Laai PDF Hoofstuk Af
Total Page:16
File Type:pdf, Size:1020Kb
61 Hoofstuk 7 Hendrik Stephanus Steenkamp (f9) (1861 1949) – In hierdie hoofstuk Hendrik en Drien – bl. 61 Anna Sophia – bl. 68 Alida Barendina – bl. 69 Adriena – bl. 70 Jan Harm (Jan) – bl. 71 Levina Catharina – bl. 72 Oriëntasie Hendrik Steenkamp is gebore in 1861 en oorlede in 1949 toe hy 87 jaar oud was. Hy was ‘n veeboer in die Distrik Burgersdorp. Die bykans 18-jarige Hendrik trou in 1879 met die 16-jarige Drien van Wyk. Sy is gebore in 1862 en word amper 79 jaar oud voor haar dood in 1941, na ‘n huwelik van 62 jaar. Hendrik en Drien het ses kinders gehad, waarvan een in haar vroeë twintigs oorlede is. Genealogiese gegewens f9 STEENKAMP1, Hendrik Stephanus2: *Kaap 22.11.18613; ≈Burgersdorp 16.2.18624; †Burgersdorp 3.1.19495; #Burgersdorp Ou Begraafplaas. x Venterstad6 3.11.18797: VAN WYK, Andria Petronella8: *Albert Distr., Zeekoegat 31.12.18629; ≈Burgersdorp 22.2.186310; †Burgersdorp 9.12.194111; #10.12.1941 Burgersdorp Ou Begraafplaas12. Dogter van Jan Harm van Wyk en Anna Sophia van Tonder. Hendrik Stephanus Steenkamp 62 Die wyse waarop die egpaar se name gespel is, is nie konsekwent nie. Eerstens is die van Steenekamp en Steenkamp gespel. Die naam Stephanus is ook Stefanus gespel. Die naam Andria is ook Andrea en Andriena gespel. Die tweede naam is Pieternella en Petronella gespel. Aanvanklik is Hendrik se van as Steenekamp gespel, maar algou het dit Steenkamp geword. Sy tweede naam is aanvanklik as Stefanus gespel en sy oupa Coetsee, na wie hy vernoem is, se naam is ook Hendrik Stefanus gespel. Lateraan is die naam egter konsekwent Stephanus gespel en hierdie spelling word gevolg. Volgens die dokumentasie is Drien se naam twee keer Andrea gespel, maar meesal Andria. Dan is die naam ook aan die einde van haar lewe twee keer Andriena gespel en ’n dogter is Adriena en een kleindogter Andriena genoem. Dit kom egter voor asof die gangbare spelwyse, ook in die boedeldokumente, Andria is. Die naam Pieternella het algou gestabiliseer as Petronella. Jeug Hendrik is gebore op 21.11.1861, vermoedelik op Dwaalfontein in die Burgersdorp Distrik. Hy word op 16 Februarie 1862 gedoop in die GK Burgersdorp. Die doopgetuies was Hendrik Stefanus Coetzee en Alida Barendina Hendrina van der Walt (sy oupa en ouma aan moederskant) asook Jan Harm Steenkamp jr. en Catharina Maria Venter. Hy is vernoem na sy oupa aan moederskant, Hendrik Stephanus Coetzee. Hendrik word groot op sy pa se plaas Dwaalfontein. Hy lê belydenis van geloof af op 3 Junie 1876 in die Gereformeerde Kerk Burgersdorp13. Doopinskrywing van Hendrik Stephanus Steenkamp14 Kind: Hendrik Stefanus Steenekamp, gebore 22 Nov. 1861, gedoop idem (16.2.1862). Ouers: Jan Harm Steenekamp en Alida Barendina Coetzee. Getuies: Hendrik Stefanus Coetzee en Alida Barendina Hendrina van der Walt (sy grootouers aan moederskant) asook Jan Harm Steenekamp jr. en Catharina Maria Venter. Drien is gebore in 1862 op die plaas Zeekoegat in die omgewing van Venterstad. Die grootste deel van die plaas is tans deel van die Gariepdam. Hieronder is die inskrywing in die doopregister van die Gereformeerde Kerk Burgersdorp