Årsmelding 2017
Total Page：16
File Type：pdf, Size：1020Kb
1 av 23 ÅRSMELDING 2017 ÅRSMELDING 2017 - Sogn og Fjordane Bondelag Med ny teknologi og nye arkivsystem ligg svært mykje av fylkeslaget sitt arbeid allereie lagra digitalt. Det vedkjem både saksutgreiingar, e-postar og andre arkivverdige dokument som kjem inn til fylkeslaget. Fylkeslaget vil difor endre form på årsmeldinga. Årsmeldinga for 2017 er ei forkorta skriftleg utgåve i kombinasjon med ein video som skal synleggjere arbeidsåret 2017. Styret i Sogn og Fjordane Bondelag har i 2017 vore sett saman av Leiar: Anders Felde, Breim Bondelag Nestleiar: Ole-Ivar Aam Sognnes, Fjaler og Hyllestad Bondelag Styremedlemer: Kari Sigrun Lysne, Lærdal Bondelag Nils Magne Gjengedal, Hyen Bondelag Marianne Kvalvik Kvamme, Eikefjord Bondelag Varamedlemer: 1. Ole Bjarne Hovland, Årdal Bondelag 2. Inge Brekke, Høyanger Bondelag 3. Tor Arne Herstad, Naustdal Bondelag Året 2017 har til liks med året før vore prega av at mykje av landbrukspolitikken har vore sett i spel. Den nye Stortingsmeldinga om landbruket fekk fokus ved starten av året, avløyst av brot i jordbruksforhandlingane i mai og val til Stortinget i september. Det har vore brukt mykje tid og krefter på dialog med politikarar i mindre møte og i telefonen. Å bygge kunnskap hos dei som har makt til å gjere vedtaka på Stortinget og i regjering er og vil vere ein svært viktig jobb for Sogn og Fjordane Bondelag. Styret har hatt 9 styremøte og eitt styreseminar i løpet av 2017. Tre av møta var telefonmøte. Eitt med overnatting og dei andre som dagsmøte. Det er til saman handsama 33 protokollførte saker. Dei viktigaste sakene har vore: Innspel til ny Stortingsmelding om landbruket Fråsegn til jordbruksforhandlingene 2017 Drøfting av aksjonsformer og aksjonsberedskap Strategi for det politiske arbeidet - gjennomføring Medlemsverving – styrking av lokallagsarbeidet Regionreforma Handlingsplan 2018 – Regelverk for bruk av investeringsverkemidlane Arbeidd fram nytt utviklingsprosjekt på frukt/bær i tillegg til dei vi allereie er aktivt med i på storfe og sau Satsing på nettside og sosiale media Rovviltpolitikk – påtrykk for ekstraordinært uttak av jerv Synleggjere trongen for auka løyvingar til NVE – førebyggje flaumskader Styret har delteke på lokallagsårsmøte, regionmøte og fagmøte i lokallaga. Representantar frå fylkesstyret prøver så langt råd er å delta på alle tilskipingar i lokallaga der ein vert invitert. Sogn og Bondelag hadde pr. 31.12.2017 eit medlemstal på 3811, som er ein oppgang på 72 ! medlemer sett i høve til 31.12.2016. Fylkeslaget besto av 46 lokallag pr 31.12.17. Det vert vurdert samanslåing av lag i Gulen. To av 3 lag har positive vedtak på å slå seg saman. På nyåret har også Leikanger Bonelag teke initiativ overfor Sogndal Bondelag for å få til ei samanslåing. Endring av kommunestrukturar kan gjere det aktuelt med endring av grenser for laga og endra arbeidsformer også fleire andre stader. Samanslåing av lag må kome etter initiativ frå laga sjølve. 