Konfirmantplan for Skodje, Stordal og Ørskog sokn. Dei tre sokna har konfirmantarbeid kvar for seg, men sidan dei har felles kateket og er saman om fleire av tiltaka vert det laga ein felles plan. Denne planen er ein eigen plan, men er også integrert i den lokale planen for trusopplæring. Undervisningsstader er primært: Skodje, i kyrkja Stordal, i kyrkja (evt. på bedehuset) Ørskog, på Kyrkjetorget (av og til i kyrkja) Ramma for konfirmasjonstida skal være minimum 60 timar. Meir om dette i sjølve planen. Konfirmantåret startar opp i september, og varer til konfirmasjonen i mai. Ansvar for planlegging og gjennomføring av konfirmantåret har kateketen. Sokneprest, diakon, andre tilsette og frivillige tek også del i gjennomføringa. Invitasjon til konfirmantåret vert sendt ut som eit brev like etter at konfirmasjonane er gjennomført. Denne sendast som eit brev til alle medlemmar og tilhørande, samt at det vert gjort kjent med avisannonse i dei aktuelle lokalavisene og på heimesida til kyrkjelydene. Påmelding: Denne skjer gjennom Internett, men i den skriftlege invitasjonen vert det opna for å nytt anna påmelding enn på nettet ved å vende seg til kyrkjekontoret og få innmeldingsskjema, eller på anna måte assistert påmelding. Kjernetiltak: Gudstenester, undervisning, tur, oppleving, diakoni og andaktsliv er sentrale arbeidsformer som konfirmantopplegget vårt er bygd rundt. Tilrettelegging: Kyrkjelydane ønskjer å gje tilbod om konfirmantundervisning til alle døypte, uansett funksjonsdyktigheit. Ved behov for ei eventuell tilrettelegging vil skje som eit tverfagleg samarbeid, sjølvsagt i nært samarbeid med heim og eventuelle andre gode hjelparar. Gruppeorganisering: Gruppeundervisninga av konfirmantane skjer vanlegvis ved at vi nytter dei klassane dei er plassert i på skulane. Dette gjer at vi oftast har tre på Skodje og ein i Stordal og i ein klasse Ørskog. Å kunne tilby mindre klassar kunne vore ønskjeleg, men er eit spørsmål om ressursar. Kontakt: Kontakta med heimen skjer i all vesentlig grad via mail til føresette, og med sms til konfirmantane. Viktige brev vert endt med post til dei som ikkje nyttar mail. Alle sms som er sendt til konfirmantane vert sendt kopi av som ein mail heim, slik at dei til ei kvar tid er informert om kontakta vi har med konfirmantane. Konfirmantane får ein sms i god tid før undervisningar og samlingar med ei påminning med eventuelle lekser som skal lesast, informasjon om oppmøte og anna nødvendig informasjon. Kyrkjelyden. Det er kyrkja og kyrkjelyden sine konfirmantar, og skal ein oppnå det som er målesttinga for konfirmantarbeidet så må kyrkjelyden ha eit eigarforhold til konfirmasjonstida og konfirmantane.. Det at konfirmantar har teneste kvar gudsteneste gjer at kyrkjelyden er nær konfirmantane, og konfirmantane nær dei. Vi har også eit ønskje om at alle konfirmantane skal kunne ha ein eigen forbedar gjennom konfirmantåret. Det gjer nokke med den som veit at det i år er ein som ber for meg, og det gjer like mykje med den som ber. Dette er ikkje lett å få til, og å administrerer, men er eit mål vi vil strekkje oss etter. Målet for konfirmasjonstida. Målet for konfirmasjonstida er å vekkje og styrkje trua som vart gitt i dåpen, slik at dei unge kan leve i forsaking og tru, tilbeding og teneste som Jesu Kristi disiplar i heim, kyrkjelyd og samfunn. Men målet er