Vikebygd Sokneråd 2020
Total Page：16
File Type：pdf, Size：1020Kb
ÅRSMELDING F0R SKJOLD/VIKEBYGD SOKNERÅD 2020. 2020 – EIT UNNTAKSÅR. Corona. I mars 2020 ramma corona-pandemien landet vårt. Pandemien førde i fyrste omgang til avgrensa deltaking ved gudstenestar med maks 100 deltakarar grunna kravet om ein meters avstand, registrering av kvar frammøtt og bruk av handsprit. Då smittesituasjonen etter sommarferien vart meir nærgåande, og maksimumstalet vart seinka til 50 og og i periodar til 10, valde soknerådet å avlysa gudstenestar, og i staden gjennomføra einskilde digitale gudstenestar. Mellom anna vart gudstenesten julafta avlyst, men ei digital sending frå mange av kyrkjene i kommunen gjorde at dei som ville, fekk del i denne sendinga i sin eigen heim. Konfirmasjonane vart òg utsette til etter sommarferien i von om at fleire kunne ta del. Men smittevernsrestriksjonane vedvarte, og det vart difor gjennomført fleire gudstenestar (3 i Vikebygd og 5 i Skjold) med færre konfirmantar og gjester. Også gravferder er blitt gjennomførde med avgrensa deltaking. Det har vore vanskeleg og krevjande ikkje minst for for dei pårørande, men òg for dei kyrkjeleg tilsette. Pandemien har vist oss at nye kommunikasjonskanalar i høgste grad var funksjonelle når den nære, sosiale møteforma i vesentleg grad laut stengjast. Facebook, kyrkja si nettside, bygdesidene mm gjorde det mogeleg å nå ut med song, musikk, andaktar, og med informasjon. Her er nokre døme på slike digitale løysingar: ¤ Salmedugnad til påske. Påskesalmer framførde av solistar/små grupper. ¤ Digital adventeskonsert. ¤ Digital julegudsteneste. ¤ Samtale kring bålpanna ved vikarprest Einar Andreassen og born i Vikebygd. I tillegg vart kyrkjene nytta når det let seg gjera innanfor gjeldande regelverk. Her er nokre døme: ¤ Ei stille stund i kyrkja der små grupper kunne gå inn og tenne ljos, høyra orgelmusikk (17. mai). ¤ Like før jul var det også opne kyrkjer både i Skjold og Vikebygd med tenning av ljos, juleevangeliet, «Deilig er jorden», velsigninga og offer til Misjonsprosjektet. ¤ Lystenning 6. desember med tenning av julegrana og fakkeltog i båe kyrkjene der konfimantane, kateket Britt Karstensen og korpset deltok. Her var samlinga utanfor kyrkjene. Så er det rimeleg å tru at erfaringane/alternativa me nytta i denne unntakstida, dei kan me ta med oss når samfunnet etter kvart byrjar normalisere seg att. Prestestoda I våre kyrkjelydar vart 2020 òg eit unntaksår når det gjeld prestestoda. Presten vår, Kristian Kyllingstad, vart sjukemeld etter sommarferien, men han gjennomførde konfirmasjonsgudstenestene både i Skjold og Vikebygd. I hans stad kom prostiprest Einar Andreassen inn i 80% stilling. Det vart eit konstruktivt og godt samarbeid, men heilt på slutten av året vart også han sjukemeld. Me gjekk inn i 2021 med uviss prestestode. Sjukemelde medarbeidarar Trusopplæringsmedarbeidar Lillian S. Johanssen var våren 2020 permitert i 20% av stillinga si, og var då i 20% arbeid i kyrkjelyden vår. Etter sommarferien 2020 og resten av året var ho sjukemeld Det er kateket Britt Karstensen som har teke hand om konfirmantarbeidet og til dels trusopplæringsarbeidet så langt ho har makta. Kyrkjetenar Anne Lise Østrem Mortveit vart