Løyve Til Oppsetting Av Grindanlegg På Salteplassar - Hardangervidda Nasjonalpark
Total Page：16
File Type：pdf, Size：1020Kb
Vår dato: Vår ref: 21.05.2021 2021/6952 Dykkar dato: Dykkar ref: 04.05.2021 Mattilsynet Saksbehandlar, innvalstelefon Postboks 383 Øistein Aasland, 5557 2322 2381 BRUMUNDDAL Løyve til oppsetting av grindanlegg på salteplassar - Hardangervidda nasjonalpark Statsforvaltaren i Vestland gir Mattilsynet løyve til oppsetting av grindanlegg kring salteplassar i Hardangervidda nasjonalpark. Dette løyve gjeld for dei 23 salteplassane som ligg i Vestland. Løyve er heimla i § 48 i naturmangfaldlova. Det kan mellomlagrast grinder og anna utstyr i området ved Byen i enden av Tinnhølvegen medan arbeidet med oppsetting av grindanlegg går føre seg. Motorferdsel/helikoptertransport for å få grindene ut i terrenget og for tilsyn av desse grindanlegga må avklarast med Tilsynsutvala for Hardangervidda nasjonalpark. Det er sett vilkår til løyvet. Vi viser til søknad frå Mattilsynet, datert den 4. mai 2021. Bakgrunn Mattilsynet søkjer om unntak frå § 4.1.1 i Forskrift om vern for Hardangervidda nasjonalpark for å setje opp grindanlegg kring salteplassar i nasjonalparken som har vore i bruk eit eller fleire år i perioden 2015-2020. Søknaden omfattar 23 salteplassar i Vestland, 20 i Viken og 2 i Vestfold- Telemark som det er planlagt å setje opp grindanlegg på i 2021. Inngjerding av tidlegare nytta salteplassar er ein viktig del av tiltaka for å halde nede CWD på Hardangervidda. Inngjerdinga utførast på same måte som tidlegare er nytta i Nordfjella, ved at det vert sett opp grindanlegg kring kvar salteplass. Grindanlegga byggjast av prefabrikkerte metallgrinder som er 2 meter breie og 1,9 meter høge. Storleiken på kvart grindanlegg vil variere avhengig av storleiken på det området som vurderast som påverka av vegetasjonsslitasje og salt. I gjennomsnitt planlegg Mattilsynet å nytte 12 grinder i kvart anlegg. Grindene vert festa saman med nylonstropper. Grindanlegga må forankrast i bakken og dei må bardunerast. Det er planlagt minst 1 forankring pr 3 grinder og minst 4 barduner pr. grindanlegg. Forankring og bardunering er naudsynt E-postadresse: Postadresse: Besøksadresse: Telefon: 57 64 30 00 [email protected] Njøsavegen 2 Njøsavegen 2, Leikanger www.statsforvaltaren.no/vl Sikker melding: 6863 Leikanger Statens hus, Kaigaten 9, Bergen www.statsforvaltaren.no/melding Fjellvegen 11, Førde Org.nr. 974 760 665 Side: 2/4 for å sikre at anlegga står stabilt. Innfesting i grunnen er skildra og avbilda i søknaden, datert 4. mai 2021. Føremålet med grindanlegga er å hindre at hjortevilt får tilgang til området kring desse salteplassane der det vil være salt i grunnen og samtidig er risiko for CWD-smitte. Oppsetting av grindanlegg er planlagt gjennomført i perioden 15. juni til 10. august 2021. Innflyging av grinder, anna utstyr og personell til grindanlegga i Viken er planlagt frå Tinnhølvegen som ligg i Vestland. Dette vil gje kortast transport i nasjonalparken. Mattilsynet ynskjer å få tilvist ein plass for mellomlagring av grinder og flybensin medan arbeidet med oppsetting av grinder går føre seg. Dei ynskjer ein lagringsplass i området Byen i enden av Tinnhølvegen. Dei har fått løyve frå Statskog til dette, på vilkår av at vernestyresmakta kan godkjenne dette. Statsforvaltaren si vurdering Innanfor Hardangervidda nasjonalpark er det i utgangspunktet forbod mot oppføring av alle varige eller mellombelse innretningar eller anlegg (jf. § 4.1.1 i verneforskrifta). Det er i forskrifta gitt opning for at «naudsynt inngjerding av samlekve» (§ 4.1.2) er tillate utan søknad, men Statsforvaltaren meiner at dei omsøkte inngjerdingane av salteplassane ikkje ligg innanfor denne paragrafen. Difor må søknaden handsamast etter § 48 i naturmangfaldlova. Tiltak som på sikt vil kunne stoppe utbreiing av skrantesjuke vil være positivt for villreinen. Det vil være av vesentleg samfunnsinteresse, og på sikt være positivt for hjorteviltbestandane å hindre vidare smitte av skrantesjuke. Grindanlegga sine eventuelle negative fylgjer for verneverdiane vil være av tidsavgrensa karakter. Etter Statsforvaltaren si vurdering vil ikkje vedtaket stride mot verneforskrifta sitt føremål og ikkje påverke