Årsmelding for Gaular Sokn 2019
Total Page：16
File Type：pdf, Size：1020Kb
RÅD: MØTESTAD: MØTEDATO: SAK NR. GAULAR SOKNERÅD SANDE KYRKJELYDSHUS 13.05.2020 GSR 20/20 S (KL § 9) Arkiv nr. 046 SAK: ÅRSMELDING FOR GAULAR SOKNERÅD I 2019 SAKSHANDSAMAR: Magna Lisbeth Lunde SAKSDOKUMENT: Regler om formene for menighetsrådets og kirkelig fellesråds virksomhet, fastsett av Kirkemøtet 15. november 1996 nr. 1452 med hjemmel i lov 7. juni 1996 nr. 31 om Den Norske Kirke § 8 tredje ledd og § 13 tredje ledd. Sist endra av Kirkemøtet 12. april 2015. SAKSUTGREIING: Etter reglane om formene for verksemda til soknerådet og kyrkjeleg fellesråd § 9 nr. 1 og nr. 2 skal rådet utarbeide ein rapport over verksemda til rådet i siste kalenderår. Rapporten skal vere utarbeidd innan 1. mars kvart år. Rapporten skal leggjast fram for årsmøtet/soknemøtet og skal sendast til soknerådet, bispedømerådet, kommunen, prosten og andre som fellesrådet bestemmer. TILRÅDING TIL VEDTAK: ÅRSMELDING GAULAR SOKNERÅD 2019 Tekst: Kyrkjeverje Magna Lisbeth Lunde Oppgåvene til kyrkjesektoren: Mykje av oppgåvene er knytt opp til dei kyrkjelege handlingane (gudsteneste, dåp konfirmasjon, vigsel og gravferd) diakoni og trusopplæring. Det administrative arbeidet som er ei følgje av dette, vert utført av kyrkjeverje, kyrkjesekretær, sokneprest, diakon, organist og medarbeidar trusopplæring i saman med soknerådet. Medlemmar av Gaular sokneråd i 2019: Helga Endal (leiar) Eva Omdal Følling (nestleiar) Hilde Marie Solheim Hallvard Hauken Bente Holsen Furnes Gunn Elin Bøe Hatlestad Nils Arve Aase Styve Lene Karin Berg Johnsen Frode Skeide Norunn Lunde Furnes (Representant vald av kommunen). Det var halde 5 møter og handsama 55 saker i soknerådet i 2019. Når det gjeld sakene som var handsama av rådet var 35 soknerådssaker medan dei resterande 20 sakene var det som tidlegare var fellesrådssaker. Medlemmar av kyrkjeleg administrasjonsutval i 2019: Helga Endal (leiar) Eva Omdal Følling (nestleiar) Nils Arve Styve Representantar for dei tilsette var: 1 Joy Taylor Kjell Ivar Aase Det var halde 0 møter og handsama 0 saker i kyrkjeleg administrasjonsutval. Årsaka til at det ikkje har vore møter er samanslåing til ny kommune. MØTEAKTIVITET TIL DEI ULIKE UTVALA I KYRKJA Etter at Gaular vart eit sokn, vart det oppretta følgjande utval som har hatt denne møteaktiviteten i 2019: Dei tre kyrkje- og diakoniutvala hadde til saman 6 møter (2 i kvart av dei gamle kyrkjesokna). Utvalet for kyrkjebladet hadde 3 møte. Musikkutval hadde ikkje møte. Utvalet for Sande kyrkjelydshus hadde 2 møte. VIKTIGE HENDINGAR/AKTIVITETAR I 2019 ENDRINGAR I PERSONALET Diakonmedarbeidar Ragnhild Stav har hatt svangerskapspermisjon t.o.m. 21.07.2019. Med bakgrunn i at det var planlagt at Ragnhild Stav skulle vere tilbake i mars 2019 vart det ikkje søkt etter vikar for henne. Trusopplæringsmedarbeidar Britt Siri Hauken slutta i stillinga 30.09.2019. Denne stillinga vart ikkje lyst ledig med bakgrunn i at den berre er 25 %, og at ein f.o.m. 01.01.20. ynskjer å samarbeide med Sunnfjord kyrkjelege fellesråd. Kyrkjetenar Solfrid Hestad slutta som kyrkjetenar i Hestad kapell 31.12.2019. Soknepresten i Gaular hadde i 2019 studiepermisjon frå 07.januar t.o.m. 26. mars. Gaular soknerådet har ein stabil stab med 12 tilsette på knapt 5 årsverk. I tillegg til desse 5 årsverka kjem stillinga som sokneprest. TRUSOPPLÆRINGA - DEI ULIKE