2 Stormøte på Skei – Ny landbruksmelding Heilt fantastisk å sjå kor mykje folk fylkeslaget klarte å samle til landbrukspolitisk debatt om landbruksmeldinga tysdag den 24. januar på Skei. Storsalen på Thon Hotel Jølster var smekk full, og folk måtte sitje i gangen utanfor. Kring 400 frammøtte. Møtet vart direkte «streama» på Landbruks- og Matdepartementet sine sider. Hovudinnleiarane i møtet var leiar i Norges Bondelag Lars Petter Bartnes og Landbruks- og Matminister Jon Georg Dale. Fylkesleiar i Hordaland Bondelag Frøydis Haugen og vår eigen fylkesleiar Anders Felde medverka også på ein tydeleg og utfordrande måte i debatten. Matproduksjon er viktig og landbrukspolitikken engasjerer. Det syner oppmøtet og dei tidvis kraftfulle, men også humoristiske innslaga i debatten. Karakteristikken av den nye landbruksmeldinga som ei helsetrøye var eit godt bilete. Stor og omfangsrik, men med mange hol – «da tolast ikkje so mange fleire hol før saumen og samanhengen i landbrukspolitikken raknar»! Trongt om plassen 3 Tydeleg skepsis til det som Landbruks- og matminister Jon Georg Dale trur på. Den 31. januar brann det varselbål over heile landet mot endringar i landbrukspolitikken. Desse bileta er frå Mo og Øyrane vidaregåande skule og Hyen. Årsmøtet i Sogn og Fjordane Bondelag Fylkesårsmøtet vart skipa til på Gloppen Hotell på Sandane den 9. og 10. mars 2017. Det møtte 52 utsendingar med røysterett. 45 av dei frå lokallaga. Frå Norges Bondelag sitt styre møtte styremedlem Arnstein Røyneberg. Første dagen var det landbrukspolitisk debatt med listetoppane frå dei ulike politiske partia som innleiarar og debattantar. Desse møtte frå dei politiske partia: Ingrid Heggø, Ap, Brit Dalsbotten, Frp, Anders Kristian Sægrov, H, Tore Storehaug Krf, Liv Signe Navarsete, Sp, Hege Lothe, SV og Sveinung Rotevatn frå V. Politikarane var utfordra på å seie på kva måte og i kva retning dei ynskjer å utvikle landbruket i fylket. Det var stort og godt engasjement frå salen. Dag 2 var sett av til innleiingar frå Arnstein Røyneberg om ny landbruksmelding og forventningar til jordbruksoppgjeret. I tillegg innleia leiar i Naustdal Bondelag, Arild Herstad om deira gode arbeid med medlemsverving. Det er kjekt når engasjementet er så stort frå salen som det var på årsmøtet i Gloppen. Flott at mange tek ordet, stiller spørsmål og kjem med meiningane sine. Hald fram med det Ein gjeng frå mange lag med pluss i medlemstalet 4 Årsmøtet i Norges Bondelag Sogn og Fjordane Bondelag har rett på 7 utsendingar pluss fylkesleiar i årsmøtet. Desse møtte: Nils Magne Gjengedal, Knut Tore Nes Hjelle, Inge Brekke, Ole-Bjarne Hovland, Øyvind Magnus Mjønerud (vara for Ole-Ivar Aam Sognnes), Marianne Kvalvik Kvamme, Kari Sigrun Lysne og Anders Felde. Marita Skeie møtte frå fylkeskontoret. Fylkeslaget har dyktige utsendingar som ikkje er «skuggeredde». Dei fleste tok ordet i møtet, anten i form av innlegg eller replikkar, slik at fylkeslaget var eitt av dei mest synlege fylkeslaga i møtet. Tema i innlegg frå fylket var storfekjøtproduksjon, jordbruksavtala, økonomien på små og mellomstore bruk, investeringspakke, omsynet til struktur og distrikt, kontingent og prioriteringar innan frukt og bær. Deltakarane frå Sogn og Fjordane på Norges Bondelag sitt årsmøte i Østfold Styreseminar i Hyllestad I slutten av september gjennomførte styret eit styreseminar i Hyllestad med innlagt gardsbesøk i Ytre Fjaler og Hyllestad. Jordbrukssjefen i Fjaler og Askvoll, Geir Grytøyra deltok på bussturen. Han orienterte om landbruket i kommunane i Ytre Sunnfjord/Sogn. Ordføraren i Hyllestad, Morten Askvik, deltok også. Hovudfokus var grovfòrdyrking i område med stor hjorteplage og mykje nedbør. Leigejordproblematikk, investering i mjølkeproduksjonen og nye næringar med besøk på gard der dei produserer øl i staden for kjøt i fjøsen. Overnattinga var lagt til Løvli Gard i Hyllestad. 