også å gje kunnskap om den kristne tru, kristne kultur og kyrkje både lokalt, men også om den verdensvide kyrkja. Når konfirmantåret er omme skal dei kunne Herrens bøn, truvedkjenninga, den vesle bibel, og kjenne dei ti boda. Vi ønskjer også å involvere føresette til å ta del i nokre av arbeidet, men også å arrangere nokke særleg for dei. Meir om dette. Innhaldet i Konfirmantplanen: Gudstenester; I konfirmasjonstida skal konfirmantane vere med på minst åtte gudstenester. Dei særskilde gudstenestene som er knytte til konfirmasjonstida er; gudsteneste med presentasjon, lysmesse, samtalegudsteneste og konfirmasjonsgudsteneste med forbønn for kvar konfirmant. Alle konfirmantane skal også ha «minestrantteneste» i ei gudsteneste. Denne vert fordelt og administrert av sokneprestane. Når konfirmantane er med i ei gudsteneste dei ikkje har teneste og oppgåve i, skriv dei opp frammøte og litt om gudstenesta på eit ark som dei leverer når dei går heim. Om dei deltek i gudsteneste anna stad får kateketen melding om det frå føresette, eller ved at konfirmantane leverer eit skjema dei får der. Konfirmantanes sjølv må syte for å få eit registreringsskjema. Når konfirmantane er til kyrkje sit dei i fremste halvdel av kyrkja, med mobilen slått av. Undervisningssamvær: Desse er vanlegvis rett etter skuletid, varer 2 timer og vert starta ved at konfirmantane får til lite måltid, fortrinnsvis eit brødmåltid når dei kjem til kyrkja. Måltidet har ein funksjon av å gjere nokke kjekt, dei er trøyte etter sin skuledag og treng nokke både for blodsukkeret og motivasjonen. Kateketen har dei fleste undervisningssamværa, men sokneprest og diakon har minimum ein runde kvar med konfirmantane i konfirmantåret. Kvart undervisningssamvær slutter med at vi har ein lysglobeliturgi. Det er ei samling omkring lysgloben med truvedkjenning, Herrens bøn, bøn, skriftlesing, lystenning og velsigning. Lysglobeliturgien er med på alle samlingane som det er mogleg å gjennomføre den på. Alle samlingar nytter vi Bibelen, i tillegg til konfirmantboka. Ein forsøker også å lese/ gjenfortelle ei forteljing, eller eit stykke frå Bibelen til kvar konfirmanttime for å auke bibelkjennskapen. Konfirmantboka er for tida Con Diaos. Tematisk for samlingane: 1. samling. Før gudstenesta der konfirmantane vert presentert for kyrkjelyden og bedt for som ei gruppe. Da får dei informasjon om konfirmantåret, det er vårt første møte med dei så vi går igjennom konfirmantåret, snakkar om forventningar og plikter, vi presiserer reglene dei har skrive under på kontrakt at dei vil halde, vi svarer på spørsmål dei måtte ha, utfordre foreldra til deltaking både i konfirmantåret, og til å være med på gudsteneste. Vidare så går sokneprest igjennom deltaking som minestrantar, dei får delt ut dato for desse. Vi deler ut eit skjema med oppgåver som vi treng at føresette involverer seg i, slik som til tur, konfirmantlaurdag, til roadservice og liknande. Da vert det tidleg muleg å melde frå om kva dei kan delta i. Bibeltekst: Matt.28.16-20 Samlinga slutter med lysglobeliturgi. 2. samling. Undervisning med prest. Kodeknekking. Kva møter vi i gudstenesta, kva betyr dei ulike symbola, kvifor gjer vi det vi gjer, kva er dåp, kven kan gå til nattverd, kva er bordskikk ved alterbordet, kanskje kan ein smake på brød og vin, kva tyder dei talla på tavlene på kyrkjeveggen, kva er dei ulike fargane, kvifor står vi nokre gonger og sit andre gangar, osb. osb. Kodane til gudstenesta er mange, her forsøker vi å knekke nokre av dei. Her kan ein også øve litt på melodiane i liturgien. Bibeltekst: Jes.6.1-8 Samlinga slutter med lysglobeliturgi. 