Comisiwn Silk Tachwedd 2011
Total Page：16
File Type：pdf, Size：1020Kb
Cynulliad Cenedlaethol Cymru Comisiwn Silk Tachwedd 2011 Yn gynharach yn 2011, cyhoeddodd Ysgrifennydd Gwladol Cymru, y Gwir Anrhydeddus Cheryl Gillan AS, y byddai’n penodi comisiwn annibynnol i ystyried atebolrwydd ariannol Llywodraeth Cymru a Chynulliad Cenedlaethol Cymru ac, yn ddiweddarach, y setliad cyfansoddiadol. Mae’r Comisiwn hwnnw wedi’i sefydlu erbyn hyn, a phenodwyd Paul Silk yn gadeirydd iddo. Mae’r papur hwn yn rhoi gwybodaeth am sefydlu’r Comisiwn Silk a’i gylch gwaith. Cynulliad Cenedlaethol Cymru yw’r corff sy’n cael ei ethol yn ddemocrataidd i gynrychioli buddiannau Cymru a’i phobl, i ddeddfu ar gyfer Cymru ac i ddwyn Llywodraeth Cymru i gyfrif. Mae’r Gwasanaeth Ymchwil yn darparu ymchwil a gwybodaeth arbenigol a ddiduedd er mwyn cefnogi Aelodau a phwyllgorau’r Cynulliad i gyflawni swyddogaethau craffu, deddfwriaethol a chynrychioliadol Cynulliad Cenedlaethol Cymru. Mae briffiau gan Wasanaeth Ymchwil yn cael eu hysgrifennu ar gyfer Aelodau’r Cynulliad a’u staff. Mae’r awduron ar gael i drafod y papurau gydag Aelodau a’u staff ond nid yw’n bosibl rhoi cyngor i’r cyhoedd. Croesawn sylwadau ar ein briffiau; os oes gennych unrhyw sylwadau gallwch eu hanfon i’r cyfeiriad post neu e-bost isod. Gellir cael gafael ar fersiwn electronig o’r papur ar safle’r Cynulliad Cenedlaethol yn: www.cynulliadcymru.org/bus-assembly-publications-research.htm Mae copïau printiedig hefyd ar gael yn Llyfrgell yr Aelodau: Y Gwasanaeth Ymchwil Cynulliad Cenedlaethol Cymru Bae Caerdydd CF99 1NA E-bost: [email protected] © Hawlfraint Comisiwn Cynulliad Cenedlaethol Cymru 2011 Ceir atgynhyrchu testun y ddogfen hon am ddim mewn unrhyw fformat neu gyfrwng cyn belled ag y caiff ei atgynhyrchu’n gywir ac na chaiff ei ddefnyddio mewn cyd-destun camarweiniol na difrïol. Rhaid cydnabod mai Comisiwn Cynulliad Cenedlaethol Cymru sy’n berchen ar hawlfraint y deunydd a rhaid nodi teitl y ddogfen. Rhif ymholiad: 11 /2488 Cynulliad Cenedlaethol Cymru Comisiwn Silk Tachwedd 2011 Alys Thomas Rhif dogfen: 11/066 Cynnwys 1. Cyflwyniad ........................................................................................................................................ 1 2. Y Comisiwn ...................................................................................................................................... 1 2.1. Aelodaeth .......................................................................................... 1 2.2. Cylch Gorchwyl .................................................................................. 2 2.3. Gwaith y Comisiwn ............................................................................. 4 3. Moratoriwm ...................................................................................................................................... 4 4. Ymateb Gwleidyddol ................................................................................................................... 5 5. Y Ddadl yn Nhŷ’r Cyffredin ..................................................................................................... 7 5.1. Cyfraniadau agoriadol y Llywodraeth a‟r Wrthblaid .............................. 