Ørskog Sokneråd Årsmelding for 2017
Total Page：16
File Type：pdf, Size：1020Kb
Ørskog sokneråd Årsmelding for 2017 1 Visjon: Meir himmel på jord Medlemar i Ørskog sokneråd 2015-2019: Lars Tore Nerbøvik/leiar (nestleiar frå nov.), Anita Vikene/nestleiar (til november), Else Karin Lianes (leiar frå november), Ragnar Elias Bakken/leiar i fellesrådet, Audun Rørstad, Monica Beate Brandal (permisjon i år), Øyvin Danielsen, Inger Wenche Lid Vethe og Liv Henny Keiseraas. Varamedlemar, Dagfrid Kjelstadli, Else Karin Fylling, Arne Abelseth. Sakshandsamar og sekretær Sonia Thorlin første halvår og Brit Skjelten frå juni. Tilsette medarbeidarar i Ørskog sokn Arbeidsfellesskapet på Ørskog har i år bestått av frå venstre: Kyrkjeverje Petra Riste Synnes, prost Svein Runde, sokneprest Kari Vatne som slutta 1. september, kantor Arne B. Varmedal, kateket Olav Rønneberg, diakon Asbjørg Oksavik Sve, kontor Brit Skjelten, kyrkjetenar og vaktmeister/reinhaldar på Kyrkjetorget Zlatan Miskovic, kyrkjegardsarbeidar Anders Sveen og på kontoret Sonia Thorlin fram til juni. I slutten av august var det avskjed med Kari Vatne med avskjedsgudsteneste og samver på Kyrkjetorget etterpå med musikalske innslag, talar og gåveoverrekkingar. Ho blir eit sakn for kyrkjelyden i både Ørskog og Stordal. Frå september fekk vi nyutdanna prest Kjetil Austad som vikar. Soknepreststillinga blei utlyst og Øystein Braaten blei tilsett i stillinga. Han kjem hit i mai 2018. Frå nyåret blir det ny vikar i Ørskog og Stordal som heiter Anders Barstad. Hovudutval for Diakoni v/Audun Rørstad, diakon Asbjørg Oksavik Sve. Utvalet har følgjande undergrupper: Besøkstenesta v/Elsa Rotnes og Brit Skjelten, Liv Mary Hatlen. Basarkomiteen v/ Dagfrid Kjelstadli, Ingunn Tenfjord (leiarar), Berit W. Pedersen, Louise Jacobsen, Ester Walgermo, Astrid Øvstedal, Reidun Aasen, Kristin Tenfjord og Doreen Strømmen. Trilletreff med babysong v/Ester Walgermo/kafé og Asbjørg Oksavik Sve/babysong. Kyrkjekaffikomitéen v/Signe Nygård og Brit Skjelten. Kyrkjeverttenesta v/soknerådets medlemar og varamedlemar. Hovudutval for Undervisning blir leia av Lars Tore Nerbøvik, Anita Vikene og Lise Vindi. Diakon Asbjørg Oksavik Sve er sekretær for utvalet. 2 Utvalet har følgande undergrupper: Dåpsopplæringsutvalet som har ansvar på 4 og 6-årsopplegget: Lise Vindi, Inger Wenche Lid Vethe, Monica Brandal, Veronica Stene og diakon Asbjørg Oksavik Sve. Lys Vaken/Tårnagentkomité v/diakon Asbjørg Oksavik Sve, Liv Henny Keiseraas, Ester Walgermo, Inger J. Grønningsæter, Veronica Stene. Andre råd og utval: Husstyret v/Sigmund Stene, Stein Pedersen, Ester Walgermo, Ingeri Madsen, Øyvin Danielsen og Mons-Olav Walgermo (sekr.). Butikkutvalet v/Mons Olav Walgermo, Marit Søvik, Aud Walgermo, Brit Skjelten og Øyvin Danielsen. Bruktbutikk- og kafékorpset rekrutterer i alt ca. 24 personar i arbeidsteam fordelt på laurdagar og måndagar. Ein gruppe frivillige er også med på å rydde og prise på onsdagar. Gudstenesteutvalet: soknepresten, kantor Arne B. Varmedal, Anita Vikene, Øyvin Danielsen og Lars Tore Nerbøvik. Blomsteransvarleg er Ingeri Madsen som pyntar med blomsteroppsatsar ved gudstenestene. KN-kontakt for Kirkens Nødhjelp og koordinator ved fasteaksjon er Else Karin