5 Leiarmøte Leiarmøtet vart skipa til på Thon Hotel i Jølster. Frå Norges Bondelag deltok generalsekretær Per Skorge. Eksterne innleiarar var politisk redaktør i Nationen Kato Nykvist og leiar i Dovre Bondelag Bjørnhild Vigerust. På dagsorden stod innleiingar og drøftingar om moglegheitene for landbruket etter Stortingsvalet 2017, lokallagsarbeid, medlemsverving, forsikring og ein open spørjetime der Per Skorge, Anders Felde og Ole- Ivar Aam Sognnes svarte på spørsmål om mange ulike tema frå salen. Det møtte 41 representantar frå lokallaga pluss fylkesstyret, vara, tilsette og personar med sentrale verv i organisasjonen. Kato Nykvist, Per Skorge, Bjørnhild Vigerust og Anders som takkar møteleiarane Bjarte Nordanger og Brit Brækhus. Rekneskapsførarkurset Det årlege tema- og skattekurset for rekneskapsførarar vart skipa til på Quality Hotel i Sogndal den oktober 2017. Temakurset fokuserte på Moglegheiter og fallgruver når det gjeld handtering av meirverdiavgift. Førelesar var Terje Bakke frå Ernst og Young Advokatfirma AS. På Skattekurset var det Arnstein Tveito frå Norges Bondelag sentralt og Rune Rylandsholm frå Formuesforvaltning Advokatfirma AS som førelas. Kring 70 rekneskapsførarar deltok. Kommunikasjon I 2017 har Fylkesbondelaget målretta styrka innsatsen brukt på nettsaker, lesarinnlegg, nyhende i media og sosiale media. Det er ein styrke for organisasjonen å ha tilsett eigen arbeidstakar med kompetanse innan journalistikk. Det er eit mål å få fram verdiskapinga i landbruket i fylket gjennom bilete, video og ord. Mellom anna hadde fylkeslaget ein eigen populær adventskalendar på Facebook med positive glimt frå landbruket knytt opp mot jul. Samstundes er det eit mål å styrke kompetansen til dei tillitsvalde på ulike nivå slik at dei i endå sterkare grad enn i dag medverkar til å spreie 6 bodskapen som vert lagt ut. I tillegg til bruk av nett og sosiale media har fylkeslaget hatt fleire lesarinnlegg på trykk i lokalavisene. Dei fleste signert av fylkesleiar Anders Felde, men også nestleiar Ole-Ivar Aam Sognnes og styremedlem Nils Magne Gjengedal har hatt lesarinnlegg på trykk. Det har også vore god dekning i radio og TV. Særleg i samband med stormøtet på Skei og brotet i jordbruksforhandlingane. Sogn og Fjordane Bondelag står fram med ei tydeleg røyst både lokalt og nasjonalt. Open Gard Open Gard vart skipa til på tre stader i fylket i 2017: I Nordalsfjorden i Flora kommune, På Fjordhestgarden på Breim og på, Mo og Øyrane Vidaregåande skule på Mo. Tilskipingane gjev dei besøkjande gode opplevingar, og spreier kunnskapar om norsk landbruk. Det vert gjort ein stor dugnadsinnsats for å få til arrangementa, tusen takk til alle som stilte opp. Det er mykje positivitet rundt Open Gard, og å få til endå fleire Open