verneverdiane nemnande. Oppsetting av grindanlegg kring salteplassar innanfor Hardangervidda villreinområde vil være ein viktig del av arbeidet med å nedkjempe skrantesjuka. Grindanlegga vil være av mellombels karakter, og for så vidt små tiltak, som ikkje vil påverke landskap og verneverdiane i nasjonalparken for mykje. Statsforvaltaren meiner difor at desse grindanlegga kan setjast opp innanfor Hardangervidda nasjonalpark. Den største verknaden på verneverdiane vil være den uroinga som helikoptertransporten inn og ut vil skape. Denne motorferdsla er det Tilsynsutvala som handterer - gjennom handsaming etter verneforskrifta. Prinsippa i naturmangfaldlova §§ 8-12 skal ligge til grunn som retningsliner ved utøving av offentleg mynde. Statsforvaltaren meiner vi har eit godt kunnskapsgrunnlag (§ 8) for å handsame denne saka – gjennom søknaden og elles møte om temaet. Det vil være motorferdsla som vil utgjere den største uroinga for dyrelivet, men dette vert handsama i motorferdselssøknaden. Arbeidet med oppsetting og planlegging av motorferdsla vil bli utført av og i samråd med fagfolk som har god kunnskap om dyrelivet og villreinbestanden i området, og kvar einskild lokalitet vert berre uroa i ein kort tidsperiode. Statsforvaltaren meiner difor dette som godt ivaretatt. Ut frå dette vil føre-var-prinsippet i § 9 få mindre tyding. § 10 økosystemtilnærming og samla belastning. Dette prinsippet er viktig for den totale belastninga frå uroing og motorferdsel i verneområdet. Vi har vurdert den samla belastninga av motorferdsel og forstyrringar i dag til å være akseptabel i høve til verneføremålet. Gjerdene som vert satt opp vil dekkje eit lite område, og vil ikkje utgjere nokon barriere for dyr og fuglar i området. Side: 3/4 Etter alt å døme vil ikkje naturmangfaldet bli råka av vedtaket og det vil nok ikkje være store effektar av løyvet på verdfulle naturtypar og arter, difor legg Statsforvaltaren til grunn at det ikkje er naudsynt å gjere vurderingar etter miljøprinsippa i naturmangfaldlova §§ 11 og 12. Vedtak Statsforvaltaren i Vestland gir Mattilsynet løyve til oppsetting av grindanlegg kring salteplassar i Hardangervidda nasjonalpark. Dette løyve gjeld for dei 23 salteplassane som ligg i Vestland. Dette løyve er heimla i § 48 i Naturmangfaldlova. Det kan mellomlagrast grinder og anna utstyr i området ved Byen i enden av Tinnhølvegen medan arbeidet med oppsetting av grinder går føre seg. Det kan avtalast med Eidfjord fjellstyre kor denne mellombelse lagerplassen kan etablerast. Motorferdsel/helikoptertransport for å få grindene ut i terrenget og for tilsyn av desse grindanlegga må avklarast med Tilsynsutvala for Hardangervidda nasjonalpark. Vilkår for løyvet: Arbeidet kan utførast i perioden 15. juni til 10. august 2021. Grindanlegga kan bli ståande så lenge det er naudsynt i forhold til smittesituasjonen kring skrantesjuka. Etter endt tid, må alt utstyr som er brukt til grindanlegga takast ned og fraktast ut av nasjonalparken. Oppsetting av grindanlegg og kva for salteplassar som skal inngjerdast, skal være i tråd med Mattilsynet sin søknad datert 4. mai 2021. Mattilsynet er sjølv ansvarleg for at innhegningane fungerer slik dei skal, og at innhegningane ikkje er ein fare for dyrevelferda til beitedyr og ville arter. Det skal utførast tilsyn med innhegningane – både i og utanfor beitesesongen. Alle grindanlegga må merkast med kontaktinformasjon til Mattilsynet. All motorferdsel må avklarast med Tilsynsutvalet i det respektive fylke det skal flygast og landast i. Vedtaket kan påklagast til Miljødirektoratet av part i saka eller andre med rettsleg klageinteresse, jf. forvaltningslova § 28. Klagefrist er 3 veker etter at ein er gjort kjent med vedtaket. Klaga skal stilast til Miljødirektoratet, men skal sendast til Statsforvaltaren i Vestland. Med helsing Stein Byrkjeland Øistein Aasland fagdirektør seniorrådgjevar Dokumentet er elektronisk godkjent Kopi til: Ullensvang kommune Eidfjord kommune Eidfjord fjellstyre Statskog SF Tilsynsutvalet i Vestland - for Hardangervidda nasjonalpark Villreinnemnda for Hardangerviddaområdet Vestland fylkeskommune Side: 4/4 SNO-Rosendal SNO-Rødberg Statsforvalteren i Oslo og Viken Statsforvaltaren i Vestfold og Telemark Miljødirektoratet .