Årsmelding 2013 Sogn Og Fjordane Bondelag
Total Page：16
File Type：pdf, Size：1020Kb
Årsmelding 2013 Sogn og Fjordane Bondelag 1 Eit arbeid for at verkemidlane må stå i samsvar med måla Året me har lagt bak oss har for bøndene i Sogn og Fjordane på mange områder vore eit utfordrande år. Året starta med kulde og utvikla seg i store deler i fylket til ein katastrofe for mange bønder med mangel på vatn og store areal med isbrann som førte til mykje ekstraarbeid og store kostnader med attsåing og store avlingstap. Sjølv om det er erstatningsordningar, så er det lett å sjå at dei ikkje er gode nok. Dette er noko som det må arbeidast med å få forbetra. For Sogn og Fjordane Bondelag var og 2013 då Norges Bondelag la Bondetinget til fjordafylket og Hotel Alexandra i Loen. Det var 4. gong årsmøtet vart gjennomført i fylket sidan 1950. Dette arrangementet er stort og krevjande. For Bondelaget i fylket var det viktig visa fram kva kvalitetar dette fylket har. Noko som eg har fått attende meldingar på i ettertid at delegatane sette stor pris på. Eg må i det høvet få retta ei spesiell takk til Anita og Merete på kontoret for alt arbeide med førebuingane og under gjennomføring av Bondetinget som gjorde dette til ei flott oppleving for dei som var deltakarar. Eg vil også retta ei takk til dei lokallaga som har medverka til å synleggjere landbruket på ein positiv måte. Eg tenkjer på tilskipingar som til dømes Matamål, Landbruksdagane på Breim og Open Gard. Eit viktig arbeid åleine eller i samarbeid med andre organisasjonar. Politisk arbeid dette året har tydleg våre prega valet som var den 9 september. Bondelaget starta dette arbeide tidleg, og held eit stort trykk mot det politiske miljøet gjennom heile valkampen. Var ekstra stas synest eg når me får ros frå journalistar i fylket for måten som me arbeidar på mot politikarane. Nokon vil kanskje meina Bondelaget var for harde mot einskilde parti. Men eg meinar det er Bondelaget si oppgåve å utfordra på ein politikk som me ser ikkje høver for vestlandsbonden. Så er me alle kjende med kva resultatet av valet 2013 vart. For bondelaget er det viktig å ha ein god og konstruktiv dialog med til ei kvar sitjande regjering. Jordbruksforhandlingane til våren kan verta ei krevjande øving, men for Bondelaget er det eit mål, å forhandle fram ein god avtale for den norske bonden. For landbruksnæringa er det viktig framover å klare å stå samla som ei næring med ein felles bodskap. Me må peike på det positive og samstundes bygge ein kunnskap som gjer at når verkemidlane støttar opp om måla om ein auka matproduksjon som står uttalt i regjeringsplattforma. Me må også arbeide for å få regjeringa tydelegare til å seia at dei vil ha eit landbruk i heile landet. Me har fått ei ny regjering som seier det skal kome endringar. Det må me aktivt forhalda oss til på ein slik måte at endringane kan bli bra for bøndene i Sogn og Fjordane. Regjeringa har ikkje fleirtal på Stortinget og det vil difor vere viktig med ein god dialog med alle dei fire samarbeidspartia. Denne dialogen må starte ute i kommunane i eit møte mellom lokallaga og lokale politikarar. Kunnskap om samanhengane i landbrukspolitikken må byggast hos mange. Lukke til med arbeidet :) Helsing Per Hilleren, fylkesleiar 2 Innhaldsliste 1 Arbeidsplan for 2013/2014 5 2 Møte, kurs og aktivitetar 7 Fylkesårsmøtet 7 Bondelagskokk frå Sogn og Fjordane 14 Bondevenn 14 Landbruks- og Matminister på besøk 20 Årsmøte i Norges