BREDDETILTAKA Tårnagenthelg for 3. klasse (Fødd 2010) Tårnagenthelga vart også i år ein suksess. Alle var som vanleg engasjerte og såg ut til å trivast godt. Det var vikarierande soknepresten og trusopplærar som hadde hovudansvar for opplegget. Tidlegare tilsett trusopplærar Gro Anita Kristensen var også leigd inn som medhjelpar på laurdagen. Dei 4 konfirmantane som hadde barne og ungdomsarbeid som gruppe val i 2019 var også med og hjelpte til og leia barnegrupper under Tårnagenthelga. Vi fekk hjelp av 2 foreldre under gjennomføring av måltidet på kyrkjelydshuset. Her vart det servert agentpizza som dette året vart sponsa av Mjølkerampen. På gudstenesta på søndagen kom også alle 24 tårnagentane, og dei utførde oppdraga sine på ein fin måte. Den store forteljinga og samling etter utdeling av bibel (Barn fødde i 2008) Kyrkja delte som tidlegare år ut Biblar til alle i 5. klasse gjennom skule-kyrkje samarbeidet. Alle har fått bibelen og 15 av desse møtte til samling i etterkant på kyrkjelydshuset på Sande. Her samtala ein om bibelen som elevane hadde fått og alle fekk sy eit «bokbind/trekk» i ull til å ha utanpå bibelen sin. Dei 4 Konfirmantane frå barne og ungdomsarbeid var også med på denne samlinga. Samlinga der elevane får ei innføring i den store forteljinga vart ikkje gjennomført grunna at soknepresten hadde studiepermisjon og diakonen hadde svangerskapspermisjon. Forsinka samling for dei 4 åringane som fekk kyrkjebok hausten 2018 4-åringane vart invitert til samling på kyrkjelydshuset på Sande ein laurdag i mars. Dette var ei samling der ein prøvde å samle alle 4-åringane frå alle dei tre sokna i etterkant av bokutdelinga som var hausten 2018. Sidan trusopplærar var sjukmeld då dei fekk boka vart det ingen samlingar i samband med utdelinga. Mange møtte fram og var med denne dagen. På samlinga i mars hadde vi song, samtale, bibelforteljing og frukt. Trusopplærar hadde ansvaret for samlinga. Forsinka samling for dei 6- åringar som fekk kyrkjebok hausten 2018 2 6-åringane vart invitert til samling på kyrkjelydshuset på Sande ein laurdag i mars Dette var ei samling der ein samla alle 6-åringane frå alle dei tre sokna i etterkant etter bokutdelinga som var hausten 2018. Sidan trusopplærar var sjukmeld då dei fekk boka vart det ingen samlingar i samband med utdelinga. På denne samlinga møtte også mange fram. På samlinga hadde vi song, samtale, bibelforteljing og frukt. Trusopplærar og diakon hadde ansvaret for samlinga. BARNEHAGE-KYRKJE SAMARBEID • Påskesamling i Sande barnehage. • Julespel i eiga barnehagegudsteneste før jul på Sande. SKULE-KYRKJE SAMARBEID I Gaular har vi eit godt samarbeid med skulane våre. Skulane lagar barne- og ungdomssider til kyrkjebladet. Alle i 3. klasse kjem på kyrkjevitjing tre gonger i løpet av skuleåret. Første samling handlar om dåpen. Den andre samlinga handlar om kyrkjeåret og dei liturgiske fargane, medan den siste samlinga er ei påskevandring i kyrkja. Alle i 4. klasse kjem på kyrkjevitjing to gonger i løpet av skuleåret. Om hausten lærer dei om kyrkja si innreiing og om ulike kristne symbol. Om våren har vi ei samling om gravferd, sorg og sorgarbeid. Alle dei som går i 5. klasse får utdelt Bibelen i gåve frå kyrkjelyden. Alle skulane i Gaular har skulegudsteneste før jul. I tillegg har Sande skule avslutningsgudsteneste før sommaren. KONFIRMANTFEST Det er no berre i Bygstad det blir skipa til