Luster Kommune Rådhuset 6868 Gaupne
Total Page：16
File Type：pdf, Size：1020Kb
Sakshandsamar: Vår dato Vår referanse Dag Endre Stedje - 57643150, E-post: [email protected] 19.01.2015 2013/3800 - /421.3 Eline Orheim - 57643012, E-post: fmsfeor@ fylkesmannen.no Dykkar dato Dykkar referanse Oddgeir Aardal - 57643077, E-post: fmsfoaa@ fylkesmannen.no 03.11.2014 Luster kommune Rådhuset 6868 Gaupne Fråsegn til offentleg ettersyn av arealdelen til kommuneplanen med konsekvensutgreiing i Luster kommune Vi viser til oversending dagsett 03.11.2014 og til avtale om utsetting av høyringsfristen til 19.01.2015. Hovudinntrykket av planframlegget er at det er gjort eit omfattande og godt arbeid med revisjonen av arealdelen til kommuneplanen. I nokre område er det derimot lagt inn arealbruk som kjem i konflikt med nasjonale eller viktige regionale interesser. Fylkesmannen har difor måtta fremja nokre motsegner mot planframlegget. Motsegner og faglege tilrådingar i fråsegna er utheva med feit skrift. På miljøvernområdet fremjar vi motsegn mot veg 1 Prestesteinsvatnet på Sognefjellet (pkt. 4.1, s. 3-4) og veg 2 Turtagrø - Helgedalen (pkt 4.1, s. 4). Vi fremjar motsegn mot å setje ei byggjegrense etter fylkesvegen langs sjøen i LNF-områda med juridisk verknad. Dette må i så fall berre vere som ei retningslinje (pkt. 4.2, s. 5-6). Vi fremjar også motsegn mot hytteområde H7 Kjøtnes (pkt. 4.2, s. 6). Når det gjeld ANL 1 motorsportbane Leirmoøygarden krev vi (motsegn) at det i føresegnene til kommuneplanen vert teke inn at det før regulering skal gjerast ei undersøking/kartlegging av fagkunnig biolog i området. Vi tek atterhald om bruk av motsegn mot seinare reguleringsplan (pkt. 4.3, s. 9-10). Vi viser elles til dei miljøfaglege tilrådingane i fråsegna. Sjå spesielt pkt. 4.1, s. 4-5 om gondolbane til Bolstadnosi og pkt. 4.2, s. 7-9 om helikopterlandingsplass i Skjolden. Den politiske avgjerda om helikopterlandingsplass vil, slik vi ser det, vere heilt avgjerande for korleis dei store kvalitetane knytt til natur og friluftsliv i kommunen skal brukast og forvaltast i framtida. Vi meiner at det samla sett er lagt opp til å omdisponere for mykje dyrka jord til bustadføremål i planframlegget. Ut frå landbruksomsyn fremjar vi motsegn mot dei tre føreslegne bustadområda B4 Solbakken, B6 Flatane og B7 Mohaugane på Hafslo (pkt. 5.1.1, s. 13). Primært rår vi til at bustadområde B1 Grindane vert teke ut av planen. Dersom kommunen likevel vel å ta med Grindane til framtidig bustadområde, krev vi (med motsegn) at det vert innført rekkefølgjekrav i planføresegnene (pkt. 5.1.1, s. 12-13). Vi viser elles til dei landbruksfaglege tilrådingane i fråsegna. Hovudkontor Landbruksavdelinga E-post: Njøsavegen 2, 6863 Leikanger Fjellvegen 11, 6800 Førde [email protected] Telefon: 57 64 30 00 Postboks 14, 6801 Førde Internett: Telefaks: 57 65 33 02 Telefon: 57 64 30 00 www.fylkesmannen.no/sfj Org.nr 974 763 907 Telefaks: 57 82 17 77 FYLKESMANNEN I SOGN OG FJORDANE 2/15 1 Innleiande merknader Det generelle inntrykket vårt er at det er gjort eit omfattande og grundig arbeid med revisjonen av arealdelen til kommuneplanen. Heile plandokumentet er oversiktleg, ryddig og lett å setje seg inn i. I planomtalen er det vist ei god kopling mellom samfunnsdelen og arealdelen. Utsiling av private innspel om arealbruk som ikkje vart tekne med vidare i planarbeidet skjedde i hovudsak i samband med handsaminga av planprogrammet til kommuneplanen. Kommunen har undervegs i prosessen presentert utkast til ny arealdel i planforum. 2 Konsekvensutgreiinga Når det gjeld konsekvensutgreiinga synest vi metodikken som er brukt er god, og utgreiinga av dei ulike enkeltområda er oversiktleg. Vi kommenterer ikkje fastsettinga av verdi og konfliktgrad for enkeltområde og -tema, men vi er i hovudsak samd i vurderingane som er gjort m.a. for tema naturmangfald, strandsone og friluftsliv. Vi merkar oss elles at det er nokre byggjeområde/tiltak som administrasjonen ut frå den faglege vurdreringa i konsekvensutgreiinga rår i frå, men som på bakgrunn av kommuneplannemnda/ formannskapet si tilråding likevel er innarbeidd i planframlegget. Vi meiner at konsekvensutgreiinga elles er oversiktleg, og konstaterer at det er gjort greie for konsekvensane både i enkeltområda og for planen samla. Naturmangfaldlova (nml.) set sterkare krav til vurderingar av tema som t.d. biologisk mangfald ved sakshandsaming etter plan- og bygningslova. Etter det vi kan sjå er ikkje arealbruken/enkeltområda vurdert opp mot naturmangfaldlova (nml.) og dei miljørettslege prinsippa i §§ 8-12. Vi meiner dette burde vore gjort, spesielt for dei nye byggjeområda/ tiltaka som ligg i område med registrerte naturverdiar. Det er laga ei heilt enkel vurdering etter naturmangfaldlova for planen sin samla verknad. Vi synest nok at vurderingane etter dei ulike paragrafane er noko tynn. I samband med revisjon av arealdelen til kommune- planen er det viktig å vurdere planen sine samla verknader for naturmangfaldet, jf. "samla belastning" i nml. § 10. Vi ser det som ein mangel i nml.