Bondelag 21 Politikardag 28 Open Gard 30 Sogn og Fjordane 250 år – Landbruksdagane på Breim 31 Innsamling av landbruksplast og metallskrot 36 Prosjekt rekruttering til landbruksnæring og naturbruksutdanning 36 HMS kampanjen ”Tryggheit og helse i landbruket” 36 Leiarmøtet 37 Rekneskapsførarkurset 38 Viltseminaret 38 3 Arbeid og representasjon i ulike utval Grøntutvalet 39 Verveutvalet – ”tørre å spørje” 39 Landbruksselskapet 40 Styret for Innovasjon Norge, region Sogn og Fjordane 40 Regionalt Bygdeutviklingsprogram 40 Kontaktutval rovvilt 40 Sauehald i pluss 40 Kulturlandskapsgruppa 41 Rekruttering til naturbruksutdanning 41 Naturbasert reiseliv og innlandsfiske 41 Frukt og bær rundt neste sving 42 Prosjektfornybar elproduksjon 42 Prosjekt Geit i vekst 42 Prosjekt bioenergi 42 Nettverksgruppe Inn På Tunet 42 Hanen Vestlandet 43 Samarbeidsrådet 43 Sogn og Fjordane Bygdekvinnelag 43 Samarbeidsadvokatane 43 Samarbeid med Gjensidige 44 Samarbeid med Landkreditt 44 4 Saker til handsaming Jordbruksforhandlingane 2013 45 Vassrammedirektivet 45 Høyring på etablering av småkraft 45 Rullerande kommuneplan i Jølster 2013-2025 45 Planting av skog på nye areal som klimatiltak 46 3 Skulebruksplan for vidaregåande skule 2013-2024 46 Informasjonsarbeid 46 Lokale kontaktlag 2013/2014 48 5 Lokallaga våre 48 Årets lokallag 49 Medlemsutvikling 50 Samstyra 50 Aktiv lokallagsmidlar 50 6 Fylkeskontoret 51 7 Æresmedlemer i fylkeslaget 52 8 Tillitsvalde og representasjon 53 9 Rekneskapen 2013 56 10 Bondelag og leiarar i lokallaga 57 11 Medlemstal og kasserarar i lokallaga 58 12 rekneskapslaga og kontor med samarbeidsavtale med Norges B… 59 Fråsegn jordbruksforhandlingane 2013 60 Formannsskapet i Førde på gardsbesøk 4 1. Arbeidsplan for 2013/2014 Hovudstrategi for Sogn og Fjordane Bondelag Sogn og Fjordane Bondelag skal stå fram som tydeleg, kunnskapsrik og framtidsretta på vegne av bonden i Sogn og Fjordane. Mål for all verksemd er å arbeide for betre inntekt og rammevilkår for bøndene i fylket. Mot målet er det lov til å prøve ulike vegar. Lokallaga skal medverke aktivt saman med fylkesstyret for å nå måla. Kommunikasjon Aktiv i lokale og nasjonale media Kunnskapsbygging og tett dialog med politikarar på ulike nivå Bygge alliansar og eit breitt kontaktnett i fylket Bygge alliansar med aktørar utanfor fylket som har samanfallande interesser Marknadsføre og utvikle heimesida www.bondelaget.no/sognogfjordane. Minst ei ny sak kvar virkedag heile året. Delta aktivt i dialog på andre sosiale kommunikasjonskanalar på nett Bygge ein god dialog mellom fylkesstyret og lokallaga gjennom fadderordning og deltaking på lokallaga sin aktivitet. Næringspolitikk Landbrukspolitiske saker Bygge kunnskap om konsekvensar av dei ulike partia sin landbrukspolitikk hos veljarar og hos politikarane sjølve fram mot valet 2013. Sikre politisk forståing for eit sterkt grensevern Oppfølging av jordbruksavtala og jordbruksforhandlingane 2013 Arbeide tett og forpliktande saman med Sogn og Fjordane Fylkeskommune og Fylkesmannen i Sogn og Fjordane når det gjeld dei regionale verkemidlane og innspel til næringspolitikken. Næringsutvikling Utviklingsprosjekt innan det tradisjonelle landbruket i samarbeid med andre Fokus på satsingar innan utmarksbasert reiseliv, innlandsfiske og bioenergi saman med Skogeigarlaget Utvikle satsinga og kompetanse på området som vedkjem fornybar energi som vatn, vind og biogass. Ha ein tett dialog med forskingsinstitusjonar om FOU aktivitet som kan vere med å styrke landbruksnæringa i fylket. Samarbeid med Hanen Vestlandet Samarbeid med Nettverk for Inn på tunet tilbydarar Styrke engasjementet i Landbrukets HMS teneste. 