1108
EIGHTH LEGISLATIVE ASSEMBLY OF MIZORAM (THIRD SESSION)
LIST OF BUSINESS
FOR TWELFTH SITTING ON THURSDAY, THE 27th JUNE, 2019 (Time 10:30 A.M. to 1:00 P.M. and 2:00 P.M. to 4:00 P.M.)
QUESTIONS
1. Questions entered in separate list to be asked and oral answers given.
LAYING OF PAPERS
2. Dr. R. LALTHANGLIANA, Minister to lay on the Table of the House a copy of the Separate Audit Report of the Comptroller & Auditor General of India on the Accounts of the Mizoram Khadi and Village Industries Board, Aizawl for the year ended 31 March 2017.
3. Pu LALCHHANDAMA RALTE, Minister to lay on the Table of the House a copy of the Mizoram Youth Commission Rules, 2019.
LEGISLATIVE BUSINESS Bills for introduction, consideration and passing
4. Pu ZORAMTHANGA, Hon’ble Chief Minister to beg leave of the House to introduce “The Mizoram (Repeal of Certain Enactments) Bill, 2019”.
ALSO to introduce the Bill to move that the Bill be taken into consideration AND to move that the Bill be passed.
5. Dr. R. LALTHANGLIANA, Minister to beg leave of the House to introduce “ICFAI University (Mizoram) (Amendment) Bill, 2019”.
1109
ALSO to introduce the Bill to move that the Bill be taken into consideration AND to move that the Bill be passed.
6. Pu LALRUATKIMA, Minister to beg leave of the House to introduce “The Mizoram (Land Revenue) (Amendment) Bill, 2019”.
ALSO to introduce the Bill to move that the Bill be taken into consideration AND to move that the Bill be passed.
S.R. ZOKHUMA Commissioner & Secretary
….
1110
SPEAKER : “Khawngaihna leh thutak chuan hnuchhawn che suh se. i nghawngah zem tlat la, i thinlung phekah ziak rawh.” Thufingte 3:3
Vawiinah hian kan Deputy Chief Minister zahawm tak Pu Tawnluia a damloh avangin a lo kal thei lo va, pawi kan ti hle.
Zawhna leh chhanna kan la nghal ang a, Starred Question No. 196-na zawt turin member zahawm tak Pu Lalchhuanthanga ka sawm e.
Pu LALCHHUANTHANGA : Pu Speaker, ka lawm e. Ka zawhna Starred Question No. 196-na chu – Taxatio department hnuaiah GST lak a nih atangin hnam dang sumdawng phalna nei engzatnge awm?
SPEAKER : Chhang turin a changtu Minister zahawm tak Pu Lalchamliana ka sawm e.
Pu LALCHAMLIANA, MINISTER : Pu Speaker, member zahawm tak Pu Lalchhuanthanga zawhna chhanna chu hei hi a ni. The Mizoram Goods and Services Tax Act, 2017 hnuaiah hian tun dinhmunah hnam dang (non-Mizo) registered tax payers 206 an awm. Central GST Commissionerate hnuaia hnam dang (non-Mizo) in register zat hi chu Taxation Department, Government of Mizoram hian a hriatpui lo.
SPEAKER : Member zahawm tak Pu C. Lalsawivunga’n zawhbelhna zawt se.
Pu C. LALSAWIVUNGA : Pu Speaker, ka zawhbelhna chu - Chhiah chi hrang hrang mipuiin kan pek thin hi on-line a pek theih a ni em ? tih a ni a. Chhiah hi on-line a pek theih a la nih loh chuan Taxation Department-in a thil tum/policy bung khat C. (3)-na in a sawi tihlawhtling turin engtinnge department-in hma a lak ? tih kha ka zawhbelhna a ni e.
SPEAKER : Zawhna neitu member zahawm tak Pu Lalchhuanthanga zawhbelh turin ka sawm e.
Pu LALCHHUANTHANGA : Pu Speaker, tun kum 26th January, 2019 Vanglainia chhuakah khan, MIMA thuchhuak a ni, GST phalna nei hi mi 810 tih an tarlang a, heng zinga 367 hi Mizoram Taxation Department 1111 hnuaia register an ni a, a dang 443 lai mai hi Central Taxation Commissionerate hnuaia on-line a register tiin a rawn tarlang a. Hetiang a nih chuan Mizoram sumdawngah hian registration nei chu Mizo aiin non- Mizo an tam hle tawh tihna a ni a. Mizoram Taxation Department hnuaiah pawh hian vai hi eng emaw zat awm tura ngaih a lo ni bawk si a, an chanve pawh kan tling pha lo hial awm mang e tih khawp a ni. Chuvang chuan, a ngaihpawimawhawm khawp mai a, heng non-Mizo sumdawngte hian tunah hian sumdawnna bul an tan tawh em tih leh lo tan tawh ni ta sela Goods & Services Tax hi an pe em ? Tin, sumdawnna bul la tan lo ni ta sela an registration hi cancel sak theih an ni em tih ka zawt nawn leh a ni e.
SPEAKER : Zawhna leh zawhbelh na kha a inpuah chah lo maithei a, a theih ang anga chhang turin a changtu Minister zahawm tak Pu Lalchamliana kan sawm leh e.
Pu LALCHAMLIANA, MINISTER : Pu Speaker, member zahawm tak Pu C. Lalsawivunga zawhna, on-line a pek theih tawh a ni em tih kha a hmang thiam tan chuan pek theih a ni. Tin, on-line veka tih tur a ni a, on-line a pe thiam lote pawh Taxation-a kan thawktu ten an tanpui thei reng e tih kha ka chhanna ni ta sela.
Tin, zawhna neitu member zahawm tak Pu Lalchhuanthanga zawhna Vanglaini chanchinbu tih kha ka lo chhiar fuh ve lo va. Hmannia ka sawi tawh ang khan GST hi a policy, a motto chu one tax, one nation tih a ni a, chumi hnuaiah chuan an kalpui a. Vanglaini-a chhuak leh ka rawn chhanna figure kha a inang lo va, a inthlauhna pawh hi 100 chuang zet a ni a, Mizoram state GST hnuaia in register hi 206 an ni tih kha ka chhanna a ni a, Vanglaini hian khawilai figure nge a neih ka hre lo va. Eng pawh nise, Mizoram state GST hnuaia in register hi chu dan-in a tuk angin ILP kum hnih a nung, kha kha sorkar hmasain rem hre takin Mizoram state GST Act- ah khan an lo zep tel hram a, a lawmawm hle a. Kum hnih valid ILP neite chauh kha Mizoram chuan a lo register a, amaherawhchu GST portal-ah all India-ah dil theih a ni a, computer khan hei hi state-ah, hei hi central-ah ti khan a lo thliar a, central-in a tih zat hi chu kan hre thei rih lo ka ti kha a 1112 ni a. Chuvang chuan GST hian thatna a nei a, that lohna a nei a ni tih ka sawi tawh kha.
Tin, hnam dang in register te hi an ngaihpawimawh awm tih kha kei chu ka ngaipawimawh vak lo va, ka ngaimawh a ni. An ngaimawhawm khawp a, mahse dan an zawm chuan tih loh theih an ni lo va. Tin, sumdawnna atan hian GST an pe em tih hi kan hre chiah lo va. An sumdawng a nih chuan GST hi an pe ngei tur a ni ang. Chu chu ka chhan theih tawk a ni e.
SPEAKER : Starred Question No. 197-naah kan kal ang a, zawt turin member zahawm tak Pu V.L.Zaithanzama kan sawm e.
Pu V.L. ZAITHANZAMA : Pu Speaker, ka lawm e. Food, Civil Supplies & Consumer Affairs Department changtu Minister zahawm tak chhan atana ka zawhna te chu - a) Vairengte ami Supply Godown, Department-in a hman tawh loh godown mimal luahtute hming min hrilh thei em ? b) A luah man thla khatah engzatnge an pek ?
SPEAKER : Chhang turin a changtu Minister zahawm tak, Pu K.Lalrinliana kan sawm e.
Pu K.LALRINLIANA, MINISTER : Pu Speaker, ka lawm e. Member zahawm tak, Pu Zaithanzama zawhna chhanna chu - a) Vairengte-ah hian FCS&CA Department in Godown 3 a nei a. Godown No. I chu Pu F.Lallungmuana, Vairengte Chhim Veng in a luah a. Godown No II hi Department in a hmang tangkai thung a. Godown No III hi Pu P.C. Vanlalruatkima, Vaivakawn in a luah mek a ni. b) Godown No I-ah hian ` 19,000.00 thla khatah pek a ni. Godown No III-ah hian `18,250.00 thla khatah pek a ni.
(c) Godown No. I hi kuhva dah nan an hmang a. Godown No III hi hmunphiah, sawhthing leh thlaithar te dah nan hman a ni. 1113
SPEAKER : Pu Lalrinsanga Ralte a phar hmasa ber a. Zawhna zawt turin ka sawm e.
Pu LALRINSANGA RALTE : Pu Speaker, ka lawm e. Ka zawh belhna chu – Saipum ah Supply Godown building tha tak kan la nei a. Sorkar hmasa khan a titawp a, building a la thain a uihawm hle mai a, function tir leh tumna a awm em ? Buhfai leh chini sem tur dah nan te hman leh theih a ni ang em tih ka zawt e.
SPEAKER : Pu Lalduhoma member zahawm tak ka sawm e.
Pu LALDUHOMA : Ka lawm e, Pu Speaker. Ka zawh duh chu tunlai hian artui leh buhfai lem social media-ah a video hmuh tur a tam mai a. Mizoram pawh a rawn thleng tawh tia sawi a ni a. Hei hi kan sorkar, department hian a enfiah em tih leh sangha te, thlai thar te damdawia jection lai thlalak te pawh a video hmuh theih te a tam a. Heng hi kan ramah a lo lut thin si a. Hemiah hian kan sorkar hian endikna te a lo nei tawh em mipui hnenah thu han chhuah tur te an nei em tih ka zawt e.
SPEAKER : Vawiin hi zawhbelhna kan phal zau mai dawn em maw ni le? A tha e, ti ngawt suh u, nidangah mi cho ang ka duh lo. I kal tlang ang u. A nih a tawp nan, saw lam chhim tawp lam a ni si a. Vawiin zawng Pathian zarah kan tluang a, vawiin zawng a tawpna tak tak a ni e. Pu H.Biakzauva, member zahawm tak ka sawm e.
Pu H. BIAKZAUVA : Pu Speaker, ka lawm e. Ka zawhbelhna chu Lawngtlai leh Lungtian leh Lungpher Supply Godown te hi a chhe hle mai a. Buhfai stock na tlak em em pawh an ni tawh lo va. Chuvang chuan heng Godown 3 te hi sakthat tumna a awm em tih ka zawhbelhna pakhatna ni sela a pahnihnaah chuan hmannia ka zawh tawh Sangau-ah Godown vengtu Home Guard-te an in withdraw a, ramri bul hnaih a ni a, a hlauhawm si a. Chuvang chuan hei hi in dah leh thei ang em? tih zawhnaah khan Home Minister zahawm tak khan ‘Awmna an neih that loh avangin’ a ti a. Kha kha kan Supply Minister zahawm tak hian Supply Department quarter ruak a awm niin ka hria a, tui leh an riahna tur te, Home Guard-ho awmna
1114 tur kha min ngaihtuah sak thei ang em tih kha Supply Minister zahawm tak ka zawh belh leh a ni e.
SPEAKER : Zawhna neitu member zahawm tak Pu V.L. Zaithanzama i lo sawm ang u.
Pu V.L.ZAITHANZAMA : Pu Speaker, ka lawm e. Hetianga sorkar building mimal luahtir hi hmun dangah a awm ngai tawh em tih ka zawhbelh e.
SPEAKER : A inkarakik viau nain a theih ang anga chhang turin Minister zahawm tak Pu K. Lalrinliana kan sawm e.
Pu K. LALRINLIANA, MINISTER : Pu Speaker, ka lawm e. Pu Lalrinsanga Ralte, member zahawm takin a zawhna Saipum ah Supply Godown hman tangkai leh theih a ni ang em a tih kha mamawh ang zela hman tangkai kan tum a. Amaherawhchu, Storekeeper kan indaihlohna avangte a ni a, tunah hian Storekeeper 31 lak thar theihna kan beisei a, chung hunah chuan a tul anga hman tangkai tum a ni tih kha ka chhan theih dan ni ta se.
