Republika E Kosovës Republika Kosovo - Republic of Kosovo Kuvendi - Skupština - Assembly
Total Page：16
File Type：pdf, Size：1020Kb
Republika e Kosovës Republika Kosovo - Republic of Kosovo Kuvendi - Skupština - Assembly T R A N S K R I P T I MBLEDHJES PLENARE TË KUVENDIT TË REPUBLIKËS SË KOSOVËS, E MBAJTUR MË 12 DHE 13 SHKURT 2015 SA PLENARNE SEDNICE SKUPŠTINE REPUBLIKE KOSOVA, ODRŽANE 12. I 13. FEBRUARA 2015. GODINE SHKURT - FEBRUAR 2015 Rendi i ditës 1. Koha për deklarime jashtë rendit të ditës, 2. Koha për pyetje parlamentare, 3. Miratimi i procesverbalit nga seanca e mëparshme, 4. Propozim-programi i punës së Kuvendit për vitin 2015, 5. Shqyrtimi i parë i Projektligjit nr. 05/L-09 për ndryshimin dhe plotësimin e Ligjit nr. 03/L-087 për ndërmarrjet publike, 6. Propozimi për emërimin e anëtarëve të Këshillit Drejtues të Institutit Gjyqësor të Kosovës, 7. Propozimi i grupeve parlamentare për zëvendësimin e anëtarëve në komisionet parlamentare. Dnevni red 1. Vreme za deklarisanja izvan dnevnog reda, 2. Vreme za parlamentarna pitanja, 3. Usvajanje Zapisnika sa prethodne sednice, 4. Predlog - Programa rada Skupštine za 2015. godinu, 5. Prvo razmatranje Nacrta zakona br. 05/L-09 o izmeni i dopuni Zakona br. 03/L-087 o javnim preduzećima, 6. Predlog o imenovanju članova Upravnog odbora Sudskog instituta Kosova, 7. Predlog parlamentarnih grupa o zamenjivanju članova u parlamentarne komisije. 2 Mbledhjen e drejtoi kryetari i Kuvendit, z. Kadri Veseli. KRYETARI: Të nderuar deputetë, I nderuar Kabinet qeveritar, I hap punimet e seancës plenare të Kuvendit të Republikës së Kosovës, sipas rendit të ditës, por më lejoni të ju njoftoj se në ndërkohë e kemi marrë një njoftim nga kryeministri i Republikës së Kosovës, i cili paraprakisht e ka bërë një kërkesë për informimin e deputetëve lidhur me takimet e zhvilluara në Bruksel me kryeministrin e Serbisë, Aleksandër Vuçiq. Atëherë, Kryesia e Kuvendit e ka vendosur që në qoftë se kryeministri është i gatshëm për sot të japë informatë, të futet si pikë e rendit të ditës. Kisha dëshiruar që ta kemi të paktën një votim formal dhe cila pikë e rendit të ditës të jetë. Pikat, në fakt, të rendit të ditës, të cilat i keni ju para jush: 1. Koha për deklarime jashtë rendit të ditës; 2. Koha për pyetje parlamentare, a jeni të pajtimit që kjo të jetë pika e tretë e rendit të ditës? Visar, të lutem! VISAR YMERI: Faleminderit! Ne kur kemi diskutuar në mbledhjen e Kryesisë kemi qenë në një situatë tjetër prej kësaj në të cilën jemi sot. Dhe, në këtë drejtim mendoj që raportimi natyrisht duhet bërë, si të vendosë seanca. Mirëpo, është e domosdoshme që së pari ta kemi marrëveshjen e parafuar, apo të nënshkruar para se ta nisim diskutimin, sepse tash po flasim për një dokument, i cili është nënshkruar në Bruksel, dhe si i tillë duhet të diskutohet në Kuvend, e jo vetëm fjala e kryeministrit. Ajo marrëveshje, me sa e kam parë unë, nuk u është shpërndarë deputetëve, e pa atë nuk kemi material të diskutimit. Pra, ta bëjmë raportimin ashtu siç duhet, e jo vetëm kështu të flasim me ‘më tha ai, më tha ky’. KRYETARI: Faleminderit! Unë besoj që kur të vijë kryeministri edhe na njofton, edhe na e sjell marrëveshjen. Ta presim kryeministrin këtu të vijë. Vetëm kërkoj