7 5.2. Materion Allweddol .......................................................................... 10 Comisiwn Silk 2. Cyflwyniad Ar 19 Gorffennaf 2011, cyhoeddodd y Gwir Anrhydeddus Cheryl Gillan AS, Ysgrifennydd Gwladol Cymru, y byddai‟n penodi comisiwn annibynnol i ystyried atebolrwydd ariannol Llywodraeth Cymru a Chynulliad Cenedlaethol Cymru. Nododd ei bod yn disgwyl y byddai‟r gwaith yn dechrau yn yr hydref. Yn dilyn hynny, dywedodd Ysgrifennydd Gwladol Cymru y byddai‟r Comisiwn, ar ôl iddo gyflwyno adroddiad ar atebolrwydd ariannol, ac ar ôl i Lywodraeth y DU ystyried ei gynigion, yn ystyried setliad cyfansoddiadol Cymru ar sail profiad. Nod y Comisiwn yw cyflwyno adroddiad ar ei ganfyddiadau yn 2013. 1 Cyhoeddwyd datganiad ynghylch pwy fyddai cadeirydd y Comisiwn a‟i aelodau ar 11 Hydref 20112. Y cadeirydd yw Paul Silk, sef Clerc Cynulliad Cenedlaethol Cymru rhwng 2001 a 2007; mae hefyd yn gyn-Glerc yn Nhŷ‟r Cyffredin. Daethpwyd i‟r arfer, felly, o alw‟r Comisiwn yn „Gomisiwn Silk‟. Mae‟r papur hwn yn cyflwyno gwybodaeth am gylch gorchwyl y Comisiwn, ei aelodaeth, a‟r ymateb iddo. Gellir dod o hyd i ragor o wybodaeth gefndirol am sefydlu Comisiwn Silk mewn papur a baratowyd gan y Gwasanaeth Ymchwil: „Y llwybr tuag at y Comisiwn Annibynnol ar ddatganoli yng Nghymru’. Ceir gwybodaeth fanwl am y trefniadau presennol ar gyfer ariannu datganoli drwy fformiwla Barnett mewn papur a baratowyd gan y Gwasanaeth Ymchwil: Fformiwla Barnett a newidiadau yng nghyllideb datganoli. 3. Y Comisiwn 3.1. Aelodaeth Cyhoeddodd Ysgrifennydd Gwladol Cymru ar 11 Hydref 2011 mai Paul Silk fyddai cadeirydd y Comisiwn. Ef oedd Clerc Cynulliad Cenedlaethol Cymru rhwng 2001 a 2007, ac mae‟n gyn-Glerc yn Nhŷ‟r Cyffredin. Mae‟r Comisiwn hefyd yn cynnwys pedwar aelod a enwebir gan y pleidiau gwleidyddol yng Nghynulliad Cenedlaethol Cymru, ynghyd â dau aelod annibynnol. Dyma aelodau eraill y Comisiwn: Dyfrig John CBE (Cadeirydd Cymdeithas Adeiladu‟r Principality) 1 Swyddfa Cymru, Amlinellu’r Camau Nesaf ar gyfer y Comisiwn ar Ddatganoli yng Nghymru, Datganiad i‟r Wasg, 19 Gorffennaf 2011 [fel ar 8 Tachwedd 2011] 2 Swyddfa Cymru, Creu’r Comisiwn ar Ddatganoli yng Nghymru, Datganiad i‟r Wasg, 11 Hydref 2011 [fel ar 8 Tachwedd 2011] 1 Yr Athro Noel Lloyd CBE (cyn-is-ganghellor Prifysgol Aberystwyth) Yr Athro Nick Bourne (Enwebai‟r Ceidwadwyr Cymreig, a chyn-arweinydd y Ceidwadwyr Cymreig yn y Cynulliad Cenedlaethol) Sue Essex (Enwebai Llafur Cymru, a chyn-Weinidog Cyllid Llywodraeth Cymru) Rob Humphreys (Enwebai Democratiaid Rhyddfrydol Cymru, a Chyfarwyddwr y Brifysgol Agored yng Nghymru) Dr Eurfyl ap Gwilym (Enwebai Plaid Cymru, economegydd)3 3.2. Cylch Gorchwyl Dyma gylch gorchwyl y Comisiwn: Bydd Comisiwn annibynnol yn cael ei sefydlu i adolygu‟r trefniadau ariannol a chyfansoddiadol presennol yng Nghymru. Bydd dwy ran i‟w waith: Rhan I: atebolrwydd ariannol Adolygu’r achos dros ddatganoli pwerau cyllidol i Gynulliad Cenedlaethol Cymru ac argymell pecyn o bwerau a fyddai’n gwella atebolrwydd ariannol y Cynulliad, sy’n cyd-fynd ag amcanion ariannol y Deyrnas Unedig ac sy’n debygol o gael eu cefnogi’n eang. Rhan II: pwerau Cynulliad Cenedlaethol Cymru Adolygu pwerau