Tin, member zahawm tak Pu Lalduhoma zawhna artui lem enfiah a ni em tih te, sangha tawih theih lohna a jection enfiah a ni em tih te, thlai tharte enfiah thin a ni em tih kha, artui lem tihte hi a lar viau a, sangha-te pawh. Amaherawhchu, tunhnaiah hi chuan a hranpa a enfiahna kan nei lo va, tunhma deuh, tun kum tirte pawh khan chanchinbuah a lo lang a, khang sangha tawih theih lohna a jection kha mihring kan eng anga hlauhawm nge tih kha chanchinbuah a lo lang a ni mai a, a endikna hmun leh a khawl hi department lamin kan neih loh avangin a kimchangin ka chhang thei lo a ni.
Tin, member zahawm tak Pu H. Biakzauva zawhbelhna Lawngtlai, Lungtian leh Lungpher kudam chhe tawhte hi sak that tum a ni em tih kha Lawngtlai hi tuna central atanga grant-in-aid kan hmuh kudam 10 sak that tumna atang khan sak that tum a ni a. Lungtian leh Lungpher hi NABARD lam atanga sak tuma, hma lak mek a ni tih kha ka chhan theih dan ni se.
Sangau-a Homeguard duty-te in withdraw chungchang hmannia kan Home Minister zahawm takin a sawi atang khan department-te nen kan han chhui nghal a, eng emaw harsatna an neihte tih kian theih dan kawng zawng 1115 ta ila, kan ngaihtuah sak theih chuan neih theih ngei hi a tha tiin ngaihtuahna kan hmang mek a ni. Chu chu Home department-ah pawh ziakin thlen ila tiin ruahmanna kan lo siam tawh e. Tin, zawhna neitu Pu V.L.Zaithanzama’n a zawh belhna mimal in sorkar inluahtir thin hi hmun dangah tih a awm tawh em tih kha keini lamah chuan kan nei lo va. Vairengte bik godown hi luah tir thin a ni tawh a, sorkar hmasa hunlai atang tawh khan. Keini hian Godown No.1 leh No. 3 tuna kan luahtir lai hi government approved awmsaa luahtir kan ni a. Dan ang takin government approved rate anga luah tir an ni a. Chu chu tunah hian a luah man pawh hi govenrment account-ah Challan a deposit vekin a luah man pawh hi a lut a.
Tin, Vairengte godown hi kum 1980 vel atanga sak tawh kha a ni a, metric ton 500 capacity-a liana sak a ni vek a. Chutiang chu tuna a dinhmun a ni a. Hetia kawngte a lo that taka godown dang hman tangkai a lo nih takah chuan rail head-te a lo awm tak bawka chuan Vairengte godown khu a lo chuang ve ta hrih a ni. Chuvang chuan a tangkai zawngin kan hmang a ni e. Chu chu Pu Speaker, ka chhan theih dan a ni e. Ka lawm e.
SPEAKER : Starred Question No. 198-na zawt turin Dr.Vanlaltanpuia kan sawm e.
Dr.VANLALTANPUIA : Starred Question 198-na, Higher & Technical Education Department changtu Minister zahawm tak chhan atan ka zawhna chu hei hi a ni – a) Mizoram University Southern Campus, Lunglei hi din a nih theih nan engtia thui nge hma lak a nih tawh? b) Eng department or subject te nge hawn tum a nih?
SPEAKER : Chhang turin Minister zahawm tak Dr.R.Lalthangliana kan sawm e.
Dr. R.LALTHANGLIANA,MINISTER : Pu Speaker, member zahawm tak Pu Dr.Vanlaltanpuia zawhna chhanna chu – a) Mizoram University Southern Campus, Lunglei din a nih theih nan Mizoram University Academic Council chuan Mizoram University insawhngheh hnua a hmachhawp atan a dah a. Mizoram University chuan Ministry of Human 1116
Resources Development-ah vawi tam tak lehkha a thawn tawh a, tun thlengin chhanna duhawm dawn a la ni lo. b) A tir atan chuan heng subject, department-te hi hawn tura ruahman a ni :-
1. English - M.A.,Ph.D
2. Mizo - M.A.,Ph.D
3. Philosophy - M.A.,Ph.D
4. History - M.A.,Ph.D
5. Anthropology - M.A.,Ph.D
6. International Relation - M.A.,Ph.D
7. Peace and Conflict Studies - M.A.,Ph.D
8. Women and Gender Studies - M.A.,Ph.D
9. Commerce - M.A.,Ph.D
10. International Trade, - M.A.Ph.D
11. Business and Finance
SPEAKER : Zawh belhna zawt turin Er.H.Lalzirliana i lo sawm hmasa ang.
Er. H. LALZIRLIANA : Pu Speaker, ka lawm e. Minister-in awlsam taka a chhan theih tur niin ka ring a. Mamit-ah khuan Polytechnic din tum a ni ve a, kum 2015-2016 vel khan building tha deuh mai staff quarter-te nena sak zawh vek tawh a awm a ni. Hei hi tunah chuan an hman dan chu inthlan lai hian CRPF riah nan an hmang thin a. MP leh MLA thlante khan an hmang tangkai a. Inthlan leh hun tur lah hi a hlat tawh hmel riau lehnghal a, tunah hian hman lohin a awm a. Hnimin a bawh a, gate pui pawh tala mai bakah chain-in tumah luh theih loh turin an kalh hnan rup mai a. Tunah khuan hnimin a bawh zel bawk a, a chhe tan tial tial chu a ni mai a, kum 3/4 li vela zawh tawh kha a lo ni bawk nen. Chu chu tunah hian function tir tumna a awm em tih leh khutah khuan transformer install a awm lo a, chu chu CRPF election duty-a lo kal khan generator lian an install a, chu chuan light an pe a, an awm thei mai a. Ti chuan transformer hi install a ngai a, engtikah nge 1117 install theih a nih ang? Tin, Polytechnic hi run tir tumna hnaivai awm lo a nih chuan engtinnge hman tangkai kan tum Hman tangkai tum dan kan nei em tih kha ka zawt belh a ni e.
SPEAKER : Zawh belhna zawt turin Dr.K.Pachhunga i lo sawm ang.
Dr. K.PACHHUNGA : Pu Speaker, ka lawm e. A phar hmasate dik takin i ko a ka lawm khawp mai. Ka zawhnate a fiah zawk theih nan tlem han belh lawk ka duh a. Mizoram University Campus hi 2009 atangin Lunglei zirlaite leh NGO-ten buaipui a ni tawh a. Mizoram University-in Study Team-te dinin, team leader Margaret Ch.Zama hoin tum hnih ngawt endik a ni tawh a. Report tha takte pawh min ziah sak a, khanglai 11th Finance Commission hman lai a ni a. 12th Finance Commission-ahte thun tumin theihtawpin hma an la a. Human Resource leh central lamah kan sorkar hmasate khan hma min lakpui nain kan hlawhtling ta chiah lo va, tumah han indem tur pawh a awm lo va.
Mizoram University-ah vawiinah hlawhtlinna ropui tak kan dawng a. India ram University 36-na niin he House-ah khan kan sawi a, ka hriat dan chuan 21-na a ni a, an hlawhtlinnate ropui ka ti a. Tin, miin an ngaisang a, student enrollment a sang em em a, chuvang chuan campus siam a hun tawh khawp a. Meghalaya-ah Tura campus a awm a, Nagaland-ah campus 2 an nei bawk a. Tunah hian Sikkim- ah, Gangtok atang km 56-ah campus din tumin an bei mek a. Mizoram sum a ni lova, central suma Mizoram chhim leh hmara kan thalaite education tha pek hi sorkarin theihtawpa hma a lak a thain ka ring a. Chutih laiin border hnaih lampang Myanmar leh Bangladesh, Indo-Myanmar and Bangladesh relation through education and learning-a kan siam hi central hian interest a nei bawk a ni. Kan sorkar hian tha taka kan nawr chuan he University campus, Mizoram budget ni lo, sum tam tak awmna, chowkidar atanga officer leh Professor thlenga awm theihna kan siam theih chuan a tha khawp ang. Kan zirlaiten education excellence, zirna tha an dawn pawh hi an right a ni a. Sorkar hian theihtawpin tan lakpui a tha ka ti a. Central Government-ah hian kan hotute kan feh chhuak thei ang em tih kha ka zawhna ni teh se. Ka lawm e.
SPEAKER : Veilam ka lak ve loh chuan lai lo min ti palh ang e. Member zahawm tak Pu K.T.Rokhaw a phar hmasa ber dawttu a ni. 1118
Pu K.T. ROKHAW : Pu Speaker, ka lawm e. Ka zawh belhna chu Siaha Government College-ah hian Science leh Commerce stream hi min dah sak thei ang em tih a ni a. Science Department phei hi chu Siaha College-in kan la nei lo a.
SPEAKER : Hmanah khan i zawt tawh a nia, i zawh ngai i zawt nawn leh dawn em ni?
Pu K.T. ROKHAW : Min la chhang lo va. Chuvangin Siaha College phei hi chuan Science Department hi kan lo nei tawh thin a, mahse Serchhip-ah sawn a ni ta a ni. Theihpatawpin kan nawr a, mahse vawiin thleng hian dah leh a la ni lo va. Chuvangin, kan Minister zahawm tak hian Science Department hi min dah sak leh thei ang em tih leh Commerce Department hi min dah thar sak thei ang em tih hi ka zawhna a ni a.
A pahnihnaah chuan Siaha College hi constituent college ni turin kan dil a. Sorkar hmasa pawh khan min recommend tawh a. Tun sorkar hian a status sang zawk, constituent college kan dil hi min recommend thei ang em tih a ni e.
SPEAKER : Pu Z.R. Thiamsanga i lo sawm ang.
Dr. Z.R. THIAMSANGA : MLA zahawm tak Pu Vanlaltanpuia zawhna hi zawhna awm tak, sorkar pawhin a tihhlawhtlin ngei ngei chi niin ka hria a, ka thlawp khawp a ni. Aizawl ringawta zirna tha kan dah ringawt hi a dik lo va. Chuvangin Lunglei District leh District dang te pawh hi kang kai chho se a tha in ka hria.
Pu Speaker, ka zawh belh duh chu Mamit MLA zahawm takin a zawhna ang khan Champhai ah pawh khian Polytechnic building tha deuh sorkar hmasa khan min sak sak a. Hman tangkai leh luah lovin hun rei tak a awm ta a. Kan sorkar chak tak hian polytechnic leh technical institute lam te a ngaipawimawh hle in ka hria a. Khi khi chhunzawm tumna a awm em? Chhunzawm ni ta se eng department nge dah a tum tihte hriat kan duh khawp mai.
Ka zawh belh duh chu Champhai College khi Mizoramah College tha berte zinga an thlan a ni a. NAAC accreditation-ah khan pahnihna kan ni a. NAAC Peer Team te pawh khan PG zirna turin Political Science leh Economics te an recommend tawh a ni. Tunah hian Political Science ah zirtirtu 4 leh Economics-ah 4 1119 an awm a. Pahnih ve ve dah belh ni ta se Post Graduate zir nan hman theih a ni a. Kan sorkar chak tak hian min tih sak a tum em tihte ka zawt duh a.
Zirtirtu hi hmun tinah kan indaihlo a. Mahse sorkar hian kan tlakchhamna te min phuhruk zel a. History leh Geography phei chu zirtirtu kan tlachham a. Tun hnaiah khan History zirtirtu chu min pek belh a. Kum leh lawkah hian pahnih an pension dawn a. Hengte hi min ngaihtuah sak thei dawn em tihte ka zawt belh duh a.
Ka sawi belh duh chu Lunglei Southern Campus chungchang kha a ni a. Kumin chhungin khan University atang khuan 3000 chuangin BA, BSc leh B Com an pass a. Kan University kan department 27 vel a nei a. Department tinah seat 50 vel theuh a awm a, kan in accommodate zo lo a ni. Chuvangin Southern Campus kha tih hlawhtlin ngei a nih theih nan ka han sawi nawn leh a, PG zir nan pawhin min lo buatsaih sak ngei ka beisei bawk a ni. Pu Speaker, ka lawm khawp mai.
SPEAKER : A zawhna neitu kha i zawh sak bawk si a, sawm leh tho ang aw. Dr. Vanlaltanpuia.