sjuk og har vore sjukemeld hundre prosent frå april og ut året. Eit spesielt år 10 månader med pandemi og mange sjukemeldingar har gjort arbeidet i soknerådet både krevjande og til tider lite motiverande. Dei få gudstenestane som er gjennomførde, har òg ført til få ofringar. Mange organisasjonar har mist eit viktig inntektsgrunnlag. Kyrkja skal vera der for folket, særleg i krisetider, når folk har det vanskeleg og tungt. Slik har det ikkje vore under denne pandemien. Me skulle gjerne hatt vidopne kyrkjer med innbyding til gode opplevingar og ord til trøyst og glede, men slik er det ikkje blitt. I staden har folk møtt stengde kyrkjedører, for folkedugnaden gjekk ut på å møtast minst mogeleg og halda avstand. Å arbeida for å minimalisera smittespreiinga har vore det viktigaste. Det var ingen i våre sokn som vart smitta i samband med samkomer knytte til kyrkja. Kyrkjeleg organisasjon Skjold og Vikebygd sokneråd representerer kyrkjelydane i Skjold og Vikebygd og tilhøyrer Vindafjord fellesområde i Haugaland prosti av Stavanger bispedøme. Sokneråda for Skjold og Vikebygd slo seg saman i ei prøveordning i 2015, ei prøveordning som per dd gjeld til 2023. Grunna coronaepedemien har ikkje soknerådet hatt årsmøte dette året, men høyring vedk. ny gudstenesteordning vart gjennomført etter gudstenesta 11. oktober. Soknerådet har hatt eitt møte i månaden. I forkant av møtet, i veka før, møtest Arbeidsutvalet (AU) for å førebu sakene. Dette året møttest soknerådet ein gong i månaden fram til oktober. Resten av året møttest berre AU etter fullmakt frå soknerådet. Soknerådet handsama i alt 35 saker, inkl saker handsama av AU frå oktober og ut året. Samansetjing av soknerådet Det nyvalde soknerådet var formelt konstituert på møte 7. november 2019, og fekk denne samansetjinga: Gunnar Listog (leiar), Sunniva Tveit Gregersen (nestleiar), Ingrid Mathilde Sørvåg (skrivar), Tomine Vikse Haraldseid (kasserar), Øyvind Haraldseid (medlem av Fellesrådet der han vart vald som leiar, Arne Tveit (medlem av Fellesrådet). Andre medlemmer: Margunn Lygre Strømme, Dagfrid Nagel-Alne. Kåre Breivik og Ingebjørg Susort Velde, som er 1.vara i styret, møter fast på møta. Arbeidsutvalet (AU) Her er desse med: leiar, nestleiar, skrivar, prest. Vindafjord kyrkjelege fellesråd Fellesrådet har ansvar for bygg og eigedomar, og dei har arbeidsgjevaransvar for dei tilsette. For perioden 2020 – 2023 er desse valde til å representere Skjold og Vikebygd: Øyvind Haraldseid, Skjold (Vald til leiar i fellesrådet) med Kåre Daniel Breivik som personleg varamann. Arne Tveit, Vikebygd med Dagfrid Nagel-Alne som personleg varamann. Kyrkja sine løna medarbeidarar Kristian Kyllingstad, sokneprest, no i permisjon fram til sommaren. (løna av prostiet). Juri og Nelly Kotkovitch, organistar, Britt Karstensen,kateket, Lillian S. Johanssen, trusopplæringsmedarbeidar, Anne Lise Østrem Mortveit, kyrkjetenar i Skjold, Tove Vaka, kontormedarbeidar, Inghart Lasse Tveit, kyrkjeverje. Utval og nemnder Utvala og nemndene er viktige for det kyrkjebyggjande arbeidet i kyrkjelydane. I inneverande periode er minst eitt medlem i kvart utval/nemnd medlem av soknerådet. Det gjer at soknerådet til einkvar tid veit kva som er prioriterte