Fylkesmannen I Sogn Og Fjordane 2/5
Total Page：16
File Type：pdf, Size：1020Kb
Sakshandsamar: Johannes Anonby Vår dato Vår referanse Telefon: 57643125 21.01.2016 2015/2470 - 432.4 E-post: [email protected] Dykkar dato Dykkar referanse Utsending etter adresseliste Ytamo naturreservat i Luster – framlegg til endring av vernegrense (utviding) Fylkesmannen sender på høyring eit framlegg om å utvide det eksisterande Ytamo naturreservat med ca. 45 dekar Ytamo naturreservat, og bakgrunn for noverande grensetrekking Ytamo naturreservat i Luster vart oppretta ved kongeleg resolusjon 19.6.2009 som ein del av verneplanen for edellauvskog i Sogn og Fjordane. Føremålet med vernet er «…å ta vare på eit større, tilnærma urørt skogområde med spesielle naturtypar, med heile mangfaldet av artar og vegetasjonstypar og alle naturlege økologiske prosessar. Området har særskilt vitskapleg og pedagogisk verdi ved sitt mangfald av edellauvskog, flaummark, ospeskog, sumpskog og elveterrassar i ein grad av naturtilstand som er uvanleg i sørboreal sone, noko som saman med interessante artsførekomstar gjev området stor referanseverdi.» Eit areal på ca. 45 dekar («Åsmo-terrassen») som hadde vore med i høyringsframlegget, var likevel ikkje med då naturreservatet vart oppretta. Grunnen var at der var skogbruksinngrep frå nyare tid, og at både grunneigaren og fleire andre instansar var mot vern av dette området. Fylkeslandbruksstyret peikte på både at det omtalte arealet var lettdriven skogsmark, og at grusterrassen har næringspotensiale som grusressurs. I føredraget til kongeleg resolusjon er merknadene frå Fylkesmannen om Ytamo gjevne att med m.a. følgjande: «Til tross for inngrepene i området mener derfor fylkesmannen at et område med både edellauvskog og tilstøtende flommarkskog og annen skog på flat dalbunn er så vanskelig å finne i en så naturnær tilstand, at en bør legge stor vekt på å verne dette i sin helhet. Med utgangspunkt i eksisterende inngrep, skogbruksinteresser og grunneiernes ønsker, foreslår likevel fylkesmannen å ta ut Åsmo terrassen av verneforslaget, mens flommarkskog og andre typer sumpskog og løvskog fremdeles bør inngå i verneforslaget». Dåverande Direktoratet for naturforvaltning og Miljøverndepartementet slutta seg til dette. Hovudkontor Landbruksavdelinga E-post: Njøsavegen 2, 6863 Leikanger Fjellvegen 11, 6800 Førde [email protected] Telefon: 57 64 30 00 Postboks 14, 6801 Førde Internett: Telefaks: 57 65 33 02 Telefon: 57 64 30 00 www.fylkesmannen.no/sfj Org.nr 974 763 907 Telefaks: 57 82 17 77 FYLKESMANNEN I SOGN OG FJORDANE 2/5 Utvidingsframlegg Etter vernevedtaket har eigaren av arealet som vart teke ut, tilbode frivillig at det kan verte ein del av Ytamo naturreservat. Med det vil reservatgrensa følgje elvekanten slik ho også gjer nord og sør for dette arealet. Miljødirektoratet har stilt seg positivt til dette, sidan det gjev eit meir samanhengande verneområde, og sidan preget av hogst (dominans av bjørk og nyplanta furu) vil forsvinne etter som skogen veks og vert gammal også her. Direktoratet viser i så måte til naturmangfaldlova § 37 andre ledd om at også område som gjennom fri utvikling eller gjenopprettingstiltak kan få dei verneverdiane som er nemnde i § 37 første ledd, kan vernast som naturreservat. På dette grunnlaget stør Miljødirektoratet utvidingsframlegget frå grunneigaren, og har avtalt med han at det skal setjast i gang ein prosess for å innlemme det omtalte arealet i Ytamo naturreservat. I brev 26.6.2015 har Miljødirektoratet difor bede Fylkesmannen om å sende dette utvidingsframlegget på formell høyring, slik at alle partar og interesser som saka vedkjem, kan få høve til å uttale seg. Då vil også alle relevante opplysningar vere på plass før det vert gjort vedtak (jf. forvaltingslova § 37). Sjølv om det er Luster kommune som er forvaltingsstyresmakt for Ytamo naturreservat, er det Fylkesmannen som førebur denne typen høyringssaker for Miljødirektoratet. Ei utviding av reservatet må skje med heimel i naturmangfaldlova § 34, sjette ledd. I medhald av den regelen kan Kongen m.a. delegere myndet til å gjere grenseendringar som gjeld mindre areal og ikkje får noko nemnande å seie for private interesser. Dette myndet vart ved kgl.res. 27.9.2013 delegert til Klima- og miljødepartementet, og delegert vidare til Miljødirektoratet 4.10.2013. Fylkesmannen ser svært positivt på utvidingsframlegget, og vi seier oss difor leie for at vi ikkje har hatt tid til å følgje opp dette mykje tidlegare. Breelvterrassen har kvalitetar som gjer at han vil bidra positivt til mangfaldet av landformer og leveområde i naturreservatet, og naturreservatet vil i større grad utgjere ein samanhengande heilskap. Ved at arealet vert innlemma i naturreservatet vert også trongen for framtidig køyring i reservatet kraftig redusert, sidan det då ikkje lenger trengst maskinell tilkomst til Åsmo-området i samband med skogbruk eller anna næringsutnytting. Arealet som er føreslege teke inn i naturreservatet er på ca. 45 daa. Naturreservatet er i dag på ca. 1904 daa. Framlegget inneber med det ei utviding på ca. 2,26 %. Utvidinga ligg på gnr.79 bnr.12. Sidan delar av denne eigedomen allereie er med i naturreservatet, trengst det inga endring i opplistinga av gnr/bnr i verneforskrifta. Korrigering av eigedomslista i verneforskrifta Arealutvidinga krev ikkje andre endringar i verneforskrifta enn at arealet på naturreservatet må oppdaterast. Derimot har Fylkesmannen vorte merksam på nokre feil i lista over eigedomar i verneforskrifta. Når arealet på verneområdet må endrast i verneforskrifta, passar det godt å korrigere eigedomslista samstundes. Grunneigarlaget har meldt frå til Luster kommune at eigedomane 79/6, 81/4, 82/2 ikkje har eigar-/bruksrettar i naturreservatet: Vi føreslår difor at desse vert strokne frå verneforskrifta. Det er mogleg at dette kan gjelde fleire, men sidan det kan vere uklart om ein eigedom som ikkje har skogteig likevel kan ha beiterettar eller liknande, ønskjer ikkje Fylkesmannen å stryke fleire utan etter klar melding frå dei det gjeld. Kommunen har også informert oss om ein eigedom som ikkje er opplista i verneforskrifta, men som burde ha vore det. Det gjeld 36/4 som kjem inn i ei smal stripe i overkant av FYLKESMANNEN I SOGN OG FJORDANE 3/5 berghammaren heilt nord i naturreservatet. Denne grensa syner på «Topografisk norgeskart» (sjå «Fetahilleren» på kartet), men grensa var ikkje med på N5-karta som vart nytta i