Dr. VANLALTANPUIA : Pu Speaker, ka lawm e. Mizoram University Southern Campus hi din a har loh nachhan tlem sawi ka duh a. Hei lai hmuna dinna tur ni awma kan ruatah hian Mizoram Engineering College building kan sa mup mup a. Ruahmanna an siamah chuan student 300 chuang awm theihna tura sak a ni a. Mahse department pakhat chauh, Civil Engineering Department chauhin emaw bul kan tan thei dawn niin kan ngai a. Chuvang chuan he University tan hian building sak buai lutuk ngai lovin eng emaw ti chhungin RUSA lam hruaitute pawh khan ‘hei hi lo luah lawk theih a ni’ ti angte khan sawi a awm bawk a. Tin, member zahawm tak ten an sawi ang khan Mizoram pawisa sen tur a ni lem lo bawk a, University tam tak hian campus hi an ngah hlawm em em a. Kan hriat angin NEHU pawh hian Tura campus a nei a, Kohima campus a nei a, tunhma phei kha chuan Aizawl campus pawh a awm thin a. Hei hi kan University te hian an khamkhawp tawh lo em em a. Kan University-ah hian capacity kan lak theih hi seat 30/40 emaw chauhte a nih avangin Master Degree zir theilo hi an tam em em mai a Pu Speaker, hei hi a rang lama bawhzui theih ni ta se. Hetah hian ka zawhbelhna chu Eng nge kan mutan ni ta ber tih hi ka zawhna a ni a. 1120
A dawtah chuan he House zahawm takah hian tarlan ka duh thil pakhat a awm a, Pu Speaker. Hmanniah khan sawichhuahna ka nei tawh a, kan CM zahawm tak khan tlem azawng chu a react tawh a. NIT kan technology zirna in sang ber hi hlamchhiah a ni rei khawp mai a, Mizoram mipuite hian hei hi hria ila ka duh a, he House zahawm takah hian tuna kan Director ni lai pawh hi thla khatah hian ni nga emaw chauhte a awm thin tih report ka dawng a. Vawiinah hian kan CS zahawm tak pawh kan zingah a awm a, a department enkawltu ber hi Higher & Technical niawm tak a ni a, mahse central-in direct-a a enkawlte an nih avangin NIT hi a buaithlak khawp a. Mahse Mizoram NIT a ni bawk si a, hei hi kum 8 a nih tawh hnu pawhin tunah hian campus kan la din thei lo a. Hei hi a serious khawpin ka hria. Tunah hian India rama ranking petu ber National Institution Ranking Framework (NIRF) pawh hian 2018-2019 inkarah khan kan NIT hian ranking pawh a nei pha tawh lo a ni, a serious khawpin ka hria a. Hengte pawh hi a theih chuan kan Minister zahawm tak hian min en sak thei se tih kha ka ngen tel a. Engnge kan mu tan ber, Southern Campus hawng tur hian tih kha ka zawh belhna a ni e. Ka lawm e.
SPEAKER : A zau khawp mai a. A theih chin chin chhang turin Minister zahawm tak Dr. R. Lalthangliana kan sawm e.
Dr. R. LALTHANGLIANA, MINISTER : Pu Speaker, a zawhna neitu zawhna tlemin a inpersan deuh a, mahse NIT hi a pawimawh khawp mai a, khalai kha ka chhang hmasa duh a. Ka department a nih leh nih loh pawh ka hre lo a, amaherawhchu, academic-ah te kan awm avangin kan ngaihtuah lo thei lova. Zawhna zawt duh pawh in la awmin ka hria a, Dr. Mathlana te pawh a ding zuai zuai a, a interesting a. Chuvang chuan kan Director pawh hi sawisel a hlawh khawp mai a, tlang deuhin sawi ila, hnam dang a ni a, thla khatah ni 5 bak hi a awm mang lo tih te a ni a, chuvang chuan en that chu a ngai. Tin, campus pawh hi kan nei lo va, khitah Chaltlang-ah in an luah mai mai a, hei hi a hun tawh chiah lo a ni. Chuvang chuan India rama a tichhe berte zing ami kan lo nih tih angte hi tuna kan hriat dan a ni, tikhan ka chhang mai ang a, Assembly-ah meuh khatianga zawhna a awm takah chuan Pu Speaker.
A mutan lai tak, Lunglei-a campus chungchang hi chu ka hriat dan hi a awm ve tho a. Tin, official pawhin zawhna an chhanna atang pawh khan a chiang tho a. Kan thuneihna hi a ni chiah lo a, MZU hian min duhsak a, kan Vice Chancellor ni 1121 mek pawh hian theihtawpin tan min lak pui a, Higher & Technical mawhphurhna ka chan pawh khan ‘lo leng teh' ka ti a, ka sawm a. ‘A bawhzui dan tur kawngte engtinnge kan inrawlh ve a ngai em?’ te ka ti a. A ngai viau a ni. February thla a ni mai thei a, Delhi kan kal khan, hun nei lo chung chung khan HRD Union Minister kha ka hmu a, hun remchang ka nei hlauh mai a, D.O letter kei pawhin ka siam a. Hei hi chu a hmanhmawh thlak a ni, kum tam tak kan lo neih dinhmun hi Lunglei chauh a ni lo a, Siaha leh Lawngtlai District tan, sawlam tan khan a pawimawh a. Admission MZU-in min pe hleithei tawh lo a, kan mamawh ang chin. Chuvang chuan hei hi a hmanhmawh thlak a ni ka ti a. Thla leh lawka inthlang tur kha an ni a, tawngkam kha chuan min han commit ve mai a, mahse tunah hian midang khan an chelh leh ta in ka hria. Han chhuahchhal leh dawn khan amah ni lo HRD Union Minister kan neiin ka hria a. Eng pawh nise, khulai bawr vel khu a mu tan a ni, HRD Ministy-ah, Mizoram lamp hi kan ni vak lo, University kan neih MZU pawhin theihtawpin tan min lak pui a. Chuvang chuan remchang hmasa berah central sorkar an insiam fel tawh chuan chak taka bawhzui kan tum ang tih kha ka chhanna ni se.
Zawhna inpersan deuh si, mahse pawimawh deuh deuh kha kan Group Leader Pu Duha zawhna pawh kha a awm a, mahse chhan lohin a awm thin a, khilai a bial Serchhip lama Polytechnic chungchang kha tihian a in pending reng mai a. Chuvang chuan Higher & Technical hmalakna pawimawh tak a nih si avang khan Pu Speaker, i remtihna leh i phalnain, inpersan deuh mahse MLA zahawm tak tak Pu Zira te, Dr. K. Pachhunga zawhna te, Dr. Thiamsanga zawhnate kha Polytechnic chungchang kha a ni a. Thil awmdan hi he House pawh hian kan hriatchian hrim hrim hi a tha, Champhai-ah hian 2013 khan Polytechnic building hi sak zawh tawh a ni a, a rei tawh zia chu. A tirah chuan Food Processing Technology (3 years) Diploma Course leh Refrigerator & Air Conditioning Engineering (3 years) Diploma Course kha introduce tura tih a ni. Amaherawhchu, hun kha a kal a kal a, a tawpah chuan Civil Engineer zirna hi siam mai ila tih te kha sorkar hmasa khan thu a ti tlu a, mahse Serchhip District ami ang te, Mamit District ami ang te, a course zir tur kha chu a inang lo maithei, engemaw ruahmanna chu a awm a. Amaherawhchu nikum hmasa mai sorkar hmasa Cabinet meeting khan agenda-ah a nei thin a, post te pawh create turin hma an han la a, Champhai leh Kolasib leh Mamit atan khan post 113 kha a create zet a. Amaherawhchu DP&AR leh a dang vel a tlang hnu khan Council of Ministers khan khang kha nikum lamah khan a drop leh ta daih mai a. 1122
Chuvang chuan a thawktu tur tih fel ni bawk si lo kha a buaithlak ta a ni. Tin, Serchhip te pawh kha a approach road ringawt kha tunah hian nuai 98 vel niin ka hria a, thawh zawh tawh a ni a, a bak hmalakna chhunzawm kha a la awm thei lo va, a pawi khawp mai. Mamit District te pawh kha khatiang ang chi vek kha a ni. Post creation a awm lo va, hei hian harsatna lian tak min siam sak a. Government of India funding a ni a, district tinah hian neih vek theih ni se tih kha an duh dan a nih avang khan vaibelchhe 12 zet kha district pakhata Polytechnic atan hian ruahman a ni. Tah chuan vaibelchhe 8 kha building leh thil dang atan dah a ni a, crore 4 kha equipment lei nan te leh thil dang atana ruahmanna fel taka awm si kha a ni. Chuvang chuan Pu Speaker, ka chhan duh dan chu hetiang Govt.of India atanga thil tha deuh deuh awm hi a dawngsawngtu state hian uluk taka kan dawnsawn a ngai a ni. Hei hi Engineering Collge chungchangah pawh a ni vek, chu chu a pawimawh em em mai a. Chuvang chuan sorkar hmasain hma a lo lak tawh a thihsawn mai kha chu a remchanglo khawpin ka hria a, theihtawpin tan lak a that ka ring a. Pu Speaker, Consultative Committee kha an rawn ti chhuak a, a lawmawm khawp mai a, khang te tak te pawh khan kan department chan hi kan inthlirpui te pawh a tha awm mang e tih kha ka chhanna ni ta se.
Tin, transformer, Pu Ziran a sawi khalaiah dah theih a ni ang em tih kha P&E Department lam te kan lo dawr leh ang a, khulaiah building leh thil dang sak vek tawh si electric pawh luh loh kha chu a serious in ka ring a, ti thei turah in beisei ila a that ka ring. Dr K.Pachhung rawn kha a dik a, hun rei tak atang tawha sawlam campus nei tura beihna kha a rei tawhin kan hria a. NEHU hun lai pawhin Nagaland- ah Mizoramah campus tha tak tikhuan a din a, tunhnaiah tuna sawi bak pawh kha a awm nual a ni. University hian in awmna state-ah hmun thenkhat geographical location azirin ngaihpawimawh a nei a ni. Chuvang chuan MZU campus chhimlama kan neih tur pawh hi thil pawimawh tak a ni tih ka sawi duh a ni.
Tuipang bialtu Pu KT Rokhaw zawhna kha, hmanni khan tlem chu ka chhang tawh nghe nghe a; a dik khawp mai a, Siahaa Science stream leh Commerce hi tih leh theih ni se tih kha, tunah hian ngaihtuahna kan siam leh mek a ni; committee pawh kan han din ve deuh a. Science zirna hi a pawimawh khawp mai, chhim lamah sawn kan nei tha vak lo a ni. Chuvang chuan ngaih pawimawha neih chu a tha hlein ka ring. 1123
Tin, chutih mek laia Champhai-a PG zir theihna tura tih, thahnemngai taka a bialtu Dr. Thiamsanga rawn sawi kha kan bawhzui leh kan en chhoh mek a ni a. Tlem lai deuh khan college thenkhatah hian PG zirna nei ila tiin kan han rel a, Principal pawh kan ko a, ‘in inpeih thei ang em, in inhuam em’? kan ti a. Inhuam an awm a, inhuam lo an awm bawk a. Amaherawhchu ka han sawi duh lai tak chu, kan department enkawlah hian a ruak hi kan ngah viau mai a, Higher & Technical bikah hian. Hemi post ruak hi kan inhnawh khah loh chuan kal a harin ka ring a. Tunah hian teaching post, Assistant Professor kan tih ang chi hi 167 a la ruak a, hei hian harsatna lian tak min siam a. Tin, non teaching post hrim hrim pawh hi 69 lai a ruak a ni. Chuvang chuan hei hi en fel a tulin ka ring a. Niminah kan CM khan a wind up naa a sawi kha a tha khawpin ka hria a DP&AR, Finance te leh a concern department te nena sawi tlan tih kha, tunhmaa CM dang ten an tih ngai miah loh a nih ka ring a. Khatia min tih sak theih chuan tlem chuan a short cut deuh ka ring khawp mai. File-ah a kal a, an lo examine a, check list an lo nei a, a buaithlak vena lai kha a awm a. Chuvangin vawiinah hian beisena thar awm turah ngai ila a tha ang e. Chhan dawn chuan chhan ngai kha tam tak a la awm a, mahse Pu Speaker, i duhtawk mai ang. Ka lawm e.
SPEAKER : Starred Question No. 199-na zawt turin member zahawm tak Pu Vanlalhlana kan sawm e.
Pu VANLALHLANA : Pu Speaker, Starred Question 199-na, Minister zahawm tak Txation Department enkawltu chhan atan - Vairengte check gate hi GST lak a nih hnuah khar a ni em ?
SPEAKER : Chhang turin a changtu Minister zahawm tak Pu Lalchamliana kan sawm e.