5 Grunneigarrettar, eigedomsrett og ressursforvaltning Styrke kompetansen og støtte opp om lokallaga sitt arbeid med kommunal planlegging og utøving. Arbeide for eit styrka jordvern i fylket Medverke aktivt til at grunneigarrettar og næringsutvikling vert teke omsyn til i saker som vedkjem vern og utarbeiding av forvaltningsplanar for verneområda Arbeide aktivt for å redusere tap på beite grunna rovvilt. Organisasjon Styrke lokallaga gjennom kursing og tett oppfølging Styrke arbeidet med medlemsverving Tilby kurs til yngre bønder Alle årsmøta i lokallaga skal vere gjennomført før 1. november 2013. Motivere lokallaga til å låne idear frå andre lokallag og til å samarbeide med kvarandre om aktivitetar. Vedteken i fylkesårsmøtet i Sogn og Fjordane Bondelag 08.03.2013 på Gloppen Hotel Frå politikardagen i Fjaler 6 2. Møte, kurs og aktivitetar Fylkesårsmøtet Fylkesårsmøtet vart skipa til på Gloppen Hotell på Sandane. Det møtte 51 utsendingar frå lokallaga. I tillegg deltok medlemer i fylkesstyret og gjester. Frå Norges Bondelag møtte styremedlem Bjørn Gimming. Administrerande direktør i AgriAnalyse, Christian Anton Smedshaug innleia til debatt om landbrukspolitikken saman med listetoppen for venstre i fylket, Sveinung Rotevatn. Marknadssjefen i Sogndal Fotball, Rasmus Mo avslutta med eit engasjerande innlegg til latter og ettertanke. 7 Leiaren si tale Gode matprodusentar, årsmøteutsendingar og gjester hjarteleg velkomne til Årsmøte i Sogn og Fjordane Bondelag her i Gloppen. Eit spesielt velkomen til deg som er ny og er her for fyrste gong , eg håpar du vil føla deg velkomen og kjenna deg inkludert i Bondelaget . I to dagar skal me vera samla her i Gloppen for å diskutera landbrukspolitikk og setja oss mål som me skal arbeide framover med i 2013. Samstundes så håpar eg at me også kan få to triveleg dagar der me knytta kontakt og bygger vennskap i denne fantastiske organisasjonen . Samfunnet rundt oss er i kontinuerlig utvikling på både godt vond. Me vert utfordra på ulike område i dagens samfunn både på nasjonalt og internasjonalt. Dei siste tider mediesaker der lasagne i blanda hestekjøt har ryst matbransjen både nasjonalt og internasjonalt. Det bør vere eit tankekors for mange på kva som skjer når det berre er pris og billig som gjeld. Vi ser også at mat vert produsert til dels på slaveløn, jamfør tomatproduksjonen i Italia. Er det slik vi som forbrukarar ynskjer å ha det? Arbeidsåret 2012 2012 har vore eit år som har innehalde spenning, frustrasjon og sinne men også optimisme og tru på ei framtid for matproduksjon i Sogn og Fjordane blant oss bønder . Matmeldinga som var framlagt i årsskifte 2011/2012 var med å skape forventning framfor jordbruksforhandlingane våren 2012. Landbruks- og Matministeren reiste på signingsferd rundt om i landet og medverka til å løfte desse forventningane til meldinga. Forventningane var spente høgt og skuffelsen vart som eit magaplask når me kom til forhandlingsbordet med staten sist vår. Som me alle veit så enda jordbruksforhandlingane 2012 med brot mellom Staten og Faglaga . Å sitje som Fylkesleiar når det vart brot i forhandlingane var utfordrande, mange tankar og spørsmål surrar rundt i hovudet om korleis dette vil gå, kva skjer osb… .