Skodje Kommune
Total Page：16
File Type：pdf, Size：1020Kb
Skodje kommune 6260 SKODJE Dykkar ref: Dykkar dato: Vår ref: Vår saksbehandlar: Vår dato: FM: 2005/5108/KJLY/410 Kjell Lyse, 71258426 30.08.2005 - Skodje kommune - kartlegging av biologisk mangfald - prioriterte naturtypar og raudlisteartar Vi viser til mottekne data og våre tidlegare brev om kartlegging av det biologiske mangfaldet i kommunen. Etter vår vurdering har kommunen stått ansvarleg for eit prosjekt der kartleggingsresultatet gir ei god oversikt over naturtypar og enkelte organismegrupper av raudlisteartar i kommunen, men vi ser likevel gjerne at kommunen arbeider vidare med temaet. Det vil i ei slik samanheng vere viktig å innføre gode rutinar for oppdateringar. Oppdatering kan mellom anna vere aktuelt før rulleringa av kommuneplanen sin arealdel. Jf i den samanheng kapitlet i rapporten om behovet for nye undersøkingar. Det vil også vere viktig at den nye kunnskapen blir kjent blant politikarane, kommunale etatar, skular, lag, organisasjonar og ålmenta/gruneigarar. Ikkje minst bør han aktivt nyttast av kommunen i mellom anna saker som gjeld arealbruk og arealplanlegging. Vi vil i den samanheng rå til at kommunen utarbeider eigne rutinar for å ta informasjonen i bruk i mellom anna kommunale planprosessar og i landbruket. Vi meiner at konsulenten har levert eit resultat som både er omfattande og har god fagleg kvalitet, og vi håpar at den nye kunnskapen gjev eit viktig grunnlag for ei praktisk gjennomføring av ”Føre – Var” prinsippet i kommunen og som bidrag til oppfølging av Rio- konvensjonen frå 1992 som forpliktar alle land til å kjenne til og ivareta sitt biologiske mangfald. Når rapporten blir trykt opp, ønskjer vi å få tilsendt 3 eksemplar. Det eine vil vi sende til Direktoratet for naturforvaltning Med den avgrensa økonomiske ramma som både vi og kommunen kunne stille til disposisjon, må ikkje kartlegginga oppfattast som ei endeleg kartlegging av det biologiske mangfaldet i kommunen. Dette er ein første gongs systematisering av eksisterande data supplert med feltarbeid, og er såleis meir starten på ein prosess enn eit sluttprodukt. Det må reknast med at det er fleire område i kommunen som ikkje har blitt kartlagde, men som likevel er av vesentleg verdi for det biologiske mangfaldet. Eit område kan også ha vore undersøkt, men årstida kan til dømes vere avgjerande for kva som vart gjort av viktige funn. Vi ser såleis ei vesentleg fare i at slik kartlegging blir brukt som argument for at Postadresse: Fylkeshuset, 6404 Molde • Besøksadresse: Julsundveien 9 • Telefon 71 25 80 00 • Telefaks: 71 25 85 10 e-post: [email protected] • www.mrfylke.no 2/3 område som er utan data er utan spesielle naturverdiar. Det vil alltid vere behov for nye undersøkingar, suppleringar og nyansering, og ein kan heller ikkje utelukke behov for meir detaljerte avgrensingar av dei område som allereie er kartlagde. Vi vil såleis rå til at område der det er aktuelt med til dømes nye utbyggingar, skogbruksdrift, oppdyrking med vidare blir prioriterte i eit framtidig kartleggingsarbeid. Vi meiner at kartleggingsresultatet mellom anna ikkje kan brukast som det naturfaglege grunnlaget i ei konsekvensvurdering etter regelverket i plan- og bygningslova, men det kan kome til nytte når eit utgreiingsprogram skal utarbeidast. Nye registreringar vil til vanleg også vere aktuelle ved utgreiing av til dømes konsekvensane av vasskraftutbygging med vidare. Jf til dømes rettleiaren frå Noregs vassdrags- og energidirektorat og Direktoratet for naturforvaltning om dokumentasjon av biologisk mangfald ved bygging av småkraftverk. Det er ønskeleg at resultatet blir lagt til grunn for lokalpolitiske prosessar, at det blir gjeve retningsliner for områda og eventuelt at det kjem i gang skjøtsel i til dømes dei registrerte kulturlandskapsområda. Tilskotsordninga for spesielle miljøtiltak i landbruket (SMIL) kan bli eit verkemiddel for å ta vare på det biologiske mangfaldet i slike område. Jf mellom anna heftet frå Møre og Romsdal fylke om overføring av virkemidlar til kommunane og aktuelle tilskotsordningar. Presentasjon på Internett Vi reknar med at kommunen vil legge kartleggingsresultatet inn i sine eigne saksbehandlingssystem, men merk at det allereie er tilgjengeleg på Internett. Informasjon om det biologiske mangfaldet i kommunen er lagt ut på nettet av