arbeidsområde i utvala/nemndene. Gudstenesteutvalet Desse er med: Sunniva Tveit Gregersen, Arne Tveit, Margunn Lygre Strømme, Anne Kristine Lilleskog Andersen og Grethe Sørhus. Kristian/prest er leiar for utvalet, men har ikkje vore med sidan før sommaren. Utvalet er felles for Skjold, Vats og Vikebygd. Gudstenesteutvalet har hatt 2 møte i 2020. Utvalet har jobba med revisjon av lokal grunnordning i gudstenester, og deltok i den samanheng på fellesmøte for alle sokna i Vindafjord 22.09. Forslag for ny grunnordning blei lagt fram for kyrkjelyden under gudsteneste i Skjold kyrkje i oktober, og blei vedtatt av soknerådet i november. Gudstenesteutvalet har også jobba med å skape engasjement og auke deltakinga under fellesgudstenestene for Skjold, Vats og Vikebygd. På grunn av koronasituasjonen og sjukeneldingar i prestestaben har utvalet ikkje kome like langt med dette arbeidet som ein kunne ynskja. Diakoniutvalet Desse er med i utvalet: Einar Askeland(leiar ), Elin Frøyland (skrivar), Gerd Hustoft Svendsbø, Kjell Hatlestad og Sigmund Eggebø. Marta Stople gjekk ut av diakoniutvalet i januar. Mange takk for mange års innsats! I september vart diakoniutvalet utvida med 2 medlemmer frå Vikebygd: Dagfrid Nagel- Alne og Aud Jorunn Tordal. Dagfrid er òg medlem av soknerådet for Skjold og Vikebygd. Koronapandemien har innverka mykje på aktiviteten i år. Nokre blomehelsingar har vorte utsette, og 60+treffa har det blitt færre av. Arbeidet i diakoniutvalet i 2020 har vore konsentrert om desse oppgåvene: Blomehelsingar til dei som blir 80, 85, 90 år, og kvart år etter 90. I år har medlemmer av utvalet gått med 19 slike blomehelsingar. Treff på dagtid i kyrkja for dei frå 60 år og oppover, 60+. Den siste torsdagen kvar månad møtest me til uformelle, sosiale samvær med kaffi, ei lita utlodding, songar, kanskje ein bordkonkurranse og andakt. På kvart møte har me og kåseri med ulike tema. I år har me hatt desse: Kjell Arne Medhaug: «Kva bruker me tida vår til?» Lars B. Hellerdal: «Kirkens bymisjon i Haugesund « Tomas Finnvik: «Tida før; i helg og fritid.» Marta og Endre Stople: »Glimt frå arbeid på fiskarheimen i Nord-Norge, og arbeid i Israel.» Utvalet har hatt 4 treff. Det møter omlag 20 kvar gong. Utvalet håpar at folk frå Vikebygd òg vil koma etter kvart. Besøk på sjukeheimen i Vats. Diakoniutvalet har hatt ansvar for to andaktar i år. Andaktshaldarane har vore: Endre Stople og Alfred Soltvedt. To frå diakoniutvalet har hjelpt til praktisk kvar gong. Utvalet har hatt 4 møte og handsama 20 saker. Kyrkjekulturutvalet Desse har vore med: Kåre Daniel Breivik, Ingebjørg Susort Velde, Ingrid Mathilde Sørvåg. Åsmund Kalstveit. Pandemiåret 2020 har vore utfordrande for kulturutvalget. Dei har hatt møte og drøfta ulike arrangement utan å kunna gjennomføra dei. Følgjande er gjennomført: "Bibelreisen" med Per Hjemdal (prest i Etne), ei samling som gjekk over to kvelder i Skjold kyrkja. Ingrid Mathilde Sørvåg stod for omvising i Vikebygd kyrkja under Vikemusikk der ho fortalde om «Den brennande kyrkja». Julekonserten dette året vart erstatta med digital streaming av eit opptak frå konserten 2019. Utvalet ynskjer å få med seg to representantar frå Vats i det vidare arbeidet. Trusopplæringsutvalet