Sivilingeniør Helge Hopen AS Rv.13 Skare – Bu Rv. 13, Sogn E16, Filefjell Voss E16, Bergen Bu Rv.7, Hardangervidda Fv.49, Bergen Odda Fv. 500, Kvinnherad Skare E134 Haukeli E134 Haugesund Rv.13, Ryfylke Trafikkanalyse 10. april 2021 Rv.13, Skare - Bu Trafikkanalyse INNHOLD 1 INNLEIING .................................................................................................................................................... 2 2 BAKGRUNN ................................................................................................................................................. 3 2.1 RAMMER OG PLANAR .................................................................................................................. 3 2.2 FØREMÅLET MED TRAFIKKANALYSEN ......................................................................................... 5 2.3 FRAMGANGSMÅTE OG VERKTY................................................................................................... 5 3 PROBLEMSKILDRING ............................................................................................................................... 6 3.1 RV. 13 SIN TRANSPORTFUNKSJON............................................................................................. 6 3.2 TRAFIKKMENGD .......................................................................................................................... 6 3.3 VEGSITUASJONEN ...................................................................................................................... 8 3.4 KONSEKVENSAR ....................................................................................................................... 12 4 FRAMTIDIG TRAFIKKSITUASJON ....................................................................................................... 14 4.1 FØRESETNADER FOR TRAFIKKPROGNOSE 2050 ..................................................................... 14 4.2 TRAFIKKMENGD ........................................................................................................................ 15 4.3 TRANSPORTFUNKSJON OG REISEMØNSTER ............................................................................ 16 4.4 VURDERING .............................................................................................................................. 18 5 TILTAKSBEHOV OG UTBYGGINGSSTRATEGI ................................................................................ 19 5.1 BEHOV ...................................................................................................................................... 19 5.2 UTBYGGINGSSTRATEGI ............................................................................................................ 19 6 OPPSUMMERING OG KONKLUSJON ................................................................................................. 21 7 REFERANSAR ........................................................................................................................................... 23 8 VEDLEGG 1, FØRESETNADER FOR TRAFIKKPROGNOSE 2050 ................................................ 24 Ullensvang Reiseliv 1 Rv.13, Skare - Bu Trafikkanalyse 1 INNLEIING Rv. 13 mellom Skare og Bu er del av ein samanhengande, indre hovudveg frå Kristiansand i sør til Sogn i nord. Rv. 13 er eit bindeledd mellom aust-vest sambanda E134 i sør og Rv.7/E16 i nord. I tillegg har Rv. 13 en regional funksjon ved å knyte saman Hardanger- og Voss- regionen. På strekninga mellom Skare i sør (kryss med E134) og Hardangerbrua i nord (kryss med Rv.7) har vegen særs dårleg standard. Strekninga er utsett for skredfare, men har i tillegg fleire parti med smal veg som gir store utfordringar for framkomst og trafikktryggleik. Med aukande trafikk dei siste åra har dei mange flaskehalsane langs Rv. 13 ført til omfattande problem med framkomst og beredskap i sommarhalvåret. Dette gjeld i første rekkje delstrekninga mellom Kinsarvik og Bu, der trafikkforholda om sommaren dei siste åra har vært kaotisk. Som følgje av dette har Statens vegvesen sett i verk trafikkregulerande tiltak, mellom anna signalregulert shuttleanlegg på ein delstrekning mellom Kinsarvik og Bu. I tillegg vart det sommaren 2020 innført kolonnekøyring med ledebil på tilstøytane delstrekning. Desse tiltaka har ikkje løyst dei underliggjande utfordringane med dårleg vegstandard og redusert framkomst. I normal sommartrafikk er det framleis lange køar og ventetid ved signalanlegga som forplantar seg i nye trafikkavviklingsproblem på andre delstrekningar. Den svært reduserte framkomsten i sommarhalvåret, og rasfaren heile året – utgjer ein vesentleg risiko for transportberedskap, liv og helse. For næringslivet i regionen medfører den dårlege vegstandaren uvisse omkring leveransar av varer og