3. samling. Om Gud, skaparen, den som elskar, den som ser osb. Kven er Gud, kan ein tru på han, eigenskaper hos Gud. Her tek vi også opp det vondes problem, med Guds motstander. Fallet, synda og døden er jo bakteppet til neste samling. Bibeltekst: 1. Mos 1-3.24, Skapelsesberetning og syndefallet. Samlinga slutter med lysglobeliturgi. 4. samling. Om inkarnasjonen og julas mysterium. Her nytter vi tida til å undre oss over, og snakke om at jula er høgtida vi feirer at Gud vart menneske. Alle samlingane har ei apologetisk tilnærming der det vert oppmoda til å stille spørsmål, men også til å vere ærleg mot seg sjølv om ein får eit svar. Vårt ønskje er at konfirmantane skal verte klar over at dei har ei tru dei fikk i dåpen, og at denne trua skal vekse. Konfirmantåret er ei unik moglegheit til denne «knoppskytinga». Har vi eit «endringspotensiale»? Bibeltekst Joh 1.1-14, juleevangeliet. Samlinga slutter med lysglobeliturgi. 5. samling. Øving til lysmessa. Førebuing til lysmessa. Ei lysmesse er laga for Ørskog og Stordal, ei anna for Skodje. Desse er det ønske å lage like, og å revidere. 6. samling. Lysmesse. Ei for kvar kyrkjelyd. Lysmessa på Ørskog vert følgt opp med ei stund med bollar og kaffe/kakao. 7. samling. Første samling etter nyttår, om diakoni. Denne er ved diakonen. Temaet er diakoni og vi fortel konfirmantane at det er kyrkja si omsorgsteneste. Diakoni er nestekjærleik, inkluderande fellesskap, vern om skaparverket og kamp for rettferd. Konfirmantane får bli kjend med diakonen.. Konfirmantane får innblikk i dei ulike oppgåvene diakonen har. I vårt område er diakonen også trusopplærar. I tillegg er oppgåvene til diakonen samarbeid med kommunale tilsette innafor helse, sosial, flyktningkonsulentar, kultur. Sorgarbeid, sjelesorgsamtalar, eldrearbeid, fellesskapsarbeid, kontakt med ulike organisasjonar. Forteljinga om den miskunnsame samaritan vert gjerne fortalt og dramatisert i samlinga med konfirmantane. Dei får samanlikne forteljinga med vanskelege situasjonar i ungdomane sin kvardag, og vidare utover til andre medmenneske, lokalt og globalt, slik at dei får ei betre forståing av både ordet neste og Gudskjærleik, som er det berande elementet i diakonien. Mesteparten av samlinga er konfirmantane delt i grupper, og jobbar med drama og teikning/skriving knytt til tema. Bibeltekst: Luk.10,25-37 Samlinga slutter med ei enkel bønevandring, der dei også får skrive bøner og tenne lys. (Evt. lysglobeliturgi) 8. samling. Soning, forsoning, påske og kross. Andre del av undervisninga om Kristus. Her kan ein nytte ein sekvens frå filmen «Løven, heksa og klesskapet» der ein uskyldig sin død for ein skyldig er framifrå skildra. David, Batseba, Urias og profeten Natan, kan ein godt ha som eit bakteppe til denne undervisninga. All synd er synd mot Gud. Bibeltekst: Påskeforteljinga Matt.26.1-28-10. Samlinga slutter med lysglobeliturgi. 9. samling. Og så da? Om eit trusliv på eigne bein. Om dei 4 b-ane, å leve som kristen, om det kristne fellesskapet, kva det er å tru. Bibeltekst: Ap.gj. 2,42, Samlinga slutter med lysglobeliturgi.