Pu LALCHAMLIANA, MINISTER : Pu Speaker, member zahawm tak Pu Vanlalhlana zawhna chhanna chu hei hi a ni –
Vairengte check gate hi GST lak a nih hnuah khar (suspend) a ni. (vide Notification No. J.21011/2017-TAX/Vol-II/Part : dt 31st August, 2017)
Pu ANDREW H. THANGLIANA : Pu Speaker, ka lawm e. Way bill chungchang zawh ka duh a. GST-ah hian way bill hi tunhma ang lo takin distance wise-a a validity hi pek a ni a. Entirnan, Silchar ami bungrua kan phur dawn a nih 1124 chuan km 200 chhungah a lo awm a, darkar 24 chhung chauh validity a lo awm ta a. Tuna heta kan thut khawm lai reng pawh hian ka phone call dawnah chuan Vairengte check gate-ah khuan truck 15 atanga 20 bawr vel an validity tawp tawh avanga hren mek an ni. Helai hi an chhuanlamah chuan Silchar atanga bungrua an rawn phurh kha Dholaiah te GST hrethiam lutuk lo police te leh eng eng emaw document vel an check fel duh avangin 2/3 delay an lo ni a. Kha kha Vairengte check gate-a hotute khan way bill hran siam leh turin an lo ti a ni. Anni tan venaah chuan kan siam leh a nih chuan pawisa kan chawi double dawn si a tih lai kha a ni a. Helai te hi Taxation Department changtu khan engtia tih tur nge tih kha min hrilh fiah theih chuan tih kha zawhna ang reng deuhin ka han zawt e. A pahnihnaah chuan, recovery of dues kan tih ang chi, VAT hun lai khan Bakijai court te kan nei a.
Taxation hian assessment a neih hnuah an thin hlawhchham ho kha court-ah an thawn phei thin a. Kha kha tunah hian GST hnuaiah Mizoram tih te, central tih te a awm tak nuaih avang hian nakinah assessment te neih a la ngai leh ang a. Tax file tha duhlo ho kan tih ang chi te recovery chungchangah department hian khawnge a thlen ve dawn tih hi ka zawhna pahnihna a ni e.
SPEAKER : Member zahawm tak Pu Lalchhuanthanga zawt hmasa ber tu kha a ni a, han ding teh se.
Pu LALCHHUANTHANGA : Pu Speaker, ka lawm e. Minister zahawm tak khan ka zawhna kha chhan kim loh a nei a, hman dang, non-mizo sumdawnna GST registration nei si, bul pawh la tan lo, tax pawh la pe lote hi an registration cancel sak theih a ni em tih kha min chhan tel loh avangin ka zawt leh a. Vanglaini a chhuak han tih kha MIMA thuchhuak Vanglaini a chhuak tih tur a ni bawk e.
SPEAKER : Zawhna neitu Pu Vanlalhlana ka sawm e.
Pu VANLALHLANA : Pu Speaker, ka lawm e. Minister zahawm tak khan Vairengteah khan Taxation gate kha khar a ni, notification pawh chhuah a ni a ti a. Vawiinni thleng hian khu gate khu a la awm a ni. Motor khalhtu te pawh an in report a, office-ah pawh an lut ngei a, eng nge an tih ang. Chuvangin khu check gate atang khuan sorkarin revenue a nei ve ngei em tih te kha kan hre duh a ni. 1125
Kan zawh belh duh chu tunlaiin online-a bungraw chah a lar khawp mai a, kan chah uar deuh deuh dawn te pawh a ni ang a. Online a bungraw chah ah hian GST lak a ni ve em tih kha ka zawh belhna a ni e.
SPEAKER : A theih ang anga chhang turin Minister zahawm tak Pu Lalchamliana ka sawm e.
Pu LALCHAMLIANA, MINISTER : Pu Speaker, ka lawm e. Member zahawm tak Pu Andrew H. Thangliana han tarlan kha thil pawimawh tak a ni a, mahse thil kalphungah chuan Way Bill hi kalkawngah a expired hman a nih chuan pawisa chawi belh ngai lovin extend theih a ni. Dan anga kal pui anih chuan, tih kha ka’n sawifiah duh a. Tax pe tha duh lo te hi engtin nge department hian a tih ang tih kha tunah hian tribunal din turin sorkarah thehluh mek a ni a, a fel hunah chuan tax thu buai hi kal thin tura ngaih a ni.
Pu Lalchhuanthanga, South-II bialtu zahawm tak khan hnam dang registration nei tawh si, sumdawnna la tan lo te hi cancel sak theih a ni em tih kha ka lo chhang lo palh a, pawi ka ti a. Amaherawhchu ka hre chiah lo va, chutianga sumdawng lo na na chu registration hian validity a nei ve a, a validity chhunga an tan loh chuan cancel theih turah ka ngai a, kan lo enfiah ang e.
Zawhna neitu member zahawm tak Pu Hlana khan check gate a la awm a ti a, a dik a, a dik lo bawk a. Taxation hmun khu GST hman a nih hma hian Mizoram sorkarin hmun hrang hrangah check gate neih thluah hi a fel lo ve, Taxation hmun khu a rem ber e tiin, Integrated check post an lo siam a. Tah chuan Taxation Department bakah Department dang pahnih pathum pawh an tel a ni. GST hman a lo nih hian check gate siam tawh loh ni se tih kha GST Council thu rel thluk a ani a. Chumi ang chuan Vairengte te, Zemabawk te, Lengpuiah te tunhma a check gate awm thin kha, Champhai ah te pawh tihtawp a lo ni ta a ni. Amaherawhchu mihring hi kan mak khawp a, a bik takin Guwahati te, Kolkata leh India ram hmun dang atang hian fel fai takin an lo kal niin kan hria a. A bik takin Silchar ah khuan an bungraw hralh hi an under value a, GST kha awl tur angin bungrua hi an rawn thawn chho thin a ni. Chu chu a nihna takah chuan smuggle goods ti ta ila, a dik thei awm e. Khatiang a nih si avang khan check gate ni lovin, eng ang bungrua nge an phurh, an document eng ang nge ti a Collection Centre kha i siam teh ang an ti a, department lam remruatnain, sorkar phalna thlapin Collection Centre khu an lo din 1126 ta a ni. Khuta Collection Centre an tih khu check gate angah chuan kan ngai lo na a, check gate tenau kan tih chuan a dik tho mai. Khata tang khan tax pehhel tum ho te, eng emaw chen kan lo hmuchhuak thei a, chu chu sorkar tan pawh a tangkaiin kan hria a, check gate ni lovin data collection centre kan ti a. Hemi bakah hian mobile squad emaw, flying squad emaw ten an tlan lai hi department lamin tul an tih chuan hei hi chu an check sak thei tho na a, mihring indaih tawk lohna avangin duty reng hi a harsa thin a. Khuta Collection Centre tih khu a remchang zawkin kan hria tih kha ka chhanna a ni e.
Pu LALDUHOMA : Pu Speaker, Pu Andrewa zawhna kha chhan kim loh awm a, a pawimawh viauin ka hria. Defaulters an lo awm a, chu chu department lamin emaw, a nih loh leh Certificate Officer hnenah emaw, a nih loh leh tuna a sawi ang khan tribunal-ah khan a kal dawn ta a. Mahse, online-a tih te a lo ni a, non tribal te an lo ni a, Mizorama cheng lo te an lo tam si a. Khami te chungah khan eng nge tih theih kan neih tih kha hriat a va tha ve.
Pu LALCHAMLIANA, MINISTER : Pu Speaker, ka sawi ang khan tribunal hi han din phawt mai sela, eng ang power nge pek a nih ang tih te khatah khan a lo lang chhuak ang a. Kan tih theih ang chin chu a lo atang chhuak ang a. Tunah hian GST leh Value Added Tax, petroleum leh liquor-a lak hran hi online in a pek vek theih tawh a ni.
An chah tam vak lovin ka hria a then hi chu. Tax lak theihna chin Ceiling hi a awm ve a. A tirah chuan a sum involve hi 10 lakhs a ni tur a ni tih te a awm ve a. Chuvang chuan online-a chah lam hi chu kan la vil vak lovin ka hria.
SPEAKER : Starred Question No.220-na zawt turin member zahawm tak Pu Lalduhoma i lo sawm ang.
Pu LALDUHOMA: Pu Speaker ka lawm e. Food, Civil Supplies & Consumer Affairs Department Minister chhan atan hei hi ka zawt e - a) Mizoram-ah hian bukna leh tehna chi hrang hrangte hi kan hmang dik lo hle tih hi sorkar-in a hria em ? b) Tidik tura hma lak a ni em ? 1127
SPEAKER : Chhang turin Minister zahawm tak Pu K.Lalrinliana i lo sawm ang.
Pu K.LALRINLIANA, MINISTER : Pu Speaker, ka lawm e. Member zahawm tak Pu Laduhoma zawhna chhanna chu hetiang hi a ni e:- a) Mizoram-a bukna leh tehna chi hrang hrang te hi Legal Metrology-ah dan angin hun bi neiin endik tira, endikna fee pawh pek vek tur a ni. Heng bukna endik sa te hi a hmangtu sumdawngte hian an hmang dik lo ve fo thin a ni tih hi sorkar pawhin a hria a ni. b) Bukna leh tehna hmangtu thenkhatte hian endik sa vek pawh an hman dik loh fo thin avangin sorkar chuan Legal Metrology Enforcement staff kan neih te hmangin a ti dik lo man chhuah a, hrem leh complaint te bawhzui hi a kalpui reng a ni.
SPEAKER : Zawhbelhna zawt turin a neitu kan sawm phawt ang.
Pu LALDUHOMA : Pu Speaker, ka lawm e. Kan ramah hian Chartin te, Cubic lungte hi a nih tur ang a ni lo zo vek tawh a. Hnam leh kohhran ang pawh hian kan mualpho niin ka hria. Hemi tih dik hna hi beihpui neih a thain ka hria a. Buhfai teh hi dik phawt mai se. Weightbridge te hi kan nei tha tawh em ? Department-in enkawl a har deuh a nih pawhin out source mai te pawh a tha em? Tuna kan dinhmunah chini leh buhfai hi an teh dik chuan a dang pawh, a tam ber a nih avang hian a nghawng dik ve thei ang a. Kan NGO te nen pawh hma kan la kan ti chung reng hian, a tam zawk hi a la dik lo vek a ni. Kan sa buk te pawh a dik lo vek a ni. Hei chu zep thu a awmin ka hre lo va, hemi tidik tur hian phek beih teh ang u. Engtin nge hma kan lak ang? Sorkar hian ruahmanna tha deuh a siam thei ang em ka ti a ni.
SPEAKER : Pu B.D.Chakma i lo sawm ang.
Pu B.D.CHAKMA : Pu Speaker, ka lawm e. Ka zawhbelhna chu Borapansuri Supply Godown hnuaiah Retailer 15 vel an awm a, carrying bill hi kan la thei lo va. Storekeeper hlui Pu Saimawia niin a lang a, ama hun lai hian an la miah lo va. Chuvangin bill lak theih dan hi a awm em, Pu Speaker? 1128
SPEAKER : Aw le, Minister zahawm tak chhang turin i lo sawm ang.
Pu K.LALRINLIANA, MINISTER : Pu Speaker, ka lawm e. Member zahawm tak Pu Lalduhoma zawhna weighbridge kan nei tha em? Hei hi a pawimawh khawp mai a, bukna diklo te leh (4x3x12) dik lo, cubic dik tawk tawh lo, sa rate thlengin thil dang zawng zawng, tang ruala kan endik ho a ngai a ni tih kha a dik khawp mai. Hei hi Mizoram mipui tan lak nan hian a tul tak tak a ni. Christian kan nihna ang pawhin a dik a kan kalpui a pawimawh hlein ka hria.
Tin, weighbridge chungchang hi department ang pawhin ngaihtuahna kan hmang tawh a. Zuangtui Kudam ami te pawh kan privatized a. An buk man saw ruahmanna fel tak neiin kan kalpui a. Saw mi saw chu a chhe khat khawp mai a, a dang ho hi a tha mawh viau mai a ni. Committee pawh kan nei fo a, thla hmasaah pawh khan CM kan hmuh pawhin kan sawi tel a. A bul atanga ruahmanna siam thata weighbridge repair emaw, a thar lei belh emaw, out source kan tih ang chi zawng tea kalpui te pawh a tha lawm ni tiin ngaihtuahna pawh department ang hian kan hmang mek a ni tih kha kan chhan theih dan a ni e.
Tin, Pu B.D.Chakma rawn sawi Lunglei DCSO-ah Borapansuri Retailer ten carrying bill an la hlei thei lo thin tih kha a dik khawp mai. Tunah hian LOC pek phei tura ruahman mek a ni a, reilo teah an la thei tura beisei a ni tih a kha ka chhan theih dan a ni e.