tenester, samt drift av samfunnskritiske funksjonar. For reiselivsnæringa er dei vanskelege trafikkforholda med å gjere regionen mindre attraktiv for kundar/besøkjande som kjem med bil, bubilar og bussar. Vidare utvikling av Rv. 13 vil bli nærare avklart i samband med handsaminga av Nasjonal Transportplan 2022-33. I den forbindelse har Ullensvang Reiseliv bedt om å få utarbeidd ein overordna trafikkanalyse som synleggjer RV. 13 sin framtidige transportfunksjon, trafikale utfordringar og behov for utbetringar på strekninga. Trafikkanalysen er utarbeidd av Sivilingeniør Helge Hopen. Bergen 10.april 2021 Ullensvang Reiseliv 2 Rv.13, Skare - Bu Trafikkanalyse 2 BAKGRUNN 2.1 Rammer og planar 2.1.1 Riksvegutgreiinga for NTP 2018-29 I underlaget for NTP 2018-29 (Ref. 1) går det fram at Rute 4c som omfattar strekninga Rv.9 frå Kristiansand, via E134 til RV. 13 gjennom Hardanger og Voss til Sogn, manglar gul midtlinje på det meste av sambandet. Det er stor skredfare fleire stader, og ruta et utsett for mellom anna utforkøyringsulukker. Hovudmålet for rute 4 c er at den: «skal være en pålitelig og trafikksikker transportkorridor mellom Sørlandet og Vestlandet, og den skal framstå som attraktiv for reiseliv og turisme. Målet er at ruta skal ha gul midtlinje fra Kristiansand til Sogndal, gjennomgående tilgivende sideterreng, være tilrettelagt for myke trafikanter ved å ha en god vegskulder samt gang- og sykkelanlegg i byer og tett-steder, oppgraderte og universelt utformede rasteplasser og ryddet sikt som gir reisen gode opplevelser.» Utgreiinga slår fast at det er viktig å prioritere: «de mest utfordrende «flaskehalsene» på ruta, samtidig som framkommelighet og trafikksikkerhet bedres gjennom økt vegbredde og gul midtlinje på hele strekningen.» Statens vegvesen kalkulerte i 2015 med eit samla investeringsbehov for Rv.13 mellom Skare og Bu på ca. 4,5 mrd.kr. fram mot 2050: Figur 1. Utrekna investeringsbehov på Rv.13 mellom Jøsendal (Skare) og Bu. Riksvegutredningen 2015 (Statens vegvesen). 2.1.2 Utgreiing av hovudvegsambanda aust-vest Det har i mange år pågått utgreiingar av kva som skal vere hovudvegsambanda aust-vest. Strategi for vidare utvikling av aust-vest sambanda vil ha store verknader for Rv. 13 sin framtidige funksjon, og er derfor eit viktig grunnlag for trafikkanalysen. Ullensvang Reiseliv 3 Rv.13, Skare - Bu Trafikkanalyse Basert på KVU-arbeidet med hovudvegsambanda aust-vest, fatta regjeringa vedtak om funksjonsdeling mellom E134, E16, rv.52 og rv.7. Vedtaket er forankra i St.meld. nr. 22 2016- 2017 om Nasjonal transportplan 2018-29 på side 112: «Regjeringen vil prioritere E134 som én av hovedvegforbindelsene mellom Østlandet og Vestlandet.» «Som den andre hovedvegforbindelsen mellom Østlandet og Vestlandet legger regjeringen opp til en funksjonsdeling mellom rv 52 og rv 7. Rv 52 vil være hovedvegforbindelse for næringstrafikk mellom Østlandet og Vestlandet. Rv 52 er allerede i dag den fjellovergangen mellom Østlandet og Vestlandet med høyest andel tungtransport. Vegen er noe lenger enn rv 7, men har bedre vinterregularitet og mindre stigningsforhold. Rv 7 vil bli satset på som hovedvegforbindelse for reiseliv og persontrafikk. Rv 7 er den korteste vegen mellom Oslo og Bergen, og det er en viktig veg for bl.a. reiselivet på begge sider av Hardangervidda. Rv 7 har også status som nasjonal turistveg. Samferdselsdepartementet og Finansdepartementet vil gjennomføre en ekstern kvalitetssikring (KS1) av KVU for rv 7 over Hardangervidda. Etter at KS1 er gjennomført vil regjeringen ta stilling til ambisjonsnivå for videre planlegging av utbedringer på strekningen over Hardangervidda.» Vedtaket om funksjonsdeling er ein ny transportstrategi som ein ikkje har erfaring med i andre samanhengar. Strategien inneber naturlegvis at både E134, rv.52 og rv.7 skal utviklast, men på kva sin måte. For E134 og rv.52 vil dette innebere å prioritere innkortingstiltak som kan redusere reisetid og betre vegstandarden, i særleg grad for tungtrafikken. For rv.52 vil det òg handle om å avlaste tettstader for tungtrafikk/gjennomgangstrafikk, t.d. Hemsedal og Gol. Betre trafikktryggleik er viktig for alle sambanda. For rv.7 kan funksjonsdelinga bety fokus på tiltak som kan betre vinterregularitet, trafikktryggleik og tilhøva for villreinen. Vidareutvikling av både E134, Rv.7 og E16/Rv.52 vil styrkje Rv.13 sin funksjon som bindeledd mellom aust-vest sambanda. 2.1.3 NTP 2022-33 I Meld. St.20 (2020-21) om Nasjonal transportplan er det lagt opp til at videre utvikling av Rv.13 skal gjennomførast i regi av Nye Veier AS. NTP slår fast at Rv.13 har lokal og regional transportfunksjon og er viktig for regionalt næringsliv og turisme. Det vert peika på dei store utfordingane med skredfare og trafikktryggleik, og Nye Veier AS vil «prioritere investeringer