dat sy op 22 Februarie 1863 gedoop is as Andrea Pieternella van Wyk, gebore op 30 Desember 1862. Die ouers is Jan Harem van Wyk en Anna Sophia van Tonder van Zeekoegat, distrik Burgersdorp. Die doopgetuies is Alida Hendrina Barendina Steenkamp, Nicolaas Johannes Grobler en Martha Magdalena Jacoba van Wyk. Met die stigting van die Gereformeerde Kerk Venterstad, gaan Drien se ouers van die GK Burgersdorp oor na Venterstad. Sy lê belydenis van geloof af in die Gereformeerde Kerk Venterstad op 24 Desember 187715. Hendrik Stephanus Steenkamp 63 Doopinskrywing van Andriena Petronella van Wyk16 Kind: Andrea Pieternella van Wyk, gebore 30 Des. 1862 en gedoop idem (22.2.1863) Ouers: Jan Harem van Wijk en Anna Sophia van Tonder van Zeekoegat, dist. Burgersdorp. Getuies: Alida Hendrina Barendina Steenkamp, Nicolaas Johannes Grobler en Martha Magdalena Jacoba van Wijk. Die Gereformeerde Kerk Venterstad waar Drien Drien se pa, Jan Harm van Wyk17 belydenis van geloof aflê en ook in die huwelik tree. Hendrik en Drien trou op 3 November 1879 in die GK Venterstad. Hendrik was bykans 18 jaar oud, ‘n veeboer en van Dwaalfontein, Distrik Albert. Drien was 16 jaar oud en van Zeekoegat, Distrik Albert. Hendrik Stephanus Steenkamp 64 Afskrif van Huweliksertifikaat van Hendrik en Drien.18 Woonplekke Hendrik en Drien woon op die plaas Dwaalfontein in die Burgersdorp Distrik en is op 3 Julie 1941, toe hulle ’n testament maak, nog daar woonagtig. Blykbaar het hulle voor Drien se dood na Mimosa getrek waar hulle en hul seun Harm saam woon in die plaashuis wat hulle verdeel. Hendrik woon na Drien se dood in 1941 saam met sy oudste dogter in sy tuishuis in Burgersdorp te Van der Waltstraat 48. Eiendom Benaderde ligging van Dwaalfontein en Mimosa Hendrik erf ‘n gedeelte van Dwaalfontein19 in die Stormberge van sy vader. Toe Drien oorlede is in 1941 word in die inventaris20 van die boedel aangedui dat die volgende gedeeltes van Dwaalfontein in sy besit is: o Deel 1 van Lot C van Dwaalfontein wat 300 morge groot is onder Transport 3358 van 1909. o Die restant van Lot B van die onderverdeelde deel van die restant van Dwaalfontein wat 336 morge groot is onder Transport 6827 van 19.8.1898. Die boedeldokumente is onduidelik daaroor, maar blykbaar is Dwaalfontein na Drien se dood ooreenkomstig die bepalings van hul testament per veiling verkoop. In ’n stadium koop Hendrik Mimosa aan en gaan boer daar saam met sy seun Harm. Sy seun Jan erf later ‘n gedeelte van Mimosa. Hendrik besit ook ‘n erf met tuishuis daarop te Van der Waltstraat 48, Burgersdorp. Hendrik Stephanus Steenkamp 65 Kerk Drien was eers lidmaat van die Gereformeerde Kerk Venterstad en na hul troue kom sy oor na Burgersdorp. Hendrik was sy hele lewe lank lidmaat van die Gereformeerde Kerk Burgersdorp. Hy was in ‘n stadium ook ‘n ouderling in die gemeente22. Die Anglo-Boereoorlog Hendrik was laat in die Anglo- Boereoorlog, wat duur van 1899 tot 1902, gevange geneem deur die Engelse23. Daar is beweer dat hy aan Boeremagte kos gegee het en hy is te Queenstown aangehou. Voor: Drien, Levina Catharina (Fien) g6, Hendrik. Agter: Anna Sophia (Annie) g1, Jan Harm (Harm) g4; Jan Harm (Jan) g5, Adriena g321. Die gesin Hendrik en Drien het ses kinders gehad: o Anna Sophia (Annie) wat nooit getrou het nie. o Alida Barendina (Laal) wat getroud was met Paul Johannes Smit. o Adriena wat oorlede is toe sy nagenoeg 22 jaar oud was. o Jan Harm (Harm), getroud met Anna Levina Lasea van der Walt. o Jan Harm (Jan), getroud met Anna Sophia Pretorius en later met Emmerentia Frederika Voor: Hendrik en Drien Jordaan. Agter: Anna en Harm (g4) en hul dogter Sophia en Anna o Levina Catharina (Fien), getroud met Barend se broer Nicolaas van der Walt en sy vrou Catharina Johannes van der Walt. (Duvenage) Die twee seuns van Hendrik en Drien het albei die naam Jan Harm. Die oudste seun is Harm genoem en die jongste Jan. Hulle twee oupas was Jan Harm Steenkamp en Jan Harm van Wyk. Volgens die benamingspatroon Hendrik Stephanus Steenkamp 66 wat destyds gevolg is en wel ten opsigte van Hendrik se dogters gevolg is, is dit waarskynlik dat die oudste seun na sy oupa Steenkamp vernoem is en die jongste na sy oupa Van Wyk. Hendrik en Drien was 62 jaar lank getroud. Hy was ‘n stil man24. Hendrik het sy eie leerskoene gemaak en ook vir ander mense skoene gemaak. Drien was 'n verfynde mens wat baie van mooi goed gehou het ̶ sy het baie mooi porselein gehad. As haar dogter Fien kom kuier het, het sy altyd iets van porselein aan hulle as geskenk gegee25. Latere lewensjare Drien het borskanker opgedoen en ’n mastektomie in Bloemfontein ondergaan26. Sy is oorlede in 1941 in hulle tuishuis in Burgersdorp terwyl hulle op Mimosa gewoon het. Hendrik het op Burgersdorp saam met sy dogter Annie gewoon toe hy oorlede is in 1949. Berig in onbekende koerant oor Drien se begrafnis Hendrik en Drien se grafsteen Hendrik Stephanus Steenkamp 67 Sketse oor Hendrik en Drien se kinders Nota: Die storie van hul vyfde kind, Jan Harm Steenkamp, en sy vrou, Anna Sophia Pretorius, verskyn in hoofstuk 8 en word nie hier gedupliseer nie. Hendrik Stephanus Steenkamp 68 Anna Sophia (g1) (1882 – 1974) Lewensloop: Annie Steenkamp is gebore in 1882 en is oorlede in 1974, toe sy 92 jaar oud was. Annie is gebore op 9 Maart 1882, vermoedelik op Dwaalfontein in die Burgersdorp Distrik. Sy word gedoop in die Gereformeerde Kerk Burgersdorp op 31 Maart 1882. Die doopgetuies was haar oupa Jan Harm van Wyk en haar stiefouma Levina Catharina Hendrina Aucamp. Sy kry dieselfde name as haar, toe reeds oorlede, ouma aan moederskant, Anna Sophia van Tonder. Annie Steenkamp Annie het haar kinderjare op haar ouers se plaas Dwaalfontein deurgebring. Sy was nie getroud nie. Sy het ‘n vriend gehad aan wie sy verloof was, maar daar het niks van gekom nie. Later woon sy op Burgersdorp in Van der Waltstraat 48, die tuishuis van haar ouers. Van die Steenkamp broers en susters se kinders het daar by haar ingewoon terwyl hulle op skool was. So, byvoorbeeld, het Koos (Hendrik) van haar broer Jan by haar ingewoon. Een of ander tyd na haar moeder se dood het haar vader by haar ingewoon tot sy dood in 1949. Mettertyd is sy in die familie “Tante” genoem. Na haar pa se dood erf sy die huis, bly daar aan en kuier by die familie rond. So het sy ook by haar jongste suster, Fien, gekuier.