verneprosessen, eller det endelege vernekartet frå 2009. Her må såleis verneforskrifta kompletterast med gnr/bnr 36/4. Ut over oppdatering av arealtalet og korrigering av lista over gnr/bnr er det ingen endringar i verneforskrifta. Høyring av arealutvidinga Økonomisk erstatning for arealutvidinga skjer i form av avtale mellom grunneigaren og Miljødirektoratet, og Fylkesmannen oppfattar denne utvidingssaka som lite konfliktfylt. Like fullt kan det vere at vernestatus for eit område grip inn i fleire interesser enn det som gjeld grunneigaren sin bruk, t.d. kraftforsyning og samferdsel. I nokre tilfelle kan utviding av eit verneområde også ha verknader for granneeigedomar eller bruksrettar som andre har. Fylkesmannen sender difor utvidingsframlegget på høyring til ein vid krins av høyringsinstansar. Eventuelle merknader må vere sende til Fylkesmannen (til adressa: Fylkesmannen i Sogn og Fjordane, Njøsavegen 2, 6863 Leikanger, eller på e-post til [email protected] ) innan 15. mars 2016 Etter det vil Fylkesmannen sende saka vidare med tilråding til Miljødirektoratet for endeleg avgjerd. Med helsing Nils Erling Yndesdal Johannes Anonby fylkesmiljøvernsjef seniorrådgjevar Brevet er godkjent elektronisk og har difor ikkje underskrift. Vedlegg: - Kart over framlegg til utviding av Ytamo naturreservat - Detaljkart over utvidingsområdet Kopi på e-post m/vedlegg: Miljødirektoratet Kopi på EDU m/vedlegg: Luster kommune FYLKESMANNEN I SOGN OG FJORDANE 4/5 Adresseliste: Grunneigarane i heile Ytamo naturreservat: 36/4 August Evensen Vigdalsli 6868 Gaupne 77/1 Kåre Olav Råum Gardav. 10 A 6868 Gaupne 77/2 Stein Helge Kristensen Engjadalsv. 16 B 6868 Gaupne 77/5 Jan Tandle Øyrabakken 13 6817 Naustdal 79/1, 86/2 Hermund Prestegård Gardav. 3 A 6868 Gaupne 79/3 Torvald Johan Bruheim 6868 Gaupne 79/5 Johannes Hauge Hauge 6876 Skjolden 79/12 Per Arvid Hauge Hauge 6876 Skjolden 81/1 Bård Flattun Lilleeng Gardavegen 2 A 6868 Gaupne 82/1 Camilla Øvrebø 6843 Skei i Jølster 82/11 Tom Martin Røneid Bjelle Røneidsv. 20 B 6868 Gaupne 82/12, 85/1 Sjur Haugen Gardav. 17 A 6868 Gaupne 82/19 Svein Nybø Øyane 6 6868 Gaupne 82/27 Otto Myklemyr Myklemyr 6871 Jostedal 82/3 Anders Olav Ekrene Grindane 6 A 6868 Gaupne 82/6 Kjellaug Stegegjerde Stensli Sandvikv. 72 6868 Gaupne 82/7, 8 Jan Ove Drevdal Tverberg Gardav. 6 B 6868 Gaupne 82/64 Brita Kristine Myklemyr Ådalsvegen 1249 3524 Nes i Ådal 82/64 Otto Myklemyr Myklemyr 6871 Jostedal 82/80 Odd Arne Myklemyr Myklemyr 6871 Jostedal 83/1 Hans Herman Kalhagen Gardav. 4 B 6868 Gaupne 83/2 Brita-Kristine Bollingberg Røslebakkane 6 6868 Gaupne 83/5,10 Ole Arne Haugen og Inger Slinde Gardav. 15 C 6868 Gaupne 83/9 Marit-Merethe Bollingberg Røneid Røslebakkane 6 6868 Gaupne 84/1 Edgar Drevdal Gardav. 8 A 6868 Gaupne 85/3 Arne Lidvald Bjørk 6871 Jostedal 86/8 Anne Margrete Veum Røneidsv. 29 A 6868 Gaupne 86/12 Svein Olav Skjæret Myklemyr 6871 Jostedal 86/18 Nils Johan Skjerven 6869 Hafslo Kurt Magne Fardal og Bjørg Irene 87/1 Svangstu Gardavegen 5 A 6868 Gaupne 87/2 Arne og Marit Ringstad Grandmo 1 6868 Gaupne Eigarar av gbnr. som vert strokne, og som får dette brevet til orientering: 79/6 Frank Egil Gunnestad og Evelyn Bukve Gunnestad, Bruvoll 13 6868 Gaupne 81/4