Cynulliad Cenedlaethol Cymru ar sail profiad ac argymell diwygiadau i’r setliad cyfansoddiadol presennol a fyddai’n galluogi Senedd y Deyrnas Unedig a Chynulliad Cenedlaethol Cymru i wasanaethu pobl Cymru’n well. Wrth ymgymryd â Rhan I, dylai‟r Comisiwn: ddarparu cyngor annibynnol ynghylch yr achos dros wella atebolrwydd ariannol Cynulliad Cenedlaethol Cymru gan gyd-fynd â fframwaith cyllidol a chyfansoddiadol y Deyrnas Unedig; ymgynghori‟n eang ar becyn o bwerau cyllido a fyddai‟n gwella atebolrwydd ariannol Cynulliad Cenedlaethol Cymru; gwneud argymhellion ynghylch a ellid datganoli pecyn o bwerau cyllidol i Gynulliad Cenedlaethol Cymru a fyddai‟n debygol o gael ei gefnogi‟n eang; ac ystyried a gwneud argymhellion ynghylch y ffordd orau i fynd i‟r afael â materion deddfwriaethol a‟r materion gweithredu ymarferol sydd ynghlwm 3 Swyddfa Cymru, Creu’r Comisiwn ar Ddatganoli yng Nghymru, Datganiad i‟r Wasg, 11 Hydref 2011 [fel ar 8 Tachwedd 2011] 2 wrth ddatganoli pecyn o bwerau cyllidol, gan gynnwys cysondeb o fewn y Deyrnas Unedig. Bydd Rhan I yn cael ei chwblhau cyn i‟r gwaith ar gyfer Rhan II ddechrau. Wrth ymdrin â Rhan II, dylai‟r Comisiwn: archwilio pwerau Cynulliad Cenedlaethol Cymru, ac yn benodol: y ffin rhwng yr hyn sydd wedi‟i ddatganoli a‟r hyn nas datganolwyd; a ddylid diwygio‟r ffin ar hyn o bryd; ac unrhyw oblygiadau trawsffiniol i ddiwygiadau o‟r fath; ymgynghori‟n eang ar unrhyw ddiwygiadau arfaethedig i‟r ffin bresennol; gwneud argymhellion ynghylch unrhyw ddiwygiadau i‟r setliad sy‟n debygol o gael eu cefnogi‟n eang; ac ystyried a gwneud argymhellion ynghylch y ffordd orau i fynd i‟r afael â‟r materion deddfwriaethol a‟r materion gweithredu ymarferol sydd ynghlwm wrth y diwygiadau hynny. Ni fydd Comisiwn Silk yn ystyried, yn Rhan I, gynigion Comisiwn Holtham ynghylch diwygio cyllido yng Nghymru, gan gynnwys pwerau benthyca presennol Gweinidogion Cymru, sy‟n cael eu hystyried drwy broses ddwyochrog ar wahân y mae Llywodraeth y Deyrnas Unedig a Llywodraeth Cymru yn rhan ohoni. Yn ogystal, ni fydd yn ystyried, yn Rhan II, strwythur Cynulliad Cenedlaethol Cymru, gan gynnwys materion mewn perthynas ag ethol Aelodau‟r Cynulliad. Cyhoeddodd Jane Hutt AC, y Gweinidog Cyllid ac Arweinydd y Tŷ, ddatganiad ar gynnydd y trafodaethau dwyochrog ar 10 Hydref 2011. Dywedodd y byddai‟r trafodaethau cychwynnol yn cynnwys ymgais i ddod i ddealltwriaeth gytûn ynghylch: tueddiadau o ran gwariant yng Nghymru; astudiaethau blaenorol o anghenion Cymru; a sut y gweithredir y pwerau benthyca presennol. Daeth i‟r casgliad a ganlyn: Ar ôl inni ystyried y tueddiadau gwario a‟r astudiaethau o anghenion blaenorol, ac yn amodol ar gytundeb Gweinidogion Cymru a Gweinidogion y DU bod problem yn bodoli, bydd y cam nesaf yn edrych ar y dewisiadau ar gyfer diwygio. 3 Bydd y trafodaethau hyn yn parhau ochr yn ochr â gwaith y Comisiwn ar Ddatganoli yng Nghymru, y disgwylir i Ysgrifennydd Gwladol Cymru wneud datganiadau pellach yn ei gylch cyn bo hir.4 3.3. Gwaith y Comisiwn Cyfarfu’r Comisiwn am y tro cyntaf ar 4 Tachwedd 2011 yn Stadiwm y Mileniwm. Yn ei datganiad i‟r Comisiwn, dywedodd Ysgrifennydd Gwladol Cymru: I expect the Commission to consult widely on its proposals,