SPEAKER : Question hour a zo ta a, Laying of Papers-ah kan kal ang a, Dr.R.Lalthangliana, Minister zahawm takin “The Separate Audit Report of the Comptroller & Auditor General of India on the Accounts of the Mizoram Khadi and Village Industries Board, Aizawl for the year ended 31 March, 2017”. House-a lay turin i lo sawm ang.
Dr. R.LALATHANGLIANA, MINISTER : Pu Speaker, i phalna leh he House remtihnain -
A copy of “The Separate Audit Report of the Comptroller & Auditor General of India on the Accounts of the Mizoram Khadi and Village 1129
Industries Board, Aizawl for the year ended 31 March, 2017” hi he House-ah hian ka rawn lay e.
SPEAKER : A copy kha han sem rawh u le. Kan chang kim em? Kan chan kim chuan pahnihnaah kan kal ang. Pu Lalchhandama Ralte, Minister zahawm takin “The Mizoram Youth Commission Rules, 2019” hi House dawhkanah rawn lay leh sela. Ka sawm e.
Pu LALCHHANDAMA RALTE, MINISTER : Pu Speaker, i phalna leh he House zahawm tak remtihnain “The Mizoram Youth Commission Rules, 2019” hi ka rawn lay e.
SPEAKER : A copy kha han sem leh ula. Kan chang kim maw? Tunah chuan Legislative Business-ah kan kal ang a. Vawiinah hian Bill pathum ngaihtuahho tur kan nei a. A hmasa berin kan Chief Minister zahawm tak Pu Zoramthanga kan sawm ang a, a Bill “The Mizoram (Repeal of Certain Enactments) Bill, 2019 hi House-ah introduce rawn dil se.
Pu ZORAMTHANGA, CHIEF MINISTER : Pu Speaker, i phalna leh he House remtihnain “The Mizoram (Repeal of Certain Enactments) Bill, 2019” hi he House- ah introduce ka rawn dil e.
SPEAKER : A rawn dil ta a. Rem kan ti em? Rem kan ti a. Chief Minister zahawm tak introduce turin kan sawm e.
Pu ZORAMTHANGA, CHIEF MINISTER : Pu Speaker, i remtihna leh he House remtihnain “The Mizoram (Repeal of Certain Enactments) Bill, 2019” hi he House-ah hian ka rawn introduce e.
SPEAKER : Chief Minister zahawm takin a rawn introduce ta a. A copy kan nei vek tawh a. Bill hi sawiho tur a ni a. Chief Minister zahawm takin Bill hi House-ah ngaihtuaha sawiho turin rawn move se la. I lo sawm ang.
Pu ZORAMTHANGA, CHIEF MINISTER : Pu Speaker, i remtihnain ka rawn sawi ang a. He Bill hi Act tam tak kal tawh tul tawh si lo, paih ngai si a ni a. Han sawi vak tur pawh a awm lo va. Chuvangin, he House hian min ngaihtuah saka, min phalsaka, he Bill hi min pass sak mai turin ka rawn dil a ni. 1130
SPEAKER : Aw le, Chief Minister zahawm takin a Bill sawihova, ngaihtuah ho turin a rawn move a. Sawi tawh ang khan tul lo, hnawk paihna ang a ni deuh tlangpui a. Sawiho ngai kan ti em? Sawi duh kan awm em? Sawiho dawn chuan hun engzat nge kan inpek ang? Minute 5 inpe phawt ila, a tul dan azirin a pelh theih e. Pu Lalchamliana, Minister zahawm tak kan sawm e.
Pu LALCHAMLIANA, MINISTER : Pu Speaker, ka lawm e. Kan Chief Minister zahawm takin dan hluihlawn tawhte paihna tur “The Mizoram (Repeal of Certain Enactments) Bill, 2019” a rawn move hi ka thinlung takin ka thlawp a. Mahse, ka sawi duh tak zawk chu nichina zawhna leh chhanna hunah khan thil pawimawh tak member-ten an zawt a. Information ka dawn belh a, online-a bungraw chah tax hi Mizoram miin khutah a pe ta a, chu chu Integrated GST-ah a lut a, Mizoram sorkar hnenah min rawn pe lut leh vek thin a ni tih kha ka information dawn thar a ni a. Ka share chak deuh a, Bill support pahin ka rawn ding a ni. Ka lawm e.
SPEAKER : A lawmawm e. Minister-ten member-te zawhna an ngaih pawimawh sak thin a a lawmawm khawp mai. Sawi duh kan la awm em? Pu Lalduhoma i lo sawm leh ang.
Pu LALDUHOMA : Pu Speaker, zawhna zawh ka duh a. Appropriation Act hi eng chen hi nge maw kan mamawh a, a dam le? 2017 thleng kan repeal dawn a ni a, 2018 kha a la dam fan tihna em ni? Tichuan, ka support a, pass mai pawh ka rawt nghal a ni e.
SPEAKER : Sawi duh kan awm em? Kan awm loh chuan Chief Minister zahawm takin sawihona rawn khaikhawmin pass rawn dil se.
Pu ZORAMTHANGA, CHIEF MINISTER : Pu Speaker, ka lawm e. Appropriation Bill hi budget session apiang hian a ngai ve si a.Tichuan danah kan han pass a. A lo awm khawm rui mai a, a hnawk ta a, kha kha dan bawkin hei hi i repeal mai ang u tih a ngai a, a tam lutuk chinah khan paihna tur, a hnawk thenna kha a lo ngai a. Khami kha kan then hma loh kha chuan a dam a ni mai a, kan then chin chinah khan a tawp ta tihna a ni mai a. Chuvangin tunah pawh hian khami kan then chin chin kha kan paih mai tur a ni a. Kan paih hma kha chuan a dam a ni bawk si a. Chuvangin a hnawk lutuk tur kha kan paih theih nan vawiinah pawh hian 1131 kan han siam chin, kan rawn sem tlar dul The Mizoram (Repeal of Certain Amendments) Bill, 2019 kha memberte kan rawn pe a ni a. Chuvangin khami bill in a rawn ken chin a kha kan han thian pawt ang a. A bak chu tuna kan neihte pawh a la dam ang a. Nakinah a tling khawm tam leh deuh tih chinah khan, i paih tawh ang u tih chinah khan paih a ngai leh dawn a. Chuvangin Pu Speaker, he ka bill “The Mizoram (Repeal of Certain Enactments) Bill, 2019” a hnawk tawh paih thenna hi he House hian min pawmpui turin ka rawn dil e.
SPEAKER : Aw le, Chief Minister zahawm takin “The Mizoram (Repeal of Certain Enactments) Bill, 2019” hi House-ah pass a rawn dil a. Remti apiangin ‘Remti’ ti ula (Memberte “Remti”) Remti lo kan awm chuan Remti lo ti rawh u le. Remti lo kan awm lova. Tunah chuan “The Mizoram (Repeal of Certain Enactments) Bill, 2019” chu House-in lungrual takin a pass ta a ni.
Pu ZORAMTHANGA, CHIEF MINISTER : Pu Speaker, ka lawm e.
SPEAKER : Tunah chuan Bill dang kan la leh ang a, “ICFAI University (Mizoram) (Amendment) Bill, 2019” hi House-a rawn introduce dil turin Minister zahawm tak Dr.R.Lalthangliana kan sawm e.
Dr. R.LALTHANGLIANA, MINISTER : Pu Speaker, “ICFAI University (Mizoram) (Amendment) Bill, 2019” hi i remtihnain House-a rawn introduce ka rawn dil e.
SPEAKER : Minister zahawm takin a rawn dil a. Kan phal em? Kan phal a. Tichuan, a changtu Minister zahawm tak hi introduce turin kan sawm e. Tin, ngaihtuah ho turin han move nghal se a tha ang e.
Dr. R.LALTHANGLIANA, MINISTER : Pu Speaker, ka lawm e. Hei pawh hi amend tur hi a tawi ang reng khawp mai a. Kan hriat angin ICFAI tih hi sawi hi a har khawp mai a, a sei khawp mai a. Hei hi MNF sorkar hmasak 2006 khan Gazette Notification-a tihchhuah kha a ni a. Tah hian thil tih hmaih palh a lo awm a, chu chu Section-1, short title leh commencement-ah hian a Act hmingah hian Mizoram tih telh a nih laiin Section 2, clause 32 na definition of University tih laiah hian Mizoram kha lo telh loh palh a lo ni a. A kal phei chu tihian kan kal ve reng mai a. Chulai thu mal pakhat te mai Mizoram kan hmaih palh dah leh na atana amendment kan han tihluh kha a ni, Pu Speaker. He house hian min pass pui theih 1132 chuan a lawmawm khawpin ka ring a. Chuvangin han sawi chiam tur hi a tam lo khawp mai a. He House-a ngaihtuah leh min pass sak mai kha ka beisei deuh a ni.
SPEAKER : Aw le, Minister zahawm takin a Bill a han introduce a,a han move nghal a, a copy kha kan neih vek tawh kha. Sawiho kan ti leh dawn em? Minute engzat nge kan inpek ang? Minute 5 bawk, a dan te in i ti ang aw. Tunge sawi ang le, sawi duh kan awm em? Kan sawm mai dawn em ni?
Statement of object and reason kha ka lo en a, hmanni khan a hlauhawm thei bera ka rin chu sum leh pai a involve em? Mizoramin kan chawi belh ang em tih kha a pawimawh lai ber tur kha a ni a. Amaherawh chu Minister zahawm takin a rawn tih hi sum leh pai sen belhna tur pakhatmah a awm lo ve, Mizoram tihlai te kha thlak mai tur a ni e tih a ni a.Chuvang chuan sawiho lo a, memberten in lo chiang hle tih a chiang a, a lawmawm e. Tunah Minister zahawm tak Dr. R.Lalthangliana pass rawn dilin, sawifiah ngaite a awm chuan rawn sawifiah nghal turin i lo sawm ang.
Dr. R.LALTHANGLIANA, MINISTER : Pu Speakeer, ka lawm e.Nichina ka sawi ang bak kha chu sawi lutuk tur a awm lo a. Amaherawhchu, tuna i rawn sawi ang deuh hlek khan Financial Memorandum hi enclosed ti mai ila, tih vek a ni a. A lo kal dan tur channel hi dik taka lo kal thlap a ni tih ka han sawibelh duh mai a.Tin, Financial Memorandum tih hian sum sen tur engmah a awm lo hrim hrim bawk a. Chutiang a nih chuan a lawmawm khawp mai a, House-in lungrual taka min pass pui turin Vawiinah hian ngenna ka rawn siam leh a ni. Ka lawm e.
SPEAKER : “ICFAI University (Mizoram) (Amendment) Bill, 2019” hi Minister zahawm takin House-ah pass a rawn dil a, pass remti a piangin ‘remti’ ti ula. (MEMBERS : Remti) Remti lo kan awm em? Kan awm chuan Remti lo ti rawh ule.
Aw le, kan awm loh chuan Dr.R.Lalthangliana, Minister zahawm tak Bill “ICFAI University (Mizoram) (Amendment) Bill, 2019” chu House-in lungrual takin a pass ta a ni.
Dr. R.LALTHANGLIANA, MINISTER : Ka lawm e, Pu Speaker. 1133
SPEAKER : Bill dangah kan kal leh ang a, “The Mizoram (Land Revenue)(Amendment) Bill, 2019” hi House-a introduce turin Minister zahawm tak Pu Lalruatkima kan sawm e.
Pu LALRUATKIMA,MINISTER : Pu Speaker, ka lawm e, I phalna leh he House zahawm tak remtihna in “The Mizoram (Land Revenue)(Amendment) Bill, 2019” chu introduce ka rawn dil e.
SPEAKER : Minister zahawm takin introduce a rawn dil a, kan remti em? (MEMBERS : Remti) kan remti a. Tichuan rawn introduce turin sawm ila. Tin, ngaihtuah ho turin rawn move nghal se, Minster zahawm tak Pu Lalruatkima kan sawm e.
Pu LALRUATKIMA, MINISTER : Pu Speaker, i remtihnain ‘The Mizoram (Land Revenue) (Amendment) Bill, 2019’ chu ka rawn introduce a, i remtihnain ka han sawi zau zui nghal ang a.
