Saksdokument Til Vest-Telemarktinget 8. Desember
Total Page：16
File Type：pdf, Size：1020Kb
Fyresdal Kviteseid Nissedal Seljord Tokke Vinje INNKALLING TIL TINGMØTE Til: Tingmedlemmar Dato: Tysdag 8. desember 2020 kl. 10.00. Stad: Straand Hotel, Vrådal I tråd med vedtektene blir det no kalla inn til møte i Vest-Telemarktinget. Det blir enkel servering frå kl. 09.30. Møtet startar med tingsaker før ein går over til orienteringssaker. Ein gjer merksam på at det til sak 08/2020 Framlegg til budsjett 2021 er det i tillegg til budsjettdokumentet 2 vedlegg; 1) Bakgrunnsinformasjon om garantibehovet på kr. 900.000,- til USN og 2) Statusoppdatering av bygningsvernsenter. Orienteringar: Dagleg leiar Pål Kårbø i E-134 Haukelivegen AS vil fortelje om arbeidet som no blir gjort i Haukelivegen og Kjell Solheim frå Vegforum Øst-Vest vil gi ei kort orientering om Vegforum sitt arbeid. I regi av Vest-Telemarkrådet har Vest-Telemarkkommunane gått saman om å utarbeide ein felles klimaplan for regionen. Det er nedsett ei eiga referansegruppe for arbeidet der Natur- og miljørådgjevar i Seljord kommune Torunn Raftevold Rue er leiar. Bygdefrilanser Silje Hegg og Miljø- og utmarkskonsulent i Kviteseid kommune Audun Aasmundtveit er leigd inn for å skrive sjølve planen. Dei vil presentere arbeidet som er gjort så langt. Varaordførar i Tokke og medlem av referansegruppa vil innleie med presentasjonen Berekraft og motkraft. Lunsj blir servert kl. 11.30. Vi ynskjer velkomen til Straand Hotel! Venleg helsing Vest-Telemarkrådet, Jarand Felland, regionordførar Anne Aasmundtveit, regionrådleiar Vest-Telemarkrådet | Kviteseidgata 18, 3850 Kviteseid | www.vt-radet.no | [email protected] | Tlf. 402 38178 SAKLISTE Vest-Telemarktinget Møte 8. desember 2020 04/2020 Opprop 05/2020 Godkjenning av innkalling og sakliste 06/2020 Val av 1 person til å skrive under protokollen i lag med regionordførar 07/2020 Småbruksprosjektet 08/2020 Framlegg til budsjett 2021 for Vest-Telemarkrådet 09/2020 Høyringsuttale til NOU 2020:12 Næringslivets betydning for levende og bærekraftige lokalsamfunn (distriktsnæringsutvalget) 10/2020 Orienteringar 1. Dagleg leiar Pål Kårbø i E-134 Haukelivegen AS og Kjell Solheim i Vegforum Øst-Vest orienterar 2. Felles klimaplan i Vest-Telemark i. Benedikte Nes – Berekraft og motkraft ii. Torunn Raftevold Rue, Silje Hegg og Audun Aasmundtveit – presentasjon av klimaplanarbeidet Vest-Telemarkrådet | Kviteseidgata 18, 3850 Kviteseid | www.vt-radet.no | [email protected] | Tlf. 402 38178 Vest-Telemarktinget Møte 8. desember 2020 Sak 07/2020 Småbruksprosjekt Bakgrunn Arbeidsprogram 2020-2021 for Vest-Telemarkrådet slår fast at eitt av hovudmåla er å Auke folketalet og skape fleire arbeidsplassar. Som eit konkret tiltak er det vedteke at rådet skal Initiere eit nytt småbruksprosjekt der ein nyttar erfaringane frå prosjektet som vart avslutta i 2004. Det fyrste småbruksprosjektet Småbruksprosjektet omfatta kommunane i Vest-Telemark og Drangedal, Tinn og Hjartdal. Finansieringa kom frå regjeringa v/Kommunal- og regionaldepartementet og Fylkesmannen, i tillegg vart det nytta midlar frå VTNU/Fellesfondet og bidrag frå dei kommunane som ligg utanfor Vest-Telemark. Prosjektet var organisert gjennom VTNU, med