kommune – Kviteseid kommune Interkommunalt plankontor

Vrådal golf & hyttepark AS v/Brødrene Hansen holding AS Storgata 135 3915

MELDING OM VEDTAK

Dykkar ref: Vår ref Saksbeh: Arkivkode: Dato: 2015/1341-2 Sveinung Seljås,35048430 L12 02.10.2015 [email protected]

K - 15/48 m.fl. - Reguleringsplan Fossøy - mindre planendring - særutskrift

Her fylgjer særutskrift av formannskapssak 088/15.

(Vedtaket kan påklagast. Klagefristen er 3 veker frå den dagen brevet kom fram til påført adressat. Det er tilstrekkeleg at klaga er postlagt innan fristen.

Klaga skal sendast skriftleg til den som har fatta vedtaket, oppgje vedtaket det blir klaga over, den eller dei endringar du ønskjer, og dei grunnar du har for klaga. Dersom du klagar så seint at det kan vere uklart for oss om du har klaga i rett tid, må du også oppgje når denne meldinga kom fram.)

Kommunen må få tilsendt sosi-versjon av endra plankart. Likeså eit pdf-kart der tekstboksen er oppdatert, jf. kva som må inn av ny tekst i "Revisjonsrubrikken": Mindre planendring F-SAK 088/15 – 30.09.15. Kommunen må også få reviderte planføresegner slik dette er omtala i saka (gjeld føresegnene §5.1, §5.2 og §6.1). Også her må det visast til vedtaket, F-sak 088/15, 30.09.15. Eg har forstått det slik at dette er noko Tor Eia vil ta seg av.

Med helsing

Sveinung Seljås -plansjef

Kopi til: Tor Eia Buerveien 18 3711

Postadresse: Treungvegen 398 Telefon: 35048400 Bankgiro: 27140700016 3855 Telefaks: 35048410 Org.nr: 964964343 E-post: [email protected] www.nissedal.kommune.no Nissedal kommune

Arkiv: L00 Kviteseid kommune Saksmappe: 2015/3-38 Sakshand.: Sveinung Seljås Dato: 22.09.2015

Saksframlegg

Utval Utvalssak Møtedato Formannskapet 88/15 30.09.2015

K - 15/48 m.fl. - Reguleringsplan Fossøy - mindre planendring

Vedlegg: 1 K - 15/48 - Søknad om mindre planendring 2 K - 15/48 - Plankart, endringsforslag 3 K - 15 48 - Reguleringsplan Fossøy - plankart, gjeldande 4 K - Reguleringsplan Fossøy - planføresegner, gjeldande

Faktiske tilhøve: Utbygging av golfbanar og hytteområde på Fossøy har gått etter vedteken reguleringsplan frå arbeidet starta opp i 2007. Siste revisjon av reguleringsplanen blei godkjent av kommunestyret i 2014, etter ein full planprosess. M.a. blei det då lagt inn eit nytt byggeområde H7, med krav om tomtedelingsplan før utbygging der kunne skje. Arbeidets gang har synt behov for ytterlegare justeringar av planen. Det er difor nå søkt punktvis om mindre planendring(ar), inklusive tomteinndeling av felt H7. Søknaden ligg som vedlegg til saka. Den blir ikkje attgjeven her, men punkta blir kommenterte i vurderingsavsnittet.

Kommunestyret har delegert til formannskapet (sak 039/09) å vedtake mindre planendringar medhald av plan- og bygningslova (pbl) §12-14. Før det blir gjort slikt vedtak skal saka leggast fram for rørde myndighetar, og eigarar/festarar som direkte blir påverka av vedtaket, skal ha fått høve til å uttale seg.

Vurdering: Endringsforslaga kvar for seg blir sett på som mindre, som endringar som kan vedtakast etter pbl §12-14. Også endringane samla blir sett på som mindre, og saka blir difor lagt fram for formannskapet for eventuell godkjenning. Søknaden er derimot ikkje sendt på høyring då endringane ikkje kan seiast å ha interesse for myndighetsutøving utover det kommunale. I områda der det er endringsforslag, er det førebels ikkje etablert partar i form av tomteigarar/festarar, eller endringane går på å tilpasse planen det tomteeigarane alt har disposisjonsrett over i dag. Det er såleis vurdert at endringsforslaga heller ikkje krev eigen høyringsrunde blant desse.