Kan hriat angin Mizoramah hian Dan, ram enkawlna Dan te kan nei thin a. Kan ram enkawlna Dan kan neih tanna hi state dang thenawmte nena khaikhin phei chuan kan neihna hi a la rei lo hle a. District Council hun laiin Sixth Scheduled paragraph 3-na in Autonomous District Council-te thuneihna a pek angin heng Dan te hi a lo siam ve tawh a The Lushai Hills District House sites Act, 1953 te, The Lushai Hills District Jhumming Regulation, 1954 te, The Mizo District Forest Act, 1955 tun thlenga kan la hman te, The Mizo District Land and Revenue Act, 1956 te, The Mizo District Agriculture Land Act, 1963 leh The Mizo District Transfer of Land Act, 1963 te a ni a.
Tin, state kan lo ni a, chumi hnu chuan Dan kan han neih belh leh a, chungte chu – The Mizoram Land Holding and Settlement Act, 2000 te, The Mizoram Prevention of Government Land Encroachment Act, 2001 hei hi tunah kan la hmang mek a. The Mizoram Land Survey and Settlement Operation Act, 2003 tuna kan neih lai mek leh The Mizoram Taxes on Land, Building and Assessment of Revenue Act, 2004 – te. Hengte hi Constitution of India Article 246 in state sorkar thuneihna tura a sawi 7th Scheduled- a list 2, State List zinga entry 18-naah Land Administration chungchanga thuneihna kan neih angin kan lo siam thei bawk a ni. Chu thuneihna vek hmanga pass 1134 tur chuan tun tuma kan Dan siamthatna Bill pawh hi rawn ruahman a ni bawk a ni.
Chutiang chuan Pu Speaker, hun lo inher zelah hian kan khawsak dan leh kan mamawh te a lo danglam zel a. Chuvang chuan kan sawi tak Dan 10 – te zinga kan la hman mek pathum te tih loh Dan dang 7 te chu kan mamawh mil tura siam turin Dan thar ‘The Mizoram Land Revenue Act, 2013’ chuan June ni 1, 2013 atang khan a lo luahlan ta a. He Dan hi Dan thar hlak ni lovin Consolidating Act kan tih thin ang, Dan awmsa te kan han lak khawma Dan pakhata siam kha a ni ber mai a. He Dan hnuaiah hian Mizoram Land Revenue Rules, 2013 chu July ni 17, 2013 atang khan kan hmang tan ta bawk a ni. Chutiang chuan Mizoram Land Revenue Act, 2013 hi ram chungchanga Dan kan neih thin pasarih te khaikhawmtu, aiawh tura siam a lo ni ta a. A hma khan Dan hrang hrang kan lo neih te ngaihtuah chuan tun dinhmuna kan mamawh phuhruk kawngah hian a kimchang zawk hle a. Chutih lai chuan siam a nih laia tha tawk hle tura kan han ngaih te pawh hi a taka kan hman meuh chuan siamrem ngai thil tam tak te a lo awm thin a. Chung zinga hmanhmawh thlak zual siam remna turin tun tumah hian ‘The Mizoram (Land Revenue) (Amendment) Bill, 2019’ chu he House zahawm takah hian Council of Minister thukhawm June ni 10, 2019 a neih chuan min lo pawmsak ta a. Vawiinah hian he House zahawm takah hian kan lo introduce ta a ni.
Pu Speaker, he ‘The Mizoram (Land Revenue) (Amendment) Bill, 2019’ hmanga Mizoram Land Revenue Act, 2013 siam rem dan tlangpui chu hetiang ni a : Section 2 hnuaiah khan thumal hrilhfiahna kan ti a, a definition kha kan dah a. Khatah khan family kan han tih clause 17-ah khan tuna kan neih lai awmpui (servant) kan han tih kan awmpuite huam mek hi huam lo tur ten kan rawn dah a. Tin, government land kan han tih sawifiahna te; tin, Clause 18 (b)-ah khan Gram Sabha leh Village Assembly sawifiahna te. Hei hi nakinah land utilization endikna te hi social audit hmanga tih tur a nih avangin kan mamawh dawna kan hriat vang a ni a. Tin, Clause 19 (a)-ah khan household sawifiahna kan rawn dah a, hei hi a tul nachhan chu chhungkaw khat rau rauva inkhata chengho chin thliarhran thiam kha a tul hun a awm dawn bawk a ni. 1135
Tin, Land Committee sawifiahna te, Land Reforms Board sawifiahna te, Record of Rights sawifiahna te leh Set-back sawifiahna te. Set – back hi kan hriat angin Municipal Area pawn lama inhmun ram utilisation regulate nan kan mamawh bawk a. Chutiang chuan survey area emaw, survey village sawifiahna te khalaiah khan section 2 hnuaiah hian a sawifiahna chi hrang hrang kan rawn dah a ni.
Tin, Mizoten ram zau zawngte sawi nan kan tehkhawng pakhat tin hi kan hmang thin a, kan hriatthiam tak tak loh chunga kan hman lar tak ni si bigha thlak nan a sawifiahna te pawh kha kan rawn dah lang ta a ni. Chutiang chuan unsurvey village area sawifiahna te kha clause thar 46 (a)-ah khan kan rawn bilh tel bawk a ni. Chutiang ang chuan Section thar 10-(a) ah khan rawn dahin Land Reform Board dan ang taka din leh thuneihna nei, statutory body kan tih ang nihna nei tur ang khan provision thar kan rawn dah a. Kha kha a tul angin Rules penga siam zui tur a ni dawn a ni.
Tin, section thar 10 (b) tuna Site Allotment Advisory Board (SAAB) kan neih mek aiah hian Land Committee tia hming vuah, statutory body sorkarin village level atanga chung lam a tul a tih ang zela din theihna turin provision thar kan rawn dah a. Chu chu Land Committee hi SAAB nen khan in anna tak pawh awm mahse Bill-a dah ang hian sorkar leh mipui tan land administration in zau zawkin hma a la dawn a. Land Administration hi langtlang tak leh khua leh tui te nen inrawn chung zela kalpui hian thil fel lo tam tak hi sutkian theih a nih dawn avangin chumi kawnga Sawrkar thawhpui turin agency pawimawh tak an nih kan beisei bawk a ni.
Section thar 14 – ah Government Land Bank kan rawn dah a, hetah hian provision thar kan rawn dah tel bawk a ni. Tin, section 28 – ah Rights of Lease holder, hetah hian provision thar mimal leh government organisation ten ram an neih te chu lease hmanga luah a nih pawhin chu ram chu sorkarin ram ruak atanga-a allot ni lo, midangin dan ang taka an lo neihsa ram an han tih ang chi, anmahni senso a an lei a nih chuan, chutiang ram chu sorkar phalna la hmasain an duh anga an transfer ve theihna tur khanin an rawn dah bawk a ni. Tin, section-36 ah khan notified town huam chhunga inhmun, house site pass pek chungchang, Sub Section - (1) hnuaiah proviso thar kan rawn dah a. Inhmun atan ram diltu chuan a pe 1136 theituin a phalsak tih hriattir a nih hnu ah hian la duh lo, khul leh remchang lo mi tam tak kan awm a, chu chuan department hnathawktute pawh a tibuai khawp mai a. Chuvangin thuneituten kan phalsak a ni tih kan hriattir tawh hnu thla khat chhunga an ngaihsak loha, a chhan mumal tak an neih loh chuan approval lo pek tawh pawh kha hnuhkir leh theih a nih tur thu an rawn dah a.
Tin, inhmun hi a tirah temporary allotment kan ti a, chutiang chuan pass pek a ni a, a neitu in a pek ang taka a cheibawl a nih chuan transferrable rights nei turin a settle theih ang tiin, LSC a siam theih ang kan ti a. Chutiangah chuan mumal taka hman tangkai leh cheibawl tihchian-na atan chenna in sak phawt tur tiin house site pass neih phawt a, chumi hnuah LSC a dil thei ang, kan pe thei ang tih dan kan nei a. Amaherawhchu tunlaiah chuan chenna in sakna senso tur hi mi tam takin bank loan te la in, chu kan loan lakna bank lam chuan LSC kher kha an lo phut avangin, urban area-ah chuan in sak phalnate hi LSC nei tan chauh pek a nih thin avangin, house pass te hi LSC thawthangin a takah chuan kan en tho avang te hian settle theih tura cheibawl mumal anga ngaih chin tur hi tiang hian ruahmanna kan han siam a. Inhmun chu hmanraw tlo tak entirnan RCC structure-in emaw, thing ril, pal ban leh a dangte hmanga mumal taka enkawl ni se. Chutiang in sak nana a ram chu a buatsaih a, a lo laih zawl emaw, khang ang chi a nih chuan mipui tan a zangkhai nan, ram buai tamna chhan ber mimal inhmun ram inthuah, encroachment zawng zawng te kha a veng nghal bawk dawn a. Chutiang a nih chuan in sak kher ngai loin permanent structure-a an enkawla an hung a nih si chuan, an laihzawla, chutianga tha taka an enkawl a nih chuan LSC theih dan tur ruahmanna an rawn telh ta a. Hei hi Pu Speaker, mi tam takin harsatna kan tawh a ni a, saw lamah AMC-ah building permission te an pe chhuak a, building permission pe tur chuan LSC a ngai te an ti a, in sa tur chuan loan dil te a lo ngai a, loan te kan lo dil a. Chungah chuan LSC mortgage atan khan an tih thin avangin helaiah hian harsatna kan tawk a, chung thei tur chuan he Dan hi kan rawn ruahman tel a ni.
Tin, sub section-3 hnuaiah hian inhmun reng reng pek a nih atanga transfer theih loh tih kan nei a. Hei hian mi tam tak harsatna a thlen a, chuvangin kum 5 chhung atan hian ni mai se tih kha kan rawn tarlang bawk a. Chuvang chuan hetah hian chhungkaw khata member inkarah te, inrochun avangte loan lak rulh theihloh vanga transfer ngaih vang te leh chhan hrang hrang, land acquisition avang te leh kohhran kan han tih ang chi, non-profit civil society te mamawhna avanga inhmun 1137 neitu nihna transfer chu hetah hian theih tho turah kan ngai a. Khalaiah khan LSC a nih atanga kum 10 chhung a nih chuan transfer theih lohna dan kan neih khan harsatna min siam avangin helai hi kan rawn ruahman tel bawk a ni.
Tin, section-46 hnuaiah sub section-(2) leh (3) land lease renew chungchang hi, temporary allotment hrim hrim renew chungchang kimchang leh people friendly zawk turin provision thar section – 46 (A) dah tur a nih tho avangin kan paih ta thung a ni.
Tin, section thar-46 (A) temporary allotment kan han tih land lease te, periodic pata leh pass ang chi land settlement certificate ni lo hmanga ram kan han neih thin ang period a ral a, renew dan tur chungchang chipchiah chiar taka dah thar tur a ni bawk a. Chutah chuan tuna awm mek ang ni lo hian lease period a ral in eng emaw hun chhung chu renew dil tlai avanga hremna, renewal fee sang zawk chawia renew thei tur leh harsatna tawk te, lo renew hmanlo te tana grace period chhung pawha renew lo, khang ang chi a hnu lama renew dilte dilna chu allotment dilna thar ang thawthanga process a nih tur thu te leh grace period ral hnu chuan grace chu thi hlen anga ngaih a nih tawh dawn avangin a validity awm loh chhung chuan chu ram chhung allotment lo pek a awm palh pawhin chungte chu a lal tawh zawkna turin provision kha dah thar bawk a ni a.
Tin, section-48 ah khan land revenue chhut thinna tur tarlan a ni a. Hetah hian ram chhiah reng reng hi a luahtu land rightsin an loh vanga inthlau ngawt tawh lo tur leh a hlutnate pawh hi market value behchhan zela chhut a nih tur thu dah belh a ni bawk a.Helaiah hian harsatna chi hrang hrang a awm a, tunah hian LSC ramte chhiah pek hi LSC ni lo ramte aiin a sang zawk a, hemi vang hian house pass neitu tam tak te hian LSC a leh (convert) hi an dil duh loh avangin harsatna te pawh a awm thin a. Chuvang chuan sorkarin revenue kan hmuh tur ang te pawh kan hmu phak lo thin a ni. Chutiang chuan kalphung dik fair zawk a nih avangin sorkar revenue pawh a pun phah kan beisei bawk a ni.