Lianes. Øyvin Danielsen tok over vervet frå november. Misjonsutvalet og bibelkontakt: Ester Walgermo og Bernhard Brynestad. Kirkens SOS i M&R sin kontaktperson i Ørskog er Ireen Eriksson Sjøholt. ØRSKOG SOKNERÅD Soknerådet har i løpet av året hatt 8 soknerådsmøter og handsama i alt 56 saker. Soknerådet har jobba fram eige konsept for Grøn kyrkjelyd, gått til innkjøp av 150 nye puter til kyrkja og 50 salmebøker, planlagt avskjed for Kari Vatne og kome med innstilling til ny sokneprest, fått utført opprusting av taket på Kyrkjetorget, arrangert ein konsert med Stig Ulv i tillegg til at vi har hatt 4 andre konsertar. Elles har det vore planlegging av fellesskapskveldar, årsfest og konfirmantfest samt rekneskap- og budsjettarbeid. KYRKJA Koret i kyrkja er blitt opprusta innvendig i løpet av året med lys blå farge på veggane og eikeådring på alterert og på alterringen. Glasmåleria blei demontert for å bli reinsa og stelt. Dette skulle vise seg å vere eit stort og kostbart arbeid. Takka vere kommunale bevillingar og andre gåver, mellom anna frå Ørskog Sparebank, kunne arbeidet settast i gang med det same. I april sto kyrkja ferdig med nymala kor men utan glasmåleria. I midten av november blei dei montert på plass att og tek seg flott ut mot dei blå veggane. 3 KYRKJELYDSHUSET/KYRKJEORGET Eit stort løft er gjort i løpet av året ved at taket på heile bygninga er blitt grundig opprusta. Også sikringsskapet med det elektriske anlegget blei fullstendig oppgradert og fornya før nyttår. Fellesrådet leiger kontorarealet i annen etasje. Dei to møteromma og kjøkkenet i første etasje blir brukt ved kyrkjelege handlingar, trusopplæringstiltak, fellesskapskveldar og seminarar. Romma blir også utleigd til møter, minnesamver og anna. KYRKJELYDSARBEIDET Gudstenestene Under oppussinga i kyrkja blei gudstenestene haldne i møtesalen på kyrkjelydshuset/Kyrkjetorget. Det blei forretta i alt 31 gudstenester på søn- og helgedagar i Ørskog i 2017, av dei ei friluftsgudsteneste på Liasetra. Det var og ei felles gudsteneste med Skodje på Langskipsøya Kristi Himmelfartsdag. Eit frivillig klokkarkorps og kyrkjevertar/brannvakter er medhjelparar ved alle gudstenestene. Det er i hovudsak soknerådsmedlemane som gjer denne tenesta. Deler av året er også konfirmantane medliturgar/medhjelparar. Ingeri Madsen gjer ei særskild teneste ved å pynte med blomster til gudstenestene. Vi har ved fleire høve avslutta med kyrkjekaffi for å gjere gudstenestene til ein betre møteplass for kyrkjelyden. Ein kyrkjekaffikomité og andre frivillige har stilt med mat. Ved fleire gudstenester har det vore solistar og andre som har bidrege med musikalske innslag. Skodje kyrkjekor, Ørskog kvartetten og andre enkeltpersonar har vore med å gjort både høgtidsgudstenestene og andre gudstenester til fine opplevingar. Hausttakkefesten har blitt ein årleg tradisjon saman med Bygdekvinnelaget som pyntar med blomster, frukt og grønt og stiller med mykje god mat til kyrkjekaffien etter gudstenesta. Ein stor takk til dei for denne innsatsen. Under gudstenesta blei det nye konfirmantkullet presentert for kyrkjelyden. Andakter på institusjonar Annankvar onsdag formiddag har prestane i samarbeidsområdet, diakon og organist/kantor andakter på Steinholt busenter og på Ørskog sjukeheim. To gonger kvar vår og haust er det med nattverd. Kyrkjekonsertar I år har det vore i alt fem konsertar i Ørskog kyrkje. I mars fekk vi høyre velklingande tonar frå Skodje kyrkjekor. I september var Stig Ulv med akustisk gitar rekruttert til å halde konsert under Ørskog Bluesfestival. I desember hadde Ørskog kulturskule førjulskonsert med mange flinke utøvarar og talentar med mykje fin song og musikk. 