for bustader innafor dei fleste grupper, frå nyetablerte som gjerne ynskjer ein mindre gjennomgangsbustad, til eldre som ynskjer mindre og enklare husvære. Med såpass liten busetnad som planområdet har, vil det truleg vere vanskeleg å få til alle typar tilbod i planen. Kommunen sitt inntrykk er at det