Tin, Section – 100 naah khan dan ang taka ram inhlan chhawn te hi Registration Act – 1908 hnuaia register vek tur tihah hian registration hming hi Indian tih kha telh a ni a. Tello tur a nih avang leh Registration Act 1908 ruala pawimawh tel, Indian Stamp Act 1899, hetah hian registered document bik chu duly stamped a nih loh chuan Dan mitah a pawm tlak chuang loh tih chuanna Dan hi 1138 sawilan tel a tul avangin, chutiang te chu siam remin kan rawn dah a ni a. Chuvang chuan kan sawi tak angin Mizoram-in ram dan kan neih mek, kan hman mekah hian siam that ngai mipui tana harsatna chi hrang hrang te a awm avang hian chungte chu a vai vaia siamthat a ngai hial mai awm mang e, han tih chinte pawh hun lo kal zelah thil thar a lo chhuah zel avangin/ a awm avang leh a tul zual tlemte helaiah hian Amendment Bill kan rawn pulut a ni a. He House zahawm takah hian zau taka min sawipui turin ka rawn move a ni e. Ka lawm e.
SPEAKER : Minister zahawm takin a rawn move a. Tichuan kan sawiho ang a, minute eng zat nge kan inpek leh ang ? Minute 5 kan ti leh mai dawn em ni ? Ti leh mai ang aw. Kha a move tha khawp mai a, sawihona turah tunge sawi hmasa ber ang le. Dr. Vanlalthlana, member zahawm tak.
Dr. VANLALTHLANA : Pu Speaker, ka lawm e. Revenue dan tih danglam a ni dawn a, a lawmawm khawp mai a. Mi tam takin harsatna an lo tawh tawh, ram leiah te, ram a thar a nih phei chuan kum 10 nghah te a lo ngai a. Khangte kha tihhniamte a ni dawn a, a lawmawm khawp mai a. Page 4 a 14 (A) Government Land Bank tih dah turah hian sub (2) tawpah khan ‘abandoned human habitation, etc,’ tih tawp a ni a. Dan zirmi ka ni lem lo a, mahse tuina zawngte a lo ni ve thin a. Insurance Act 1938-ah khan vague deuh maiin a rules-te eng emaw siam chhoh a nih avangin insurance chungchangah an inkhing fo mai a. Insurance Company-te leh insurance la tute. Chutah chuan Supreme Court khan ‘a vague em mai, chuvang chuan insurance leitute tan hian interprete zel ni rawh se’, ti khan Supreme Court khan thutlukna an siam tawp a, etc, tih tawp hi ‘land notified by the Land Committee of government land’ tih te emaw, a rules-te emaw, eng emaw ang chi kha, a rules-ah te pawh a ni mai thei a, question of law te kha a awm thei a. Explanation emaw, comment emaw te awm thei ta se a vague palh ang em ka ti a. A dan hre tak tak ka ni lo a, keima lo en ve naah ka chhiar a, ka rawn sawi ve a ni e.
SPEAKER : Member zahawm tak Pu Lalduhoma ilo sawm ang u.
Pu LALDUHOMA : Pu Speaker, Minister zahawm tak khan a rawn move tha khawp mai a. Tunhma lam khan Land Revenue chungchangah dan leh hrai kha kan ngah em em mai a. Khami pakhata han siam kha a hautak khawp mai a. 2013-a he Bill a lo luh pawh khan kan chai nasa khawp a. A lo famkim chuang lo hle mai tih kha a lo lang ta a. Dan kan repeal tawh hnute hi mi chengvawng deuh chuan a 1139 copy-te hi an lo dah tha a, an lo la chhiar a, 2013 Act in a repeal tawh hnu te pawh hi a la valid emaw ti pawl te pawh hi an awm tih ka hria a ni. Nichina kan Chief Minister zahawm takin a rawn move ang deuh kha a ni a. Dan 7 lai mai kan lo neih thin a, a hlawma repeal vek mai kha a tha ka ti a.
Tichuan, vawiina he amendment lo kal hi major amendment a tling khawp mai a, an re-write deuhthaw nihial in ka hria a. Amaherawhchu financial, sum lama senso belh tur a awm loh bakah sum kan hmuh tam zawkna tur a ni tih te kan hria a, a tha ka ti mai a. Ka ngen duh chu a Act hlui lo nei tan hian zuk correct zawh chi ziazang a ni ta lo a. Chuvangin hemi kan pass hnuah hian ‘as amended’ hian memberte hi a copy min rawn pe vek turin ka ngen teh ang. Chuti lo chu a hlui leh a Amendment Act han thlir kawp hi thil buaithlak a tling a. Min rawn pek theih chuan a lawmawm khawpin ka ring a. Chutiang bawkin a Rules pawh kha a ni dawn a ni. A Act nen, a Rules nen min rawn pek theih chuan tih kha ka han ngen nghal a. A tha ka ti a, ka pawmpui e.
SPEAKER : Sawi duh kan la awm em ? Minister kan ko mai dawn em ni ? A nih leh Minister zahawm tak Pu Lalruatkima. Tuna an han sawi te pawh kha pawimawh tak tak a ni a, thil har lutuk lo te pawh a ni thei ang em. Ni e, Act hlui leh a tharte keu pawlh tih hi keini ang rual tan chuan a buaithlak duh khawp mai a. A hau tak deuh hlek a nih pawhin han tang hram se. Revenue hi chu a pawimawh em lehzual a, mi tin khawih, mi keu tam tak mai hi a ni a. Tin, nichina Dr. Vanlalthlana han sawi ang chite pawh kha eng emaw patent error a han tih mai theihte pawh a awm mai thei a. A wind-up ti mai ila, a rawn sawifiah theih ang ang han sawi se, Minister zahawm tak Pu Lalruatkima i lo sawm ang u.
Pu LALRUATKIMA, MINISTER : Pu Speaker, ka lawm e. Kan hriat angin ram dan hi a pawimawh khawp mai a. Chhungkaw tam tak, Zoram mipui file kawl tam bertu chu Revenue Department hi kan ni e ka ti a hmanni khan. Chutih rual chuan chhungkaw tin file kan kawl avangin harsatna pawh a tam a. Chhungkua in harsatna an tawh pawhin ram chungchang hi a tam lehzual a. Chungte chu kan lo khaikhawm a, harsatna tam tak kan nei a, sawiselte pawh kan hlawh viau thin a. Amaherawhchu a thawktute hi kan famkim lo khawp mai a. Sawiselna atangin kan insiamtha tur a ni kan ti a. Theihtawp chhuahin tan kan han la a. Kan dan hman mek siamthat tur chi hrang hrang awm mek te. Chumi bakah chuan mipui rawngbawl kan 1140 ni a. Mipui, kan rawngbawl sakate tan hian phurrit ni loin, an phurrit chhawk zangkhaitu kan ni zawk tur a ni, tiin kan infuih sauh sauh a.
Chutih rual chuan Revenue Department min rawn dawrtu ber hi kum upa lamte hi an ni lo thei lo a, nu leh pa. Ram chungchangah, in hmun lo ram neitu, mawhphurtu ber chu nu leh pate kan ni a. Chung angah te pawh chuan harsatna chi hrang hrang min dawrtuteah pawh awm palh thei lakah pawh inveng turin tawngkam hawihhawm, mawihawihte lo chhuah hram hram turte pawhin kan han inngen thin a. Chung karah chuan famkim lohna khawvela awm kan ni a, duhthute pawh kan sam lo hle ang tih kan ring a.
Amaherawhchu ram chungchangah hian kan sawi tawh angin record kan nei mumal lo khawp mai a. Chuvang chuan Computerized Land Record-te kan ti a, chung ti tur pawh chuan tan kan la a, eng emaw chen kan han ti tawh a. State thenawmte, state dang tam takte tunhma atangin independence hmaa Land Law te, Land Record te tha tak tak lo neite an nih tawh hlawm karah keini chu Village Council pass valid tak mai lo kawl tlatte pawh kha kan la awm mek bawk a. Chung angte kan nih avang chuan harsatna pawh a thuah hnih thuah thum khawp mai a.
Chumi piah lamah chuan District Council ten thuneihna an neih angin anmahni Council huam chhungah ram pek theihnate pawh an la nei ta zel a. Chutiangte kan nih avang chuan kan ram zau zawngte pawh hi hriatthiam a har khawp mai a. Kan ram zau zawng sq.km 21082 kan han tih mai piah lamah hian Mizoram chu a dung mel 200 ,a vang mel 100 kan han tih kha a square mile anga han lak chuan mel 20000 vel kha a lo ni a.
Amaherawhchu kan House Leader zahawm tak khan pawt pharh ila hei ai hian a zau daih ang a tih kha a dik khawp mai a. Kha laiah khan heng kan ram zingzum tak tak topography-in a zir loh em avanga teh chhuah pawh tlangah lawn chho a chhuk leh vang vang a luipui ruamah, khang angte kha a nih avangin harsatna tam takte kan nei a. Chuvang chuan theihtawp chhuahin, a tha thei ang berin kal kan han tum a.
Member zahawm tak ten, kha kan rawn sawi Govt. Land Bank chungchang kha, sorkar ram vek mai a ni a, sorkar-in tul a tih chuan a laksak thei rualin permanent settlement erawh chu mi tam takin kan nei mek bawk a. Chung karah 1141 chuan sorkar ram te, mimal in lease-a a hawh te, pawl anga a hawh ang chi te surrender ang chi kha tam tak awm thei a ni bawk a. Chung bakah chuan tute ram emaw kan va teh a, danah khan periodic pass emaw, temporary pass an va teh chuan 1/3 kha sorkarah a surrender tur a ni tih dante kan nei a.
Chung an surrender-te chu Govt. Land Bank kan tihah khan dah a, inhmun lo ram nei lote hnena pekna tur chuan kan rawn bilh tel a ni a. A pawimawh khawp mai a, chuvang chuan nichina member zahawm tak Aizawl ‘N’-II bialtu in a sawi ang khan Insurance Act, 1932 lamahte pawh harsatna awm palh thei a ni, khatiang angah te khan a rawn ti a. Ram chungchang, inhmun lo ram hi kan buaina tam ber pakhat a nih avang hian hemi chungchang pawh hi ‘etc’ ti khan kan rawn dah ringawt mai a. A zau lutuk a, sawi sen pawh a nih loh avang khan khatah khan harsatna awm thei kan tawh phawt loh chuan kha harsatna kha kan hmu lawk thiam tawh bik si lo a. Chuvang chuan khati khan kan rawn ‘etc’ ta tawp mai a. Chulaite chu a huam a pawh kha ‘etc’ kha eng chen nge, hlam chen nge, tawng chen nge tih pawh kha hriatthiam a har thin a. Chulai chu kan la hmuh si loh harsatna awm thei laka kan inven nan khan kan rawn dah a ni a.
Opposition Group Leader-in a rawn sawi ang khan Act thar kan han nei a, Rules tharte kan han nei a, chungah chuan Rules hlui kha Act hlui kha a la valid emaw ti mi tam tak awm theih a ni khawp mai a. Tunah pawh hian chung amended copy chu member zahawm takin min ngen ang khan kan tihchhuah veleh he kan Act leh kan Rules thar hi member zawng zawngte pe tura min rawn ngen ang khan pek vek che u kan rawn tum ang.
Kan department Land Revenue chungchangah hian Pu Speaker, tawngkam hnih-khat lek ka sawi duh chu, department hmasa kan ni a, kan sawi tawh angin chhung tin file hi kan kawl tun mai a. Mi thenkhat an rawn kal a, an harsatna tawhte kan han enpui a, file hlui tak tak keu let ngaih chang kha a awm a. Chungahte pawh chuan theihtawp chhuahin mipuite rawngbawl kan ni tih inhre rengin, dawhthei takin kan lo dawngsawng zel dawn che u a.
Chutih rual chuan tlin lohna, famkim lohna khawvela awm kan ni a, member zahawm tak ten phone ten thurawn min rawn pe a. Wind up naah kan demand kan sawihonaah pawh ka ngen tawh ang khan engtik lai pawhin thurawn leh zilhhauna te, fuihna te kan dawng thei reng a ni kan tih ang khan member zahawm tak ten a 1142 min rawn phone, tukin lamah telephone hmanga min rawn hrilhah chuan Aizawl hmun pakhatah House pass dilna form ` 20 a lak chhuah thin kha a thawktu thenkhat ten a hmunah ` 300 zet maiin an tiral, an hralh a ni awm e a rawn ti a. Hei hi member zahawm takte thusawi a ni a, keini pawhin kan enquire nghal a, kan lo hria a, departmental enquiry kan la a.
Chutiang chuan thawktute pawh fimkhur a, dik lo taka mipui laka sum la emaw, tidik lo an awm a nih chuan hrem turin department hotute pawh kan inbuatsaih a, sorkar pawhin hetah hi chuan theihtawp kan chhuah ang. Lang tlang sorkar kan din ang, transparency government kan din ang, accountability a awm tur a ni kan tih ang khan department kan chan theuhah hian kan Chief Minister zahawm tak duh danin chung tithei tur chuan kan inbuatsaih a. Chuvang chuan sorkar hnathawkte pawh dik takin kan rawngbawlsak mipuite tan thahnemngai taka thawk zel turin theihtawp chhuahin kan inbeisei a ni a, kan infuih mek zel a ni.