falje, jo pika e tretë e rendit të ditës, por pika e katërt e rendit të ditës. A e aprovojmë pikën e katërt të rendit të ditës? Ju lutem, me ngritje dore, kush është për? A ka kundër? Abstenim? Atëherë me shumicë votash e miratojmë si pikë të katërt të rendit të ditës - Informimi i kryeministrit të Republikës së Kosovës, Isa Mustafa, për takimin e zhvilluar me kryeministrin e Serbisë, Aleksandër Vuçiq. Faleminderit! Fillojmë me pikën e parë: 3 1. Koha për deklarime jashtë rendit të ditës Koha për deklarime jashtë rendit të ditës është e kufizuar deri në 30 minuta. Ju kisha kërkuar që këtë herë të shkojmë me 30 minuta, e nuk do të ketë vazhdim. Diskutimi në emër të grupit parlamentar zgjat deri në pesë minuta, ndërsa diskutimi i deputetit deri në 3 minuta. Deputetët e paraqitur për diskutim duhet të deklarohen se në çfarë cilësie e kërkojnë fjalën. Paraprakisht e ka kërkuar fjalën Agim Çeku, në emër të Grupit Parlamentar të Partisë Demokratike të Kosovës. AGIM ÇEKU: I nderuar kryetar, Kabinet qeveritar, Të nderuar deputetë, Jam këtu sot në cilësinë e kryetarit të Komisionit Qeveritar për Verifikimin e Veteranëve dhe desha ta shfrytëzoj këtë rast që të ju informoj për ecurinë e procesit. Keni pa që komisioni është në përfundim të punës së vet, një punë e stërzgjatur, komplekse, por që më në fund jemi duke e përmbyllur këtë proces. Dje ka filluar publikimi i listave fillestare në Zonën Operative të Llapit dhe të Karadakut, e do të vazhdojmë kështu që deri më 20 shkurt t’i publikojmë të gjitha listat fillestare. Po e cek, fillestare. Ka pasur reagime edhe ndaj meje si kryetar Komisioni, bile edhe fyerje, dhe për atë arsye dua ta sqaroj se kjo çka është publikuar dhe do të publikohet në ditët në vazhdim janë listat fillestare. Verifikimin e parë fillestar e kanë bërë komandantët e drejtpërdrejtë të çdo aplikuesi nëpër zona, nga komandanti i zonës, komandantët e brigadës, komandantët e batalioneve, të kompanive deri te komandant togu, dhe këto lista fillestarë janë të nënshkruara nga komandantët. Në këtë proces, komisioni ka qenë menaxhues i krejt këtij procesi. Dhe, tani ka reagime të ndryshme. Nuk i kemi përjashtuar asnjëherë reagimet, ankesat dhe disa sqarime shtesë dua t’i jap: Nuk domethanë që një veteran i Zonës Operative të Llapit nuk e ka parë emrin fare në asnjë kategori, që i ka humbur aplikacioni, apo që s’është paraparë. Mund të ndodhë që kur i kanë bërë sistemimet e aplikacioneve, një veteran, në qoftë se ka ndryshuar njësitë, për shembull, ka qenë një kohë në Zonën Operative të Llapit, por pastaj është riangazhuar në Brigadën 138, në Betejën e Koshares apo të Pashtrikut, mund të ndodhë që aplikacioni i tij është në një zonë tjetër, në një njësi tjetër. Kështu që nuk duhet të ngutemi me reagime. Këto janë listat fillestare. Pastaj, janë tri shkallë të verifikimit. Në shkallën e dytë duhet të ankohet secili aplikues që nuk është i kënaqur me statusin e vet, ka të drejtë dhe e ftoj që të ankohet në komision. Komisioni e ka formua Komisionin e Apelit dhe do ta shqyrtojë, jo më komandantët e tyre, por do të ballafaqohen anëtarët e zonave të ndryshme të komisionit që ta trajtojnë çdo ankesë dhe pastaj pas trajtimit të çdo ankese del lista përfundimtare e nënshkruar nga Komisioni Qeveritar. 