-vurderinga at dette ikkje er gjort. Vi føreset at det i konsekvensutgreiinga/avgjerdsgrunnlaget vert innarbeidd vurderingar etter naturmangfaldlova og dei miljørettslege prinsippa i §§ 8-12, både for byggjeområde som kan virke inn på registrerte naturverdiar og for planen sin samla verknad (jf. samla belastning, nml. § 10) før planvedtak. Lova set krav om dette. 3 Planjuridiske merknader Det ligg utafor Fylkesmannen sitt ansvarsområde å kontrollere at innhaldet i kommunale planar er lovleg. Vi strekar difor under at vi som hovudregel berre vil påpeike juridiske feil og manglar i eit planframlegg dersom desse kan ha betyding for ivaretakinga av nasjonale eller vesentlege regionale interesser. Juridiske merknader utover dette vert gjeve som generelle råd og rettleiing til kommunen. Fylkesmannen legg til grunn at eventuelle planføresegner som ikkje har heimel i lov, vert rekna som retningslinjer utan rettsverknad, eller som rein informasjon. Vi ser det som positivt at kommunen har fastsett minimumskrav til leikeområde og uteopphaldsareal i bustadområda, jf. føresegnene pkt. 5.2.2. Vi legg til grunn at kravet er generelt og også gjeld ved fortetting i eksisterande område, jf. pkt. 5.2.1 og plan- og bygningslova § 11-10 nr. 1. I pkt. 5.2.2 er det vidare sett krav om to biloppstillingsplassar pr. bueining i uregulerte område. Kommunen kan i tillegg vurdere om det er aktuelt å etablere kommunal frikjøpsordning for parkeringsplassar i medhald av plan- og bygningslova §§ 11-9, jf. 28-7. FYLKESMANNEN I SOGN OG FJORDANE 3/15 Kommunen har under pkt. 5.2.3 fastsett generelle føresegner for naust med heimel i plan- og bygningslova § 11-10 nr. 2. Fylkesmannen gjer merksam på at denne lovføresegna gjeld samferdselsanlegg og teknisk infrastruktur, jf. Ot.prp. nr. 32 (2007-2008) s. 223. Rett lovheimel for føresegner om utforming og funksjonskrav for naust er pbl. § 11-9 nr. 5 for byggjeområde, og eventuelt § 11-11 nr. 2 for spreidd utbygging i LNF. 4 Natur- og miljøfaglege merknader I gjennomgangen av planframlegget har vi lagt vekt på å vurdere ny arealbruk som er med i konsekvensutgreiinga. Vi har i mindre grad sjekka ut sjølve plankartet, som omfattar både vidareført arealbruk frå gjeldande kommuneplan og ny arealbruk. Vi har lagt særleg vekt på dei tiltaka vi meiner er mest konfliktfylte i planframlegget. Arealbruk som kjem i konflikt med nasjonale eller viktige regionale interesser gir grunnlag for bruk av motsegn. 4.1 Arealdisponering i fjellet Vi ser det som positivt at den delen av Vest-Jotunheimen villreinområde som ligg innafor kommunegrensa på plankartet er sett av til omsynssone villrein. Arealet som kjem inn under Ottadalen villreinområde er også med i denne omsynsona. Det er i planframlegget lagt inn to vegar der formålet er å køyre turistar med bussar inn mot Fanaråkbreen og Styggedalsbreen. Veg 1 Prestesteinsvatnet, Sognefjellet - motsegn Området ligg på sørsida av fv 55 over Sognefjellet og vest for Prestesteinsvatnet. Det går i dag ein anleggsveg som er om lag ein kilometer lang innover langs vestenden av Prestesteinsvatnet. Det er i planframlegget opna for å forlengje eksisterande anleggsveg med om lag 1,5 kilometer i retning Fanaråkbreen og opparbeide sti om lag 500 meter vidare fram til brefronten. Brefronten ligg innafor grensa til Jotunheimen nasjonalpark. Formålet med den planlagde vegen er å kunne frakte turistar med buss inn mot breen. Vi legg til grunn at det i enden av køyrevegen må opparbeidast parkering/snuplass for buss. Av konsekvensutgreiinga går det fram at tiltaket vil få svært stor negativ konsekvens (-4) for naturmangfald. Området som vegen skal gå gjennom er kjent som eit gammalt yngleområde for fjellrev. Sist vinter vart det observert fjellrev ved Prestesteinsvatnet. Fjellreven er på raudlista over truga artar i Norge og har status som kritisk trua. Den planlagde vegen ligg innafor leveområde for villrein, og det går ei viktig trekkrute for reinen i dette området. Vegen vil også gje negative landskapsverknader og vil redusere inngrepsfrie naturområde i fjellet. Med bakgrunn i m.a. negative konsekvensar for både fjellrev og villreinstamma i Vest- Jotunheimen vert tiltaket rådd i frå i den faglege vurderinga i konsekvensutgreiinga. Kommuneplannemnda/formannskapet har likevel ut frå "ei samla vurdering" tilrådd å ha med tiltaket i planframlegget. I den nye forskrifta for Jotunheimen nasjonalpark er villrein nemnt som eit av verneformåla. Bygging av ein ny køyreveg i konflikt med funksjonsområde for villreinen vil såleis også vere i strid med ein viktig verdi i nasjonalparken. Tiltaket er ikkje vurdert opp mot