Henry Mæland som prosjektleiar. Prosjektet identifiserte 727 småbruk utan fast busetting. Eigarane blei kontakta i brevs form, og deretter teke kontakt med via telefon og avtale om besøk. Om lag 15 % av eigarane var positive til sal eller utleige. Ved avslutning av prosjektet var det inngått sals- eller leigekontrakt for 120 av bruka, og omlag 300 personar hadde flytt til bruka som var registrert i prosjektet. Det var registrert ytterlegare 100 familiar som ynskjer seg småbruk som buplass. Kontakten med eigarane sette igang mange interne prosessar i eigarfamiliane, som gav resultat etter at prosjektet vart avslutta. Framleis stort potensiale Landbrukseigedomar Med bustad utan Antal eigedomar med bustad busetting (prosent) 2019 2019 2019 Drangedal 460 31,3 144 Tinn 406 21,4 87 Hjartdal 326 21,8 71 Seljord 393 30,8 121 Kviteseid 369 29,3 108 Nissedal 209 37,8 79 Fyresdal 230 32,6 75 Tokke 335 34,0 114 Vinje 480 20,8 100 Det er 896 landbrukseigedomar med bustad utan busetting. Dette omfattar eigedomar som har minst 5 dekar eigd jordbruksareal og/eller minst 25 dekar produktivt skogareal. (Kjelde: SSB) Statistikken seier ikkje noko om standarden på huset, og det kan vere mange grunnar til at ein eigedom ikkje har busetting. Til dømes kan det vere gjeve fritak frå buplikt, eigedomen kan vere veglaus eller avsidesliggande, eigar kan ha oppfylt buplikta og flytta, eller det kan vere ein eigedom som blir drive som ein del av eit større bruk. Dette må ein analysere nøye i samarbeid med den enkelte kommune, før ein kontaktar eigarar av aktuelle bruk. Status no Det har vore viktig å arbeide fram eit godt fundament for å få eit vellukka prosjekt, og det er gjeve orienteringar om framdrifta i kvart rådsmøte. Korona-situasjonen og sjukemelding i administrasjonen har gjort at framdrifta ikkje har vore som planlagt i 2020. Følgande er avklart: - Henry Mæland er tilknytt det nye prosjektet som rådgjevar, og bidreg med viktige erfaringar frå det førre prosjektet og gode råd til kva som er viktig å hugse på og korleis ein bør gå fram. - Alle kommunane som var med sist er positive til å delta inn i det nye prosjektet. - Det er løyvd 50 000,- frå Telemark Utviklingsfond (TUF) til ei forstudie / forprosjektfase der ein kontaktar eigarar i førre prosjekt, analyserer aktuelle eigedomar, utviklar prosjektskisse og -metodikk, utarbeidar informasjonsmateriell og nettløysingar, arrangerer workshop med kommunane og andre aktørar. - Distriktssenteret er svært interessert i å følgje prosjektet, og dei har tilbydd seg å bidra med sine erfaringar og kunnskap undervegs. - Fylkesmannen har utarbeidd lister over landbrukseigedomar, som er mogleg å sortere på dei som har eigarar utanfor kommunane. Saman med statistikken over, er dette eit godt grunnlag for å finne fram til dei eigedomane det er aktuelt å gå vidare med. Organisering og framdrift Det er viktig at forankringa og styringa av prosjektet ligg i Vest-Telemarkrådet, og at bygdeutviklingsbiten er i fokus. Kommunane si rolle er viktig. Dei må ha eigarskap til prosjektet, og vere med og definere arbeidet. Kommunane sit på detaljkunnskapen når det gjeld eigedomane, og må bidra til siling av informasjon og utval av eigedomar. Når kontakt med eigarane er