Direktoratet for naturforvaltning under følgjande nettadresse: http://dnweb5.dirnat.no/nbinnsyn/ Klikk så på Starte Naturbase. Første gang basen blir teken i bruk, vil vi rå til at det blir klikka på ? for å få informasjon om bruken av kart og base. Resultatet av kartleggingsarbeidet i kommunen er lagt ut under ”Prioriterte naturtyper” og ”Artsdata”. Merk at til høgre for kvart datasett er det ein liten blå i. Ved å klikke på den blir det gitt ein del generell informasjon, og med ei lenke til mellom anna kartleggingshandboka. Når det generelt gjeld artsdata, viser vi til rapport 2001:01 frå fylkesmannen ”Raudlistearter i Møre og Romsdal 2001” som kommunen tidlegare har fått oversendt. Databasen over funn vart sist oppdatert per 01.06.2005 og alle funndata som kan lokaliserast til næraste pluss/minus ein kilometer er lagt inn i naturbasen. For praktisk bruk i samband med plan- og inngrepssaker vil nytten av og tilliten til slike data være avhengig av kor eksakt funna er lokalisert. I naturbasen er dette illustrert gjennom sosieigenskapen "Stadkvalitet". Dette er ein firedelt skala der "særs god" betyr at presisjonen i lokalisering som skal vere betre enn 20 meter i terrenget. I datamaterialet vårt er denne koden nytta for funn som er gjort dei seinaste åra og som er posisjonsbestemt ved hjelp av GPS. Kvalitetskoden "god" krev at stadfestinga skal vere betre enn 100 meter i terrenget. Dette er koden for dei fleste funna i materialet, og er nytta på dei data som er bestemt til næraste 100 meter ved hjelp av UTM-tilvising. Den dårlegaste koden for stadkvalitet er "mindre god" og betyr at presisjonen i stadfesting er dårlegare enn 100 meter i terrenget. I vårt materiale er dette nytta for funn som er oppgitt til å finnast innafor ei eller fleire kilometerruter i UTM-nettet. Med eit så stort materiale som det er i vår base over raudlistefunn i fylket (totalt 4116 postar) er det ikkje til å unngå at det kan finnast feil, særleg når det gjeld stadfesting. Fleire funn som er lokalisert ved hjelp av kart der dette inneheld få terrengdetaljar i nærleiken av funnstaden, vil det ofte vere problematisk å lese av korrekte koordinatar til næraste hundremeter. Ein må difor ta høgde for at særleg ein del av materialet med stadkvalitet god i Naturbasen ikkje held kravet til slik presisjon. 3/3 Det er tre artar som er registrert i nokre av kommunane der funnstadane ikkje er tilgjengelege på nettet. Det gjeld orkideane kvit skogfrue og marisko samt område der mnemosynesommerfuglen held til. Vi reknar likevel med at dei i kommunen som har behov for å kjenne til funnstaden for desse artane, får høve til det. I samsvar med kartleggingshandboka, har vi gjennomgått og kvalitetssikra materialet både når det gjeld fagleg innhald samt teknisk kvalitet på datafilene. Det gjeld til dømes val av naturtype, verdisetting med meir. Vi har ikkje merknader til noko av dette, men 6 område kunne ikkje leggast inn i naturbasen sin naturtypedel. Det gjeld 3 funn av barlind, ein paddelokalitet og 2 tjern. Barlindfunna vil vi seinare legge inn som artsdata, paddelokaliteten vil kome inn under vilt og dei 2 tjerna er mest aktuelle ved ei framtidig ferskvasskartlegging. Etter kvart som vi får melding om endringar, har vi høve til å gå inn i Naturbasen, og reviderte data vil raskt kome ut på Internett. Dersom kommunen ønskjer datasettet i digital form, slik som det nå ligg ute på nettet, kan vi sende dette over på E-post som ei sosifil etter Arealisstandarden. Ved førespurnad om dette, må ein opplyse kva for koordinatsystem ein nyttar i kommunen. Vi kan opplyse at nokre kommunar har utvikla heimesider der dei informerer om resultatet av kartleggingsarbeidet. Besøk til dømes desse kommunesidene: http://www.stranda.kommune.no ® Natur og Miljø ® Biologisk mangfald http://www.suldal.kommune.no ® Miljøstatus http://www.verdal.kommune.no ® Naturtyper, ® Biologisk mangfold http://www.kvafjord.kommune.no/article/articleview/268/1/89/ http://www.friluftsetaten.oslo.kommune.no/default.asp?page=/Naturtyper-i-Oslo-kommune Vi vil elles takke for samarbeidet, og ta gjerne kontakt ved behov. Etter avtale med Toralv Klokkehaug, vil manuskarta bli sendt til landbrukskontoret. Med helsing Trond Haukebø Kjell Lyse Seksjonssjef Rådgivar Kopi: John Bjarne Jordal, 6610 Øksendal Ørskog interkommunale landbrukskontor, 6240 Ørskog (manuskarta som vedlegg) .