- 2 - Nissedal kommune

Plankartet Punkta 1 og 2 i søknaden kjem i all hovudsak som fylgje av ei omlegging/forlenging av turvegen (TV1), og støtter opp under målsetjinga med denne. Punkt 3 omhandlar tomteinndelinga i felt H7 (9 nye tomter) med tilhøyrande køyrevegar (K13- 14). Eit forslag til tomteinndeling i H7 måtte kome, ut frå kravet i gjeldande reguleringsplan. Forslaget bryt ikkje med det som er utvikla i dei andre felta, og er difor som venta. Punkt 4 tek opp til formalisering ei grensejustering mellom tomtene 6, 7 og 12 i H1-feltet på bakgrunn av korleis oppført hytte er plassert på tomt 7. Grensa for tomt 8 i H1 er også justert for å oppnå betre hytteplassering på denne tomta. Det er ikkje merknader til desse endringane, utover at dei burde ha vore fanga opp alt ved planrevisjonen i 2014. Punkt 5 tek opp ei flytting av VAR3, ca 100 m mot sør/aust. Grunngjevinga er ei betre tilpassing til tomtene i H7-feltet. Det er ingen merknader til denne justeringa.

Planføresegnene Punkt 6 ber om at oppdaterte føresegner også må omtale vegane K13-14 i § 6.1. Dette vil kome som fylgje av å vedta punkt 3. I punkt 7 blir det føreslått å endre føresegn (§§ 5.1 og 5.2) slik at det kan setjast opp garasjebygg/bod utanfor fastsett byggegrense mot køyreareal, men på vilkår om at dette ikkje hindrar sikt i avkøyringar. Parallelt med veg kan garasje ligge 1 m frå føremålsgrense, med port ut mot veg må den plasserast 5 meter frå føremålsgrense. Kommunen har funne det krevjande å handheve gjeldande byggegrense i planen, 4 m frå føremålsgrense/eigedomsgrense. Også saksbehandlar har difor føreslått ei endring her. Når lova generelt opnar for at garasje etc. kan plasserast minimum 1 m frå nabogrense, bør dette også gjenspeglast i planen. Til nå har planen halde 4 m som minsteavstand også for slike bygg. Forslaget er ikkje blitt heilt som kommunen tenkte, men både omsynet kommunen bad om, og det som ligg i forslaget, bør vere dekt i ei føresegn der §5.1 og §5.2 blir slått saman, og der dei to fyrste linene i høvesvis punkt (b) og punkt (c) blir endra til nytt punkt (b) med denne ordlyden:

Fritidsbolig skal plasseres innenfor byggegrensen som er vist på plankartet, minst 4 m fra vist formålsgrense/tomtegrense – mot vegformål skal avstanden være slik byggegrensen mot midtlinje veg tilsier. Uthus/anneks (garasje) skal plasseres minst 1 m fra formålsgrense/tomtegrense – mot vegformål skal uthus/anneks ikke hindre sikt i avkjørsler. Legges garasjen parallelt med vei, kan den ligge 1 m fra formålsgrense, med port ut mot vei økes avstanden til minimum 5 m.

Rådmannen si tilråding: Formannskapet godkjenner i medhald av pbl §12-14 mindre endringar av reguleringsplanen Fossøy, slik det går fram av søknaden, med tillegg av justert samanslått føresegn §§ 5.1 og 5.2, jf. ny ordlyd sitert i saksframstillinga over.

Saksprotokoll i Formannskapet - 30.09.2015

Behandling i møtet: Rådmannen si tilråding vart samrøystes vedteke.

Vedtak: Formannskapet godkjenner i medhald av pbl §12-14 mindre endringar av reguleringsplanen Fossøy, slik det går fram av søknaden, med tillegg av justert samanslått føresegn §§ 5.1 og 5.2, jf. ny ordlyd sitert i saksframstillinga over.

- 3 -