Chutiang chuan he kan hmalakna hmachhawp chi hrang hrangte a hmasa atan kan rawn ti a. Term hmasa khan Pu Speaker, Municipal Act kha amendment a zing khawp mai a, Session apiang mai khan amend tur an rawn chhawp thei a. Khatiang deuh kha kan ni a nih pawhin mipuite mamawh zir zel khan kan rawn inbuatsaih zel dawn a, min lo hriatthiam zel kan duh a. Chuvang chuan chutiang rilru atanga ngaihtuahna rawn hmang chho zelin Mizoram Land Revenue Amendment Bill, 2019 hi he House zahawm tak hian a tulnate hrethiam min pawm sak turin ka rawn ngen e. Ka lawm e.
SPEAKER : Aw le, Minister-in a rawn sawifiah a, ‘etc’ pawh a rawn sawifiah a. Pu Sangkunga, member zahawm tak thinin MLA Fund semnaah duh duh ka lei mai e a ti a, a englai in nge i lei an ti a ‘etc’ khan min a ti a. Etc kha in veng thui thei viau a ni. A lawmawm e.
SPEAKER : Tunah chuan Pu Lalruatkima’n ‘The Mizoram Land Revenue Amendment Bill, 2019’ hi House-ah pass a rawn dil a, remti apiangin ‘remti’ ti ula. (MEMBERS : Remti) Remti lo kan awm em, kan awm chuan ‘remti lo’ rawh ula Kan awm lo a nih hmel e.
Aw le, Pu Lalruatkima, Minister zahawm tak Bill, ‘The Mizoram Land Revenue Amendment Bill, 2019’ chu House-in lungrual takin a pass ta a ni. 1143
Pu LALRUATKIMA, MINISTER : Pu Speaker, ka lawm e.
SPEAKER : ‘Summary of business transacted during 3rd Session’, tih hi kan nei ve a.
Ka sawi hma in Pathian khawngaihna in helai hmunah hian, Eighth Legislative Assembly-a kan Session-ah hian Pathianin min hruai a, boruak hlimawm takin kan zo a. Chuvangin, tun tlaiah zanriah kil ho ula ka ti a, CM zahawm tak nen kan sawi dun a, chutiang chuan in nupa theuhin (in nupuite nen) card-a in hmuh ang khan ka han sawm hmasa che u a ni.
SUMMARY OF BUSINESS TRANSACTED DURING
THIRD SESSION
(w.e.f. 12.6.2019 – 27.6.2019)
Tun tum Session hi Eighth Legislative Assembly a Session vawi thumna niin Budget Session a ni bawk a. Business Advisory Committee thukhawmin a rel angin Session hi ni sawm paruk (16) chhung awhin vawi sawm pahnih (12) thu tura duan a ni a. Budget 2019-2020-te sawiin tluang takin hun kan hmang a. Ka lawm em emna chu tuna kan Session hi Budget Session-a boruak hlimawn tak leh kan nuih tamna ber pawh niin ka hria a. Member tumah tawngkam hriam deuh leh han hriat vung vungna tur chutiang sawi chhuak in awm lova. Leader of Opposition Group-te leh member zawng zawngte, tin, helamah kan Treasury Bench atangin kan Chief Minister zahawm tak atangin Minister-te dam takin, ngaithlak nuam takin kan inchhangin kan inhrilhfiah hlawm a, a lawmawm ka tie m em a ni. A tlangpuiin tun Session chhunga kan hnathawhte chu hetiang hi a ni.
2. PRESENTATION OF REPORTS
Tun Session chhung hian House-ah report 6 (paruk) present a ni a, chungte chu: i) Second Report of the Business Advisory Committee for the current Session. ii) Third Report on Action taken by the Government on the recommendations contained in the Twentieth Report of the Subject Committee-III of the 1144
Seventh Legislative Assembly of Mizoram relating to HIV/AIDS under Health & Family Welfare Department. i) First Report on Actions taken by the Government on the recommendations contained in the Eleventh Report of the Subject Committee-III relating to Rashtriya Swasthya Bima Yojana (RSBY) under Health & Family Welfare Department. ii) Second Report of Subject Committee-III relating to National Mission on Oilseeds & Oil Palm under Agriculture Department. iii) First Report of Action taken by the Government on the recommendation contained in the Eighth Report of Committee on Estimates of the Seventh Legislative Assembly of Mizoram relating to State Investment Programme Management Implementation Unit (SIPMIU) under Urban Development & Poverty Alleviation Department. iv) First Report of Committee on Papers Laid on the Table, 2019-2020.
3. PANEL of CHAIRMEN
A hnuaia Member te hi Panel of Chairmen atan ruat an ni:
(i) Pu C. Ngunlianchunga (ii) Pu Ramthanmawia (iii) Pu V.L. Zaithanzama (iv) Pu H. Lalzirliana
4. OBITUARY
A hnuaia mi 4 (pali) te hi House-ah sunna neih a ni:
(i) Pu Manohar Parrikar, Chief Minister of Goa. (ii) Pu R. Lalawia, former Speaker, Mizoram Legislative Assembly. (iii) Pu Lalrinchhana, Ex. Minister, Mizoram Legislative Assembly. (iv) Pu P.B. Rosanga, Ex. Minister, Mizoram Legislative Assembly.
1145
Pu Zoramthanga, House Leader in an chanchin tawi sawina leh sunna thu a sawi hnuah a hnuaia Member-te hian anmahni sunna thu an sawi bawk a ni:
(i) Pu Lalduhoma, Opposition Group Leader (ii) Pu Zodintluanga Ralte, Opposition Group Leader (iii) Pu Lalchamliana, Minister (iv) Pu B.D. Chakma (v) Pu K.T. Rokhaw (vi) Dr. Z.R. Thiamsanga (vii) Pu C. Ngunlianchunga (viii) Pu Vanlalhlana (ix) Pu Lalruatkima (x) Pu Lalrintluanga Sailo (xi) Pu L. Thangmawia
Hemi zawhah hian anmahni sunna entirnan ngawi renga minute khat din a ni.
5. ZAWHNA
Starred Questions
(i) Zawhna lut zat - 392 (ii) Zawhna admit zat - 384 (iii) Zawhna reject zat - 8 (iv) List of Business a dah zat - 215 (v) House a chhan zat - 65 (vi) House a chhan hmanloh - 150
Unstarred Questions
(i) Zawhna lut zat - 93 (ii) Zawhna admit zat - 90 (iii) Zawhna reject zat - 3 (iv) Starred Question atanga leh zat - 139 1146
6. LAYING OF PAPERS
Paper 20 (sawmhnih) House-ah lay a ni a. Chungte chu:- i) 10th Annual Report 2017-2018 of the Joint Electricity Regulatory Commission for Manipur and Mizoram. ii) The Mizoram (Land Revenue) (Amendment) Rules, 2019. iii) The Mizoram Street Vendors (Protection of Livelihood and Regulation of Street Vending) Rules, 2017. iv) The Mizoram Municipalities (Facilities to Mayor, Deputy Mayor, Chairman, Vice Chairman and Councilors) Rules, 2018. v) The Mizoram Municipalities (Ward Committee and Local Council) (Third Amendment) Rules, 2015. vi) The Mizoram Real Estate (Regulation and Development) Rules, 2019. vii) The Mizoram Urban Areas (Land Development, Landslide Prevention and Mitigation) Rules, 2017. viii) The Mizoram Municipal Appellate Tribunal Rules, 2017. ix) The Mizoram Juvenile Justice (Care and Protection of Children) Rules, 2019. x) The Report of the Director of Local Fund Audit on the Accounts of Local Authority for the Accounting year ended 31st March, 2017. xi) The Mizoram Lokayukta (Amendment) Rules, 2019. xii) Separate Audit Report of the Comptroller & Auditor General of India on the Accounts of The Mizoram Khadi and Village Industries Board, Aizawl for the year ended 31 March 2016. xiii) The Economic Survey 2018-2019. xiv) Statement of correction on the reply given on the 20th March, 2019 to Starred Question No. 12, which was transferred to Unstarred Question Ballot No.82 1147
asked by Pu Vanlalhlana and Pu V.L. Zaithanzama regarding “Ramri chungchang”. xv) Statement of correction on the reply given on the 20th March, 2019 to Starred Question No. 123 which was transferred to Unstarred Question Ballot No. 78 asked by Pu Lalchhuanthanga regarding “Brigade ram Bawngkawn”. xvi) Separate Audit Report of the Comptroller & Auditor General of India on the Accounts of the Mizoram Khadi and Village Industries Board, Aizawl for the year ended 31 March 2017. xvii) The Government of Mizoram (Transaction of Business) 3rd Amendment Rules, 2019. xviii) The Government of Mizoram (Allocation of Business) Rules, 2019. xix) Statement of correction on the reply given on the 17th June, 2019 to Starred Question No. 51, Ballot No.42 asked by Pu Lalduhoma regarding “ILP chungchang”. xx) The Mizoram Youth Commission Rules, 2019.
7. BILLS
Tun Session chhung hian Government Bill pali (4) a lut a, passed vek a ni. A hnuaia mi hi tun Session chhunga Bill pass tak te chu an ni:
(i) The Mizoram (Land Revenue) (Amendment) Bill, 2019. (ii) ICFAI University (Mizoram) (Amendment) Bill, 2019. (iii) The Mizoram (Repeal Of Certain Enactments) Bill, 2019. (iv) The Mizoram Appropriation (No.4) Bill, 2019
Session hmasa March thlaa kan neih a kan Bill passed te pawh Governor assent kan hmu tawh a. Amaherawhchu, The Mizoram Maintenance of Household Registers Bill, 2019 erawh chu vawiin thlengin Governor assent kan la dawng lo a ni.
1148
8. RESOLUTIONS
Tun Session chhung hian Private Members’ Resolution 38 dawn a ni a, admit vek an ni. Heng a hnuaia Resolution 2 te hi House ah sawiho a adopt an ni: i) Pu C. Lalmuanpuia - “M.N.F Sorkarin kum 2008-a District thar pathum (3) Khawzawl, Saitual leh Hnahthial District a hawnte kum sawm lai hlamchhiah an nih hnuah sorkar in tihlawhtling tura chak taka hma a la hi lawmawm kan ti hle.” ii) Pu Zothantluanga - “M.N.F. Ministry-in hun reilote chhunga Zoram dung leh vang a kawng chhe tak a siam tha mai hi lawmawm kan ti hle.”
9. PRESENTATION OF BUDGET
Pu Zoramthanga, Hon’ble Chief Minister chuan Annual Budget for the year 2019-2020 with allied papers chu House-ah a present a, sawiho anih hnuah lungrual takin passed a ni.
10. PASSING OF DEMANDS
Minister hrang hrangten an Department enkawlna atana Demand te chu Member ten thahnemngai taka an sawiho hnuin House-in lungrual takin a passed hlawm a ni.
11. CONCLUSION
Kan Session ni hnuhnung ber chu tluang takin kan lo thleng leh ta a. Kan Session a tih tur kan duan ang List of Business-a kan dah te vawikhat mah buai lovin tluang takin kan kal thei a. Lok Sabha leh Rajya Sabha ah te, State dang tam takah te an tih theih loh a ni a, keini erawh chu tluang taka kan kal thei thin hi a lawmawm hle a ni. Hei hi State dang tan pawha entawn tlak kan nihna a ni a, vawn nun zel atan a tha hle a ni.
Session chhung zawng a Member zawng zawngte thahnemngai taka kan ram leh hnam tana in tha leh zung, in rilru leh ngaihtuahnate hmanga kan thawhhona hian rah duhawm tak a chhuah ngei ka beisei a ni.
1149
He Session tluang taka a kal theihna tura Department hrang hranga thawktu zawng zawngte chungah lawmthu ka sawi a. Tin, venhimna lamah kan Police Department lam te an rim em em a, fel leh fai taka an thawhrimna avangin lawmthu ka hrilh bawk a. A bik takin Parliamentary Affairs Department-te leh kan Assembly Secretariat-te thawhrimna leh thawhhona tha tak avangin ka lawm tak zet a ni. Hun lo kal zel atan duhsakna ka hlanin an thawhrimna zawng zawng hi ka fak tak meuh a ni. Tunah chuan kan tih tur kan lo zo ta a.
“The House is adjourned Sine Die”. (12:30 pm)