4 Dhe, në shkallën e tretë, në qoftë se prapë dikush nuk është i kënaqur me statusin e vet, atëherë duhet t’i drejtohet gjykatës, dhe gjykata është ajo që vendos. Gjykata në qoftë se e vlerëson se ai që është ankuar është i dëmtuar, atëherë komandanti që e ka caktuar një status të gabuar mban përgjegjësinë penale e juridike. Kështu që i ftoj veteranët, qytetarët, që të presin deri në përmbylljen e procesit, ta shohin kur të publikohen të gjitha listat e të gjitha zonave, të të gjitha njësive të Shtabit të Përgjithshëm, i kanë 30 ditë ankesë dhe mund të ankohet çdokush, dhe i ftoj qytetarët të ankohen. Në qoftë se qytetarët e shohin një bashkëfshatar të tyre, një bashkëvendës të tyre, që i është caktuar një status dhe ata mendojnë që ai nuk e meriton një status të tillë, duhet të ankohen. Kështu që nuk kanë të drejtë ankese vetëm ata që kanë aplikuar, por secili qytetar i Kosovës ka të drejtë ankese, në qoftë se mendon që dikujt i është dhënë një status të cilin nuk e meriton. Kështu që nuk është proces i përfunduar tërësisht. Ka vend, ka hapësirë që të përmirësohen gabimet. Nuk i përjashtojmë gabimet si komision. Është listë fillestare dhe i ftoj të gjithë që me gjakftohtësi të qasen, t’i shtrojnë argumentet shtesë në komisionit, dhe komisioni me seriozitetin më të madh siç kemi punuar deri më tash do ta trajtojë çdo ankesë, në mënyrë që lista përfundimtare të jetë vërtet ajo e cila duhet të jetë. Faleminderit! KRYETARI: Faleminderit! Atëherë, do të shkoj në bazë të partive politike, por në qoftë se do dikush prej grupit parlamentar, për shembull nga Lidhja Demokratike e Kosovës, është lajmëruar Njomza Emini, në bazë të radhitjes, Doruntina Maloku-Kastrati, Veton Berisha. Nga deputetët, atëherë Njomza Emini e ka fjalën. NJOMZA EMINI: I nderuar kryetar i Kuvendit, zoti Kadri Veseli, Kabinet qeveritar, Ju kolegë deputetë, Para se të filloj, kërkoj vëmendje, nëse mundeni! KRYETARI: A ka mundësi pak qetësi, ju lutem! NJOMZA EMINI: Faleminderit! Duke marrë shkas nga numri gjithherë në rritje i qytetarëve tanë që kërkojnë trajtim shëndetësor jashtë vendit, e kam përcjellë me vëmendje të veçantë numrin e madh të qytetarëve tanë dhe gjendjen e tyre, që në pamundësi për t’i siguruar mjetet financiare t’i mbulojnë veç shpenzimet e trajtimeve mjekësore. Ata dhe qytetarët tjerë po organizojnë aktivitete të ndryshme humanitare që të mblidhen mjete financiare për trajtimin e qytetarëve tanë, në të cilat aktivitete përkrahje të veçantë po afrojnë edhe kompanitë telefonike, si ajo Vala. 5 Po ashtu, edhe në bazë të kërkesave të qytetarëve tanë në Ministrinë e Shëndetësisë, e dimë që brenda mundësive buxhetore dhe kornizës ligjore në fuqi, ajo e ka përkrahur këtë kategori, duke i mundësuar që sadopak t’ia zbusë barrën financiare për trajtimin komplet mjekësor në shtetet e caktuara. Konsideroj se në Udhëzimin Administrativ numër 10/2013 për trajtimin shëndetësor jashtë institucioneve publike, neni 10, ku flitet për Bordin Ekzekutiv; pika 6, ku flitet për kompensim financiar të pacientëve deri në 30 mijë euro, do t’i sugjeroja ministrit të Shëndetësisë që brenda mundësive buxhetore ta rrisë kufirin e përkrahjes së pacientëve deri në 50 mijë euro për qytetarët në nevojë.