konfirmantfest for dei konfirmantane som skal konfirmerast i Bygstad kyrkje. Sande har ikkje hatt konfirmantfest og Viksdalen har erfart at det er vanskeleg å få oppslutning om konfirmantfesten og ein har difor bestemt å ikkje ha tilbod om dette no. KONFIRMANTAR PÅ PILEGRIMSVANDRING I starten av september var friluftskonfirmantane på ”pilegrimsvandring” på den gamle kyrkjeruta frå Markeset og over fjellet til Hestad kapell. Laurdag ettermiddag nådde vandrarane fram til Hestad kapell og vandringa vart avslutta med ei kort gudsteneste der. Ei flott oppleving for både konfirmantar og leiarar. FRILUFTSGUDSTENESTER Det var planlagt tre friluftsgudstenester i Gaular sommaren 2019. Alle vart avlyst grunna dårlege vêrmeldingar. ARRANGEMENT I REGI AV ORGANISTEN I 2019 var det 40 år sidan Kjell Ivar Aase tok til som organist i Gaular (Bygstad sokn). I regi av Gaular sokn vart dette markert med to konsertar. I februar hadde han konsert i Bygstad der mesteparten var eigenkomponerte songar og musikk. Marianne Juvik Sæbø var solist og det var elles med fleire dyktige musikarar, bl.a. kantor Jarle Grotle frå Bremanger på piano. I mars var det Sveinung Hølmebakk som gjesta Gaular i Sande kyrkjelydshus. Sveinung Hølmebakk er kanskje mest kjend for mange som ein av songarane i Nordic Trio. Men han driv også ei utstrekt konsertverksemd rundt om mange stader i landet, der han også brukar svært mykje av sitt eige stoff. På sommarkonserten i Sande kyrkje tysdag 2. juli var det Maja Aarberg og Beate Kjølstad som var inviterte gjester og Frode prest hadde ord for dagen. Dette var sommarkonsert nr. 19 i rekka, ein tradisjon som har vore kjekk å kunne oppretthalde. Dei tre julekonsertane er kvar «bygd» sin julekonsert og av den grunn har konsertane litt ulikt preg, noko som berikar konsertane. DIAKONI Diakonen deltek i arbeidet i kyrkjelyden og har særskilt ansvar for det diakonale arbeidet. Ein fordelar oppgåver for frivillige til kyrkjekaffi, konfirmantar som kyrkjevertar og medhjelparar til kyrkjetenar. I år har soknepresten sett opp kven som er kyrkjevertar. Elles er det ein del aktivitetar knytt til Gaular 3 Bygde og Sjukeheim. Det er songstund ved organisten kvar veke og andakter eller nattverdsgudstenester annakvar veke. Første halvdel av 2019 var diakonen i permisjon, så det var ingen konfirmantar som hadde diakoni. Andre halvdel var det ingen konfirmantar som hadde valt diakoni og ikkje nok frivillige, så onsdagsklubben har hatt pause på ubestemt tid. Utanom desse faste aktivitetane har diakonen vore med på tysdagsbingoen og elles komme på besøk ved behov og når det passar. FASTEAKSJONEN Fasteaksjonen for Kirkens Nødhjelp der konfirmantane deltek er godt innarbeidt i Gaular. Aksjonen krev ein del arbeid og innsats frå tilsette og frivillige, men midlane som vert samla inn går til livreddande krisehjelp i katastrofeområde. Fasteaksjonen er og ei viktig erfaringsarena for konfirmantane og kan vere med på å skape gode haldningar til slikt arbeid. På aksjonsdagen 9. april vart det samla inn kr 42.815 kr. Dette er lågare enn vi har fått inn dei seinare åra men likevel eit respektabelt resultat. Totalt i Gaular var 42 bøsseberarar i sving. BABYSONG Trusopplærar og diakon hadde babysong saman tre gongar våren 2019. Hausten 2019 hadde diakonen babysong åleine og hadde sju samlingar. I haust har det vore mellom 8-10 på kvar samling, så det har vore godt oppmøte.