10. desember fekk vi besøk av Ytre Suløen som held ein feiande jazzkonsert med Tricia Boutto som solist. Den tradisjonelle julekonserten blei i år arrangert og flott levert av Ørskog Brass. 4 MISJON Misjonsprosjekt Kyrkjelyden har to misjonsprosjekt gjennom NMS. Det eine går til det kyrkjelege arbeidet i Kamerun og det andre prosjektet er retta mot barn og unge i England. Kyrkjelyden har forplikta seg på i alt kr.10 000 til kvar av prosjekta pr. år. Misjon i kyrkjelydsarbeidet I kyrkja og i trusopplæringa har vi eit misjonsfokus på alle tiltaka våre, enten ved forbøn, preike, forteljing om born på misjonsfelta eller ved ofring til misjonsorganisasjonane. Konfirmantane har Misjonslaurdagen der dei får møte representantar frå misjonsorganisasjonar og høyre om arbeidet dei har fokus på. Fleire fellesskapskveldar har hatt fokus misjon. TRUSOPPLÆRING Diakonen har trusopplæringsansvaret for born i alderen 0 år til konfirmantalderen. Ungdomar frå konfirmasjonsåret og opp til 18 år er kateketen sitt område. Trilletreff med babysong Trilletreffa gjekk sin vante gang annakvar veke med babysong ved diakon Asbjørg Oksavik Sve. Mange mammaer og nokre pappaer finn eit miljø her med felles ting dei er opptekne av. Ester Walgermo har ansvaret for kaféen og sørger for god mat og drikke. Babysongen er ein viktig del av Trilletreffet, både reint musikalsk for borna, men også for samspelet mellom foreldre/born, ei hjelp til foreldra å vere gode omsorgspersonar og å hjelpe dei å vere gode formidlarar av den kristne kulturarven. 4-årstreff Det er lang tradisjon i kyrkja for desse treffa, og trufaste hjelparar i dåpsopplæringsutvalet har lukkast godt med innhaldet i dei tre kveldssamlingane og gudstenesta. Borna får innblikk i skapinga, dei får høyre om Jesus som ven og nokre av undera han gjorde. Oppmøtet på desse samlingane er også godt, og foreldra er deltakande hjelparar under forminga og kveldsmaten. Vi har tre ettermiddagssamlingar og gudsteneste i kyrkja der dei får utdelt 4-årsbok og vere med å synge. Dåpsskule /6-årsbok Borna i dette kullet var samla ein kveld på Kyrkjetorget og ein kveld i kyrkja for å høyre om Bartimeus og Den miskunnsame samaritan, og å lære om dåpen. Formingsaktivitet og kveldsmat høyrer med. Dei deltok med song på gudstenesta søndagen etter, og der fekk dei også utdelt 6-årsboka som fokuserer mykje på påska. Vi har eit fast dåpsopplæringsutval som tek ansvar for 4-års og 6-årstreffa ilag med diakonen. Tårnagenthelg for 8-åringar Ei flott gruppe 7- og 8-åringar var samla i kyrkja til klatring i det høge tårnet og leiting etter Bibelen og kyrkja sine skattar rundt omkring i kyrkjeromet. Ute på gravplassen var det også mykje å sjå. Gudstenesteverkstad og øving av tårnagentsongen stod på programmet. Borna fekk lære om nattverden