oppretta, må kommunane bidra til å svare på konkrete spørsmål knytt til konsesjon, regulering, regelverk og planverk i den enkelte kommune. Alle kommunar har oppnemnd kontaktpersonar. Det er ynskjeleg at desse fungerer som ei arbeidsgruppe for prosjektet. Erfaringane frå sist tilseier at ein må ha nok tid til å gjennomføre eit prosjekt. I tillegg til at det er mange eigedomar å følgje opp, der ein må ha kjennskap til ulike typar regelverk både på nasjonalt og lokalt nivå, er dette for mange eigarar ei modningssak det er knytt tidvis sterke kjensler til. Prosjektet må gå fram på ein skånsam og respektfull måte, og kunne fylgje opp eigarane på ein profesjonell måte. Å skulle starte arbeidet med å sende ut opptil 896 brev er lite føremålstenleg. Det er difor ynskjeleg å starte med eit mindre antal bruk i 2 pilotkommunar. Dette vil gje to fordelar: a) Tilpassing og finsliping av metodikken og eit betre grunnlag for å vurdere kva kompetanse som trengs i hovudprosjektet. b) Eit betre grunnlag for å vurdere framdrift og arbeidsmengde og dermed budsjettunderlag for hovudprosjektet. I framlegg til budsjett er det sett av 140 000,- i 2021 (eigne midlar + 50 000,- i tilskot forstudie/forprosjekt TUF). Dette inneber at prosjektet i fyrste omgang blir drifta av eksisterande personalressursar i Vest-Telemarkrådet, med noko innleigd bistand. Eventuelle løyvingar utover dette vil ein måtte kome attende til på eigna måte, når ein har avklart eventuell ekstern finansiering, kommunale bidrag og gjort seg erfaringar med arbeidsmengda i pilotkommunane. 2020 2021 2022 - Forstudiefase - Forprosjektfase (Driftsfase som i 2021) - Sluttføre kontakt med - Gjennomføre dei eigedomane som workshop med var med i prosjektet kommunane. sist - Arbeid med 2 - Utvikling av pilotkommunar (med prosjektskisse og tiltak som i driftsfase metodikk og under) Haust/vinter 2022: - Utvikle - Avklare og sikre - Avslutning av informasjonsmateriell, finansiering prosjekt, inkludert nettressursar og evaluering og kontaktskjema/malar - Driftsfase rapportering på - Arbeid med alle resultat. Eit viktig kommunane. spørsmål er korleis ein - Kontakte og følgje videreførar arbeidet opp eigarar slik at ein har eit - Mobilisere apparat for dette etter interessentar som prosjektperioda. ynskjer å busetje seg på eigedomane, og følgje opp desse - Marknadsføre eigedomane Framlegg til vedtak: Vest-Telemarktinget sluttar seg til organisering og framdrift for småbruksprosjektet, slik det er skissert i saksframlegget. Vest-Telemarkrådet Møte 8. desember 2020 Sak 08/2020 Framlegg til budsjett 2021 for Vest-Telemarkrådet I tråd med etablerte økonomirutinar leggast sak med framlegg til budsjett for komande år fram for Vest-Telemarkrådet, for endeleg handsaming i Vest-Telemarktinget 8. desember 2021. Budsjettet til Vest-Telemarkrådet er basert på kostnader knytt til drift av faste administrative oppgåver, driftskostnader for fellestenesta StartOpp og tiltak i regi av næringskollegiet, medfinansiering av Vest-Telemarkkonferansen, samt gjennomføring av fellesprosjekta digitalisering og velferdsteknologi. Finansiering Driftsbudsjett har ei delt finansiering mellom kommunane i Vest-Telemark og Telemark Utviklingsfond (TUF), der kvar part finansierer